الكاتبه: LARAN❤️
عاشرنة التعب والاه والحرمان
كلها لخاطرك ولخاطر اعيونك
لسمير صبيح
( part 33الـ)
( ليالي الجحيم12:00)
مهم: لاتنسون التصويت والمتابعه للحساب دادهَ🔴"
همتڪِم بالتصويتات قلبي
وحتئ لو اتأخر عليڪِم مبقئ اله القليل للأمتحانات وتحدد المصير 🤍
ذبو نعولتڪِم حضرو الحبشڪِلات جقوني بوسه وطفرو للباااارت
………………………
.
.
.
.
.
انه المتروك انه المعيوب انه المنسي،
انه الـ ڪِلمه احبـك ضلت بنفسي👥✺.
وره طلعت ميوسه بقيت دقايق ومرت نص ساعه
لبست حجابي وشفت عبايه عدها جريتها ولبستها نزلت جوه ؏ ڪِيف ردت اطلع عبالي قوقي نايم شفته ڪِاعد
- وووووين وين وين راييييحه أيڤين
:- اريد اشرررد من الله لا يوفقڪِم حبستوني
- والله الوحش يأذييييج رجعي فدوه لا يشوفوج جماعه ابو طبره وياخذونج
:- مااارجع مارجع فتحت الباب لڪِيته مفتوح طلعت والشارع يخوووووف ضلام دامس بقيت امشي سريع واتلفت دنڪِت راسي من حسيت شي دخل برجلي
حسيت رجلين وڪِفت ڪِبالي رفعت راسي اشوف الوحش عيونه نطت حمر ويخزر ولابس قمصله والڪِبوس مالها
- اليوم وين ترحين مني
:- سد حلڪِي وشالني يرڪِض بيه للبيت دفر الباب وذبني بالڪِاع وبقئ يدفر بيه بس مو قوي
انفتح الباب واسمع صوت ميوسه
- ڪِتلته
:- التفتنه الها ثنيناتنه وانشوف وجها وشعرها مخربطه وايدها بيها دم يابس وسجينه بيها دم وڪعت السجينه وسمعنه طلقه ميوسه فتحت عيونها وعقجتهم ماشوف اله تمددتت بالڪِاع
دار راسه مني الوحش ورڪِض لميوسه شالها وذبها عليه وطلع يرڪِض حضنتها واني متخبله لتحرك لا ايد ولا رجل
وخرت العبايه منها شفت زندها مشخوط شخط وينزف دم نفس شخط اشهـَــم بالضبط
طلع الوحش يرڪِض وماسمع غير صوت الطلق والعياط وقوقي خطيه ميڪِدر يڪِوم ضل يشمر بالغراض ويصيح يجونه
حضنت ميوسه وبقيت اصرخ بلوم
:- لججج ميووووسه ڪِوومي الله يخليج عليج الله لا تعوفيني فدوه ميوووسه حبيبتي
دخل الوحش ودعنون ودخلو ثنين وجوهه مشايفتهم الوحش دنك راسه ودار وجهه مدري شهمس دنك وشال ميوسه
صعد بيها فوك وصاحني والباب واڪِفين يمه الولد ماڪِدر بعد اشرد نڪِسر ڪِل أمل بيه وخابت ضنوني
دخلت للغرفه وهوا يرڪِض منا ومنا مستعجل ويعيط بيه
- راح اجيبلج لفاف ومعقم سويها الهاا خوش
واذا مادبريها ڪِليلي اسويها انه
:- هزيت راسي واني تايهه ماعرف شسوي راح شوي وصعد انطاني الغراض وسد الباب وصاح من وراه الباب
- انه هنا واڪِف بس تخلصين صيحيني
:- غميته وعطت بحرڪِه ڪِلبي ، صاحك عزرائيل وللموت جرك نشالله يابو خيسه ابو جيفه
- بسسسج بربووووك العايقه تلحڪِين نضافتي
:- تنهدت واني اسب بي وانعله وانعل يومه ورحت لميوسه لا تحرك ايد رجل ماعرف عايشه ميته وراح اعقمها
رحت يمها اباوع لڪِلبها بي نبض يصعد وينزل بس خااافت ڪِلشي عطت بي حيل
:- روح جييييب مغذي هيييي
- وسم وزقنبوت لا تصيحين
:- لبسته ورحت لميوسه وخرت البدله حيل وشڪِيتها ڪِل قوتي ومتنها فايض من الدم بقيت اعقم الدم ولفيتها الها ونفسي لعبانه ؏ اي دقيقه وساعه اتقيئ ڪِملت ونضفت جسمها
ندك الباب ورحت سحبت المغذي وسديت الباب
اني اعرف بسوالف المغذي وهيج لأن بابا علمني من جان حسن وماما يتخربطون
رحت يمها ضربت ؏ الوريد اريد اشوف وين
لزمته بيدي ودخلت لأبره وشديت الڪِانيولا
بقيت ادور براسي اريد شي عالي
شفت بسمار مدڪِوك بالحايط صعدت ؏ الجربايه وعلڪِت المغذي وذبيت حجابها والعبايه منها ولفيت شعرها
وبقيت ڪِاعده يمهاا ولازمه ايدها وابجي خايفه اخاف وحدي منهم يارب ساعدني مو تعبت شحال امي هسه وبابا وحسسن واشهـَـــم يارب نجيني تعبت
انفتح الباب بدون حتئ ميدڪِه دخل وسد الباب وبقه يباوع لميوسه وعيونه غرغرت من الدموع
- اجت وهيه عمرها صغير وستوها مراهقه
جان واحد من الولد راد يغتصبها وهوا شارب والله ستار وصارت مثل اختنه وأمنه واڪِثر وخايف اخسرها واموت لأن ربت ويانه
:- ماعرف ليش جاسني ڪِلامه رغم حقارته
من شافني انتبهت عليه فز وانتبهه وعاط
- عينج عليها خوش
:- نجب ومعليك هي حمار
- راح اطيح حضج وربج
:- نجب لك قشمررر زوج ولك ولي
- ايا بت الڪِلب
:- انت ابن الڪِلب والجرو لا تغلط ؏ ابوي
- ومنو ابوج فد مندله
:- تروح فدوه بس لبسطالو
- عاشوو صايره تحجي نفس ذيبهـــا
:- صفنت بحجايته هذا شڪِال؟
رجعت دققت بڪِلمتي ولا أرادي ابتسمت
" اطلع برا لك حيــــوان "
- انه اعرف يمته الزمج
:- ڪِبر لهل الفاظ والاخلاق السوقيه نجب واطلع
طلع وهوا يتوعد وسد الباب شلون ناس بيئه وخيسه والله يالله رجعت ڪِعدت يم ميوسه ولازمه ايدها وادعيلها حتئ اخاف انزل جوه اتوضئ خاف يسولي شي ياربي
سندت راسي ؏ الجربايه ونفسها يصعد وينزل
مر الوقت وماحسيت ؏ نفسي ونمت واني تعبانه ورجلي تأذيني ماعرف شبيها مابيها بس احسها ناڪِعه نمت وبعد مادري شصار ماصار
صحيت ؏ صوت انين ميوسه
ڪِمزت ولزمت ايدها واني خايفه ومذعوره عليها
:- ها ها ميووسه شتردين شنو يوجعج فتحت عيونها وهيه تعقج وجها بألم لزمت ايدها واعصر عليهاا
- دجيته أيڤين دجييته مات مات يمڪِن
:- نفسه علي دجيتي!!!!
- اي بزنده وهوا شردني ڪِلالي شردي
:- بلعت ريڪِي ڪِل ضني دتهلوس بسبب الوجع بست ڪِصتها ومسحت ؏ راسها اهدي ميوسه حبيبي جوز بعدج مصاحيه
كك والألم يأذي بيج وتهلوسين منه لزمت ايدي وعصرتها حيل ونزلت دمعه شارده ؏ خدها
- لا لاا ابد والله أيڤين هوا شردني وڪِال اخذي السجين وغسليها اشردي شمنتضره لا يلزمونوج
:- بقه ڪِلبي يدك ؏ اثر ڪِلامها شدتحجي؟..
- و وو وڪِال مااغتصبتج اخذتج بغير طريقه وو واصلاً جنت شارب بوقتهااا
:- شهڪِت فازه وعطت بيها شنوو دتحجين مييووسه عود صدك لا لا جذب يجذب عليج
- لج لاا لا يحلف يڪِول مااخذتج يريد يزوجني أيڤين عزااا بعيني اذا صدك
:- لطمت ؏ خدها تريد تڪِوم وڪِعدتهااا ڪِعدديييي وين ڪِايمه
- ماعررفف ماعرف راح اتخبل أيڤين
:- حضنتها وقريت اايات اريدها تهدء تخبلت ماتعرف شنو تسوي وتتصرف بقت حاضنتني وتبجي
- شسوي هسه أيڤين شسوي
:- ماعرف ميوسه اصلا اني حرت هم
زين انتِ تتذڪِرين عن حادثه قبل بعد شغلات
- ماعرف ماتذڪِر غير الي سولفته الج والوجع الي حسيت بي ماعرف ماعرف وحتئ وضعه جان غريب واني طفله ماافهم
:- جاي نحجي واندفع الباب دخل الوحش عيونه حمر ويرجف من الاعصاب اجه لميوسه يريد يسحبها من حضني
- ڪِوووووومي ميوسه
:- لزمت ايده وعصرتها حيل
ايييييدك حيووووان عوفهاا مدتشوفها جرحها اخضر قبل ساعات هيه تنزف دفع ايدي يريد يضربني وعطت بي
"مد ايدك وشوف اله اڪِسررها واخليها بحضنك"
- اشووف منو اليڪِسر ايد منوو
:- ذبيت ميوسه من حضني وهيه تلزم بيه وتبجي تريدني اڪِعد جرني من ايدي يريد يضربني طحت وضربته حيل ؏ رجله تأذه ودنك راسه ضربته بأيدي الاثنين ؏ ضهره
- لاااااا أيڤين فدوه ڪِااافي
:- راد يرفع روحه دفرته بمنطقته توجع ودار وجهه وميوسه نتهت من البجي بقيت اهفي ؏ ايدي تأذت من الـضرب
تراجعت رڪِض بأتجاهي ولزم معصم ايدي ولفاها ، اخ اخخ ايدي عساك بالڪِسر
- ولج طڪِيتيني بربووووووووك
:- ناقص غيره وعرض من تلزمني فل ايدك عني وشوف شراويك من افعال
- صايرتلي اشهـَـــم الثاني حتئ بالحجي
:- دست ؏ رجله حيل وعطت بي
تخسسسسسئ تفهم شنو تخسسئ تجيب اسمه ؏ لسانك طاح وضربني ؏ حلڪِي واستلمني راشديات ماحسيت غير ايد لزمت ايده
واشوفه قوقي صاعد ينهت ووجهه اصفر وعيونه بيض وشفايفه بيض من الوجع
- قوقي!!!
- عوفها لخاطري راح تموتها شذنبها
- معليك التهي بروحك وبجرحك
- بس ترجع تطڪِها اطلع منا وتنساني
:- من عصبيته الوحش من ڪِلام قوقي عصر ايدي قوي يريد ينفجرر فل ايدي وقوقي يباوعلي بنـضراته يريد يهديني دار الوحش واخذ ايد قوقي خلاها ؏ جتافه وراحو نزلو
التفت ؏ ميوسه تمسح بدموعها ومبينه موجوعه
:- ميوسه لازم تشربين شي دافي لأن شته وبارده لا يلتهب جرحج والبرد يدخل لعضامج وتتأذين
- ڪِعدي أيڤين حبيبتي والله ڪِلشي ماريد
:- لازم اسويلج فد شي دافي شوربه بس هذا الوحش جوه من ڪِون جبح
- ماريد عفيه ستري ؏ روحج لايڪِتلج
:- سڪِتت وهيه سڪِتت صفنه شويه
وجان تنط خايفه وترجف
- أيڤين خايفه خاف الوحش سمعنه
ونروح بيها ويجبرني احجي
:- حتئ اني شاڪِه سمعني لازم تفڪِرين شتحجيله وشتڪِوليله
- مادري مادري
:- بقت صافنه وسمعت زقزقت بطنها فد نقهرت عليها عفتها تحجي وراي ونزلت ؏ ڪِيفي جوه صوت همس وحجي اڪِثر من صوت
دخلت للمطبخ وسديت الباب واني خايفه واخلي ايدي ؏ ڪِلبي اباوع للمطبخ ماعرف ليش اجاني شعور الخوف فجأه
دنڪِت راسي بقيت ادور بالغراض اشوف عدها عدس شي اسوي الها
ماحس اله صوت الباب مال المطبخ يرجع
التفت فازه وايدي ؏ ڪِلبي شفته الوحش منتجي ؏ الباب ومجتف ايده ويدخن ويباعلي
- اي ڪِملي ڪِملي شغلج ؏ راحتج
:- بلعت ريڪِي وتنفست سريع اهدي بنفسي
شڪِو شتريد جاي هاا اطلع برا
- صوت ماريد غلط وجاي اعبر شغلات طايح حضها منج جاي اعبر بس تصيحين هسه
اطيح بيج اغتصبج واموتج
:- تعالت دڪِات ڪِلبي بخووف يريد يخوفني
هوا متعمد يخوفني حتئ يشوف خوفي
شترررريد فضهاااا ،
وخر من الباب وسده وتقدملي وطبڪِت روحي ؏ الڪِاونتر
خله الجڪِاره بحلڪِه وحاصرني بأيده الاثنين
رجعت راسي منه لأن اختنڪِت من الجڪِاره وقربه
- السمعته تسولفينه اله وحرف واحد
ماتنڪِرين لأن ساعتها ماتحذريني شنو اسوي بيج
:- دفعته شوي من صدره حتئ يوخر
- لا دفعيييين
:- عرفته جاي يضغط عليه بقربه حتئ احجي
وعاندت وبقيت ساڪِته لأن ماعرف شيسوي من اڪِله جوز يقتل ميوسه ڪِلشي يسوي
شافني ساڪِته غمض عيونه يصبر نفس بلل شفايفه وسحب نفس من الجڪِاره
تقرب وزفر الدخان يم خدي وهوا مغمض عيونه
تقززت من حرڪِاته دفعته وجان يحجي بهمس وهوا مغمض عيونه
- لا ادفعيين لا اشعل ابوج لابو اشهـَـــم
:- فتح عيونه وبلع ريڪِه وعيونه نتقلت لشفايفي عصرت ملابسي وڪِلت بس يتقرب بعد اڪِثر من هيج اموووته قرب راسه يريد يبوسني
ڪِورت ايدي وضربته حيل ببطنه توجع
وندك باب المطبخ رفع راسه وعيونه تباوعلي بتهديد ذبيت نفس بصعوبه راح فتح الباب وطلع غسلت وجهي وتربعت بالڪِاع وڪِعدت ارجف
من الصار قبل شويه ضربت ؏ رجلي بحرڪِه
وعضيت ايدي اشهـَــم اخ اشششهـَــم شسويت بيه شصار من وراك ووره عداوتك
وبس تلڪِاني راح تذب اللوم بيه بس لا ابد
بعد وصل حدها لازم اعوف الجمل بما حمل تعببت صفنت بالڪِاع اريد بابا وين راح محتاجته محتاجه حسسن
الله ينتقم منج انوار لو مموصلته اخباري
مجان صار هل شي ومجان اخذني وبهذل احوالي بس خلي ارجع اصفي حسابي ويڪِل شخص شارك بأذيتي
مسحت وجهي ودموعي وڪِمت بقيت ادور
لڪِيت عدس وبصل وطماطه شڪِم وحده
سويت الشوربه وثرمت
ڪِملتها طفيتها واختلها بڪِاسه وماي وصمونه لڪِيت وصعدت شفت مجموعه شباب وعيني راحت ؏ الوحش
خزرني وأشرلي براسه اصعد ماجذبت خبر صعدت ؏ السريع لأن خفت دخلت للغرفه لڪِيتها صافنه بالسقف ودموعي تنزل سديت الباب ورحت خليت الصينيه بالڪِاع
ڪِعدت يمها ؏ الجربايه ولزمت ايدها وعصرتها
:- ما ڪِافي ميوسه عيونج راحت من البجي!!
- حقي اموت هم مو بس ابجي أيڤين
ميته هسه ميته احس رروحي راح تطلع راح ارجع اعيش بوهم ڪِاذب من ڪِلامه
:- مادري ميوسه هسه ڪِلشي مادري
ڪِومي اڪِلي سويتلج شوربه تقويج وهذا الموضوع مو هسه نفتحه لأن الوحش ذانه ويانه
وهستوه حصرني حتئ احجي
خلت ايدها ؏ شفايفي وفزت
- لا لاا لتحجين اخاف لتحجين ليڪِتلون الوحش
:- صفنت بغباء هستوني افڪِر مااڪِول للوحش خاف يقتل ميوسه وهسه ميوسه تخاف يقتلونه حسيت روحي حيوان غبائي بوسط ذڪِائهم وسريتهم
هزيت راسي وصعدت الصينيه ؏ الجربايه
وبقيت اوڪِل بيها وساعه اصفن واصحئ من صفنتي عفت المواعين ؏ صفحه منزلتها الوقت حييل صار متأخر ب 3 الفجر
وهسه بدت سهرتهم واخاف ؏ نفسي اخاف انزل
خاف ڪِلشي يسويلي يارب تنهدت
وغطيت ميوسه وطفيت الڪِلوب ونمت بالڪِاع
صفنت حتئ صلاتي هنا مجاي اصليها صح لأن مڪِان وبيت قذر ما ينطي قوه لأراده الصلاه
تعوذت من الشيطان ولازم اصلي وادعي
الله حتئ اطلع من هل مأزق هذا الي طحت بي
تغطيت وعيوني بدت يغلبها النوم
ڪِعدت الصبح ؏ صوت ميوسه تصيحني
فزيت الها بخبصه ؏ السريع عبالي متوجعه
- أيڤين ڪِوميني عفيه اختنڪِت من النومه هاي
:- لا تخافين عمري جرحج مبي خياط تڪِدرين تتحرڪِين سندتها وعدلت ڪِعدتها
وجها وعيونها مورمه من البجي
بقت صافنه بوجهي وڪِأنو تفڪِر ڪِامت وهيه تمشي ؏ ڪِيف صاحت من جوه سمعت بس صوت قوقي ودعنون دارت وجها وڪِالت
- تڪِدرين تسبحيني أيڤين لو تلعب نفسج؟..
:- نجبي ميوسه بله نجبي همزين الوحش
مو هنا خلي اسبحج واسويلج ريوك
نزلنه جوه ودخلت لغرفتها طلعت ملابس
وطلعتلي دخلنه للحمام وقفلت الباب
ڪِاسرت الماي وذبيت ملابسها بيها دم ومشڪِوڪِه باوعت لجسمها شحمه بيضه صليت ؏ محمد من العين ڪِعدتها وذبيت
الڪِانيولا من ايدها وبقيت اغسل شعرها
وجسمها وجنت حذره من أنو المي يوڪِع ؏ جرحها ڪِملت ونشفتها وساعدتها بلبس
جرت راسي وباستني من خدودي وراسي
- مشڪِوره حبيبتي أيڤونه تعبتج الله يوفقج
:- اقل شي الج ميوستي لفيت راسها وطلعنه
صار بوجهنا الوحش بقت نضراته تتوزع بيني وبين ميوسه هز راسه بتوعد بنضراته لميوسه
طلعت للمطبخ سوت جاي واجبان وڪِعدنه بالمطبخ بقينه نتريك ووحده تصفن بوجه الثانيه
بشرود اني اصفن بضيمي وهيه بضيمها
خلصنه ريوك وغسلت المواعين وصعدنه فوك
مشطت شعرها وبقينه ڪِاعدين نسولف
فجأه خطر سؤال ؏ بالي
:- ميوسه اريد تلفونج
- ماعندي أيڤي الله عليج سڪِتي ترا الوحش
بأي لحضه يدخل ويسمعنه
:- بقيت ساڪِته بس الفڪِره ادور ابالي
لازم اضل وراهم وراهم صار الضهر وصليت
وخليت ميوسه تصلي فوك وجاب غده جاهز
اڪِلنه ولميت السفري وهيه نامت من العلاج
؏ اثر المنوم الي بي بقيت افتر بالغرفه انفتح الباب ودخل قوقي ولازم بطنه
دخل وابتسم ڪِعد بالڪِاع وتوجع شوي
:- ليش صعدت قوقي وانت جرحك بعده
- هيج ضجت وحدي وردت احجي وياج
:- ابتسمت وڪِعدت بعيده عنه بشوي
جاي يحجي وجان يعيط بيه
- شنوو هاي رجلج شبيها ليش زرڪِه؟؟؟
:- نزلت عيوني لرجلي اشوفها زرڪِه
ومورمه انفزعت بنفره وخفت ڪِمزت ودست ؏ رجلي وتأذيت
صارلي ساعه أتاذه واني عبالي البيت وصخ وجاي اتبزز لزمت رجلي بخووف
يمه هاي شبيها قوووقييي رجلي
ڪِعدت ولزمت رجلي واشوف مڪِان صاير ازرك واسود ورجلي مورمه من جوه
تذڪِرت الڪِزاز الي دخل برجلي بقيت ادوس عليها وابجي من الوجع عافني قوقي ونزل وميوسه رايحه بسابع نومه
شوي وسمعت صوت الوحش من جوه
واني اريد اذب حرڪِتي بي بقيت ساڪِته
ورجع صاح قوي
- تعااااااااي نزلي وينج
:- عضيت ايدي وعصرتها نزلت هستوني ؏ الدرج وبعد ماڪِدرت زاد الوجع اڪِثر من مساع
ڪِعدت ؏ الدرج وهوا طلع من الصاله
شافني ڪِاعده ؏ الدرج صعدلي يرڪِض
مد رجلي ؏ حضنه وخرت رجلي وعطت بي
ڪِاااافي حيوان تلزمني بالحرام حتئ اشهـَـم مو نفسك ياخايس
- نلصمي هييي ڪِافي
:- بقيت ساڪته واعصر عيوني من الدموع
حتئ لتنزل اخذ ايدي وعقمها وحط عصاره
وشداها ڪِلها صار منضرها يخووف
نزل رجلي وبقه يباوعلي
- لا تدوسين عليها ولاتنزلين
:- عافني ونزل سريع جان لابس زي مرقط
وقمصله جلد وايده الثانيه مشدوده مادري شبيها
جان عطره قوووي حيل ولا جنه ابو المخدرات العايش بالبتاوين
صعدت وبقيت اعرج من رجلي دخلت بالغرفه
ومر اليوم هادي وبعد مشفت الوحش
ومرت 3 ايام ؏ حادثه ميوسه صار 4 يوم طڪِت روحها وعاطت بيه
- خييه ڪِافي مليت اريد اروح للسوك اتسوك بعد طبت
:- هزيت راسي وهيه راحت اخر ايام تڪِأبت روحي وحتئ مالي نفس وبقيت بس ويه صلاتي اڪِلي قل ومالي نفس تعبت صارلي اڪِثر من اسبوع هنا لبست عبايتها ميوس وراحت..
…………….
طلعت من البيت واحس روحي مختنڪِه ماعرف شسوي بس تحججت بالسوك اريد اطلع
بقيت امشي واباوع ؏ البيوت والمناطق بتعب
دخلت للأسواق اشتريت ڪِم شغله لأيڤين
وطلعت ارجع للبيت لعبت نفسي شفت جماعة ابو طبر بسرعه رحت بالفرع لا ياخذوني اله ويجبروني احجي بقيت امشي بين الافرع
ماحس اله ايد نحطت ؏ حلڪِي ونسحبت
لواحد من بيوت خرابه ندفعت ؏ الحايط
واشوفه هوااا نفسه علي
لابس زي عسڪِري واللثام مال الزي
تقربلي واني احس الخوف صار برجليه وڪِعت بالڪِاع من الخوف دنك وڪِنبص يمي ولزم خدودي واني نخرست
- والله سنوات وادور عليج
زواج ماتزوجت خفت تطلع ببناتي ادري غلطت بس العتب مو عليه العتب ؏ ابوي الڪِواد يشرب ڪِبالي وبليلتها جبرني اشرب ويا والله
:- بقيت ارجف من الخوف وساڪِته
- احجي لا تستڪِتين عفيه
:- استوعبت هوا ومنو واني وين دفعته وتوجع
- خراا بيج ميوسه
:- لزم ايدي وحضني حيل بقيت اعيط وهوا سد حلڪِي بجتفه ويعصر براسي
- سڪِتي لا تصيحين عليج الله راح اعوفج
:- ابتعد مني وباس ڪِصتي ؏ السريع وڪِام
- راح اخليج ؏ راحتج ماريدج تنفرين مني
وانتِ الي ماترحين لغيري ثقي بعلي ولا تخافين مني لا شراب عرك ولا شي وجيتي للملاهي بغايه مو اراده مني
:- رجع دنك باسني بڪِصتي ؏ السريع وهوا متوجع وراح واني بقيت بصدمتي من الي صار ربع سااعه ڪِمت نڪِثت عباتي ورحت للبيت طياره وعباتي تهف وراي اريد بس اسولف لأيفين..
………………
ڪِعدت ؏ صوت حسن يصيحني
- يلا ڪِعدي اوديج لأهلج
:- عقجت وجهي وفزيت بسؤالي ، ليش؟..
- مو ڪِتلهم مساع اجيبها وراڪِم
:- بلعت ريڪِي وتنفست تذڪِرت مساع هوا ڪِال يجيبني بليل باوعت للساعه يمه عابر الأذان ونايمه صايره ب 7
ڪِمزت ؏ السريع توضيت وصليت
دخلت للغرفه وشفتها صايره دخان حتئ حسبت شي محترك بالغرفه بس اجت عيوني عليه ذاب بلوزته وباقي بالفانيله والبجامه ويدخن
تنهدت واني اباوعله شايل ڪِلبي وخاطري عليه هواي رحت للڪِنتور ودرتله وجهي وحجيت ويا من وره خشمي ، شنو تريد من ملابس
- اي شي
:- مدام ڪِال اي شي ڪِلت اطلعله ؏ ذوقي سحبت دشداشه ڪِحليه وساعه ذهبيه وعطره وخليتهم ؏ الجربايه واني طلعلتلي بدله بينصل نازڪِه وفوڪِاها وشاح خفيف
دخلت اسبح وفڪِري ڪِله بلي صار مساع
ڪِلما اريد انسئ السالفه وانفضها من بالي ارجع اتذڪِرها مو بيدي طولت شوي بالحمام وسمعت صوته
- يلاا ماخلصتي فضيهااا
:- اي ايي طالعه لا تعيييط سديت الماي ونشفت ولفيت الخاولي حايره شلون اطلع وهوا بالغرفه حتئ مااڪِدر ابدل ملابس الطلعه بالحمام غير بالغرفه ياربي
- يلا ماطلعين شعدج طوحرتي بالحمام
:- اطلع من الغرررفه اريد ابدل
- هجم بيت التستحي
:- ڪِلبت عيوني متضايقه من ڪِلامه سمعت صوت الباب انسد طلعت من الحمام ؏ السريع ذبيت ملابسي وبدلت انفتح الباب واني انزل بملابسي دخل للحمام واني بقيت انشف بشعري
خليت مڪِياج خفيف وعطر وهوا طلع
الوجهه ميڪِصه الطبر وعيونه بڪِصته ويشمر اشمر بالغراض واني الم وراه
ڪِمل ولبس الدشداشه بقيت اباوعله بڪِل عين صلفه وجرائه عيوني من وحدها عليه راحت
ورث جڪِاره سحب سويجه وغراضه
وطلع ڪِدامي وصاح
- لحڪِيني للسياره يلا
:- راح واني لميت الغرفه طفيت اضويه البيت وسديته وطلعت وره رڪِبنه السيره وهوا يتنهد وڪِل تنهيده تشك صدره
بقينه ساڪِتين جان يدك تلفونه واڪِثر من خمس مرات رفضه اخير شي جاوب ومافهمت ڪلامه غير بس
- اي اي نفس ماوصيتك مناك تروح وتنطي
لا لا نفس الغراض يوصلهن اله وڪِله يڪِول عينه عينه مو تزلغ عيونه
:- ڪِلشي مافهمت من اتصاله ولا عرفت
درت وجهي للشارع وجتفت ايدي سندت راسي ؏ الجام اباوع للعالم
نص فرحانه ونص ممرتاحه ونص فرحتهم وسط واڪِو الحزن بعيونهم نفسي
اخذني بالي لذيج الايام من جنت ابوك نفسي
وادخل لغرفه حسن وانام ؏ فراشه وعطره
ومن ڪِبرت ڪِمت استحي منه
وهسه يذب بلوزته ڪِبالي ويحضني وانام ؏ فراشه ووو هواي شغلات صارت بليله ويوم
صحيت من صفنتي البعيده ؏ صوته
- يله وصلنه امشي ننزل
:- هزيت راسي ونزلنه لزم ايدي وقبل لاندخل همس بذاني بصوت خافت
- بيني طبيعي مفهوم
:- سحبت ايدي ولزمها وبقينه واڪِفين بالباب
ليش ابين طبيعي مو راح تتطلڪِني غير
يبين عليه ممتفاهمين
- صح ممتفاهمين ومو طايق ڪِلشي
بس سوي الي اڪِلج عليه غيره ماريد
:- سڪِتت ماعرف شجاوبه حيرني بتصرفاته
دخلنه والڪِل متجمع والوجوهه معقوجه
حتئ خالات أيڤين جايات دورت بالوجهه
شفت خالتها ريم الحيه جايه ذبيت
نفس بضيجه وسلمت ؏ الڪِل وماما تحضن بيه وبابا يشم بيه سلمت ؏ جدو وبيبي
وبقو يحجون ؏ سالفه أيڤين بنص الحجي
ودخل سجاد ماعرف وين جان طالع
بس شڪِله تعبانه ڪِامت ريم جابتله مي
حبيت حنيتها ؏ اخويه ودعيت الله
تبقه ؏ نفس هل شي بقينه نسولف وعمه تلوب ودمعتها ؏ خدهاا جان يحجي عمو
- دورنه المستشفيات دور الايتام حتئ دور المسنين ڪِلها دورناها حتئ لا سامح الله الملاهي دزيت ناس يدخلون الها وماهيه
بقه بس حل واحد ڪِدامنه
:- الڪِل فز بصوت واحد
" شنووو هوا "
:- ننتضر اتصال من عدهم ومن خلاله احدد الموقع
- وصارر لسانهم بس بالدعاء انو يتصل الخاطف أيڤ وعمو ماعجبه هل ملعوب منهم المفروض يتصلون بي يردون فديه ليش مااتصلو
دك تلفونه صاح بصوت
- بس من رخصتڪِم صوتڪِم هذا اشهـَـــم
:- الڪِل دخل بوضع صموت وينتضر
شي يفرح الڪِلوب عفت ڪِلشي وصبيت ترڪِيزي ؏ ريم
شلون الوحده الي تحب من سنين وتنتضر شي بلهفه هيج شفت شڪِلها ؏ الاتصال طبعا ريم خاله أيڤين ممتزوجه وعمرها راح يصير 30 المحمفضه والله عيب عليها
ماعرفت شنو تريد وشنو داخلها ومبتغاها
سڪِتت ووشتت عيوني عنها واني اسمع ڪِلام عمو
- ها عمي ، لا لاا ماموجودين اااه يالله تحجيي صدك بابا اشهـَــم لو تتشااااااقه؟؟
:- الڪِل فز واولهم اني لأن صوت عمو
صار عالي ومو طبيعي عمه صاحت
- هاا هاا محمد شصار لڪِوها
:- ثواني قليله ورجع عمو انطفئ صوته وملامحـه نطفت بحزن باوع لعمه ومد الها التلفون وهوا يفرك وجهه
- نيسبــج يريدج
:- اخذت التلفون عمه واني طلعت وراها شفتها فتحت سبيڪِر وبقت تحجي ويا واسمع صوته رايح مشحووط وصاير خششن وثخين بالزايد
::- يمــه حالي نشل وراها يمــه
- الله يعينك عمه حالي ارده من حالك
::- يمـه البيت صاير مابي صدئ وراها
ول حتئ النفس يصعب عليه ثوبهـا بالڪِنتور ياذي عيوني
:- عمه بقت تبجي وتستمع اله
::- يمه من ترجعون لبيتڪِم اريد احدر يمڪِم
- هلا بيك عمه حبيبي
:- سلمت عليه وسدت الجهاز التفت وشافتني رحت شمرت روحي بحضنها وابجي وتمسح ؏ راسي
- الولد متخبل عليها راح يموت لو يصير شي بي
:- دعيت بڪِلبي ، عسااه
وخرت من حضن عمه لا انوب يصعد ضغطها
من وره البجي ولازم واحد يقويها ويساعدها
دخلت جوه وسولفت الهم ڪِلام اشهـَـــم
ريم عقجت وجها بنفره وضوجه
وبقت تهمس بين شفايفها مادري شنو ماسمعت
شويه وراحو واني ردت ابات
ڪِمت طلعت وراهم اودعهم سحبني حسن
؏ صفحه بالحديقه دنك راسه برڪِبتي وشماني
وطبع بوسه خفيف رجف وعصرت ملابسي
خله بأيدي فلوس وزفر الدخان بنص وجهي وراح
بقيت اباوع وراه واتنهد ماعرف شنو الخلا
يلتفت لشوفتي ويطول بنضرته طلعو واني صعدت فوك لغرفتي غيرت ملابسي لأن عندي ڪِم لبسه شفت مروه بالغرفه ڪِاعده
خطيه الف مره تعطل زواجهم بسبب الضروف
بس الحمدلله نمشي ويه مثل
(( ڪِل تأخيره وبيها خيره ))
بقيت ڪِاعده اباوع بالتلفون صعدت ريم تسولف وياي ؏ سجاد وشلون يتعامل وياها بحنيه ويوفر طلباتها بقينه نسولف وهيه نزلت جوه يصيحها
صار الليل ڪِلش وتعشينه نزلت جوه لغرفه بيبي اسمعها تنعي وتبجي دخلت للغرفه وخاله شيلتها ؏ حلڪِها
- أيڤينه يبيبي وين صفه بيج الدهر
شصار بيج بحالج يبيبي رجلج راح يتسودن عليج
:- عقجت وجهي معقوووله اشهـَـــم يحبها!!
مووو؟؟؟
نفضت ڪِلشي من بالي وتراجعت من غرفتهم
طلعت بالحديقه وڪِعدت اڪِلب بتلفوني
طلع رقم ندئ بت خالي اخت عماد ييمه مشتاقتلها شعجب اتصلت جاوبتها بساع
- ها ولج نويراا
:- امشي لج بذاته حتئ متتصلين
- بعد دراسه وسادس صعب تدرين وراح تجي امتحانات اخر سنه
:- اي والله صح شلونج؟..
- زينه اڪِلج ماتجينه باجر؟
:- ليش صاير شي
- لا مو باجر جمعه بنات راح تصير ونريدج ويانه
واذا تڪِدرين جيبي أيڤيني وياج
:- نصدمت شنو ميدرون بيها ردت احجي
بس تراجعت ڪِلشي يصير وخاف ترجع أيڤين ويبقوت يحجون عليها بيت خالي واعرفهم
مادري اشوف امي واڪِلج
- من هسه اڪِلج خالتي موافقه
:- ماشي باجر العصر اجيج
- راح ادز عماد يجيج
:- هاا لا لا ماريده اخلي سجاد يجيبني
- شسالفه حبيبي مبيناتنه هل رسميات
راح ادز عماد يجيبج
:- بقيت ساڪِته وهيه راحتَ اذا ماما قبلت
حسن اڪِيد ميقبل صفنت ثواني هوا شعلي بعد اذا حاسبني لا شيء بحياته
دخلت جوه اريد انام واتصل حسن
رجعت طلعت بالحديقه وصارت بارده جاوبته
- بعدج ڪِـااعده؟..
:- تنهدت واني اڪِعد ؏ الڪِرسي
اي ڪِاعده ليش بعدين ليش انت ڪِاعد؟..
- هيج مخنوك
:- عصرت ايدي وڪِلبي ماريد اسئله ليش
- ماڪِتيلي ليش
:- الله يريح ڪِلبك جزيتك من حياتي
- ها هيج الحجي
:- اي
- تمام يلا روحي نامي
:- سديت الاتصال منه بسرعه لأن اختنڪِت
اخذت نفس طووويل من الهوئ ودخلت جوه نمت
ڪِعدت الصبح تريڪِت وانطيت خبر
لماما من الصبح ؏ الروحه قبلت بس قبلها ڪِالت
- انطيتي خبر لرجلج؟..
:- اي
- وقبل؟..
:- اي هزت راسها وبدلت وطلعت من سمعت هورن السياره صعدت وره ويا وڪِل ضني
عماد نساني فقط خطبه واعجاب وراح
ثبت المرايه عليه وهوا يمشي
- اي شلونج انوار مرتاحه؟..
:- اي الحمدلله
- شلونه وياج حسن مداريج بحرڪِاته لا
:- شنووو
- عنيف وياج لو زين
:- اتوسعت عيوني بصدمه من ڪِلامه شدتحجيييي هيييي متستحي شدتمسلت
- سؤال عادي
:- رجعني من الله يطيح حضك ياخنيث وناقص
بقه ساڪِت ويمشي
جنت صافنه بڪِلامه
بعدين انتبهت للطريق مو منا بيت خالي
هيييي هي وين ماخذني عماد
- هسه تشوفين
:- بقيت اعيط وهوا يمشي ، وين احنننه
- ببيوت المنصورره اسڪِتي
:- طبڪِنه يم بيت ونزل وسحب ايديِ
واني ادفع بي ، عووووفني عوووفني عماد حقيررر وين جايبني
- صوتج
:- دخل للبيت ودفعني وبقيت اصرخ من الخوف سد حلڪِي وحضني من خصري وشالني من الڪِاع دفع باب المدخل ودخلني مشه بيه لغرفه دخل وذبني ؏ الجربايه وقفل الباب
واني تخبلت بقيت اصرخ وافرفخ واغلط
لك حقييييييير عوفنيييييي الله لا يوفقك
نااااااقص زمال وصصصصصخ جلب عووووفنيييي
تقرب عليه ونام فوڪِي بقه يبوس برڪِبتي
واني اشيل روحي وارڪِعها بالڪِاع شك دڪِم قميصي دفرته برجلي بمنطقته
طاح بالڪِاع يتلوه سحبت جنطتي وشردت للحمام ردت اقفله وبقه يدفع بالباب واني وراه
واني اعيطط من الخوف وڪِلبي انتهئ
راح ينغمي عليه طلعت تلفوني والجنطه طاحت بالڪِاع طلعت رقم حسن واتصلت عليه
- فتحييييييي الباب طلعيييي ماسويلج شي
:- ايدي ترجف و؏ اي ساعه يوڪِع المبايل
اجاني صوت حسن واحس فرفح ڪِلبي
- الوو
:- حسسسسسن الحڪِليييي فدووووه
حسسسن ساعدني راح يعتدي علييييه تعال
اجاني صوت صريخه بفزعه
- منووووو منوووو احجيييييي
:- ساعدني حسسسسن عماااااد راح يعتدي عليه
- وووووووين انتِ يالڪِعبه ووووويييينج
:- بقه يدفع بالباب قوي واني قوتي راح تتبخر من الخوف ، بالمنصورررررر انيِ
- خلي الخط مفتوووووووح حتئ اندلج
لج خلييييييييييي جاي
:- بقه الخط مفتوح وعماد يصيح
- فتحيييييي الباب لج ڪِح** بعد مااسويلج شي مايرحمني حسن بعددددد فتحي الباب
:- درت جسمي ودفعت الباب حيل ونسد وقفلته ڪِعدت وره الباب ابجي واصرخ من الخوف
مرت نص ساعه واسمع صوت حسن وعياطه وتڪِسيير
- وووووووينج موتيني راح توڪِفين ڪِلبي
:- فتحت الباب واني ارجف طلعت ارڪِض
وشمرت روحي بحضنه شالني من الڪاع وهوا يعصرني بحضنه قوي
- شسوووووالج وينه وين راح شطلعججججج
ولج اخذتي ڪِلبي بصريخج بابا
:- بقيت ساڪِته ماعرف شجاوبه وخرني من حضنه وباوع لملابسي لبسني القمصله مالته وباوعلي بصدمه
سحبني من ايدي وعدل حجابي طلع بيه بدون ميحجي شي صعدني بالسياره وشخطها قوي واني حاضنه نفسي وابجي وارجف
ڪِله جاي يطلع بيه اي اي ڪِله والله
بقه يمشي سريع وصلنه لبيتنه دخل وخلاني بالحديقه وراح دخلت جوه والوجوهه عليه صارت صعدت فوك والڪِل يعيط عليه
والبنات صعدن لزمني دفعتهن بضعف صعدت فوك دخلت ڪِبل للحمام ڪِعدت جوه الماي اني وهدومي وقمصلته
والبنات وماما فوك راسي وعماتي مر وقت يحجن وياي ماما ضربتي ؏ خدودي تريدني اصحئ وبعدني صافنه
سديت الماي وڪِمت اباوع الهن ماسمع
غير صرخت بيبي من جوه طلعو يرڪِضون
واني نزلت وراهم خايفه خاف حسن قتل عماد نزلت واسمع الخبر الي شلني بمڪِاني
اسمع عمه تصرخ وفؤاد يعيط من التلفون
وعمه تصرخ وتبجي وخبصه
- عمممممممممه حسسسسن عمه ررراح ابني حسسسسسسن عمه رررررراح وليدي
:- بقيت اسمع العياط وصوت فؤاد تهدمت وطحت بالڪِاع وجسمي يرجف جان..
ييييييييييتبع
.
.
.
.
.
.
.
.
.
مشتتتاقين
اعرف الصدمه ڪِارثيه بس صبرو عليه
ببارت 34 راح انزله نشالله الاحد
لأن اريد اختم القصه قبل امتحانات نصف السنه
اشترڪِو بقناتي التليڪِرام
انشرر ڪِلشي هناك يخص القصه
ووحده من بطلاتي بالڪِروب🙈❤️
#اطرح_وانصح
اتقاء الله
النصيحه: اتقو الله بڪِلشي تسونه بتصرف بڪِلام بفعل بڪِلشي دارو لسانڪِم وعقولڪِم قبل النطق ترا هاي السنين الي دتعيش بيها هاي فانيه راح تنتهي تبقئ دنيتك الڪِبر والأخره
فـ تعود تتقون الله اول شي بلسانك لأن اڪِثر شي جارح هوا اللسان قبل الافعال فدارو لسانڪِم وعقولڪِم وافعالڪِم لأن الله يسجل🤍
تابعو حسابي الانستا
تابعو حسابي التيك توك
حسابي التلي هناك ندردش❤️
لا تنسون التعليق بين الفقرات مهم
مهم: لاتنسون التصويت والمتابعه للحساب دادهَ🔴"
يلاا
في أمان الله وحفظه
الكاتبه: LARAN❤️