مُنقذي ومُعذبي

بارت 15

بسم الله الرحمن الرحيم 💗💗
قَناة التلي @Arran0

‏لا أنت بعيدٌ فأنتظرك،
ولا أنت قريبٌ فألقاك،
ولا أنت لي فيطمئن قلبي،
ولا أنا محرومٌ فأنساك،
أنت في مُنتصف كل شيء
—————————————

- انت مريض

اتقرب مني و جرني اله و همس بصوت ناصي - اي مريض بيج

- ايع شكد مُقزز انت

ضحك و سد الباب

صيحت بصوت عالي - شدتسوووووي

- اشش ولا حجاية

فتحت الجنطة اريد اطلع منها موبايلي جرها من ايدي

- شتريد مني محمووود

- اريدج ..

- محمود كافييي روحح محتستفاد شي من تسووووي هيج

- بابا اريييييدج بعد ماتحمل حياتي بدونج تعبت شبيج تعبت اريدج يمي اريد نرجع و نتزوج ماكدر اكثر من هيج ارييدج فيروووز اتنفسج انيي و تخيلي اذا انتي ماكو شيصير بيه داكلج انتي اوكسجيني

- تحبني و هيج سويت لك عفت كلشي ع صفحه و كلت عادي شلوون اتهكر جهازي و تاخذ صوري

- من اشتاقلج اشوفهن بس هيج

- ههههههههههه ولله ضحكتني

حسيته بده يتهستر و وضعه مو طبيعي ابد خفت شلون اتصرف ويا حاولت أهدي بديت احجي بصوت هادي و احاول اتفاهم ويا بس ميفيد

- زين فدوه بس افتح الباب اختنكت اريد اروح

-  ماكو روحه ماكو تبقين يمي

- صارر ساعه نحجي نفس الحجي فدوه ختنكت

- لو ترجعيلي لو انسي نطلع منا أخرتنه نموت هنا

- كافي و الله اختنكت مداكدر اشتم الهوه

بديت اجر النفس بصعوبة دكات گلبي تتسارع اكثر و اكثر ضلينه ساعات ع نفس الحالة

……...……...….…….
سجى:-

اجاني اشعار شفته من علي كاتب
- حضري روحج جاي

كمت سبحت و كملت
طلعت كعدت ع الميز خليت مكياج و لبست بنطرون عريض و قميص
نزلت بالصالة لكيت بس امي موجوده

- وين ابويه لعد

- عنده شغل يتأخر

- تره حيجي علي

- ي كلي ابوج ،، اني صاعده رجلي موتتني اتعذريلي منه

- خوش ارتاحي لعد

صعدت امي ورا شويه اندكت الباب عدلت شعري بلمرايا و طلعت

فتحت الباب ابتسم اول مشافني و كال - هلاو

- هلا بيك اتفضل

- منطلع

- ميحتاج عبالي ابويه موجود بس طالع اكدر احجي براحتي

دخل للصالة و كعد
- اخذ راحتك بس اجيب چاي و اجي

رحت للمطبخ قبل شوي امي مسويه چاي ف بس حميته شوي و صبيته و خليت ويا كعك و معجنات
دخلت للصاله و خليت الصينية ع الميز

- شهلزحمه

- لا شسالفة ، بلعافيه

- يي شعجب عزمتيني

- اتوقع لازم نحجي

- بشنو

- كمل چايك علي

بشربة وحده كمل چايه كله خله الاستكان ع الميز و كال - غردي

كمت و كلت - انت ضل بكلشي مستعجل و بكلشي غردي و احجي و شكو و شتردين اسلوبك فدد ينرفزز و عود بارد و كذا حته طريقتك بلكلام تنرفز ياخي ولله ماعرف شكول

- شبييج

- شبيه يي شبيه يعنيي تعزم اهلي و متكولي  تحدد موعد العرس و متكولي لكك انت حته خطبتني و مكتلي اصلا لو مبقيها اليوم العرس ياله تكلي بلموعد احسن هاا

كام وكف كدامي و خله ايده ع خصره و كال - يي ولله خوش فكرة بيوم العرس اكلج

- علييييي ، شبيك انتت يعني ناوي تخب...

دنگ عليه و قطع كلامي ببوسة ع شفتي بهللحضه احس نفسي انقطع و تسارعت دگات گلبي

ورا كم ثانية دفعته عني و كتله - هااي شنو

- بوسة

- لا شكرا ماجنت ادري.. ليش بستني

- ردت اسكتج شسوي

- و منو انت وتبووسني

- رجلج

- هه علي ممكن تروح ؟

- اسف انسي رايح

طلع وحده و بقيت جامده بمكاني و بعدني مصدومة اول مره بحياتي اعيش هيج شعور اول مره امر بهيج شي بقيت صافنه مثل المطي مادري شبيه انثولت
انفتحت الباب نزيت طلعت امي

- هاي شنو راح

- ها يي هسه راح

- ليش يمه بعد وكت

- عنده شغل

- خوش لمي الاستكاين لعد

- هسه

شلتهن و جسمي يرجف بلكوه كدرت ما اوگعهن
وصلت للمطبخ غسلت ايدي و وجهي

………………
فيروز:-

- كافي محمود راح اموت فدوه افتح الباب خلي اطلع

- اليوم ماكو طلعة منا لحد ما ترجعيلي

تفلت ع وجهه مسحها و ضحك كال - اموت عليج بس اذا تضلين هيج يتغير اسلوبي حبيبتي

- لككك انت مرييييض مو صاحيي اكرهكككك

- احبج

ضليت مغمضه عيوني و ادعي نخيت الامام الكاظم و ادري بي ميردني خايبه و بهلاثناء دك موبايلي شافه محمود و رفضه ضل يدك اكثر من مره ركع الموبايل ع الكاع حيل خلاني اصيح

- شبيييييييكك ليشش سويتت هيج

- عاصف ها ،، شعندج ويا خير

- لك بابا انت شعليك بيه شعليك بحياتيي كافيي اطلع من حياتي الله ياخذذذذك

ضل يصييح و دفرني بلكاع ضليت كاعده بلكااع و ابچي الحمد لله نفتحت الباب و اجت ملك !
مجنت متوقعه اطلع سالمة منا كمت حضنتها و ابچي و اعيط
- راح اموت اختنكت طلعيني منا عليج الله

- لج فيروز شديصير اهدي يروحي هسه نطلع..  شوف محمود هسه اجي اني و احسابك بعدين فهمت

طلعتني و صعدتني بسيارتها نزلت الجامة و جان اكو بطل مي نطتنيا شربت

- فيروز ضلي هنا و اهدي اني هسه اجي

- تمام

بقيت وحدي بلسياره مقربه راسي ع الباب حته اشتم هوه ورا شويه شفت محمود طلع و ورا طلعت ملك و قفلت الصيدلية و اجت صعدت بلسيارة

- شصار ؟

- هسه انسي كلشي و خلي اوديج للبيت ارتاحي

- ماشي بس ماريد امي تعرف و تنقهر بيناتنه تمام

- تمام حبيبي امشينه هسه

………………………
ايهم:-

كاعدين ع المسطبة اني و زينة و نباوع ع نادين و هيه تلعب

زينة: شكد حلو ثلاثتنه سوه دتشوف ندوش شلون فرحانه

أيهم: يي ان شاء الله متفاركها هاي الضحكه

زينة: طول ما احنا سوه متفاركها هاي الضحكه

أيهم: اعرف لوين تردين توصلين ف سدي السالفة احسن مالي خلك احجي جاي العب بنتي و اولي

زينة: مقصدي شي انت فهمتني غلط..

اجت نادين بأتجاهنا و صاحت - باباا

أيهم: ركضي ع كيف حبيبتي

نادين: اريدد ثبس

أيهم: تأمرين حبيبتي هسه اجيبلج .. و انتي زينة رايدة شي

زينة: جيبلي ذرة مشتهيتها

أيهم: هسه تدللون ... بابا انتي كملي لعب هسه اجي اني
عفت غراضي ع المسطبه و گمت للمحل اشتري...

………………
فاطمة:-

جنت ضايجة ف كمت سويت كيكة و خليتها بلفرن
كاعدة بلمطبخ انتضرها تصير و فجأة اجه ع بالي أيهم كلت اخابره اشوفه وين

اتصلت عليه اتأخر ياله رد

- الو أيهم

ردت عليه بنيه كالت - الو منو تفضلي

- عفواً بس هذا مو رقم أيهم ؟

- يي حبيبتي اني زوجته تفضلي موكلة عنده انتي لو شنو هسه هو مشغول شويه تردين شي تفضلي كوليلي

- ها .. لا هيج اعتذر اخذي راحتج اني اتصل عليه بغير وقت

سديته و صعدت لغرفتي
بقيت مصدومة ليش تكول زوجته معقوله بعدهم ممنفصلين و جان يچذب عليه ليش موبايله عدها جنت افكر و حيل معصبه ف فتحت الواتس دزيتله رسالة كتبتله

- اكرهك بلوووك
وانطيته حضر

شمرت الموبايل ع الجربايه و رجعت اشوف كيكتي
لكيت امي بلمطبخ واكفه يم الكيكة

- استوت و طفيتها بس تعاي طلعيها

- اوك

- شبيج گالبه وجهج

- ماكو شي حبيبتي

- ان شاء الله خير

………………
أيهم:-

- ندووش بابا تعاي جبتلج جبس

- ثكرا بابا

- يلا اكلي و كملي حته نروح .. هاي الذره زينه

- عاشت ايدك زحمتك

- لا شسالفة .. هم اجاني اتصال؟

- يي مادري يمكن موكلة عندك ضلت تتصل هواي جاوبتها كالت بعدين اخابره

- منيه

- مادري من نرجع شوفها

- خوش

كملو اكل و طلعنه رجعتهن للبيت و اني رحت لمكتبي كعدت ع الكرسي فتحت الموبايل لكيت فاطمة دازتلي رسالة كاتبه اكرهك و حاضرتني
ضليت اتصل عليها ع الخط متجاوب دزيتلها رسالة

- شبيج يمعودة
رجعت اتصل عليها ورا 10 مكالمات ياله ردت

- شرايد

- شنو اكرهك شنو تحضريني شمسوي اني

- روح لمرتك عيب تحاجي غيرها استحي شويه

- هاي شبيها هاي بابه منفصل يا مره تحجين عنها انتي

- ايي منفصل و تكلي اني زوجته

- شنوو باعي ماعرف شجاي يصير بس اني جنت بمدينة العاب علمود نادين عفت موبايلي اشتري النادين و رجعت زينه كلتلي اتصلت عليك بنيه عبالي موكلتي لو شي ف غلست ماعرف شكلتلج و هيج عصبتج بس ع العموم اني اسف

- خلاص أيهم انسه

- فطم اني ماضام شي عليج كلشي جنت ضامه حجيته ولله لتشكين بشي بعد

- خلاص تمام رايحه بعدين نحجي

- براحتج

………………………
سجى:-

واكفة اشتغل وي امي اجاني اتصال من رقم غريب عفت الشغل و كلتلها
- ماما اشوفه منو و ارجعلج خوش

طلعت للصاله رديت - منو؟

- سلام عليكم خيتي اني عاصف عرفتيني

- اهلا خويه تفضل

- اخذت رقمج من علي خو ماكو مشكلة

- خير خو ماكو شي

- ردت اسألج ع فيروز اتصلت عليها اكثر من مره رفضته و اخر شي انغلق خو ماكو شي

- مادري ولله بس هسه هيه المفروض بلبيت هسه اروح اشوفها

- خاف زحمه

- لا اصلا اني ضل بالي لازم اشوفها

- رديلي خبر فدوه

- ان شاء الله
سديته و رحت للمطبخ و كلت لامي ماتأخر اشوف فيروز و ارجع
لبست عباتي و طلعت تمشيت لبيتهم و صلت للبيت فتحتلي الباب مرت اخوها سارة

سارة: هلا تفضلي

سجى: هلا بيج فيروز هنا؟

- يي بغرفتها تفضلي

- تمام حبيبي

دخلت سلمت ع امها و رحت صعدتلها للغرفة دكيت الباب

- تفضلي

- فيروز

- سجى تعاي

- ليش دتبجين

حضنتني و ضلت تبجي اكثر تبچي بدون صوت حته محد يسمع

خليت ايدي ع راسها و كلت - ولجج فيروز احجيي شصايير

مسحت دموعها و كعدت ع الجربايه و كعدت بصفها

- سجى محموود قفلل الصيدلية علينه سجى متت خووف حسيتت راح يوكف گلبي

- يااا ادبسززز شلونن يسووووي هيج فيييروز

- ماادري مادررري يريد ارجعلللله

- عزا العزاه ابن الك** لتنقهرين يروحي اهدي حبيبتي اهدي

- ماريد احد من اهلي يعرف تمام

- تمام هاهيه

مسحتلها دموعها و هديتها
- ماكدر اتأخر اكثر امي تريدني بس ديري بالج ع روحج و طمنيني عليج خوش

- ماشي

……………….………
عاصف:-

كاعد بمكتبي انتظر اتصال سجى و بحلگي الجكارة

دك موبايلي ( سجى ) رديت بسرعه

- ها خيتي بشري

- ولله ماعرف شگول هسه هيه زينه بس

- بس ؟؟

- يمكن متقبل اگولك بس مضطره اكول لان الصار مو قليل

- احجي شنو الصار

- تعرف محمود

- ايي

- قافل باب الصيدلية عليهم و يكوللها الا ترجعيلي و من هلكلام بعد ماعرف شلون دخل كلشي ماعرف اصلا جان وضعها ميساعد تسولفلي كلشي

سديته بوجهها و شمرت الموبايل ع الميز و كمت

- مؤيييييد

- نعم سيدي

- انه رايح للنجف عندي شغل

- بس سيدي

- لا بس ولا بطيخ عندي شغل مهم

أخذت الموبايل و السويچ و طلعت ركبت بلسيارة و انطلقت للنجف ..

………………
سجى:-

دزيت رسالة ل علي رضا كتبت بيها
- شنو انت ما عندك غيره عليه شلون تدز رقمي الزميلك بلعمل ترا جنت تكدر توصل كلامه الي انت

ورا شويه شافها و اتصل رديت
- الو

- لتجفصين فهمتي احجي عدل

- عفواً

- دااكلچ لتجفصين شنو ما عندك غيره

- شنو كلت شي غلط مثلاً

- حمدي ربج عندي شغل .. يله بعدين بعدين يصير خير ان شاء الله

- ان شاء الله

يرببييي هذا شبيي متخبل عليه بالبداية مو جان حباب شسوا هييج ادري احدد دازه علييه شبي هذا صبرني يا اللهي شلون حكضيها ويه هذا

…………………
عاصف :-

تقريبا ساعة و وصلت للنجف رحت لمكان شغل محمود هو يشتغل بمحل موبايلات دخلت للمحل و سديت الباب

- شعندك هنا

- جاي اسولف وياك حبيبي

- اطلع برا

اجه يم الباب يريد يفتحها جريت ايده و لويتها

- اكسرها الهاي ايدك اللزمت بيها فيروز اذا تفتح الباب خووووش

- بابا انت شعلييييك بكلشي مخليي نفسك منو انت و تتدخلل بينه

- لككك بابا الييي سويته مو قانوني انت احتجزت بنيه بمكان شغلها غصباً عنهاا دتفهمم لو لا

- ماعندك دليل

- لك شكد كو** انت

- و هسه شرايد

- شوف و ابو فاضل اذا بعد سمعت بيك مسوي شي الفيروز لو الأي شخص مأذي قسماً بالله نهايتك ع ايدي

- هسه اتوكل رجاءاً

- اني كتلك ترا و كلامي ميصير اثنين فكر زين احسلك

فتحت الباب و طلعت ركبت بالسيارة و اتصلت بفيروز

- الو

- من يصير شي وياج تجين تكليلي فهمتي لو لا

- شبيك

- شنو شبيه متعرفين تكليلي بلسوا محمود

- شمدريك انت

- عرفت و خلاص

- سجى كلتلك مو

- مالج دخل المهم من يصير شي تكليلي

- عفواً بصفتك منو

- لا تكفرييينه شبيييج رحمه للكعبة

- لا صدك بصفتك منو يعني

- بصفتيي الكو** الي صاله شهر طايح حضه من وراج

- مجابرتك تساعدني ترا

- اها هييج يله اني اترخص لعدد

- الله وياك عاصف

سديته و شغلت السيارة و رحت بطريقي لكربلاء

……………………
فاطمة:-

كملت عشه اني و امي و غسلت المواعين و كملت صعدت لغرفتي اشوف مسلسل اتصلت عليه سجى

- ها حب

- اكلج عندج شي لو فارغة

- معندي شي ليش

- لعد راح اخذ فيروز و اجيج

- هلا بيجن

- صارت سالفة بعدين اكلج شنو بس لازم نغيرلها جو شويه خطيه

- شصاير

- من اجي نسولف رايحه اخذها لعد

- يله انتضركم

نزلت للمطبخ حضرت صينيه بيها ببسي و جبس و كرزات و صعدتها للغرفة ورا ربع ساعة  اندكت الباب
فتحتها الهن بوستهن و صعدنا فوك

فاطمة: شبيج فيروز وجهج اصفر

فيروز: شحجي و شگول يول محموود اليوم حبسني بلصيدلية

فاطمة: ياااا شنوو

فيروز: ولله طبيت للصيدلية لكيته كبالي سد الباب و شمر موبايلي و دفعني خبلني حرفياً خبلني

فاطمة: شيييريد منج هذا

فيروز: يريد نرجع تخيلي

سجى: شكد ميستحي

فاطمة: شكدد سا** و سر** لعدد

فيروز: يي ولله

سجى: زين شلون اخذ المفتاح اكيد ملك نطتهيا

فيروز: ما اعرف اي شي ولله باجر اروحلها و اعرف السالفة لان مداافهم اي شي بس تعبت

فاطمة: يروحي الله يساعدج الله يعلم شصار بيج هناك

سجى: هسه سدن سالفة هذا الحيوان خلي نتونس طز بي

فيروز: اي ولله ياريت منجيب سيرته

فاطمة: يي خيولي

سجى: بنات

كلنا ثنينه ها سوه و ضحكنه

سجى: شسمه اليوم علي باسني

فاطمة: منين يعني

سجى: شسمه جنت داحجي و باسني

فاطمة: يااااا

فيروز: شكو يا غير رجلها

سجى: احنه حب منحب بعضض يا رجل داده

فيروز: يجوز بده يحبج

سجى: لا يمعوده فد مكروه شيحب هذا البارد هو مال حب هذاا

فاطمة: ها سجى هاا باسج و كذا

سجى: يوو لو ادري ساكته احسلي

فيروز: ههههه خطيية يول لتخجليها

سجى: شخجل ايع حرامات اول بوسة بحياتي من عنده

فاطمة: ولله انتو سالفتكم غريبة ماعرف شحجيي

فيروز: اي ولله مينعرفون شنو همه

سجى: باعن التهينه بلسوالف هسه ابويه يخبلني خلي نرجع فيروز

فيروز: اوكفي اصيح لحسين يجينه اخاف اكو چلاب بالشارع
..

اتصلت فيروز ع حسين و كلتله يجي ورا كم دقيقه اجانه حسين و طلعنه تمشينه
وصلوني للبيت و راحو دخلت للصاله لكيت ابويه كاعد ردت اصعد صاحلي

خلدون: سجى

سجى: ها بابا

خلدون: شنو معناها مره متزوجة تاليي الليل يوصلها رجال غريب

سجى: بابا اخو فيروز متزوج و فيروز ويانه ترا ردت نرجع وحدنه بس كلنه خاف اكو چلاب

خلدون: و شكوو يوميه رايحةة الصديقاتج و تجيني تاليي الليل بله رجلج يعررف بهلشيي لو من ورا مثل متسوييين وياااي ترديي يعوفففج منو يكلبج بعد

سجى: بابا ليش تحجي هيج

ام سجى: اهده حجي شبيك

عذراء: بابا ترا حسين خوش ولد لذلك رجعت ويا سجى لان نعرفه

خلدون: و انتن شعلييييجن حيواانات من احجي انييي تسكتن مفهووووم لو لا

سجى: بابا شبيك ترا مسويت شي و شنو محد يكلبني بعد شناقصني اني و اذا عافني علي الله ويا مميته عليه اني

خلدون: لجج ادبسسزز عمايلج هواااي فضحتينه بالمنطقه نزلتيي روسنه

سجى: انييي مسويييت شي غلط

جرني من شالي و دفرني بالكاع

ام سجى: خلدوون خطيية عوفها

خلدون: اسكتييي لا يجيييج الدور ،، وانتتي هيوو باعي مرا ثانيييه اكسر ركبتج فهمتيييي يله وخري من وجهي ماريد اشوف خلقتج

صعدت لغرفتي و خطواتي ثگيلة شمرت نفسي ع السرير حضنت المخده و ابچي و كوه حابسه صوتي ماريد يسمعوني ابچي لان محد حيفهمني و مراح يصير شي بس يكولون دلوعه و حساسه و طفلة محد يفهم الي امر بي و الي اعانيه ...

&&&&&&&&&&&&&&