#أسيرت داعش
#الكاتبه اسينات
لا تنسون التصويت وتعليقاتكم ومتابعه للحساب lrayh1234 لحتى يوصلكم اشعار كل ما انزل بارت.
تابعو البارت وعلقو بين كل فقره وشاركو لحتى اكمل ويكون عندي واهس اكمل .
بسم الله الرحمن الرحيم
•~••~•~•~•~•~••~••~•~•~•~•~•~~••~•~•~•
مشهد من البارت السابق لحتى تتذكرون الاحداث
حط ايده على كتفي يحجي :-شونج ..ما محتاجه شي
:-لا سلامتك حبيبي
باوعلي وباسني براسي حيل صل فتره وخر :-احبج مشتلي احبج وردايتي السمره
ابتسمت :-احبك حسن ..
كال :-شنو رئيج عرسنه بعد شهر ..
•~••~•~•
ورده
باوعتله صافنه وخرت منه جنت كاعده على رجله حجيت واني اسحب العصير اشرب احس مدري شصار بيه خوفه ورهبه صارت عندي مدري ليش
حجه مره ثانيه:-جاوبي مشتل شنو رئيج ؟
هزيت راسي ما ادري :-باع ما ادري احس لنستعجل
:-شوكت يعني ؟
محجيت :-شهر شهرين سنه شوكت
:-ما ادري بكيفك
تقرب من تقرب غصيت بالعصير والعصير طلع من خشمي اكح روحي راحت وهوه يدك على ظهري ويصيح اسم الله
لمن هدئت امسح بخشمي :-يوو هسه أنته شبيك
:-بربج ثوله
:-اي حبيبي لعد عليمن طالعه
:-بس لا عليه
:-زين تعرف نفسك
سكتت حجيت بتردد:-باع مالت تخلي العرس وتخليني متضايقه وما الحك اطيح حضك خليني براحتي اريد أرتب نفسي واشتري شكو شي يعجبني يعني حتى إذا شهرين او اكثر حسب بس اريد اجهز نفسي
ضحك :-بشهرين ؟
:-اي بشهرين بس لا هواي عيني
:-لا بالعكس قليل كلش يعني انتي تردين تشترين الي يعجبج واني عندي دوام ومو كل وقت موجود وانتي هم بين العياده والمستشفى شتلحكين
ابتسمت مسحت على خده :-ما ادري المهم لنستعجل
هز رأسه بايس ايدي ..
قدمتله العصير وغصبا عليَ جان ميحب الجبس صار ياكل وياي ويحب جبس الحار عودته رغم يكول مو زين صار هوه الي يكلي ويريد جبس
فتحت باب الحاره نباوع وهوه بس يسب بمعتز جي اتغزل بي شبع سب الرجال واني اضحك
:-دباع شلون حلو شوف هنا شون يتعارك
:-شلون حسب ابو هسه
:-اوي شبيك
:-وجعوي
باوعتله ما عاجبني :-عابت مينكعد وياك
ردت اكوم جرني :-نجبي خلينه كاعدين
:-دوخر اريد اشوف ليان
:-تعاي يم نور عوفيه شوي واروح
كعدت ارفع بالياخه كال وهوه كاتم الضحكه
:-شبيج عيني هسه شسوينالج
باوعتله بس شفت وجهه ضحكت نوب هوه يضحك وحابس الضحكه ووجهه احمر يريد ينفجر واني اضحك
سكتت :-شوفي راح نتفق على الفلوس وشكو شي تردي اشتري ماشي
هزيت راسي :-لتهتمين السعر ،شكو شي بخاطرج اشتري ....
واني بس اهز براسي رغم متخوفه بس احاول شكد ما اكدر اضحك واتونس
لمن كام راح واني رحت ونور تصجم بالحجي واني لو اخزره لو اضربه تنرفز
نور الكل ماخذ عليه نضره البنيه السبورتيه الي تسوي كلشي برأسه والي طايشه خصوصا لمياء ام كصه المربعه جانت هواي تطلع بيه عيوب ونور ضاربته بعرض الحايط ولا مهتمه وترد عليه
ولبالك تخاف لا كم مره بابا رزله ماما ابدا مفاد وجانت دائما تكول
:-هاي لمياء وراه مصيبه مو خاليه
واني اضل احجي واكلهه عيب شهل الاحساس بس هيه تكول
:-احساسي بعد
واني هم هيج جنت ما احبه ولا اطيقه دوم تحب تسوي مشاكل وجانت تكره امي رغم ماكو فرق بابا وعمي نفس الشغله بس هيه هيج تحب تذب سمه على الناس وجهالي وجهالي تكوم وتكعد تصيح اخر شي خوش جهال عدهه
تنهدت واني اغسل الليان رحت بدلتله جاي اتواصل وي زميلاتي علمود دكتور خاص الحالته رغم حسن كال عده دكتور بالاردن كلش زين بس بعد اريد اشوف بلكت هيج وتصير زينه
شفت خالتي كاعده والسجلات كباله تنقل الاسماء والدرجات شكد جنت اموت على هيج سوالف واحب المدرسه وجنت متمنيه اكون مدرسه هيج يصيحولي ست واكشخ واسوي تسريحات والطلاب يحبوني كلش من اشوف المدرسات اتخيل واحب
بس الحمدلله وضيفتي كلش حابته والحمدلله دائما احمد ربي واشكره انو اني وصلت الهيج مرحله والهيج مكان.
اتصلت عليه بيبي كعدت احجي وياهه متفقين على الفلوس وبديت منا كل يوم نطلع نجهز اني ونور وأكثر شي وي خالتي لأنو ما اعرف بس بالشغلات البسيطه اسجلهن بورقه ونروح اني ونور نشتري
شكد تمنيت امي وياي وهيه الي تجهزلي بهيج لحضات احس كلش اشتاقيتله وخايفه احس اريد تنصحني اريد تكون يمي احساس كلش مو حلو وهواي جاي احلم بيها هيه ورقيه
كل بنت مثلي تتمنه امه وياها بهيج لحضات .
بدلت وكملت لبست شي ثخين لانو حيل بارده طلعنه اني ونور ركبت بالسياره لبالك ثلج بمن وصلنه للمول نزلنه لازمه ايد نور ونتمشه وصلنه المحل مكياج
طبيت اشتريت وركزت على الحمره الحمره كلش عاجبني بطبيعتي ما احط الوان جرئيه وما عندي الوان جرئيه وفاقعه وما مجربه احط كله احط نود أو خفيف كلش فحبيت اشتري واجرب
اشتريت تدرجات الأحمر والوردي والبنفسجي كلش عجبني كملت طلعنه ماكو مكان ما اشترينه منه واذا شي يعجبني أو يعجب نور اشتري اله هم ما اخلي بنفسه
رجعنه للبيت لكيت ليان نايمه بسرعه غسلت ونمت من التعب حيل جاي اتعب الصبح بالمستشفى وارجع للبيت استراح ساعتين واروح العياده وما ارجع لليل وبليل نطلع نشتري كلش حايره
واحس طاقتي جاي تخلص لمن صار نهايه الاسبوع اليوم الي حسن يجي يأخذ ليان اكول ما تعودت عليه روحي صارت بيه
رغم اسبوع واحد بس يفرق حيل كل يوم اشوفه واحس صارت جزء من حياتي ما اكدر بدونه هيج يعني احس تذكرتي بامي كلش واول ما ارجع من الشغل تتلكاني وكل يوم اجيبله حلويات
جنت هستوني طالعه من الحمام انشف بشعري عفته رطب ورحت بدلت اليان واني الغصه بكلبي يعني شنو تعودت عليه هيه كوه
باوعتله :-يعني ورده اني حروح
:-اي شنو رئيج تضلين هنا بعد
سكتت تفكر :-لا اشتاقيت البابا صارلي هواي مشايفته
حركت شفايفي:-زين واني
:-انتي تعاي
:-لا ما اكدر
سكتت سويتله شعره طبت نور لازمه شعره
:-عمي مالت هيج وابتره ضوجني
باوعتله :-دسكتي اكسرج والقرآن
باوعتلي وتخوصرت تحجي:-شنو هوه بكيفج
هزيت راسي باستهزاء :-اي بكيفي قابل بكيفمن
:-قابل شعري لو شعرج
:-شعري
:-دسكتي اول وتالي ترحين البيت رجلج واسوي شكو شي يعجبني ههه
:-دنجبي اجرج وياي والعباس
:-هههههههههه وهاي شلون
ابتسمت ابتسامه شريره :-تره اعرف اعرف
استغربت:-شتعرفين
سويت باصابيعي دمجتهم :-انتي وضياء ها !
غمزت
ضحكت وضربتني على راسي :-شجاي تمخرطين مشتل
:-والله جا ليش تضحكين ها
:-شنو يعني ما اضحك
:-لا بس باعي جاي تضحكين يعني اكو مو ها شنو
:-دسكتي والله ماكو شي هاي شبيج لتسمع خاله عيب منه سوالف ادبسزييه منريد البيت هذا طاهر رجاءا
اشرتلي على ليان ضحكت ورحت بسته بخده حيل
:-يمهههه فدوه راح نشتاقله هواي
تقربت نور شالته :-اي والله صارت نفر منه
كلت وواني اضحك :-نفر تكه كباب
رحت حضنتنهن وليان تضحك لمن اندك الجرس طلعت حطيت الحجاب على راسي لانو عمار ويا
فتحت الباب تلكاني عمار كمز ضحكت يهز بركبته ويرفع بياخه القميص ويهز برأسه ومغمض عيونه
:-شوفو البيت شلون نور من اجيت هذا نوري، شفتي نور ،شفتي عمي
ضحكت وكلت :-شلونك عمار شخبارك
:-هلا اخوتـي شونج قصدي مره اخوي شونج اشتاقيتلج
ضربته شال ليان يحجي وياه وهيه مكيفه طب ضياء سلم
:-شلونج ورده
:-هلا ضياء بخير وانته
:-الحمدلله شكو ماكو شون الجو عدكم بارد حار
ضحكت هاي شبيهم اليوم وراح شال ليان يضحكون واني مصدومه شكو شبيهم هذوله
طب حسن شايل علاكه جبيره حتى ما راح الليان بسرعه جرني للاستقبال كلت
:-ايي شكو شبيكم اليوم
اشرلي بايده اسكتي طلع من العلاكه علبه جبيره كيك فتحه كلت
:-هاي عيد ميلاد منو
حجه وهوه مبتسم يطلع بالغراض :-عيد ميلاد ليان حبيت اسوي هنا
كمزت اصفك :-ياي عزااا اليوم
ضحك رحت بسرعه وياه اساعده انفخ النفاخه وميت مره كحيت النفس قليل اخر شي هوه نفخ ٥ واني ٢ ومكيفه بيهم لازمتهن بايدي طبيعتي اخاف من النفاخ مره جنت جاي انفخ وجاي اسحب النفس سحبت النفاخه وكوه طلعوه ، ومره طكت بوجهي وعيني ورمت فاخاف منهن
اشكال الوان جايب كلت
:-جا ليش ما كتلي شجاك
باوعلي واني اكل الكريمه الي على الكارتونه اجه يمي مبتسم جريت نفس بغمج شكله وي سماره كلش حلو
رتب شعري المخربط :-ليش هيج شعرج مبلل لتتمرضين
حجيت :-هستوني طالعه من الحمام ومالحكت اشسوره
:-يعني كل واحد يطلع من الحمام هيج حلو
من كال هيج يمه مدري شصار بيه شوي وأجر المخده الحلكي لبست الحجاب وجريته حيل واني ما اباوع الوجهه وهوه يضحك يالحمزه نوب راح اوكع بالكاع والضحكه لزمتني هسه شبيه انثول
ضحك :-هاي شبيج ..جر الحجاب يباوعلي وخر الحجاب نزله على كتافي وخر القراصه صار وراي يعدل بشعري لفه وباسني براسي ولبسني الحجاب
واني هادئه كمزت من جفت عمار شايل ليان على ركبته وهيه كامت تصفك واني اضحك والكل يغني
وهيه فرحانه شكد افرح من اشوف الجهال فرحانين حتى إذا بابسط الامور فدوه كزكزت عليه شايليه وهيه فرحانهه يمه اول مره اشوف هيج دائما جنه نسوي اعياد ميلاد بس بيناتنه يعني بس اني وبابا وماما وخواتي
اباوع الحسن الي شايله ويبوس بيه وهيه مكيفه بي لو ابوي موجود باوعت النور مكتفه أديه الصدره وساكته رحت للمطبخ جبت كلاصات وسجينه اركض ركض رحت قبل متنفخ الشموع عمار كال
عمار:-تمني عمو اي شي يتحققن لتخافين
باوعت الحسن نوب باوعتلي حجت
ليان:-اريد بابا يضل يمي طول العمر ،وخاله ورده هم
باوعت الحسن الي ابتسم ومسح على شعره علاقته بيه مدري شلون اوصفهه كلش حلوه واني اشوفهم هيج لبالك هذولي الي بالمسلسلات
ابتسمت نفخت الشموع صفكنه ما احس الا عمار يجيب السجينه ويكص بالكيكه خربه والي يصير على ايده يأكله واحنه نصيح وليان تبجي تريد هيه تكص الكيكه وحسن يضرب بي
واني ضحكت بس من شفت ليان تبجي حيل انقهرت يعني جان بخاطره تكص الكيكه ليش هيج سوه
خباثه هيه
نور:-ولك خبيث ليش هيج سويت
ضياء:-هسه تروح تجيب كيكه
ياكل ويحجي :-دروح خلي اكمله عود بعدين اروح
ليان مستمره بالبجي وتصيح :-عموو ليش تأكله شوفه بابا اكل الكيكه مالتي
وتبجي رحت يم حسن الي يهدي بيه ويضرب بعمار برجله بسته بخده :-يعمري تعاي جيبه
الحسن:-خاف ثكيله عليج ،لترحين تتاذين
ورده:-لا تخاف ميصيرلي شي
اخذته منه وهوه لزمه من ظهره رافعه حتى متصير ثكيله حجيت :-حبيبتي ليش تبجين هسه عادي نسوي كيكه وخلي يولي اني وياج نسوي احلى واطيب كيكه وبالككوه هم شنو رئيج
سكتت تناشغ :-اويي يكلبي لتبجين
حضنتني من ركبتي واني اخزر بعمار الي مستمر شكد اكل ولا شبع اني اذا أكل نص قطعه أحسه توكف بصدري واتقيى نوب مو هوه طيره كله
ورده:-انته ليش خبيث
عمار:-بكيفي عدج شي والكيكه بفلوسي
ورده:-دروح بربك الكيكه ب ١٥ الف هسه اسوي احلى كيكه وما اخليك تاكل
عمار:-يله روحي ما اكلج جيبيه محروكه
صدك نرفزني انطيت ليان الحسن الي ساكت وجان بطل الببسي على الميز شلته بايديه الثنين وضربته على رجله حيل
باوعلي ساكت وياكل واني منتضره انو يصيح يتالم ماكو رجعت ضربته ماكو هسه البطل ثكيل شنو اني الفاهيه الما اعرف اضرب لو هوه ميحس
:-هاي صدك متحس
ضحك ضياء :-تره بالتدريب أكثر لا عبالج هيج ضربه تاذي منحس بيه اصلا
ضحكو كلهم واني مثل الاطرش بالزفه نزلت البطل ونكثت ايدي وكلت
ورده:-تعاي عمري خلي نروح نسوي كيك هذول ميستاوهلون واحد يحجي وياهم
ما احس الا واني مجروره صرخت من عمار يجيب الكريمه على وجهي وكوه يوكلني متت واختنكت روحي راحت تقيئت واحس الاكل يطلع من خشمي
اجه حسن جرني يمسح على ظهري ويسب بعمار وعمار خايف رفعت راسي باوعت العمار الي يكول
:-ها بيج شي
غمزتله وبداخلي ميته ضحك عليَ بس رغم هذا احس اختنكت كومني يمسح بوجهي جرني من ايدي واني امشي وراه
الحسـن:-هسه انتِ شكو تتحارشين بي تدرين بي مو صاحي
حجيت :-لتحجي عليَ اخوي هذا ما اقبل حتى اذا صديقك
وكف دار وجهه يباوعلي ابتسمت من ابتسم ضربني بخفه على خدي ضحكت حضني كلت
ورده:-تره طولي 164 بس ليش من اوكف يمك اصير قزمه
الحسـن:-ههههه اي لانو انتي قزمه
ضربته:-دولي تضحك عليَ انتَ
:-فدوهه اروح قزمهه
باوعتله لعبانه روحي اذكرت لمياء من جانت تسوي هيج العمي عود تتغزل وكذا لعبت روحي
:-ايعع حسن هاي شنو جنك بنيه
تقرب مني وكال بصوت هادئ وهوه يباوع الملامح وجهي واني احس ارتبكت وما اعرف شسوي
الحسـن :-اصير كلشي يمج ما عسى مخبل وافتر داير مدايرج هذا احلى شي عندي المهم اكون قريب منج
ابتسمت من كلامه رد كال
الحسـن:-ابدا لتهتمين الاحد انتي صرتي الي مرتي صح راح تواجهين هواي شغلات بحياتج بس اريدج قويه مثل ما اني اعرفج مشتل القويه الي محد يكدرله الي شافت وعاشت ماشي واريدج ديرين بالج على ليان وعلى نفسج
عكدت حواجبي :-شبيك حسن حبيبي بيك شي ليش هيج تحجي ؟
باوع وراي ورد كال :-اني عندي شغل اني والولد راح نتأخر أكثر من شهر لتخافين قبل عرسنه ارجع خوش حبيبتي
:-حسن صدك تحجي ؟......
يتبع ...
يا هلا شونكم يروحي، ارائكم بالبارت
مشتاقه كومه
اريد اشوف تفاعلكم حسب التفاعل اكمل
تعليقات اهم شي وانشرو القصه وجهوا القصه الاصدقائكم تستحق المشاهده وتصويت قلبي .
في حفظ الرحمـان .