ـ هند : يا ادهم عشان خاطري متزعلش بقا .
ـ ادهم بضيق : مزعلش اي بس يا هند اللي حصل دا كله غلط ف غلط ترشي الواد و تخليه يقول شهاده زور و البت تاخد فصل اسبوع بسببك ظلم .
ـ هند : و انت يعني خايف عليها اوي من الفصل .
ـ ادهم بحده : م تعدلي كلامك بقا يا هند انتي لي واخده الموضوع اكنه عادي كدا اللي انتي هببتيه دا حرام اولا و غلط قنونا لو الواد اللي انتي ادتيله فلوس دا وقع ب لسانه قدام اي حد انا اللي هاروح ف داهيه و سمعتي هتبوظ .
ـ هند : يا حبيبي م انا عملت كدا عشان كنت خايفه عليك .
ـ ادهم بحده : انتي كدا عكيتي الدنيا اكتر يا هند و اللي حصل دا لازم يتصلح فاهمه .
ـ هند بخوف : يتصلح ازاي يعني ؟
ـ ادهم : رقيه هتيجي و تعتزريلها قدام الدفعه كلها .
ـ هند بغضب : لا طبعا دا مستحيل امل اعتزر ل دي .
ـ ادهم بتحدي : اه هتعتزريلها يا هند و دا اخر كلام عندي .
و قام مشي و سابها ..
ـ ـ ـ ـ ـ
ـ ليله : عشان خاطري متعيطيش بقا دا واحد غبي و حمار هو و خطيبته .
ـ رقيه : انا مش بعيط عشانهم م يكش يولعوا بجاز انا بعيط على درجات اعمال السنه اللي ضاعت ظلم دي .
ـ ليله : ولا يهمك يا روكا بصي انا مش هسيب حقك انا هاروح الجامعه بكرا و هشرشحلك البت دي قدام الجماعه كلها .
ـ رقيه : لا يستي لحسن تتفصلي انتي كمان انتي مش ناقصه بلاوي خليكي ف اللي انتي فيه .. فكك مني دلوقتي و طمنيني على علي عامل اي ؟
ـ ليله : كويس بقا احسن الحمدلله .
ـ رقيه : اوعي تقوليلي انكوا بتقعدوا تعيطوا طول الليل سوا دا مش ناقص يبنتي .
ـ ليله : لا طبعا انا بحاول على قد م اقدر اني ابينله أن انا قويه و عادي عشان حالته النفسيه و بحاول برضه اعوضه عن غياب ماما على قد م بقدر .
ـ رقيه : ربنا يعينك يا حبيبتي يلا عايزه حاجه قبل م اقفل .
ـ ليله : سلامتك و متزعليش ها .
ـ رقيه : يستي دي عالم دماغها تعبانه انا مش زعلانه ولا حاجه يلا باي .
ـ ليله : باي .
ـ ـ
ـ علي : انتي متأكده يا خالتو ؟
ـ شاديه : ايوا طبعا انا كلمته متخفش هو هيدايقك شويه ف الاول بس بعد كدا هياخد على وجودك ف السرير انا متأكدة .
ـ علي : طيب انا هدخل و امري لله مع اني حاسس أنه هيهب ف وشي و يضربني ب عضلاته دي .
ـ شاديه : متخفش بس يلا روح .. تصبح على خير .
ـ علي : و انتي من أهله .
راح علي خبط على اوضة عز اللي قام من احلا نومه و فتح الباب .
ـ عز بنوم : عايز اي ؟
ـ علي زقه و دخل نام على السرير : عايز انام .
ـ عز : تنام فين ؟
ـ علي : امك هي اللي قالتلي انا ماليش دعوه يا بيه ولله .
ـ عز : امك ؟؟؟ استغفر الله العظيم يا رب .
و راح نام على السرير .
ـ علي : اوعا تكون بترفص و انت نايم ولا بتشخر مش هنام جنبك انا بقولك اهو .
ـ عز بضيق : ولله يبقى احسن .
ـ علي : طب اتاخر انت واخد السرير كله ليك .
ـ عز بنفاذ صبر : اهو ممكن انام بقا .
ـ علي : نام يعم هو انا ماسك عينك .
عز غمض عينه و لسه هينام لقا على بيشد منه البطانيه .
ـ عز : انت يااا اسمك اي البطانيه بتاعتي .
ـ علي و هو مغمض عينه : ششش بطل صوت عشان هنام .
عز اتعصب و دمه اتحرق و قوم علي و مسكه من هدومه و قال ..
ـ عز بغيظ : ولا هتنام هنا بإحترام تمم هتقعد تعمل الحراكات دي هرميك برا زي الكلب تنام حتى ف البلاكونه سامع ؟
ـ علي بخوف : ماشي يعم انت اتعصبت لي .. عايز البطانيه خدها بس متقعدش تبرق ف عينك كدا عشان انا بحلم بكوابيس باليل .
عز ضم أيده بغضب و حاش نفسه بالعافيه عنه و خد البطانيه و اتغطى كله و نام .
ـ علي : كدا مش هتعرف تتنفس .
ـ عز بحده : خليك ف حالك .
ـ علي ودا وشه الناحيه التانيه و قال : انا مالي بقا يكش تفطس .
ـ ـ ـ
ـ حبيبه : تفتكري على و أبيه هيعمروا مع بعض ولا هنصحى نلاقيهم قاتلين بعض ؟
ـ ليله : هنصحى نلاقيهم قاتلين بعض طبعا .
ـ حبيبه بضحك : اي دا انتي متأكده .
ـ ليله : ايوا عشان انا عارفا علي كويس و نومه المعفن .
ـ حبيبه : ولله علي دا شربات انا متعاملتش معاه بس شكله بيقول كدا و شكلو بيحبك اوي .
ـ ليله : ايوا فعلا هو متعلق بيا اوي و انا كمان على فكره بحبه اوي و متعلقه بيه جدا .
ـ حبيبه : ربنا يخليكوا ل بعض .
ـ ليله بإبتسامه : شكرا .. يلا تصبحي على خير بقا عشان عندي جامعه الصبح .
ـ حبيبه : و انتي من أهله .
ـ ـ ـ ـ ـ
تاني يوم ..
صحي عز اللي منمش طول الليل اصلا بسبب نوم علي المعفن و أنه عمال يرفص طول الليل ضغط عز أيده بغضب و قام غسل وشه و راح اوضة الرياضه ..
فضل يضرب كيس الرمل جامد زي عادته و يمكن اكتر كمان بسبب أنه متنرفز من علي و أنه منمش بسببه
و راحت ليله عشان تصحي علي عشان مبتعرفش تفطر من غيره طبعا .. فضلت تخبط كتير محدش فتح ف اضطرت تفتح الباب بكل تلقائية و دخلت ملقتش عز حمدت ربها و دخلت عشان تصحي علي بس قبل م تصحيه سمعت صوت غريب جدا و جاي من مكان قريب كمان قربت من مصدر الصوت و بصت من برا لقت عز قاعد على الأرض ف اوضة الرياضه و بيتفس بصعوبه و عمال ينزل عرق كتير جدا .. خافت ليكون تعبان و مش عارف يخرج يقولهم ف دخلت بسرعه من غير حتى م تخبط و قربت منه ..
ـ ليله : انت كويس ؟
استغرب عز من مصدر الصوت و بص فوقيه لقاها ليله اللي محسش بوجودها غير دلوقتي ولا حتى حس بيها لما دخلت .. قام و هو متعصب لأن تاني اكتر حاجه بيكرها بعد الكلام على الاكل أن حد يدخل عليه اوضة الجيم .. مسكها من دراعها و هو متعصب و بينهج و قال ..
ـ عز بغضب : انتي اي اللي دخلك هنا ؟
ـ ليله بألم : ايي ايدي يا متخلف اوعا .
ـ عز بحده : لمي لسانك و قولي اي اللي جابك هنا ؟
ـ ليله : دخلت اصحي علي و سمعت صوتك قولت يمكن تعبان دخلت اطمن عليك انا غلطانه يعني ؟
ـ عز بحده : اه غلطانه اولا لانك دخلتي اوضتي من غير ازني ثانيا عشان جالك قلب و جراءه و شجاعه تدخلي عليا هنا .
ـ ليله بضيق : انت محموق اوي ليه كدا هو انا دخلت عليك الحمام دا انا دخلت اطمن عليك دا بدل م تقولي شكرا .. صحيح ولله خيرا تعمل شرا تلقا ناس معندهاش دم .
ـ عز قرب منها اكتر و ضغط على أيدها اكتر : بت انتي حاولي تبعدي عني احسنلك عشان انتي بتعملي كل الحاجات اللي بتعصبني ف عشان تضمني حياه هاديه و سعيده تبعدي عني و تتلاشي غضبي .
ـ ليله : يمي يمي هعملها على نفسي حاسب .. طب ولله العظيم انا غلطانه كنت سبتك تموت ولا تغور ف داهيه انا مالي .
ـ عز : م تلمي لسانك يا بت انتي .
ـ ليله فكت أيده و بعدت : لااااا انا لساني ملموم غصب عنك فاهم ..
عز لسه هيرد لقا علي جه و قاطعه ..
ـ علي : في اي يا جماعه بتزعقوا كدا لي ؟
ـ ليله : مفيش يا لولي اصل عمو عز فرحان بصوته مش اكتر .
ـ علي : اااه هو صوته حلو فعلا .
عز ضم أيده بغضب و اتنفس بضيق و سابهم و خرج .
على الفطار ..
ـ حبيبه : مالك يا أبيه انت كويس ؟
ـ عز بنوم : اممم انا تمم .
ـ حبيبه : تمم اي انت بتنام على نفسك .
ـ عز بغل : منه لله اللي كان السبب .
ـ علي : احم يلا يا ليلو عشان عندي درس مهم جدا جدا لازم اروحه .
ـ شاديه : انتي هتروحي الجامعه يا ليله ؟
ـ ليله : اه يا خالتو عندي محاضرات عملي مهمه .. يلا عايزه حاجه .
ـ شاديه : استني عز يوصلك ف طريقه .
عز بص على امه بسرعه بصدمه و ليله لاحظت ضيقه و بصت عليه بقرف و قالت ..
ـ ليله : لا يا خالتو متخافيش عليا علي معايا و كمان مش عايزين نتعب عز باشا .
عز بصلها شويه و فضل أنه يسكت و شاديه وافقت انها تمشي مع علي .
ـ ـ
: م تقول بقا ناوي على اي يبني انا مش شريكتك .
ـ شعبان : انا بقى المرا دي عايز ضربه قاضيه ضربه تخليه يدوخ لغاية م يقع تحت ايدي .
ـ علا : ضربة اي هو في اكتر من اللي انت عملته فيه .
ـ شعبان بسخريه : و هو انا عملت اي يعني ؟
ـ علا : لا لا معملتش خالص خليت خطيبته تشوفني ف حضه و تنتحر و يخسر اعز صديق ليه و معملتش حاجه .
ـ شعبان بشر : دي اقل حاجه حصلت مني ليه يا علا لسه التقيل جاي رميت ابوكي ف السجن لغاية م مات ب حسرته على فلوسه اللي ضاعت هيدفع تمانها غالي اوي .
ـ ـ ـ ـ ـ
ف الجامعه ..
دخلت ليله المدرج و كان اليوم ممل جدا من غير رقيه معاها طبعا و بدأت المحاضره و بعد م خلصوا طلعت و راحت الكاڤيتيريا و فجأه لقت ادهم جه و قعد قدامها بكل هدوء ..
ـ ليله بصتله بضيق : افندم .
ـ ادهم : ممكن نتكلم بهدوء و جد شويه انا مش جاي اعمل مشاكل .
ـ ليله بإستغراب : انا هاديه اهو اتفضل .
ـ ادهم : احم انا بصراحه جيت عشان حسيت بغلطتي و انا فعلا مكنتش اعرف ان الموضوع هيوصل ل كدا خالص مع صحبتك و اللي حصل دا كله كان في بس سوء تفاهم مش اكتر .. خلاصة الموضوع انا جتلك عشان تقوليها تيجي الجامعه بكرا عادي جدا انا صلحت كل حاجه و مستعد اعتزر ليها انا و خطيبتي قدام الدفعه كلها .
ـ ليله استغربت من كلامه بس حست أنه عايز يصلح الموضوع فعلا : اوكي يدكتور هي بس كل اللي زعلها الدرجات اللي اتشالت منها دي مش اكتر .
ـ ادهم : لا لا كل حاجه تمم و انا روحت لل عميده بنفسي و صلحت كل حاجه انا ميرضنيش أنها تتظلم بسببي و افضل ساكت كدا .. المهم بس تقوليها تيجي بكرا .
ـ ليله : حاضر .
هز ادهم راسه و قام و ليله مش مصدقه اللي بيحصل كله اصلا .
ـ ـ
ـ ليله : ولله العظيم يبنتي زي م بقولك كدا .
ـ رقيه : يلهوي طب و دا ضميره صحي فجأه لية كدا ؟
ـ ليله : متظلمهوش يا رقيه اكيد م يمكن يكون في سوء تفاهم فعلا .
ـ رقيه : سوء تفاهم .. دا انتي طيبه ولله يا ليلو .
ـ ليله : الله اعلم بقا ربنا وحده اعلم بالنوايا .
ـ رقيه : بجد هم و انزاح من على كتفي انا مكنتش عارفا هاقول اي ل ماما اصلا ..المهم سيبك انا هشوفك بكرااا يا ليلووو
ـ ليله بضحك : اه بجد دا انتي وحشاني بشكل .
فجأه علي دخل عليهم و هو مكشر ..
ـ علي : اي ليلو دي بقا انا محدش يقولها ليلو غيري سامعه .
ـ رقيه : عليي واحشني يا رخم ولله .
ـ علي : رخم ف عينك .. اياكي يا رقيه اسمعك بتقولي ليلو دي تاني انا بس اللي اقول ليلو .
ـ رقيه : طب بس بالراحه على نفسك يا خويا مش هنقول تاني دا اي فقع المراره دا.
ـ علي : اتلمي .
ـ رقيه : طيب غور طيب .
ـ علي : طيب لما اشوفك يا شبر و نص هوريكي اغور ازاي .
ـ رقيه بغيظ : مين دي يلا اللي شبر و نص ولاااا ...
ـ ليله بصوت عالي : باااس انت و هي انتوا مبتبطلوش خناق .. باي يا روكا هبقى اشوفك بكرا بقا .
ـ رقيه : باي .. باي يا غتت .
ـ علي بقرف : مع الف داهيه .
و قفلت .
ـ ليله : اي يبني كل شويه خناق انت و هي اكبروا بقا .
ـ علي : بتقولك ليلو و هي عارفا اني مبحبش حد يقولك الاسم دا غيري بتستفزني .
ـ ليله ضحكت و باسته : ولله بعشق غيرتك .
ـ علي بتهكم : ليله قولتلك مليون مره مبحبش حد يبوسني كدا .
ـ حبيبه : احم احم .
ـ ليله : تعالي يا حبيبه خشي .
ـ حبيبه : ممكن نأجل جو العشق الممنوع دا و ننام .
ـ على : اه احم انا بتطضرد طيب تصبحوا على خير بقا عشان نعست .
ـ حبيبه بضحك : و انت من أهله .
و خرج ..
ـ حبيبه : دمه خفيف اوي طالعلك .
ـ ليله : ايوا فعلا هو واخد حاجات كتير مني .. الا قوليلي صحيح هو اخوكي دا متخلف ؟
ـ حبيبه بضحك : لي بس ؟
ـ ليله : دخلت عليه اوضة الجيم لقيته بينهج و بيموت و لاقيته زعقلي عشان دخلت اطمن عليه هو لي فاهم الدنيا غلط انا عملت حاجه كويسه هو ليه متنرفز .
ـ حبيبه بضحك : يلهوي هموت .. دا كويس انك خرجتي عايشه أبيه بيكره كدا جدا .
ـ ليله : السبب .
ـ حبيبه بتنهيده : السبب يا ستي أن هو بدأ يعمل كدا من بعد موت خطيبته اصلا و مبيحبش حد يشوفه و هو ف الحاله دي .
ـ ليله عقدت حواجبها : خطيبته ؟
ـ حبيبه : اه .. ابيه كان خاطب من سنه واحده بس .. بس هي ماتت .
ـ ليله بإهتمام : و ماتت ازاي ؟
ـ حبيبه : انتحرت .
ـ ليله بصدمه : انتحرت ؟
ـ حبيبه : اه انتحرت بصي يا ستي انا هحكيلك .
فلاش باك ..
عز كان بيحب ايمان اخت ادهم صحبه من زمان جدا و اتخطبوا من سنه و سبع شهور قبل موتها تقريبا ايمان و عز كانوا بيعشقوا بعض ب معنى الكلمه و كان فاضلهم بس كام شهر و هيتجوزا و كانت الحياه مستقره على كدا لغاية م ف يوم جه تليفون ل ايمان من شخص غريب قالها أن عز بيخونها ف فندق ****** ايمان اتجننت و مصدقتش الكلام دا و زعقت ف اللي كان بيكلمها دا و قفلت و قالت إن دا مقلب سخيف من حد من صاحبها لكن الصدمه اللي اكدتلها أن دا حقيقي و مش مقلب صور .. صور اتبعتت من نفس الرقم و كان عز نايم ف حضن بنت متعرفهاش ايمان حست أن الدنيا اسودت ف وشها .. و غيرت هدومها ف لمح البصر و نزلت على طول على الفندق اللي لقت عنوانه مبعوتلها ف مسدج برضه من نفس الشخص و اول م وصلت كانت بتقدم رجل و تأخر التانيه و سألت على رقم الاوضه اللي عز فيها و طلعت جري على هناك فضلت تخبط على الباب لغاية م فتحت بنت كانت لابسه لبس فادح و عز نايم على السرير بيحاول يقوم مش عارف لأن وقتها كان مخدر و مكنش واعي للي بيحصل .. ايمان اول م شافت المنظر مقدرتش تستحمل و جريت بسرعه و عز كان بيحاول يقاوم و يقوم بس معرفش و فقد الوعي .. صحي تاني يوم لقا نفسه ف اوضته و جه ف باله كل اللي حصل امبارح قام مفزوع اول م افتكر شكل ايمان تحديدا و طلع برا لقا حبيبه حاضنه شاديه و عمالين يعيطوا قرب منهم بهدوء و هو مرعوب و سألهم في اي .. بصت عليه شاديه بحزن و اسى و قالتله أن ايمان انتحرت امبارح .. مكنش مصدق اللي اتقال تماما و رافض اصلا أنه يفهمه الدنيا اكيد مش هيبقى ليها معنى من غيرها وقع على الأرض و استسلم للأمر الواقع و فضل يزعق و ينادي ب اسمها .. و مع مرور أيام ادهم عرف أن عز هو السبب و حصلت بينهم مشكله كبيره جدا و اتحولوا من أصدقاء إلى أعداء و محدش منهم بقى بيطبق يسمع سيرة التاني .. كانوا اكتر من اخوات لكن بسبب أن ادهم فاهم حاجات كتير غلط بوظ كل حاجه .. و مع مرور الوقت عز بقا بيطلع حزنه كل يوم الصبح ف كيس الرمل و بيقسم أنه مش هيسيب اي حد ليه علاقه باللي حصل دا و واحده واحده الفضيحه اختفت و عز رجع ل حياته الطبيعيه لكن طبعا اتغير حاجات كتير ف حياته راح و جه غيره مبقاش عز اللي كانوا يعرفوه بقا شخص خلقه ضيق عصبي محتفظ جدا بشويه عادات تخصه و الي يخالفها يبقى هو اللي جنى على نفسه .
يتبع .....
بارت طويل اهو اي خدمات .. و استنوا بارت جديد باليل .
بس كدا بحبكوا 💗 .