ساكنة فؤادي

الفصل الرابع

حبيبه : بس يستي و من يومها أبيه و ادهم صاحبه بيكرهو بعض جدا .
ـ ليله بتأثر : ربنا يرحمها بقى .
ـ حبيبه : بس ولله أبيه ملهوش اي زنب ف الي حصل انا مصدقه أن دي لعبه معموله من حد بيكره أو من أعداءه .
ـ ليله : ولله على حسب كلامك انا اشك فعلا ف أنه يخونها .. بس الاهم من كل دا أن اخوكي كان بني ادم طبيعي زينا صح ؟
ـ حبيبه : اه ولله دا اتقلب حاله اكنه مش هو فراقها اثر فيه جدا .
ـ ليله : امممم بس عادي اكيد هتيجي اللي تغيره و تنسيه مفيش حاجه بتفضل على حالها ياا اوختشي .
ـ حبيبه : الا مع عز معتقدش ابدا أنه ممكن يسمح ل حد ياخد مكانها ف قلبه دا مبيسمحش ل ماما تفكر في الموضوع حتى بيصدها على طول .
ـ ليله : لا اكيد مش هيعنس يعني .. ولا يعنس انا مالي انا رايحه انام يختي عندي جامعه الصبح .. تصبحي على خير .
ـ حبيبه : و انتي من اهله .

ـ ـ ـ ـ ـ ـ

ـ علي : احم .. ممكن تتاخر .
ـ عز بنوم : لا .
ـ علي : انا مش عارف انام .
ـ عز بضيق : و انا مال اهلي طيب ؟
ـ علي : م انا من أهلك يعني مالي ف اتاخر بقى شويه .
ـ عز قام بضيق و قال : انا عملت اي ف حياتي وحش بس يا ربي عشان يحصل فيا كدا دا انا متمنكش ل الد اعادءي يا اخي .
ـ علي : على فكره مفيش حاجه تستدعي كل دا اتاخر و كل المشاكل هتتحل .
ـ عز : و هتسيبني انام؟
ـ علي : اوعدك .
ـ عز مسكه من هدومه : طب انا هتاخر .. اسمع بقا صوتك تاني و لو بحرف واحد هتبقى ليله سوده على دماغك .
على ابتسم بخوف و عز زقه و اتاخر شويه و نام و علي مفتحش بوقه بنص كلمه عشان كان خايف منه ..

ـ ـ ـ ـ

ـ هشام بغل : اي غلطه واحده هتدفعوا تمانها غالي سامعين .
: متخفش يا ريس تحب ننفذ امتى ؟
ـ هشام : بعد م يخلص امتحانات على طول .. عايزكوا بقا تخططوا للموضوع كويس اوي ف الشويه  دول و تدرسوا كل خطواته .
: تمم يا باشا كل اللي انت عايزه هيتم تؤمر بحاجه تانيه دلوقتي ؟
ـ هشام : لا خد الرجاله و ابعت حد يراقبه لغاية م تنفزوا .
: حاضر يا باشا .

و خرجوا .

ـ هشام بشر : ماشي يا علي اقسم بالله ل اعيشك ايام اسود من اللي عشتها معايا زمان .

ـ ـ ـ ـ

تاني يوم ...

ف الجماعه .

دخلت رقيه و ليله المدرج و قعدوا و حضروا المحاضره الاولى و بعد م خلصت دخل ادهم و رقيه كانت متوتره جدا من نظراته و مش عايزه تبص عليه اصلا ..

ـ ادهم و هو باصص عليها : قبل م ابدأ المحاضره كان في حاجه مهمه لازم اعملها .. انسه رقيه ممكن تتفضلي هنا دقيقه ؟
رقيه بصت على ليله بتوتر و ليله زقتها و طمنتها و خرجت و راحت عنده .
ـ ادهم : انا حبيت اعتزر عن سوء التفاهم اللي حصل قدام الدفعه كلها و بعترف أن انا اللي كنت غلطان مش انتي و بتمنى تقبلي اعتزاري و على فكره متقلقيش انا حليت كل حاجه مع المعيد و فهمته سوء التفاهم اللي حصل .
ـ رقيه بهدوء : تمم حصل خير .
ـ ادهم : طيب و اتمنى كمان تقبلي اعتزار هند .
و شاور لهند اللي كانت مغلوله منها بس عملت كدا عشان خاطر ادهم و قامت تعتزر .
ـ هند بضيق : انا اسفه .
ـ رقيه بصتلها بقرف و قالت : مكنش له لزوم تعتزري الموضوع مكنش شاغلني اصلا .. يعني مكنتش عاملاله اهميه و كدا .. بعد ازنك يا دكتور ممكن ادخل ؟
ـ ادهم بتنهيده : اتفضلي .. اقعدي يا هند .