ခွမ်း!!!!!
"အယ်!!! ဒီကောင်လေး လက်ကြောကိုမတင်းဘူး"
နောက်ဘေးမှာပန်းကန်ကျကွဲသံကြားတာနဲ့ ဆိုင်ရှင်အဒေါ်ကြီးမှယပ်တောင်တဖျပ်ဖျပ်ခပ်လို့ဝင်လာပြီး စပြောတော့တယ်.....
ရိပေါ်တစ်ယောက် ရရာဝင်လုပ်မယ်လို့ဆုံးဖြတ်ထားတာမို့ စာစောင်ပေါ်ကအလုပ်တွေမရခင်စပ်ကြား လမ်းထိပ်ကခေါက်ဆွဲဆိုင်မှာ ပန်းကန်ဆေးအလုပ်သမားလိုတယ်ကြားတာနဲ့ တန်းပြီးလျှောက်လိုက်တာ တစ်ခါတည်းတန်းခန့်ခြင်းခံခဲ့ရသည်....၊
ခေါက်ဆွဲဆိုင်ဆိုပေမဲ့ ကန်ထရိုက်ဆိုဒ်နဲ့နီးကပ်နေတော့ ထမင်း ဟင်းပါတွဲရောင်းတာမို့ ဆေးရတဲ့ပန်းကန်ဆိုတာ ရေတွက်ချိန်ပင်မရ....။
ရိပေါ်မှာလည်း ပန်းကန်ဆေးတာကျွမ်းကျင်တာမဟုတ်တော့ ဆပ်ပြာတွေနဲ့ချောပြီးကျကွဲတာ အခုနဲ့ဆို သုံးချပ်မြောက်မို့ ဆိုင်ရှင်ကအသံထွက်လာလေသည်....။
"ကောင်လေး နင်နဲ့တော့မဖြစ်ဘူး နောက်နေ့မလာနဲ့တော့"
ရိပေါ်မှာပင်ပင်ပန်းပန်းလည်းလုပ်ရသေးတယ် အလုပ်ထုတ်တာတောင် အသိအမှတ်ပြုတဲ့စကားလေးတစ်ခွန်းပင်မကြားရတာမို့ အနည်းငယ်တော့စိတ်ဆိုးသွားရသည်....။
"အဲဒါဆို အခုပဲပြန်တော့မယ် ဒီနေ့စာရှင်းပေး"
"ဟဲ့ ဒီနေ့အချိန်မှမပြည့်သေးတာ"
"မပြည့်တဲ့အချိန်ကိုနှုတ်လိုက်လေ နောက်နေ့လဲလာစရာမှမလိုတာ ဆက်ထိုင်နေတော့ရောဘာထူးမှာလဲ"
"အမလေး အမလေး ငါ့ကိုများပြန်ပြောနေတာ ကြွ ကြွ ကောင်တာမှာထုတ်သွားချေ နင့်လိုပုံနဲ့ဘယ်အလုပ်မှမြဲမယ်မထင်ပါဘူးအေ"
ရိပေါ်လည်း အဒေါ်ကြီးကိုဘာမှပြန်မပြောတော့ပဲ မျက်စောင်းတစ်ချက်သာထိုး၍ ကောင်တာဆီငွေထုတ်ရန်ထွက်လာခဲ့တော့သည်...။
ပိုက်ဆံထုတ်ပြီး ပြန်လာတဲ့လမ်းမှာ ပဲကြီးတွန့်နေတဲ့သူ့လက်ဖဝါးကိုကြည့်ရင်း မကျေမနပ်ဖြင့် ပွစိပွစိပြောလာလိုက်တာ.....
"အီးဟီးဟီး ဟင့်"
ပလက်ဖောင်းပေါ်မှာကလေးလေးတစ်ယောက် ဝမ်းနည်းပက်လက်ငိုကြွေးနေတာမို့ ရိပေါ် ထိုကလေးနားကပ်သွားပြီး...
"ကလေးလေး ဘာလို့ငိုနေတာလဲ"
"သားဗိုက်ဆာလို့"
"ဗိုက်ဆာရင် အိမ်ပြန်စားလေကွာ"
"မေမေက ပိုက်ဆံတောင်းမရရင် အိမ်ပြန်မလာနဲ့ဆိုလို့ ဟင့်"
"အာ....ငါ့မှာလဲကျွေးစရာတော့မရှိဘူး ဒီလိုလုပ် ရော့ ဒီပိုက်ဆံလေးနဲ့တစ်ခုခုဝယ်စားလိုက်နော်"
ရိပေါ်လဲ ကလေးကိုသနားတာနဲ့ ဘောင်းဘီအိတ်ထဲပါလာတဲ့ပိုက်ဆံတချို့ကို ကလေးကိုပေးလိုက်တဲ့အခါ...(မရှိရှိတဲ့တစ်ရက်စာလခလေးကတော့ ပိုလျော့သွားတာပေါ့) ...။
"ကျေးဇူးပါကောကော ဟီး"
"မင်းကအမျိုးမျိုးတတ်နိုင်တယ် ဟုတ်ပါပြီ ဒါဆိုကောကောသွားမယ်နော် ကျိမ်းသေပေါက်တစ်ခုခုဝယ်စားလိုက်နော်"
ရိပေါ်က ကလေးရဲ့ခေါင်းလေးကိုခပ်ဖွဖွလေးပုပ်ရင်းပြောလိုက်တော့ ထိုကလေးမှခေါင်းကိုခပ်မြန်မြန်ငြိမ့်ပြသည်....။
ရိပေါ်ထိုနေရာမှထွက်သွားတော့ ကလေးကလဲတနေရာပြေးသွားသည်ဆိုတာ ရိပေါ်သတိမထားမိလိုက်....။
ထိုအချင်းအရာကိုတော့.....မီးပွိုင့်မိနေသော ကားနက်ကြီးပေါ်မှလူတစ်ယောက်ကတော့ သေချာကြည့်နေမိတယ်....
ကလေးက ကောင်လေးဆီမှ ပိုက်ဆံရပြီးတာနဲ့ လမ်းတစ်ဖက်ရဲ့ဒေါင့်မှာရှိနေသော အမေဖြစ်ဟန်တူတဲ့ဆီသွားပေးပြီး ခုနနေရာမှာပဲ ပြန်ငိုနေလေသည်....
ကျစ်!
"ယွီပင်း မင်း လမ်းဘေးမှာတောင်းစားတဲ့သူတိုင်း တကယ်ခက်ခဲတယ်ထင်လား"
"ဗျာ"
အဆက်အစပ်မရှိသောမေးခွန်းဖြစ်တဲ့အပြင် မီးစိမ်းသွားပြီမို့ ကားကိုအရင်ဆက်မောင်းလိုက်ပြီးမှ....
"အစကတော့ ထင်ခဲ့တယ်ဘော့စ် ဒါပေမဲ့ နောက်ပိုင်းကျ အလိမ်လေးတွေတွေ့လာတော့ မယုံတော့ဘူး အရမ်းလဲမလှူဖြစ်တော့ဘူး တခါတလေ မသိပဲလှူလိုက်ရင်တောင် မပြေလည်တဲ့သူကို ကူညီပေးလိုက်လို့ ပီတိတော့ဖြစ်ရပါတယ်"
ယွီပင်း စကားဆုံးတော့ ဘော့စ်မှလက်ခံသလိုခေါင်းငြိမ့်သည်...၊
"အင်း ကိုယ်တို့ လစဉ်လှူနေတဲ့နေရာတွေကိုလဲ အခြေအနေအမြဲကြည့်နော် လိုတာရှိလဲပြော"
"ဟုတ်ကဲ့ပါဘော့စ်"
......
ရိပေါ်အိမ်ပြန်ရောက်တော့ တံခါးရဲ့အောက်ခြေ ဟနေတဲ့နားမှာ စာစောင်ရောက်နေသည့်မို့ ကောက်ယူလိုက်သည်...။
ဒီနေ့လဲ အိမ်မှာတိတ်ဆိတ်လို့နေတာမို့ ပါပါးအခန်းဆီတန်းသွားပြီး တံခါးအသာဟကြည့်တော့ အိပ်နေတာတွေ့သည်မို့ ရိပေါ်လဲသူ့အခန်းဆီအသာပြန်လာလိုက်သည်...။
"မှန်းစမ်း ဒီနေ့အလုပ်သစ်တွေပါရဲ့လား"
ကုတင်ပေါ်တောင်မတက်တော့ပဲ အောက်ကစားပွဲခုံလေးမှာထိုင်ရင်း ပါလာတဲ့စာစောင်ကိုဖြန့်လို့ အလုပ်ခေါ်တဲ့နေရာကို တန်းလှန်လိုက်သည်...။
"အင်း....ဒါလဲ နိုး....ဒါလဲ နိုး.... ဒါ ဒါ ဒါ....ဒါက X Group က ခေါ်တာလား wow "
X Group ဆိုတဲ့နာမည်တွေ့တာနဲ့ ရိပေါ်တစ်ယောက် ထိုင်ရာမှထလိုက်မိပြီး စာစောင်ကိုလက်မှာမြောက်လို့သေချာကြည့်နေမိ၏
သူသာ X Group လိုကုမ္ပဏီကြီးမှာ အလုပ်ရသွားခဲ့ရင် သူ့အနာဂတ်ဟာအေးဆေးဖြစ်သွားနိုင်သည်....၊ သို့ပေမဲ့လည်း X Group က အစစအရာရာ စည်းကမ်းကြီးတယ် လူတော်တွေသာခေါ်တယ် နာမည်ကြီးတာမို့ ရိပေါ်အများကြီးမမျှော်လင့်ရဲဘူး....။
"မှန်း ဘာအလုပ်ပါလိမ့်"
- ခေါင်းလျှော် stylist အကူ အလိုရှိသည်။
"အတွေ့အကြုံရှိရန်မလို ရိုးသားကြိုးစားသူဖြစ်ရမည်.... ဒါတော့ ငါနဲ့ကိုက်တယ် ဒါပေမဲ့ ပညာရေးလဲမပါဘူး ဘယ်လိုကြီးလဲ"
ရိပေါ်မှာ ပညာအရည်အချင်းမတောင်းထားလို့ အလုပ်လျှောက်ရနိုးနိုး မလျှောက်ရနိုးနိုးဖြင့် တွေဝေနေရသည်....။
ပြီးတော့ X Group မှာလုပ်ရမှာမဟုတ်ပဲ X Group ရဲ့ လက်ခွဲ X Beauty Saloon မှာလုပ်ရမှာဆိုတော့....
"ဘာပဲဖြစ်ဖြစ်လေ လျှောက်ကြည့်လိုက်မယ်ကွာ"
စားပွဲပေါ်မှ လက်တော့လေးဖွင့်ပြီး ပေးထားသည့် email address ကို သူ့ရဲ့ CV form လေးတင်လိုက်သည်။
ရိပေါ်က သူ့ရဲ့ CV form လေးကိုတော့သေချာလေးပြင်ဆင်ထားတယ် ပညာအရည်အချင်းလေးမှာတော့ မျက်နှာငယ်ပေမဲ့လို့ပေါ့....။
>>>
———————————————————————————-
Zawgyi
ခြမ္း!!!!!
"အယ္!!! ဒီေကာင္ေလး လက္ေၾကာကိုမတင္းဘူး"
ေနာက္ေဘးမွာပန္းကန္က်ကြဲသံၾကားတာနဲ႔ ဆိုင္ရွင္အေဒၚႀကီးမွယပ္ေတာင္တဖ်ပ္ဖ်ပ္ခပ္လို႔ဝင္လာၿပီး စေျပာေတာ့တယ္.....
ရိေပၚတစ္ေယာက္ ရရာဝင္လုပ္မယ္လို႔ဆုံးျဖတ္ထားတာမို႔ စာေစာင္ေပၚကအလုပ္ေတြမရခင္စပ္ၾကား လမ္းထိပ္ကေခါက္ဆြဲဆိုင္မွာ ပန္းကန္ေဆးအလုပ္သမားလိုတယ္ၾကားတာနဲ႔ တန္းၿပီးေလွ်ာက္လိုက္တာ တစ္ခါတည္းတန္းခန္႔ျခင္းခံခဲ့ရသည္....၊
ေခါက္ဆြဲဆိုင္ဆိုေပမဲ့ ကန္ထ႐ိုက္ဆိုဒ္နဲ႔နီးကပ္ေနေတာ့ ထမင္း ဟင္းပါတြဲေရာင္းတာမို႔ ေဆးရတဲ့ပန္းကန္ဆိုတာ ေရတြက္ခ်ိန္ပင္မရ....။
ရိေပၚမွာလည္း ပန္းကန္ေဆးတာကြၽမ္းက်င္တာမဟုတ္ေတာ့ ဆပ္ျပာေတြနဲ႔ေခ်ာၿပီးက်ကြဲတာ အခုနဲ႔ဆို သုံးခ်ပ္ေျမာက္မို႔ ဆိုင္ရွင္ကအသံထြက္လာေလသည္....။
"ေကာင္ေလး နင္နဲ႔ေတာ့မျဖစ္ဘူး ေနာက္ေန႔မလာနဲ႔ေတာ့"
ရိေပၚမွာပင္ပင္ပန္းပန္းလည္းလုပ္ရေသးတယ္ အလုပ္ထုတ္တာေတာင္ အသိအမွတ္ျပဳတဲ့စကားေလးတစ္ခြန္းပင္မၾကားရတာမို႔ အနည္းငယ္ေတာ့စိတ္ဆိုးသြားရသည္....။
"အဲဒါဆို အခုပဲျပန္ေတာ့မယ္ ဒီေန႔စာရွင္းေပး"
"ဟဲ့ ဒီေန႔အခ်ိန္မွမျပည့္ေသးတာ"
"မျပည့္တဲ့အခ်ိန္ကိုႏႈတ္လိုက္ေလ ေနာက္ေန႔လဲလာစရာမွမလိုတာ ဆက္ထိုင္ေနေတာ့ေရာဘာထူးမွာလဲ"
"အမေလး အမေလး ငါ့ကိုမ်ားျပန္ေျပာေနတာ ႂကြ ႂကြ ေကာင္တာမွာထုတ္သြားေခ် နင့္လိုပုံနဲ႔ဘယ္အလုပ္မွၿမဲမယ္မထင္ပါဘူးေအ"
ရိေပၚလည္း အေဒၚႀကီးကိုဘာမွျပန္မေျပာေတာ့ပဲ မ်က္ေစာင္းတစ္ခ်က္သာထိုး၍ ေကာင္တာဆီေငြထုတ္ရန္ထြက္လာခဲ့ေတာ့သည္...။
ပိုက္ဆံထုတ္ၿပီး ျပန္လာတဲ့လမ္းမွာ ပဲႀကီးတြန္႔ေနတဲ့သူ႔လက္ဖဝါးကိုၾကည့္ရင္း မေက်မနပ္ျဖင့္ ပြစိပြစိေျပာလာလိုက္တာ.....
"အီးဟီးဟီး ဟင့္"
ပလက္ေဖာင္းေပၚမွာကေလးေလးတစ္ေယာက္ ဝမ္းနည္းပက္လက္ငိုေႂကြးေနတာမို႔ ရိေပၚ ထိုကေလးနားကပ္သြားၿပီး...
"ကေလးေလး ဘာလို႔ငိုေနတာလဲ"
"သားဗိုက္ဆာလို႔"
"ဗိုက္ဆာရင္ အိမ္ျပန္စားေလကြာ"
"ေမေမက ပိုက္ဆံေတာင္းမရရင္ အိမ္ျပန္မလာနဲ႔ဆိုလို႔ ဟင့္"
"အာ....ငါ့မွာလဲေကြၽးစရာေတာ့မရွိဘူး ဒီလိုလုပ္ ေရာ့ ဒီပိုက္ဆံေလးနဲ႔တစ္ခုခုဝယ္စားလိုက္ေနာ္"
ရိေပၚလဲ ကေလးကိုသနားတာနဲ႔ ေဘာင္းဘီအိတ္ထဲပါလာတဲ့ပိုက္ဆံတခ်ိဳ႕ကို ကေလးကိုေပးလိုက္တဲ့အခါ...(မရွိရွိတဲ့တစ္ရက္စာလခေလးကေတာ့ ပိုေလ်ာ့သြားတာေပါ့) ...။
"ေက်းဇူးပါေကာေကာ ဟီး"
"မင္းကအမ်ိဳးမ်ိဳးတတ္ႏိုင္တယ္ ဟုတ္ပါၿပီ ဒါဆိုေကာေကာသြားမယ္ေနာ္ က်ိမ္းေသေပါက္တစ္ခုခုဝယ္စားလိုက္ေနာ္"
ရိေပၚက ကေလးရဲ႕ေခါင္းေလးကိုခပ္ဖြဖြေလးပုပ္ရင္းေျပာလိုက္ေတာ့ ထိုကေလးမွေခါင္းကိုခပ္ျမန္ျမန္ၿငိမ့္ျပသည္....။
ရိေပၚထိုေနရာမွထြက္သြားေတာ့ ကေလးကလဲတေနရာေျပးသြားသည္ဆိုတာ ရိေပၚသတိမထားမိလိုက္....။
ထိုအခ်င္းအရာကိုေတာ့.....မီးပြိဳင့္မိေနေသာ ကားနက္ႀကီးေပၚမွလူတစ္ေယာက္ကေတာ့ ေသခ်ာၾကည့္ေနမိတယ္....
ကေလးက ေကာင္ေလးဆီမွ ပိုက္ဆံရၿပီးတာနဲ႔ လမ္းတစ္ဖက္ရဲ႕ေဒါင့္မွာရွိေနေသာ အေမျဖစ္ဟန္တူတဲ့ဆီသြားေပးၿပီး ခုနေနရာမွာပဲ ျပန္ငိုေနေလသည္....
က်စ္!
"ယြီပင္း မင္း လမ္းေဘးမွာေတာင္းစားတဲ့သူတိုင္း တကယ္ခက္ခဲတယ္ထင္လား"
"ဗ်ာ"
အဆက္အစပ္မရွိေသာေမးခြန္းျဖစ္တဲ့အျပင္ မီးစိမ္းသြားၿပီမို႔ ကားကိုအရင္ဆက္ေမာင္းလိုက္ၿပီးမွ....
"အစကေတာ့ ထင္ခဲ့တယ္ေဘာ့စ္ ဒါေပမဲ့ ေနာက္ပိုင္းက် အလိမ္ေလးေတြေတြ႕လာေတာ့ မယုံေတာ့ဘူး အရမ္းလဲမလႉျဖစ္ေတာ့ဘူး တခါတေလ မသိပဲလႉလိုက္ရင္ေတာင္ မေျပလည္တဲ့သူကို ကူညီေပးလိုက္လို႔ ပီတိေတာ့ျဖစ္ရပါတယ္"
ယြီပင္း စကားဆုံးေတာ့ ေဘာ့စ္မွလက္ခံသလိုေခါင္းၿငိမ့္သည္...၊
"အင္း ကိုယ္တို႔ လစဥ္လႉေနတဲ့ေနရာေတြကိုလဲ အေျခအေနအၿမဲၾကည့္ေနာ္ လိုတာရွိလဲေျပာ"
"ဟုတ္ကဲ့ပါေဘာ့စ္"
......
ရိေပၚအိမ္ျပန္ေရာက္ေတာ့ တံခါးရဲ႕ေအာက္ေျခ ဟေနတဲ့နားမွာ စာေစာင္ေရာက္ေနသည့္မို႔ ေကာက္ယူလိုက္သည္...။
ဒီေန႔လဲ အိမ္မွာတိတ္ဆိတ္လို႔ေနတာမို႔ ပါပါးအခန္းဆီတန္းသြားၿပီး တံခါးအသာဟၾကည့္ေတာ့ အိပ္ေနတာေတြ႕သည္မို႔ ရိေပၚလဲသူ႔အခန္းဆီအသာျပန္လာလိုက္သည္...။
"မွန္းစမ္း ဒီေန႔အလုပ္သစ္ေတြပါရဲ႕လား"
ကုတင္ေပၚေတာင္မတက္ေတာ့ပဲ ေအာက္ကစားပြဲခုံေလးမွာထိုင္ရင္း ပါလာတဲ့စာေစာင္ကိုျဖန္႔လို႔ အလုပ္ေခၚတဲ့ေနရာကို တန္းလွန္လိုက္သည္...။
"အင္း....ဒါလဲ ႏိုး....ဒါလဲ ႏိုး.... ဒါ ဒါ ဒါ....ဒါက X Group က ေခၚတာလား wow "
X Group ဆိုတဲ့နာမည္ေတြ႕တာနဲ႔ ရိေပၚတစ္ေယာက္ ထိုင္ရာမွထလိုက္မိၿပီး စာေစာင္ကိုလက္မွာေျမာက္လို႔ေသခ်ာၾကည့္ေနမိ၏
သူသာ X Group လိုကုမၸဏီႀကီးမွာ အလုပ္ရသြားခဲ့ရင္ သူ႔အနာဂတ္ဟာေအးေဆးျဖစ္သြားႏိုင္သည္....၊ သို႔ေပမဲ့လည္း X Group က အစစအရာရာ စည္းကမ္းႀကီးတယ္ လူေတာ္ေတြသာေခၚတယ္ နာမည္ႀကီးတာမို႔ ရိေပၚအမ်ားႀကီးမေမွ်ာ္လင့္ရဲဘူး....။
"မွန္း ဘာအလုပ္ပါလိမ့္"
- ေခါင္းေလွ်ာ္ stylist အကူ အလိုရွိသည္။
"အေတြ႕အႀကဳံရွိရန္မလို ႐ိုးသားႀကိဳးစားသူျဖစ္ရမည္.... ဒါေတာ့ ငါနဲ႔ကိုက္တယ္ ဒါေပမဲ့ ပညာေရးလဲမပါဘူး ဘယ္လိုႀကီးလဲ"
ရိေပၚမွာ ပညာအရည္အခ်င္းမေတာင္းထားလို႔ အလုပ္ေလွ်ာက္ရႏိုးႏိုး မေလွ်ာက္ရႏိုးႏိုးျဖင့္ ေတြေဝေနရသည္....။
ၿပီးေတာ့ X Group မွာလုပ္ရမွာမဟုတ္ပဲ X Group ရဲ႕ လက္ခြဲ X Beauty Saloon မွာလုပ္ရမွာဆိုေတာ့....
"ဘာပဲျဖစ္ျဖစ္ေလ ေလွ်ာက္ၾကည့္လိုက္မယ္ကြာ"
စားပြဲေပၚမွ လက္ေတာ့ေလးဖြင့္ၿပီး ေပးထားသည့္ email address ကို သူ႔ရဲ႕ CV form ေလးတင္လိုက္သည္။
ရိေပၚက သူ႔ရဲ႕ CV form ေလးကိုေတာ့ေသခ်ာေလးျပင္ဆင္ထားတယ္ ပညာအရည္အခ်င္းေလးမွာေတာ့ မ်က္ႏွာငယ္ေပမဲ့လို႔ေပါ့....။
>>>