بسم الله الرحمن الرحيم 💗💗
قَناة التلي @Arran0
شارد من الدنيا كلها
وعايش الليل بصفنتي
اخ ياذيچ العيون الغربتني
...............................................
دخلنا بلنفق وجان مبي هواي سيارات
سياقة فاطمة جانت عاديه مو كلش زينه لان بعدها متعرف زين
زادت السرعه اكثر والسيارات جانت كلها سريع
فجأة سمعت صوت فاطمة صيحت و صوت شحطة سيارة قويه وضربه!!!!!!
فيروز: هاااي ششصار عزا
- مادري اوكفي هسه اشوف
نزلنه اني وياها وسجى وجانت السيارة الكبالنه مضروبه وسيارة فاطمة هم متأذيه
نزلو من السيارة شباب اثنين جانو لابسين قاط
اتقدم واحد من الشباب وكال
- شسالفة عيني شدعوه هيج طايره
- خوييه اعتذر ولله ماعرف شلون صار هيج
رفع حاجبه وباوعلها - بله انتي عندج رخصه
نزلت راسها وبلعت ريگها واشرت براسها لا
- باععع مااكو رخصه ويسوقن
اجه يمه الشاب الثاني وحجه بهدوء عكس الاول
- ديلا ضلعي عوفهن اتأخرنه
- ولله ماعوفهن شنو سيارتي تضربها واسكت سالمين ياسر
- حسن شبيك قابل تاخذ فلوس من بنيه
- مااخذ اكو شرطة همه يحلوها شنو شهلثول تضرب سيارتي وحته رخصه ماعدها شكو طالعه
فيروز: عيني لتزودها بيتنه قريب منا اخذوني البنات من شغلي وراجعين وين طالعين مثلاً نكدر نحلها بيناتنه
حسن: لا نحلها بيناتنه ولا شي نروح للشرطة حته اتوبن تسون هيج بعد
فاطمة: الله علييك لا شكد تريد تصليح السيارة انطيك فلوسها فدوه
- باعي لان اتأخرت راح اسكتلج بس راح اخذ رقم السيارة ونطيني رقمج ونحلها بس افرغ
حجت بصوت مرتبك وخايف وشفتها ترجف
- تمام تمام هاهيه راح انطيك رقمي سجل يمك
نطته رقمها وراحو فاطمة ماكدرت تسوق جسمها كله يرجف وسجى متعرف بس اني اعرف شويه
ركبت بمكان فاطمة وشغلت السيارة ورحنه
وديتهن لبيتي ماكدرت اوديهن لبيوتهن بهلحاله
طبينا للبيت وگبل صعدتهن بغرفتي
دزيت رساله الاهلهن كلتلهم حنسوي احتفال بعيد ميلادها علمود ميضلون يسألون
نزلت للمطبخ اجيبهن مي شافتني امي
-ها اجيتي
- يي والبنات فوك ترا
- شوكت اجن
- ماما سمعي شصار ، ابو فاطمة اشترالها هديه سيارة لعيد ميلادها واليوم اجتني بيها ومن رجعنا نضربت بسيارة
بعدني ممكمله كلامي وعاطت - عزههه خو مبيجن شيي
- دنصي صوتج ليسمع حسين
- طالع اخوج
- ي ماما الشباب الي بلسيارة مبين مستعجلين ف اخذو رقم فاطمة
- لتخافن يمه ان شاء الله ماكو شي بس خطيه ام فاطمة شيصير بيها اذا سمعت ومنين تجيب فلوس التصليح اوفف
- ابوها موجود غير هو يدفع
- مستحيل ام فاطمة تطلب منه فلوس
- هو غيرر بنته ديلا يوم صاعده فوك جيبيلنه صحن فواكه فدوه لحلكج
- ديلا روحي يمهن خطيه شوي و اصعد اجيبلجن فواكه
صعدت يمهن
والوجوه لسه صفر وخايفات
- كافي يلا بنات قدر وصار
- بنات اني راجعة للبيت
- وج فطيم ترجعين الامج هيج خطية
- اول وتالي حتعرف فدوه بنات عوفوني اروح
- السيارة عوفيها بباب بيتنه عود من يجي حسين اكوله
- تمام داده رايحة اني
...........................
فاطمة:-
لبست جبتي ونزلت تلگتني ام فيروز
- وين رايحة خالاتي بعد وكت
- لا حبيبي خاله اتأخر الوقت امي ليضل بالها
- ماشي بنيتي ديري بالج ع نفسج
ابتسمتلها وطلعت تمشيت للفرع مال بيتنه واحس رجلي ثگيله ماكدر امشي اجتني رساله فتحتها لكيت أيهم كاتبلي انو حيجي باجر ويشوفني غلست عليه وكملت طريقي وصلت لكيت الباب مفتوحه و ابويه وامي بلطرمه يحجون
ركضت الابويه حضنته وابچي
- محافضتت ع سيارتك ضربتهاا انييي غبيه
احجي واشاهگ ودموعي ينزلن
ضلو يسألوني شصاير و اني ماحجي شي بس ابچي
- وللج بابا شصاير احجي
- بابا ضربت السيارةةة وحياخذوني للسجن
-كولي يا الله يمعوده
- لج فاطمة اهدي يمه شبييج خلي نفتهم
دخلوني للمطبخ وكعدت ع الكرسي شربتني امي مي وهدتني هديت شوي وكلتلهم ع الي صار
بعد مكملت كلامي خنزرلي ابويه وكال بصوت عالي
- شلون تطلعيييين بيهاا انيي شكلتت مو كلت انتضري المساعد مالتيييي لج انتي شنو الأم و بنتها ناويات تجلطنييي هسه هاي مو اختج متسوي هيييج
- هااي شبيك لتصييح ع بنتي
عافني بهلحاله وطلع وسد الباب ورا حيل
گلبي انكسر ماتوقعت يعوفني بهلحاله ويروح
رحت لغرفتي قفلت الباب وتمددت ع سريري وابچي
.................................
أيهم:-
كاعدين بكوفي اني و علي رضا و عاصف و ثنينهم كوه متحملين بعض و كوه كاعدين
أيهم: اني جامعكم اليوم مو حته نشرب نركيله شباب
علي الرضا: چا شعدنه ا*** مثلاً
أيهم: شكد عار
عاصف: شعدك بله
أيهم: جديات ترا موضوع حساس الي راح احجي بي اريدكم تنصحوني اني اكو بنيه احبها وثنينكم تعرفوها يمكن
علي: فاطمة صديقة خطيبتي مو
عاصف: منو هاي
علي: تتذكر البنات الثلاثه الي رادت توكع بيهن هدى فاطمة انت حققت وياها
فتحت عيني بتعجب وكلت - صديقة فيرووز
أيهم: ههههههاي شباب شقصتكم صديقات ثلاثه كل واحد حابله وحده
عاصف: لا اكل خ** معندي شي وي البنيه
صفنت شوي وكلت
- يعني باجر مشيتك بوحده منهن
علي: يي خويه
أيهم: هسه شنو ممكن اكمل سالفتي يي المهم باعو تدرون بيه منفصل و عندي بنيه بس فاطمة متعرف بهلشي
عاصف: شكد كو** شلون تضم عليها
علي: دصبر خلي يكمل
رفع حاجبه عاصف ويهز برجله ومعاجبته الكعده وكال
- ديلا هسه جايبني انصحك ششايفي لا حبيبة ولا مره شمعرفني
أيهم: دروح هو مو صوجك
علي: لازم تكللها مدام انت باجر بلنجف التقو وكللها
عاصف: ديلا اني رايح تصبحون على خير
دفعت الحساب وكمت كل واحد راح لبيته
ركبت بسيارتي و رجعت للبيت وصلت وفتحت الباب ودخلت لكيت زينه كاعده ع القنفه منتضرتني
كامت و اتقربت عليه وكالت - وين صرت أيهم نادين انتضرتك هواي
ضحكت بأستهزاء وصعدت دامشي ع الدرج اجت وراي
- أيهم اوكف
- يابه شرايده اريد انطمر مترحين تولين لبيتج انتي
- أيهم ليش هيج تحجي وياي
- وينه حبيب الگلب شعجب خلاج تجين
- أيهم احنه ع ابواب انفصال
- اوي عيني داده روحي يم ابوابج خلي اولي انام
- أيهم اني هنا علمود نادين ترا لتفكر غير شي
- هههههاي هو انه هيج مفكر بربج
عفتها ورحت لغرفتي غيرت ملابسي ونمت
....................................
سجى:-
رن المنبه وطفرت من السرير كمت للحمام
غسلت وجهي وبدلت ملابسي ونزلت رحت للمطبخ وسويت چاي
الساعه ب 7 واني من هسه متوتره ومتحمسه
طلعلتلي جبن وصار الچاي وتريكت
ورحت صعدت لغرفتي عدلت روحي وخليت مكياج خفيف
جنه متفقين ورا يومين من المشيه نعقد ونسوي حفلة عقد
كعدو اهلي وتريكو وحضرو المكان
احنه طرمتنه چبيره ف رتبنا بيها الكراسي
موعدهم چان ب 3 الضهر
تغدينا وكملنا وصار الوقت وبدو جماعتنه يجون
اجن البنات يمي وصعدنه فوك وجامة الغرفة مُطله ع الفرع و ع الطرمة
اجت سياراتهم وكلهن عاليات ونزلو منها شيوخ وضباط بزي عسكري
ونزل علي الرضا و أيهم وعاصف بصفه كلهم ضخام و شوارب و عضلات شكلهم جان هيييبه حيل و شخصيه
سجى: يماااااي باعوو هيبة رجلييي
فاطمة: اوي يمه رجلها هههههه
فيروز: عاصف شجابه
سجى: هذا الثالث صديقهم
اجتي ام سجى عاطت بينه خاف احد يشوفنه من الشباك
ف وخرنا عنه وكعدنه
سجى: هسه اميي وكتهاا
فاطمة: دعوفيها خاله تشوف هيبة رجلها هههه
كملو سوالف المشيه ووزعو كيك وعصير وهلسوالف
و بدو يطلعون الزلم
دزيت رسالة ل علي الرضا
- طالع كلش هيبه
شافها ورد بنفس الوقت
- بعد روحي
ابتسمت و عفت الموبايل و رحت نزلت اشوف البنات ولكيتهن يردن يطلعن
سجى: وين رايحات بعد وكت
فيروز: حبي ذوله اتصلو ع فاطمة راح اخذ حسين ونروح الهم
سجى: تمام طمنوني شيصير
.................................
فيروز"
طلعنا اني وفاطمة وتمشينه وبنص الطريق حسيت اكو سيارة ورانه ولازكه بينه
كلت الفاطمة - شو تعاي ادني خلي تعبر السيارة
وخرنه عنها وبقت بصفنه
السيارة جانت مُظلله ضل يدك هورنات فاطمى عاطت بي
- وسمم شبيك
الكاعد بلصدر نزل الجامة ع كيف وطلع أيهمم!
فاطمة: هذا انتت شكو تسوي هيج لعد يولل
أيهم: هههههه ثكيله عمي ثكيله
اني جنت دايره وجههي عنهم
درته حته اسلم ع ايهم شفت الي يسوق هو عاصف
عاصف: هلو فيروز
فيروز: هلا عاصف شلونك
عاصف: الحمد لله ، مچنت ادري بخطيبة علي صديقتج تدرين هههه
أيهم: يي خويه بس دره بيها صديقتج اجه للمشيه
عاصف: خرب خالتك لتضل تمضرط وحدك
أيهم: يلا عيني اني نازل يم فاطمة عندي موضوع وياها
فاطمة: شعندك
نزل من السيارة وكال لفاطمة
- تعاي ومعليج خلي اترخص من امج عندي شغله مهمه احجيها وياج
فيروز: فاطمة عدنه شغل شنو نسيتي
فاطمة: اسفه أيهم ماكدر
نزل أيهم حواجبه ثنينهن وعقچ وجهه بتعجب - شبيجن صاير شي لو معاجبج احجي وياج
فاطمة: ايهممم اكو وااحد ضربت سيارته ويريد يشوفني هسه نتفاهم
أيهم: ييي عيني مدام وحضرتج تردين توليين اله وحدج ان شاء الله
فاطمة: لا فيروز وياي
أيهم: ط****
فاطمة: لتفشر هيو
أيهم: مو فشارة هاي ، تعاي صعدي خنروحله
فيروز: ميحتاج هسه اخويه يودينه
عاصف: هههههه لا هاهيه
فيروز: خير اكو شي يضحك
عاصف: صعدن بويه ترا ذوله مدام يردون يسووها عركه وي بنات معناها ك***يد ف ليش تورطين اخوج بمشاكل تعالن صعدن احنه نتفاهم وياهم بويه
باوعت لفاطمة وحسيتها مقتنعه واني هم خفت ع اخويه يسووله شي صعدنه وياهم ونطتهم فاطمة عنوان صيدليتي الي اتفقنا نلتقي بيها
شغل عاصف أغنية ( شمسين )
لـتسولف علينا من يسألون
عيون الناس لا تحسد عشگنا ..
عاصف چان يدخن جكاره وكل شوي عينه عليه من المرايه لو يبتسم تك خد وتطلع غمازته جانت تصرفاته كُلش تجذب بس اسوي روحي ممهتمه
وصلنا للصيدليه باوعلنا عاصف وكال : لحد تنزل
فيروز: ترا الصيدلية اشتغل بيها اني بكيفي انزل لا
فاطمة: انتضري خلي همه يحاجوهم اول
باوعتلها وكلتلها بصوت ناصي هااي شبيج
سوتلي بأيدها انتضري
طلعو ذول الشباب منتضرينا بباب الصيدلية نزلو عاصف وأيهم حجو وياهم بس ماكدرنه نسمع شي
رجع عاصف للسيارة وحجه وياي
عاصف: فيروز گليبي نطيني مفتاح الصيدليه
فيروز: هسه نازله افتحها
عاط بيه بصوت عالي - لااا كععدي وين
- شبيك يا
خنزرلي وكالي نطينيا
نضراته تخوف نطيته المفتاح ومحجيت شي بعد
فتح الصيدلية ودخلو جوه وسدو الباب
.................................
عاصف:-
حسن: هسه انتو منو ومنين اجيتو احنه مشكلتنه مو وياكم وي الي جانت تسوق
أيهم: بالضبط مشكلتك وي خطيبتي تعال وحلها وياي اغاتي
ياسر: مو الصيدلية لهاي البنيه صديقتها وينها
عاصف: مال 42 ع حلگك هسه اسكت لك شعليك بيها
ياسر: وانت شكو احجي عدل
عاصف: شو انت تصيح
حسن: دوكف ياسر خنشوف شيردون ذوله عبالهم بشواربهم صارو زلم ويخوفونا
عاصف: ههههههاي أيهم دتسمعع
أيهم: هههههه يي خويه يي
ياسر: شبيهم ذوله
عاصف: كلت عبالنه صرنه زلم بشواربنه مو
حسن: اي
عاصف: يا يا ك*** اليوم ا*** عشيرتك واراويك الزلم شلون..
.................................
فيروز: لج راح انزل بعد ماتحمل وين صارو ذوله
فاطمة: يمه خايفه خاف يسوون شيي
- للج البابب نفتحتت طلعو طلعو
طلعو الولد الاثنين ووجههم ازرك وواحد خشمه ينزف وطلعو وراهم أيهم وعاصف يتمضحكون ولا عبالك اكو شي
جانو يحجون بس من اجو صعدو بلسيارة سكتو
فيروز: عزا شسويتو
عاصف: العزاج گليبي
أيهم: بتت الخ** شكوو تسوقين ومعندج اجازة سياقة شبييج
فاطمة: التوبةة ولله
عاصف: يلا مصار شي لتخافن بعد مالهم علاقه بيجن
أيهم: روحلنا لمطعم جعت اريد اتعشه
فيروز: ودونه للبيت وراها روحو
عاصف: ماجعتي؟ لتخافين هاي قريبه منا حديقه نكعد بيها واجيبلكم لفات
فاطمة: ولله اني متت جوع امشو معليكم بهاي
ضلينه ساكتين لحد موصلنا للحديقه
نزلنا سوه ودخلنا للحديقه
أيهم: انتو كعدو اني رايح اوصي ع لفات
عاصف: يلا ننتضرك جوه
فاطمة: اني رايحة ويا
فيروز: خوش
دخلت وي عاصف وكعدنا ع مسطبه
غمضت عيوني واتنفست الهوى جان منعش وبارد
كح عاصف فتحت عيوني وباوعتله
- شلونج؟
- الحمد لله
ضليت اباوعله وانتبهت لحاجبه دينزف - هايي شنو
- شبيج گلبي
- عاصف حاجبك دينزف
- عادي
طلعت كلينس من جنطتي وضليت امسح الدم ع كيفي
ضحك بهدوء
- ليش تضحك
- ترا عادي هو حاجب
- لا ماما شلون عادي
- ماما هههه باع الشبر ونص تكلي ماما
- شعلي الطول احب اكولها
- دتعاي جسمي مليان طلق واثار ضرب مسحيهن بلكي يخفن
- صدك
- لا اشاقة وياج بنتي
- بنتي شنو
- چا ربج وحد تكولين ماما
ضحكت ودرت وجهي اباوع ع الورد
ابتسمت ابتسامة خفيفه وكتله - تدري احب الورد هواي
- تحبين نفسج هواي يعني
- ههههههه لا بربك اسكت شكلك مو مال غزل
- مو صوجج ولحسين
-اويلي اسكت اجنن اللفات
اجو أيهم وفاطمة جابولنه لفات همبركر وعصائر
اكلنا وكملنا و قبل منروح ايهم اخذ فاطمة يتمشون كال عندي شي وياها
فاطمة:-
دنتمشى بلحديقه و منتضره أيهم يحجيلي ع الموضوع المهم
وكفت وباوعتله وكلت - مناوي تحجي يعني
ذب نفس وباوعلي
- جايج الحچي بويه صبري
- ديلا
- فاطمة اكو شي چان لازم اكوله الج قبل ما اعترفلج بحبي
- شنوو
- من جنت بلاعداديه جنت احب بنت خالتي
- بسلا هذا موضوعك المهم
- لج لا بربوك صبري شبيج
- لتفشرر
- مو فشارر هذاا خلكمللل
- يي كمل
- اسمها زينه ، بس جنت اعدادية ماكدر اخطبها بعدني صغير ف كضيتها بس نضرات لحد مكملت اعدادية و دخلت جامعة جمعت كل قوتي واعترفتلها وهيه بادلتني نفس المشاعر كملت مرحلى اولى ونجحت اتقدمتلها هيه هم جانت جامعة بس غير قسم
اتزوجنا بلمرحلى الثانيه
فتحت عينها وباوعتلي بصدمه وكالت - عزههه انت متزوجج
- دصببري زليخة صبري خلكمل ، يي تزوجنا وجنت عايش احلا ايام حياتي وياها وحب ومشاعر وراها بلمرحلى الثانيه الكورس الثاني حبلت ببنتنا حسيتها متردده ومجانت فرحانه وجانت باديه تتغير عليه مرت فترة الحمل وجابت هذا الحجي هيه عادت الثانيه
المهم صارت عدنه نادين بنيتي بدت يوم عن يوم زينه تتغير عليه وتهملني ومن اني تخرجت هيه مرحلى ثالثه
جنت هواي اثق بيها وعايفها براحتها بس بيوم من الايام اتفقت اني وصاحبي نروح للجامعة ونعيد ذكريات وهاي السوالف ف من رحنه حبيت اسويلها مفاجأة ....
- يلا خويه اني رايح اشوف مرتي اكمل واجيك
- براحتك حبيبي
رحت لقسمها وشفت صديقتها سارة سلمت عليها وسألتها عن زينه
- هلا خويه سويره شلونج
- الحمد لله خويه
- وين زينه
- بلنادي يمكن
- تمام
رحت للنادي ادور عليها لكيتها كدامي كاعده يم ولد ولازمه ايده
رحت الهم وكوه اجر النفس مصدوم من الشفته معقوله مرتي ام بنتي حبيبتي الوحيده تخوني
رحت يمها وصحت
- زينه
اول مشافتني شاهكت ووخرت ايدها عن الولد
باوع الولد بأستغراب وكال
- منو انت
- حبيبي انت المنو كاعد يم مرتي
- هو هذا طليقج حبيبتي
- شنوو يمعود شدتاكل خر.. انت
- أيهم باوع اني من زمان ردت اكولك مردت يصير هيج أيهم مدتشوف علاقتنه صارلها شكد بارده من زمان اريد انفصل عنك بس ردتك تحس هسه تعال بره نحجي ميصير هنا
- اهاا بره مو لجج وربي انتي وحده رخيصه وكلبه يا حسافة ايامي وياج
- أيهم اوكف الله علييك وين رايح
- لج شكد ساق** سودهه بوجهيي اني اخذ هييج مره من خر* بقسمتي ي ولله
- أيهم عليك الله لتسوي شي
عفتها وطلعت والدنيا اسودت بعيني صعدت لسيارتي بچيت زلمه شكدني شعرضني مشورب وتبچيني وحده
حسيت شي واكف ع صدري ميخليني اتنفس ماكدرت استوعب مرتيي ام بنتي تسوي هيج بيه....
&&&&&&&&&&&&