بسم الله الرحمن الرحيم 💗💗
قَناة التلي @Arran0
صوتك ماي
سولفلي اعله كيفك
مشتهي اتبلل ..
••••••••••••••••••••••••••
- يي كلتلي حتحجي وياي بموضوع مهم شنو هوَ داده
- فاطمة
- ها
- اني احبج
بقيت صافنة ومصدومة بدون مااكول اي شي
ابتسملي ولزم ايدي وكال بصوت هادئ وحنون
- يولي اني احبج هواي
- أيهم اتأخر الوقت حروح اني
- هاي شبيج كلت شي غلط ؟
- لا بس مجنت متوقعه ف خليني اروح هسه
- خلي اوصلج
- ماكو داعي
- نجبي وكومي اوصلج لتخليني اندم حجيتلج
- تمام يلا خلي نروح
-----
فيروز"
وصلنا لبيت بيبي دخلنا سلمنه اثنينه
بستها وضلت تعتذر لان ما اجت للفاتحه لان رجلها متكدر تروح لغير محافظه
راح حسين وبقيت وحدي
ام هُيام: شلونج حبيبتي
فيروز: ابد مو زينه بيبي
ام هُيام: سوده عليه يمه
فيروز: اسم الله عليج
ام هُيام: ليش امج ماجت وياج لعد
فيروز: متكدر بيبي اكو ناس ديجون ياخذون من خاطرها ورا الاربعين تجيج
ام هُيام: خوش يمه روحي ارتاحي وخلي ادز خبر الخالتج علمود تجي من وكت
فيروز: عوفيها براحتها بيبي اني صاعده انام
صعدت للغرفة واول مخليت راسي ع المخده غفيت لان تعبانه ومن ابچي هواي انعس
---
فاطمة: وصلنا هنا بيتي
أيهم: خوش خلي انزل اسلم ع خاله
فاطمة: وين يمعود اكعد واسكت
أيهم: ليش ولج
فاطمة: ماكو داعي روح
أيهم: تخافين تنعجب بيه واعوفج لا لتهتمين ماباوع لغيرج اني
فاطمة: دنجب نجب باي
أيهم: هههه خوش يلا روحي
طبيت للبيت وبده تحقيق الوالدة وياي وين جنتي وليش اتأخرتي
- ماما التقيت ب أيهم
- ليش مكلتيلي
- ماما دسمعي خلي اكمل
- كملي يله
- كلي احبج
- شنوووو وانتي شكلتي
- كتله رجعني للبيت
- باعي فاطمة اني ربيتج وحدي وتعبت عليج وصرتلج اب و ام ووصلتج لهذا عمرج وانتي مجبتيلي مصيبه الف الحمد لله ف اذا هذا صدك يحبج يجي يخطبج مدام اني موجوده ماقبل بهاي السوالف
- ماما يا خطوبة اني ماحبه اصلاً
- بعد لتحجين ويا لعد
حركت راسي بمعنى يي ورحت للحمام غسلت وجهي
وضليت افكر بكلام أيهم
أيهم مناقصه شي حلو ويشتغل واخلاقه زينه بس معندي مشاعر تجاهه شلون أفهمه هلشي بدون مااكسر گلبه وبدون متنتهي صداقتنه !
---
فيروز"
جنت نايمة وفزيت ع صوت خالتي جانت تخابر
من شافتني كعدت سدته وسلمت عليه
اديان: شلون صرتي حب
فيروز: ع الله
اديان: تعاي خلي ننزل نتغده
فيروز: بس لحضه انتي نزلي واني جايه وراج
دزيت رسالة العاصف كتله اني بكربلاء
ونزلت تغديت
اديان: خلي نطلع اليوم اني وياج تغيرين جو شويه
فيروز: مالي خلك طلعات
اديان: باعي بس نروح لحديقة نكعد يم الخضار شوي تاخذين هوه نظيف ترا انتي محتاجه هلشي
فيروز: تمام العصريه نطلع بس لنتأخر خوش
اديان: اوكي حبيبتي
اجاني اشعار من عاصف رجعت للغرفه حته اشوفه شكاتب
✉️عاصف: وين انتي هسه
فيروز: ابيت بيبي
عاصف: اريد اشوفج
فيروز: حنروح العصر اني وخالتي للـ (....) تجي؟
عاصف: تمام فيروز قبل متطلعين دزيلي رسالة انتضرج
فيروز: تمام باي
-----
عاصف"
عُلا: ويامن دتحجي عاصف
عاصف: مو مهم ، اني فد شوي واطلع خوش
عُلا: وين حتروح
عاصف: شغل بويه
عُلا: ضايجه ضل يمي
عاصف: كافي عُلا مو چنج زودتيها؟
عُلا: خلاص اسفه انسه
اجاني اشعار من فيروز كمت وطلعت ع سريع حته اشوفها
وصلت للمكان واتصلت عليها حته اعرف وينها بلضبط
- ام الفوف وينج انتي
- شفتك شفتك ما شاء الله شطولك
- ها ها تغارين من طولي مو دعترفي قزمه
اجتي من وراي وهمست يم اذني
فيروز: ماغار
عاصف: هاي منين طلعتي
فيروز: من بطن امي هههه
عاصف: دنجبي لا ارجعج اله
فيروز: تسويلي فضل
عاصف: تعاي خلي نكعد وسولفيلي شلونج
فيروز: مادري شلوني احس روحي بكابوس وحكعد منه مدااصدك كل الصار حقيقة ، عاصف اني بكابوس مو ؟
عاصف: فيروز هي هاي الحياة لازم تتقبلين الصار
فيروز: بس عاصفف ليش مات مو يحبني
ضلت تبچي ف خليت راسها ع صدري وايدي ع راسها
عاصف: لتبچين يگليبي
فيروز : عاصف ليش هيج صاار ليشش ابويه راح ليش
عاصف: سوده عليه گلبي لتبجين فدوه لعينج اهدي بعد گلبي
شالت راسها وباوعتلي بنضرات بريئه وحزينه
فيروز: شكرا عاصف دوختك وياي
عاصف: شهلحجي تره ازعل لتعيديها بعد وكومي ولج خلي ناكل شي جعت
فيروز: دقيقه خلي اصيح لخالتي تجي ويانه
عاصف: خلي نروح اني وياج نصيحلها
تمشينه بلحديقه واحد بصف الثاني
طخت ايدينا ببعض اكثر من مرا من جان تطخ ايدي بأيدها جانت توخر وتبتعد عني
فيروز: وصلنا هاي خالتي اديان
اديان: هلا سيدي سبق والتقينا بحضرتك مادري اذا تتذكرني
عاصف: اهلا بيج يي عيني أتذكر شكلج مو غريب عليه
اديان : مجنت اعرف بفيروز تعرف حضرتك
فيروز : احنه منعرف بعض كُلش
عاصف: بلضبط
فيروز"
بعدنه دنتمشى واجه اتصال لعاصف گلب وجهه واترخص من عدنه كال صار عندي شغل لازم اروح
اني وخالتي هم رجعنا لأن الوقت اتأخر
-----
عاصف"
- ها بشر مؤيد لزمتو؟؟؟؟
- يي سيدي بمكتبك هسه
ورثت جكارتي ودخلت للمكتب
- ها خاين
- عاصف اسمعني
- اشش ولا حررف
- بس اسمع
- لكك سر*** تضحك عليييه انيييي اليوم حضك اطييحه حيوان
لزمته بأثنين ايديه من ياخته وضربته
رجع هو رد الضربه الي
عاصف: للككك حيوااان متريييد روحك انتتت
على اثر صياحنه دخل علي الرضا
علي: عاصف شديصير
عاصف: لككك انييي عاصف تالي عمري ك*** يمد اييده عليييييه
علي: لكك انت متعرف عاصف منو حيوان عار شلون تمد ايدك
- انييي مسويت شي غلط هو ضربني واني رديتها
علي: اكلل خراا لك مو هو بكدك وتضربه
مؤييييد تعال اخذ هذاا الچلب
- حاضر سيدي
عاصف: مجان اكو داعي تسوي هيج
علي: لا اكو مهما يصير احنه زملاء بالمهنه
عاصف: خوش
-------
سجى "
صعدت اتصال وي البنات لان صارلنه هواي مشايفات بعض ولا حاجيات وي بعض
سجى:صارلي هواي اتصل على علي وميرد بيوم الخطبني كلي من ارجع اراسلج بس مراسلني ابد
فاطمة: شنو سالفته هذا مدافهم
فيروز: انطي مجال يجوز مشغول
فاطمة: صدك بنات نسيت اكوللجن ، باعن مدري شكول بسسس أيهم اعترفلي بحبه
سجى: ييييييي
فيروز: وجعي مارتاحله
سجى: انتي شكلتيله بله؟
فاطمة: مرديت عليه مادري شسوي
فيروز: انتي تحبي؟؟
فاطمة: مادري ولله احس بعدني معندي مشاعر حب تجاهه
فيروز: ي كليله لعد اني احبك كـ صديق
فاطمة: امي تكلي خلي يخطبج
سجى: دحبيي اول
فيروز: بنات حروح اني بعدين نحجي.
-------------
ندكت الباب بطريقة مجنونه
رحت فتحتها طلع محمود...
هُيام: شبيك خاله خبصتنه
محمود: خاله الله يشهد مجنت بلنجف اسف مكدرت اجيج البقيه بحياتكم
هُيام: حياتك الباقيه يوم
محمود: حسين موجود ؟
هُيام: اي تعال تفضل
دخل للاستقبال وحسين جان كاعد
حسين: هله خويه
محمود: البقيه بحياتك خويه ، عمي كسر ضهرنا
حسين: اوف اي ولله خويه
محمود: حسين اكدر احجي وي فيروز؟
حسين: ماهيه بكربلاء يم بيبيتي
محمود: بهيج فتره خليتها تروح!
حسين: خويه كلش منتهيه كلنه تغير جو يومين واجيبها
محمود: خوش خير ان شاء الله
هُيام: خاله تريد چاي عصير
محمود: لا خاله تسلمين رايح اني
هُيام: ماشي خاله الله وياك
----
فاطمة"
جنت بعدني صاعده اتصال وي سجى بس اجاني اشعار من أيهم كلت السجى و سديته ورحت اشوفه
✉️ أيهم: اريد احجي وياج
فاطمة: عليمن ؟
أيهم: اكو شي ضميته عليج
فاطمة: شنو هوَ
أيهم: تعاي طلعي بلباب نحجي
فاطمة: عزا شجابك هنا!!
أيهم: دتعاي شبيج
فاطمة: اوكف جايييه عمييي
طلعت من غرفتي ورحت لغرفة امي
فتحت الباب ع كيف لكيتها نايمة
فاطمة: الحمد لله جان حصلتلي رزاله بهلليل
رحت طلعت برا ودخلت أيهم للحديقه لان ماريد احد يشوفه
فاطمة: شكو جاي بنص الليل
أيهم: بعد وكت
فاطمة: احمد ربك امي نايمه
أيهم: فاطمة اريد اكلج شي
فاطمة: كولل
أيهم:تتذكرين من كتلج راح اعرفج على عائلتي
فاطمة: يي؟
أيهم: فاطمة اني ماعندي عائلة اعرفج عليها
فاطمة: مفهمت
أيهم: اني يتيم
فاطمة: وليش مكلت من سألتك ذاك اليوم؟
أيهم: خفت تعوفيني
- وليش اعوفك
- مادري خاف من تعرفين بيه يتيم ومعندي اهل تعوفيني مثل الباقيين
- اني هم معندي اب شنو حتعوفني مثلاً اني اعرفك الك أيهم شعليه بأهلك شلون تفكر هيج
- صدك ولله؟
- ولله أيهم شبيك ميهمني هلشي
- دتخليني احبج اكثر يولي
- أيهم روح اتأخر الوقت لتكعد امي
- اوف منج تمام رايح
ودعته وطلع اتمشى ورجع دار وجهه ابتسملي وكمل طريقه
- هسه هذا موضوع يخلي يجي من كربلاء للنجف علموده اوف اوف
------
عاصف"
دخلت للبيت جنت تعبان كلش بس اريد انام
اتلگتني امي بستها من راسها وصعدت لغرفتي
اجت وراي دكت الباب وكالت ممكن ادخل
- دخلي گليبي
- يمه خلي احاجيك شويه
- گولي بعد گلبي
-مناوي تفرحني بيك
- شسوي يعني
- يمه تتزوج شتسوي قابل
- الله كريم
- عاصف جاي احجي صدك مجاي اشاقه اريد چنه تعيش وياي واريد حفيد
- الله كريم يوم هسه تعبان بعدين نحجي فدوه لعينج
- يوو منك رايحه يمه نام
----------
طلعت ورحت لغرفتي وضليت ادور بلخانات على صورة لكيتها ولزمتها وكعدت ابجي واجه ابالي ذاك اليوم
- للجج شنو حااامللل هيه غلطه مره صارت شلونن حبلتيييي
- صاررت بعد شسوي قابل
- هسسسه تذبييي
- هاي روح شلون تريدني اسوي هيج
- لج مااحبج مارييدج احببب حنااان انييي انتي الله ذبج بلوه اليي
- ادري متحبني بس الي ببطني ابنه اثنينه
- ابنج انتييي ك*** مو ابنيي هذا مارييده
خليت ايده على بطني وكلت
- فدوه لتحجي هيج فدوه هنا ابنه اني وياك هنا احساسي يكلي ولد واريده هيج مثل العاصفه شنو رأيك نسمي عاصف؟
لزمني من شعري وشمرني ع الچربايه وبده يضربني بلحزام كالعاده
وبكل ضربه جنت اتمنى الموت
بس جان عندي امل من يجي ابنه حيتغير وحنبدي كلشي من جديد
بس صار العكس
من ولدت ابني عاصف شرد بليل هو ومرت اخو الي جان يحبها وابو عرف وضل يلحك وراهم ضل ابو عاصف يسرع بلسيارة والدنيا ظلام
صار حادث ودخلت بيهم سيارة
تسبب الحادث بموت حنان وابو عاصف فقد رجليه..
&&&&&&&&&&&&