#أسيرت داعش
#الكاتبه اسينات
مساء الخير عمري
حبيت أنوه على شغله ألي يكولون البارت قصير بالعكس طويل ++مجاي اشوف التفاعل الي يعجبني على البارت يعني التعليقات مو مثل الاريده اريد تشاركون بكل الفقرات من. اشوف التعليقات والمشاركه افرح ويصيرلي واهس اكتب وانشرلكم بس العكس
اريد تفاعل اريد هيج اشوفكم عايشين وياهم علقوا صوتو شاركوا القصه وشغله ثانيه عمري جاي احاول اسرع الاحداث شوي يعني الشغلات العاديه جاي اسرع بيه .
-تصويت للبارت
-تعليق بين الفقرات
-متابعه للحساب lrayh1234
-متابعه حساب الانستا soso1.913
بسم الله الرحمن الرحيم 🤍.
•~•~••~•~•~•••~••~•~••~•~•~•~••~•~•~••
مشهد من البارت السابق لحتى تتذكرون الاحداث
وغلقت التلفون ميرد عليه خلي شوي احرك كلبه مثل ما حرك كلبي رحت اكلت ونمت كمت ابدل واباوع من يتصل اضحك بصوت عالي ونوب ارد وافصل وهوه يدز رسائل واني ما اشوفهن وبصمات واني مطنشه
رحت للعياده لل 11 بليل كملت كلشي من شغل طلعت هلكانه وميته تعب وروحي رايحه وصلت للبيت هستوني جاي افتح الباب ما احس الا وايد انمدت حضنتني من بطني وايد صارت على خشمي كلشي بعد ما حسيت .
••~••~••
نور
كاعده ادرس طبت خالتي وجهه اصفر والخوف مبين بوجهه كلت واني رافعه حواجبي
:-جا شبيج
:-ولج ورده تاخرت وجاي اتصل عليه ومترد
باوعت للساعه كمت الزم بالتلفون واحجي
:-خاف عده شغل هواي
:-يمه يا شغل بال 12
اتصلت عليه من ما ردت خفت حيل مو من عوايده ما عسى شو شنو عدهه ترد على اتصالتنه رجعت اتصلت بيه ما ردت اتصلت بالسكرتيره مالت العياده
ما ردت حيل خفت بسرعه اخذت حجابي لبست وطلعت وخالتي ورايه رحت فتحت الباب كالت خالتي
:-ولج يمه هاي سيارته وين راحت
مسحت كصتي
:-ه هنا يجوز راحت تشتري
صارت ب 12 ونص ووده ماكو اختفت كعدت على الدرج كبال باب البيت ارجف وخالتي دك وتلطم بالبيت خايفه واني ما اعرف شسوي ووين اروح ضليت هيج بس اتصل عليه واوهم نفسي هيه جاي تشتري رايحه المكان
لمن صارت بالوحده لا هنا انتهيت كمت ابجي اتصلت على حسن اريد يرد ماكو ميت مره اتصلت اريده يرد ماكو
:-رد الله لا ينطيك حيوان رد
ابجي واريده يرد ماكو اخر شي صار بوجهي رقم ضياء بسرعه اتصلت ماكو دقايق ورد مبين نايم
:-ها نور
:-ضياء فدوه تعال ورده ما ادري وينه وسيارته كبال البيت واني وخالتي خايفين منعرف شنسوي
احجي وابجي وارجف حيل وبس صوت البزازين الي بالشارع حجه وهوه مبين عليه ممصدك
:-شنو وينه معقوله وين تروح يعني
:-ما ادري والله ما اعرف شسوي ضياء خايفه والله
:-تمام سدي سدي هسه اشوفلج
سديته رحت افتريت داير مداير السياره اريد اشوف شي واباوع من الجام مالت السياره كلشي ماكو رحت امشي وخالتي مجلبه بيه تريد بس تلزمني درت وجهي وصيحت
:-خاله ارجعي للبيت خاف تجي ومتلكانه
:-ولج يمه شلون اعوفج وارجع امشي بلكت هسه تجي
:-لا روحي خاله روحي فدوه خاف تجي ومتلكانه
مشيت بسرعه اغطي بنفسي والشارع ولا نفس والخوف مبين بعيوني وادعي بداخلي انو الكاه بلكت ترجع بلكت رايحه تشتري رايحه المكان
وصلت للشارع اريد اعبر الشارع صارت سياره بطريقي باوعت بخوف فتح الجامه وطلع رأسه يضحك
:-ها يحلو وين تروح
باوعت منا ومنا حجيت بقوه بس بداخلي الخوف مسيطر عليه
:-اروح الابوك امشي لك من كدامي امشي
:-هههه تردين اوصلج ؟
:-تمشي لو اذبحك هسه امشي لك
من عليت صوتي راح بسرعه وبس صوت السيارات والازدحامات والناس الي تروح وي عوائلها ركض عبرت الشارع وادور وامشي وعيني على التلفون
اتصلت عليه خالتي فرحت لبالي رجعت للبيت طلع تسئل اذا لكيته ماكو مكان مدورت بي لبالك انشكت الكاع وبلعته
رجعت من اتصل ضياء رجعت للبيت لكيته الساعه ب 4 الصبح شافني اجاني بسرعه بجيت ابجي حيل
:-ما لكيته ضياء ما لكيته اختفت
:-كافي اسكتي هسه ندور عليه قابل وين تروح
يحجي وعادي صرخت
:-وين نلكاه أكلك البنيه ما هيه وين يعني وين
باوعت الخالتي :-خاله خنروح نشتكي فدوه امشي
:-ميصير لازم اربعه وعشرين ساعه يالله تكدرين تقدمين شكوه
سكتت اريد افكر راحت خالتي الغرفه لزمني ضياء
:-اسكتي هسه حسن يلكاه شبيج لتخوفين المره
••~••~••
ورده
فتحت عيوني راسي يوجعني حيل واحس روحي مصخنه وحاره الدنيا ضلمه وبس صوت الجلاب الصوت الي أكرهه بلعت ريك من حسيت صار نفس بوجهي سكتت ارجف صوتي رايح صرخت من حسيت ايده على وجهي دفرته برجلي حيل
بس اسمع الصوت كلشي ما اشوف ابتعدت صرت ليوره وابجي حيل بكل قوتي واغلط واسب
:-شتريد مني أنته شتريد منو أنته كلب
تقرب مني لزمني من ايدي صرخت ادفر بي صرت اصرخ وابجي انعادت عليه من أنسرت كله انعاد عليه صرت اتلواه وياه وهوه بس يريد يلزمني من صاح
:-ولج اسكتي حسن اني حسن
وخر مني بسرعه كعدت على جهه ابجي راح فتح الضوه جانت عباره عن صاله صغيره واكف كبالي واني بس اصرخ وابجي وبكل نفسي حيل كله اتذكرته مجاي اكدر انسه موقف بسيط يذكرني بيهم
موقف حيل صعب وبشع صرخاتهم وناتهم أشكالهم مجاي اكدر انساهه ابدا تمنيت ميته ولا شفتهم جاي اتعذب واتعب
اجه عليه يريد يلزمني واني ماكو تخبلت تهسترت لحد ما حضني هدئت ابجي واشهك بكل قوتي اجر النفس اريد يوصل النفس كوه تنهدت بضيق وخرت
:-انته شبيك ها شبيك تخبلت والقرآن الكريم تخبلت هذا واحد عاقل هيج يسوي هااا احجي حسن احجي تره الا شوي واموت تعبت اني تعبت فوك ضيمي يعني
كلته وشهكت ايديه على وجهي اشهك وضامه وجهي بايديه لحدما وخر ايدي يحجي وهوه خايف
:-ورده وراديه حبيبي شبيج ااش اسكتي
:-لو كايلي حسن ليش هيج احس جسمي كله يرجف
حضني :-وردايتي اروحلج فدوه اشش اسكتي
سكتت وهوه حاضني :-ليش اجيت هنا ها حسن شجابني هنا وين احنه
:-اسكتي مو هسه اشش مخطوفه أنتي ورده بس خلي نطلع منا ونحجي امشي باوعلي كومني من الكاع واني بس ارجف احس ضغطي نازل والدوخه لازمتني حيل كعدني على القنفه
:-كومي ولج خلي نروح
لزمني من ايدي بسرعه كمت يمشي سريع واني وراه خايفه حيل طلعنه بسرعه منطقه خيسه ركض ركضت وياه ركبت بالسياره مشه بيه وصل يم منطقه وكف السياره باوعلي ساكت واني بس اجر النفس من شافني هيج مشه بالسياره وهوه بس يغلط من شفت شكله حيل خفت وصار تنفسي سريع حيل.. حيل خوفني فوك خوفي
:-حسن لتخوفني شكو
:-اسكتي خلي نوصل ..ضليت خايفه شوي يغمه عليه من الخوف وصلنه يم بيته
نزلت وهوه نزلني طبيت بسرعه رحت كعدت على القفنه دايخه وهوه واكف راح جابلي ماي شربت وخرت تمددت اسحب بالشال حجه وهوه خايف وحاط ايده على خصره
:-ورده بيج شي اوديج للمستشفى
هزيت راسي بلا دار وجهه يحجي وي نفسه
:- شسويت بالبنيه مخبل
كلت واني اكوم :-اي مخبل وما عندك عقل
دار وجهه عليه :-هسه اني شعليه
:-اسكت حسن هسه باي لحضه اكوم اخنكك لانو حيل ضايجه منك تره ما احب اني هيج سوالف وكعت كلبي
:-يا سوالف ؟
:-ليش خطفتني
رفع طرف شفته ضرب كصته باوع للسكف
:-ربييي هاي صدك عود
سكت كمت :-اريد ارجع رجعني للبيت
:-بس
:-لا بس ولا بطيخ
مشيت دايخه حيل نوب ارجف ايدي ترجف وأقل حركه اوكع شهكت من حسيت ايده لتفت على خصري باوعتله عيوني بعيونه خزرته سائله بكلبي ما احب هيج سوالف مشيت ركبت بالسياره كعد هوه بجهته
:-شلون صرتي
:-مو زينه
:-ورده
:-اسكت لا هسه اهطرك بالعوده
:-هطريني
باوعتله ساكته درت وجهي
:-حسن أنته خطفتني ؟
:-لا اصلا ضياء خابرني يكلك نور وخالتج متخبلات عليج هزيت راسي ما ممصدكه رجعت راسي ليوره ساكته نوب ما مصدكه يربي شسوي انطيني حل
:-حسن شتريد
:-شنو ؟
:-شكو يعني تره سوالف الخطف ما احبه جربته تره وانطيته حقه وطاح حضي فما اريد
:-شبيج ورده
:-وين جنطتي
:-ما ادري ما شفته يمج بس اني حددت موقع التلفون هشتوني وصلت للشقه شفتهم شردو مدري شلون عروفوني الجلاب المهم ما مسويلج شي الحمدلله والشكر
سكتت :-زين ما ادري ليش شاكه أنته ومسوي مقلب شنو عمار مشترك بهاي الخطه
:-شبيج مخبله ورده يا عمار خلي الولد ملتهي وي امه وينه وين ذني السوالف تره زوديته نوب خطف يعني ترديني اذكرج بموت اهلج مثلا شبيج يعني تريديني اجيبلج الاذيه
باوع ليكدام نوب رد باوعلي :-ورده تره احبج مستحيل بيوم اذيج بس انتي شجابج بس كليلي شجابج شصار سولفيلي احجي
:-باع جنت هستوني راجعه من العياده ردت اوفت للبيت ما احس الا وايد وانحطت على حلكي
:-هذا يا جلب زين اكلج عدكم كامرات
:-لا شسوي بيهن
:-زين جيرانكم
:-اي بيت ابو عليوي عدهم يخبلن ومن هذني الجبيرات
:-ابو عليوي.. اي راح اشكلج كاميرات بالبيت وورده رجاءا انتبهي على نفسج اعرف اني منو مسوي هيج
:-مصطفى الك*** مو ؟
:-يجوز
سكتت عصرتني بطني من البرد كتله :-يله خلي نرجع
هز رأسه باوعلي مسح خدي بابهامه واني ساكته مشه بالسياره وابدا منطقتي بحرف جسمي لحد الان يرجف من الخوف المشاهد جاي تنعاد عليه تمنيت أفقد الذاكره حيل تعبت باوعت التلفونه من اتصل ضياء عليه
رد فاتح مكبر الصوت حجت نور تبجي
:-ها حسن بشر لكيته فدوه
:-لا ما لكيته اختفت
ضليت ساكته اباوعله يحجي عادي ولازم ايدي بس مبين معصب وجهه مكلوب شلون من اكعد من الصبح وجهي مكلوب هوه هيج هيه ضلت تبجي وضياء يهدي بيه حجه ضياء
:-حسن شنو اجيك خويه لعد وين راحت البنيه
:-خويي يمي يمي موجوده هين بالسياره لكيته
:-يالله صلوات على محمد تدري صرعتني شوي وتصير بيه حاله نفسيه بس تبجي
:-ههههه هاي بعد يالله خويي شوي ونجي
:-في امان الله
باوعلي :-جوعانه
هزيت راسي بلا لانو إذا أكل هسه اتقيئ
:-مبين جوعانه امشي اشتريلج شغله
:-لا اخاف اتقيىء
:-لا لازم تأكلين
باوعت من نزل ايده على بطنه وكال
:-عابت مو دفره ضيم احس بطني انشكت بس تدرين عجبتيني شلون دافعين على نفسج بس مو هيج ياخي حفكر بالموضوع مدامنه هستونه بالدين خاف على ساعه واحده نايمين تجيني دفره
:-اي عيني فكر خاف تره أني مرات اكعد من النوم اكوم اضحك واملخ بشعري ومرات اروح النور والزمه من رأسه ودك على رأسه
سكت يباوعلي بجديه وعيونه ما بين الطريق وبيني :-صدك ؟
:-اي
دار وجهه ابتسمت ساكته نوب شكله صدك
:-متسويه
:-اي مرات من واحد يعصبني هيج اسوي
هز رأسه :-ههه عادي انام بالكاع
حجيت وعيوني يطاير منه الشرار رغم تعبانه حيل
:-عادي متهمني المسافه كتلك نور بعيده عني ورحت كسرته
:-ها جا انام يم ضياء متكدرين
مشيت ايدي على خده غمض عيونه بداخلي اضحك عليه مصدك يالحمزه
:-اي وتدري بعد شسوي
:-لا ما اريد اعرف
نزل ايدي كال :-كافي ورده خلي نصير جديين صدك تحجين
رفعت اكتافي ساكته وكف يم محل راح اشترالي ورجع وجايب علاكه فتحه طلعلي كيكه وتصير شربني صار يوكلني واني ساكته بس اكل لمن كملت مشه بالسياره
لمن وصلنه نور كاعده كبال البيت وحاطه ايده على خده من شافت السياره شافتني كامت تكمز طبت للبيت وطلعت تركض وتضحك طلعت وراه خالتي نزلت بسرعه اجت حضنتني تبجي حضنتنه ابجي وياهه وخالتي تدعي
اجت حضنتني حضنتنه :-الحمدلله يربي الحمدلله والشكر رجعت بنيتنه
دخلت للبيت رحت بسرعه غسلت وجهي وشربت مي هشتوني شربت بطني عصرتني تقيئت اجه حسن يمسح على ظهري سكتت كعدت ارتاحيت وهوه يحجي وياي ويهدي بيه راح طلع هوه وضياء طلعت وراهم
راح البيت ابو علي دكت الباب طلع ابنهم الصغير حجه وياه حسن راح شوي واجه علي حجه وياهم شوي وطبو اجاني فضول اريد اعرف ردت اروح
جرتني نور:-لا عيني اكعدي واسكتي اني اروح
راحت واني اباوعله
•~•~•
نور
رحت وراهم اركض طبيت جانو واكفين وره الباب يحجون وعلي مصدوم باوعلي ضياء خزرني رحت وكفت اسمع شيحجون
:-صدك جذب خويه اول مره تصير هاي الحاله عدنه
:-اي بعد هسه نريد نشوف الكاميرات بلا زحمه
:-تفضل تفضل البيت بيتك
رحت طبيت كبلهم كعد علي سوهه الكاميره نوب حسن كعد رجع لحد ما صارت بال11 ضليت اباوع كلشي ماكو لل 11 وربع هيج اجت ورده ضلينه نباوع صرخت من واحد حط ايده على حلكه والثاني يباوعله وهيه تصرخ وتضرب بيهم لمن فقدت بجيت عليه
أخذ منه الجنطه وهذاك شايله ركبوه بالسياره
صاح حسن:-يا جلاب *********
باوعلي عاط بيه :-امشي للبيت
ضياء:-اهدىء حسن خلي نفتهم نشوف منو همه
خزرته ورحت للبيت شفت ورده كاعده وأيده على خده صافنه من شافتني هزت رأسه
:-ها
:-ها
:-وجعا شصار احجي
:-اي همه اثنين جلاب
سكتت مسحت وجهه :-والنبي اذا ميطلع مصطفى ميسموني ورده
:-هوه بالسجن شدخله
:-دسكتي انتي متدرين امه شنو
سكتت وهيه ضلت كاعده ولازمه التلفون مالت حسن بايده اندك بايده كامت
:-عزا هذه خاله ام حسن شحجي وياهه
:-اي سلمي
ردت تحجي ومنحرجه
:-اي خاله.. حبيبتي تسلمين خاله شكرا ..تمام من يجي اكله
سدته وكعدت تكلب بي واني كاعده على الميز حايره لمن اجو راحت ورده الحسن وهوه يحجي وياهه بهمس وهيه بس تهز برأسه رحت يم ضياء
:-اموت واعرف شجاي يحجون
باوعلي ضحك ضحكت وياه اجه حسن
:-نور تعاي بلا زحمه
رحت وياه حجه ويهمس كال
:-اكلج ورده بليل تسوي حركات غريبه
عكدت حواجبي :-مثل شنو يعني ؟
،:-يعني تكعد بليل تضحك وتملخ شعرهه وتضربج
ضحكت :-هاي شنو الا إذا اختي مخبله
:-مو هيه كلتلي
باوعتله اضحك :-لا تجذب عليك بعدهي اختي ما وصلت الحاله الخبال
ضحك :-يعني تضحك عليه
:-اي ليش صدكت ؟
ضحكت وهوه ضحك وعافني رحت سويت جاي وقدمتلهم
•~••~•
ورده
ضل يكلي هاي اليومين لطلعين على ما اشوف الوضع ضل يمنه للصبح خالتي كاعده وبايده السبحه وحسن كاعد بصفي ويخابر اخذت الجاي من نور انطيته الحسن وأخذت الي هستوني جاي اشيل الكلاص ما احس الا وطاح من ايدي على حسن راحت روحه الحاي حار والكلاص جبير
:-اسفه والله اسفه حسن ولك احترك يا
:-وخري مي مي
وضياء يضحك صرحت بي :-ولك كوم اخوك احترك
كام رفعت القميص اثر احمر راح للحمام رحت وراه وخالتي راحت تجيب دهن كعد يغسله واني حاصرتني البجيه هسه بس واحد يسويلي بس ابجي
:-حسن خلي اشوف فدوه شو
باوعلي عيونه حمر :-مصار شي وردايتي
بجيت مغطيه وجهي:-والله ما ادري فلت من ايدي اسفه حسن اني ثوله أسفه
دار وجهه عليه حضني الصدره يمسح على ظهري
:-هسه منو حجه وياج منو كال يعني شفتيني هسه حجيت شبيج حبيبي كافي لتبجين مو زين عليج شو باوعيلي
وخرني يمسح بدموعي جرني فتح المغسله يغسل وجهي ويمسح ركبتي وشعري وخرت
:-توجعك بطنك حسن
:-لا خفيفه كلشي ما بيه حصان
هزيت راسي ساكته واكل بشفتي خايفه من يمي روحي راحت هوه شلون
:-كافي مو اكلتيه اكل
:-شنو ؟
اشر على شفته سكتت :-يله امشي خلي ادهنه
جريته من ايده امشي وهوه ورايه رحت خالتي جابت الدهن وتتاسف منه وتخزر بيه واني ساكته حط دهن شوي وراح ضياء يضحك عليه رحت من راحو سبحت وطلعت صليت عيوني كوه فاتحه من النعاس نوب الدنيا صارت صبح كمت امشي رحت بسرعه نمت من كثر ما تعبانه
ما كعدت الا على صوت نور تكمز فوك راسي
:-كومي اجه حسن يريدج بره كوميي
كمت بدون ما احجي شي غسلت وبدلت وحطيت حجاب على راسي شلون مجان طلعت جان كاعد شافني ابتسم وكام باوعتله ساكته رحت يمه لزمني من ايدي حضني ابتسمت
وخرت كعدت مبتسمه :-شلونج
:-الحمدلله
:-شنو جنتي نايمه
:-اي نعسانه ونمت
هز رأسه جر من يمه علاكه قدمه الي رفعت حاجبي مستغربه :-شنو هاي ؟
ابتسم يحجي:-افتحيه وشوفي
رفعت طرف شفتي اضحك فتحته جانت مغلفه فتحت من شفت الكارتونه رفعت راسي باوعتله بسرعه كمزت حضنتنه وهوه يضحك عليه
:-ياي حبيبي عزا التلفون الجنت رايدته
:-الف عافيه وردايتي عجبج
:-كلش كلش زحمتك
:-انجبي تعالي فتحي شوفي شكله
ردت اكوم جرني حيل كعدت على رجله كلت
:-خاف ثكيله
:-لا افتحي الجهاز
فتحته واني اضحك والضحكه شاكه حلكي جان بخاطري اشتري وحيل حابته وصارعه نور بي اريده واريده وقبل فتره جنت رايده اغير تلفوني عضيت اصبعي من كثر ما فرحانه باوعتله يباوعلي وميت ضحك جريته بسته بخده حيل
:-والقران كفوو حسوني عفيه تعجبني هيج
ضحك :-بالعافيه
:-حبيبي الله يعافيك
كمت من يمه كعدت بصفه كعد يسويلي بالجهاز كمت سويت عصير وجبت حلويات وشكو شي موجود حطيته بالصينيه شلته ونور كاعده تخابره صديقاتها وبس تضحك طبيت جان كاعد بالكاع عيونه بالجهاز والجكاره بحلكه
:-ها حسوني
:-همم
رحت يمه:-حسن حسوني حسنسن حسنون حبيب
جريت منه الجكاره صاح:-هااا
ضحكت:-وجعاا
ضربني على رجلي دفرته برجله :-لتضرب صير حباب
:-ليش ترديني اصير وكح ؟
ضحكت مستهزه :-هـهـهـهـه دسكت اسكت
ما احس الا وطفه الجكاره وتقرب مني رجعت ليوره اباوعله ساكته من شفته تقرب حيل رجفت كلي خفت حيل منه من تقرب
:-ح حسن شبيك ف فدوه
همس يم اذني بفحيح :-ما بيه يروحه الحسـن
:-حـ حسـن
:-روحـه
من شفته تقرب زايد دفعته حيل وكع بالكاع يضحك بصوت عالي لزم الكيكه اكل
:-تخبل نفسج
خزرته :-اسكت حسن
:-اسكت ليش لا
كعدت اعدل بياخه القميص مالتي اخذت النستله اكل ما مهتمه شفت تلفونه بالكاع ردت أخذه جره
:-ها
:-شكو اريد اشوف
:-ليش ؟
:-هيج
:-تغارين
:-لا جيب
كعد جرني يضحك صار ظهري على صدره اخذت التلفون فتحته صرت اكلب بالبرامج دخلت للصور جان كله صور اصدقائه وصور ابو تنهدت اول مره اشوف ابوه حاجيلي عليه بس ما شايفته شكله حيل مريح
:-الله يرحمه
هز رأسه رأسه على كتفي جان اكو مجلد دخلت عليه باوعتله بسرعه باوعلي ساكت صوري موجوده صور اصلا ما ادري بيه شوكت ما ادري شوكت ماخذهن اصلا
:-اي شوكت ماحذهن
:-انتي شدخلج
:-شنو هوه بكيفك صوري هذني شوكت اخذتهن
:-صوري لو صورج عادي
سكتت عجبني ادك على عمار
:-راح اتصل على عمار يرد ؟
:-ما ادري
اتصلت عليه ثاني مره جاوب
:-شتريد ولك عوفني مرتاح مو نسيتني ها شعدك بعد جاي هاي خطبت شعدك بعد لو عافتك
حطيت ايدي على حلكه امنعه يحجي واني ميته ضحك
:-ولك بس لا عافتك تريد احجيلك وياهه ..اني كتلك شلك بيه محد يعرف بيه بس اني نوب شلون عنيده اخخ يا ربي
ضحكت :-هههههههه شلونك عماروو شخبارك
:-لك هلا هلا بورد الجوري هلا بورد البساتين شونج ولج ذكرتج
:-ههه دسكت أنته بذات متسئل متكول اختي اسئل عليه
:-والله ملتهي ورده حتى شغلي عايفه امي مريضه وبعد تعرفين
:-اي خطيه حسن حجالي الله يشافيه ويطول بعمره
:-رحم الله والديج اي ولج شونج والله مشتاقلج
:-واني هم
حسن:-ها يمعودين صارت بيه اشتياق
عمار:-انته اسكت خلي احجي وي اختيي
حسن:-اي اختك دنجب صارلي معتز اختي
عمار:- ذكرتني بسعاد ام شعر الاحمر بس والله حلوه نوب حليوه بس هذا الاثول شوكت تزوج عليه ناديا يثول يبو عصام ضيعت جوهره
ورده:-هههههه
متت ضحك نوب يقلد
عمار:-لا وخطيه ابو بدر حصل دك من فوزيه خطيه كسرته تكسر
ورده:-اي بس شبيك احبه هيج قويه ياخي احبه ومعتز شكد احبههه ولك يمههه يموت والنبي
عمار:-لا ولج النوب مره شهاب شسمه
ورده:-شريفه
عمار:-اي ولج صاكه مو بنيه بلوهه
حسن:-ها يابه هسه شجابنه على باب الحاره شعاجبكم بي
ورده:-يا والله حلوه حيل حبيته ما عسى اعيده مليون مره ما امل
عمار:-ولج ورده حسن ميحبهم ابدا يتنرفز منهم يكول شهل التمخرط
ورده:-يا ما عنده ذوق ميدري هوه بالمسلسلات القديمه شكد حلوه والله المسلسلات السوريه تخبل
عمار:-اي
صار يمه صوت كال :-يله اني اروح اشوف شركاتي تعرفون بعد اشغال
ضحكت سديته منه بسرعه باوعتله
:-انته متحب باب الحاره ؟
:-اي ايع شعاجبكم بيهم
:-يااا حسن جا ميصير اني احبهم
:-اي واذا
:-الشي الاحبه لازم أنته تحبه
:-دروحي لو اموت اشوف التمخرط وابن عمي وابن عمي
باوعتله كمت من يمه :-هاي شنو تره ميصير
:-شنو الميصير
:-هسه تشوف وياي المسلسل
:-السوري ما احبه
:-دسكت..جريت التلفون فتحته على مشهد من ام عصام تكول الابو عصام فشرت
:-اي دشوفي التمخرط هسه يله شو شكالت هسه يعني
:-لا عدهم ميصير هيج يحجن عيب ولازم يحترمن ابن عمهن
باوعتله ضحكت حجيت :-ابن عمي
رفعلي حاجبه :-دكومي
:-ابن عمي يا ابن عمي
لزمت شواربه العب بيهن:-ابن عمي ابو الحسن تؤبرني شو بحبك الله يخليلياك وما يحرمني منك
ضحك وخرني منه واني اضحك بصوت عالي وبكل قوتي نوب من اضحك يضحك حضني بادلته احجي
:-شو بحبك يا ابن عمي
:-بكفينا بنت عمي
باوعتله اضحك :-كافي ما احب هذني السوالف
كلبت خلقتي وكعدت اكل كام راح واني هم غسلت وكعدت العب بالتلفون الجديد مو مثل القديم ما متعوده علي سديته وكعدت ضايجه حيل ما اعرف شسوي
رحت نمت لليل ما كعدت الا على صوت صرخات نور كمزت بسرعه طلعت جان اشوف ام مصطفى بره وتصيح ونور تصيح ويتعاركن ..
يتبع 🔥..
ها شلونه البارت 🙊
تفاعلوا فدوه 🥺.
اترحمو الأهل ورده 🤲..
احبكم ..