الكاتبه: LARAN❤️
صِرت مثلك مو حَنين
وبعد مَتردني الأغاني
هاي أول مَرة أشتاگلك وأبقى بمكاني
ضوگتني الخوف يَمك
بعد شتفيد الأماني ؟
(ليالي الجحيم12:00)
(part 25الـ)
مهم: لاتنسون التصويت والمتابعه للحساب دادهَ🔴"
علقو بين الفقرات مو بس بڪِلمه تم
لاا تفاعلو بڪِلام تفاعلو مو بس بڪِلمه تم
تفاعلو بڪِل فقره نفس البنات الثنين الي نشرتهم
التصويتات همتڪِم بيها تره دتنزل من
واهسي بالڪِتابه ، فـ صوتو
يلااااا نزعو نعولتڪِم جقوني
بوسه ونطلقو 🌚🤍.
................................
.
.
.
.
.
احسـك ويـ رفيف الدم 🕊♥️.
عيوني راحت ؏ انوار الي تعبانه وذبلان شڪِلها رحت ڪِعدت يمهاا وهيه لزمت ايدي وعصرتها وهمستلي بغصه جبيره
- اريد ابجي أيڤين ساعديني راح اموت
:- يييمه شڪِو شبيج
- ڪِلبي أذاني بعد مااتحمل ولج سمعي جدو لمنو راح ينطيني سمعيييي...
:- اشش سڪِتي خلي نسمع ، بده جدو يحجي اول شي عن خطبه سجاد نشاالله الاسبوع الجاي يعني قبل عرسي وبعدين دخل بموضوع انوارر
- ونشالله اليوم مدام متجمعين بويه وجمعتڪِم ڪِلڪِم عندي موضوع وياڪِم
الڪِل: تفضل حجي
- مثل ماتعرفون انوار خطبها ابن خالها ورفضت مور
اي
- فـ يابويه انا اريد انوار الـ حسن
:- فتحت عيوني بصدمه وصحت شلون
ڪِمزت انوار وعاط
- لااااااااااا ماااااريده ماااريد جدو
:- الڪِل نصدم بڪِلمه شلون..
جان تعيط انوار ويڪِوم حسن ويعيط بيها
- سڪِتييي
:- اباوع الجو انخبص وانوار تعيط وتڪِمز وخبصه صارت صاح جدو صوت سڪِت الڪِل
- انوار جدي روحي بغرفتج
:- انوار احس ڪِلبها فرفح تفرفح ودموع عشره عشره
- جدوو جدوو شلون تقبببببل شلون هيييج تحجي وتسوووووي هذااا حسن تريد تنطيني الـ حسسسن الحقيرر راح يخطبوله
:- عاط حسن بصوت متوجع حتئ اني ڪِزبر جسمي من قوه الصوتَ
- انوووووواااااااارر
:- دارتله انوار وامها ڪِامت تريد تاخذها وتسڪِتهاا ،
- روحي جددددو لغرفتج
:- رادت تحجي ڪِمزت اني والبنات سحبناها ودخلنه للمطبخ بيها ، صارت عيوني من طلعت ؏ خالو فاتح عيونه بدهشه وصدمه ماعرف شبي
- أيڤ فدوا انتِ اي انتِ احجي ويه حسن يرفض خاف يريد يوافق احجيي
:- دارت لمروه تبوس ايدها وترجف
- انتِ انتِ مرووه احجي ويه جدو ماريد حسن
:- حضنتها مروه وباست راسها
- الله ينتقم من حسن الي سبب هاي حالتج
:- سڪِتت ماعرف شحجي حقها ومو حقهاا
ريم: ليش انوار انتِ مو جنتي رايدته!!
- لااا لا جنت رايدته هسه لاا اموت منه دمر حالي خسرني هواي شغلات دراستي ڪِوه ادرسها لعب بحوالي لعب ذلاني ذل ڪِرامتي هاني ضربني بشنو جازاني واريده!!
بشنووووو
:- خليت ايدي ؏ خدي وبقيت صافنه وهيه دفنت راسها بصدري وتبجي متعجبه ومصدومه وڪِلشي بيه شصار امس ماڪِو شي وموجودين ويتفقون ؏ خطبة حسن
وخرت راسها وڪِمت للديوانيه وڪِفت بالباب وجتفت ايدي واستمع الهم خبصه خبصه ڪِلها تحجي شڪِل اخير شي ڪِام حسن
- هاي هيه جدي خلاص اصلاً انه جنت ناوي افاتحك بالموضوع بس انت سبقتني نشالله راح نعقد انه وياها
:- فتحت عيوني وحلڪِي وڪِل حواسي بصدمه معقوووله معقوله هذا حسن لاا لا اڪِو شي وراه وشي جبير مو هين خرررب
ماسمع اله صرخه وره أذني ووڪِعه درت بفزعه واشوف انوار حالتها يرثئ لها وتخربطتَ دنڪِت واني انڪِث من الخوف واضرب ؏ خدهاا
انواررر يييمه انوو تعااااال انوار وڪِعتت
ندفعت بخفه من جتفي شفته حسن غطه انوار تغطي بجسمه شالها وخلاها بالصاله الداخليه
؏ الڪِرويتات والڪِل التم عليها ابد متمنيت اشوف انوار بهل حاله هاي طشو عليها ماي صحصحتَ وشافت حسن يمها دفعته حيل من صدره وعاطت
- اڪِرررهك اموووت منك
:- ڪِامت من الڪِرويته وتأشر ؏ واحد واحد بأنڪِسار
- ڪِلڪِم اڪِرهڪِم واذا زوجتوني اله خطيتي برڪِبتڪِم طلعت من الصاله صعدت فوك واني رحتَ وراها والبنات وراي دخلت للغرفه لڪِيتها تلطم ؏ وجهاا وتنحب وتناشغ تڪِمز ومفرفحه
- اموتتت روحي اذا ينطوني اله ،
لج ذلاني مابقه ؏ حالي حاااااال شترجه منه لج بهاي عيني بهااااي عينييي شفته من اجانه شفت تلفونه يلمض رسائل واتصالات من اسم شمسس
بس مااحجيييي مااحجي نلصمت لأن عبالي طلع من حياتي وادوس ؏ روحي واتحمل الوجع مال زواجه وخلااص وڪِرهتته وهسه راجع عليه!!!
:- اشش ڪِاافي راح تموتين ماتتزوجينه بس ڪِافي هسه جاي يحجون خلي نفتهم أشرت للبنات روحن بنات سمعن الحجي شنو طلعن واني سحبت انوار من ايدها وڪِعدت ؏ الجربايه ونومتها ؏ صدري وامسح ؏ شعرها وهيه تناشغ ڪِسرة خاطري بنشغاتها
- من ڪِلتله وداعاً من حياتي رجع شوي شوي عليه تعبني أذاني والحب ماله تعبني شريد منه بعد اذا قبلت بي معناها لزمت النار بيدي
اذا تزوجني يأذيني نسيتي مرضه نسيتي شصار بي!!
والله والله بس يتزوجني يأذيني تذڪِرين الدڪِتور شنو ڪِال عليه ها؟..
:- ڪِافي هسه ليش هيج تفڪِرين ليش تفڪِرين بماضيه!
- لأن اعرف راح يأثر عليه بمستقبله
:- ڪِافي خلي نشوف بقيت امسح ؏ راسها وهيه تهذي
- اموت اذا اخذته أيڤين ڪِرهته والله ڪِرهته ماعندي شغف الحب القديم اله من اشوفه من نسيته وڪِرهته رجع عليه
:- سڪِتت ماعرف شنو اجاوبها ڪِلامها صح ڪِله شويه وانفتح الباب ودخلت امها وعمه هدئ وامي ومروه وريم سدن الباب وهيه من شافت امها زادت بالبجي ورڪِضت بحضنها
- ماما شفتي جدو شسوه؟..
- ڪِافي يمه راحت روحج من البجي عليمن تعاي ڪِعدي خلي نحجي
- ڪِعدوها بالڪِاع وصارت وحده وحده تحجي وياها اول شي امها
- سمعتي الصار ماما وسمعتي ڪِلام جدج صح مايوم جابرجن ولا جابر وحده بيجن بس هذا ڪِلامه يريدج لحسن اڪِو سبب وره الموضوع ومحد يعرفه
بس حسن وجدج وانتِ استفسري منه صح ؏ اساس لازم خطبته تصير بس راح تنلغي وهمه قارين بس فاتحه وراح يعقد عليج انتِ هذا الاسبوع
:- رفعت انوار راسها والدموع تلالي بعيونها
- لاتبجين عمه ؏ شنو تبجين اصلا اني رايدتج لحسن وتدري امج خطبتج من قبل اله وجان حاسبج صغيره بس هسه ماعرف شبي يرڪِض رڪِض ومصمم ياخذج
:- اسمع حجيهم واني مصدومه احس نفسي غبيه وڪِاعده بيناتهم ؏ اللغاز الي سمعتها منهم
عمه هدئ: يلا عمه ميخالف ؏ شنو هل بجي والعياط اعتبري خطبج خطبه عادي بدون هل حجي والمشڪِله وحسن خوش حسن رباج ؏ ايده ويه أيڤين وانتِ ويا سوه جنتو بعد ليش هيج وبعدين ابن عمج هوا مو غريب حتئ تنغصبين عليه..
:- بقت ساڪِته انوار تريد تنفجر من البجي رفعت راسها وحجت بغصه
- بس اڪِرهه ڪِمت اڪِرهه
:- ڪِلهن صاحن بصوت واحد وترني
" ليييشش "
- لحد يسئلني ليش بس اڪِرره حسن ڪِمت اڪِره وماريده وهسه بس يرحون انزل احجي ويه جدو موبڪِيفهم
:- سڪِتن عماتي وماما بعدين نزلن وصار الجو هدوء وسنطه عفت انوار من شفت مروه تأشرلي بعيونها اڪِوم هيه طلعت واني ڪِمت وراها اشوف شبيها طلعنه وڪِفنه يم الباب وحجت وهيه تفڪِر
- أيڤين لازم صاير شي جبير وجدو اختار حسن من بين ولد عمي ويدري حسن راح يخطب
:- احس بطني خبطت اي ولج اي صاير شي جبير ومحد يدري بي هسه ولازم نعرف
- احس نضررات جدو لحسن مشحونه شحن
:- فتحت عيوني بصدمه وتفڪِير تتوقعين عرف شي ؏ شمس وهيج صارر!!
- احتماال واحتمال جبير
:- بقيت ساڪِته حايره مانعرف شنو راح يصير صاحني بابا من جوه نروح دخلت لبست وانوار شافتني وزادت بالبجي
- راح ترحين؟..
:- اي رادت تحجي شي وسڪِتت رحت حضنتها حيل وهيه تناشغ وتبجي بجي الميتين
ليش هل بجي انوار مو هذا حسن الي جنتي
تتمني ومن ڪِثر حبج اله حتئ تحلمين بي!
- جنت أيفين والله ڪِرهت ذلاني بالحب واني بنيه صعبه تنذل البنيه للولد بأسم الحب
صعبه البنيه تعترف للولد بحبها وتبجي ڪِباله
وتتوسله ميخطب لو يتزوج صعبه والله
واني سويتهن وڪِرهت روحي وڪِرهته بسبب هل شي
:- سڪِت ماڪِدر احجي ڪِلمه اذا ڪِل ڪِلامها صحيح بست راسها وصبرتها ماعرف شسوي سلمت ؏ البنات ونزلت سلمت ؏ الڪِل اله جدو احس ڪِلبي تردد منه باوعلي وضحك
- تعاي ولج ماتسلمين عليه جدي!
:- فرڪِت ايدي وتوترت عاد رحت بست راسه وباس راسي وحضني دنڪِت راسي بسته بخده جان يشاورني
- ڪِله لأجل انوار ماتعرف شصار بس ڪِله لمصلحتها وبعد يومين تشڪِرني اذا عايش واذا ميت تترحملي يجدو
:- رجعت بست راسه وعيوني دمعتَ ،
عمرك طويل جدو عساك خيمه فوك راسنه نشاالله تختار الزين الها وتميز الزين الها احجي وياها جدو وفهما ترا خطيه جدو ماتعرف انوار شصاير بيها
- اعرف اعرف جدي شصار بيها من حسن
:- فتحت عيوني بصدمه .. جدو؟؟
هز راسه وابتسم
- لا تخافين جدو انه مو همجي لو مخرف حتئ اضلم بنيتي والله مو حفيدتي وادري شصار بيها من حسن حسبالج جدج غافل ادري بيها من تبجي وڪِلشي ادري يجدو وانه اعرف شنو اختاريتَ وشنو سويت
:- احس ڪِلبي يدك ويريد يطلع من القفص ماله صح جدو متفهم وواعي بس ماتوقعت لهل حد يعني يعرف بأنوار تحب وهيج سوه ابتسمت واحس ڪِلبي هيج من وحده رتاح بست ايده وراسه ،
الله يحفضك جدو
- يابعد جدج يله هسه روحي عينج ؏ روحج حتئ نرڪِص بعرسج وڪِبل للمستشفئ
:- ضحڪِت والڪِل سمع وضحك طلعنه ووضع خالو شلون المخطوف لونه وفاهي صعدنه ومحد فتح الموضوع ابد بس حسن يدخن جڪِاره وره جڪِاره اختنڪِت وڪِحيت عاط بي بابا
- يمعووود خنڪِتنه ڪِافي جڪِاير بابا شبيك
:- طفه الجڪِاره ووصلنه نزلت وڪِبل صعدت لغرفتي ذبيت روحي ؏ الجربايه تعبببانه من الهوسه ڪِلبت جسمي وصفنت بالسقف
هسه معقوله اني صرت متزوجه وتزوجته!
اسمي صار بجنسيته ڪِلما اريد استوعب ماڪِو
هيج بساع بساع بثلاث اشهر تغير الحال
ڪِمت غيرت ملابسي ونزلت جوه اسوي عشه
لأن من الهوسه متعشينه هناك بعد محد
مشتهي عشه عاد سويت بيض وطماطه
وجاي واجبان صبيت العشه وڪِعدنه بس اني وماما ناڪِل
- شفتي جدج شسوه انوب اني متفاجئه من هذا اخوج الخبل الي شل حالي مو جان رافضها
دخل جني بعقله وصار يريدها؟؟
مو قره فاتحه ويه البنيه شغير رأيه هوا
اصلاً حتئ مايعرف شلون يتصرف ملاحضته
من رجعت هل ادبسزز شمس عليه
حتئ نضامه تغير وياخوفي يرجع ؏ ذيج سالفته ساعتها صدك اموت بمڪِاني من وراه والله
:- طبطبتَ ؏ رجلها اطمنها واصبر بيها
لا اسم الله ماما نشالله ڪِلشي ماڪِو بي
ولا يرجع ؏ ذاك الشي بعدين شمس حتئ مايشتهي اسمها مو صوتها بس هوا محتار ماعرف ليش
- اوف ياڪِلبي من وره اخوج راح يشيب
:- سڪِتّت ڪِملنه عشه وغسلت المواعين جبت تلفوني ونزلت جوه لڪِيت ڪِومه اتصالاتَ وتبريڪِات من خوات اشهـَــم
وخالاتي وخوالي
والبنات مبارڪِاتلي مره ثانيه وصديقاتي
رديت عليهم واحد واحد واخير شي اشهـَــم
ڪِاتب
" ول خالي لا اتعبين روحج بالسوك نص الغراض جايبهن الج تلبسين "
:- يااااا خليت ايدي ؏ حلڪِي بتعجب هذا يحجي صدك لو يتشاقه!!!
انتت شبيك انتَ طول يالله جاوبني
" ول بيه انتِ وداعتج "
فتحي الخط راح اتصل
:- ڪِمت من يم ماما وطلعتَ بالحديقه اتصل واني جاوبته ، هاا
::- ڪِولي ها روحي
:- ها سرسري
بقيت اسمع بس صوت ضحڪِته سڪِت وهدء الجو يمه وسمعت صوت جداحه
دا دخن؟..
::- اي تجربينها؟..
:- طيبه!
::- فد يوم اجيج ونشرب سوه
:- والله خوش سرسري طلع بيك شي حلو
::- الله ينعلو للساني من يفلت يفلتَ
:- عشتوو
::- شنو اشتريتي اليوم
:- شنوووو!!
::- شنو اشتريتي
:- شمدريك انتَ!
::- مراقبَج
:- ايا سرسري والله عيب شافوك
::- ادري عيب شمسوي بايك
::- اريد اعجل بالزواج ڪِلشي محضرلج
:- اياك تخطي هاي الخططوه اموت بيدي
::- عسئ ڪِل موتاتي ؏ ايدج يباا
:- بقيت ساڪِته ماعرف شنو يريد دوخني
::- هواي اذيتــج مو ؟
:- رجعت راسي للڪِرسي وحضنت نفسي والهوئ يطخ بيه يڪِزبر جلدي ، تعترف
::- الاعتراف بالذنب فضيله اعرف اذيتج بس اذوني
:- يمته تحجيلي سرك؟..
::- من تجين يمي
:- متأڪِد
::- وداعتها الشلعتَ عيوني
:- اشهـَـــم
::- عيونو
:- هلڪِد تحبها ، سڪِت وطول سڪِوته هواي
::- يوجعني ڪِلبي من اتذڪِرها واتذڪِر روحي شصار بينه شصار بحالها
:- تأذيت اذوك؟..
::- هوواي عيوني نعمت وراها من القهر والمرض
:- لهل حد
::- اتمنئ اشوفها يوم واحد اتعاتب وياها
:- تتذڪِر الصار وياك مو
::- ليش انا ناسي خالي ناسي
:- ليش سويت هيج بيه!
::- اعرف مالج ذنـَــب بس داويني
:- واني منو الي يمسح اثارك منيِ
::- انا
:- اڪِرهك شلون اتقبلك ذب نفس وتنهد
::- لا تحجين هيج ڪِافي يباا
:- سديت التلفون من حسيت نفسي اريد ابجي صعدت فوك طلعت دعاء وتغطيتَ استمع اله وابجي مخنوڪِه خايفه خايفه من اشهـَــم شنو ضاملي ممرتاحه اله ولو واحد بالميه مادري شلون ونمت..
............
ڪِاعده جوه الماي وابجي ؏ حالي ووضعي
مااڪِتفئ بجرحي ولا بجروحي الـ هواي
اني نجرحت هوايِ منه بس هذا جرحه غير غير
شلون اتقبله وهوا جان يحب شمس وڪِبالي
وتمرض وصارت مصايب وراها نفسيتي متتقبله
جنت صافنه بهذاك اليوم من سمعت الخبر
وره مرجعتَ من الامتحانَ بالصدفه اريد
ادخل لغرفه جدو اسلم عليه اسمعه يسولف ويه بيبي ؏ حسن عاد شدني الموضوع وبقيت استمع اله
- حسن ماريده يتزوج بت ابو حسين
- ليشش
- ابوها مو خوش زلمه ومو خير بعد يومين من يصير شي يعاتبون منو وابوها شراي طلايب
- بس همه ماراح ياخذون ابوها ابو محمد
- بس بعد يومين الاهل مريودين واول مايسئلون ؏ الاهل وطبعهم وبعدين البنيه لأن حجايه الاهل مشريه ونحتاجها وسمعة الاهل تعتمد ؏ سمعة البنيه وتربيتها
اذا اهلها زينين البنيه زينه لأن تربية اهلها ، مااڪِلج ڪِل الاهالي زينه بس مرات البنيه هيه زينه بدون تربية اهلها الها
- وهذا الي ردت اڪِوله الك
- ابو حسين معروفه مشاڪِله بالمنطقه وصاحب مشاڪِل بعد يومين صار شي وڪِال عالو ابتي وتصير جر وعر انتم لا تفڪِرون بس بهسه فڪِرو للبعيد
- زين ومحمد يدري بالموضوع
- اليوم الصبح حاجيته وڪِال من البدايه معاجبني الموضوع بس حسن شفته اقتنع بعد سنين ڪِلت هاي هيه يالله
- خوش لعد منو راح يخطبوله؟..
- انا الراح اخطبله
- منو!؟..
- اريدله انوار
- انووار ابو محمد تحجي صدك لو لا؟..
:- احس جمد الدم برجلي وبجسمي هذوول شجاي يحجون شنو اني يخطبوني الـ حسن تراجعتَ من غرفتهم وصعدتَ ؏ السريع مسطوره لأن السمعته مو شويه ؏ عقلي حتئ يستوعبه
شنو يخطبوني الـ حسن؟؟؟
حسن الحقيررر النذل ماغيره مابقه شغله ماسوها حتئ يذلني بڪِلام وبفعل ڪِعدت واني ارجف وڪِلبي يدك سريع من الصدمه والخوف
اللهَي لا تڪِولها ياررب انتهي والله
هذا مخببل هذا حسسسن ڪِرررهته ڪِرهته
عصرت عيوني واني اتذڪِر شصار بي وڪِلبه مو يمي شلون اقبلها اذا صدك..
ڪِمت غيرت ملابسي واني صافنه والي يحجي وياي مااجاوبه من الموضوع نزلت جوه اريد اتأڪِد من وجهه جدو وبيبي بهذا الموضوع نزلت نتغدئ بس نفسي مسدوده اباوع لبيبي تبتسم بوجهي وجدو نفس الحاله
ڪِذب عقلي وڪِلت عادي شنو السالفه ڪِل مره يبتسمون بوجهي بس صدمني وأڪِد شڪِوڪِي جدو من ڪِال
- باجر عازمين بيت محمد ؏ العشه
:- احس ڪِلشي وڪِف بعيوني ترڪِت الاڪِل وصعدت فوك بقيت اضرب ؏ راسي بحيره
عود صدك يسويها جدوووو؟؟؟
يجبرني جدووو لااا لاا مو بڪِيفه
ولا بڪِيف احد مااتزوج حسسسن عسئ ما اموت روحي ولا اقبل بهل نذل صعدت مروه شافتني ابجي
- عزاا شبيج تبجين
:- خلااص انتهيت اذا صارت صدك
- يمه اسم الله ليش شصاير ممجاوبه شبيج
:- عفتها ورحتَ نمت بالفراش تغطيت احس اذا نمت بصدمتي هسه انجلط بمڪِاني
حسن الي جنتَ اتمنئ امنيه وصار اعضم امنيه
وصعب تتحقق صرت اڪِرهه ڪِره الڪِفار
وهسه يردون يزوجوني اله!!
بقيت ڪِاعده مثل السمجه الي مزوهره
لا اڪِدر انام ولا بيه اڪِعد من الصدمه الي طاحت عليه بقيت ابجي بصمت ماعرف لمنو احجي حتئ لأيڤين ماڪِدرت احجي ولا اسولف
مر اليوم واني حابسه روحي بالغرفه وابجي
وهمه ڪِل ضنهم نايمه لأن تعبت من الدراسه وهمه مايدرون شنو سمعتَ حتئ عشه متعشيتَ مروه رادت تعرف شبيه مالي طاقه للحجي
بليل تالي الليل رن تلفوني عرفته حسن
صارت عادت بليل يتصل يحجي يحجي ويأذيني بالڪِلام واتعارك ويا واسده اخذت التلفون وصعدت للسطح وسديت الباب وجاوبته
:- شتتتتريد
- ثووول صوتج
:- ثول الـثولك موتتني شتريد مو ياخي ڪِرهتك
- معقووله!!
:- والف معقوله وخلي هل شغله ابالك اذا بعد تتصل عليه اسويها مشڪِله واڪِول للڪِل وشغله ثانيه اني مو شمس الرخيصه حتئ تتصل عليه بأخر الليل وتحجي ، تريد روح الف بنيه غيري اڪِو فاهم لولا
- ؏ هذا لسانج اله اڪِسرج وابجيج
:- شحدك يااحقير اڪِررررهك تفهم لو لا
- وانا اڪِرهج من البدايه تدرين بيه بس بسيطه
:- بسيطتين ، سديته بوجهه وڪِعدت ؏ الطابوڪِه شغلت دعاء ونصيته وبقيت ابجي رفعت راسي وايدي للسما واني خجلانه شلون اقابل رب العالمين وادعي واطلب منه
خجلاَنه ومستحيه منك ياللَهي رغم
ذنبي الجبير وخطيئتي الي ارتڪِبتهاا وانتَ
وياي ماتارڪِني وحققت دعائي من طلبتَ منك
اطلع حب حسن من ڪِلبي ،
بس اني اني
بشنو قابلتك وبشنو جازيتك ماسويتَ شي
أذيت انسان وسويت ذنب جبير ومتأڪِده راح يطلع بيه هسه بسالفه حسن غطيت
وجهي وبجيت بحرڪِه ڪَِلب واني اتذڪِر
ذنبي وشسويت احس ضاك النفس عليه
بقيت ابجي بسڪِته
ڪِلما اريد اعدي الموضوع
وانساه بس اتذڪِر بعد يومين شراح يصير
ومتأڪِده راح اخسَر هوايِ مسحت دموعي ونزلت جوه ڪِوه نمت ..
ڪِعدت الصبح ڪِوه سندت روحي بلڪِمه
بـ 2 مدري بـ 1 حضرنه روحنه نستقبل أيڤين ونبارك الها بعقد المحڪِمه رحت وياهم بس اني امشي بس جسد واسم انوار دخلت للبيت أيڤين واشوف نضراتَ عيونها نضرت انڪِسار بس تغطيها بصلابه
دنڪِت راسي اريد ابجي عليها و؏ حالها والصار بيها دخلت جوه مااتحملتَ اني منا راسي دايخ بسبب هل موضوع شغلن اغاني ويرڪِصن وحسن ماشفته اڪِيد بالدوام بارڪِت الها بضياع وبالي مو يمها وطلعنه رجعنه للبيت
الضهر عماتي راحن ويه أيڤين وحسن
اجه النه ويه الشباب يتعلعل بقيت اراقبهم من جوه اسمع خاف جدو يفتح الموضوع ويا بس ڪِلشي ماڪِو
بالصدفه دخل للمطبخ مادري شسوه وبعدين طلع بقيت واڪِفه ؏ صفحه اراقبهم من بعيد اسمع تلفونه يرن حتئ رنت تلفونه حافضتها ههههه هذا حالج انوار!
دخلت للمطبخ الفضول اڪِلني من ديتصل
احس ڪِلبي بقه يدك مثل الي نخطف لوني نصدمتَ
من شفت المتصل شمس تراجعت اريد اطلع ؏ السريع لأن حسن اڪِيد راح يجي
نضربت بصدره دافي درت بفزه شفته حسن باوعلي بنضره أستفهام وعيونه انتقلتَ للتلفون شاف اسم المتصل شمس احس برڪِان صار بعيونه ردت اطلع لزم ايدي وهمس
- اهدها الج وتموتينهاا؟..
:- باوعتله بخزره ونفضت ايدي قوي منه ضحڪِت بأستهزاء وجاوبته ، ليش مو هاي عشيقتك عفته وطلعتَ اول تالي حسن هيج يتصرف وياي؟
بليل رحنه لبيت عمو محمد وبقيت لازمه ڪِلبي اڪِول يمڪِن هذا الموضوع يخصني بس
سڪِته محد حجه بس بسالفه أيڤين وحسن
راح يخطبوله المار !!!
المارر شنو المارر لعد عمو مو ڪِال خلااص
راح يلغون الخطبه منو ديضحك ؏ منو!!
؏ منو متفقين شديصير احس راسي افترر
بس الخوفني والي أڪِدلي الموضوع لعبه من
جدو عزمهم واصر عليهم باجر يجون
رجعنه ومر اليوم وصار ثاني يوم واني
لڪِمه مخاله بحلڪِي من الخوف بس ماي اشرب
لأن حلڪِي صار ينشف من الخوف
خايفه بس لا يلغون الخطبه مال حسن
وساعات يصير ڪِلام جدو صدك وصارت صدك
والخبر نزل بجسمي مثل السمم احس
روحي نڪِسرت قبل ڪِلبي ابد ماتوقعتها بعد
هل سنين احس ڪِلبي يأذيني من ذنبي والنَدم
وڪِلشي صار ونعاد بيه بجيت وراحت روحي وڪِلشي مافاد وماضل وجع من حسن ماجاس ڪِلبي ڪِل وجع مر ضڪِته وعشته منه
رجعت من خيالي والباب يندك حيل
- انوووارررر تسمعيني بيج شيي جاوبيني
:- بقيت ساڪِته بعدين ستوعبت مروه خايفه عليه الماي يجري دافي عليه ، مابيه شي
- بسسس هاييييي!! واني صارلي ساعه مهبوطه ردت اعيط بيهم يصعدون
:- ڪِتلج مابيه شي اختفئ الصوتَ دنڪِت راسي بالماي الدافي وبقيت فاتحه عيوني واحس حسن صار بعيوني نزلت دموعي بالماي
" اذيتك بجتنيِ حسن بجتني "
" ڪِسرتني بموافقتك تريد تذلني "
طلعت راسي من حسيت الاوڪِسجين خلص عندي نشفت وطلعتَ بدلت ملابسي والبنات ساڪِتات مايعرفن شلون يواسني لأن يدرن شصار بيه
نزلن جوه واني تغطيتَ بدون ماامشط شعري تلفوني رن ابتسمت بحزن اڪِيد حسن يتشمتَ بيه وبڪِسرتي فتحت الخط
- انوار
:- اذا اخذتني اڪِرهك بعيشتك
- قابل
:- اڪِررهك ومن اليوم ڪِرهتك بالزايد وحقدت عليك سديت الخط ودفنتَ راسي بالمخده وغمضت عيوني لأن يحرڪِني من البجي..
…………..
ڪِعدت وماما فوك راسي تڪِعد بيه
- يله ولج ڪِومي
:- ليش شصاير واڪِوم من الصبح
- غير نڪِمل جهازج يالعروس النايمه
:- اوو ماما روحي انتِ شتريلي
- ادري اني الي راح اعرس لو انتِ يا ماما
:- نعسانه يوم خليها غير يوم
- اشو ڪِومي ڪِومي
:- سحبتني ڪِوه من الفراش ڪِمت غسلت وبدلت وتريڪِت صارت ب 9 اجن عماتي ورحنه اخذت بس الشي الي احتاجه ومابذر بي لأن عندي هدوم
اڪِثر شي اخذت عنايه للجسم والوجه والشعر وعطورات هذاً اهم شي عندي حجابات فساتين بناطير قماصل جلد وصيفي بوتات بـ 1 رجعنه وبعد ناقصنه غراض
بقينه يوميه نروح شوي شوي نجيب النواقص
يوم نلڪِه شي حلو وجديد ويوم لا جبت
للغرفه احتياجات جبت تراڪِات قصيره بالبيت
ودشاديش قصيره بالبيت ومال نوم
فقره سيتات النوم حذفتها ڪِلت لماما ماريد لحت وياي رادت تتعارك رفضت رفض تام عاد اقتنعتَ شتريت فستان لعقد انوار وحسن
اليوم عقدها وهيه مراحت للصالون بس
بليل رحت يمها شيرنه الها وهيه دموعها تصب
ريم: هسه ليش تبجين
- بالله نجبي جنج دعاء السحاره
- ياااا اني
- لا انتِ
:- بقينه نضحك عليها حتئ وهيه تبجي تحشش ماتعرف شلون تحجي حفتها مروه حفافه ڪِامله
وڪِلساع ڪِامزه وصارخه
- اخخ اشتعلت روحك حسن نشالله
بقينه نصنف عليها ونحشش حتئ نغير الها جو تضحك شويه وترجع تغندبت تبجي بجي مال ميه سنه ليڪِدام حفت وتغير شڪِلها لأن الحاجب مرات يضلم طلعت تخبل وزغرت ملامحها وبرزت بنفس الوقتّ
جابت انواع ادوات التنضيف وسوتلها تنضيف ڪِامل يابه روحي للصالون وهناك ڪِلشي سوي دڪِت رجل ماتروح صالون اله بالبيت
- والله لو تطلع نخله براس حسن ماروح
:- عاد ڪِملنه وياها لليل يالله رجعت للبيت مااتراسل ويه اشهـَــم وهوا هاي الفتره ابد مااتصل بيه واڪِفه ڪِبال المرايه واباوع لشڪِلي اخر نضره مابيه شغف لو طاقه لروحي
ذبيت الحجاب ذب ولبست البشت فوك فستاني شلته من الجوانب ولزمت تلفوني سديت باب غرفتي ونزلت اخر بايه جان يشوفني خالو ويصوفر
- يعني الجميله يعني أيڤين الصاڪِه تعاي خالو
:- تقدمت باس راسي وبسته من خده تقرب وشاورني
- صح فرحت الـ حسن بس جنت رايد انوار وخطبتها وڪِلت لأمج تحاجي اهلها بس مو قسمتي الحمدلله
:- توسعت عيوني بصدمه وخر مني ابتسم بأبتسامه حزينه ڪِرص خشمي وورث جڪِاره وراح بقيت فاتحه عيوني وره اثره
يييييمه اليوم الصدمه ڪِبرئ
معقوووله خالو فؤاد يحب انواررررر!!!
ياااا هاي من يمته هزيت راسي بنفي ونطلقنه اباوع لحسن وجهه مغندب وعصبي
هذا شبي لعد مو انتَ خطبتها!!
وصلنه وجانت سيارة عمامي موجوده وغير سياراتَ وجان بره زلم واڪِفين ومن ضمنهم عماد ابن خالهاا ، هذا شعنده جاي بس لاتصير سالفه جبيره
لفيت روحي زين ونزلت ويه ماما وبابا وصلنه للباب دخلنه وماما بقت تهلهل اول مادخلنه طشت جڪِليت ؏ انوار جانت لابسه بدله فستقيه وطويله ومن جوه بيها شيفون ومڪِياجها زيتوني وبي سواد حيل ڪِاعد وياها حضنتها حيل وبارڪِت الها همستلي بخفوتَ
- بس يجي حسن ازوع بحضنه
:- يااا ليشش
- متقززه منه ومن اتذڪِر سالفه شمس
:- انسي ڪِلشي انوار وابدي صفحه جديده
هزت راسها بأستهزاء لڪِلامي
- الله ڪِريم
:- شويه وڪِومها لغير غرفه حتئ يعقد الها الشيخ واجه يسئلها واني اصور بيها من سئلها هل انتِ موافقه رفعت راسها والدموع بعينها وتباوعلي واني اصور بيها ودموعها بالڪِامره تقهر نزلت دمعتها دنڪِت راسها وانطتَ الموافقه
تعالت الهلاهل وماعرف شنو شعور انوار
بس عن نفسها شعور يذبح لأن تحس بالذل من حسن والصار الها ومحد جان متوقع من عدنه انو انوار ترفض حسن بعد هل حب
بس ڪِلشي طلع عڪِس شويه ودخل حسن
يلبسها الذهب اول مادخل اشوف انوار تباوعله بڪِره وهوا يقابلها ابرود ابد ماعرفت شنو
مشاعر حسن وتفسير ماڪِو لتصرفاته
وماحجيت ويا لأن هل شي خاص بي بس لازم اعرف ؏ شنو ماخذ انوار وقبل بيها لبسها الذهب واڪِلو ڪِيك وتمت الخطبه والصور وڪِلشي صورت ورڪِصنه ..
بنص الحفله ورن تلفوني شفته اشهـَــم بسرعه تعالت نبضات ڪِلبي لأن صارله فتره ايام مختفي
:- اشهـَــم
::- ياروحو جميلة اشهـَـــم
:- هاا
::- بالحفله مو؟
:- توسعت عيوني بتفاجئ ، هاي شمدرررريك
::- غطي صدرج ماريد احد يشوفو
:- خليت ايدي ؏ صدري واتلفتَ من غبائي عبالي هوا هناا ، اعوذ بالله
::- من جمالج خالي
:- اڪِو شي متصل
::- حضري روحج باجر اجي عليج اخذج
:- ليش وين!
::- حضري روحج وخلااص
:- ماشي ، سديته منه ماريد اخرب فرحتي بقينه نرڪِص خلصت الحفله وقبل لانروح حسن طلب انوار
وره ربع ساعه طلعتَ والوجه احمر والدموع بعينها ناشفه صعدت فوك ڪِبل ردت اصعد وراها بس بابا استعجل بينه يريدنه نروح
رجعنه للبيتَ ذبيت ملابسي تعبانه ودخلت اسبح نشفت شعري وطلعت اريد اتصل ؏ انوار
وجان انصدم بمڪِالمه من المار؟..
بسرعه اتصلت عليها ، الووو
اجاني صوتها وهيه تبجي وحجت بڪِل حقاره..
يييييييييتبع
.
.
.
.
.
.
.
.
.
.
سلام عليڪِم عمييي🌚
اول شي بسم الله الرحمن الرحيم
اللهم اشف مرضانا ومرضى المسلمين شفاءً لا يغادر سقماً، اللَهم يا من تعيد المريض لصحته، وتستجيب دُعاء البائس، اشفِ كل مريض". "اللهم شافي أجساد ذبلتَ وأهلكها المرضَ إنك أنتَ الشافيِ المعافي يا ربِ العالميِن يا أكرم الأكرميِن إنك على كل شيِء قدير
طبعا سبب تأخيري مو من بطر ولا عمداً
الي ميعرف جنت مريضه مصخنه ولأزلت وماعرف
شلون ڪِملت هذا البارت ونشرته بالشفاعاتَ
اسئل الله انو يبعد عنڪِم ڪِل مرض يارب ونشالله بعد ماانقطع عنڪِم والي ميعرف وقت التنزيل يأما بين يوم ويوم او بين يومين والساعه بـ 12
#اطرح_وانصح
الاهمال
النصيحه: نصيحه ابتعدو عن المشاڪِل بعلاقاتڪِم ان ڪِانت حب او صداقه او عائليه جميع العلاقات تره الاهمال يجي من ڪِثرت المشاڪِل بالعلاقاتَ ڪِثرت المشاڪِل تسوي برود بالعلاقه وجفئ واهمال شوي شوي يڪِثر لحد ميبرد الطرفين الاهماال شنو هوا انو بعد متتهم لأي شي ان ڪِان صحتك طبعك علاقاتك ڪِلهم والاهمال مثل الفايروس اذا ترڪِته يتغلل لحياتك فراح تخسر هواي شغلات بسببه لأن اڪِو اشخاص يحتاجون اهتمام بڪِلام او فعل فـ اذا سيطر الاهمال عليك بعد متڪِدر تغيره وتتحڪِم بروحك فـ ابتعدو عن المشاڪِل والاهمال
ووهام🔴: بس حابه اوضح الڪِم ڪِلمه عن بارت 19 ببدايه البارت يابنات عمرري انتو ترا والله العضيم مجنت هجوميه من حجيت عن سالفه الضباط وڪِثرت القصص ولا عممتت ڪِل القصص ولا سئت للڪِاتبات شسالفه سويتوني سئت للڪِاتبات هاي بس وياي هيج لو ويه الڪِل هيج تحجون وتجرحوهم بالڪِلام
من حجيت حجيت طبيعي واعتيادي مو بطريقه هجوميه والله العضيم لو تشوفون الغلط عليه انتو بنفسڪِم تنقهرون يعني هيج اني حجايتي تأثر عليڪِم وتنفعلون عليه وتغلطون هاي بس ويه لارين هيج!!
التعليقات مسحتهم مال الغلط بس ماعرف شنو
احجي
تابعو حسابي الانستا
انشر هواي شغلات تخص القصه هناك دخلنه 5k
ووتابعو حسابي تيك توك انشر
بي لقطات للقصه نار
نتضروني ببارت 26 ناري
يلاااا
في أمان الله وحفظه
الكاتبه: LARAN❤️