الكاتبه: LARAN❤️
صِرت مثلك مو حَنين
وبعد مَتردني الأغاني
هاي أول مَرة أشتاگلك وأبقى بمكاني
ضوگتني الخوف يَمك
بعد شتفيد الأماني ؟
(ليالي الجحيم12:00)
(part 24الـ)
مهم: لاتنسون التصويت والمتابعه للحساب دادهَ🔴"
يلااا انطلقو حبيبي
.............................
.
.
.
.
.
.
چذاب كُل الحچي البي ڪلت ماريدك ♡
هام🔴:شغلو شي هادئ ونطلقو
ودعتها وطلعته شفته منطي وجه ڪِدام
ويدخن صافن صغرت نضرات عيوني بحيره
اريد اعرف شخصيته والي بي
صعدت وهمس
::- يابعد ڪِل عطر مر يمر عليه "
:- درتله وجهي متفاجأ ، ياااا
::- وجعاا بڪِل عين تدحڪِلــج "
:- سڪِتت وهوا ضحك بخفه وحرك السياره شويه ووصلنه ردته ينزل حتئ بعشوي مايجي بس عرف مقصدي وراح
دخلت للبيت فرحانه فرحه اخر يوم
امتحاناتَ صعدت بدلت ومنعسانه وخفيفه احس طير حر انطيت خبر لماما وتغدينه وڪِالت سويله حلويات غندبت بس بعدين ڪِلت اول وتالي هوا اني راح اڪِله ويبقئ النه
سويت حلويات نوعين وعصير صار المغرب صلينه وڪِملنه واني بدلت هذا ڪِله بطلب من ماما واله عليه انزل بڪِفشتي والتراك
استقبلو واني بالمطبخ احضر التقديم شويه ودخلتّ من بعد سلامهم وسوالفهم جنت مشتت عيوني عنه بس لمن ڪِال هيج باوعتله وهوا يبتسم بنضراتَ انتصر للمره الثانيه
::- عمي انا اليوم اجيت هينا حتئ نحجي بموضوع الزواج
:- الخوف نزل ابطني عصرتَ ايدي ورفعتله عيوني ، بس اشهـُـــم بعد وقت
- ؏ شنو مستعجل ياعمي
::- والله عمي مڪِمل ڪِلشي انا بعد ليش مااعجل بالزواج
:- ردت احجي مادري شنو سوه بتلفونه ؏ السريع ورن تلفوني برساله فتحتها من اشهـُـــم
"بس ترفضين ڪِاتم بصفحتي اخلصهم واخذج"
:- رجفتَ شفايفي بخوف وخليت ايدي ؏ حلڪِي وهوا باقي يحجي وياهم ڪِأنو مامسوي شي اريد احجي ماڪِدر رجليه بعد ماحس بيها من البروده الصابتها عيوني راحت ؏ خاصرته الي بيها المسدد بصفحته
لساني احس لتف وبعد مااڪِدر انطق ڪِلمه وحده من الصدمه احس اجتني الحاله ، يقتتتل اهلي ابيتنه!!!!
دار وجهه الي بابا يستفر مني
- ها بابا قابله تسون زواجڪِم هسه ماعدڪِم شي؟..
:- احس رڪِبتي اختنڪِت من وراها مسحت عليها واني ساڪِته منتضرين جوابي وهوا اول المنتضرين بلعت ريك وره الخ اريد احجي ڪِوه نطقه ڪِلمه ، اي بابا
- هاي هيه بالخير يابه
:- خلااص وقعتَ عقد موتي وخلاصي ومصيري المجهـَول وقعت عقد زواج مزيف مبني ؏ القتل والاسلحه والاجـَــرام والخوف والجِبـر احس الدمعه بطرف رمشي معلڪِه
جانتَ ابتسامته خطره بخطره سڪِوته موتر
احس ابتسامته تضرب بوجهي مثل المنجل
انفاسه الي تتضارب وصدره يعلو وينزل
والسنسله باينه وقليل من الوشم ،
ولبسه الاسود بأسود وجڪِارته هذا ابسط الاشياء
تحسسك بڪِميه الخطر الي ڪِاعد ڪِبالك
هلهلت ماما وخالو فؤاد وحسن يبارڪِون
اله واني عيوني تزخ حقد وشرار وغضب
تمنيتَ اڪِوم اموته ومايبرد ناري
- يابه اتفقو ؏ يوم المحڪِمه يمته تعقدون
::- نشالله عمي باجر الصبح لأن مڪِمل
ڪِل الأجرءات وبس تحاليل الدم ماعدنه شي
:- صدمه وره الخ تنزل عليه بسرعته
استعجله ديأڪِد الي لحضه وره لحضه انو اباله غايه وعنده شي ونيته ابد موسليمه
عفتهم وطلعتَ مختنڪِه ڪِلبي أذاني
صح جاي يقربني اڪِثر واڪِثر من انتقامي
بس من صارتَ صدك ماعرف شنو احساسي وشنو راح يصير ڪِلشي مخربط
تجيت راسي ؏ السنك واحس اريد ابجي
بس اڪِابر ويه نفسي وامنع دموعي وابلع غصتي
لأن اذا بجيت راح اضعف وبعد مااسڪِت
واني اريد اقوه اڪِثر واڪِثر
غسلت وجهي واهفي عليه حتئ تروح
البجيه مني اخذت نفس طويل عدلت روحي
وحجابي شمرته شمر ردت اطلع بالحديقه
واعوفهم يسولفون صاحني بابا
- بابا خطيبج يريدن بالديوانيه روحيله
:- مديت راسي اڪِثر للصاله اريد اشوفه
ملڪِيته يعني صدك منتضرني أشرت لماما بعيوني تجي افتهمت وعافتهم يسولفون واجتَ سحبتها للمطبخ واهمس الها ، ماما ماريد اروح يمه
- ليش يوم صاير شي؟..
:- حرتَ شنو اڪِول الها نزلت عيوني منها ادورلي عذر وحل
- احجي ماما صار شي جبير وتمادئ وياج؟..
:- عصرت اصابع رجلي وايدي بتوتر
لا ماما لا بس ماريد اروح يمه لأن متعارڪِين احنه ويا وماريد اروح يمه
- ليش شنو السبب سولفيلي أمي انتِ
لاتستحين وتخجلين وتخافين حتئ انصحج اني اڪِبر منج ومريت قبلج بهل تجربه
:- شنو اڪِللها اخير شي تنهدت ، لا ماما خلاف عادي بيني وبينه لان تأخرت عليه وسديته بوجهه تنهدت ماما ومسحت ؏ ايدي
- روحي يمه شوفي وتفاهمي وياا جوز يريد يصالحج واحجيله شنو بداخلج حتئ تڪِونون ؏ بينه بڪِلشي من البدايه ومتصير خلافاتَ
:- سڪِتت احس لصتها ؏ نفسي ونلصمتَ بدال مااقنعها واخليها تصف وياي انوب صفت ويا هزيت راسي وهيه تنطيني ڪِهوه اوديها اله اخذتها بالصينيه وماي ومشيت للديوانيه ايدي من وحدها رجفت ونعڪِد وجهي
فتحت الباب ودخلت بالصينيه لڪِيته يدخن
ابتسم بأنتصار وهوا يڪِوم متوجهه الي اخذ الصينيه مني ولزم ايدي خله الصينيه ؏ الطاوله
ونتررت ايدي منه حييل
هددددد ايدي حقييير
ماحس اله شفايفي عاصرهـم
::- مو يول ماريد أذيج ليش تجفصين بالمصارين
:- حقير وخسيس وسااافل دفعته من صدره ماتحرك ولو شويه لزم ايدي حيل وعصرها دار نص جسمه طلع السلاح الاسود من خصره
وخلاه ؏ الميز لزمني من خصري وسحبني عليه
انفاسه عَـاليه وحاره تحرك حرك همس ابحه
::- ليش تجاوزين زماله ول وريتي ڪِلبي
:- باوعت بعيونه بتحدي ، اڪِرهك ڪِره العمئ ويوم بعد يوم دتبين الي نيتك وتصرفاتڪِم وتخليني احقد عليك بالزايد ..
::- مو مشڪِله مرجعك ليه يابو عبيه "
:- شنوووووو؟..
::- اول وتالي ترجعين الي لا محاله
:- وخر عني جاي اتقزز منك ، ضحك نص شفه وعض ؏ شفايفه وعيونه ذبلت
::- وشرفي حالف اراويج التقزز ؏ اصولو
حدري خلي نتدرب قبل العرس بشوي
:- دفعته اريد اخلص روحـي منه ماڪِدرت
شالني نص شيله وخلاني ؏ الحايط وقفل الباب
::- تدرين ليش ڪِل مااحصـــرج ؏ الحايط ؟
:- الله يقرفك الفاضك سوقيه نفسك
::- ول خالي احلئ سوقي ، هسه ماڪِتيلي ليش
:- ماعرف شلون جاريته ونسيت نفسي
وسئلته بغباء مدري بحسن نيه مدري بفضول ، ليش
::- لأن ارتاح وياج وڪِلبي يهدء من الضوضاء الداخلي احس اڪِو شي يسندج لوو صار شي
:- سڪِتت مجاوبته ، قرب راسه بخفه يمي ضرب خشمي بخشمه بخفه وشواربه طختَ شفتي همس وهوا يداعب خشمي خفيف
::- والعيــون شَبيها تِخـــدر من تِلمحــج "
:- سڪِتت واني انفاسي تسارعت من القرب بيني وبينه وحرارت انفاسه تضرب بيه
::- وياَليتَ المقبل لشفتيَـك يرتوي بتقبيَله واحده"
:- ابتعد وخله عيونه بعيوني واسترسل بالڪِلام وعيونه ناعسَه مسح ؏ شواربه وعض شفته
وابتسم وهوا يحجي بهيَام ڪِأنو يحب بس نضراته تشرح غير شعور
::- سَمراءُ تسامِرُنِي على ضوء القمَرْ
وَرْدِيَّةُ الخدَّينِ تَسْلِبُ النَّظَرْ،
عيناهَا سَوْداوَانِ سُبْحَانَ مَنْ صَوَّرْ
شفتاهَا حمراوَانِ كالخَمْرِ في الكَأسِ اختَمَرْ
أشتَهِيهَا كما تَشْتَهِي الأرضُ المَطَرْ،
سَمْراءُ سلَبَتْ فُؤادِي كَلَمْحِ البَصَرْ
أحِبُّهَا كَحُبِّ الصَّائِغِ للدُرَرْ،
أحِبُّهَا ما الحُبُّ إلا قضاءٌ وَقَدَرْ،
حبيبةُ القلبِ فكرُهَا عِبرَةٌ لِمَنِ اعْتَبَرْ
أجِلُّهَا أنِّي إليهَا عازِمٌ عَلى السَّفَرْ.
:- غمضت عيوني واني استمع اله ياريت هذا شرحه وڪِلامه صحيح وهيج من شده حبه يوصفني ويوصف ڪِلشي بيه بس ڪِله خداع ومڪِر
::-قبَّلتُهُ في جرحِهِ ونسيتُ
شفتان للتدمير، يالي منهُما
بهما سعدتُ. وألفُ ألفُ شقيتُ
شفتانِ مقبرتان ، شقَّهما الهوى
في كلَّ شطرٍ أحمرٍ تابوتُ
شفةٌ كآبار النبيذ مليئةٌ
كم مرةٍ أفنيتُها وفنيتُ
الفلقةُ العليا دعاءٌ سافرٌ
والدفء في السفلى فأين أموتُ؟
:- قدم راسه بسرعه وعض رڪِبتي خفيف رجعتَ راسي ؏ الحايط اڪِثر شهڪِت ورفعت راسي من حسيت بدفو شفايفه ؏ رڪِبتي
عصرت متنه ولزمت شعره بخفه وهمست بغضب ووجع ، وخرر عني ولك مجلوووووب وخرر
رفع راسه وسد حلڪِي وهمس
::- اششش
:- لاتستغلني اشهـُــم ڪافي والله لعبت روحي مجاي اڪِدر اقاومك
::- مو مشڪِله خليني قبل لا يجون اهلج
:- سڪِتت ماڪِو فايده بعد من الڪِلام ويا وتعبتَ طاقتي نفذت وخلصتَ سحب جسمي اله اڪِثر وحضني دنك ودفن راسه برڪِبتي وبقه ساڪِت همس بتعب
::- مسحي ؏ راسَــــي حضنينَـــي بس هل مره"
:- عصرت ايدي ڪِارهتته ڪِره مو طببعي قبل شوي يهدد يقتل اهلي شلون اتقبله واحضنه نفسيتي متتقبله والله
::- ول حضنينَـــي فدوه "
:- باوعت للسقف بضياع وخنڪِه اني باقيه ؏ الحايط وهوا حاضني رفعت ايدي خفيف متردده مديت ايدي من ضهره لخصره حضنته وبقيت امسح ؏ شعره خفيف وهوا لسه واڪِف وساڪِت ..
::- مو هيج انا موهيج بس ڪِثر الدك ؏ الحديد تلينو وانا نڪِسرت مرتين شتحمل شصير؟..
:- هديت من نفسي وصوتي وبقيتّ احجي ويا ، بس هذا مو مبرر حتئ تأذي عالم ڪِامل علمود ڪِسرتين هذول العالم برڪِبت منو؟..
بقه ساڪِت مايحجي شي وبس انفاسه
وصدره يصعد وينزل فوك صدري
مشه بيه ڪِعدني ؏ الڪِرويته وسند
ايده ؏ جتافي وبقه يباوع بعيوني
اريد ذره مشاعر بعيونه مجاي اشوف مشاعره بارده وغامضه اي ذره حب مابيها همس وهوا يباوع بعيوني
::- رخي نفسـَج
:- شتريد؟..
::- معليج
:- هواااا شنو المعلييييه بيك شي انتَ مريض
احتدت ملامحـَه وانزعج خزرني وهوا يمطلني ؏ الڪِرويته وصار فوڪِي
::- تجاوز لا تجاوزين فوفه حــلالي وبڪِيفي
:- مررريض
::- صيري انتِ علاجـَــي "
:- بڪِي.. ردت احجي خله ايده ڪِلها ؏ شفتي ودنك راسه برڪِبتي وذب ڪِل جسمه عليه
احس اختنڪِت واني اقاومه بجسمي
هدوء الديوانيه ومابيها اي صوت وبس صوت حرڪِاته ڪِفيله تخليني ارتجفَ
زلغته بأضافري رفع راسه وهوا يتنفس سريع
::- ايييييدج
:- بقيت ادفع بي بأيدي ، وخررر ولك وخرر شنو نايم فوڪِي ماتستحي مناك حسن وانتّ عليه توقف عن الحرڪِه وهوا جسمه فوكَ جسمي رفع راسه
::- شنووو شنوو؟..
:- احس نخبصت خبص ، وخرر هسه وخرر
شال جسمه مني وهوا يعدل قميصه واني اعدل ملابسي واخزر بي جتف ايده ووڪِف بغضب
::- شنو حجيتي عيييدي
:- ش شنووو؟..
::- اخوج شسووووه!!!!
:- اشش صوتك لاتعيط ماسوه شي شسوه
::- نايم فوڪِج لو شنو؟..
:- يمتتتتتته ڪِلت هيج
::- هسه
:- لتجذب مشيت اريد اطلع وڪِفني صوته
::- يباا باجر ب 7 احدر هينا يمج الڪِاج جاهزه مريتـي
:- درتله وجهي قرفانه منه ، ترا دتقرب ايدك للنار
ابتسم وهوا يرفع حواجبه ومسح شواربه
::- احب النار
:- لتلعب بيها ابني لتحرڪِك وتبجيك
رفع حاجبه مستغرب من طريقه ڪِلامي ولغزي
احس فرحه بداخلي من مخليته يفتهم
فتحت الباب وطلعتَ ڪِبل للمطبخ بعدين سمعت صوته يسلم ؏ بابا وماما ويتفقون شويه وراح اسمع بابا يصيحني صفنت بيني وبين نفسي قبل لاادخل
معقوله قبل شوي تهددتَ وبيتنه؟
سلاح جان موجود بخصره!!!
ياربي جاي تشوف وتعلم بحالي ساعدني
ساااعدني ناجيتك ساعدتيِ
شربت ماي اهدي نار ڪِلبي بس هيهاتَ
دخلت للصاله وڪِعدت يمهم
- بابا احنه نشالله اتفقنه بعد ؏ زواجڪِم
بموافقتج بالموعد
:- ڪِوه نطقت ، اي بابا
- هاي هيه بالخير يابه
- محمد اتصل ؏ اهلك خلي يجونه
- اي هسه
:- جنت صافنه بمناقشتهم جان يتحمحم
خالو فؤاد ويحجي
- يابه مدام ڪِاعدين اريد احجي
الڪِل: ڪِول
- بعد راح يصير زواج فيفو عبدو واڪِيد اهلي راح يجون فـ راح أجر النه بيت نرتبه
:- حجت ماما وهيه ڪِلها بهجه وشوق
- اي واني وأيڤين نرتبه لحد ميوصلون
- هاي هيه
:- جان بابا يوجه الڪِلام لماما
- وداد نشاالله يمته نودي مشيه الزلم والخطبه مال حسن بعد خلصت امتحاناتَ البنيه
:- عيوني من وحدها راحت ؏ حسن بقه ساڪِت متوتر ويهز برجله خبلني هل حسن
اول مره احسه ضايع بفڪِره وباين ؏ شڪِله
انو هوا فعلاً ضايع وحاير
- ها ابني شتڪِول عيب البنيه معلڪِه
واحنه أجلنه الخطبه وره الامتحاناتَ
وبس قريتو فاتحه ماڪِو اي شي رسمي لحد الان
- هاي هيه يابه
:- ترخص واخذ جڪِاير وخالو فؤاد طلع ويا
شويه وماما بقت تتصل ؏ بيت جدي يجون
واتصلت ؏ خالاتي وبيبي يحضرون جوازاتَ سفرهم
حتئ يجون لأن بعرسي لازم يجون وبعرس حسن ڪِمت سبقتَ ماما احضر العشه
طلعت ڪِبه وهمبرڪِر وبابا راح يجيب ڪِباب
طلعت زلاطه وخبطت عصير وسويت جاي وره العشه ڪِملت ڪِلشي للسفره وبس بقيت اڪِلي
شويه وسمعتَ الجرس مطلعت اڪِيد ماما تطلع
سمعت الصاله نخبصت بأصواتهم والسلام
اني من يمي ارتاحت تفسيتي وابتسمتَ
ماسمع غير صوت البنات من وره ڪِمزني
هلااااا بالعرووووس
:- نزيت واجيت احترك بالزيت نهبط ڪِلبي
ووووووجع هوا هيج السلام
جان تنط مروه وتبصبص بعيونها
تريد توخر حجابي ، خيرررر شڪِووو
- اريد اتفقدج اڪِتشفج اشوف اڪِو بيج
اثار المخطوبين لو لا لأن اعرف بسوالف
الحجاب ومو بس اعرف لا اشك والله
:- لزمت حجابي حيل وربطت روحي تربط
ها خير سالمين شڪِو شلج بهل سوالف
- تعاي حبيبتي تعاي تعاي ليه تعااااي
:- لزمت حجابي وتجرجر بي منا ومنا
رغم متأڪِد ماڪِو برڪِبتي شي بس بقيت لازمه حجابي جتفني البنات وهنه يضحڪِن
اخذت الحجاب وصاحت
- امممممممم خفايف وهاي ممسوي طبعه يخاف مسويلج بس حمار مثل الحڪِه
عجبتني حرڪِاته
:- ضربتها ؏ ايدها شڪِد ادبسزز مروه
فضل خرب اخلاقج ، نهتت بتعب وهيه تسند ضهرها ؏ الڪِاونتر
- وين فضل حبيبي تعبان ومريض
وعبالي عرسي ويه عقد شيخ مال سجاد وريم
انوب تأجل وره اسبوع من العقد
:- ياااا ليش
- هوسه ميلحڪِون
:- بس لو تصفنين الها هم صدك يعني هوسه تصير وميلحڪِون وانتِ عرسج بقاعه شلون ترهم
- اي صح
:- بقينه نسولف وانوار متخذه الوضع الصامت
ليش مادري شڪِد ردناها تحجي ماڪِو
اخير شي ڪِملنه العشه وخلينا بالصحون ردنه نطلع جان تنطق ڪِلمه وهيه صافنه ومبين ؏ ملامحهـَـا الجمود
- الشي الي سمعته اڪِبر صدمه
:- البنات باوعن الها بأستغراب بس ماانطن اهميه للموضوع اله اني بقيت متفاجئه منها
لزمتها من جتفها ومخليتها تطلع ، شنو الي سامعه وخلاج هيج احجي من منو سامعه
- حسن ماريد اشوفه
:- عافتني وراحت بقيت فاتحه عيوني وره اثرها متعجبه سئلت نفسي بضياع ، شڪِوووو راح اتخبل !
طلعت للصاله والڪِل متجمع
بقيت اسلم عليهم لأن مطلعتَ سلمت ڪِعدت
يم جدو صاحني وانوا صارت ڪِعدتها
يم فؤاد وجدو اباوع لحسن يبتسم بأستهزاء معاجبه الوضع وڪِأنو شي ڪِدامه يضحك ..
هزيت ايدي اني اذا خليت بالي وياهم
وعيوني راح يخبلوني لا محاله خلي اترڪِهم
تعشينه وڪِملنه شلنه السفره وودينه الجاي
وبقيت اني ومروه نغسل المواعين ڪِملنه
ونشفت المطبخ وخليت بخور عوادين طفيت اضويه المطبخ وطلعنه وبده الڪِلام وبابا يحجي
- من رخصتك يابه
- مرخوص ابني
- ياجماعه نشالله عرس أيڤين بعد 15 يوم او 20 يوم فـ انتم حضرو امورڪِم وشوفن شغلجن
:- البنات ڪِمزن بفرحه بس عماتي اعترضن
- شلون تقبل محمد يعني وين نلحك 15 يوم لو 20 يوم نجهز الها
:- احس صدك تحاصرت شنو هل مده هاي
بس مجبوره ماڪِدر احجي تحتَ تهديد بس بسيطه ڪِلهم اطلعهن من عينه
دارتلي عمه هدئ وهيه تحجي
- وانتَ عمه شلون تقبلين بهل مده لازملج اقل شي شهر شهر ونص نختارلج الحلو والي يعجبج خوما تختارين ياهو الجان
:- سڪِتت ماعرف شنو ارد اخير شي نطقت
لا عمه ڪِافي اشتري قليل ووره الزواج
اشتري الي اريده لأن تنزل موديلات حلوه
- هاي هيه عمه اذا قانعه بهل شي ونشالله
بنات عمج وعماتج مايقصرن يجهزلج
ڪِلشي وعليج انتِ الملابس
:- هزيت راسي ابتسمت وسڪِتت مجبوره موبيدي اباوع البنات اخذن الهن صفحه يحجن ويتفقن ؏ الحنه والتجهيزات والعرس والقاعه
جان يسحب نفس بابا ويتحمحم
- ومدام ڪِاعدين عندي موضوع وياڪِم
نشالله هذا الاسبوع خطوبه حسن لأن صارت طويله السالفه راح نخطبله المار ونشالله اتم بالخير
:- الڪِل سڪِت وابتسم وبارڪِو الـ حسن
وهوا ملامحـَه جامده مابيها اي فرحه
جان يڪِول جدو
- ومدام ڪِلڪِم متجمعين بويه باجر اريدڪِم
بالبيت علمود حسن وخطوبه سجاد
:- الڪِل صاح خير نشالله والڪِلوب صار
الفضول يمشي بيها ويردون يعرفون شڪِو
:- ڪِامن البنات وعماتي اخذني وڪِعدنه
بالمطبخ نحب هاي الڪِعده جابت ماما حب
وڪِليجه وڪِعدنه نتفق وعماتي يحجن
- شوفي وداد من باجر بعد نبدي بـ 7
الصبح نجي عليج همه انطوج النيشان مو
- اي باجر يجيبه اشهـُـــم بس ماتڪِدر تروح
أيڤين
- ليش؟..
- باجر يعقدون محڪِمه
:- جان تجر عمه ايدها وطڪِها هلوله طويله
- ڪِللللللووووووووووشششششش
:- سديت ثاني من عماتي ڪِلهن ڪِامن يعلن
بالهلاهل والبنات يصورن الـ هلهوله
احس توترت وخبطت بطني اريد ابجي من
هل اجواء لأن تحزن ..
- لعد باجر طبخي غداج من وڪِت تغدو
وغديهم ونجي عليج ب 2 ناخذها وتجين ويانه
ونروح نبدي نجهز الها اول شي نبدي بالذهب
وفساتين الحنه وفستان العرس هذاً اهم ثنين
- اي صح جا باجر وره الغده نروح احسن
:- بقن البنات يتفقن ؏ بدلات العرس مالتهن
ويدورن الي صالون ممتاز واني ماخذه
وضع الصامت عبالك مو عرسي لا والله خلاصي
انوار وضعها نفس وضعي الوجه شاحب
مو نفس اليوم الصبح من شفتهاا وصافنه
ڪِمت تقربت من يمها وڪِعدنه ؏ صفحه
ندستها بعڪِسي وهمست:- شبيج انوار
- مابيه هاا ماابيه مابيه
:- لا لاا بيج احجي شڪِو شصاااير
- ماابيه
:- لعد ليش هيج وضعج ولا بارڪِتي الي
ولا ابتسمتي وصافنه شڪِوو شبيج
- هاا
:- احجيلي جوز اساعدج خلت راسها ؏ حضني
وتنهدت وڪِلبها يدك نشغت تريد تبجي
مسحت ؏ راسها والمطبخ هوسه محد يسمعها
- تعبتتتت تعبتت راح يجبروني أيڤين
راح انجبر انصدمت بشي جبير
:- منو يجبرج شنو السمعتي احجيلي
- ماڪِدرر ماڪِدر انتِ وحدج راح تسمعين
:- عقجت وجهي وره سرها هذا الجبير
اريد اعرف شبيها وشنو سمعت وشنو راح اسمع
بقيت ساڪِت لأن من مااجيبها وياها متقبل
تحجيلي ليش ماعرف من بعد سوالف
ساعتين ونص تعبن عماتي وجدو وبيبي نعسو
ترخصو يرحون سلمت ؏ البنات وعماتي
وبارڪِت لسجاد مقدما وولد عمي فرحانين بي
الڪِل طلعو بره وانوار تلبس بشتها
شمرت الحجاب شمر باستني تريد تطلع
جان يصيحلها خالو فؤاد
- نويراا
:- دراتله وجها متفاجئه وهمست بينها وبين
نفسها بس اني سمعتها
- يااا
:- ضحڪِت عليها و؏ شڪِلها المصدوم
- هاا فؤاد
- ماتباتين هنا؟
- ليش
- نسهر وأيڤين يمج
- هاا ، لا لا مارريد
:- عافتنه وطلعتَ ترڪِض باوعت الخالو صفن
وراها وفتح حلڪِه متعجب ومتفاجئ
هز ايده وضحك
- الحمدلله ؏ نعمة العقل هاي شبيها تخاف مني
:- ضحڪِت واني اطلع لا متخاف منك
بس تستحي خالو ،
طلعت وراهم الزلم صافين برڪِن يسولفون وحتئ جدو النعاس والنسوان ماخذات صفحه ابتسمت بحنيه هاي الفقره بڪِل بيت لازم تصير وهنه
واڪِفات يطلعن يحجن رحت يمهم وهنه يتفقن وياي ؏ الصالون والحفافه والصبغ احس راسي انتفخ من السوالف راحو واني لميت وراهم ڪِملت
وترخصت منهم وصعدت ڪِبل دخلت سبحت
احس انترست ريحه جڪِاير منهم ڪملت
ونشفت شعري وطلعتَ بقيت اباوع بتلفوني
لحد 1 ودك اشهـُـــم ڪِلما اذڪِر اسمه
احس بروحي تنهبط من الڪِره اله و؏ عملته اليوم ، الو خير شڪِو
::- صوتج لج لاااا تنترين
:- نجببببب
::- بت القندره ليش ماتحترمين
:- نجببب
::- اللهم صبرج ياروح ايوب
:- بري منك ايوب
::- ليش بربوك وقز القط
:- الله يهلك لسانك ؏ هل غلط
::- ول زمال وريتي ڪِلبي بلسانج ڪِاافي
:- هسه شتريد متصل عليه!!
::- انام ؏ صوتج
:- اييييع سوالفك مال المخطوبين بطلعها
::- ههههههههههه صارر
:- وجعع شلون يضحك
::- بنص ڪِلبي الوجع وماطاب "
:- ولا يطيب طبك مرض
::- المرضج وانا دڪِتور اعاالج نفسي
:- عفطتله واني مقهوره ، طييط شلون دڪِتور مال قتله المجـــرم
::- هاي شسويتيييييي!!!!؟؟؟
:- شنووو
::- عفطتي!!!!!
:- احس نلصمتَ من جديه صوته وعياطه
لاا تتخيل والله
::- باجر بسيطه بعيوني خالي
:- سد التلفون واني ضلت تاڪِل بڪِلبي
هسه شبيج حيوانه ليش خفتي وڪِتيله
ماسويت شي ،
بقيت اعض بأيدي من القهر
ماتحملت فتحت التلفون ودزيتله بصمه
لا والله عليك عليك نعلئ عليك وامداك
وعفطتتت ويله ماخاف اني أيڤين
صار الخط صحين ✔✔ ضليت اڪِمز
بحماس يييمه شافها شااافهاا
جارء تسجيل مقطع صوتي مغصتني بطني
فتحت البصمه
::- انتِ قندررره مو أيڤين بسيطه
:- ارتاح ڪِلبي وضحڪِت من ماخليتها تحوص
بڪِلبي طفيت الاضويه ووقت المبايل
ونمت واني مبتسمه ..
ڪِعدت الصبح ؏ المؤقت غسلت فتحت
تلفوني لڪِيت رساله من ب 2
" لبسي اسود "
:- لبست عليك ياحيوان ، عاد عاندت ولبست
لون جوزي وقمصله جلد وبوت وحجاب
ومڪِياج خفيف نزلت تريڪِت بسڪِت وعصيرر
وماما ڪِعدت وياي وبابا وحسن لدواماتهم
وماما تحصن بي بدعائها دك الهورن
وبدون مانتبه صحت
" ياااا اجه السرسري مالي "
مااسمع اله ضحڪِه ماما وهيه تضربني
بخفه ؏ جتفي
- شنو هل اسمع المعوق ولج
:- اي غير سرسري مالي
- لازم عنده سوالف وياج
:- بقيت اضحك ودنڪِت راسي دك الجررس
ورحت فتحت الباب وطڪِيتها رڪِضه حتئ لا يشوفني طرت طير دخلت للصاله وجنت واڪِفه
::- صباح الخير يمه
- هلا عمه حبيبي
:- تقدم من بعد مانزع بوته يااا لابس مثلي
شڪِد يغار الغيور هزيت ايدي معاجبني الوضع
باس ماما من راسها وڪِعد ڪِبل طڪِله جڪِاره
- شارب جاي لو تريد؟..
::- انا حتئ لو شارب منج اشرب الجاي
:- ضحڪِت ماما وراح تحرر الجاي الي سوته
بقيت واڪِفه ومجتفه ايدي واتخازر ويا
وهوا يخزر بيه
::- تعاي ولج تعاااي
:- نعم شتريد
::- تعااااي زماله
:- ضربت رجلي بالڪِاع بضجر اهو اهووو شتريد
::- اهو بعينج قز القط تعاااي ولج
:- اجيت تقربت يمه شوي مد ايده وڪِرص فخذي عطت ، اخخخ اشتعلت عشيرتك ولك بقيت افرك مڪِان الڪِرصه واڪِمز
اخخ اخخ
::- حتئ تتأدبين وماتعفطين ادبسسزز
:- والله اعفط اعفطط عيب تڪِرصني سرسري
غمز وهوا يعض شفه
::- بعد ماداحڪِه مني شي
:- اجت ماما وهيه جايبتله الجاي بقه يشرب
ويحجي ويه ماما ؏ العررس
::- عمه ڪِملت ڪِلشي وهذا النيشان
بعد انتو تصرفوو وبيتها ڪِامل والغرفه
بعد بس القاعه نتفق عليها
- هاي هيه عمه خير البر عاجلو مدام مڪِمل
ڪِلشي بقه بس نيشان أيڤين نڪِمله
::- خير نشالله
:- هز راسه وشرب الجاي جره وحده وڪِام
::- يله عمه ارخصيني اخذ أيڤين نعقد
- الله وياڪِم يحرسڪِم علي مهناين
:- باس راسها وطلع ڪِدامي ودعت ماما
وعيونها مدام وهيه تشوف بدها الوحدانيه
راح تتزوج ،
ماتحملت هلهلت وطاحت دمعتها
اجيت اڪِنسل الروحه لابو العرس لابو انتقامي
لدموع امي رجعت بست راسها
ترا ماروح يوم وابطل من ڪِلشي
- نجبي ولج نجبي يله روحي الولد ينتضرج
:- بست خدودها وطلعتَ شفته ينتضرني
صعدت ويا وهوا حرك شغل اغنيه ويمشي هادئ
وصلنه للمحڪِمه ونزلنه لزم ايدي ومشينه
ڪِل خطوه اخطيها احس بخطوره
الشخص اليمي
خطوه غموض
خطوه خوف
خطوه توتر
خطوه مستقبل مجهول
قبل لاندخل بوابه المحڪِمه عصر ايدي
وخله عيونه بعيوني وهمس والدموع نملت بعيونه بأحساس غريب ونضرات مجهوله تفسيره
::- ول بنيــاتي أيڤ مهما تشوفين عليه لاتترڪِينـــي وحيد فريد احتاج ضهر استـَند عليه"
:- حجه اخر ڪِلمه برجاء عصرت ايده وڪِلبي يدك وقررت ابوح بشعوري ، بس ماانسئ فعلتك ولاتنصدم بلي راح تشوفه مني ويصير
::- قابل ياغصــه روحي قابل بس لاتترڪِينـي حتئ لو تأذيني قابل بلأذيه وداوينــي "
:- نزلت راسي واني ادارك دموعي وهوا دار وجهه سحبت نفس طوويل وخله رجله اليمنه واني وره دخلنه ڪِمل اجرءات والاوراق مال العقد
وطلبو تحليل دم اخذنه للمستوصف الي يمه حللنه وروحي نملخت بسرعه دفع فلوس وڪِالو ربع ساعه ويطلع التحليل
بقينه ڪِاعدين ننتضر وهوا باقي لازم ايدي وصافن بالحايط الابيض ووجه محتد وعرڪِان ينزل راسه ويشتت عيونه
وبعدين يرفع راسه اباوع لايده مقارنه بأيدي
ايده ضخمه حيل وايدي ناعمه ڪِأنو لازم ڪِتڪِوت بأيده عيوني راحت ؏ حلقااتنه تنهدت والحزن محاوطني من ڪِل جهه والوجع
ليش هيج عڪِس حضي!
شيصير لو هاي الخطوبه ؏ حب !
شيصير لو ملتقيت بي ولاصار الي صار وخطبني!
شيصير لو عشت فتره خطوبه حلوه!
شيصير لو فرحانه هسه بالعقد!
موواعيش تحت خوف وتهديد بڪِلشي..
سندت راسي ؏ جتفه بدون وعي مني
لأن دختت قرب راسه يمي وهمس
::- أيڤين يباا وخري راسج خلي اجيبلج عصير "
:- اڪِعد سرسري ماريد
::- اشش
:- غمضت عيوني واسمعه يهمس ماعرف ويه منو شوي وندسني واشوفه ماد عصير برتقاال
::- يله شربي خالي
:- اخذته منه واني راسي يفتر شربته ورجعت رجعتَ راسي ؏ جتفه غمضت عيوني وبس عطره يدخل لأنفي ودفو جتفه شوي وصاحو بأسامين
أيڤين محمد عدي & أشهـُـــم صدام فالح
التحليل متطابق ايجابي
:- انتعش شڪِله بفرحه لأن التحليل سليم
اخذنه وڪِملنه ڪِل اجرءات العقد وعقدنه
وبوقت الي سئلني القاضي احس انطيت نص حياتي بالموافقه
تم عقد أيڤين محمد واشهـُــم صدام بالقانون ..
صرت مرته بالقانون والشرع وخلااص
راح تنتهي حياتي ويه الشخص المدمر والغلط
احس تڪِأبت نفسيتي وجنت محتاجه ابجي
من بعد ڪِتمان طويل بس مڪِدرت
اخذنه الاورق ويمشي بيه باس راسي
وطلعنه من المحڪِمه
::- صرتي مريـــتي بالشرع والقانون خالي "
:- دمرتنـي
::- نشووف الجاي شنو
:- صعدنه بالسياره والخنڪِه ماتنحمل انڪِبت ؏ صدري اريد ابجي مو بيدي بس ماڪِدر يمه
وصلنه اول مافتحنه الباب صارت بوجهي
ماما وعماتي هلهلن وطشن جڪِليت والهلاهل
صار صداها يرن بأذني ابتسمت ابتسامه حزينه تعبانه بيها ومشاعري متحطمه
بوستنه ماما وبارڪِت النه وعماتي وهوا
استرخص وراح دخلت واول مادخلت جان الاغاني تتشغل واشوف البنات موجوداتَ وانوار ممجوده من ضمنها بقنه يرڪِص ؏ الديجي
وعماتي بالجفجير يتعارڪِن ويرڪِصن فرحانات بيه والاجواء تخببل تخبل عاد وره ساعه ترخصن يرحن يصبن غده اجه عليهن سجاد وراحن
واني صعدتَ بدلت ملابسي ونزلت تغديت واجه بابا وحسن بارڪِولي خلصنه غده وحضرتّ روحي مناا واجن عماتيِ وطلعنه للسوك اول شي الذهب 6 محلات معجبني ذهبهم
اخير محل دخلت اله شغلاته نازڪه
وبطراز وشغل جديد اخذت محبس حلو
وثنين ڪِلاداتَ وتراجي ثنين لأن ثقبين بذاني
اخذت سوارين ناعمات حيل ونازڪِات
واحلئ شي عندي اخذته هوا الحجل الذهب
اخذنهن ودفعنه الفلوس وهسه المهمه
الصعبه البدلاتَ من محل لمحل لحد الأذان
اخر محل عنده بدلات خطوبه وحنه حلوات
اخذت بدله حنيه ؏ ماروني وقفطان زيتوني للحنه رجعنه ب 7 المغرب هلڪِانين
راسي مصدع ضميت الذهب والبدلاتَ علڪِتهم
وسبحت ردت انام وماما صاحتني
- وين صاعده؟..
:- اريد انام ماما تعببببانه
- حقج يوم بس جدج طالبنه ڪِل احنه وڪِل عمومج علمود الخطبه
:- باجر اروح لجدو
- ميصير ماما عيب احنه منطول يله روحي لبسي وتعاي
:- هزيت راسي واني نعسانه ڪِاعده من الـ 6 شصيرررر راسي احسه راح يطك غسلت وجهيِ
ولبست بشت وحجابي ذبيته ذب
قفلنه البيت ورحنه حتئ خالو فؤاد ويانه وصلنه واشوف الڪِل من عمامي جاين سلمنه وڪِعدنه وجدو مسترصط الڪِعده والڪِل ڪِاعد
عيوني راحت ؏ انوار الي تعبانه وذبلان شڪِلها رحت ڪِعدت يمهاا وهيه لزمت ايدي وعصرتها وهمستلي بغصه جبيره
- اريد ابجي أيڤين ساعديني راح اموت
:- يييمه شڪِو شبيج
- ڪِلبي أذاني بعد مااتحمل ولج سمعي جدو لمنو راح ينطيني سمعيييي...
:- اشش سڪِتي خلي نسمع ، بده جدو يحجي اول شي عن خطبه سجاد نشاالله الاسبوع الجاي يعني قبل عرسي وبعدين دخل بموضوع انوارر
- ونشالله اليوم مدام متجمعين بويه وجمعتڪِم ڪِلڪِم عندي موضوع وياڪِم
الڪِل: تفضل حجي
- مثل ماتعرفون انوار خطبها ابن خالها ورفضت مور
اي
- فـ يابويه انا اريد انوار الـ حسن
:- فتحت عيوني بصدمه وصحت شلون
ڪِمزت انوار وعاط
- لااااااااااا ماااااريده ماااريد جدو
:- الڪِل نصدم بڪِلمه شلون..
جان تعيط انوار ويڪِوم حسن ووو..
يييييييتبع
.
.
.
.
.
.
.
.
.
شلونهم الصدماتَ!!
صدمه ببدايه البارت وصدمه بنهايته
وهسه صار دور المفاجئه رفعو شوي
.
.
.
.
.
.
.
بعد شوي 🌚😂
.
.
.
.
.
.
.
.
.
يلا هسه اول صوره نشرتها انستا اشهـُــم
الموسيقئ مسويه رهبه بالصوره
اشهـُـــم السرسري✨
وهاي المفاجئه والصور اريد القصه
تشعلوها شعل بالتصويتات لأن التصويتات زفت
ماوصيڪِم التصويتات ياعيوني ❤️
مهم: لاتنسون التصويت والمتابعه للحساب دادهَ🔴"
وعلقو بين الفقرات وتفاعلو لاتعلقون بس تم
يلااا
في أمان الله وحفظه
الكاتبه: LARAN❤️