النسر و المشاكسة ( متوقفة مؤقتاً )

③

رجعت وياكم ب الجزء الثالث من قصتي
النسر و المشاكسة
لاحظت المشاهدات هواي بس محد يتفاعل رجاء تفاعلو انا جاي اتعب على ما اكتب
وممكن تطلعون على قصتي الثانية
وشم الذئب 🐺
🍒🍒🍒🍒🍒🍒🍒

الجد "وهسة يا بعد جدج تعالي يمي عندي حجاية وياج"
"حاضر جدو مسافة الطريق وانا يمك"
رديت على جدو وسديت النقال ألتفتت على ضرغام "ضرغامي ممكن توصلني لبيت جدو" طلبت منة يوصلني وبعدة ما حاجي وطفر نسر "طلعتي من بيتكم للبستان لوحدج وهسة خايفة ترحين لبيت جدي"

تنرفزت من كلامة لازم يعلق على كل حجاية تطلع
من بين شفايفي واكفلي مثل العظم ب البلعوم

"منو كال انا خايفة بس ردت اتمشى و احجي ويا أخوي لو هم لازم أستأذن يا الله أحجي ويا أخوي"

كملت كلامي وصاح أدم علية

"نجمة بطلي طولت اللسان لا أجي افرك حلكج أخليج بعد ما تكدرين تحجين"

نهظمت من كلام أدم دائماً يصير بينا جدال والسبب واحد وهو نسر وأكيد أطلع أنا الغلطانة وين يصير الشيخ يغلط
"خوية ضرغام روح لشغلك أنا اوصلها، وانت شاهين ودي البنات وتعال"

يحجي وعينة علي يشوف رد فعلي بس انا فكري ما جان يمهم أصلاً جنت أفكر بعلاقتي ويا أدم ألي دائماً متوترة وأغلب الوقت يصيح علي ،

وفعلاً ضرغام راح وشاهين هم راح يودي البنات واباوع لغزال حالها مو احسن مني

تمشيت ونسر يمشي كدام والولد وراي أباوع على نسر من يمشي برزانة وهدوء وأكو صفة كلش أحبها أنو مهما كان معصب الهدوء يطغى على عصبيتة
وصلنا لبيت جدو دخل نسر قبلي وراح سلم على جدو وبعدين اللولد سلمو علي

" تعالي نجمتنا ليش واكفة بعيد "

ابتسمت بوجها وتقدمت بست باطن جف أيدة وكعدت يمة
" أي يبا ما راح تسولفين ليش رحتي للبستان والفلاليح صاعدين ع النخل"

بلعت ريگي وحسيت حلگي نشف من التوتر " وأنا شدراني حفيدك مغير موعد عطلتهم"
بس حجيت طفر نسر "لو جاية مستأذنة جان دريتي"
خزرتة وأنا اسمع جدو يرزلني رزالة ناشفة "هاي ليش طالعة بدون استأذان أنا مو كلت ما أطلعن من بابا الحوش ألا تستأذنن"

"لا جدو مالك دخل بي أستأذنت من بابا قبل لا أطلع أوصيتة ينطيك خبر"

حجيت هيج وجدو عگد حواجبة وصاح "وأنا وين شفت أبوج اصلاً ما أجة للديوان ولا أتصل علي"

"تمام جدو أسفة بعد ما تنعاد"

أردف نسر وجان عاگد حواجبة "وشحدج تعيديها خل أشوف بعد يا مرة تطلع"

ما تحملت أيصيح علي وأسكت لازم أنا هم أصيح
"أي مو هو بكيفك ما أطلع منو أنت حتى تريد تمنعني من الطلعة"
نتر بوجهي والشرار يطاير من عيونة
"صوتج لا ترفعينة لا أجي أطيح حظج"

"أي مو تايهتلك حتى أطيح حظي"

أنا حجيت هيج وعاط جدو
"نسرررر نجمةةة أشو ما عدگم أحترام لا لجبير ولا لصغير، أنا گاعد وانتو وأحد يملخ الثاني لعد أذا أگوم شتسوون"
أشوف نسر فرك وجهة بكف أيدة وأعتذ من جدو
"السموحة منك شيخ أن شاء الله ما تنعاد"

"أنت لا تتحرش حتى بعد ما تنعاد"
حجيت هيج واشوف وجهة صار احمر اجة يكوم بس جدو صاح
" وووووبعدين وياكممم،نجمة رجعي للبيت وتعالي ب الليل خلي ابوج يوصلج عندي حجاية وياج "

"حاضر جدوو مع السلامة"

سلمت على جدو وطلعت
شفت شاهين بطريقي وجان هم معصب الظاهر غزل هم أكلت رزالة مرتبة من شاهين
وصلت للبيت سلمت على ماما وأكيد اخذت رزالة لان تأخرت، صار مغرب ودخل بابا للبيت كلمن راح يصلي شوي ودخلو اخواني وصبينة عشة مرت فترة وعيني على بابا محتارة شون افتح الموضوع وياا
قبل لا احجي سمعتة كال"

أحجي نجمة شنو محتاجة"
ضحكت وباوعتلة ب استغراب "شون عرفت اريد شي"
"عيونج حجت قبل لسانج"

"هههههه ماكو شي بس جدو كال بعدين خلي ابوج يجيبج يمي محتاجج بشغلة"
"مو مشكلة بعد العشة أخذج واروح"

بعدني ما دريت على بابا وحجة ادم

"بس هذا لكلج علي، ما كال أحجي لأبوج عن طلعتج اليوم بدون ما تاخذين أذن"

عيون بابا انتقلت بيني وين ادم أجيت أحجي بس ضرغام سبقني ورد على أدم
"خوية أدم حلينة هذا الموضوع ماكو داعي أنفتحة مرة ثانية"
صاح أدم " أكووووو دااااعي ضررررغام ألى متى تتغاظون عن أغلاطها قبل نكول جانت صغيرة هسة شنو عذرهة أشو راح أداوم كلية بس هو محد خرب اخلاقها غير دلالكم ألها أحنة شنو هنا غراعات خضرة ليش ما تستأذن قبل لا تطلع "

أردف ضرغام وهو يحاول يهدئ أخو

" حشاك خوية "

نزلت راسها نجمة وهي تحس ب الذنب دائما تصير مشكلة وهي السبب بيها

شوي وسمعت بابا يحاجيني " راح تبقين ساكتة، سكوتج يدل على انو كلام اخوج صحيح لو عندج اعتراض "

"عندي اعتراض انا استأذنت منك قبل لا تطلع للشغل و طلبت منك توصل خبر الجدو، وجان جوابك أن شاء الله بابا"

اخذ وقت يباوع لوجهي بعدين كال " صح كلامج اذكرت بس راح عن بالي اخبر جدج، اليوم الشغل جان ثكيل وما صار مجال امر على الحجي "

عيني على ادم الي راح يقتلني بنظراتة بعدين حولت نظري لبابا من كال " خلصوا حتى نمر على جدكم قبل لا ينام ونشوف شنو يريد من اختكم "

خلصنة وطلعنة نتمشى لبيت جدو كم خطوة ونوصل تقدمت بحيث صرت قريبة من بابا وسألني"اجاوزتي على ابن عمج"

"همم" جاوبت بهمهمة وعيني ب الارض جفلت من صاح بوجهي "جممم مررررة كلللتتت لا تتجاووزين ب الكلامم حجيت لو لا"
رجعت خطوة وضغطت على ايدي بقوة نفس الحال تتكرر كلما نتناقش انا ونسر وعلى طاري نسر طلع من بيت جدوو وعينة على نجمة
"خير عمي شنوو صار ليش تصيح"

................................ 🍒🍒🍒🍒..........................
سلام اعتذر على التأخير وشكرا على التفاعل راح احاول ما اطول ب النشر