أسيـرة "داعـش"

part 33

#أسيرت داعش

#الكاتبه اسينات

-تصويت للبارت كبل متقرون
-تعليق بين الفقرات لانو اذا مشفت تعليق راح اوقف القصه
-متابعه للحساب lrayh1234
-متابعه الحساب الانستا soso1.913
..
عمري التفاعل مدري شلونه يعني بس تشوفون البارت وتطلعون لا تصويت لا تعليق ليش ؟
يعني الي يشوفون القصه هواي والتصويت حيل قليل ليش هيج والتعليقات اذا مشفت تفاعل احذف القصه مو بس الغيه .

بسم الله الرحمن الرحيم 🤍.
•~•~•~•~~••~•~•~•~••~•~•~•~••~•~•~•~•~•
مشهد من البارت السابق لحتى تتذكرون الاحداث

:-ولج اسكتي هسه اجي انتضريني هنا ..طبعن فتحت الخط

:-ها وردايه

:-ها حسن شتريد تكلي يله بسرعه خالتي منتضرتني اطلع

:-ورده مصطفى انحكم ودخل للسجن وصار الي انتي تردي..

سكتت بسرعه

•~••~••~•
ورده

سكتت بسرعه مدري شصارلي الشي الي ردته والي تعبت علي صار نوب هيج كمت ما اعرف شسوي صرت ابجي واضحك بنفس الوقت احس انتقمت وسجنته

احس هسه بابا ورقيـه ارتاحو هسه من الفرحه صرت اكمز بمكاني ما مستوعبه هيج بدي اطير من الفرح صارت فرحتين خطوبتي وسجن مصطفى

ايدي على حلكي اشهك وأمنع صوت صوت شهكاتي المسموعه وحسن ساكت بس يسمع ابدا محجه رحت قفلت الباب وكعدت ارجف حيل رغم خلصت منه وانتقمت وسجنته بس هيج روحي لحد الان بدي يموت واخلص منه

لمن ارتاحيت وبجيت وسكتت. رد كال

:-وردايتي ..

حجيت بشهكه :-ها

:-اروح فدوه لعيونج لتبجين هاي خلصتي منه وصار الي انتي تردي عليش بعد تبجين

ببجي:-حسن احس هسه بابا ورقيـه ارتاحو والله احس ماما ارتاحت حسن هواي اذانه مصطفى هواي لو اشوفه كبالي يحترك ميرفلي جفن هيج من اشوفه بدي اخنكه بايدي اوفف حسن لو ما أنته مجنت اعرف شسوي

:-اشش كافي بجي وين ورده القويه ها الي عاشت وي داعش وين اريدج سباعيه وردايتي الحلوه السمره اروحلج فدوه يله كومي غسلي وجهج شوي واجي مو تكابلبيني وانتي تبجين

ضحكت:-هههههه شلون اغسل حاطه مكياج ..

من كلت هيج شهكت كمت بسرعه اشوف بالمرايه الكحل سايل والمكياج داعي شحاله صاير خرابيط شوي وابجي كعدت ابجي واندب بحضي شكد فكر نوب المكياج يجنن جان عليه هسه من اطلع يخترعون من شكلي

:-ولج ليش تبجين يمعوده يم الغيره وردايه كولي يالله هوه لبخ شبيج تبجين

:-اي اي هوه لبخ انته متدري شلون جان يخبل ومخليني اخبل..حجيت بصوت همس بس مسموع

:-انوب الحمره يموت لونه اوفف

حسيته تنهد نوب صار صوت خفيف يمه مهتميت بس هيج ارتاحيت من انسجن يستاهل

مصطفى انحكم 14 سنه سجن صح جنت رايده الاكثر بس بعد المهم ينال جزاته رغم ما أحقد على احد بس مصطفى حاقده عليه وكل ما اجيب سيرته أو اسمه هيج اموت مدري شيصير بيه

مسحت دموعي وكعدت اعدل بالمكياج وهوه على الخط نوب نور ادك بالباب تريد تعرف شكو لانو تاخرت

:-حسن حروح هم يالله صدك شوكت تجي

:-هيج ساعه تقريبا ..

لمن نهيته وياه غلقته منه ورحت فتحت الباب اسحل ببدلتي وامسح بدموعي وشكلي لبالك زومبي طبت نور تلم بالغرض وتحجي مشافتني

:-شكد اثول شوي ويجي ويشوفج ليش مستعجل عابت الزلم مالهم رداد

باوعتلي فتحت عيونه وحلكه حجيت واحس راح تفشخني من كد ما مبين بوجهه العصبيه

:-والله خبر حلو

لطمت على خدوده:-ليش ولج المكياج ولج المكياج يا يمه هسه شنسوي يحضي شنسوي ها انتي فاشله بالمكياج حدج حمره وكحله نوب شوفي شصاير يا تعالي

جرتني وتكرص بيه وتضرب وساكته اذا اكله انو مصطفى انسجن يجوز تتخبل تحمحت وحجيت بدون اي مقدمات

:-مصطفى انسجن وانحكم 14 سنه سجن

باوعتله من المرايه ما احس الا وجرتني من شعري بحيث دارتني اله شاغت روحي نوب شعري جلب بايظه وهيه تكمز وما منتبهه شعري بايده متت بجيت من الالم حيل توجعت من استوعبت اجت تبوس بيه وتعتذر

واني على نفس الشهكه والبجيه واحك براسي الم احس راسي نخلع نوب هيه ضلت مدري شتحجي بهمس أجت يمي

دارتني للمرايه ترتب بشعري متخربط هواي لانو سبري فثابت كعدت تعدل بالمكياج ورتبته وصاحت الاخت حسن هم رتبته الي اخذتلي صور بحيث نور من الفرحه بدهه هسه تطلع وتركص وتكمز بينهم تمشي وتهز جتف وتكول لو أكثر شجاكم

طلعوني واحس فرحتي تضاعفت نوب الكل موجود الكل صديقاتي كلهن سلمت وكعدت جنت لابسه بدله زيتونيه منفوشه والصدر على شكل سبعه ونازل حيل حلوه ونور لابسه بدله مارونيه تجي طويله بس مفتوحه من الرجل بحيث من تمشي رجله تطلع حيل حلوه ردت اشتري منه بس كالو خطوبتج فلازم فستان منفوش ولو احس اذا شي بسيط احلى نخلي الاختيارات للعرس

والاغاني تشتغل والبنات يركصن رغم ما ردت اغاني بس خالتي بعد نوب مطلعات ساجده ونور ذبت لحم بحيث حتى الكعب نزعته وتهز اذا بالخطوبه هيج بالعرس شلون

واني اصفك من اشوف البنات يركصن وفرحانات هيج يجيني شعور حيل حلو كومني البنات كمت اركص وياهن بالبدايه استحيت بعدين لا كمت اهز واركص هيه مره وحده خلي أعيشه بس لحد الخوف اجتاحني

وحيل خايفه نور كلتلي انو اكوله عني رجلي بس هيج خايفه ميتقبلني ميريدني بس نور تكلي اليحب يتقبل حبيبه بكل عيوبه نوب اني مشتريه فستان قصير ومدري شلون حدبره وألبسه بس كلت إذا كلت الحسن ومحجه البس الفستان

شوي وكالو اجه من الخوف احس حموت روحي ما متعوده رجال يشوفني هيج نوب ملابسي مفضوحه كبال اختي استحي خالتي واكفه يمي ولازمه ايده حيل وهيه تريد اعوف ايده ماكو خايفه بيه خوفه شنو هيه كوه

طب جان منزل رأسه وجان يضحك وميت ضحك عرفت عمار وياه طب وسدن الباب مشه باتجاهي واني ارجف واباوعله لمن رفع رأسه وشافني ضل صافن بيه لمن امه ضربته بايده انتبه اجه وكف يمي

واني ساكته ولا نفس ابدا ولازمه ايد خالتي وحاطه على صدري وهيه تريد بس اعوفه المصوره تأخذ صور وتصورنه واحنه نسوي حركات شوي فكيت وفكت عني الخوفه

وهوه يحاول يضحك بيه واني بس ابتسم لو يكرصني من خصري واغلط عليٕ وهوه من اغلط عليه يخزرني ويضحك

لزمني من خصري مقربني اله حطيت ايدي على ركبته حاضنته اخذتلنه صور هواي حيل حلوه

لبسنه المحابس والكل يهلهل تمنيت امي موجوده وياهن كل غصه بكلبي جبيره حيل بحيث مااكدر اتنفس من وره الغصه

امه جابت الذهب وتحجي وياه بهمس وهوه بس يهز برأسه لبسني اول شي الكلاده نور رفعت شعري وهوه لبسني غمضت عيوني من ملمس ايده على ركبتي يتعمد يخلي ايده وخر يباوعلي باوعتله ساكته لبسني البتوت حيل حبيتهن شكلهن حلو

ونوب المحابس ما احس الا ونور العايقه صاحت بصوت عالي بحيث خلتني شوي واذبحه

:-بوسه بوسه

وهوه يضحك مكيف واني اباوعله وتهز براسي لا احس شوي وابجي على الفشله الي نحطيت بيه لزم المخده وحطه بيناتنه وباسني غمضت عيوني لمن وخر بسرعه خزرته وهوه يباوعلي عيونه ذبلانه بدي هيج اجيب الكرسي على راسه وعلى راس نور

وخر مني أهفي على وجهي كله نور مخططتله طلعت اغنيه عبالي حبيبي نزلنه هوه لازمني من ايدي سحبني حيل من خصري اله صرنه نركض على كلمات الاغنيه

حسيت بشعور غريب حيل فرحانه رغم جنت خايفه حيل بس هسه من نور طفت الضوء ارتاحيت عيوني بعيونه هوه هم كال

:-طالعه حلوه وردايتي

كلت بجرئه :-تدري هسه بدي ابوسك على الخبر ممصدكه

راد يبوسني وخرت كرصته

:-عيب ولك

:-انتي شكلتي

:-منو كلك تصدكني

:-ليش انتي جذابه

:-اي وحيل هم جذابه اني ام الجذب اصلا اني اخترعت الجذب

:-اي مبين انتي اخترعتي

:-لعد شعبالك

ضحك وضربني على راسي ضحكت وياه حطيت راسي على كتفه وهوه يوديني منا ومنا لمن خلصت الاغنيه وخرت منه وهوه طلع بعد ما باسني براسي

رحت كعدت واهز من طلع رجعت طبيعيه اركص واغني ونوب يطلعن ساجده واني أفقد على ساجده واوكف بنصهن واركص لبالك وحدي

لزمت الكيك اكل حيل حبيته بطعم الككو لمن تعبت رحت كعدت على الكرسي تعبانه والنسوان هذه الي تركص وهذه الي تسولف لمن اجتني غـدير كالت راح يجي حسن يشوفج بطني نعصرت

غـدير:-كومي عمري اجه حسن يشوفج

ورده:-شعده ليش

غـدير:-اي غير يشوفج يله كومي تره مراح ياكلج يا عيني

تحجي وتضحك وبطريقه مستفزه حيل خزرته

ورده:-نجبي لتسوين هيج حركات

هزت رأسه وكل ضحكه تضحكه شاكه حلكه كمت واسحل بفستاني هيتوني وصلت يم الباب مالت الاستقبال جرتني نور تحجي وياي همس

نـور:؛كليله على رجلج مو تنسين

هزيت راسي خايفه

ورده:-خاف ميتقبلني

نـور:-نجبي هوه اليحب يتقبل حبيبه مثل مكتلج يله فوتي والهوه بظهرج وعود بعدين سولفيلي

رادت تروح جريته

:-وين تعالي لتعوفيني وحدي فدوه

:-ولج ورده ولي مني عيب الرجال منتضر فوتي لا هسه اهفج

راحت وعافتني حايره نوب واكفه كبال الباب لا اني الاطب ولا اني الاروح هستوني جاي افتح الباب هوه صار كبالي وفتحه

باوعتله فشلانه كال

:-وين صرتي صارلي ساعه منتضرج

:-ها مو جنت بالحمام

هز رأسه لزمني من ايدي جرني للغرفه نوب هيج خايفه وارجف واحس صرت زركه وصفره وبنفسجيه من الخوف وهوه ولا عبالك كعد وكعدني يمه هوه ساكت واني ساكته نوب هيج مستحيه ياخي شعور ابد محلو كال

:-هوه شنو ليش حلوه هيج

:-منو

:-ابويه

:-يوو

سكتت ضليت افرك بايدي اريد احجي وياه بس حيل خايفه شعور غريب خوف على قلق ما اوصف الشعور الي اني بي خايفه ميتقبلني ميريدني يعوفني علمود رجلي حقه اني من اشوف رجلي تلعب نفسي واخاف من منضره هوه شلون

مره من المرات حضرت عرس بالوقت الي ماما موجوده بي وعايشه فلبست فستان طويل حيل بحيث رجلي ابدا متبين صدفه وطلعت رجلي وشافته بنيه صغيره لحد الان اريد ابجي من اذكر ردت فعله من شافت رجلي اذا الصغيره لعبت نفسه لعد الجبير شلون

جان لازم ايدي ويفرك بالخاتم شافني خايفه وارجف حيل كال

:-ها شبيج لانو لازم ايدج ؟

:-حسن باع اني ء

:-اي شبيج

بجيت شكله رجلي متشووه محتركه حتى خايفه من رده فعله

:-شوف رجلي متشووه من جنت عند داعش رجلي هواي اتاثرت من الحرك ولحد ا الان موجود الأثر

باوعلي مستغرب من شافني ابجي واشهك وحالتي حاله نوب خايفه حيل حضني الصدره واني ابجي بكل قوتي وخرني

:-شبيج ليش تبجين لبالي شو شبيج

:-شنو شو شبيه أكلك رجلي متشوهه يعني أنته تأخذ وحده رجله متشووه ومحتركه ها

امسح بعيوني حيل انهضمت احس نفسي ناقصني شي وخرت ايدي من عيوني من كعد على اركبه راد يرفع البدله بسرعه لزمته اهز براسي لا وابجي

:-بس اشوف رجلج شبيج غير افتهم

وخر ايدي رفع البدله شوي طلعت رجلي بسرعه ضميت وجهي بايدي ما اريد اشوف شي فزيت من شفته بأسه بسرعه دفعته ابجي والم بروحي حطيت راسي على رجليه ابجي

:-لتعطف عليه ما اريد احد يعطف عليه حسن فدوه

يريد يلزمني واني ما اخلي بس ابجي ما احس وجرني عيونه يخوفن ومعصب لازمني حيل من ايدي

:-ليش تبجين على هاي مخبله انتي مخبله

:-شبيك حسن

:- لبالي شو شبيج ..سكتت وهوه يباوعلي نزلت راسي ردت احجي مخلاني اكمل

:-نعالجه من نزوج نسافر ونعالجه لتخافين ما بيج شي وانتي لتضلين تشيلين هم افتهمتي

باوعتله هزيت راسي ساكته وصافنه ابدا مو مثل البالي يعني توقعت يلعب جوله كل واحد يريد المره أو شريكه حياته ما بيه اي نقص اني بيه نقص

حجيت بخنكه:-يعني أنته راح تتقبلني ؟؟

:-وليش ما اتقبلج بيج شي يعني حتى ما اتقبلج

بسرعه هزيت راسي بلا ابتسمت حضنتنه بادلني بسرعه سكتت ضليت فتره هيج

:-شكرا

:-يوو تره كتلج تتعالجين

:-لا شكرا لانو ساعدتني بموضوع مصطفى

:-خلي يولي هل الحيوان انسجن بعد شكو تجيبين سيرته

ضحكت:-هم صدك

ضل شوي وطلع بعد ما قرر شوكت نسوي العرس واني اضل اضرب بي يريد يسوي بعد شهر حيل مستعجل واني ما اريد واني اريده بالكثير اربعه اشهر وعود بعدين ومن اكله خلي فد شهرين نتعرف على بعض يكلي

:-حافظج وعارفج

فاطر اسكت بس اكيد كلمتي الي تمشي فكتله على الأقل ثلاث اشهر احسن من الشهرين

طلعت واني الضحكه شاكه حلكي هيج فرحانه متوقعت ابدا حيصير هيج نوب بدي اكمز بنص النسوان رحت الغرفتي كعدت طبت نور وجهه مخطوف وكركم

:-ها خيه سولفي

:-راح يعوفني كتلج لو من الاول مقابله

لطمت على خده كالت

:-عرفته الهل الجذاب شوف شوف ما مرتاحتله والله حبيبتي وردايه خلي يولي لتزعلين ازوجج اخو صديقتي

اجت يمي حضنتني ضحكت بسرعه متت ضحك نوب هيه صفنت عليه مدري شصار بيه

:-يله ورده خلي يولي لتتخبلين علموده هوه شنو فد واحد ميستحي ماكو داعي تسوين هيج

كل ما تحجي هيج أموت من الضحك واني جنت رايدته اضحك من كل كلبي ضربت على خده وكالت

:-تخبلت البنيه

رادت تروح تطلع بس لزمته اضحك

:-شبيج ولج وين رايحه

:-خيه شبيج تخبلتي خرعتيني لبالك مخبله روحي الطبيب نفسي احسلج

:-اي والله شكلي حروح لانو حيل محتاجته وهم اخذج وياي على الواهس يشوفلج حل

ضحكت باوعتلي كعدتني وكعدت تباوعلي
كالت:-اي سولفيلي

:-شسولف ؟

:-اي دره برجلج

ابتسمت:-اي ولج اصلا مخلاني احجي متوقعت هيج اصلا كال وره زواجنه نسافر ويعالجني

:-اوييي فدوههه لتيففف

عوجت حلكي حضنتني تضحك نوب ضحكته فضيحه سديت حلكه من فرحتي كمت بسرعه لبست فستاني القصير رغم ما ردت بس نور بعد لبسته ورجلي مبينه من الطول للطول بلعت ريك وطلعت امشي ومبتسمه وافكر بكلامه من يكلي لتهتمين

شافني النسوان كامن يهلهن ابتسمت شوي واختفت ابتسامتي من شفت عيونهم على رجلي بسرعه نور طلعت اغاني وتركصني وتفرفر بيه جانت البجيه حاصرتني بس من شفت نور هيج ابتسمت وهيه تحاول تنسيني

لمن صارت ب 9 بليل رحت غسلت وجهي من المكياج وسبحت لبست تراك وكعدت انشق بشعري واباوع بالتلفون حسن مراسلني ماخذلي صوره من جنت يمه نوب بيه اضحك ووحده ثانيه لازمه ايده ضليت صافنه هاي شوكت ولمن ركصت كله دازه الي داز بصمه يضحك

:-هلا وردايه لعد من نتزوج كل يوم ركصيلي

دزيت بصمه:-اسكت

رحت النور ناشره ستوريات ابدا متبطل النشر هيج هوايه عدهه نوب تنشر صوره وصوري وناشره فيد بس الي اركص بس ما بينه وجهي رديت على الستوري مالته جانت ناشره نفسه وهيه حيل حلوه ومعانيه بعد احلى

:-شهل الجمال ممكن الرقم

دزتلي ايموجي اليضحك والي يضرب كصته

ضحكت طلعت هستوني جاي انام دك تلفوني شفته "حسـن" ابتسمت رديت ساكته منتضره يحجي وهوه ساكت نوب حيل نعسانه اريد انام وتعبانه وباجر عندي دوام كلت

:-هـا حسـن

مجاوب ضل ساكت تنرفزت نعسانه اريد انام هسه لو يحجي

:-حسـن وينك أكلك اني نعسانه ..

:-نامي وضلي فاتحه الخط

:-ها ليش ؟

:-هيج اريد اسمع صوت انفاس مرتي اكو مشكلة ..

سكتت اعظ بشفايفي مكدرت بسرعه حطيت التلفون على بطني وغمضت من التعب ما كعدت الا على صوت نور تجفص ببطني باوعتله لازمه بطني متالمه وهيه لازمه اللفه بيده وتاكل وتحجي

:-تاخرنه كومي ولج ..

باوعت للساعه ب 7 كمزت بسرعه إبدل ونور تسويلي اكل وهيه تلف بالحجاب معرفت اسوي شي من الاستعجال بسرعه طلعنه وصلت نور للجامعه ورحت للمستشفى طبيت امشي بالممرات فتحت تلفوني شفت رساله من حسن كاتب جانت بليل يعني مصارلي فتره من نايمه

(لبالك إعصار ..هاي وين مخليه التلفون على كلبج وهيج صوت قوي )

(ولج ورده صوت انفاسج ليش هيج )

(باجر اخذج للدكتور مو طبيعي دكات كلبج )

ضحكت جنت حاطه التلفون على بطني فهو لباله التلفون على كلبي متت ضحك طبيت للغرفه كعدت اضحك حيل

:-لا جان التلفون على بطني هههههههه

دزيته وسديته ورحت اشتغل وهيج حماس رغم تعبانه بس هيج اول يوم أنته مخطوب تصير شخصيه شوي والغرفه صارت هوسه زميلاتي أجن يباركلي وزملائي لمن كملت كلشي رجعت للبيت سويت الاكل وحضرته اكلنه اني ونور رحت نمت وكعدت رحت العياده بين المراجعين كملت كلشي رجعت للبيت هلكانه تعبانه حيل

نزعت ملابسي وغسلت رحت سويت كم شغله من العنايه احس تعبانه حيل رحت بسرعه نمت اني ونايمه احس هيج شعور غريب حيل وكلبي يدك حيل واهذي ما كعدت الا على صوت نور كمزت بجيت بسرعه احس مدري شصار بيه استغفرالله

:-استغفرالله

:-شبيج ورده فدوه

:-اني خطئت خطئت حيل نور شفت ح حلم اني وحسن ولج من جان يحضني ويتقرب مني اني شلون غبيه شلون جنت اخلي شلون بس والله من جان يحضني اتندم واضل اكل بروحي والله هسه رب العالمين يعاقبني اني شسويت يربي ..

ابجي واحجي الحلم الحلمته حيل غريب احس عقلي تبند من وراه كابوس مو حلم ابجي حيل حضنتني تحجي

:-اشش يعمري كافي كومي استغفري صلي وان شاء الله رب العالمين يسامحج كومي

وخرت مني بسرعه كمت توضيت وصليت وطولت بالصلاه بجيت بصوت عالي احس مخنوكه حيل اليوم مدري شبيه

طلعت الدفتر جان جلد فتحته بي الادعيه الي جنت كاتبتهن كاتبه بي الادعيه التسويهن بجيت واني اتذكره محتاجته حيل شلون بيه اذا تزوجت وهيه مو يمي شلون بيه اني ما اكدر والله ما اكدر محتاجته حجيت الدعاء الي كاتبته بخطي جانت تضحك على خطي جي اكتب على كيف واتاخر من اكتب والكلمات مالتي كبار من اكتب فحيل يضحك اوفف اشتاقيتله قريته وجان القلم الي كتبت بي خالص فبحيث حيل تعبت من كتبت

دعاء يريح القلب (مجرب)

"اللهم يا فاطر السماوات والأرض ويا عالم الغيب والشهاده، أسألك اللهم أن تشرح صدري وتغفر ذنبي، اللهم إني أسألك بأنك أنت الله مالك الملك وأنك على كل شيء قدير، أن تفرج الهموم والكروب، وأن تنشر السعادة في قلوبنا يا أرحم الراحمين "..

صليت ركعتين قربه الى الله تعالى حطيت راسي على التربه اجر نفس واحجي كل الي بكلبي طلعت شكو شي بكلبي وبجيت لحد ما تعبت

كمت لميت السجاده ورحت نمت وتغطيت فتحت التلفون بسرعه اتصلت على حسن جانت الساعه ب 3 بليل ترددت خاف نايم هستوني ردت افصل رد

:-ها ورده بيج شي

:-لا ..حجيته وسكتت حسيته جر نفس ضليت هيج ساكته

:-شبيج ليش هيج تنفسج

بجيت بسرعه وهوه تخبل شبيج وشبيج

:-شبيج ورده وردايه حبيبي ياا ولج هسه اجيج احجي شي ليش تبجين

:-حلمت حلم

:-شنو

:-انته ليش حضنتني ها ليش بس كلي ليش احس هسه كلبي حيل جاي ياذيني

:-ها شبيج ورده

استغرب ما مفتهم شي حجيتله كلشي

:-اي يا حبيبتي هسه انتي خطيبتي وعن قريب مرتي ليش تبجين مسوينه احنه شي غلط

:-لا حرام بله شيكولون العالم

:-اي بس هسه انتي الي ورده وشدخلنه بيهم ها خلي يولون هوه ياهو الي خلص من حجي الناس ها كافي بعد روحي نامي

:-ما اكدر أنام

:-افتحي كامره

:-ما ملابسه حجاب كبل متكول خطيبتك ادري بس مو مرتك رسميا

:-دنجبي فتحي

ما احس الا ونفتحح الكامره ومسويلي انضمام نايم وعيونه حمر ولابس فانيله وشعره مخربط رفضت وهوه يضحك

شغل جكاره يحجي

:-اتفتحين لو شنو

:-ما شنو هوه بكيفك بابا حرام

:-يوو الشيخ اسكت

ضحكت كمت فتحت الضوء وحطيت حجاب على راسي فتحت كامره نوب يباوعلي ويضحك واني هم اضحك

:-ليش تضحك

:-انتي ليش تضحكين

سكتت نمت على الجربايه حجينه شوي لمن نعست نمت وما كعدت الا ثاني يوم ب 10 الصبح مدري شلون اخذتني النومه كمت سويت الغده واحجي وي حسن وهوه يخطط ونوب يريد بس عقد حتى نطلع وندخل براحتنه اني هم شفته فكره حلوه احسن

وحاجي وي اهله واحس ما اريد هسه عليمن مستعجلين ومره من المرات حسن عزمني على طلعه نتعشه نوب استحي من خالتي بس حسن من شافني هيج لا هوه راح خله امه تخابر خالتي احس متت فشله من امه خابرت خالتي بس حيل حبيته من تحجي نوب مره طيبه وحبابه فدوه تنكرط

وصدك لليل بدلت ورتبت نفسي ونور وياي وشكو شي تجي تحطه بوجهي رتبت نفسي حيل وهوه دكلي هورن طلعت بعد ما سلمت واحس خجلانه جان واكف كبال السياره منتضرني ومشغل اغنيه بس صوت ناصي شافني ابتسملي فتحلي الباب كعدت

اضحك على سوالفه نوب راح كعد بجهته لزم ايدي نزلته بسرعه كال

:-لتخربين الطلعه

كلبت وجهي معاجبني ضحك لزم ايدي بأسه واني ساكته حيل ما اعرف شحجي وخجلانه طلع اغنيه اسمه قلب ثاني القيس هشام ويغني ولازم ايدي واني بس اضحك نوب من يغني صوته حلو

لمن خلصت الاغنيه لازم ايدي ما احس غير طلع اغنيه ام دميعه بسرعه باوعتله وهوه ميت ضحك واني اغلط عليه يغني وياشر عليه من يحجي نوب كلماته حلوه اخذني الواهس صرت اصفك واهز واعيد بيه واغني وياه وهوه يهز بايده ويضحك

حيل حبيته لمن وصلنه المطعم نزلت امشي لزم ايدي لبالك بنيه وابوه مشه واني وراه والي صدمني الكل يعرفه ويسلم علي واني وراه رغم لابسه كعب بس قصيره كدامه

كعدت وهوه هم يحجي

:-هذا المطعم مشهور ببغداد بأكله كلش طيب

:-اي سامعه بي

:-طالعه حلوه

ابتسمت ساكته هوه يتغزل بيه واني بس اضحك والمكان الكاعدين بي حيل حلو يم الجامه فحيل حلو المكان طلب وكعدنه ناكل لمن كملنه غسلت ورحت ركبت بالسياره منتضرته يشتري من المحل اجه وشايل بايده علاكه جبيره متروسه غراض ابتسمت اخذته منه رغم شبعانه بس اضعف كبال الحلويات

:-اويلي الله جاي تشوف كلبي

:-انتضري لتهجمين خلي نروح

واني ما مهتمه طلعت اكل جبس وهوه يضحك لمن وصلنه نزلت وهوه نزل أخذ العلاكه من ايدي وبايده الثانيه لزم ايدي حيل بارده خصوصا بليل بارده تصير والأجواء تخبل وهواي ناس وكلهم حبيبين كعدنه صرت قريبه يمه لفيت ايدي على على ايده وحطيت راسي على كتفه ادفي نفسي

غمضت من حط ايده على خدي ما اريده يتماده أكثر وخرت افتح بالعلاكه واختار شاكل دخت كمت اكل وهوه هم وياي لمن كال

:-حضري نفسج العقد يوم الاثنين ..

يتبع 🔥...

ادري تاخرت عندي ظروف وامتحانات فاسفه تفاعلوا قلبي