☆☆☆☆☆ ☆☆☆☆☆
-اغصان يتيمة-
الكاتبة وَرْد حيدر
قبل كلشي لتنسون التصويت + التعليق بين الفقرات + متابعة الحساب
يكول؟
شوازاني وكبرت بوكت؟
واني ادري العمر سفرة
شمحلاها؟
من ارد للبيت ماخذ عشر من عشرة!..
#الحنين للماضي
☆☆☆☆☆ ☆☆☆☆☆
جسمي صار يختض مرعوبة اتراجف بيدة مثل السعفة حاكم حسي بيدة ريحتها گحول يخنك مجان يريد صوتي يتعالة كل ميزداد حسي يحكم ايدة ازيد ؏ حلكي كزبرت من حسيت الحمالة نفتحت جحضت عيوني مهضومة مركزتهه بعينة واني متيقنة الجاي يصير... لااا هذذه مو حلم
نزلت دموعي تلامست كف ايدة حس ؏ حرارتهن نزل عيونة يباوعلهن ضرب صفنة يبحلج بيهن بهدوئ ساكن هادئ قامت مررعبب ، رفع عينة صارت عيونة بعيوني الجانت مليانة دموع بجيت من گلبي بسبيل يترگني يباوعلي من جوة حاجبة بنضرة حادة بيها تدقيق وتحديق تام
تقرب صار راسة بين رگبتي همس قرب اذني
_خايفة؟
هزيت راسي بنعم وروحي تتراجف
نزل ايدة من ضهري طلعها من تحت التشيرت غمض وفتح عيونة وهوة يتقرب مني اكثر
مديت ايدي خليتها ؏ صدرة كورتها بشكل لگمة ودفعتا باقوة ماعندي حسيت طاقتي راحت حيل مابية روحي مفرفحة بنيته قوية واني رچيچه حيلي رايح يادوب اوكف عله رجلية ماغصني خبر آصف بلمستشفى ماباقي حيل بية بالي وفگري كله يمة روح ماباقيه بيه كوة التقط انفاسي احس احتضرت بيدة شلون الايد وعلى رگبتي خانگتني
شافاني انتهيت بيدة اتراجف وابجي وگلبي دگاته صارت مسموعه وصلت لسابع جار مد اية ضغط بيهه بطني حسيت ؏ اصابعة شلون الجاي تدچچ بطني
حسيت ؏ حرارة صارت فوك وحمتي غمضت دموعي نزلت استوعبت شفايفة
حسيت عيوني غوشت نسحنت روحي ماتحمملت الموقف اضلمت الدنية بعيني راسي احسة ثكل وعيوني وجرت تلبگني حسيت على نگات مي بوجهي فتحت عيوني بثكل روحي تتراجف اول ماشفتة دفعته
بكل قوتي واني اردد
_الله يااخذذذذك الله لايوفقك الله لايراويك الفررحة
اباوعله كام راح للمجر الصغير اخذ بطل المي الفوكاه جان بي تلترباع مبين شارب منة تقرب مده الي بيده
_لزمي شربي
شمرتة من ايده واني انگث بروحي مفرفحة
_مااااريد
صار كدامي شال البطل من الكاع فتحة تقرب لزمني من حنچي ضغطة بقوة بيدة عصر فكي فتح حلكي روحي رادت تستفرغ من شربني غصب حسيت المي يريد يطلع من خشمي رافع البطل بدون توقف
شربني وبعد عن حلگي البطل حسيت النفس رجعلي صرت التقط انفاسي بطريقة جنونية واصوات متعالية گاني راكضة ومسوية مجهود او عمل شاق ، مد ايدة فرك وجهه بقوة ابتعد عني طلع من جيبه المعقم بدة يعقم بيدة ويستغفر بخفوت وهوة يهمس
_موبيدي
لامة رجلي لصدري وسافطة راسي عليهن متكتفة وكرص بيدي وعيوني وجرت من القهر ابجي بحرگه وضيگت صدر ؏ الموقف الصار كرهتة وكرهت نفسي وكرهت شكو رجال صرت اشووفهم كلهم خبيثين بسببة وبسببب زياد العار الوصلني الهل مررحلة
اجاني وهوة يمسح ؏ راسي يمسد بخفوت
_تحمليني مجان برغبتي اهدي فضت اهدي
رفعت عيوني باوعتلة بعيون مليانة كره جريت ايدة دفعتها لحضنة متهستره
_وخررهاا وخررررها عني وخررهااا لاتلمسني
كام ورجع بيدة جفية زغيرة تقرب يشممني بلعطر البيها حتة اهدئ وتناغم وية العطر ويهدئ جسمي اليتراجف ويختض بطريقة مو نضامية مرعبة
_اهدي فضت بسس ، لاتبجين كافي
دفعتها من خشمي روحي ترجف باوعتله عيني صارت بعينة نزلت دموعي حجيت بقهر وعتب
_ليش هيج سويت ليشش مو اني ثقيت بيككك وكتلك بشاربك واحميني شلون هيج تتقربلي شلووننننن
التقط الجفية من الكاع تقرب يمسح بدموعي بيها ويرد بخفوت
_اهدي نبعة مجان برغبتي...
دفعت ايديه من وجهي بنتر جريتة من ياختة واني امسح بيدي الثانية مكان وحمتي وصرخ متهسترة
_شككددد كرهتك اتمنالك الموت انتة مثلهم هم قذذرر هم كلب انتة موو شرريف لاا اانتة قذر نفسسهم تحارشت بيه
هز راسة وهوة يمسح على راسي
_اهدي فضت
جريت ايدة بقوة غرزت اسناني بيدة عضيتة بكل قوتي گلبي جان مفرفح الوب شفتة ثبت بس شاد على سنونة ومغمض متاذي حسيت ؏ نفسي ابتعدت واني احس اسناني تنغرس داخل لحمة حسيت بروحي واني اقضم لحمة لكن بدون سحب فقط غرس شفتة سحب ايدة جانت تخر دم غمض وبتعد راح للجرار يحاول يلفها مالگة شي رجع بصفي اخذ الجفية لبصفي لفاها وهوة يهمسس
_هسه رتاحيتي؟
دفرتة مفرفحة
_الله ياخذذذك
ندار سحب الدولگة جان بيها قليل قربها مني
_شربي بابه جسمج جاي يتراجف لاتموتين شربي
درت راسي عيوني توجعني ايدي حاطتهه ؏ وحمتي اشهك وتراجف واني طايحة بنص الكاع حيلي بايد مابية اگوم نزيت واني اشوفة بيدة ضل يغسلي بوجهي
يمد ايدة يچفي الدولگة ياخذ منها مي ويغسلي
روحي فرفحت بلزايد لزمت ايده ردت اعضة جراهه
_شبيج نگلبتي جلب ، نبعة اهددي
بجيت بحرگه
_الله لايوفقك
هز راسة همس وهوة عاقد حواجبة
_مموفقني من زمان
شهكت
_كوون الله يااخذذذك وتمووتت ياررب
_امين
_اكرهك ياقذر يامتحرش نزلت من عيني ولله ماجنت اتوقعك هييججج
رفع اصبعة قربة من شفايفة زفر
_اشش اشش اهدي
روحي متهسترة كمت اريد افتح لباب جلب بية رجعني لمكاني ضغط فخذة برجلي بقوة حسيت عضمي راد يطك باوعتله بعيون مليانة كره واني استر جهت صدري متكتفة وفرفح
_الله لاييووفقك عوفني ارريد عمتي طلعني من بيتكم مارريدد اشوف وجهكك كرهتك يانذل كرهتتككك اتمنالم الموت ، فتحت زيجي ، ربي عليك بجاه الحسين اخذذذه كون بهلساعة ربي دخيلك اخذة كون سيارة تطككة بلا رقم لو طلقة تايهه دخيلك ربي بيننهاا اليووم
باوعلي وكام ندار مد ايدة بجيبة تقرب يمي فتح حلكي اختضيت ارجف كزيت ؏ نفسي من دخل حباية بحلكي وسد حلكي بيدة حسيت الحباية صارت بلعومي بس ابلع ريگ تنبلع مد ايدة ضغط بلعومي اختنكت بلعت ريگي ورخة جسمي اردد بخفوت
_اشربتني؟ ، دفعتة بعيون ثكلانة ، فهمني شنو هاية الخليتني ابلعها
عيوني بدت تنعس شفتة جرني ماگدرت امنعة مجنت بوضع اكدر ادافع بيه عن نفسي حسيت ؏ صوت بصف اذني يهمس جنت بوعيي وانصتلة
_هايه حباية تهدئج استخدمها بلتحقيق وية المتهستر وضعة بمجرد يبلعها اعصابة تبرد لتخافين شوية تحملي
جر نفس زفرة مختنك كمل كلامة..
_مجان برغبتي نبعة لازم اسوي هيج بيج حتة اتاكد انتي شنووو اي نعم لازم اتقربلج وسوي شغلات عجيبة بحيث اشوف رد فعلج تجاها ان كانت متعودة او مستغربة هاذا جان دافع كل هلشي الجاي اسوية
من الحمام ولليوم جنت جاي احقق وياج مستحيل او بمجرد تتخيلين جاسر يتحارش او يغتصب هلشي مستحيل كطنة ومن اذنج شيليها
حجيت واني مغمضة بين الوعي ولا وعي بنبرة خفوت
_ليشش تقربتلي ها ليشش مو كتلي انتي بشاربي ليش تتقربلي مو اني احتمييت بيك ردتك عون مو فرعون
بده يهمس قرب اذاني لفحني هوة مليان دفو
_احقق وياج نبعة افهمي تحقييق اريد اتحقق من هلتهمة المتلبسة بيج واطلعج اشوفين حياتج ااصبري علييه بس اصبري
نزلت دموعي اختض وهز براسي يمين تلو الايسر متهسترة
_اذا تحقق وياية تتحرش بيه؟ هيج التحقيييق هاااا هيييجج
زفر بفحيح يهمس بذاني
_اشش اهدي راح تفض كافي نبعة ليشوفج يكول اغتصبتج اهدي ماسوينة شي يالله
_وانتة تعرف الله
_طبعاً
_وليعرف الله يتحارش بلبناتتتتت
_نبعة شغلي عقلج خلي وعيج ويايية افهميني موبرغبتي السويتة وياج اريد اساعدج افتهمي
دفعت ايدة الحسيتها صارت فوك راسي
_وخررر اييدك ابو الوسواس القهرري
_ههههه منو كايلج بية هلمرض؟
_اانجب
_احجييج
_شتريد
_منين عرفتي بية مريض؟
_ليزة حجتلي كلشي عنك ياااحقير ياقذر
_ههههه وشحجتلج عني
جنت متهسترة وجر بلكلمة جر غثيان براسي عميق حسيتة ضرب ؏ عيوني وغوركن يردن يطلعن جاوبتة اهز براسي
_طفولتك ياكلب اني بجييتت على طفولتك لان عمك يضرببك بس طلعت متستاهل دموعي لان دموعي اغلى مننننكك
شفتة سكت رد كال
_ياعم ياطفول شبيج بابه؟
_عمك خلدون وعمتك اسمهاانننن
حسيت ؏ الغطة لفلفني يردد بخفوت
_مبينة الحباية هسترتج نامي نامي
_لا ماتتتهستررتت
_خوش نامي
حسيت ؏ الباب تندك فتحة اسمع صوت روزة تحجي ويياه صرخت من مكاني
_اخوووجججج متحررششش قذذذرر تحارش بية ولله تحاررششش بيه الله ياخذذذذة الله ليوفقة
صارت طگطگة كدامي واني كلشي ماشوف ماعرف شجاي يصير سمعت صوت الباب انطبك ولمسات خفيفة فوك راسي نزييت
_وخرررر اييددك الله ياخذذك الله لايوفقكككك
روزة: اني روزة طلع جاسر راح مو هنا راح
فتحت عيوني بثكل گبالي غواش نزلت دموعي مفرفحة
_ليش عفتيني ليش محد اجت للغررفة وين ليزة ويين الكل ضلييت اعييط لييشش محد يجي شلون تخلونة وياية بغرفة متخافون يغتصبني شنو من ناس انتم ماعدكم ررحمة ماعدكم انسانية وينن غيررتكممم
_ياقوتة محد بلبيت ليزة وامي وبارود بيت الحجة شروق سمعت اخوج رجعو من المستشفى استقرت حالتة
جريتها دموعي تتسبقني
_واخوج ستغل الفرصصة موووه
_بس اسمعيني
_انتي خبيثثثة لو مو خبيثة جان اجيتي وساعدتيني مو ساكتة بدون حس ولا نفسسس
غمضت وحسيت نسطرت الغثيان اخذني شوية وسمع صوت الباب نفتح ماعرفت منو كل الي حسيت بية هوة احد ييفتح جداحة وصارت ريحة صوبة
بقيت متمددة بمكاني متبندة وروحي تفرفح شلون باسني شلون خليييتة يتقربلي الله ياخذذة الله لايوفقة ادعي بكلبي وفرفح صوت خرخشة بداخلي تعبت شوية رجعلي الامل من عرفت آصف رجع من المستشفى يعني حالتة استقرت صار زيين
،،
عقدت حواجبي گعدت على حيلي
عراد: يعني مغتصبينهاا؟؟!!
ضميت وجهي بين ادي اهز براسي وردد بخفوت
عابس: مفجرين رحمها مو بسس اغتصاب
رجعت ايدي متكتف مركز عيني عليه
_اني عرفت ، البنية كوة شايلة روحها منتهيه مبينه حالت اغتصاب
جحضت عيوني وضربتلي صفنة جريت نفس روحي اختنكت
_دايرين عليها اربعة عراد اررببعة شافو غرايزهم بيهه ناهينها نهي مخلينها بس جسد يمشي خليتهم يخيطونها بسبيل بس يوگف النزيف لاتموت وهسة حاير شلون ترجع لازم ترتاح هية كاعدة بيت خالتها يعني وراها رجعة لبييت اهلها شي اكيددد راح يشكوون ماتكدر توكف ابد ماتكدرر سالفتها مبينة
فركت عيوني قوي مسحت وجهي صعدت مسحت فوك راسي باوعتلة
_مستقبلها شنو؟
دبجت رجلي بلكاع قبضت ايدي
_ماددري
..
ليال: اباوع الدم ترس كاع الحمام اغسللهاا ولكاع نكلب المي مالها احمر جففت الدشداشة مالتها تقربت ترست سطل مال مي كاسرتة حار وبارد شطفتها ولبستتها ثوبها كوة نضفت ثوبها من الدم وردي مو بسهولة ينغسل ولدم طاببع بقة اثر خفيف بس ممبين
رفعت سيقانها نزلت الثوب اباوعلها تتراجف تقربت بست راسها جريت منها العباية غسلتها بسرعة بمي جففتها وخليتها فوك راسي شمرت الچرچف فوك الباب فتحت الباب طلعت صار بوجهي الملازم عابس والنقيب عراد كاعدين بلستقبال يسولفون باوعتلهم ومبينة على ملامحهم جانت صارمة من نوعها ومرعبه شافوني قطعو حديثهم تحمحم الملازم عابس باوعلي
_كلشي تمام؟
حجيت وكلبي يفرفح وعيوني تلمع
_سيدي مهيررة ممممغتصبينه موووه
طلع لسانة بلل شفتة فرك وجهه متگنبص
_ليش جاي تنزف؟
هزيت راسي
_اي
جحض عيونة
_بعدها؟!!!
مسحت دموعي بطن ايدي
_مادري سيدي مادرريي
شفتة اخذ خطواتة باتجاه الحمام راد يدخل باوعلي
عابس: لابسة ملابس؟
هزيت راسي شفتة دخل بسرعة صارت حركة بلحمام طلع شايلها شامر عليها شال لاف شعرها تقرب اخذ لسويج من القنفة جان مشمور لزمة بطرف اصبعة اشرلي بمعنى امشي بس هلمرة جان النقيب عراد مو ويانة لمحتة بطرف عيني مطلع اسلحة مفصخهن وكاعد بلغرفة يسوي بيهن مافتهمت ليش، كل الجان براسي هوة مهيرة بخيرر
تقربت امشي مفرفحة متمسك بمهيرة صار گبال الباب اجيت اساعدة فتحت باب الشقة صرنا خارجها طبكت الباب عدل واخذنا طريقنا امشي وفرفح
دخلت للسيارة ذب علية وصلة طلعها من جيب مال السيارة اشرلي امسح الدم باوعتلها وصلة بازة مال تنضيف جامات السيارة لزمتها بيدي وبقيت امسح وفرفح اشوفها صارت حمرة جان لونها ابيض تلطخت بلدم لزمها من ايدي وتقرب سفط مهيرة بصفي نامت ؏ كتفي تون
تقرب فتح الباب صعد سحبة سدة مد ايدة ضم الوصلة المتلطخة بلدم بصفة باوعلي بلمراية
_وين صاير بيت خالتج؟
بلعت ريگي زفرت روحي مفرفحة ابوس براس مهيرة وحضنها فزيت مخروعه
_سيدي شارع الـ^^^^ قرب كنيسة ^^^^
_تمام
حجيت بحس مختنك
_سيددي
هز راسة باوعلي
_همم
_مهيرة مغتصبينها مووه؟
جر نفس زفرة مختنك هز راسة
_اي
شهكت وحطيت ايدي اليمنه ؏ گلبي
_سيدي تصخم وجهي شسوي دخيلك
اشر بيدة بعلامة نفي
_انتي مالج علاقة
_لا سيدي اني لحيت ؏ الطلعة كلة بسببي عبالهم مهيرة ياقوتة وغتصبوها ولله هية بريئة مالها دخل
شكل الجكارة بحلكة ندار نزل الجامة
_قضاء وقدر
_زين سيدددي شسوي مهيرة شلون اذا عرفت ششكلها شلون اوكف وحجي وياها ولله گلبي راح يوكف
_لاتحجين شي سكتي لاتجيبين طاري مغتصبينها گانة شي ماصاير اذا سئلت كليلها القطرة مسممة بطنج وصارت عندج مضاعفات ونزيف مثل الشهرية ماياثر حاولي تخترعين جذبة تقنعها
_زيين شلون بلاخير اذا رادت تتزوج؟ راح يعرف وعباله هية مو شريفة ويفضحها فضييحة
_ليال
_ها سيدي
_الاكولة نفذي مرة لخ ماريد تسوين لبراسج شوفي مخالفتج شسوت دفعتج دم عمرج اختج فقدت عذريتها رحمها متفجر انتي مصورينج ونهايتج سجن لو زياد الراح يطلع برائة بسبب اعترافج بانج مو شريفة ومنتمية لبيت البغاء (دعارة) ورطتي الكل بسبب راسج اليابس اني وعراد راح نشبع دك عقوبات تخيلي ليال تخيلي
نزلت دموعي
_سيدددي ولله التووبة ولله بعد ماطلع
_راحت عليج ليال طلعتي او بقيتي الدليل بس يوصل للمحكمة انتي يتم القبض عليج مو بس لانج بنت بغاء (دعارة) لا لان انتي سجنتي ضابط رتبتة عالية افتريتي عليه راح تتضاعف العقوبة عليج
شهكت بكل حيلي اريد اسحب نفس احس الهوه يوكف ابلعومي
_بسسس اني شريفة سيدي
_ادرري بس خلص تلبست التهمة بيج واخذت مجراها
الاعتراف طلع من السانج اخذو ليريدونة وتونسو واخذو الدليل وشمروج بمكان مقطوع كم يوم ينرفع الفيديو وكلشي يخرربببب لاززم اشوف حل لازم الزم هلذيول مال السگط قبل لايوصل الفيديو للمحكمة
عدل الامراية مال السيارة خلاهه تجاهي عقد حواجبة حجة بنبرة تسائل
_شفتي وجهم؟ سمعتي اسسم واحد منهم؟
هزيت راسي اختض مرعوبة مثل السعفة
_لا سيدي جانو ملثمين
ريح ضهرة ايدة ؏ الستيرن حجة بنبرة خافتة
_سرسرية مضبطين وضعهم دارسين الشغلة درسس
رخيت ايدي ؏ راس مهيرة لامتها الحضني
_بس سيدي صارت قضية اغتصاب لازم نشتكي لاززم يدخلون للسسجن
ابتسم بخفوت وحسيت نبرتة بيهه تعب
_شلون راح نعرفهم حتة نبلغ عليهم؟
صفنت وميلت شفتي بطريقة جاي افكر تذكرت الشامة الشفتها بعيين ذاك الكللببب فزيت بسررعة
_سييييددي تتذذذكررتت تتذذكررتت
تمركزت عينه بعيني
_شتذكرتي؟
ايدي ولنفس الاسحبة يرجفن حجيت ولعرگ يصب من وجهي
_سس.. سيددي واحد فوك جفنة شامة جبيررة تتمعنت عيونة لونهن عسلي قلافتة ضخمة
_نفس قلافت عراد؟؟
_لا سيددي اقل
_همم نفسي؟
_لا سيدي مو نفسكم قلافتة اقل ضخامة منكم فوك عينة شامة جبيرة من يغمض احس عينة تنطبك عائقتة بلنضر
_عندة طبرة بحاجبة؟!
_مادري سيددي مانتبهت
سفط السيارة ؏ الشارع ندار نص جسمة باوعلي وهوة يحقق وياية
_احجيلي عن طريقة كلامة ان كانت بيهه عائق او عادية؟
_لا سيدي يحجي عدل القذذذر
صفنت ونزيت من مكاني
_سييدددي اني عضيتة برجلة غرست اسناني برجلة خليت بية اثرر
_وين مكان العضة؟
_سيدي فوك كف رجلة يم الگوع مالتة غرست اسناني بقوة خليتة يكمززز
ابتسم باريحية
_جيد يعني الاثر فاضحة
هزيت راسي مفرفحة تذكرت رقم السيارة السجلتة نزيت من مكانيي
_تلفوونيي... ويينه
بحوشت لكيتة بصفي لزمتة بيدي اتراجف فتحتة دخلت ؏ الملاحضات نطيت التلفون للملازم عابس لزمة عاقد حواجبة
_شنو هاذ؟
_هاذا رقم السيارة سجلتة بسرررعة جانو صاعدين بسيارة خاصة سيددي
شفتة فتح عيونة مندهش لزم تلفونة سجل الرقم برسالة ويخابر حجه وية واحد بلسيطرة وصاه اذا هلسيارة تمر وگفها عليها اعتقال ضل ييتصل الي فهمتة بلغهم هلسيارة عايدة الجهات عصابة لازم يوقفونها
نزل التلفون قربة الايدي نضراته جانت باتجاه مهيرة
لزمت تلفوني اتراجف شفتة مخبوص نزل من السيارة انتبهت ملابسة كلها دم مدمرة من شال مهيرة تدمر...
ياخذ نفس سريع من الجكارة وينزلها يزفرة بتعب والتلفون ؏ اذانة يحجي وينتر بيدة گانة يصيح ماعرفت وية منو المكالمة
لميت مهيرة لحضني لافة ايدي الضهرها وامسد ؏ راسها ارجف وابوس براسها وهمس
_اوف شسويت بحالج لو مالاحة ؏ الطلعة جان ماصار شي كلة من وراي الله ياخذذني الله لايوفقني
اجاني صوتها تعبان تحجي بنبرة ترجف
_ل... ليال راح اموت
حضنتها باوعت ايدها ترجف تعض بلشال دموعها شلال
لزمت وجها بثنين ادية انكث بخوف
_مهيرة كعدددتي.. اسم الله ييبببعد عيني ولج كافي لاتمردين بكلبي الله ياخذذني كلة من وراييه الله ياخذذذذني الله لايوفققنيي الله يموووتنيي
نهديت ادعي ؏ روحي وبجي وهية لكلمة كوة تطلع من حلكها كوة اسحب الحرف منها لزمت كف ايدي عصرتة بيدها بقوة صرخت
_ااخ ليال راححح اموووووتت
اباوعلها عيونها غوركت ترجف شلون التريد تطلك صرخت بكل حيلي واني اضرب الجامة مال السيارة
_سييييددي ددخيييلك الححككككك
ندار عقد حاجبة تيقن اني اصرخ تقرب فتح الباب التلفون ؏ اذانة واني مهدودة
_ددخيللك سيددددي مهيررة راح تمووت
نزل التلفون وهوة يحجي بخفوت
_شبيها
فرفح حيلي رجلية بادت اباوع الايدها الصارت تختض بطريقة مرعبة حتة الملازم عابس انتبه
تقرب وهوة يطبطب ؏ ضهرها يطمن بيها
عابس: ماكو شي بابه ليش الخوف شوية وتصيرين زينة صيري سباعية شطورة تحملي باچر من تزوجين شلون تحملين وجع الولادة باوعيلي شو بله
ندارت براسها مشمورة ترجف بكل حيلها حجت بصوت يرجف
_ماكدر
تقرب لاف ايدة جر بطل المي من يم الستيرن فتحه يقربة يم شفايفهه
_شربي شويه
نزلت دموعها مجلبة بية حيل حجت بحس يرجف
_ماريد اموت ليال
رفعت عيوني جاحضتهن خايفة ولم بيها اتراجف
ليال: دخييلك سيدي راح يطك كلبي ولله ماكدر اشوف مهيررة هييج عليك الله طكني طللققة وخليني ارتاح
شفتة همس تحت انفاسة بصوت ناصي ماسمعت شكال بس واضح جاي يسب بلسوو هيج
تقرب بيدة بطل المي
_لزمي ليال
اخذتة من ايدة اتراجف كوة لزمتة حيل مابية بعدت وجهه من حضني
_شربي يبععدد اختج شربي يرويحتي
هزت راسها دموعها تتنزل
_ماكدر
بلعت ريگي جريت نفس روحي ختنكت
_ليش متكدررين
همست بصوت ناصي روحها تلوب
_بين رجلية وجع قوي ، شبية ليال شبيييه؟
هزيت راسي متهسترة
_مابييج شيي لااا مابيج شي
عصرت ايدي عيونها نحلانة ذبلانة تعبانة
_شبية احجيلي
قاطعني عابس يتلافة الموضوع
عابس: هلسرابيت مو كلتي منطينج قطرة؟ هاية القطرة مسوية عنددج تسمم وصار عندج التهاب حاد ادى الى النزيف الطبيعي اي بمعنى نزيف حالة حال الشهرية وسوة عندج تهشم وتكسر بلعضام يعني حركاتج راح تصير تعبانة بيهن خمول تحملي هلفترة خلي ليال تداريج وراها ترجعين لطبيعتج القطرة قوية ماتحملها جسمج مابيها تشخيص طبي قطرة مهربة ارهابية
هزيت راسي أيدده ودموعي تتسابقني
عضت الشال قوي ونفجرت تبجي
_شبيييه
لزمت وجهه بثنين اديه ونهديت وياها اصرخ وبجي
_ولله مابيج شيي ابووس اييدج كافي تبجيين اروحلج فددوة بس ، اني من وراية هيج صار بحالج كون الله لايوفقنيي
شفت الملازم عابس طبك الباب وصعد بلصدر اندار علينة وهوة يحجي بنبرة تطمين
_كافي بابه مابيج غير العافية صيري بطلة تحملي
نزلت دموعها مفرفحة
_حيلي بايد
_اصير حيلج
شفتها ابتسمت بخفوت نداريت عدلت الامراية
_اي هيج ابتسسمي شو بله شحلاتج
_روحي مسحونة متكسرة
جريت نفس من الجكارة عيوني بلمرآية مركزهن عليها
_اي بسبب القطرة
فرفح حسي شديت الشال بجفي ضغطتة باللم
_القطرة تسوي الم بس بلبطن
زفرت دخان الجكارة طلعت ايدي من الجامة نثرت الرماد
_لا بكامل الجسم
هدفها تكسر جسمج مو تحدد منطقه وحدة تالمج بيها
نزلت دموعي
_استحي احجيلك..
جريت نفس غمضت فتحت عيوني عليها هزيت راسي
_افتهمج اي حتة بلاماكن الحساسة يصير الالم
عضيت الشال اكرص بيدي مختنكة غمضت وحجيت بحس يرجف
_ يعني ماكو شي؟
هز راسة
_ماكو شي لتخافين
رجعت راسي خليتة ؏ كتف ليال عيوني شلال الوجع ماخذني شفتة مد ايدة بجيبة وطبك السيارة نداريت براسي يمشي والعالم كلها تباوع علية بقيت مثبتة عيوني بسرعة اجة وهوة يرجع لجيبة المحفضة بيدة شايل علاگة ضيگت عيوني ملابسه كلها دم شكد فشلة واني اكول ليش العالم كلها تباوع علييه
فتح الباب صعد سحبة سداه مد ايدة وره مقدم العلاگة
_لزمي اگلي جبتلج معلاگ
همست بتعب
_ششنو
رفع عينة باوعلي مبتسم بخفوت
_اكلي
_مالي نفس ولله
_ميخالف شوية
اخذت من ايدة العلاگة ليال ايدي جانت ترجف مابية الزم بيها شي تترعش فتحتها وكعدت توكلني وحس الگمة تجرح بلعومي غصب جاي اكل سودة عليه مفرفح كلبها كضتها بواجي تسويلي لگمة تترسها دموع تخليها بحلكي
حجيت بحس تعبان خافت
_كافي ماريد انتي اكلي
قدمتها بيدي مقربتها من حلكها
ليال: اخر لگمة
فتحت حلگي اكلتها واني مجلبة بيها ضامة وجهي بجتفها ارجف
اجانة صوت الملازم عابس زفر بتعب
_ليال شو شوفيلي الطريق منين اطلع؟
باوعت شفتة طريق بيت خالتي اندلة من زغري عمري ماتيهتة كلشي يخص امي جنت ارسخة بذاكرتي رفعت ايدي أشرلة عن الطريق بس بداخلي جان رعب وخوف باي وجهه ندخل الخالتي بنص اليل وبهل منضر؟؟؟!!
طبك السيارة صرنة گبال بيت خالتي فرفحت واني افتح الباب نزلت اباوع مهيرة خطوتين ماتگدر تمشي ربي شهل اختبار دخييلك بياا وجه ادخل شحجي شكول لو اختي الراح مستقبلها بسبببيي ربي اخذذني دخيلك خليني الحك امي ولله مابية اشوف هلضيم ، موقف ماجنت بعمري اتمنى اصير بية مسحت دموعي بكف ايدي متگنبصة افكرلي بجذبة ترجع مي وجهنه
نزل عابس فتح الباب مد ايدة شال مهرة الجانت مغمضة بقوة خجلانة من الموقف تستحي شلون رجال شايلها تقرب خلاها كبال الباب توها توكف نجبحت بلگاع مفرفحة لازمة بطنها
دنك الملازم عابس شالها وهلمرة دك الباب جلبت بية
ليال: سييددي شلون خالتي تتخبل راح تشك بينة
ماهتم دك الباب بقوة سمعت صوت خالتي صبرية من ورة الباب فتحته كلبها مفرفح مهبوطة جحضت عيونها ؏ وسعهن من شافت مهيرة بحضن الملازم عابس
عابس: السلام عليكم حجية ممكن ادخل لو من الباب؟
صبرية: انتة منو
_الملازم عابس...
_ماعرفك ابني شسوي وشبييهن بناتي تقربت يا يمة شبيج مهيررة بنيتي رفعت عيوني خزرتة ليش بحضضننك نزل البت
_اوكي اذن ماكو تفضل راح اختصر الموضوع ليال متعرضة التهمة وثبتنة برائتها سابقاً وبثبات البرائه مالتها انسجن ضابط برتبة عميد هلقذر عندة جم ذيل وراه ما عافوها بحالها اليوم بطلعتهن مراقبين المكان وخطفوهن وسمموو مهيرة بقطرة بخشمها المهم واخذو تصوير من ليال جان شرط البس الابستة جوة العباية اي بمعنى لبس نوم اني قررت احجيلج خاف باجر تسمعين خبر او تشوفين الفديو منشور تكونين تعرفين السبب وتكونين شاهد عيان عن هلموضوع ، الفيديو ليال تحت التهديد وتگول انو هية بنت بغاء (دعارة) بلغتج وانشاء الله اشوف الاجرائات قبل لتتطور الامور
ليال: لطمت ؏ وجهي الملازم عابس شسوووة خرب حضي خالتي راح تبلغ مؤيد مسستحيل تتسكت ليش حجالها بقيت الوب مفرفحة وزلغ بخدودي
عابس: مهيرة متكدر تمشي بسبب هلقطرة منهشة اعضامها ومكسرة جسمها ، كل الي اطلبة راحة ومتتحرك
راد ينزلها رجفت اجيت اساعدها لفيت ايدها ؏ رگبتي كوة امشي بيها روحها مفرفحة تبجي اجانة صوت الملازم عابس يحجي بخفوت
_علكيفج
خالتي صبرية كامت تفرفح وتحجي وية الملازم عابس مجنت اعرف شيحجون دخلت جوة تلكتنة بثينة شهكت ايدها اليمنة ؏ كلبها جرتني من متني
بثينة: ولجن ويين لليل غاطات گلبي يخرخش صالة ساعة ولله معطتتن عافييتي لو شوفن خالتي شسوت
خطية مخلت باب مادكتة بنص اليل تسئل بلعالم تكول بلكي واحد شايفهن وين رايحات يطمني خاف مدعومات خاف مخطوفات جريتتها ويين جنتي
بلعت ريگي حجيت بحس تعبان
ليال: بعدين اسولفلج ، بس فرشي المهيرة راح توكع
حيلها تعبان
اجت درة من المطبخ بيدها دولگة مال مي تقربت حطتهت بيدي اشرب ومن صفحة بثينة تفرش بلفراشات وتدردم حقها شابعة رزالة بسببنة شربت ونزلت الدولگة احاول اشرب مهيرة الجانت تختض مغمضة گوة واكفة تردد بخفوت
_فدوة بثينة بسررعة الوجع گطعني
اجت مهبوطة تلزم بوجهه ترفع براسها عيونها مركزتها تگلب بيها
بثينة: ياا شبيج شجاج شنو ليوجعج ، خزرت ليال ، فهميني شصايررر شبيها ولج ام لسان ماتحجين شبيج خنسستي مسويتلج طركاعة ماتحجين فهميني شكو
غمضت وفتحت مفرفحة بالف يالله خليت مهيرة تمدد ؏ الافراش شلت البطانية غطيتها لفلفتها واني ابوس براسها وهمس
_بية ولا بيج الله ياخذذني الله لايوفقني
لسانها ثكلان غمضت ذرفت دمعة ؏ خدها عفتها ودرت راسي اريدها ترتاح سمعت الباب انطبك تمركزت عيوني ؏ الباب مال الغرفة اجت خالتي واكفة عيونها بلطول تقربت خلت ايدها تجر بلعباية
لفيت روحي بلعباية مجلبة بيها اكثر وبجي
_لاا دخيييلج هديني
نترت وهية تجر بلعباية
_راوييييني شملبسينج من بلااء ومصورينج راوينييي
اني اجر بلعباية وهية تجر بلعباية تخضخضت جسمي هزيل تعبان مابية طاقة اقاوم هلصراع الناگث هديتها صارت العباية بيدها لازمتها وتباوعلي بعيون جاحضة
شمرتها وكعدت كدامي تدك ؏ راسها وتنعي
تصخم وجهج يخيتي بضناج
وانة عدلة يخيتي وماصنت مكفاج
شفت يختي الماتريد تشوفة العيين
وانة گلبي رچييچ وروحي متعين
يختي كون النعش ياخذني بعداج
ويطمني بليلة ضلمة بحداج
ونتسامر يخيتي واضحك وحاجيج
وبشرج يخيتي لا ماصنت مكفاج
ممروضة يخيتي اسمحيلي احاجيج
ولله للنجف هليلة اجيييج
شكد جنتي يختي طيبت الحال....
سديييت اذاني وهية تنعي روحي فرفحت تهستررت كمت اسد بذاني بقوة ودير براسي يمين تلو الايسر بقوة وووصرخ بكل حيلي
_كافي ددددخييييللج كاافي كافي اببووسس اييدج كافي رراااح ااامووت رحموني الله ييخلييكم رحموني لاعالم وياي ولا دنية وياي كلهااا ضدددييي اني ضعتتتتت وييينها اميييي اررييددد اميي ارررريد اامي ولللجج ييمة ويينج بنتج تحتاجج دخيلج تعالي ليال ضاعت راحت نتهتت لاسمعة بقتلهاااا لا ضحكة ماذبلت لا اهل اليردونها كلها ماتررييد بنتج ييييمممة كلشي رااح كلشي محدد اليييه محدددد وينج يمة اخذيني ييييمج وييينج ييووووم وييننننج وينننج صررييخي مايوصلج يييمة گلبي تفطر تعالييي بنتج تتعببت
اصرخ بكل حيلي روحي مفرفحة
اعيش الفرح لحضات وبجي ليالي
بس الهم يحلالج يحالي
الفرح مامقسوملي شكد اريد اضحك افرح اشوف الناس فرحانة ينگلب ضدديي انكسر ضهري نصين بمهيررة صار اغتصابها بسببي ذنب ماراح اغفرة النفسي ليوم الدين ابقة اعيش بهل ذنب بكل نفس اني اتنفسة ابقة الوم نفسي ، لميت نفسي تمددت بفراشي ابجي جوة البطانية حسيت ؏ الضوة طفة ونطبك الباب واصوات نعاوي خالتي تون بذني ونن نزلت دموعي" الله على كل ضالم بصير " ربي ابصر بزياد وجماعتة
تذكرت حجايات امي لمن جانت تلولي فوك راسي وتردد بخفوت وهية تمسح فوك راسي
دللوو يلولد يمة دلللووو
عضيت البطانية بقوة بس صوت الشهكات يطلع مني مشتاققة الامي وييننهاا التفهمني التحجي وياية وينها التحس بية محد ضل ادمررت الحيااه ااذتنيي سمعتي تلوثت بلطين
اجتني رسالة جان التلفون ؏ بطني رچ بقوة لزمتة واني امسح خشمي وعيوني مفرفحة كوة فاتحة عيوني شفت رسالة من النقيب عراد
_شجاي يصير عندج؟
كتبت بسرعة
_الملازم عابسس ليش حجة
رد كتب
_المصلحتج
_لااا خلة خالتي تشك بييييه
كتب
_باجر من ينشر الفيديو مالتج مراح تشك يعني؟
مغصتني بطني كتبت
_شسووي فدووه ساعدني
_شلون اساعدج بالله؟
_ماعررف
_اسمعي
_كول
_راح اخابر
_لا ماكدر احجي اتصال كتابة احسن
_مابية اكتب اخابرج ونتفاهم
_مووو الصوت ينسسمع هسة اذا خالتي تتدخل شتكول علييه مصاحبة
_انعس من اكتب تخابرين لو اولي؟
_هية هاية الناقصة تخلص اليل براسي
_هههه بربوك خابري
_اختك البربوك
_خابري لا امد ايدي من التلفون اجر اذنج
_عراد
_ها يبعد محجر عيني
_تزحفلي كاعد
_لا اني حنين
_ها خوش اكتب امير الحنان بلفيس يفيدك خوش اسم
_شلقضية تخابرين لو لا
_مو جنك عشت دور العاشق ؟
_لا حول الله
_وتعرف الله
_لا اني فد واحد ملحد كافر من كفار قريش يرضيج
_شكد ساقط لعد
_لدررجة
_وتعتررف
_اخ يلنگد ااخخخ الله ذاب عليج لسان ونگدددد العالم بليل تتغازل تتسامر اني تتتنگد ولسان شطولة
_الحمد لله ولشكر
_تشربين عرك؟
_لا مخليته الك
_تردين تجربينة؟
_شكد هتلي انته
_شيخت الاستگـ**ب استجني
_ترة مالي خلك مشاكل
_خابري
طلعت راسي من البطانية باوعت الجو اضلم وهدوئ باوعت من يساري بثينة متمددة نايمة صوت انفاسها واضح نداريت براسي لليمين مهيرة سودة عليه نايمة بس نومتها تكسر الخاطر نفسها بي شهكة
رجعت راسي جوة البطانية اتصلت فتح الخط اجاني صوت نرگيلة مال واحد جاي ياخذ نفس منها غمضت فتحت ضميت شفتي لفمي ساكتة
اجاني صوتة يگح مبين البطول التيل مريض
حجيت بستفزاز
_سمممم
اجاني صوتة مشحوط
_بگلبج ادبسزز
_اشرب مي تكحكح بذاني طبلت اذاني راحت
صار صوتة بعيد يصيح
_اوكفي خل اتزهمر
جريت نفس قوي زفرتة ساكتة شوية واجاني صوتة
_شيخت الستگـ**ب وياي؟
حجيت بصوت ناصي هامسة
_احتررم نفسسك
_نو
_ولا يستقر الاجنبي ولو انتة ازرك وينك وين الاجانب يخبلوون شحلاتهم
_ شبيه الانتاج الوطني ها بله ، تدورين يهودي ينضف نفسة بكلنس وربة كامز بليل ملها وعرك ولصبح بصفة **** عقلج مليان ثول دخيل الله
_لاتلعب نفسنة طول التيل عاد هسة انتة شلونك ترة نفس الشي وضرب لنى مثلا ونسي خلقه
_هاية الحقيقة المرره ، چؤؤ اكو فرق من السما للكاع
_نفسسهم انته لا فرق ولا بطيخ
_شلون بالله؟
_ابو البوس والنسوان
_هههههه بربوك شعليج شنو تلعبين دور الزوجة
_انطططم
_يالله شطابخة
_دبسزز
_تعاااي للحمام نطيني لخاولي خل اجرج ههههااي
اباوعله يضحك بكل حيلة بصوت عالي لا ارادياً ابتسمت حجيت بحس مبتسم
_انتة مو صاحي ولله
_لا صاحي
_صاحي وهييج شكد لعبانة نفسي من سوالفك الماتسولف
اخذ نفس من النركيلة زفرة
_اغتصبتج؟
_شحددك
_چاا انجبي
_شو تغلط انجبب انتتتة
_ههههه اخ لو اعض لسانج
_عراد احترم نفسة ليش تخليني اغلق التلفون بوجهك بدون احترام عاد خليني محترمتك
_هايه كل قوتج؟
_ترة خلكي بخشمي وانتة تريد تخلص اليل براسي حضي طايح ولله مالي خللك احجي مادري باچر شمضموملي انسجن ونشهر ونفضح ولله انتحر احسلي ولا هلشهيرة الماتسولف
_تنتحرين علمود سجن؟ خرب روح ابوي اذا صددك
_عوف المووتة وفهمني شسوي شصخم ولله احس روحي تايها تدري ابوي اذا شاف الفيديو كبل يذبحني هوة بمجرد مارجعت للبيت كضاني كبالكم دگني دگ مو انوب يشووفني بفيديو مصلخة وكول اني بنت دعارة تعالو...
جر نفس حجة بنبرة متحجرة كانها جدية من نوعها
_همم باعي
_باوعتتتت
_اني اطلعج
_شلون تطلعني
_بطريقتي الخاصة
_وشنو نوع طريقتك الخاصة هاية
_موشغلج
_ولله ماعقلها منك تطلعني
_ثقي
_عليك الله اذا نسجنت طلعني مو تخليني ياكل بية الفار ولله اموووت ولله انتحرر
_معليج اني اطلعج
_حلفتتت بعددد
_اي بابه اطلعج
_شو احسك تضحك عليه
_اضحك علييج؟
_اي
_ليال
_ها
_شنو اضحك عليج
_يعني تجذب ماحسك تسويها
_انوب اجذب
_اهووو ، عراد
_قلبه
_قلبالة تقلبلك وتقلبل قلبك بس ااسسمع مني
جر ضحكة اسمع يطك اصبع
_يلي مجنننيي
ابتسمت برزت اسناني حس بية اضحك حجة بحس خافت
_احاجيج
_ها
_شسوين كاعد
_اركص ولله سؤال عاوي هاذذه يعني راجعة من مكان مقطوع بيد عصابة جنت شسوي؟
_فتحي كامرة كومي ركصيلي ضايج
_ ياعيني ضايج وشلونة الرگص تريدة شرقي غربي جنابك؟
_اكيد شرقي
_هاا غيررر تتددللل
_الله هداج ماعرفتج
_لا تددلل ابعيني هسة اكوم اركصلك
_ههههه بربوك راح تسدين الخط
_لا ياا اني اسسد الخط وماركصلك ياا شمالني
_شيخت الاستگـ**ب استجني شوية
_لا شو الى ارگصلك تريد رگص شرقي مو
جر نفس من النركيلة صار صوت زفرة نشحط كام يغلط صاح
_لكككك مممممؤمل شخال بلنركيله دخيل الله مجاي اتقبلها صدرري تخرخش ششمخلي بيها اختتتنكت
مؤمل: هوة بس معسل
صاح بية مشحوط
_جيييب الززهررمرر من الثلااجة خل اششرربببب
_العرك
_الماااي حيواان
هزيت ايدي اسمعة يتناگر وية صاحبة وصوت تكفخ مبين البطول التيل يضرب بية والشحطة ماخذتة يكحكح شوية وصار صوت ضحك ابتسمت شاخطين ذول ولله
اجاني صوتة يدردم
_يمرد المعسل ماينثرة زوهرني السربلوتي
_انتة مو مال نركيلة
_مامعمرها عدل تخنك حاره
_اي تخنك لان انته مو مال نركيلة
_چاا مال شنو؟
_ولا يم النركيلة حتتة انطيك نسوان وملاهي تكعد وزن
_باع هاي شكد بطرانة دخيل الله
_ليش بطرانة غير صدك
_شبيج بنتي؟
_شنو بنتي مو زعطوطة كدامك عمري ²⁰
_اكبر منج بـ ¹⁵ سنة بكد بنتي لو مزوج جان مخلفج
_شايب طلعت
_اي بس روحي خضرة
_اي همة الشياب دومهم روحهم خضرة
_مو بله صدك
_اي ولله
_مناه وغاد اصيحلج زعرورتي ههههه
_انطم
_زغرورة
_التيل المصخم انجب
_اووف من الزعارير شكد تجفص
_تدري اني مسميتك البطول التيل
_ميخالف زعرورة
_يالله مو ررددت ارگصلك
_رايدة ترگصيلي؟
_اي
_شو بله گومي اتحداج تسوينها
_هسة انته مو طلبت رگص شرقي
_اي
_اي تددللل افتح كام وشوف الرگص ؏ اصولة
_دقيقة
فتحت ويينج؟
_اصبر
فتحت كامرة اخذت نفس عميق زفير خليت الكامرة بوجهي شفتة مبتسم تفلت بنص وجهااا الكامرة مالتي غوشت
_عليك و؏ امثالك و؏ اخلاقك الزفت ياززفففتتت
نزلت التلفون غلقتة واني امسح بية بلبطانية ودردم بكلبي شكد سافل عبالة اني من ذن اليدورهن يكلها ضايج تكوم تركصله مبين ملعب حتة سالفت يطلعني من السجن مبينة جذب كلة علمود يستغلني ويخليني انحرف وركص وسوي ليريدة اهتز تلفوني باوعت يتصل غلقت الخط اجتني رسالة نزلت الشاشة غلقت البيانات هنة جم دولار گنگت عليهن شوكت يخلصن
،،
ياقوتة: كعدت متكسرة احس روحي مشلولة شنو من حباية هايه حيل ماضل بية نزلت البطانية عني انتبهت الدنية صبح نهار ثاني هاذذة واني نايمة؟!!!
لزمت تلفوني شفت الساعة 9 صباحاً
خابرت ليال وايدي ترجف مششتاقتلها....
اخابر ماكو ماترد گلت خاف نايمة سديت الخط هية اذا تفتح التلفون تخابرني انتضرها
كمت خليت فوك راسي شال وبقيت كاعدة بمكاني استحي انزل الحد الان احسهم غربة علييه جسمي يدوي علية نفتح الباب دخلت روزة تقربت ابتسمت
_صباح الخير
خفضت عيوني مختنگه
_صباح النور
رادت تفتح موضوع البارحة مارضيت قاطعتها عرفت نوايات اخوهه ميحتاج تبرر بعد ، تقرب علييه والله ستر ماسوة شي جبيرر يخزيني ويشهررني
كل الي جان براسي هوة اشوفلي شغلة شريفة اكدر احقق منها مكسب حلال يخليني اعيش عمتي وخوية ودراستي تدبر اقسم وقتي وعيشهم ماكدر اضل بلبيت هاذة لحضة الموقف الصار البارحه خلاني اخرط العافية مابية ينعاد ويتكرر عليه قبل لايكبر خليني اخصمها من هسة
تحمحمت بهدوئ واني اباوع بعيونها
_روزة عمي موجود؟
هزت راسها بنعم
_اي موجود ، عقدت حواجبها ليش شتردين منه؟
جريت نفس روحي اختنكت قربت ايدي شبكتهم سوة
_اريد احجي ويااه
ضمت شفتها السفلية بأسف زفرت قوي
_علمود موضوع البارحة موو؟
هزيت راسي نافية
_لا مو ؏ هلموضوع
خلت مخدة بحضنها تربعت وهية تجر الصوبة تريد تشغلها
_ياقوتة ترة جاسر مجان قصدده
غمضت رفعت ايدي
_سدي هلموضوع فددوه ماريد احجي بيه
جدحت الجداحة شغلت الصوبة لفتها عليها صارت ريحة ترست المكان مال دخان الصوبة
_ولله مو نفس ماتتوقعينة
درت راسي گلبت عيوني بنفاذ صبر
_سدي موضوعة فدووة العينج سكتي ماريد احجي بييه خوش مو خوش مالي دخل اني
همست بصوت ناصي
_براحتج
لميت نفسي سارحة لو عندي اهل شجان راح يصير؟ مو جان صار عندي بيت!! ولگمتي بدون مذلة!! والمسؤلية همة لشايلينها عني!! ماجان عشت بكرامة!! والعبئ هاذا الفوك گلبي بنومة وحدة بحضن امي ينزاح!! ماجان الضحكة الحلوة تارسة وجهي!!
الاهل نعمة وكرامة وعز ، عضم بني ادم ثكيل شماا الناس ضحكت بوجوهنة مصيرها تملنة الا الاهل مايملون ضناهم
لمعت عيوني مدمعة يهنيالة البنص هلة وكلساع يباوع بعيون امة ولشيبت ابوووة انطي عمري وروحي لاجل اشوف هاية الحضة الحلوه اشفي فطور گلبي بحنانهم وفرش بستان ورد جوة جفوف رجليهم التعبانة
اسعد لحضاتي من تفتقدني امي وتكول وينها
اسعد لحضاتي من يجي يوم العيد ويوكف ابوي يوزع عيديات بيدة الخشنة التعبانة لازم بيدة تعبة يريد يفرحنة بية وجهه مبتسم رغم قهرة شيردك يازمن
دموعي بدت تنزل نزيت من مكاني ؏ صوت روزة
_شبيج ياقوتة شكو ليش جاي تبجين ولله جاسر مو قصددة بس خليني افهمج
مسحت دموعي بكف ايدي تنفست بعمق
_ماجاي انزل دمعتي ؏ هيج انسان اني اقوة من انزل دمعتي ؏ هيج نماذذج هابطة
_ياقوتة ترة جاسر وياج مو ضدج سو... استقطعتني
_سكتي روزة سكتي اني الشفت واني العشت لاتبررين الشافتة عيني ولعاشتة روحي
وشكراً على الضيافة الحلوه تعبتكم ويايية ، جريت نفس اختنكت بعبرتي ، اشوفلي مكان اكعد بية احافض ؏ نفسي وعمتي واخوية ، دمعت عيوني ، راح انزل احاجي عمي وهوة بعد يمة السالفة ياريت يصدكني ويسويلي حل
غمضت مقهورة
_تحجين صددك؟؟!!
هزيت راسي
_اي
لميت ايدي سويت حركة
_بسس اسمعي
_روزة فدوة العينج خليني اشوفلي حل الايام چاي تعدي واني ماكو سالفتي باردة واخوية مريض يحتاج عناية ومراقبة لازم انطي علاجة ؏ الوقت وغيرلة هسة كلشي اختلف علييه خليني احاجي عمي احسسن من ماباقية بمكاني كاعدة وساكتة
هزت راسها وهية تعدل كعدتها وتچي بضهرها ؏ الحايط
_ماشي ابراحتج
جريت نفس مختنكة وكفت واني الف شالي ضميت شعري باوعت باتجاه روزة فهمتني گامت وياية بديت اشتق خطواتي وماعرف شراح احجي وشراح اكول كل الي جان براسي هوة اطلع من هلبيت البيه هل انسان
نزلت الدرج وشتقيت الممر وصار گدامي الهول دفعت الباب روزة ودخلت قبلي بقيت واكفة بمكاني متگنبصة بصف الباب وساكتة سمعت صوت جاسر يحجي مافهمت شجان يحجي بس كل السمعتة
جاسر: ابيض من الروب
روزة: يابة ياقوتة تريد تحجي وياك
هز راسة
دلام: خل تدخل وينج بابه تعالي ليش بلباب واكفة
ايدي بردت كامت ترجف تكتفت واني اخذ خطواتي بهدوئ صارت عيوني بعيون جاسر غمضت بقوة ودرت عنة نضراتي حجيت بحس يرجف
_عمو اجيت احجيلك عن ذاك الموضوع
_احجي بنيتي
رفعت عيوني باوعتلة من كال بنيتي دمعت وخفضت عيوني شكثر صالي ماسامعتها
_عمو اني توفت ام صديقي بلجامعة وقررت اني وصديقي ليال نروح ناخذ من خاطرة ، بلعت عبرتي ، صارت مشكلة وطلعنة من بيتة وطلع زميلنة موصي احد يوصلنة ـــــــــــــــــــــــــــــــــــــــــــــــــ
بديت احجيلة وهوة مستمع بانصات واني اتراجف بكل حيلي گلبي احس دگاتة وصلت البلعومي
حجيت بحس يرجف
_وهاية كل القصة الصارت انسان غلطنة علية وبتلينة ولله ماجنت اعرف الرتبة هيج يستغلونها المايخافون الله بدال مايحمون الوطن يخوفون بيها الشعب ويرعبونه ، والعراق مايصير براسة خير ماطول هلشكول الطايح حضها تضل بية يضل العراق هاذ حالة
شفت جاسر وكف متگنبص مد ايدة رجع مسدسة بخاصرتة حضرتة الاستاذ ضابط مبين تحسس من الموضوع حجة بصوت مسموع
_متزعرد ثيمالاه (مستعجل ثيمالاه)
بلعت ريگي من خطف مني قطعت نفسي ريحتة تكتل يحط عطور زيتية من ذن القوية الريحتهن صعبة ؏ التنفس وقوية تعداني وحسيت الهوة رجعلي
رجع ضهرة متچي باريحية ؏ وجهه ابتسامة بسيطة
دلام: عمو ادري بيج خوش بنية
بقيت صافنة اباوعلة بهدوئ انفاسي الاهثة انقطعت
كمل كلامة
_حنينة اليوم الصبح حاجتني تدور على بيت ايجار كلتلها هاذا بيتي وهلا بيج اني ياقوتة خذيتها وريدها ويانة مثل بنيتي... قاطعتة بسرعة
_لا عمو فدوة لعينك شوفلنة بيت ايجار انتة عمي وعلى راسي اخليك كل زايدة ناقصة ماشفت منك بس خلينة نشوفلنة بيت ايجار احسسن
هز راسة
_اي بابه ادري اني حجيت وية تمنة كالت البنية ماماخذة راحتها البيت بية زلم وخانكة نفسها ليوم الصبح حجة وياية ابني دهار
بلعت ريگي هلقذر شحاجي ويااه
_كال البنية خوش بنية حققتت وياها وطلعت ابيض من الروب شريفة مبينة ماتعرف الطرة من الكتبة عاد يابوية انه شني؟ خليت دويهر ياجرلكم بييت
يكول عني خوش بنية بعديش؟؟ بعد ماتقرب وتحارش هوة هاذا التحقييق؟ التحقيق بلحرام؟ بلمس والبوس؟ الناس صارت تذنب تحت مسمى المصلحتك سويت حركة بشفتي معاجبني الوضع ههه لا وراح يأجر النه مفضل عليينه الاخ ، شكد جان جبير بعيني شكد اخذتة بنضرة حلوة خربها مع الاسف لو مساعدني بغير طريقة مجان لوث الصورة الحلوة الجانت بعيني تجاها
للعصر ماكو اي خبر كاعدة وساكتة بمكاني دخلت ليزة گالت جسار يكول بدلي ياخذج للبيت الاجره حتة تنضفينة لان متروك صالة سنين صاحبة قافلة وشايل لغير منطقة واجرة من احد اقاربهم
كمت بسرعة لبست بنطروني الاجيت بيه اخذت من ليزة تشيرت مال تراكسود طويل لفيت شالي وهرولت بسررعة للباب توني وصلت صاح
_وياج الماسحة والمكناسة البيت خايس
نداريت بسرعة اخذت ماسحتهم والمكناسة شفت اكو بطل مال زاهي بصف المغسلة خمطتة وياهن مشيت عود جاي اصعد بلسيارة اشر بيدة كبالي رفعت عيوني البيت الامأجرة كبالهم عضيت شفتي السفلية بقهر هلقذر راح اضل اشوف خلقتة
طلع من جيبة المفتاح يفتح بلباب ايدة الثانية بيها كلينس لفة ؏ ايدة ودفع بيها الباب رمقت البيت بنضرة سريعة من بره جان بيت بسيط حوش زغير تواجها استقبال واكو ممر معزول يطلع ؏ المطبخ تقربت واني اخذ خطواتي اكو غرفة ومخزن معزولات وفوك الدرج سطح ردت اصعد صاح
_وين صاعده نبعة السطح مكشوف
باوعتلة وتركزت نضراتي ؏ ايدة جان لافها بشاش ابيض ومنزل فوكها التشيرت مبين الشاش من حافت التشيرت مالتة الزيتوني شافاني مركزة عيوني رفع التشيرت شفت اكو دم فوك الشاش نازفة ايدة كز سنونة عيونة نحلانة بدة يفك بلشاش عيوني مركزة وياه صار الشاش بيدة اجت عيوني ؏ العضة اسناني مغروسة بلحمة صايرة شلون الساعة الحم مفتوح مليان دم غميگ
نزل نفسة المستوايه وقرب ايدة من وجهي وهمس وهوه يباوع لعيوني
_اثرج
حجيت واني مثگلة وجهي
_تستاهلة
ابتسم بخفوت وهمس بحس ناصي ودافي
_هواي اكو اثار بجسمي وكل اثر الا قصتة وزمانة وقتة ، نزل عيونة للاثر يباوعلة بعيون نحلانة ، وهل اثر الجديد اضمة الاثاري القديمة قصتة تترسخ متنسي
زفرت نفس قوي دموعي بعيني عضيت على شفتي السفلية وگلت بقهر
_لتنساه ابدد تذكر جنت تريد تغتصبني وعضيتك تذكر نفسسك شكد قذر جنت . كل متشوفة تذكر قذارتك
شاورني على كيف وعيونة تزرزر
_قصتة تختلف عن الجاي تحجينه نبعة
حمحمت غمضت عيني تنفست حجيت بصوت ناصي وهاادددئ
_لتحاول تغطي السويته الاثر يضل اثر ميرروح
سكت وذب حسرة قوية
_وقصتة؟
_قذرة
_حلوة
_بعينك
_اكيد
غمضت قوي ودرت راسي متجاهلتة باوعت للبيت طگة وطيح جايبني بس اني انضف سكتت متحملة تقربت اعزل بلمكان اشيل بلطابوك وخلي بجيس الاسمنت لميتة واني اطلع بية للحوش شفتة لزم بلكلينس الدگمة مال الماطور شغلة لف ؏ ايدة الكلينس شال الصوندة هزيت ايدي حالة نفسية
بدة يرشلي مي واني اغسل بلكاع بلمكناسة المي يطلع من الكاع طين جوزي شفت اكو سطل مال صبغ تقربت ترستة وصعدت بيه للدرج كعدت باية باية انضف بية بلمكناسة غسلتة وهوة واكف يرشرش بلصوندة ؏ الحياطين وكلساع ياشرلي ؏ فد اثر بسيط حتة انضفة
طكت روحي شهل تدقييق حياطين وصخة بيها لثك بسيط كلساع مخليني اعوف لبيدي واجي انضفة
نشفت الدرج ايدي صارت حمرة المي بارد ثلج دخلت للغرفة طشيت بيها الماي اجة وراي يرش والمي يطفر باتجاه رجلي ينكث احس البرد صعد الراسي جمدت رجلية جمدت دخللها مي من الحذاء بديت ارش زاهي ونضف بلبيت بلمكناسة صار وغاف الكاع مليانة طين شبعت زلكات كلساع واكعة كدامة
رجعت بلماسحة انشف ولبنطرون نصة صار مي تسينت سيان والجو ثلج بدت تمطر خشمي نشل كلساع اسحب نفس نشفت المي طلعتة للحوش رجعت للحيطان امسح بيهن بوصلة لكيتها قديمة خليت بيها مي ونضفتهن جانن نص سيراميك لمعتهن ضهري احسة نكسر بلنص وهوة واكف يرش بلحوش يستنگس يلزم الماسحة منتضرني اجي امسح الحوش
صارت عاصفة قوية مطر قوي طلعت اركض انشف بلحوش شفت اكو كاشي مكسر شلتة طلعتة برة بلباب وبلوكة وطابوك ماكدرت اشيلة تقرب هوة شالاهن طلعهن برة ولكحول سبببح بية ترس ايدة ترس اجت مرة كالت هاذ الكاشي ماتردونة كاللها اخذي
تقربت شفت البيت صار نضيف بس الباب بعدة ملطخ وهوة عيونة ولا شالهن عنة كلساع مندار ويرجع عيونة علباب عود يريدني انتبة حضي طاح بقت ؏ الباب تقربت لزمت الوصلة نفسها دنكت امسح بية كلة چص لازك نضفتة شلون ماجان جمدت ايدي صارت حمرة اقبضها احس الدم يتكسر
عافني وطلع اجة بيدة فراشات يشمر بلهول جاب شكد شهلفشلة يربي نگل النضدة مال اهلة كلها حضي حتة اذا ردت اسوي زعلة يفشلني ويكسر عيني
اجة بيدة زولية باوعلي واشر بيدة
_عاونيني
تقربت لزمت حافت الزولية رجع ليورة واني اسحب بيها مديتها بلهول تقربت افرش بلفراشات ومد فوكهن بطانيات عقد حواجبة طلع واجة بسرعة بيدة مخدات حط ؏ كل افراش مخدة اباوع للفراشات واتمنى انام احس دافيات والغرفة صارت تفتح النفس تسوي واهس واحد يتمدد برة بررد وجوة صار دفوو
اسمع صاح اخوة بارود فتح الجيب مال السيارة ينزل بغراضنا ويدخل جوة يخليهن بلهول من التعب تمددت ارجف بلفراش اباوعلهم ينگلون بلغراض ويحطون باب الهول العلاليك تكومت واني مجلبة بلبطانية اتراجف الهوة ثلج بارد ولعاصفة ترعب مطر غزير
شفتة دخل وشاد ؏ ايدة الشاش منگع كله مي مطر التلفون ؏ اذانة مبين عندة شغل واني اخررتة تقرب الجكارة مشكلة بحلكة انتجة ؏ الحايط اشر بيدة باتجاه العلاليك زفر والهوة يطلع من حلكه يلفح برد
_عزلي لاتخلين المنضر هيج هوسة
_بردانة
_دكومي دخيل الله شهلفهاوة
_ترة طاح حضي لبيت نضفتة بطرك روحي شتريد اصيرلك مصررع
_بابه كومي المنضر يخنك
_اي فدشوية وكوم اعزل
_ننبببعة
_اسمي ياقوتة
_ لا نبببعة ، كومي باببه عزلي شلون تتحملين تنامين وهيج هوسة كدامج
_عادي اتحمل
شفتة لزم العلاليك بيد والجكارة الثانية بيد ياخذ منها نفس ويدخل بيهن للغرفة الثانية يدردم ، وخر العلاليك من الطريق اجة بارود بيدة صوبة كهربائية تقرب جاسر شكلها بلنقطة مال الكهرباء وقربها بصفي
غمضت روحي بردانة اجاني صوتة يهمس كدامي وهوة يعدل الصوبة
_غيري ملابسج منگعة لاتتمرضين
فتحت عيني باوعتلة ورجعت غمضت رد كال
_مو احجي وياج
باوعتلة بتعب
_شتريد
_غيري ملابسج
_مابية حيل
_شلقضية
غمضت بنعاس حجيت
_وين عمتي وآصف
تگنبص يعدل بلشاش البيده يضغطة حسيتها صلت علية اخذ نفس عميق من الجكارة زفرة
_هسة يجون
النعاس سيطر علية عيوني بدت تغمض وتفتح هزيت راسي
_توجعك
_لا
_جذاببب
_متعودد
_ليش متعود ها عمك خلدون جان يكتلك
_شبيج بابه منو خلدون سكرانة؟ نامي نامي الضاهر انتي من تنعسين تسكرين
صارت طبگة مال باب فززتني فتحت عيوني باوعت راح الغرفة ضلام وبس ضوة الصوبة الكهربائية موجود
غمضت بتعب نعسانة بدة الضلام يعتم الصورة انعدمت عندي الرؤية من بعد عناء وجهد شاق
،،
ضهراً ساعة 3
ليال: كعدت حسي مطبك اجت عيوني لتلفوني شفتة مخلص شحن واكو مكالمات من ياقوتة متصلة بية خابرتها ماترد باوعت مهيرة بعدها نايمة خوش طكينة نومة للضهر وبثينة ودرة بلمطبخ كمت ؏ اطراف اصابعي للعلاگة فتحتها طلعت دشداشة لبستها فوك هدومي علسريع تقربت نفضت ثوبي اخذت خطواتي للمطبخ توني دخلت وستلمني
درة: فهميينة وين جنتي لبارحة شصار وياجن مثل الاطرش بلزفة مانعرف الله وين حاطنة احجيي
بثينة: احجي ليال معطتن روحي شكوو
تحمحمت بهدوئ انفاسي الاهثة انقطعت حجيت بحس مرتبك
ليال: انخطفنة
شهكت واني احط ايدي اليمنة ؏ گلبي
بثينة: صخااااممم
جحضت عيوني
درة: عزاا وشسووولجن شلون خلوجن ترجعن
بلعت ريگي جرح بلاعيمي
ليال: خلوني اصور فديو بسيت مال نوم واكول اني بنت دعارة تعال ـــــــــــــــ يالله هدونة شمرونة بمكان مقطوع بنص الجلاب همزين ماكلتنة
عقدت حواجبها درة حجت بصوت متسائل
_زين مهيرة شنو سالفتها ماتتحرك هية غير يمج متطمنة عليها محد لمسها سوالها شي
هزيت راسي گلبي نغزني فرفحت
_لا هييية يمي محد سوالها شي جانو يردون بس التصوير ونطيتة الهم بس الجلاب سممووها خلو قطرة بخشمها زوهرتها الله لايوفقهم
جرتني بثينة تباوع بعيوني بتركيز
_اكييييد؟؟؟؟!
هزيت راسي بخوف
_اي اكيد قابل مجذذبة علييج
حسيت اقتنعن حجيت متسائلة واني التفت منا ومنا
_چاا خالتي وين ماشفتها؟
جرت نفس زفرتة مختنكة
درة: امي كضتها اليل بس تنعي وتبجي مفتهمة الموضوع بطريقتها عبالها مسويلجن شي خاصتاً من شافت لبسج تسرسحت احوالها
ضميت شفتي لفمي ساكتة خالتي شيقنعها خايفة لاتحجي المؤيد وتفضحنة دخيلك ربي استرنة
،،
عابس: متمدد بفراشي روحي مختنكة فزيت ؏ لمسات بجسمي خلتني اگزبر فتحت عيوني بثكل نداريت براسي بنعاس ، واشوفها وحدة مصلخة بصفي تلعب بصدري وايدها ؏ شواربي تمشطهن بضافرها
كعدت ؏ حيلي داير راسي عنها افرك بوجهي قوي زفرت
_منو انتي؟؟؟!!!
يتبببع...
علقو على الفقرات + رأيكم بلحداث والسرد?
دوسو النجمة ⭐+متابعة حسابي الشخصي الواتباد
حسابي الانستا انشر تغشوشات بخصوص الرواية
_lolo743_