أسيـرة "داعـش"

part 31

#أسيرت داعش

#الكاتبه اسينات

-تصويت للبارت

-تعليق حتى استمر واتحمس انزللكم

-متابعه للحساب lrayh1234

•~••~••~••~••~••~••~••~••~••~••~••~••~•
مشهد من البارت السابق لحتى تتذكرون الاحداث

:-شنو حسن جاي تخوفيني

سكت

حطيت الجبس على جهه احس انسلطت من حرورته

:-اي احجي

:-ورده تقبلين تتزوجيني...

•~••~••~•
نكول بسم الله ؟

ورده

ضليت متصنمه وهوه يباوعلي نزل عيونه على أيدي واني عيوني تشوف شيسوي نزل ايده لزم ايدي يمسح عليه

:-شنو ؟

:-تتزوجيني

:-مجاي افهم ح حسن احس عقلي ضرب

سحبت ايدي منه اعدل بكعدتي احس عركت شعور صابني حيل غريب حيل نزلت راسي

:-ليش ؟

:-شنو ليش

:-ليش تريد تتزوجني

ابتسم رفع حنجي باوعتله ساكته رفع شعره ومسح حاجبه مركزه حيل كال وهوه صافن بيه ومبتسم

:-لانو احبج احبج وردايه متعرفين شكد صارلي اريد اكلج واريد افاتحج بالموضوع بس دائما اسكت بس هسه كلت لا اخسرج وليش أضم عليج اي احبج ..احبببببج

صرخ بصوت عالي بسرعه حجيت

:-صخام الصخمك فضحتنه

جانت عيوني دور خاف أحد يشوفنه درت وجهي عليَ عيونه بيه وتنتقل الملامحي خزرته كلت

:-ادبسزز عينك

:-شسوي عيني صلفه..

نوب رد كال

:-اي ما كتيلي جوابج ؟

فركت ايدي حيل خجلانه وخايفه وبنفس الوقت متردده

:-ما ادري حسن رجعني للبيت

:-بدون مجاوبين ؟

:-كتلك ما ادري

:-حنطيج وقت فكري شكد متردين واذا شفتي نفسج مستعده وموافقه وخجلانه دزيلي حتى إذا مسج

:-تمام عود افكر بس وديني للبيت

:-تره ما كلت هيج حتى ترجعين ضلي هنا عود من ترجعين للبيت فكري واخذي راحتج

هزيت راسي ساكته جان ياكل شاميه ويفتح بالبلوتوث طلع اغنيه انت روحي وامنياتي بسرعه باوعتله اضحك

:-ذكرتيه مو

:-شلون على طول اسمعه

:-كل ما اسمعه اتذكرج ..

باوعتله مبتسمه يحاول يخجلني بنضراته وهوه كاعده ورجله على الكرسي والرجل الثانيه جوه نوب فاتح دكم القميص الاولى كلش طالع صاك

ضلينه هيج وهوه يطلع اغاني وماكو اغنيه ما طلعه كلهن طلعهن وخصوصا ركز على الحب مالي الاغنيه ادمنته لو طلع اغاني اعراس وهوه يطك اصبع واني هم وهيج لمن وصلني للبيت

باوعتله كبل ما انزل ابتسم ورفع شعره

:-شكرا اتونست حيل

:-مسويت شي

:-تمام بعد تصبح على خير

:-وانتـي بالـف خير وردايتـي ..

هستوني جاي انزل ما احس الا ولزمني حجه
:-فكري زين.... بسرعه نزلت بدون كلام

•~••~••~•
نور

كعدت رحت شفت ورده ماهيه باوعت للساعه اكيد راحت العياده رحت غسلت وصليت وبلشت اسوي بالعشه وادرس كله بنفس الوقت اركض منا ومنا خاف يحترك وهم الحك ادرس

لمن انفتحت الباب طبت ورده تضحك استغربت شبيه بس بنفس الوقت فرحت مبين مزاجه حلو اروح احجي وياه طبت الغرفه

ركض طبيت وراه جانت تنزع بالحجاب

:-ها ورده

:-ها شكو ؟

:-احمم ..بلعت ريك اريد ابجي تقربت يمه وبسرعه حضنته ابجي واشهك واحجي فد ارتاحيت من حضنته وهيه ضلت ساكته وخرت

:-فدوه ورده والنبي اسفه اني غبيه والنبي ما اعيده بعد اسفه يروحي بس لتزعلين مني والله كلبي يوجعني من تهمليني ارجعي ورده القديمه مشتاقه الحضنج اريد تحضنيني لتضلين متجاهلاني فدوه ورده

اسفه والله جان يهددني والنبي انتي تعرفين وكتلج ويهددني بيج والله اسفه ورده اسفه

بجيت مغطيه وجهي:-كافي لتبجين هسه تخرخرين علينه

ضحكت والدموع بعيوني بسرعه حضنتنه بادلتني بتعب ابجي وهيه هم بجت على بجيِ

:-اسفه والله و..

:-كافي ادري بيج كافي مو فتيتي گلبي

سكتت حاضنتنه حيل

:-اريد احضنج وانام يمج ..

:-تمام ابدل واجيج..

هزيت راس بسرعه رحت طفيت النار وغسلت وجهي ورحت ركض جانت مكمله تبديل نامت وفتحتلي ايده حطيت راسي على ايده وحضنته حيل ونمت وهيه تبوس بشعري وتمسح على راسي

ضليت حاضنتنه حيل مشتاقتله احس هسه صرت زينه وصارت عندي طاقه بسرعه غفيت

•~••~••~•
ورده

امسح على شعره وهيه نايمه مثل الملاك من التعب نمت بسرعه ما اكعدت الا على المنبه كعدت باوعت للساعه كمزت بسرعه خايفه تاخرت حيل

بسرعه كمت من ثولي جاي اكوم وكعت نور بالكاع صاحت شهكت نزلت اله وهيه نايمه بالكاع

هزيته:-ولج عزا شبيج نور هيوو

باوعتله نايمه غميته وكمت ركض اطلع ملابس واكعد بيه لمن كامت وشافت الساعه هيه هم كامت ومستعجلين

بسرعه لبست بنطرون وقميص وحطيت مكياج وهيه هم كملت وكعدت تراجع طلعنه وصلته للجامعه وكبل رحت للمستشفى دخلت وبديت اشتغل لمن صارت استراحتي يالله طلعت رحت اشتريت كهوه واخذته وطلعت بره بالحديقه كعدت فتحت التلفون اكل واباوع

جانت جايتني رساله من حسن ابتسمت من قريته

(ها يحلو صباح الخير فكرت لا )

ادري بي ملتحق فكوه حيشوف الرساله

كتبت (هلا شلونك )

طلعت من البرنامج صورت ايدي واني لازمه الطعون ونشرت على الواتس والانستا بس كملت كمت رحت كملت شغلي لل 1 كملت كلشي كمت واني اتصل على نور

طلعت ركبت بالسياره ورحت النور اخذته ورحت للبيت جبت وياي اكل من المطعم كعدنه اكلنه ورتبت البيت شوي ورحت نمت حيل تعبانه لمن كعدت جان مجاوبني ضحكت

(هلا وردايتي بخير شونك حبيبي )

كتبت:-بخير

بسرعه شافه كتب ( ؟)

عرفت شيريد احس توترت حيل وارجف وصخنت ايدي ترجف كتبت

:-موافقه

وبسرعه طلعت من البرنامج كله وغلقت التلفون حطيت راسي بالمخده فرحانه شعور غريب حيل ضليت اعضعض باضافري فتحت التلفون متردده

دخلت جان محترك بالرسائل والمكالمات لو الصوتيات وكلهن حاطلي السمايل الي يركص والعرسان نوب من دزيتله انو اني موافقه داز

(ولج ورده ممصدك والله حتصيرين الي )

(عمار فرحان وجاي يهلهل والكل )

ودازلي بصمه بيه عمار يهلهل متت ضحك واحس خدمع فرحت حيل من شافني شفت الرسائل دز

(ورده)

:-ها

(احبج )

سكتت اول مره واحد يكلي هيج صخنت يمه كلبي يدك حيل افتر على روحي بالغرفه نزيت من اتصل بسرعه رفضت ضربت كصتي شهل الغباء ليش رفضتي رجع اتصل رديت ضليت ساكته وهوه صوت تنفسه مسموع تنهد بصوت عالي

:-شبيك ..

:-بيه انتي تدرين لبالي محتوافقين

:-اي شلونك

:-ههههه زين حبيبي زين اروح فدوه لليسئل

عركت واحس خجلت حيل يربي ضليت اهفي على وجهي

:-اي شسمه

:-شسمات شكو شبيج ..عكدت حواجبي مدري شلون يحجي صوته متغير حيل

:-حسن شبيك اكو شي ليش هيج صوتك

صار صوت انوب كال:-احمم ما بيه ..

سكتت وهوه هم سكت وبس صوت تنفسي وتنفسه

:-هيج كون كبالي واحضنج

:-ادبسزز مو بيدك

:-بس يمج

سكتت :-اي شوكت اجيب اهلي واجيكم

تحمحت وحجيت

:-شوف حسن هسه خطوبه اي بس زواج لا لانو امي بعد السنه مالته ما طلعت

:-اي ليش مستعجلين خلي نعيش فتره الخطوبه وحتى إذا نعقد عادي

:-اي عفيه هيج اريدك

:-اعجبج عمري

:-اي شلونك شوكت ترجعون

:-زين على هذا الخبر زين ما ادري بعد هستونه التحقنه أكثر شي اسبوعين

:-امم

:-لتسوين هيج

:-شنو.

:-هاي مالت الأمم

:-هاا اممم زين ما أسويه بعد ..

همس:-مو بنيه بلوه

كلت واني منفعله :-اي عيني جا عليمن خطبتني اذا بلوه ها كتلت نفسك عليه

:-ههههههه ..سكت نوب مدري شحجه بصوت ناصي رد كال

:-يله وردايتي اروح اني عندي شغل

:-تمام دير بالك على نفسك

:-شلون ما ادير بالي وانتي النفس

بسرعه غلقته لازمه كلبي هذا شبي بس لا شارب شي يالكعبه ضليت هيج ساعه اضحك ساعه مدري شيصير بيه بدلت وكمت رحت للعياده

ما كملت الا لليل طلعت امشي رحت للمحل اشتريت حلويات وكلشي محتاجي للبيت رجعت طبيت للبيت نور جاي تدرس سلمت ورحت بدلت وغسلت

واجيت يمه ناكل حلويات

:-احم نور اريد اكلج شغله

:-كولي

:-هوه شسمه حسن

:-اي شبي

:-عرض عليه الزواج ..بسرعه غطيت وجهي بس فتحه صغيره اشوف منه حيل استحيت تباوعلي وتضحك

:-ادري خيه

وخرت ايدي اباوعله باستغراب

:-منين تعرفين ؟

:-من ضياء كلي ..

بسرعه باوعتله مستغربه

:-يعني همه كلولي

:-اممم اي ..

باوعتلي وضحكت ضحكه عاليه وكامت حضنتني حيل

:-يمه فدوه اختي وافقت وحتتزوج يمهه شكد احبج

:-ههههه ولج كافي

اتصلت خالتي باوعت للتلفون نوب باوعت للساعه

:-خير شكو بهل الوقت ..رديت جاوبتني تبجي وحالته حاله

:-يا خاله خيرج شبيج

:-ولج يمه ورده ولج طردوني اهل رجلي ولج تعالي فدوه اخذيني حالتي حاله

:-ء تمام وينج خاله انطيني العنوان

******
ورده

بسرعه رحت بدلت وياي نور طلعنه جانت يم المستشفى لمحته واكفه وحالته حاله ومبوشه بالعبايه

نزلنه حضنتنه تبجي واحنه هم وياه امي عده اثنين خوات الجبيره بالموصل مزوجه وهذه اصغر من امي بوسته

:- خاله فدوه لتبجين ..

اخذناه للبيت وكل شوي عيوني عليه حيل خايفه

وصلنه بسرعه غسلت ونامت حيل انقهرت عليه ضليت كاعده وأيدي على خدي شكد حقراء من يوم يومهم همه هيج عود لانو أغنياء ومتمكنين رافعين خشومتهم رغم خالتي دارسه ومكلمه ومتعينه هسه هيه مدرسه انكليزي بس همه رافعين خشومتهم جي مدرسه مو دكتوره

ونور مكابتلني وكاعده كمت نمت ونور همين ما كعدت الا على صوت كمزت بسرعه خايفه بغرفتي واسمع صوت بره صوت كمت رحت يم ميز التواليت وأخذت بيدي المكص وطلعت هستوه ب 4 الصبح رحت

وعيوني تدور وتشوف خاف اكو شي شهكت من شفت خالتي كاعده وتبجي شافتني كامت تمسح بدموعه

:-ها خاله شنو كعدتج

:-لا عمري اصلا اريد اصلي

خالتي ما عده جهال السبب من رجله مو منه ضلت صابره ومتحمله بس علمود الناس متحجي عليه والله اني صافنه اذا رجلي هيج اشك حلكه يشك بيه وجماله فوك شينه كوات عينه طايح الحض ابو عين الزايغه

رحت غسلت وهيه هم كعدت

:-خاله شبيج فدوه لتسوين هيج تره ميستاهل والله

:-شسوي ورده شسوي ولج يطردوني جي هوه مسافر لا والنوب أتوسل بيهم اكلهم بس خلي اتصل عليه ماكو

:-انتي هم ساكته يا خاله يعني اسفه بس لو يدوس عليج هم تستكين هوه شوفي راح احجي بصوره عامه الرجال من يشوف المره هيج تسكت وتنذل حيذله أكثر وراح يدوس عليه مو بس على رأسه

:-اوف ورده غير ساكته حتى ما اخلي الناس تحجي عليه

ابتسمت ادغدغ بيه اغير المود

:-يله اسماء كافي تبجين مو زين على عيونج

ابتسمت :-كافي ولج عوفيني بهمي

:-لا والله ابجي علمود رجال

:-اي جربي وشوفي استغفرالله الله ليحطج بهيج موقف وليحط اي بنيه بحق محمد وال بيته

صليت على محمد

:-اللهم صل على محمد وال محمد

كمت اروح رغم بعد وكت بس حبيت هيج اسوي اكل وناكل براحتنه بدون استعجال فتحت التلفزيون وطلعت دعاء الصباح بصوت ميثم التمار

وعليت الصوت نوب رحت للمطبخ بعد ما رفعت شعري طلعت بيض وجبن بديت اسوي الاكل واسمع للدعاء جاي احاول احفظه حيل احب احفظ سور قرانيه أو ادعيه كلش احب

حطيت الجاي على النار ورحت كعدت نور كامت راحت تغسل وخالتي تصلي رحت اكمل حطيت الاكل اجن كعدنه ناكل بهدوء الكل ساكت

لمن كملت كمت غسلت وبدلت ونور تغسل المواعين كعدت الف برجلي بعد ما حطيتله دهن جاي تتحسن خصوصا جاي أكثر احط دهن فجاي تصير احسن وجاي يروح اثر الحرك

طلعت جانت خاله كاعده تحمحت وحجيت

:-خالتب شوفي حكلج شي

:-كولي حبيبيتي

:-اني عندي صديق أو مو صديق يعني واحد اعرفه مدري شلون حشرحلج

ابتسمت ووجهه الي يطمن

:-اي شبي ؟

:-تقدملي للزواج واني قبلت واني اعرفه جد المعرفه رجال حباب وخلوق ويصلي ويصوم

:-اي بيه الخير بس هم لازم نسئل علي

اردفت بحزن :-منو يسئل واحنه ما عدنه أحد

:-ليش اني وين رحت خالتج وين راحت اخلي رجله يسئل

حجيت بفرح:-صدك ..رحت حضنتنه احجي

:-يبعد كلبي خاله شكد احبج ياخي تنكرطين والقرآن

:-هههه ولج كافي الا صدك هوه هنا يعني ببغداد

:-لا من اربيل

:-ها لعد اليوم اخابر خالتج وأشوف واني هم اخلي صديقاتي يسئلن هزيت راسي وطلعت بعد ما كملت تبديل ركبت بالسياره ونور وياي

باوعتله:-ها

:-ها ؟

:-شبيج ليش وجهج احمر

:-ها ما بيه

:-اممم

هزيت رأسي وصلته للجامعه وكبل طلعت للمستشفى هستوني جاي اطب جان يصير بوجهي حسن يضحك انصدمت وضحكت كلت باستغراب واضحك

:-ولك مو عساس ملتحق

:-رجعت

:-شلون

:-مدخلج امشي احس راح انفجر هسه كبال العالم

ضحكت رحت كباله وهوه وراي لمن طبيت ما احس الا وحضني فتحت عيوني اضحك ومصدومه يفر بيه بالغرفه

:-ولك يمعوده حتقيىء

نزلني هوه لازمني بقوه من ايدي يباوعلي ومبتسم

:-احبج احبج

جان يبوسني بخدي اتصنمت معرفت شسوي اريد اسحب نفسي منه ماكو حاضني كتله

:-ولك وخر حسن عيب

:-العيب بالجيب ولج ما مصدك راح تصيرين الي

ابتسمت من رده فعله اصلا جنت ناسيه

:-بعدنه يعني مو هسه تحضن وتبوس بكيفك لا عيني

:-المهم أنتي حتصيرين الي

وحضني كلت :-منو يكول

بسرعه وخرني يباوعلي وعاكد حواجبه

:-شبيج ورده شهل الحجي

:-هيج والله بس كلت

:-بعد لتكولين ..

سكتت من حضني حسيته يريد يحجي شي بس ساكت

:-شبيك حسن ؟

:-ما بيه

وخرت:-حسن حسون حسنسن شبيك

ضحك:-ههههه مابيه بس اريد اكلج

:-كولي شكو

:-اي ماكو شي تردين تعترفين بي ؟

عرفت شيريد يحجي :-شعترف ؟؟؟

:-مثلا يعني كلمه مراح تكوليه

:-شنو هيه ؟

تقرب مني باوعت الصدره الي يصعد وينزل بلعت ريك بخوف رجعت ليوره لمن صرت لازمه على الحايط

:-ها يمعود شبيك

حط ايده حتى خاف اشرد

:-عرفتي انو احبج اي حسئلج سؤال واريدج تجاوبيني بصراحه

:-اي شنو ؟

حجه وهوه يباوع بوجهي وكل ما يريد يخلي ايده ويلمس وجهي أبعده

:-تحبيني ؟

بلعت ريك ما اعرف شجاوب ضليت ساكته وخايفه بنفس الوقت باسني بخدي بسرعه غمضت عيوني ساكته دفعته بسرعه حكيت كصتي

:-شنو شبيك حسن تخبلت ليجي أحد

:-تحبيني

:-لتتقرب رحت بسرعه كعدت على الكرسي

:-احجي ليش ساكته وخايفه هيج جبانه ومتحجين

باوعتله ساكته رفعت حاجبي

:-يعني الا أكلك ماكو داعي بالوقت المناسب ومن احس نفسي مستعده اكوله

سكت نزلت راسي

:-تره مقصدي ازعجج

:-لا عادي مصار شي

كعد وحجه

:-جايبلج هديه

:-شنو هيه ؟

طلع علبه من ايده جانت عباره عن علبه حمره ابتسمت من فتحه وطلع كلاده ناعمه ذهب باوعتله

:-هاي الي

:-اي الح تستحقين أكثر

اخذته منه بسرعه وخرته جانت حيل ناعمه ومرسوم بيه فراشه ناعمه حيل حيل حبيته والرسمه حيل حلوه باوعتله واني اضحك

:-شكرا حسن كلش حلوه

:-البسيه

بسرعه لبسته جانت حيل حلوه

:-مراح انزعه ابدا وحخليه ذكرى

:-اكو اشياء هم مراح تنزعيه وحتضل مرافقتج طول الوقت

باستغراب:-مثل شنو

:-الحلقه

افتهمت قصده معناته هوه انو حيضل مرافقني طول الوقت ابتسمت

:-كافي لتحجي هيج

:-حجيب كهوه تشربين

باوعت للساعه :-عندي هواي شغل تنتضرني علما تصير استراحتي ؟

:-اي تمام لعد اني انتضر بره ..

هزيت راسي هوه طله واني بديت اشتغل وهيج من اشتغل احس تنفتح نفسيتي ومن اشوف الأطفال المرضى مدري شيصير بيه احاول اكون قويه ومرات حتى أخذ ارقامهم واضل احجي وياهم

ما خلصت الا على ال 11 كملت نزعت الروب وأخذت جنطتي ارتب بنفسي

طلعت لكيته كاعد وحاط رجل على رجل ولابس نضاره ولازم التلفون من لمحني كام

:-وين صرتي

:-هستوني كملت كلشي

هز رأسه طلعنه ركبت بسيارتي رحنه للمطعم

:-جوعانه

:-لا

:-حطلب كيك تحبي

هزيت راسي ميدري هوه عشقي الكيك خصوصا بالشكولاته طلب وكعدنه لمن جابو الطلب كعدنه ناكل ونسولف وهوه يخطط من نزوج شيسوي واني اموت من الخجل حتى ما اكدر اباوع الوجهه

:-اوي اروح فدوه للخجلان

:-يوو كافي حسن عيب

:-تنهد سكت واني هم لمن شفت الساعه كلت

:-يله حسن هم يالله نور هيج وقت تطلع

هز رأسه حاسب وطلعنه ساق وصلنه يم المستشفى هوه نزل راح السيارته واني رحت النور لكيته كاعده وي صيدقاته لمحتني اجت سلمت

:-ها عمري شلونج

:-هلا نويره

ضلينه نسولف لحد ما وصلنه اول ما طبيت لفحتني ريحت الاكل ريحه الدولمه طلعت من المطبخ

:-ها يمه الله يساعدجن

:-هلا خاله ويساعدج شهل الريحه التخبل

:-ههه يالله يمه غسلن وتعالن

رحت بسرعه غسلت وصليت ورحت يمه

:-يله خاله مصارت الدولمه

:-هياتهه يمه شبيج

كعدت اصبهه واني احضر بالبن والطرشي رحت كعدنه وناكل يموت واكل لكمه اغمض عيوني مستمعه بالاكل

لمن خلصت غسلت المواعين ورحت نمت من التعب ما كعدت الا على صوت خالتي تكعد بيه حتى اروح للعياده بسرعه كمت غسلت وبدلت وطلعت واشتغل وحيل تعبانه

ونعسانه واحس جسمي يوجعني من كثر ما اشتغل ما كملت الا لل 10 بليل كملت طلعت اتمشى واسم بالهوه حلو هيج وقت الكل يمشي وهذولي الي مزوجين وهذولي الي مرتبطين والي وي عائلتهم

اباوعلهم واذكر من جنه نطلع وبابا ياخذنه اذكر كل لحضه وياهم ركبت بالسياره بجيت بصوت عالي واهفي على وجهي اريد أهدىء حيل مشتاقتلهم واذكر من رقيه تحضني صرخت

:-ولج رقيه مشتاقتلج والنبي وينج عني يحبيبتي يبعد اختج مشتاقتلج والنبي وينج

سكتت مشيت وصلت للبيت بدون روح احس روحي هيج عليمن عايشه نزلت عيوني تترقب الشارع احس اكو حركه غريبه

هستوني جاي اطلع المفتاح جان اسمع صوت من وراي بسرعه درت وجهي

:-ورده

خزرته من شفته واكف بكل عين صلفه ..

يتبع 🔥...

•~••~••~•

ها شلونه البارت 🙊🔥

تفاعلكم يأبه اريد هيج تفاعل بعد انتو وتفاعلكم والي يكول ليش تتاخرين تره حالي من حالكم دراسه بكد شعر راسكم ومريضه

فاي تفاعل وتعليقات اريد

اي شسمه تردون أسرع بالاحداث لو لا اكمل عادي ؟

تصبحون على خير لوزاتـــي 🤍.