الكاتبه: LARAN❤️
ظفروا رموشي حبل وإتنطروا جية ظلام
وصلبوا إعلى عيوني حلمك
وانت يا المجروح خاف احجي والجمك
(ليالي الجحيم12:00)
( part 15 الـ)
مهم: لاتنسون التصويت والمتابعه للحساب دادهَ🔴"
يلااا انطلقو حبيبي واريد تفاعلڪِم
...........................
.
.
.
.
.
.
يڪِلـها أنتِ الاربعه الحللهن الـلّٰــهہ♥️💍
اتصل عليه ميجاوب ڪِلبي انتهئ من الوجع والخوف بقيت اهفي اريد هواا ،
اا اخ اختتڪِت انوار اا انوار ساعديني رڪِضتلي وهيه تفرك صدري جابتلي دوه شربته واني اغمض عيونيِ بقيت اشرب ماي لحد ما ارتاحيت
بقت تهدي بيه وتمسح ؏ ضهري وراسي
انوار: هيج ولا صوره لجسمج أيڤ لا تموتين روحج
:- هزيتلها براسي واني ارجف شغل بالي الدوه ليش ڪِلها تنخبص عليه وبس اشربه ارتاح انتضرت انوار تنام صارت ب 1:30 تأڪِدت نامت اخذت الدوه وسجلت اسمه وبحث عليه
قريت الاسم مال العـلاج شهڪِت واني
اشوف شنو نوع مرضي طاح العلاج
من ايدي واطرافي خدرت
ووو ڪِع شيت الحبوب مني وايدي ترجف خليت ايدي ؏ شفايفي وڪِتمت صوت شهڪِتي وبقيت ابجي معقوووله
معقوله بيه مرض بالقلب!!!!!!
بقيت ابجي ڪِمت ڪِعدت بالڪِاع وانتجيتَ ؏ الحايط وبقيت ابجي تعبت تعبتتت لشوڪِت يااارب تعبتت والله مالي طاقه بعد مصيبه فوك مصيبه رجعت راسي للحايط واني اشڪِي لربي لأن ماعندي غيره جبت تلفوني والهتفوناتَ
شغلت دعاء عامر الڪِاضمي لأن بس هوا يريح ڪِلبي بقيت اسمع ودموعي ماوڪِفت
اللهي جاي تشوفني شلون ضايعه لا تضيعني اڪِثر من هيج سامحني عن ڪِل ذنب بدر مني
ماريد اضيع حياتي هيج يارب ساعدني
قويني اعفي عني واشفيني تعبتت اني تعبت
جاي يطبق مثل يوم الك يوم عليك بحياتي
بس متوقعتَ هيج تطبيق
بقيت اشهك شهڪِه اڪِبر من الثانيه وڪِلبي يزيد بالوجع عليه ،
احس عيوني ورمت واني بالساعااتَ اعيد الدعاء وابجي حتئ ارتاح واخفف من الحزن الي بداخلي
مرجعه راسي للحايط واسمع بالدعاء احس راحه نصبت ؏ متوني وايد انمسحت ؏ ڪِلبي هيج مثل الشي البارد الخفف وجع ڪِلبي ونغزاته ،
ثواني قليله وصاح المؤذن من بعد ماصاح الشهاده بقيت استمع من يڪِول
" الله اڪِبرر الله اڪِبر
" حي ؏ الصلاه حي ؏ الصلاه "
" حي ؏ الفلاح حي ؏ الفلاح "
مسحت دموعي ولميت شعري اجتني طاقه للصلاه لأن بهذا الوقت رب العالمين يستمع لمناجاتّ عبده دخلت للحمام توضيت
غسلت وجهي ورفعت وجهي للمرايه عرفت عيوني ورمت من البجي الله يساعدها هلڪِتها ساعاتَ واني ابجي بجي الميتين غلست وڪِملت طلعت فرشت سجاده الصلاه وشغلت الدعاء وتوجهتّ للصلاه
" اعوذ بالله من شر الشيطان الرجيم نويت ان اصلي صلاه الصبح قربه لله تعالئ "
" تڪِبيره الاحرام الله اڪِبر "
(( بسم الله الرحمان الرحيم ))
الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ
(( بسم الله الرحمان الرحيم ))
قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُنْ لَهُ كُفُوًا أَحَدٌ
رفعتَ ايدي بالتڪِبير ، الله اڪِبر "
رڪِعت وڪِلت ، سبحان ربي العضيم وبحمده اللهم صلي ؏ محمد وال محمد
رفعت راسي وڪِلت سمع الله لمن حميِد الله اڪِبر
سجدت وڪِلت ، سبحان ربي الاعلئ وبحمده ربي صلي ؏ محمد وال محمد
رجعت سجدت وڪِمت
واني واڪِفه رجعت ڪِررت سوره الفاتحه وبعدين سوره الڪِوثرر
(( بسم الله الرحمن الرحيم))
إِنَّا أَعْطَيْنَاكَ الْكَوْثَرَ فَصَلِّ لِرَبِّكَ وَانْحَرْ إِنَّ شَانِئَكَ هُوَ الأَبْتَرُ ، تڪِبيره الاحرام الله واڪِبر
رجعت رڪِعت وسجدت
وڪِبرت 3 مرات
الله اڪِبر
الله اڪِبر
الله اڪِبر
( جنت جداً حريصه واني اڪِتب هاي الڪِلمات العضيمه ڪِلمات رب العالمين ڪِتبتها بتدقيق حتئ الي ميعرف الصلاه يصلي وحتئ تشوفون شڪِد الصلاه قصيره ومتاخذ من الوقت ومو مڪِلفه🤍))
نهيت صلاتي واني امسح برڪِات الصلاه ؏ وجهي رفعت ايدي بالدعاء واحس ابواب ربي انفتحت اليِ وبديت ادعي واناجي
يامن تسمع دعائي ومناجاتي من اعلئ سبع سمواتَ ربي لا تذلني لغيرك ولا تضعفني لغيرك ساعدني وقويني احميني واڪِفيني
اني مضلومه وانتَ اعرف بالضالمين اللهي لا تأخذني بذنب غيري يالله بقيت فاتحه ايدي وابجي من ڪِل ڪِلبي لربي اشڪِي من عبده مو عليه
بقيت فاتحه ايدي وابجي والدعاء مشتغل وادعي بڪِلبي حتئ يسمعني هيج فجأ فجأ بروده جاست روحي وراحه تڪِومت بأيدي اتوسعت وتوسدت
بڪِف ايدي راحه موطبيعيه ماعرف شلون شعورها بس ايدي ارتخت وارتاحت من بعد ماجانت تأذيني وترجف ڪِلبي جان يبزني ويضغط عليه احس هدء وارتاحيت حتئ من البجي
مسحت دموعي وبيدي مسحت ؏ ڪِلبي لميت سجادتي درت وجهي وشفت انوار ڪِاعده وعيونها حمر وتبجي استغربتها سئلتها واني خايفه عليها
:- شبيج انو ليش تبجين نزلت راسها وبجت بالزايد ،
انوار: الله يريح ڪِلبج ماريد شي ومابيه شي
:- ابتسمت الها وحضنتها ، يله ڪِومي صلي
انوار: هسه ڪِايمه اصلي
:- هزيتلها راسي عفتها تتوضئ ورحت غطيت راسي ونمتَ تعبانه من وجع عيوني من البجي فـ بسرعه نمتَ
...........
ڪِعدت ثاني يوم
صفنت بضياع شسوي شنو الي اڪِدر اسووي شنوو باوعت للساعه ب 10 ڪِمت ڪِفيت الغطه بس اختل توازني وڪِلبي أذاني
ڪِلبيِ حيل جاي ينضخ الدم بي ڪِعدت ؏ الجربايه حتئ ارتاح رحت لزمت تلفوني اريد اشوف شنو اعراض مرض القلب
ألم في الصدر وضيق في الصدر وضغط في الصدر والشعور بالانزعاج في الصدر (الذبحة الصدرية)
ضيق النفس
ألم في العنق أو الفك أو الحلق أو الجزء العلوي من البطن أو الظهر
ألم أو خدر أو ضعف أو برودة في الساقين أو الذراعين إذا أصيبت الأوعية الدموية في أجزاء الجسم هذه بالتضيّق
الشعور بالانزعاج في الرقبة أو الفك أو الكتف أو أعلى الظهر أو البطن.
ضيق النفس
تورم في أحد الذراعين أو كليهما
الغثيان أو القيء
التعرُّق
الدوار أو الدوخة
الإرهاق غير المعتاد
حرقة المعدة
صفنت صحيح ثلاث اربااع الاعراض عندي طلعتَ من البحث واني اشڪِر ربي ؏ ڪِلشي واڪِول الحمدلله ڪِعدت انوار وشافتني ڪِاعده قبلها ابتسمت الها ابتسامه صغيره
حسيتها انتعشتَ وملڪِت الدنيه ومابيها
انوار: عسا يومج مايخلص اله وانتِ اضحڪِين
:- مشڪِوره يله ڪِومي ننزل يم ماما مشتاقه الها
انوار: يالله اللهم صلي ؏ محمد وال محمد
:- جاي تاخذين خيره شسالفه تعااي
انوار: اي اجيت اجيت
:- سبقتها ونزلت شفت ماما ڪِاعده وحدها خطيه متأخره اليوم بالعاده تڪِعد ب 8 او 9 رحت حضنتها وهيه ارتاحت من شافتني بقيت حاضنتها ارتاح بحضنها بقت تمسح ؏ شعري
وداد: صباح الخير ماما ياروحي عندج بس العافيه ليش هيج حبستي نفسج وبعد مااشفناج
:- عذريني ماما بس تعبانه وهواي احتاجيت اڪِعد وحدي هزت راسها تفهمتني مرادت تضغط عليه حضرت الريوك وياها نزلت انوار ڪِعدنه ناڪِل وبالي شارد
صرت انتضره يوم يوم يجي ڪِمت اعد ساعه ساعه لنتقامي منه واريد رب العالمين ميضعفني ولايذلني لغيره
ڪِملنه ريوك واني اصبر بنفسي ماريد ارجع لعزلتي لو ابقئ بغرفتي ڪِمت ساعدتها بشڪِم شغله ورجعت صعدت فوك سديت الباب وڪِعدت بال بالدراسه وبال مو بالدراسه
اريد ادرس وماريد ادرس رغم مضبطه المواد بس احس ڪِلشي راح يطير من بالي شويه وانفتح الباب دخلت انوار وڪِعدت يمي
انوار: صعدت أيڤين بعد متريڪِت وشويه تحرڪِت اني من نفسي ارتاحيت بس رجعت حزنت عليها متڪِدر اطول اڪِثر من دقايق وترجع للعزله عمه ڪِلبها نار عليها وبقت مصرره مااترك أيڤ صعدت واشوفها ڪِاعده
:- اجت ڪِعدت يمي وهيه تحجي عليه حتئ ادرس فرڪِت وجهي بعصبيه واريد اشلع شعري ،
ماااڪِدر ماااڪِدرر انواار ماسيطرر ايدي ترجف ماسيطر عليهاا هاج شوفي شوفي شلون ارجف ومديت الها ايديِ حضنت جفوف ايدي وحجت
انوار: مايصير هيج ياروحي انتِ مو تردين تڪِسرين عينه؟؟
ڪِسريها بنجاحج بقوتج وبعدين انتقمي منه شهادتج درعج الڪِامل لا تتهاونين بيها مو تردين تصيرين بالقانون صيري احسن محاميه
يصير اسمج " المحاميه أيڤين محمد عدي " هيبه الاسم تڪِفي
لا تتهاونين بدراستج واني نصحتج
:- حجيت واني مجاي اسييطر ؏ رجفه جسمي ، انووار فهميني والله ماسيطر ؏ رجفتي حتئ مااڪِدر الزم قلم
انوار: مو مشڪِله عودي روحج
:- سڪِتت واحس ڪِلامها صح اني عندي حلم وطموح لازم احققه ومااتهاون بي رحت جبت ڪِتبي وڪِعدت اراجع المواد شوي شوي وهيه فرحانه ورجعت بواهسها وياي مر الوقت وڪِالت نازله اشوف عمه
انوار: اطمن ڪِلبي من شفتها تدرس تسحبت منها ؏ ڪِيف حتئ اشوف عمه واترڪِها براحتها نزلت جوه شفت عمه ڪِاعده تحجي ويه اخوها
بقيت افتر بالبيت ضايجه دخلت لغرفه حسن مرتبه حلوه ويدقق بالتنضيف شفت ذوقه بالملابس حيل نازك وانيق ساعاته والعطور عالم ثاني ومڪِتبته والڪِتب رحت اتفقد واشوف صارلي فضول شنو نوع الڪِتب الي يقراها اول ڪِتاب شفته
علم النفس الڪِلينيڪِي ( لصلاح مخيمر)
جان هذا الڪِتاب يحجي عن
علم النفس التي سترشدك لأحدث أساليب العلاج النفسي الڪِلينيڪِي والتي منها التحليل النفسي والسلوڪِية الحديثة، والعلاج العقلاني الانفعالي بالإضافة لإعطائك منهجية قوية لتحليل المڪِبوتات داخل الحالات التي تمر بمشڪِلات مُختلفة
ڪِلشش نعجبت بالڪِتاب ومحتوائ ردت اخذه بس ترددت واستغفرت شلون اخذ شي مو الي عيب ومن غبائي وثولي ضربت ايدي ، نجبي لا تمدين ايدج ؏ شي مو الج رجعت اباوع بالڪِتب والزم بيهن
ثاني ڪِتاب- تفسير الاحلام(سيجموند فرويد)
ثالث ڪِتاب- الذڪِاء العاطفي(دانيال جولمان)
جذب نضري ڪِتاب الذڪِاء العاطفي وقريت اول صفحه منه تعريفيه
يعتبر كتاب "الذكاء العاطفي" من المصادر المهمة التي يمكن الاعتماد عليها في فهم طبائع الشخصيات على اختلافها، وفهم دوافعها، وتقبلها، واتباع الطريقة المناسبة للتعامل مع كل شخصية بذكاء
تفاجأت من حسن شعنده بهذا الڪِتاب وليش يقراه رڪِزت عيوني ؏ ڪِلمه اتباع الطريقه المناسبه للتعامل مع ڪِل شخصيه هزيت راسي بدوخه يعني جاي يتلاعب وياي امس من سوه هيج!!!
سديت الڪِتاب واني دايخه يعني شيريد مني وامس متعمد يسوي هيج حتئ يخوفني منه ويڪِرهني بي!
شفت ڪِتاب جذب نضري حيل وشدني اله غلافه جان لون احمر وبي سواد قريت اسمه
الڪِتاب الاحمر- (ڪِارل يونج)
عجبني وردت اخذه ماڪِدرت عيب لازم استأذن منه
جان يحجي عن الهلوسات اللاوعي الي تجي للأنسان شنو يشوف ويراه ويسمع من هلااوس وافڪِار واصوات حيل جاي استغرب من حسن واحتوائه ؏ هذاْ الڪِتب ليش هوا شبي؟؟
عفت الڪِتب و
سديتَ الباب وطلعتَ نزلت بالمطبخ سويت عصير لأيفين والي ، جنت صافنه بلي مرالي وصارلي قبل شهرين بالضبط وهسه جاي يصير والتعب الي سببته لنفسي شهڪِت واني اخلي ايدي ؏ ڪِلبي من سمعت صوت حسن
حسن: شبيج
انوار: درت وجهي اشغل عيوني عنه ، مابيه شي بس جنت صافنه وفززتني
حسن: اي وبمنو صافنه
انوار: درتله وجهي واني عاڪِده حواجبي ، معليك ڪِملت العصير ردت اطلع سد طريقي بجتافه ووڪِف
حسن: صايره لسان
انوار: ليش قبل بيمن احجي وخرر من طريقي لزم معصم ايدي وعصره حيل
حسن: لاتسوين روحج قويه وتتحديني احترميني لا اطيح حضج
:- دفعت ايدي حيل واني متأذيه ، شبييك خبل انت هسه من اڪِول العمه عليك يرضوهاا جاوبني ابرود وعدم امبالا
حسن: ڪِليلهم شنو المشڪِله
انوار: وخرر من طريقي وخر سوالي طريق وهوا خازني لأن طولت لساني ويا طلعتَ من المطبخ واني ادردم عليه حرام اذا صاحي والله مخبل يالله صعدت العصير والحمدلله لڪِيتها باقيه تدرس
:- بقيت اراجع بس بڪِلبي والڪِتابه شوي شوي لأن ماسيطر ؏ رجفه ايدي ومااڪِدر احجي هواي من الحاله الي بيه
حياتي جانت صعبه ومعانات والي صارلي زادها تنهدت حامده ربي وشاڪِرته ؏ ڪِلشي وياي لأن رب العالمين مايخلي عبد محتارر دخلت انوار جايبتلي عصير شڪِد احبها واحب حنيتها اصغر تفصيله تعرفيها عني تؤمي الثانيه هيه عمرها 18 هم يعني مثل الرويسيه اني وياهاا
انوار: شلونها الحلوه
:- هزيتلها راسي واني ابتسم صبتلي عصير شربت ورجعتَ ادرس ادرس ممنتبه ؏ انوار بالصدفه رفعت راسي واشوفها صافنه والقلم بيدها والدمعه ناشفه ؏ خدها نهبط ڪِلبي بلعت ريڪِي وڪِوه حجيت ، شبيج ليش تبجين؟..
ذبت القلم وغطت ايدها وبقت تبجي نهبطت عليها بالزايد هاي شبيها رحت يمها واني اهدي بيها حتئ افتهم شي منهاا
انوار: عفيه أيڤين خلي عمو بعشوي يرجعني البيتنه اريد اروح وماما تريدني ماريد ابقئ هناا
:- ليششش ليش صار شي وياج ليش هيج تحجين عضت ؏ شفتها وڪِالتَ
انوار: ماريد ابقئ هنا جاي احس بالذنب والتعب واني اتصادمت مرتين ويه حسن
:- ويه حسن!!!! يمته اشو مڪِتيلي
انوار: شبيج أيڤ شڪِلج وانتِ حالج حاال
:- لو تعب الدنيه عليه ابقئ استمعلج "
رفعت عيونها وحسيتها تريد تنفجر من الحزن وهيه تباوعلي
انوار: لا تعامليني هيج وتحسسيني طفله
:- احجيلي شصار وياج
انوار: اول مااجيت الڪِم بليل وبديت احجي الها وره منزلت من غرفه أيڤين للمطبخ ،
بالي يمهاا جنت صافنه دخل حسن بس شڪِله ومنضره مخربط شعره مهووس وتعبان وازاز قميصه مفتوحه رغم استغرابي الڪِبير لحالته بس متجرأت وسألته لأن اصلاً اني ماريد اخلق حديث بيني وبينه
بقيت ساڪِته منتضره اشوفه شنو يريد بقه واڪِفه وحالته ابد مو طبيعيه ڪِلش تعبان عبالك جان بعرڪِه فرك شعره قوي وتنهد وڪِال
حسن: تعاي للغرفه اريدج
انوار: نرعصتَ من ڪِلمته لأن حالته مو طبيعيه وزودها من ڪِال هيج ، شتريد احجي هنااا
حسن: تعاي للغرفه واذا عاندتي ياويلج
انوار: اي فهميني شترريد هذا مطبخ شڪِبره احجي هنا تدري ماادخل غرفتك اولا عيب ثانيا عمه موجود ثالثاً ميصير الي تريده هنا احجي
حسن: تعاي للغرفه لا اطفي الجڪِاااره بعينج
انوار: رجف ڪِلبي من حجايته هذا شبي تخيل رسمي لو شنوو ويهدد خزرته وهوا راح واني بقيت بالمطبخ اخذ خيره اروح لو لاا
اخير شي قويتَ ڪِلبي ورحت قابل شنو شيسولي واخلي الباب مفتوح وعمه وداد موجوده او اصلا عيب افڪِر هيج تفڪِير قابل شيريد يسوي
رحت وراه للغرفه ورجل تقدم ورجل تأخر لڪِيت باب الغرفه مردود للنص فتحته ؏ ڪِيف شفته ڪِاعده ؏ الجربايه ومورث جڪِاره وسترته بالڪِاع فتحت الباب ووڪِفت يمه رفع راسه خزرني خزره تمنيت الڪِاع طامتني ولا شايفتها
حسن: اڪِلج محسستني واحد ڪِواد يريد يغتصب وحده شريفه شبييج بابا تعاااي وبطلي تفڪِير طايح حض
انوار: فشلت من نفسي شلون يحجي هيج وڪِلامه بدون رون سايد عاد اجتفت وڪِتله خير ڪِول رجع خزرني وڪِز ؏ اسنانه
حسن: تعاي هنااا حيوانه
انوار: تأفأفات واني اضرب رجلي بالڪِاع ، لاتغلط لاتغلطط شتريد حجيت هيج واني امشيله مااشوف اله ڪِمز تراجعت ليوره من الخوف عبالي يريد يضربني
بس صار العڪِس لزم ايدي وسحبني عليه سد الباب ورجع ضهري ؏ الباب وحاصرني من الجهتين دنك راسه يحجي وياي
حسن: انه مو اصيحلج اڪِلج تعاي ليش تعاندين
انوار: بقيت ادفع بي من صدره وخايفه يسويلي شي لو احد يجي:- وخر شبيك حسن لاتخوفني دنك راسه اڪِثر يم خدي ڪِزبر جلدي من ملمس لحيه الخفيفه شلون تبزز بيه همست بثقل ڪِاافي حسن وخرر
حسن: راح اخطب هاي الايام
انوار: رغم غصت الموضوع بس جان خوفي طاغي عليه لا يسويلي شي دفعته واني ڪِلبي يدك ، اي بالعافيه عليك وخرر عني
حسن: موتحبيني؟..
انوار: جنتَ احبك هسه نسيتك وخررر عني دفعت ايده ردتَ اطلع رجعني وضهري ارتطم بجتفه رجف جسمي وبادتَ رجليه من الخوف لزم جتوفي مثل الي يحضنهم حجه وبحت صوته غــريبه صارتَ
حسن: هيج صرتي قويه وبسرعه تنسين
انوار: تعلمتَ من أيڤ الشي الي يأذي نعوفه حتئ لا ننجرح او نتأذه فـ عفتك صح من فات الاوان بس مانجرحتَ مدام أيڤين بضهري "
دفعت ايده وصعدت واني ارجف اريد بس ابجي من الخوف اول مرره بعمري هيج اتقرب من حسن وهل شڪِل يصير بينه ، وبعدين تصادمت وياا هسه بالمطبخ قبل لا اصعد الج شنو يريد مني حسن يلعب عليه لو يريد يلعب بمشاعري
:- صافنه عليها و؏ ڪِلامها ؏ حسن ابد متوقعتَ هيج يصير بيناتهم بقيت ساڪِته اسمع ڪِلامها صافنه ماعرف شنو اجاوبها افضل حل ترجع لبيتهم حتئ لا يصير شي طبطبتَ ؏ ايدها واني احجي وياها ،
اعتبري مصار شي جوز جان تعبان وهيج تصرف بدون وعي منه اعذري لأن تعرفين حسن شنو هزت راسها وهيه تريد تبجي
وبس تعض بشفايفها فرڪِت وجهي ورحت نزلت جوه اشوف حسن وين مشفته بالصاله عرفت بغرفته دڪِيت بالباب وسمعتَ جوابه دخلت وسديت الباب شفته ڪِاعده ؏ الڪِرسي الي يم مڪِتبته وڪِومه جڪِاير يمه بالنفاضه اختنڪِت وبقيت اڪِح طلعت ؏ السريع اتنفس وهوا يفتح البردات ويهفي انتضرت الدخان يروح ورجعتَ دخلت
حسن: خوما اختنڪِتي
:- لا حبيبي مصار شي رحت يمه وڪِعدت ؏ رجله حيل احتاجيت حسن بهل وقت هذا واحتاجيت حضنه من جنت صغيره شنو يصير ويأذيني اجي ابجي بحضنه وهوا ينصحني ويعلمني ويخليني ارتاح وعرفني من اجي اڪِعد بحضنه وابجي وراي شي ماتحملتَ حضنته ودفنت راسي برڪِبته وبقيت ابجي واشهك من البجي
حسن: اششش ماڪِو شي يستاهل البجي غير ربج والموت والفراق اشش مايسوه شي تبجين عليه
:- بس اني خسرت شي يسوه ڪِلشي حجيت بڪِلبي مااڪِدر اڪِله بقيت ابجي وهوا يمسح ؏ ضهري دخل لمسمعي دعاء عامر الڪِاضمي يعرفني احبه
حسن: ابجي براحتج البجي يخفف الحزن ويخفف شي داخل الانسان تدرين شغله
:- جاوبته واني حاضنته بدون ماارفع راسي شنو؟..
حسن: تدرين شنو تڪِول الملائڪِه من تشوف انسان يبجي او عبد من عباد الله
:- رفعتله عيوني بأهميه ، شتڪِول؟..
حسن: فتقول الملائڪِة :أنت أعلم فيسخر الله الملائڪِه ليضحڪِك فترجع وتقول الملائڪِة: يارب عبدك لم يضحك فتبڪِي الملائڪِة على حالك وتقول :يارب أنت أعلم ما بصدر عبدك فيسر له
وتدرين شنو يڪِول رب العالمين؟..
:- شنو!!
حسن: فيقول الله للملائڪِة إنه يبڪِي على شيء يحبه فأتعبه، وعزتي وجلالي ما خسره إلا لأعوضنه بجبرًا يتعجب منه أهل السماء والأرض..
فهذا هو حب الله لج شوفي رب العالمين شلون يحب عبده صح يبجي ويتعبه لڪِن حتئ يخلصه من شي ويجبره بشي ثاني شوفي حتئ ڪِلمات الله البسيطه شلون تريح الڪَِلب هذا حب ربج النه بس احنه وين حبنه الـ الله؟..
بشنو جاي نجازي اذا بصلاه لازم صلاتنه محبه تڪِون اله مو واجبه ،
لازم تڪِون من قلب مو من لسان محد يستاهل البجي عليه غير ربج والموت او الفراق بالحالتين نفس الشي
اسمعي بعد تدري ماذا اوحى الله الئ موسئ(؏)
:- مسحت دموعي واني اعدل ڪِعدتي واباوعله بأصغاء
حسن: رب العالمين اوحى لموسئ (؏) وقال له
" ابك على نفسك ما دمت في الدنيا ، وتخوف العطب والمهالك ، ولا تغرنك زينة الحياة الدنيا وزهرتها "
بمعنئ- من تردين تبجين لا تبجين ؏ امور الدنيه ابجي ؏ نفسج ؏ حالج والدنيه الي عايشه بيها لا تغرج الدنيه وزينتها وزهرتها ڪِلشي صار الج بالدنيه راح ينتهي بحفره وحده فـ انتِ من تبجين ابجي ؏ شي يسوه ابجي ؏ روحج و؏ عمرج الي راح ينقضي بدنيه متروسه لهو وزينه
:- احس ڪِلامه مثل مااي بارد ثلج نزل ؏ ڪِلبي حضنت راسه وبسته من راسه واني عيوني غصبن عني ادمع وتنزل دموعي من اتخيل حسن يروح من ايدي لو يسويله اشهـُــم شي بس الفڪِره ترعبني رعب ابتسم وهوا يضحك
حسن: ليش جنتِ تبجين حبيبتي ؟..
:- ولا شي جنت تعبانه من الضغوطات وبس بحضنك ارتاح
حسن: عسا ماترتاحين بغير حضني يابعد روحي
:- بسته بخده وشڪِرته وڪِمت ردت اطلع ووڪِفني صوته درتله واني مبتسمه براحه نوعاً ما
حسن: تذڪِري مقوله الامام عليه ودوم خليها ابالج
:- عقجت حاجبي بتسائل شنو هيه؟..
حسن: يڪِول الامام علي(؏)
"المؤمن بِشره في وجهه، وحزنه في قلبه،
أوسع شيء صدراً، وأذلّ شيء نفساً،
يڪِره الرِفعة، ويشنأُ السُمعة،
طويل غمّه، بعيد همّه، كثير صمته،
مشغول وقته، شڪِور، صبور، مغمور بفڪِرته، ضنين بخلّته، سهل الخليقة، ليّن العريڪِة، نفسه أصلب من الصلد، وهو أذلّ من العبد "
:- سئلته بعدم معرفه وفهم ، شنو جان يقصد الامام من ڪِال هيج!!
حسن: هوا هواي قصد بيها ولڪِل ڪِلمه قصد بس راح اڪِلج ثنين
:- جتفت ايدي ولميتها لصدري اهزله براسي
حسن: المؤمن بشره في وجهه، وحزنه في قلبه" هذاً الصفتين تڪِاسر واحد من الأُخرى، وترفع الآثار السيّئة عنه ، لأن الحزن وحده يؤدّي إلى الانڪِماش ف أنّ البِشر وحده يؤدّي إلى البطالة والبطر،
و قصده ب نفسه أصلب من الصلد، وهو أذلّ من العبد بمعنئ ، صفتين هم تُصلح واحد الئ الأُخرى، أن الصلادة والصلابة وإن جان يُقصد بيهم الشجاعة في ذات الله والمقاومة للحقّ وصدّ الباطل، يعني صيري صلده قويه لا ؏ ڪِلشي تبجين وتنذلين لاتخلين الحزن يسيطر عليج شڪِل وقلب لأن الخاسر الواحيد هيه النفس هسه فهمتيِ؟..
:- تنهدت واني مرتاحه ذبيتله بوسه بالهوئ ، اي حبيبي مشڪِوره لنصائحك وعد عليه لو تمر الف سنه وحدث ابالي هاي النصائح واللحضات الي بيناتنه ماانساها ابتسم وهوا يطك رڪِبته
حسن: نشاالله ماتنسيهم لأن هنه سلاحج لنفسج بالمستقبل
:- طلعت واني امسح ؏ ڪِلبي مرتاحه شفت بابا جاي سلمت عليه وطلبت منه يوصل أنوار البيتهم رفض ڪِاال عيب وڪِت غده وره الغده فد شوي واوديها واني صعدت فوك لڪِيته تراجع رجعتَ ڪِعدت يمها وهيه تسئلني
انوار: وين رحتيِ؟..
:- يم حسن سمعت هيج ذبت القلم وانتبهتَ الي
انوار: ليش رحتيله بس لا ڪِتيله وشصار وشحجيتو ؟..
:- هدي هدي شوي شوي محجينه شي ولا حجيتله شي بس جنتَ محتاجه حسن ورحت يمه استمع اله ابتسمت وهيه تڪِول
انوار: سجودي نفس حسن بڪِلشي ينصحني ويعلمني تدرين شغله
:- شنو
انوار: احس حسن معجب بريم بت عمو رضا
:- فتحت عيوني متفاجأه صدك تحجييين
انوار: اي والله مادري بس عيونه هيج تڪِول
:- سڪِتت واني اهز براسي اذا صدك اتمنئ اله الخير والله صاحتنه ماما ؏ الغده واني اشجع نفسي ارجع اڪِعد وياهم
بس ماريد ماريد انزعج من اي صوت ردت انزل بس ماڪِدرتَ ولا قاومت صوتهم وسوالفهم احس ينضغط عليه هيج هواي عادي تغديت بالغرفه فوك اني وانوار ونزلنه غسلتَ المواعين سويت جاي شربو وحسن عينه تخزر بأنوار وهيه تبعد نضرها شويه وڪِال بابا
محمد: انوار بابا ضلي هنا والعصر اوديج
انوار: لا عموو عفيه هسه وديني
محمد: زحمه الضهر موديج لأهلج شيڪِولون
انوار: مابيها شي عمو عفيه وديني لو تعبان
حسن: روح ارتاح يابه اني اوديها
انوار: درتَ وجهي بصدمه لحسن شنوووو اروح ويااا ، بس بس عموو
محمد: خلاص خلي يوديج محمد
:- ااشوف انوار نخرست متڪِدر تعارض او تجاوب فـ نجبت وسڪِتت صعدت لغرفتي واني وراها دخلت اشوفها ادردم وتلم بغراضها
انوار: يييمه يييمه الله يساعدني شلون راح اخلص الطريق وياا لو اني انجلط لو اجلطه "
:- ضربتها ؏ جتفها ، اسم الله فالج لا ڪِبلنا ليشة هيج تحجين
انوار: انتِ شايفه اخوج شلون صاير ينرفز مينحمل ابدد ابد مينحمل
:- تمشي وتردم بعصبيه ضحڪِت بڪِلبي عليها لمت غراضها عبالك وحده زعلانه ورجلها طاردها وحضنتني وباستني وڪِالت
انوار: لو مهما يصير ابد ماريدج تتغيرين لو تضعفين وتنڪِسرين قوتي وصلابتي اخذها منج فلا تتخلين عنهن احبج
:- حضنتها حيل واني اتنهد ، نشالله نزلت ونزلت وراها ودعناها وراحتَ
وداد: احنه رايحين انام ماما عينج ؏ روحج بس اتعبين شربي دواج
:- درت جسمي لماما ووڪِفتها ، عرفت نفسي مريضه بالقلب باوعتله وهيه متفاجأه
وداد: شمدريج ماما جذب ماڪِو هيج شي
:- لا قريت شيت الحبوب جنتَ ممهتمه للعلاج لأن عبالي علاج عادي ومال تعب وارهاق بس طلع مال قلب وضميتو عليه حتئ لا يتعب ڪِلبي ويصيرلي شي من الصدمه بس شوفت عينج الله وياي وحاميني الحمدلله حضنتني ماما وبجت
وداد: من خوفنه عليج ضمينه المرض لا تذڪِريني ماما امراضج اخذت نص حيلي وعافيتي وتفڪِيري عبالج مرتاحه واني اشوفج تعبانه واتعبين واخاف عليج يصير شي يصدمج ويأذيج
:- ذبيت نفس واني متنهده ، الحمدلله ؏ ڪِلشي ماما ولا يصيبناً اله ما ڪِتب الله لنا راضيه بڪِلشي
وهذا قضاء وابتلاء والمؤمن مبتلئ عساء ولعل رب العالمين يشافيني هزت راسها وهيه تمسح دموعها بحجابها تفطر ڪِلبي ؏ ماما رغم طمنتها بس روحي انحرڪِت ؏ دموعها رجعت صعدت فوك طفيتَ الاضويه ونمت
.................
انوار: ودعت أيڤين وبيت عمي ورحنه ردت اصعد وره مطايقه شوفته لزم ايدي وعصرها حيل رادت تنڪِسر من الاعصاب خزرني وهوا يأشر ؏ الڪِدام بدون ميحجي
فلت ايده واني هزيت ايدي هذا شبي مخبل مخبل رسمي والله صعدت واني اتأفأف ورث جڪِاره ومشه واني حشڪِت روحي بالباب دار وجهه شافني ضحك وهز راسه
حسن: الحمدلله ؏ نعمة العقل
انوار: عوجت حلڪِي وهزيت ايدي بدون مايشوفني
حسن: فوك ماعاوجبه حلڪِج هيج هسه اجي واعوجه
انوار: فتحت عيوني ؏ وسعهه درتله وعطتت بڪِل صوتي ، يييمه اعوذ بالله جني خوما جنيييي وين شفت
حسن: شفت شفت معليج
انوار: عفته واني معطبه منه لأن اذا اخلي راسي براسه اطك من قهري واموتَ
حسن: اڪِلج
انوار: نعمممم
حسن: هم عندج شارب
انوار: درتله وجهيي واني معطبه من المستحه اجيت ارڪِع العلاڪِه برراسه ، باع سؤالك الغير اخلاقي ومنطقي وسؤال سوقي
حسن: عااااشوو غير اخلاقي وسوقي ادري شسويت سئلتج شڪِد بلتي ؏ روحج
:- فتحت عيوني واني ڪِلبي يدك من الخجل والعصبييه ،
ڪِاااااافييي والله عيب متستحي
بقه يضحك من ڪِل ڪِلبه ومن الفشله والحرڪِه شلت باڪِيت الڪِلنس وشمرته عليه وهوا ولا يمه فحط فحط من الضحك
شنووو ادري بايله ؏ نفسي ومادري وسئلني هيج درت وجهي متنرفزه منه ومتضايقه شويه ووصلنه نزلت وطبڪِت الباب حيل نزل الجام ونزل النضاره للنص وصاح
حسن: ممنونين عمي لأن خليتيني اضحك حضري روحج اريدج تهزيلي هزه معدله بالخطبه
انوار: هزيت ايدي عليه وهوا راح ليش يتعمد يسوي بيه هيج حتئ يڪِرهني بي وبعد ماافڪِر بي بس بعد احسن خلي انساه وراي حياة طويله
...............
ڪِعدت العصر واني جسمي مڪِسر نومة الضهر تڪِسر وتنحل الجسم ڪِوه شلتَ جسمي نزلت جوه محد ڪِاعد طلعتَ بره رشيت الحديقه شويه وحسيت احد وراي شفتها ماما ابتسمتَ من شافتني وفتحتلي حضنهاا عفت الماي ودفنتَ راسي بصدرها واني اشم عطرها ومرتاحه
وداد: شلونه ڪِلبج
:- رفعتلها راسي اطمنها ، الحمدلله مبي شي رغم شوي تصير بي نغزات بس تروح هزت راسها ڪِملت رش ودخلنه جوه سويت الها عصرونيه وڪِعدت اتابع مسلسلات
ڪِعد حسن ڪِعد بابا التمينه انزعجت من الصوت والضجه تسحبتَ ؏ ڪِيف وصعدت فوك بقيت بالغرفه لحد مأذن ولمن وصل المقطع من ڪِال
" حي ؏ الصلاه "
هاي الجمله بالذات تسوي عندي رهبه وصوت الأذان بالجامع يخلي جسمك يڪِزبر ڪِمت اتجددتت (توضيت) فرشتَ سجادتي وصليتَ
وبقيت اردد الادعيه تنهدت واني اطلب من ربي الراحه تزور ڪِلبي
اللَّهُمَّ إِنِّي أَعُوذُ بِكَ مِنْ الْهَمِّ وَالْحَزَنِ، وَأَعُوذُ بِكَ مِنْ الْعَجْزِ وَالْكَسَلِ، وَأَعُوذُ بِكَ مِنْ الْجُبْنِ وَالْبُخْلِ، وَأَعُوذُ بِكَ مِنْ غَلَبَةِ الدَّيْنِ، وَقَهْرِ الرِّجَالِ. (3 مرات). - أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ
امين يارب العالمين مسحت برڪِات الصلاه ؏ وجهي سديت السجاده ونزلت سويت عشه وساعدتَ ماما تعشينه وڪِعدنه نباوع تلفزيون الامتحانات مابقالها فقط سبوع او اقل الاسبوع
متوتره ماعرف شنو الي ابالي بس متوتره من الي منتضرني وهذا شعور لاأرادي يصير عند الانسان مر الوقت بالسوالف وصار الليل
الڪِل نعس وحسن دوام صباحي هوا وابويه عاد راحو نامو قفلت البيت وسديت الاضويه صعدت فوك ذبيت نفسي هلڪِانه بقيت اباوع بالتلفون شويه وضهر رقمه وصورته ڪِبالي
لزمتني الرجفه وبعد ماشفت دربي نڪِطع الاتصال ورجع دك بلعت ريڪِي واني اجاوبه
فتحت الخط واجانيِ صوته المرعب
::- حنيتلج وشوڪِي جابنيِ نزليلي
:- فتحت عيوني ع وسعها وجسميِ يرجفف بخووف بلعتَ ريڪِي وڪِلبي بده يدك .. وو ووين وين انزلك
::- وخري البرده وشوفيِ 10 دقايق الڪِاج يمي
:- شتررريد ياحقيرررر شترريد مڪِافي
::- بعد 10 دقايق وتصير ب 12:00 اذا صارتَ ب 12:12 انا اجيج
الله يخليك لا هاي السالفه ابوس رجلك لاا لا
::- توسليِ بعد "
:- نجب قذرررر الله ينعل الساعه الشفتتتتك بيها ياحقيررر
::- الله يحيي الساعه والوقتَ الشفتج بي نزليييي لأن تعرفين طريقتي وهل مره انفذو لوعدي الثاني وداعتَ الاعزاز ..
:- سديتت الخط مااعرف شسوي اڪِعد حسن؟؟.. طبعا لاا يقتله بمڪِانه ماعنده مانع شسووي بقيت اروح وارجع اباوع للساعه بعد 5 دقايق وتصير 12:00
بجيت بضعف اللهيِ امتحانك حيييل صعب واني ضايعه
لبست جبه وحجاب فتحت الباب مال غرفتي وڪِلبيِ يرجف احس راح اتخربط او واحد يڪِعد من أهلي يشوفني وانلزم
اموت بمڪِانيِ سديت كهرباء البيت وفتحت الباب مال الشارع ؏ ڪِيف مشيت واني اباوع للشارع خاف احد بي او احد يطلع ويشوفني منين طالعه مشيت وبقيت اتلفت الشارع اضلم مابي ضوه بس ضوه
خفيف من البيوتَ .. شفت سيارته بالفرع
واني دموعي صارتَ تنزل مثل الشلال رفع ايده ولابس جف اسود
أشر ب اصابعه الـ 10 غلق اصابعه الـ 10 وطلع اصبعين بسرعه دك الجرس عنديِ انو صارت
بـ12:00 يمه بقيت اتلفتت هسه يطلع واحد من الجيرران ويشوفونه هسه يفز بابا واني تنتهي ورقتي بس جان الشارع اضلم محد يشووف
تقدمت للفرع محد بي بس سيارته سحبني وذبني بالسياره وره وهوا صعد ڪِدام وجان لابس ڪِاسڪِيته واسود بأسود وقمصله بيها من وره رقم 12 مخطوط بأبيض ..
السياره بيها صوت يخووف مال هدوء واني ابجي وارجف
وڪِلبي انتهئ من الخوف احس راح اتخربط واحتاجيت علاجي همس وهوا عينه ليڪِدام ؏ الشارع
نزعي ..
فتحت عيوني بخوووف ردت افتح الباب ماحسيتَ اله ضربه ع ضهري قويه رجعتني ليوره وسحبة اقسام ..
ييييييييتبع
.
.
.
.
.
.
.
.
.
المشهد الاول المنتضررر 😔🔥❤️
البارت شلوونه استمتعتو بي
الاحداث منا وراح تبدي تقوئ وتشتدد
واالله يصبرنه بالايام الجايه
ياتراه راح يصير موت ، فراق ، قتل
اشغال مجهوله حب او شنو؟..
ڪِلشي توقعو وخلو احتمالاتَ
واطلب منڪِم طلب متابعه عاديه الڪِم مو ڪِاتبه عفيه لا تضغطون عليه بتنزيل بارت 16 لأن يحتاج ترڪِيز للااحداث وشرح للشعور اتمنئ فهمتوني
#فيد_استفيد
اخطاء تلافا الوقوع فيها !.
الاستفاده: مواضيع الاستفناء عن البنات بمرحله النضوج (المراهقاات) هنه مو مراهقات ولا يشوفن نفسهن بعين المراهقه لڪِن يطلق عليهن مرحله النضوج او الڪِبر بمهاي المرحله راح يڪِون فڪِرها ونضوجها بدائي ؏ ڪِد نفسها بهاي المرحله اڪِو راح يبتعدون من رب العالمين واڪِو راح يتقربون اله خوفاً من الوقوع بخطأ حتئ يبقون بحمايته بهاي الفتره البنيه راح تحسن نفسها هيه تتعب وتواجهه امور اڪِبر من طاقتها بس لازم تتذڪِر بعد ڪِل تعب راحه وعوض جبير من رب العالمين خلي ايمانج بنفسج قوي راح يصير عندج ايمان بربج بهاي الفتره من 12 او 13 الئ اخره حاولو تتحڪِمون بمشاعرڪِم وتسيطرون عليها البنيه بهذا العمر لازم متنطي اڪِثر من مشاعرها لأن راح تتعب ولازم تعرف تختار صح بڪِل الامور غير الارتباط بهذا العمر راح يسيطر عليهم حب العاطفه فـ نص منهن الشنو يروحن للحب حتئ يسدن هذا الفراغ الي بيهن شوفو حياتڪِم شوفو الي يناسبڪِم واختارو بدقه حتئ لا تنضربون الضربه القاضيه وانتو حڪِيمين بأنفسڪِم وحياتڪِم واختيارڪِم انتو بنات قويات وڪِدها تتحدون ڪِلشي وتتحدون مشاعرڪِم والضروف الي تصير انتن قويات لا تنسن 🤍✨
هام⛔: اتمنئ الڪِل يقره هل ڪِلام وڪِلولي شنو جاي تستفادون منها شارڪِوني رأيڪِم عن موضوع اليوم ❤️
علقو بين فقره وفقره عفيه حبيبي انتو لا تنسون
علقو بين فقره وفقره حتئ لو بڪِلمه تم وحده علقو
او تفاعلو باليعجبڪِم
مهم: لاتنسون التصويت والمتابعه للحساب دادهَ🔴"
ححسابي التيك توك تابعوني عليه انشر ڪِلشي هنااك خلي نسوي 3k مبقئ شي اريد تفاجأوني بالعدد
تابعو حسابي الانستا
انشر مقتطفاات قبل القصه وتغشوشات
يلااا
في أمان الله وحفظه
الكاتبه: LARAN❤️