أسيـرة "داعـش"

part 26

#أسيرت داعش

#الكاتبه اسينات

مساء الخير عمري

لا تنسون التصويت وتعليقاتكم بين الفقرات ومتابعه للحساب

بسم الله الرحمن الرحيم 🤍.

•~••~••~••~••~••~••~••~••~••~••~••~••~•
مشهد من البارت السابق لحتى متنسون الاحداث
.
سلمت على حوراء اخذت نور وصلته للجامعه وطلعت للمستشفى وصلت الكل يعزيني واني بس ارد عليهم طبيت للغرفه

لبست الروب وكعدت بديت اشتغل نسيت كلشي شوي كدرت انسى لل10 الصبح اخذت استراحه رحت للكافتريه اشتريت مي وكفت كبال الشمس اتشمس

حسيت صوت ورايه درت وجهي ..

•~••~••~••~•
نبدي بالبارت بسم الله .
•

~••~•

نور

ورده صارتلي كلشي بالحياه يعني تخيل أنته صغير وهيج يصير بيك رغم عمري صغير بس كلشي اعرف موتت بابا ورقيه حيل اذتني

وبعدين اجت موتت ماما الي هدت حيلنه جانت حياتنه الكل يحلم بيه لانو احنه لا نحب المشاكل ولا المشاكل تحبنه طول عمرنه نصلي ونصوم وخصوصا بابا

فتحت التلفون راسلت ورده لحتى تجي تأخذني من الجامعه صدفه دخلت للانستا جان اكو طلب مراسله جايني استغربت منو دخلت للمحادثه صور شاب

صحت بصوت ناصي منو هذا يا ستار شيريد مني هستوني ردت احضره شفت كاتب

(مرحبا نور اني ضياء )

استغربت منو هوه شغلت مخي اتذكرته ردت ارد

وافقت هستوني جاي اكتب أجتي رساله ثانيه قريته ضحكت

(شلونج )

:-خير ...؟

(الي يصيبج )

ضحكت هذا شبي الرجال شفته هوه يكتب دخلت اشوف حسابه جان شخصي وحاط صورته الشخصيه بالبدله العسكريه وناشر صور عن الوطن وأشعار وصور اله والاصدقائه

وفيديوهات هواي دز

(شعجب بعدج بالجامعه )

استغربت ارفع راسي اشوف وينه كتبت

:-ها عيني ؟؟؟

(يبعد عيوني ونضرهن)

حضرته اسب بي الما يستحي الساقط

اجت ورده صعدت واني مستمره بالغلط

:-الخايس ابو حلك أن شاءالله تنفكس عيونك

:-شبيج تخبلتي

:-ماكو شي

: عيني شبيج معصبه ؟

باوعتله وهيه عيونه على الطريق سحبت ايده وعضيته أصيح وهيه تصيح

:-يااا ولج خنسوي حادث يبووو يا علي دخيلك ربيييي ولجج وخري مجلوبه جلبه وخري مني

واني مستمره اخر شي انضربت على راسي صحت لازمه راسي

:-شبيج انتي مخبله هيج تعضيني

:-انتي اسكتي

همست بصوت ناصي

:-لبالك جلب كاعد يمي

:-ماكو غيرج

سكتنه اثنينه كلت

:-جوعانه اني

:-والله واني هم نطلب لو نروح ناكل

:-لا لا اطلبي واهم شي ببسي لتنسين

:-اي هوه هيج ..وصلنه شفت جعفر صحتت

:- يبووو هم أنته

شافنه ضحك واجه يمنه هستوه اجه عطت بي

:-تمشي لو شنو

:-حفظته افضحك يله فضحيني

:-جعفر تره مالي خلكك تولي لا هسه اجي ادوس ببطنك وبطن الخلفك خلفه زر**

جرتني ورده تضحك دخلت وهيه ميته ضحك عليه لانو طريقتي بالكلام تضحك خصوصا من اتعارك هيج يصير عندي واتس حتى إذا العركه عاديه اني اكبره

:-خيولي بعدج تحجين وياه وتوصخين لسانج

:-جلب شكد اكرهه ابو

:-ما كافي اسكتي

:-خلي اكوله

:-لا

:-هوه شنو بكيفج ديله ابو بوله

:-ههه عابت

•~••~•
ورده

حسيـت صوت وراي يصيـح باسمـي درت وجهـي على مصـدر الصوت اشوف منـو جـان اشوف حسـن يمشي ويباوعلي تقرب يمي نزلت راسي عيوني على الكلاص العب بي

حسـن:-البقيه بحياتج ورده الله يرحمها ويغفر لها ويصبركم

حجيت واني منزله راسي

ورده:-تسلم وحياتك الباقيه

حسـن:-هستوني نزلت ودريت اعتذر مجنت موجود

باوعتله رافعه حاجب

ورده:-انتَ صـدك تحجـي ؟؟

واذا ما جنت موجود شصار أنتهه العالم مثلأ ؟

شكد اتصلت عليك وشكد دزيتلك مسجات بس انته ابدا ماكو ولا مهتملي منو كلك امي ماتت منو عمار مو لو ضياء ها منو كلك ؟

حسـن:-عمار كلي كتلج مجنت ادري

مخليته يكمل كلامه

ورده:-اي لو ما عمار اصلا ولا عبرتني اكيد كلولك روح عزيه مو ؟

حسـن:-ورده

ورده:-رجاءا كافي اسكت تره تعبانه وروحي واصله الخشمي كوه واكفه وتعبانه حيل مالي خلك

_اهفي على وجهي اريد اتنفس وما اريد ابجي ليش اضعف ليش احس كـل قوتي جاي تروح

بجيـت حيل امسح بعيوني أخذ مني الكوب ذبه راد يلزمني وخرت مانعته

ورده:-وخر وخر مني ما اريدك إنتَ واحد جذاب واناني وحقير تضحك عليه أنتَ

حسـن:-صدك تحجين ليش جاي تبجين انتي منا عيونج رايحه كافي امشي للغرفه روحي واني الحكج

مسحت عيوني اباوعله ولامه ايديه الصدري كلت قبل ما اروح

ورده:-انتَ واحد جلـب

رحت امشي امسح بعيوني طبيت للغرفه كعدت امسح بوجهي شوي وطب كلت

:-انتَ شجابك

:-تره المفروض ما احجي وياج لانو زعلان منج بس شنسوي بعد .

اجه كعد كبالي على الكرسي منزل رأسه واني بكل عين صلفه اباوعله رفع رأسه بسرعه نزلت راسي

تقدم حجه يباوعلي

:-اسـف ورده المفروض ابقى وياج بهيج وقت بس والله تعرفين انتي شكد غاليه بس مثل ما مكتلج جنت ملتحق راسي ما اكدر احكه

رجع انتجه على الكرسي ويحجي

:-اي المفروض انتي تعتذرين مني مواقفج كثرن وردايه

صرخت بي

:-لتكول رودايه

رجفت كلي من اسمعه اتذكرهم

:-واذا كلت ليش ؟

:-هذه بس اهلي يكولوه

:-اممم ..سكت واني هم سكتت

:-اي شتريد جاي لهنا

:-هيج ...

سكتت لزمت الفايل افتح بي بديت اكتب وكله تمخرط اكتب كتابه لاتينه وخطي اعوج وأيدي ترجف ما ادري احساسي شنو

هوه ساكت واني ساكته

اتصلت نور اخذته رديت

:-ها نونه

:-السلام عليكم انتي اخت نور

:-وعليكم السلام اي اني بس منو وليش داك من رقمه

:-اني صديقته نور اتخربطت تعالي اخذيه

كمزت خايفه :-شنو شصار

:-فدوه تعالي وتعرفين

غلقته خايفه وارجف حيل حسـن يكلي شبيج وشبيه نور اخر شي عطت

:-اختي متخربطه اريد اروح اشوفه

:-تمام تعالي بسيارتي ...رحت اخذت جنطتي واركض وهوه وياي ركبت بالسياره بسرعه ساق كتله على جامعته ويمشي سريع حيل خايفه

ايدي على حلكي ابجي لزمني من ايدي باوعتله ابجي

:-ما بيه شي والله

ابجي واشهك

:-شنو ما بيه شي حسـن اني ما بقالي غيره اكسره اذا تعوفني منو الي بعده

:-ااش شهل الحجي.. وصلنه نزلت بسرعه وهوه ورايه ردت اطب مقبلو يطببوني واني من الخوف نسيت كلشي اجه حسـن انطاه بسرعه طبيت اركض اتصلت على نور ردت صديقته

:-وين انتو

:-احنه بغرفه الاستاذ ****

:-تمام ..اني اركض وحسـن بس يريد يوصل يمي رحت طبيت للغرفه مالت الاستاذ شفته كاعده على الكرسي ولازمه رأسه وشباب وبنات فوك رأسه

رحتله كعدت يمه بسته برأسه حجيت بهمس :-شبيج نور خيرج

:-اريد ارجع فدوه ورده تعبت

:-تمام ..باوعت الحسـن هزلـي رأسه راح حجه وي الاستاذ نوب راح طلع مدري وين شوي واجه شال كتبه طلعنه اني لازمته

كتله واني اعدل بشال نور

:-فدوه حسـن شيل جنطتي جاي اتاذيني

:-جيبيه منريد شي يأذيج

باوعتله عيوني بي نص خازرته وهوه يضحك يحاول يستفزني مشه كبالي حط الغراض بالسياره وره كعدنه اني ونور وره ركب كال

:-اي عيني وين تردن ترحن

:-للبيت

باوعلي رافع حاجبه

:-دكومي كعدي بالصدر يله ..

:-ما

:-وجعا كومي ركبي يله

عيبت علي ضحكت نور من عيب عليه كمت نزلت ركبت وياه ونور ليوره طلع قرآن صوت هادئ كلش حلو بصوت السيد الصافي ارتاحيت واني اسمعه

غمضت عيوني ساكته ونايمه حجه حسـن

:-اي نور شلونج صحتج شلونه

:-بخير حسن تسلم

لحد ما وصلنه نزلنه وهوه كال حيجيب سيارتي طبينه للبيت حوراء رجعت البيته للبصره خطيه هيه هم هواي تعذبت ويانه اسبوعين هيه بس هنا عايفه بيته ورجله علمودنه

:-خيرج نور ليش تخربطتي

:-بطني وراسي هاجن عليه واحس اريد اتقيئ

:-شو تعاي ..لزمته افحص بيه

:-افتحي حلكج ...سدي..أخذي نفس ..اي ..منين توجعج بطنج ..منا ..لو منا ..شو ايدج

:-ولج كافي مو فحص هذا طيحتي حضي

:-اي شبيج اليوم اخذج للدكتور يشوف حالتج

:-لا ما اريد اروح

:-نجبي غصبا عليج يله روحي فوتي راح اطلب اكل مالي خلك اطبخ وتعالي غسلي مواعين

:-تمام بيتزا مو تنسين

:-ههه تمام ..طلبت ورحت نزعت بس حطيت يمي الحجاب والعبايه حتى من يجي الطلب اطلع اجيب

رحت سويت كم شغله رغم البيت نضيف حوراء منضفته اتصلت بيه تشكرت منه وهيه بس تغلط وتكلي

:- اختج اني ما بينه ذني السوالف

واني اضل ابجي وأتذكر رقيه دك تلفوني لبست الحجاب والعبايه مستعجله واحسب بالفلوس طلعت فاتحه الباب صار بوجهي جعفر واكف بباب البيت

يباوع ويضحك لبالك مخبل اخذت الطلب انطيت الفلوس مدري جان ببالي رحت ركض ترست مي واشوفه واكف بنفس مكانه شلته على كيف والحجاب على راسي

طلعت الشارع وألمي جوه كتله

:-ممكن تساعدني اريد اشيل الزباله (تكرمون)

اجه يركض هستوه جاي يعبر شلت السطل وذبيته علي هوه بسرعه زلك ووكع وكع متألم لازم صفحته كتله واني امسح على صدري

:-تستاهل

طبيت بسرعه للبيت سديت الباب قفلته شفته من الشباك كام وكف راد يروح زلك مره ثانيه واني بس اضحك عليه اجت نور

:-ضحكينه

:-ههههه لا تعاي شوفي شسويت اجت تشوف وياي ابتسمت

:-ولا تبطلين سوالفج ..

:-ليش ابطلهن

:-اي سولفيلي

:-چـا تعاي اسولفلج

اخذت الاكل فتحته حطيته بالمواعين اخذته كعدنه ناكل ونسولف

:-شوفي هاي جنه صغار هيج قريب اني ثلاث سنوات ورقيه خمسه انتي جنتي اعتقد هستوج جايه ما ادري

اي فجنه بالبصره عادي كل يوم نفس الروتين ومره عمج تتعارك ويانه فتكول ماما اني جنت وكيحه ومحد يكدر على لساني

:-هههه

:-اي والله شبيج ..اي فشنو جنت كاعده اكل امي مسويتلي اكل فعادي طبت مره عمي تحجي على ماما تكول ماما حجيتي كلمه خليتينه صافنين تكول ضلينه صافنه بوجهج

:-شنهيه

:-ما مااكول

:- فدوه كولي شكلتي

:-يوو هوه شوفي طبت مره عمي جانت لابسه دشداشه قصيره والصراحة اني سمعت هذه الكلمه من الشارع ولد المنطقه يكولوه فاني الثوله استخدمته بمكان غلط وزمان غلط

:-اي غير اعرف شنو هيه

:-******

شهكت فاتحه عيونه تباوعلي ابتسمت اباوعله

:-سم شبيج

:-صدك كلتي هيج

:-اي والنبي بحيث بابا كتلني بيه وهاي اول مره يضربني واذا اكلج اني ما متندمه انوو حجيته واتمنى هسه اشوفه واكوله مره الثانيه

:-ههههه بس كفوو

ضلينه نسولف لحد ما اتصل جدي فتحت الخط احجي واكل

:-ها جدو شلونك ...بخير احنه الحمدلله ..انتو شلونكم بيبي شلونه ..ليش اكو شي ...لا جدو بس احنه هنا مرتاحين ..واذا وحدنه جدو قابل نخاف ....ما ادري والله ..اي ان شاءالله...لا ممحتاجين شي ..باي

:-شكو ؟

:-يكول جدو تجن للبصره كتله ما ادري كال من تردن تجن كللي

:-ليش شنو السبب ؟

:-ما ادري اكو شي لعد يوم الجمعه نروح للبصره

:-بدون ميدرون

:-اي

كمت رحت غسلت ورحت للغرفه لزمت التلفون اشوف بي دخلت على الفيس حسـن ناشر حاله

صوره اله بالبس العادي وكاتب جوه الصوره

"وانيِ احُبهـاَ "

ابتسمت مستغربه

من شفت كاتب جوه

"ولكنها عنيده "

بسرعه رديت علي كتبت

:-؟؟؟

شافه وما رد رفعت حاجبي مستهزءا صدك يحجي هذا اجاني فضول اريد اعرف المن يحب منيه اعرفه خاف وحده من صديقاتي رجعت كتبت

:-ليش مترد

:-ها

:-منو التحبه ؟

:-وحده مخبله وعقله صغير وثوله وغبيه

:-هاي شبيك منهيه كول اسمه صديقتي وحده من صديقاتي لو وحده ما اعرفه

:-تعرفيه كلش أكثر من روحج

رفعت راسي اشوف بالمرايه ساكته منو هاي يربي ضليت افكر بعدين طلعت من المحادثه شعدي جاي اراسله مخبله اني

رحت راسلت صديقاتي وسويت كم شغله ونمت كعدت الصبح بدلت وطلعت للمستشفى رحت داومت دوام كامل من طلعت اجه عمار عليه

:-سلام شلونه وردتنه القويه

:-هلا بخير انته شلونك

:-بخير صدك البقيه بحياتج اخيتي اعذريني والله ما صحتلي فرصه اجي تدرين جياتي قليله للبغداد

:-وحياتك لا عادي عاذرتك

:-اي وين حترحين

:-اروح اجيب نور واروح للبيت باجر نريد نطلع للبصره

:-شعدج

:-هيج نشوف بيبي وجدو مشتاقيلهم ..هز رأسه ساكت اني هم سلمت ركبت بالسياره لمن مشيت هوه راح وصلت اخذته ورحنه للبيت

بديت أرتب ملابس الي حناخذهن ويانه للبصره اخذت ملابس مالت يومين جهزت نفسي غسلت وكعدت تدهن برجلي الي صاير الجلد يتشلع اضل بس ابجي لانو حيل ياذيني وكوه امشي الا لفاف احط

غسلت وجهي امسح بعيوني رحت نمت كعدت الفجر بسرعه بدلنه وتريكنه رغم منشتهي من الصبح بس طلعنه وبس نمشي بحيث كلساع اوكف ارتاح بعدين اكمل للظهر يالله وصلنه الشارع فارغ

نزلت شايله الجنطه بايدي دكيت الباب ابتسمت من طلعتلي بنت عمي قدس الصغيره عمره 6 سنوات

بوسته وهيه بس تضحك طبيت ليجوه جان الكل كاعد جدي من شافنه أنصدم وبيبي ضلت صافنه بوجهنه لبالك شو مسوين الكل صافن بوجهنه واني ونور صافنين عليهم

كلت

:-السلام عليكم

ردت بيبي تمسح بوجهه:-يا هلا وعليكم السلام هلا حبيبه تعالي خلي ابوسج

رحت يمه ابوس بيه وهيه تبجي واني ابجي

:-يا هلا بحفيدتي ببت ابني ولج يمه مشتاقتلجن ياريت اكدر اجي يمجن

سلمت عليهم كلهم وهمه واحد يتهامس وي الخ

حجيت :-شكو اكو شي

حسيت صوت من وراي يحجي استغربت سامعته هذا الصوت وين درت وجهي اشوف

شايفته بس وين رجال مزين لحيته وطالع شوراب واكو ضربات بوجهه وشعره طويل وجسمه عباره عن ضربات

جدو بسرعه صاح

:-اطلع بره لك اني شكتلك

باوعت الجدو حجت مره عمي

:-عمي عوفه اساسا هوه راح يعتذر منهن

:-شكو شبيكم يمعودين شصاير ؟؟

:-ماكو شي جدو ماكو شي امشي لك

صاح بصوت عالي
كلت

:-انتَ منو ؟؟!!!

نزل رأسه يحجي

:-م مصطفى

فتحت عيوني لطمت حيل على صدري مصدومه من الي جاي اسمعه الكل ساكت نور لازمتني حيل من ايدي واني ارجف اتذكرت من جرني واخذني

صرخت ابجي ايدي على اذاناتي احاول امنع روحي ما ابجي كله جاي اتذكره موتت رقيه كله بالي صرخت ابجي ورحت بسرعه علي اضرب بي .....

:-ليييييش .....

يتبع 🔥...

القفله ارائكم 🙊

حسوي فقره تكون اكولكم انوو تتوقعون شيصير بالباررت الوراه

ورده تقره تعليقاتكم فعلقو

شتتوقعون حيصير بالبارت اليجي ؟

لتنسون التصويت وتعليقاتكم بين الفقرات فقره فقره ومتابعه للحساب عود مثلا ليش متابعوه ؟

هذا lrayh1234

اتفاعلو لحتى اكمل

احبكم باي