أسيـرة "داعـش"

part 25

#أسيرت داعش

#الكاتبه اسينات

البارت 25

لا تنسون التصويت وتعليقاتكم بين الفقرات ومتابعه للحساب

بسم الله الرحمن الرحيم 🤍.

•~••~••~••~••~••~••~••~••~••~••~••~••~•
مشهد من البارت السابق

:-امي امي علي فدوه الحكلي ..

:-شبيه

:-ما ..الكلمه متطلع مني كعدت بالكاع ابجي واشهك هوه من شافني هيج

:-شبيج ورده

:-ماتت علي ماتت فدوه سوي شي ...

•~••~••~••~•
بسم الله

ابجي حيل عيوني راحت واني بس ابجي والطم روحي تحترك واني اصدك انو راحت من كلت هيج دفعني ودخل بسرعه

وكعت سانده راسي على الحايط ابجي حيل وأيدي على كلبي راحوو ثلاثتهم راحو ليش هيج ليش مكتبولي انو اشوف موتهم

بس صوت صريخ نور وعلي الي يصيح بيه البيت نكلب بالصياح صديقات ماما وخالاتي الكل اجه ما اريد اصدك

طبيت للغرفه ما اريد اسمع شي سديت الباب رحت نمت على الجربايه مغطيه وجهي ابجي واحجي بصوت

:-يعني بعد ما أصيح ماما

يعني من اطب للبيت ما اشوف وجهه

ليش هيج يربي راضيه بقضاك يالله

غمضت عيوني بالم كلبي يوجعني حيل احس هيج كلبي جاي يتكطع روحي توجعنـي

كمت بسرعه من سمعت صوت نور تصيح باسم امي
طلعت بسرعه تبجي وتصيح

:-جيبوهه ليهنا اريد امي اريد اشوفه كبل مدفنوه ليش تمنعونه من شوفته

باوعت الخالتي الي تبجي صحت

:-جيبوه ليهنا مستحيل اريد اشوفه لتمنعونه من شوفته

ابجي واحجي اريد بس اسكت رحت يم نور كعدت يمه حضنتني تبجي بادلته ضامه راسي ابجي حيل وارجف

شوي وجابو جنازته جابوه بالتابوت ولافيه مغطين وجهه رحت اركض أصيح وكعت يم رأسه احضن برأسه وخرت الجفن عن وجهه

ابجي وأشوف وجهه ابيض وبارده حيل ابوس بيه ونور مو احسن من حالي

:-ولج يمه حبيبتي اروحلج فدوه ولج ليش رحتي وعفتينه منو النه بعدج ها احجي منو النه ليش عفتينه

يا يمه كسرتي ظهري وعلي كسرتي .

لطمت على صدري احس نار بصدري موقف ما أنساه من اخذوه يدفعون بينه احنه بس نريد نوصل يمه

:-ولكم عوفوه لا وللللج يمممممه حباب بس اشمه بس ابوسه فدوه لتخاذوه لا عوففففه

نور تتعارك وياهم واني بس اريدهم ينزلوه بعدني ما شبعت منه اريد اشبع عيوني بشوفته اتعارك وياهم وأصيح

اخر شي ما احس الا وواحد ضربني راجدي حيل وكعت بالكاع ابجي لازمه خدي أخذوه وروحي راحت وياه كتله

:-سلميلي على بابا ورقيه كليلهم وردايه اشتاقتلكم

كمت اسحل بروحي سحل طبيت للغرفه نمت بوضعيه الجنين ابجي حطيت ايدي على حلكي اصيح بصوت عالي كوه مر الليل

كعدت واكو ثكل على بنطي فتحت عيوني شفت نور نايمه على صدري وحاضنتني حيل وخرته على كيف فزت تباوعلي عيونه حمر دم ومنفوخه يخوفن

كامت تفرك بعيونه نزلت راسي ما اعرف احجي ما اعرف اواسي رجعت حطيت راسي على المخده هيه رجعت على نامت على أيدي حضنتنه ابجي بصوت ناصي

وهيه تبجي وياي بسته برأسه احجي وصوتي رايح

:-كومي حبيبتي كومي حتى نروح للمقبره نشوفه

:-اوف ورده بعد منسمع صوته يعني بعد ما عدنه ام ..تبجي

:-ااش شهل الحجي اني امج يروحي

حضنتني أكثر تبجي واني ابجي طبت خالتي باوعتلنه وتبجي كالت

:-كومن يمه هم يالله نروح للمقبره ونرجع نسوي الفاتحه

هزيت راسي كمت غسلت وبدلت ما اعرف شسوي وخايفه حيل طلعت الكل جاي شافتني بيبي كامت تبجي اجت حضنتني

:-اخخ يورده اخخ يحبيبه الله يصبرج ..ضلت حجي واني ابجي حيل

رحت كعدت يمهم جابولي ريوك مقبلت اكل شوي واجت الكوستر ركبت كعدت وبصفي نور كل ما اوصل للنجف احس روحي تروح

أكثر من الساعتين واحنه بس نمشي وصلنه اباوع المقبره وعيوني دور عليه اريد اشوفه لمحت كبره واسمه مكتوب رحت ركض ابجي

:-يمهه يممممه اجيتج ..اركض حيل واعبر بين الكبور اني الي اخاف ادخل للمكبره هسه امشي بين الكبور وصلت يمه كعدت بسرعه يم كبره اشيل بالتراب ابجي

على حالي وعلى الدنيا الغبره وعلى حضي المضحم الكم حيل وابجي وأعاتب

:-مستعجله ليش ما فكرتي بينه ليش هيج سويتي ها ليش مستعجله لنومت الكبور ولج يمه كومي احجي ويانه فدوه والنبي لحد الان ما مصدكين

كومي فدوه اروحلج لو الله ماخذني الي ولا اخذج ليش هيج يا يمه ولج روحي راحت بعد المن نصيح يمه ها

بعد من اطب للبيت المن اشوف ليش هيج عفتينه ورحتي والله ييمه فراكج يوجع الكلب والنبي حيل يوجع

نور تصيح نايمه بصف قبره واني لازمه التراب بايدي وادك علي تقربت أكثر اشتم التراب يدخل بخشمي

جرتني بيبي تبجي :-كومي مو زين يمه

:-ما عوفينــي امي هاي خلوني اشبع منهه

البنات يبجن ونور تحجي وي امي

:-ليش يمه هيج عندج عادي تعوفينه تدرين انتي راح ننذل ها تدرين كلش زين انتي حجيته كومي يمه كومي يطيبه يحنينه يامـي ليش هيج تسوين بينه ها تدرين احنه منكدر نعيش بدونج وبدون ريحتج منو بعد يصيحلي نونه ها منو بعد يصيحلي نويره كومي يالله كومي

كومتني حوراء امشي ومحني ظهري رحت ركبت بالكوستر ونور يمي نايمه بحضني رفعت ايدي أودعه

:-ديري بالج على نفسج حبيبتي

نمت من التعب ما كعدت الا على صوت حوراء

:-كومن عمري وصلنه

كمت فتت للبيت هوسه حيل شفت جدي باوعلي اجه حضنه واحنه نبجي وهوه يهدي بينه

واحنه ماكو بلسانه

:- جدو امي راحت ...وهو بس يهدي بينه ويكول هذا قضاء ربج رحت الغرفه غسلت وكعدت لازمه التلفون مطلعه صورته ابجي ثلاثه ايام مره على وفاته سوينه الفاتحه صارت كلش جبيره حتى جيرانه الي بالموصل اجو

اسبوع واحنه ميتين عليه كل يوم ابجي روحي تريده

كعدت الصبح كمت غسلت وتوضيت رحت لبست العبايه مالت الصلاه وصليت وكعدت أقره قران بصوت ناصي على كيف دك التلفون مهتميت عيوني بالكلمات ارتل

تجي الرسائل للتلفون كمت بدون ما اشوف منو طفيته وشمرته كعدت بمكاني اجتني حوراء

:-ها عمري كعدتي

باوعتله هزيت راسي

:-كومي اكلي يله سويت ريوك

حجيت واني اكلب بالصفحه
:-ما أشتهي

طبت للغرفه وسدت الباب اجت كعدت يمي لازمه رجلي

:-ورده ميصير يروحي لازم تتقوين إذا مو النفسج الاختج اذا تشوفج هيج تتدمر لازم تواسيه لو تشوفيه حابسه روحه بالغرفه اذا تشوفج هيج حقه

:-ما اريد حوراء كلبي يوجعني كلش ما اكدر اني ضعيفه مو قويه

:- منو كال ؟؟

:-اني كلت

:-لا مو ضعيفه هيه الي شافت ابوها واختها ماتو والي شافت اشكال الوان ترديه ضعيفه لا بالعكس أنتِ اقوه وحده شفته واحييج على شجاعتج لو وحده غيرج جا ما تحملت انتي قويه ابدا لتحجين وتكولين اني ضعيفه

نزلت راسي ابجي

:-يول لتبجين دحكي

باوعتله عيوني مدمعه

:-من تضحكين تصيرين احلى لتبجين بعد راحت الدار ربه هوه هذا يومه نكدر نعترض على حكم ربج ؟!

:-اكيد لاا

:-اي فشنو كومي هم ميصير عندج مراجعين ومرض كومي التهي وارجعي الشغلج والحياتج امج تره مترتاح اذا تشوفجن هيج فريحي كلبه اعتني باختج وبنفسج

لتضلين هيج تمام

هزيت راسي

:-يله كملي وتعاي حتى نتريك وصيحي النور واحجي وياه

:-تمام ...سديت القران كمت غسلت وجهي طلعت لبست الحجاب اخذت التلفون فتحته شفت مكالمات هواي سديته حطيته على الميز وطلعت رحت الغرفه نور

طبيت جانت نايمه فتحت الضوء

:-طفيي

:-كومي ..سكتت دارت وجهه تباوعلي كامت عدلت كعدته تحجي

:-ها

ما ادري شحجي احس الكلام ميطلع مني

:-نور كومي خلي نتريك

:-ما اريد روحي انتي

رحت يمه كعدت هيه باوعتلي نزلت رأسه

:-شوفي ماما هسه ارتاحت حياتهه جانت عباره عن مرض بمرض ارتاحت هسه وهيه بمكان عظيم وذا نصل احنه هيج بس نبجي وندك ونلطم هيه مراح ترتاح لازم نصير أقوياء وانتي ادعيله

:-و ورده ما اكدر كل يوم احلم بيه كل يوم اشوفه من نام مرات اني اغصب روحي على النوم حتى بس اشوفه

:-ياريت اشوفه ياريت تزورني ...يله كومي خلي ناكل ومن باجر نرجع للدوام

:-مالي خلك

:-لا يله كومي ...حريته من ايده للحمام غسلت وجهه طلعنه لازمته من ايده طبيت للمطبخ جانت حوراء تسوي بيض شافتنه ابتسمت

:-يا هـلا صباح الخير

:-صباح النور

:-يله تعالن جهز الاكل خلي ناكل

كعدت ساكته صبت جاي بديت اكل اكلت كملت كمت غسلت ردت اغسل المواعين ما خلتني اغسلهم حجيت واني امسح بايدي

:-حوراء ما ادري بيمن اجازيج بس شكرا على وكفتج ويانه

:-تنجبين لو اجي اجببج

ابتسمت منزله راسي

:-حبيبي انتي اختي ميحتاج تحجين هيج ااذا اني ما اوكف وياج منو يوكف اختج اني ورده لتنسين

هزيت راسي رحت الغرفه كعدت صافنه وافكر شحيصير فززني صوت التلفون يدك رحت اخذته جانت مكالمه من عمار

رفعت راسي مغمضه عيوني مالي خلك جاوبت بس حطيته على اذني اجاني صوته خايف ويحجي

:-ورده ؟

:-ها عمـار

:-البقيه بحياتج هستوني دريت

بجيت:-حياتك الباقيه

:-لتبجين الله يطيح حضي اني اغبر شلون ما خابرتج بس والله جنت ملتحق هستوني دريت الله يرحمها ويصبركم

:-تسلم لا عادي اساسا صارت فجاء

:- والله جنت ملتحق راسي ما اكدر احكه هستوني دريت يمي الولد يدكون عليج ماكو متردين

:-جنت مالي خلك افتح التلفون

:-حجيج اكو احد يمج ؟؟!

:-لا لاا يمي بنت عمتي ما اكدر واسااسا مو وضع زيارات

:-تمام شوكت داومين

:-يجوز باجر ادوام بالمستشفى

:-تمام مثل مكلت الله يرحمها ويساعدكم

غلقته منه رحت دفنت وجهي بالمخده ساكته مغمضه عيوني

ضليت هيج لحد منمت وهيج روتيني بس نوم كعدت الصبح كمت غسلت وجهي طلعت ملابس لبست وكملت لفيت الحجاب

باوعت للمرايه وجهي اصفر وجوه عيوني سواد مو طبيعي ومنفوخات وشفايفي بيض ايدي ترجف يدل على فقر الدم الي اشتد عندي

سلمت على حوراء اخذت نور وصلته للجامعه وطلعت للمستشفى وصلت الكل يعزيني واني بس ارد عليهم طبيت للغرفه

لبست الروب وكعدت بديت اشتغل نسيت كلشي شوي كدرت انسى لل10 الصبح اخذت استراحه رحت للكافتريه اشتريت مي وكفت كبال الشمس اتشمس

حسيت صوت ورايه درت وجهي ..

يتبع 🔥...

•~••~••~••~•

بارت مفاجئ 🙊

تصويت +تعليق بين الفقرات+متابعه الحساب

عفت الدراسه وكتبت الكم بارت

تصبحون على خير لوزاتـــي

في حفظ الرحمــان 🤍