الكاتبه: LARAN❤️
شمالها عيونك نستني..
ويامرايه الغرتك هيج وعفتني..؟
كمت اشوفك تهوى غيري..
بيش غثنك عيوني وغربتني..؟
" العـــد التنازلـــي 2 "
( ليالي الجحيم12:00 )
( part 12 الـ)
مهم: لاتنسون التصويت والمتابعه للحساب دادهَ🔴"
علقووو بين الفقرات وتفاعلو
اريد تفاعلڪِم للقصه ونشرڪِم عليهاا
حتئ تصعد ويزداد نشرها واعرفڪِم ڪِدهااا
يلا انطلقوووو
.......................
.
.
.
.
.
مِن أحُضنك أحضُن الدنيا بديّا
حَبيبي وغالية عِيونك عليةَ 🔥❤️ .
:- بقينه نحجي شوي وانڪِطع الاتصاال من يمهاا رفعت راسي واشوف رقمه يتصل ڪِمزت ؏ السريع واني اقفل الباب ومتوتره وايدي ترجف
بقيت اباوع بأرجاء الغرفه اريد اجمع ڪِلام واحجي وياا ماعرف شحجي عصرت راسي بشڪِل جنوني
اخير شي فتحت الخط واخذت نفس صاامتت وبقيت ساڪِته وعيوني تزرزر بالغرفه منتضرته يحجي لحد مانطق ڪِلمته الغريبه
" اتحملي ڪِل وجع قريب منج "
بارت 12
بلعت ريڪِي وحجيت بعصبيه بودي اڪِله لو هوا ڪِبالي ، شترريد ياحقيررر سڪِتني صوته ورجف جسمي من الخوف من عاط بيه
" حددددددددج يولي حددددج "
:- ڪِمزت متراجعه ليوره من حده صوته الي يريد يطلع من الشاشه ويلتهمني بقيت اتنفس سريع اريد ارڪِز بشي واحد ما يتلوهني والي هوا صوته وتقربت يم الباب اشوف حسن صوته طالع او لا بس مسمعتَ اي صوتَ
حجيت وصوتي بي رجفه من عصبيته ، شترريد مني خبلتني شتررريد
" ارريد اتعبج مثل تعبيي بت القندره "
:- هزيت راسي بعصبيه لااا تغلط لااا تغلط ياحقيرررر شترريد مني تعبتت اي يله تعبتتت شتريد بطل لعبتك القذره اهلي خط احمرر ضرني قبل لا تضرررهم فاهم لووو لاا
" وراح اضرج لااا تخاااافين راح اضرج والله "
:- حجيت بثقه عاليه ، مايهزني شي منك تعرف ليش لأن ماضهرت ڪِدامي وواجهتني
" حدري هينه يوولي وخلي ڪِلامي ترجيه بأذنج ، لألعبج واجرج جر وانتِ الممنونه "
:- زيين ليشش ليش شتريد مني بس ڪِلييي
" من تشوفيني تعرفين شنو اريد منج "
:- احتدت ملامحهــا الشرسه والغضب بان بين عيونهاا وشرارها دل بعروقها وحجت بغضب ، واني ڪِلش راح انتضرر شوفتك هاي
" راح تبجين دم من تشوفيني والله "
:- اڪِرررهك واموتت منك وحاقده عليك ياحقيرر ومتطفل وساافل وڪِل حقاره الدنيه وابشعها بييك
" ول ول ول هذا ڪِلو بيه وانتِ بعدج مشايفه شي يولي لو تشوفين عجل شلون؟..
:- اندمك بوقتهاا والله اندمك
" لج زماله والله لو اڪِضبج لطرج طرين بالڪِاع
" وادفعين الثمن غالي مو رخيص "
:- جاي احجي وسد التلفون بوجهي احس اشتعلت برڪِان من النارر والعصبيه بس ارتاحيت من ناحية وحده انو هلوستيِ خطأ واحساسي ڪِذب انو حسن هوا نفسه 12
دوخنييي دوخنيي خلاني اشك حتئ بأخويه يربي ذبيت التلفون وراسي احسه راح ينفجر من التعب النوم جفئ عيني وماعرف شسوي وشنو اتصرف بعد
لأن دختتَ ڪِمت وڪِفت ڪِبال الشباك واباوع ؏ هدوء الشارع فتحت الشباك وضرب بوجهي نسمه بروده بارده
شغلت دعاء عامر الڪِاضمي ورجعت يم الشباك غمضت عيوني ورجعت راسي للشباك واني لامه ايدي لصدري بضيق حااال وتعب
دموعي بده تنزل مختنڪِه حيل مختنڪِه بقيت اتنهد واجر حسره مره وره الثانيه فتحت عيوني ورمشت رمشات متتاليه واني ابااوع للسما واناجي ربي واشڪِي اله ،
اللهي انتَ قوي للضعيف ومعين للفقير ومساعد للمحتاج ومخلص ڪِل شخص من مصيبه وڪِرب اني عبده بين ايدك ضعيفه اشڪِي همي يمك خلصني من ڪِلشي يضرني
ماعرف شلون راسم حياتي وراح امشي ؏ هل خط والامتحان بس اللهي تعبانه اني تعبانه وخايفه من ڪِلشي يمي ،
بقيت ابجي بدموع حاره احس جاي يرجع عليه يحاوطني احساس قبل احساس الشخص الي وياي احساس بالجن يحاوطني
ماعرف التعب بقه يسوي بيه هيج ويخايلي هيج افڪِارر عضيت شفتي وغمضت عيوني بشرود اضغط عليها لأن اذتني سديت الشباك ورجعتَ البرده
وڪِعدت ؏ الجربايه مااجاني نوم ابد ابد والدعاء مشتغل بقيت اتنهد محتصر داخلي ومربط بسلاسل احس اهلي هذا شنو يريد مني
ياربي ساعدني والله ممسويه شي غلط حتئ ابتلي هذا الابتلاء ڪِمت سديت الأضويه وتلفلفت ونمت وبقيت ابجي اجتني البجيه فجأ بس ڪِلت عسا ولعل ارتاح وانام وصار هل شي تعبت ونعستَ ونمت ،
ڪِعدت الصبح ؏ صوت ماما من جوه تصيحني ڪِمت واحسس راسي منفوخ نفخ من التعب والبجي غسلت ونزلت وڪِعدنه نتريك ونسولف واريد شي يغير نفسيتي فـ قررت اخلي انوار اليوم هيه تجي يمي احسن ونسوي ونرتب سوه ڪِملت ريووك واتصلت عليها
انوار: ها أيڤو صباح الخير
:- صباح النور عيني من الاخير اريدج يمي تجين اليوم نسوي عنايه وطبخ وندرس وهسه تجين قبل الغده وغير هل شي ماعنديِ
ولا اعرفج ولا تعرفينيِ ، سمعت ضحڪِتها لأن منطيتها مجاال
انوار: تماام تمام واني هيج مفڪِره لأن ضجت من بيتنه هسه شوي واخلي سجودي يجيبني
:- تمام سديته منها ونزلت اساعد ماما بالتنضيف جنت لابسه برموده قصيره رغم الجو بارده بس بيتنه دافي وبقيتَ اشتغل واسولف ويا ماما اريد واهس يغير نفسيتي
شوي تعدل مزاجي وبقينه نضحك اندك الباب ودخلتَ انوار سلمت علينه وذبت ملابسها واجت ويانه تنضف ونسولف
انوار: عممه يمته تزوجين بتج وارتاح منهاا
:- ذبيت الي بيدي واتخصرت الها واني ارفع حواجبي ، ليش عيني ڪِاعده ؏ ڪِلبج
انوار: اي والله هواي
:- نزعت الي برجليِ ورڪِضت وراها والحمدلله اجه بڪِصتهاا
وداد: ڪِاافي ولج عيب بت عمج خطار
:- رفعت خصلات شعري عن وجهي وضحڪِت ، مسمعتيها لهل حيوانه شتڪِول عبالك ڪِاعده ؏ ڪِلبها ماتجاوبينهااا مامااا
وداد: شجاوبها غير حجيها صحيح يجي يوم وتتزوجين واطلعين من البيت وهيه هم نفس الشي محد يبقه نفس حاله
:- غندب وجهي بضوجه وتأفأفأت واني ارفع ياختي منو ڪِلج اتزوج غير اشبع دلال منڪِم ياعمري
حضنت ماما وبقينه نضحك سوينه الغده وصارت ب 2 رجعو من الشغل وجانت انوار بالمطبخ متدري واني جنت يمهاا ونسولف منطلقين
انوار: ياترا شنو رده فعل المار من يخطبها حسن
:- عفت الزلاطه ونتجيت ؏ الڪِاونترر وافڪِر ، اڪِيد تتهيلك وتنجلب وين لاڪِيه نفس اخويه!؟.
انوار: زين تتوقعين تصير الخطبه واتم؟..
:- رفعت اڪِتافي مادري بعد هل شي يم رب العالمين جاي نحجي ودخل حسن علينه وهيه صارت حمره من الخجل عاد تحمحم وطلع من المطبخ بقت مصفصفه بوجهي
انوار: اڪِلج سمعنه لو لا؟
:- لا مااعتقد سمعنه هستوه اجه حضرنه الغده ؏ السريع واصرت عليه نتغده وحدنه بابا ماراد يحرجها فـ ڪِلالها براحتها وين تريد تتغده تڪِعد
صينيه وڪِعدنه ؏ الڪِاع وناڪِل ونسولف ، نويرا هسه بس نخلص نڪِوم نسوي عنايه لجسمنه وتنضيف هزت راسها وهيه تاڪِل وغاطه راسها بالاڪِل نحجي نحجي وهيه تاڪِل
انوار: خلينه ناڪِل لا اڪِوم اڪِتل اخوج الاستاذ
:- الخاشوڪِه بحلڪِي واللبن بيدي وحسن مجتف ايده وخالها ؏ حلڪِه ويستمع الها وهيه تحجي تحجي
انوار: هسه لوك لوك لوك وذاك اخوج تلڪِينه مسح الصحون مسح من طبخ ايدي
:- شرڪِت بالأڪِل باع الجذب يمته طبخت َهيه بقيت احمحم الها ، احم احم احممممممممممم جريت احم طويله رفعت راسها وصاحت
انوار: وسسم شبيج هذا لبن بيدج واشربي
:- ارفعلها بحواجبي واحمحم دارت وجها وشافتَ حسن وراها من الفشله ماعرفت وين تروح دنڪِت راسها بطاسه المرڪِه وشربتها بدون خاشوڪِه
عفت اللبن ؏ صفحه ولزمت بطني من الضحك وحسن خربان ضحك عليهاا وهيه غاطه راسها بالمرڪِه تريده يروح عافنه وهوا يهز ايده واني نايمه بالمطبخ من الضحك رفعت راسها والوجهه احمرر وتريد تنفجر من الفشله
انوار: ولج سمعنييي مووو
:- اهزلها براسي واني خربانه ضحك عليهاا
انوار: الله يطيح حضضضج أيڤيين ماڪِلتيلي
:- زين ماحجيتي بعد خلصت الغده واني احمحم احم احم اخذت بريك وانتِ ماڪِو هههههههههههه
ذبت الطاسه وغمتني بأيدها
انوار: شڪِدد فاهيه
:- بقيت اضحك عليها وهيه ضربت الها رڪِن صافنه بالفشله الصارت الها دخلت ماما شايله مواعين الغده وشافت انوار شلون ڪِاعده ڪِعدت مخابيل عافت المواعين وصفنت عليها
وداد: يااا هاي شبيهاا
:- عدلت ڪِعدتي واني اسولف الماما الموقف الصار وذيج من ڪِل عقلها من الفشله صارت تبجين واحنه نضحك
وداد: يلا عادي ماما عادي مصار شي اعتبري سجودي
:- غسلت وطلعتَ واني وياها ڪِمنه وهيه وره ڪِلمت ماما صفنتَ
انوار: سمعتي عمه شڪِالت؟..
:- شڪِالت
انوار: نفس سجودي اعتبرري حسن
:- ابتسمت اضيع الموضوع اي اي عادي وصح هل شي يلا امشي ضربت ؏ ضهرها وغسلنه المواعين وسوينه جاي وجبرتها تجي تڪِعد يمنه
دخلنه وحسن جان يباوع بالتلفون بأهتمام شافنه اجينه عدل ڪِعدته وحمحم عاف التلفون ؏ صفحه واحنه ڪِعدنه بابا يسولف وماما وحسن
محمد: ها شلونها معنوياتجن للأمتحانات
انوار: الحمدلله زينه عموو
محمد: عفيه بالبطله
:- بقينه نحجي ويه راسها بجتفي مدري منين نزلت عليها المستحئ جان ماما تحجي
وداد: ها حسن ماما يمته نروح تشوف البنيه
:- فتحت عيوني هاي شلوون سالفه انحجت يم انوار شيفڪِنه بعد درتلها وجهي وسحبت ايدها وڪِمنه وهيه عينها ؏ حسن ردت نصعد جان تسحب ايدي وتعضها
انوار: اوڪِفي ولج اوڪِفييي خلي نسمع
:- سحبت ايدها اريد نروح ، شنسمع امشي ولج عاندت وبقتَ واڪِفه تسمع واني وياها
حسن: خلي افضئ هل يومين وعود نروح لا تضغطون عليه ترا حتئ خطوه مااخطي
:- سحبت ايدها وصعدنه واني احجي عليها ، هسه ارتاحيتي من سمعتي فاخت دودتج جلبه سمعتي شنو استفاديتي،
هم تردين تبجين لو تلطمين لو تلولين فوك راسي فهميني دخلت ودخلتها للغرفه بس نصدمتَ من تصرفها تحجي والرجفه بلسانها واني اشوفها ڪِبال عيني
انوار: لاا لاا ماعليه بعد ماااعليه بي لا تصيحين عليه والله بعد معليه بي اني تعبانه 6 سنين واريد اخلص من هل تعب والله يوفقه وياها شسوي بعد اڪِثر من السويته بس فضولي يموتني اذا مااسمع
:- تحجي وترجف ومبين التعب عليها وتريد تبجي بس تضغط ؏ روحهاا ڪِعدنه ؏ الجربايه واني اسولف وياها ،
شوفي انوار خلي احجي هسه حتئ يصير بعلمج حسن اذا تزوج تشيلينه من بالج اڪِو جوز الاحسن من حسن وحسن مو نصيبج عيشي حياتج وشوفي واحنه نشالله مقبلين ؏ جامعه راح تشوفين اشڪِال اصناف البشر فـ بعد ورانه حياة طويله هزت راسها وهيه تتنهد
انوار: لا بعد ميفيد شي ولا اريد شي اريد اعيش لنفسي وبس لا تخافين مافڪِر بشي هسه غير بعد بس بأمتحاناتي ومستقبلي
:- ابتسمت واني احضنها ، يلا هسه ڪِومي خلي نسوي عنايه هزت راسها وجبت الشيره وڪِلشي يخص الجسم والوجهه
ماعده الحفافه مانسويها متفقين اني وياها من ندخل جامعه نحف رغم قبول امي وامهاا انو عادي نحف بس قررنه من ندخل ڪِليه ڪِعدت اشير الها ونسولف ونضحك خليت الشيره ؏ رجلها وشلتها جان تلزم راسها وتصيح
انوار: اشتعلت روحك حسن
:- عفت الشيره ؏ رجلها وبقيت اضحك ؏ منضرها وسمعت ضربه ؏ الباب
حسن: هاااا عليييييمن ولج
:- سڪِتت عن الضحك واني اعض بأيدي وهيه غمت ڪِصتها اليوم انوار تجيها جلطه وبعد ماتوصل البيتنه بسبب الشغلات الصارت ،
بلعت ريڪِي حتئ تروح الضحڪِه مني وصحتله:- موو ؏ احددد حبيبي جاي نباوع مسلسل وغلطت ؏ البطل
حسن: حسسبالي
:- ضرب ؏ الباب خفيف واختفئ صوته باوعتلها وهيه عاضه ايدها من الفشله واني رجعت َاشير بيها واضحك عليها
انوار: والله اطلع اڪِبر مسووودنه اذا اجيت هنا بعد
:- اڪِوول نجبي نجبي خليني اڪِمل بقيت اشير الها انوب شيرت اني ڪِل جسمي وسوينه عنايه لحد الـ 5 العصر خلصنه وسبحنه ونزلنه حضرنه غراضنه نراجع
وصدك بدينه نراجع اذن صلينه ورجعنه ندرس وماما اطلع النه بالحلويات والفواڪِه وطلعت يمنه بالحديقه واتصلت ؏ خوالي الي بالخارج تحجي وياهم سمعت صوت خالي فؤاد الصغيرر عمره 31 سنه
فؤاد: وين هاي الفصمه بتج
:- ماما تحجي ويا وتضحك واني غندبت وانوار تضحك عليه دارت عليه الڪِامره شفته ڪِاعد بالمڪِتب ماله ويدخن ولابس نص اسود صاح من التلفون
فؤاد: ها فيفووو شلونج خالو
:- نسيت ڪِلمة الفصمه وضحڪِت ؏ ڪِلمته الي من شفته وشافني ايصيحني فيفو ، زيينه خالو زينه وانتَ
فؤاد: زين يابعد خالج
:- جاي يڪِمل ڪِلامه صفن وهوا يذب نفس ويحجي
فؤاد: هاي منو اليمج ڪِاعده
:- حجه وهوا يعڪِد حاجبه دارت التلفون عليها ماما وڪِملت
وداد: هاي انوار نسيتهاا
:- سمعت نبره صوته الي تدل ؏ التعجب والأنبهار وهوا يصيح هاااي انوارر هيج ڪِبرت جاوبته ماما بضحڪِه
وداد: الڪِل يڪِبر محد يصغر يوم
:- سمعتَ تنهيده خالو تاالي ڪِال
فؤاد: انطيني فيفو
:- اخذت التلفون من ماما وهيه دخلتَ جوه وانوار بصفي بس ميشوفها ثبتت التلفونَ واحجي وياا
فؤاد: شلونج ولج
:- عدلت شعري واني اضحك ، زينه وانتَ حبيبي
فؤاد: ياخاااالوو فدوه الحبيبج اله اضرب تذڪِره وانزلج
:- ضحڪِت واني خجلانه يمتتته تجي اشتاقيتلك حجه بنبره غموض
فؤاد: هوا بعد الشفته هسه لازم اجي الڪِم
:- ابتسمتله واني اجاوبه ، وين انتَ
فؤاد: بالمڪِتب
:- باوعتَ الخالو وشڪِله المرتب شلون متغير بسبب الاوضاع مال الخارج حيل واڪِع الهم سحب نفس من النرڪِيله الالڪِترونيه وڪِال
فؤاد: سلميلنه ؏ اليمج بعشوي احجي ويه امج
:- صار حبيبي غمزلي ودز بوسه بالهوه سديت الاتصال منه جان انوار تطفر بوجهي
انوار: هذا فؤاااااد ما غيره!!!!!!
:- اي هوا خالو فؤاد ولج شفتي شلون صايرر حلو
انوار: هواا بس حلو ڪِولي يييملخ
حسن: منو الي يملخ؟؟
:- درت وجهي لحسن وهل مره اني وانوار غمينه ڪِصتنه ؏ حظ اليوم رجع ڪِرر سؤاله
حسن: ما حجيتن منو الي يملخ
:- ڪِمزتله واني اڪِله حظنه وبديت اسويله حرڪِات اعجاب ؏ حظنه طبعااا اليوم حظنه خلي اشرحلك عليه فدد يخبل لاا لاا يخبل شويه يملخ يمملخ من الجماال ضحك وضرب راسي خفيف
حسن: درسي درسي ام حظ
:- دخل جوه وهوا يهز ايده ويضحك علينه رجعت الأنوار الي هل مره صدك ضحڪِت
انوار: هههههههههههه لج اليوم شڪِو ڪِله فشلاتَ
:- علمي علمج يلا يلا خلي نڪِمل دراسه
انوار: اي ترا ب 9 ارجع
:- شنو ترجعين بعد باتي يمي
انوار: لا لاا ارجع ماڪِدر ابات
:- ماشي شوفي اول يوم امتحاناتّ تبااتين يمي حتئ نطلع سوه منا متفقين؟
انوار: ماشي اول يوم يمج ابات ادللي ، هسه باجر نروح لازم للدوام
:- اي لازم نروح ضروري حتئ نأشر المهم باجر صبحي الدوام مو
انوار: اي ب 7:30 يدك الجرس ب 7 اجيج
:- تمام رجعنه ندرس بعد ساعه ڪِامله ذبيت الڪِتاب واني اطك بأصابعي من التعب
انوار: لج أيڤ راسيي راسيي راح ينفجرر
:- الله ينعل السادس عبالك لعنه ويلحڪنه يدووخ يدوخ نعال عليه
انوار: من خرا بط** اي والله
:- ضحڪِت وضربتها ؏ ايدها اثر عليج السادس برب**
انوار: هووواي هوواي
:- رجعنه ندرس وڪِملنه ب 9 تعبنه شربنه عصير وهيه اتصلت ؏ سجاد يجي
سجاد: مسافه الطريق ويمج
:- لمت ڪِتبها وغراضها ودخلنه جوه بالمطبخ يم ماما نسولف شويه ودخل بابا للمطبخ صاح
محمد: سونه جاي 7 استڪِاناتَ
:- جاوبته ماما بأستغراب
وداد: منو اجه محمد الاستقبال انترس
محمد: جماعة جاين يردون يحلون شغله ولد يمي
:- هزت راسها ماما وهيه تڪِول خير يارب سوينه الجاي وحضرنه وياها ڪِليجه اجه بابا شاف ڪِلشي جاهز جر راس ماما وباسها وهمس بڪِل حب
محمد: عااشت ايدج ودادي
:- ضحڪِت ماما ومعرفت شنو ترد ڪِدامنه وهوا طلع ضحڪِت انواار وهيه تضرب جتف ماما
انوار: هاا هاا عمه صاير ڪِله ودادي وهاي وحبشڪِلات
:- ضربتها ؏ راسها بالخاشوڪِه
وداد: معليج بهل سوالف خلي رجلج يدلعج
:- ڪِعدت بالڪِاع وتبسطت نفس العجايز وفتحت قميص صدرهاا
انوار: وووين وين رجلي المڪِررود يجي يخلصني ويشبعني غزل ماڪِوو طاررر ، حجت بحرڪِه ڪِلب وهيه تضرب ايد بأيد
:- جاي نضحك وسمعنه تحمحم ماما من شافت حسن واڪِف خربت من الضحك وحسن ضحك وطلع
وعرفته متعمد ڪِلساع يطلع بوجهاا انوار بقت مصفصفه بوجهي ڪِامت وضربت رجها بالڪِاع
انوار: لااا لااا مايصير هيج عمه ڪِلساع ابنج طالعلي نفس الجني راح يسوي بيه جلطه بعد والله مااجي الڪِم
وداد: اسم الله ولج ام لسان
:- بقينه نضحك وهيه تخزر بينه شويه واجه سجاد سلم علينه و؏ بابا وراحوو واحنه بقينه نجهز عشه عفت الي بيدي من سمعتَ صوت بابا عالي طلعت بره المطبخ متوجهه للصاله اسمعه
محمد: الامرررر بعد موبيدي وطلع للأڪِبر مني وثاني شي المتهم مايمي اله دليل ينص ؏ انو هواا بررريئ
:- اسمع واحد يڪِله
الشخص: بسس يا سياده العميد هوواي اجت شهود ودلائل شلون تڪِول ماشفت شي عندك عداوه ويا وماتريده يطلع
محمد: مو شغلت عداوه بس هوا حتئ لو شفت عليه دليل برائه تصرفاته ماتوحي لهيج شيِ
الشخص: واحنه نبقه ؏ التصرفات والدليل بيدنه
:- بقه يحجي بابا لحد مسمعته ڪِال ڪِلمه دوختني
محمد: ابسط مثال يوم قبضنه ؏ صديقه جان لابس اسود مثله بس شررد شمعنئ هيج يسوي
الشخص: وطلع موو هوا المطلوب لڪِن صديقه..
:- تسحبتَ ؏ ڪِيف ورجعتَ للمطبخ وماما تستفسر مني
وداد: ها شصايرر ؏ شنو جاين؟..
:- جاوبتها واني بالي شرد مني ودخت وڪِلبي نهبط ، مادري ناس عفت ماما ورجعت يم الطباخ عصرت راسي بدوخه شنوو شديصير؟؟
وصل لأبويه!!
وقبلها لحسن!!
وقبلها الي!!
وهسه وين يريد يوصل صفنت ثواني واني اضرب نفسي بغباء شبيج ايڤين اقل ڪِلمه تنصدمين وتشڪِين وتخافين
هوا انتِ هسه شنو افتهمتيِ حتئ تحجين هيج بس راسي نسطر ڪِمت اي شخص اشوفه لابس اسود اڪِمز واڪِول هواا نفسه 12ڪِملنه العشه والناس مابقو راحو شويه وصبينه عشه وڪِملنه وسويت عصير ورحنه ڪِعدنه بالحديقه
وداد: شنو مساع شصار محمد
:- ذب نفس بابا وهوا يمسح ؏ شعره بتنهيده
محمد: مشڪِله لويصه بلويصه واحد متهم بالقتل بس طلع هل واحد مو هوا صاحبه ومتهمينه غلط وجابو ادله والقضيه طلعتَ من ايدي
ويردون يحبسون الولد واجوني من يمه ناس يخصونه انت الحبسته اطلعه يابه طلعتَ السالفه من ايدي والولد هيج وهيج وهاي قضيته ،
بس طلعو غلطانين وهذا صديقه ورايد يذب التهمه براس الولد ولابس نفس لبسه لأن احنه مراقبينهم وبيوم الجريمه لزمنه صاحبه مو المتهم
وبعدين لزمنه المتهم وهسه يرودن يطلعون ابنهم من هل سالفه وشوفت َعينج ساعتين سوالف ونحلتَ
وداد: الحمدلله اهم شي نحلتَ بدون اضرار وانتَ ممتضرر
محمد: لا الحمدلله ماڪِو شي بس انا الجذب نضري الولد ماعرف شلون يتفسر بشڪِله وشخصيته
:- بلعت ريڪِي وسحبت نفس طويل وڪِمت عفتهم يسولفون واني تراجعتَ ليوره بالحديقه بقيتَ صافنه ماعرف ؏ شنو بوقتها صافنه بس اخذتتي الصفنه
خليت ودخلت جووه رجلي اخذتني للڪِنتور وطلعتَ الورقه الي شمرها الي بالسياره هذاك اليوووم
معقجه خط ايده حييل حلو وغريب حتئ مو نفس خط حسن وهذا الشي هم ريحنيِ وطمني اڪِثر صفنت بالورقه وبديت اعد الأيام الي ڪِاتبها وڪِل يوم شنوو سبب الي بي
بقه اخرر يوم يوم 12 وماعرف شنو منتضرتي منه
خلااص ..
او بدايه ..
ضميت الورقه وتنهدت اتصلت ؏ انوار مشغول انتضرتها تڪِمل حتئ نحجي نص ساعه وهيه مشغول
نقبض ؏ ڪِلبي وحسيت بثڪِل غرريب واحساس بالشؤوم رجعتَ اتصلت عليها وجاوبتني بصوت منشول وڪِأنو وحده جاي تبجي
انوار: هاا أيڤوو
:- عقجت وجهي واني مستغربه صوتها ، شبيج شبي صوتج!
انوار: ولا شي بس سبحت ولزمتني البارده ويمڪِن صخنت
:- يااا سوده عليه وهسه شلونج
انوار: شرربت علاج
:- يعني هسه باجر ترحين للدوام لو لا جاوبتني بخوف وقلق
انوار: لا مااڪِدر اروح حتئ انتِ لاترحين
:- ليش؟..
انوار: شعندج رايحه اذا مو اني وياج
:- ضحڪِت عليها واني احجي ، لاا لازم اروح ؏ الاقل وحده تروح تاخذ المواد الي تريدها حتئ اڪِلج الي نحتاجه
انوار: هسه شعندج رايحه أيڤ لاترحين مو مهم
:- اصريت ؏ روحتي وجابتها بأستغراب عجيب ليش شعندج مصره متخليني اروح
انوار: ماعندي شي بس علمودج اني نخلي غير وحده تشرح الشي الي تردينه
:- اي واني محتاجه هل روحه حتئ يشرحون الي الي احتاجه واسجله بالملاحضاتَ مانتضر وحده تشرحلي لو تڪِلي اني اتعب لنفسي احسن
انوار: ماشي بس عفييه حيل دربالج ؏ نفسج من الطريق لأن دوام باجر صباحي والدنيه شتا وشارع فارغ
:- لا لا نشاالله ليضل بالج حبيبي بقينه نسولف وهيه ڪِلساع بالها شارد وتجاوبني بغير موضوع
اخير شي نعست وسديته منها حضرت غراضي وڪِتبي وصارت ب 1:30بليل حيل نعسستَ وقتت التلفون طفيت الاضويه هستوني تغطيت والتلفون اهتزز شلته واشوف رساله وصلتني منه
" يا حي الله ياباا متشوق حيل "
:- رفعت عيوني للساعه واني افرك عيوني هذا مخبل لو صاحي لو طڪِه ونص!!
شيريد والله ميستحي لبسته وماجاوبته بس ڪِلبي بقه يدك ماعرفت ششنو يريد يراسلنيِ هسه ومن جهه ماريد اراسله حتئ لا يفڪِر سهله الصيد ويصيدني ويلبڪِني
رجعت عيوني صحصحت من الخوف وبألف ياعلي بهل ليله نمتَ...
ڪِعدت ب 6 بدلت وتريڪِت وبقيت اباوع للتلفون بقيت اتنهد صافنه صارت ونص اتصلت انوار وصوتها نفس امس ومبحوح بالزايد ، ها ولج شعندج ڪِاعده مو من عوايدج
انوار: مجاني نوم من المرض راح ترحين مو؟..
:- اي
انوار: بسس
:- بس شنوو
انوار: دربالج ؏ نفسج اخاف عليج
:- شسالفه ولج حتئ خوفتيني وبعد ماروح
انوار: بعد احسن والله
:- والله هم صدك لو ممحتاجه الشرح جان مانسحلت وڪِعدت هسه بس يلا ڪِم ساعه وارجع
انوار: خلااص حبيبي الله وياج
:- بيباي ، غلقته منها واني ڪِلبي ينقبض بالزايد وضعها ماعجبني!!
صارتَ ب 7 ڪِعدت ماما سلمت عليها ورادت تڪِعد حسن يوصلني بس رفضتَ لأن المدرسه قريبه خطيه تڪِسر نومته
سلمت عليهاا ووڪِفت بالباب اخذت تنهيده طوويله حيل طويله وطولت بيها وبالتفڪِير ماما ودعتني وهيه تڪِول
وداد: امانه الله والرسول حبيبتي الله يحرسج
:- بست راسهاا واني افتر عقلي من أشارت اليوم الصارت وياي
بس ؏ ڪِوله المثل " قدر ومڪِتوب"
"والمڪِتوب ؏ الجبين لازم تشوفه العين" وهل شي مامنه مهرب لوحتلها بأيدي وهيه دخلتَ وسدت الباب
ذبيت نفس الجوو بارد حضنتَ نفسي والڪِوت وبديت امشي الشارع بارد ومابي ناس لأن شتا بس سياراتَ قله طالعه للشغل
بقيت امشي وبعد فرعين للمدرسه عبرت الفرع الاول وجان تشخط سياره ڪِبالي شهڪِت ناشغه من الخوف والهبطه وڪِلبي بهتت ودڪِاته قلت لأن اجيت اندعم اله شوويه
تراجعتَ ليوره واني اشهك وخلاه ايدي ؏ ڪِلبي رفعت عيوني واني اقطب حواجبي بعصبيه
بساع بسااع اسرع من البرق نزل شخص مطالع منه اي شي تقدم عليه ؏ السريع واني حسيت بخطر تراجعت اڪِثر اريد اشررد لڪِن قاوم شردتي ولزمني
صرخت وخله وصله بيضه ؏ خشمي سحبني للسياره واني افرفح وروحي تطلع اختنڪِت عبرت سياره لڪِن مشافتني
اخير شي ڪِلبي بقه ينبض سررريع ويخفتَ وعيوني تحرڪِني حرك غواش بيها مو طبيعي صار بديت اغمض عيوني شوي شوي واخير شي سمعتهَ
" لبيه عيوناتي لبيه "
:- غمضتَ عيوني تارڪِه ڪِل حدث وفعل صار وراح يصير غمضت عيوني وبعد ماعرف شصار وشنو دار...
صحيت بعد فتره وجسمي ثڪِلان عليه احس ثڪِيل ومربط عيوني مڪِدرت افتحها توجعني
بقيت اتحرك بوجع فتحت عيوني شوي شوي وصاررت عيوني ؏ السقف ابيض خشمي احسه ثڪِيل ومنتفخ وعيوني تضغط عليه من الوجع حسيت فاقده شي وبروده تجيس جسمي لزمت صدري ماعليه الملابس!!
صرخت بفززع ، ييييييييمه شصاااارر
جريت الغطئ عليه اڪِثر واني ارجف واحس وجع بجسمي وراسي مووو طبيعي
تحرڪِت واني خايفه وڪِلبي يأذيني ودموعي بدت تنزل رفعتَ راسي وجان اشووف شخص لابس اسود بأسود وڪِاعد ؏ الڪِرسي ومنزل راسه ولازم جڪِاره بيده رجعت جسمي واني اصرخ بهستيريه
منوووووووو لااا لااا شسوووويت منووو انتَ ووووين اني ووووين شسوووويت بقيت اهز براسي واني متخبله خباال من الوضع الي بي رفع راسه واني نشغت من الشخص الي شفته ڪِبااالي اخرر شخص اتوقعه هوا يسوي هل شي!!
صرخت بصوت متقطع وحنجره ملتهبه من الوجع والخوف ، لك لاااااااااا شسوووويت بيه شسوووويتتتتتتت حيوووووان شسووووويت ولك و وو ولك اا اني اا اني أ أ أيي أيڤ اا أيڤين
يانذل جاي احجي ووو...
ييييييييتبع
.
.
.
.
.
.
.
.
.
هاااا شلونڪِم شلونڪِم 😔🌚
اول توقع نبدي ونڪِول بسم الله
منو تتوقعون شافت؟..
منو هل شخص؟..
ياتره منو تتوقعون شافته وانتو دختو بشخصيته من بين هل احداث ، التوقع ربما عقيم بس حلووو
ترا تحمستت للقصه حيل 😔🔥
وعود اني الڪِاتبه وڪِذا وشفت القصه بس تحمست للبارتات
المهم اذا تردوني استعجل بتنزيل بارت 13
رجعو صوتو ؏ البارتات القديمه واذا صعدت التصويتات انزل البارتَ بأسرع وقت
اطرح_وانصح
الحب من طرف واحد
النصيحه: وما الحبَ من طرف واحدُ اله أذيهَ للنفس يعني اليوم صعبه تحب شخص وهوا ميحبك ومحاس بيك اصلاً وهذا عذاب للنفس إذا رأيت ذئباً يقطف الزهور ثُمّ يرميها.. فلا تتعجب فإنَّ بعض البشر يقطفون قُلوب أحبتهم ثُمّ يدوسونها بِلا مشاعـر أو رحمة بمعنئ انوو الشخص اذا بينت اله حبج ومن طرف واحد راح ياخذ الي يريده ويستفيده منج بعدين راح يقطفج او يذبج نفس الورده الذابله الي خلصت مدتها شنو فائده هل حب وهوا يخلص بطرف واحد وهذا عذاااااب عذااب نفسيِ اسئل مجرب ولا تسئل حڪِييم ، لا تغضَبي مني ألَستُ فتاكِ أهواكِ يا قَدري ولا أَهواكِ لا تحسَبي أني عشِقتك طائعاً قَدرٌ لعَمرُكِ زارني ونسيكِ ، انسو عيشو حياتڪِم تردون تحبون حبو من طرفين مو من طرف واحد واذا حب تقليدي راح يڪِون هوواي افضل 🤍.
شلوونه بارت اليوم مليئ بالمفاجأت الخفيفه مو 🔥🌚😂؟؟
اهم شي علقو بين الفقرات بڪِلمه تم
اتفاااااعلو بڪِلمه تم بين فقره وفقرره تفاعلوو بڪِلمه ( تممم)
تابعو حسابي الانستا
انشر مقتطفاات هناك قبل البارت تابعوو
مبقه شي ونوصل 4k
مهم: لاتنسون التصويت والمتابعه للحساب دادهَ🔴"
في أمان الله وحفضه
الكاتبه: LARAN❤️