اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1
تابع الصفحه وصوت للبارت فضلا وليس امرا †
#يحلوه مشاركه للبارت ♥️-علقو بين الفقرات 🆕
الچان يوعَدني بـ وَطن ، هَدملِي بيتِي و راح 💔
ضلت فطومه للسبعه يم عيالي
خابرت على هشام بحجه يجيبها اليه...
بس چذب... چنت اريد اسال عليه
صارلي اسبوع مشايفته بگد وجعتي على جدي وغياب فطومه ...
بس فراگه عني كسرني ...
ما اتخيل شلون گضيت هل ايام بدون صوته... اتعودت على اهتمامه وشوگه ولهفته...
احس جاي اذبل يوم عن يوم بفراگه ...
گاعده ومگابله صورته لمخليها على الفيس...
گلبي محترگ... ما اگدر اتخيل روحي بدون امين
دموعي متنشف عليه ما مرتاحه گلبي يعصرني احس بي شي ... هذااا امين مو اي شخص
زين شسوي بروحي بدونه... تعبت اترجاه
تعبت انتظره... شوكت اللگاه
يااا الله تعبت من الصبر... مااا فاد الصبر ويااه
من يوم الراح ودموعي ما نشفت على خدي
زين هسه يفكر بيه...
الليل كله ما نشفت مخدتي من الدموع...
خابرت وخابرت لحد ما انغلق تليفونه من اسبوع... اخر مره شفته بثاني يوم الفاتحه...
ادز رسايل اعتذر منه... عيشتي بدونه فاهيه احس ماكو طعم اگعد
احس فاگده قطعه مني...
والليل اتخبل طول عليه... امين انته مو قاسي لهل درجه
ليش بعد ما علقتني بيك ركنتني...
الله لا يهني كل وحده تباوعلك...
ضل فكري يودي ويجيب... معقوله زهگ ومل مني
معقوله ميگدر يسامحني على السويته ويه امير
والقران ليريد اسوي بس لا يعوفني...
اتخبلت... وين امين
ضحكت ودموعي تصب...
اتذكرت من چان يگلي... وياي تصيرين نچره وعنوديه ولسانچ يطول...
قارنت شخصيتي گدام صلاح... شلون چنت اخاف
بس ويااااه... رجعت نفس ذيج الطفله
اعانده واجادله واضرب بي... لگيت بي حنيه الاب وحب الام العضيم وغيره الاخ على اخته وجنون عاشق ...
همست بضعف ... هسه عرفت چنت ادلل عليك واعرف شحچي ما تاذيني انته قويتني...
امين محد يگدر يملي مكانه...
مشتاگه لحنيته... بعز خوفي احتواني چان سندي بوكت اتخلو عني اهلي وابويه الي من لحمه ودمه ما فكر يسئل عليه...
دگيت على هشام ميجاوي رجعت دگيت ماكو
ثالث مره جاوب...
اجاني صوت هشام واضح بي شي... هااا زهره
كتله بخوف بسرعه گلبي حااس ... هشام عليك الله گلي امين بي شي
صارلي كم يوم ادگ تليفونه مغلق...
هشام بهدوء فاشل ما گدر يضم قلقه وخوفه على توامه واخو ... ان شاء الله ماكو شي
زهره برعب عرفت اكو شي گالت بجمود والم ... هشام
امين صايرله شي مو وضام عليه
هشام بتهرب ونبرته بيها الم ... يجوز زعلان عليج قافل تليفونه
زهره تحس جوابه راح يذبحها انهارت عرفت بي شي وضام عليها گامت تصيح بوجع ... احجي شبي لا اخابر خالتي والله احججججي شصاير لامين
هشام بين الضعف بصوته والخوف كال بضياع... ما ادري، ما ادري
امين مختفي صار اسبوع راح لبغداد يجيب بضاعه...
الشرطه لگت سيارته بنص الطريق واگفه وبوبها مفتحه... وتليفونه بيها ومحفضته وكل شي خاص بي...
بس هو ما موجود... واكو
سكتت هشام...
زهره تحس واحد يسحب روحها من جسمها من بين ضلوعها ويتكسر واحد واحد بكل قوه او وحشيه...
گالت بخوف همست...شكو
هشام الي تعب وهو كاتم كل شي صارله اسبوع بليوم يموت الف موته على اخو وميگدر يحچي...
يدري امه تموت بس تعرف... چان متامل يلگو الشرطه بس ماكو اله اثر...
-اكو دم على الكشن
زهره گالت بقوه مصطنعه وكانو گاعد تزرع هل كلام بعقلها حتى يصدگ رفضا لكلام هشام وحقيقه الي تعرض اله امين... امين زين هسه يرجع يجوز صدگ زعلان لااا لااا...
والدم يجوز اتعور... تدري بي انته تدري امين لا ابالي لروحه
شفايفها گامت ترجف... وهيه تسمع حسرات هشام
سدته وگع الجهاز من ايدها...
تحاول تسحب نفس وتحاول لكن ما تگدر ادخل كان كل الأوكسجين في الغرفه خلص...
كانها تسحب نفس من فراغ مكتوم بدون هواء...
........
خذت عباتي وطلعت لخوالي...
گتلهم ودوني لبيت رجلي...
دخلت اتلگتني عمتي كسرت گلبي واني اشوفها تملخ بروحها ومشگگه ملابسها منظرها هبطني...
متت بدمي... معقوله واصللها خبر مو زين على امين
باوعت لنور كتلها بحذر واني خايفه من الراح تگوله... نور امين بي شي
نور تباوع بخوف لعمتي ورجعت باوعتلي... سكتي هسه عرفت ديري بالج تكليلها سيارته لگوها....
زهره سندت روحها على الباب خلت ايدها على حلگها گامت تبچي بحركه ...
محد يدري شصار بيها بهل لحظه من شافت منظرهم
عبالها امين صارله شي...
اتخيلت... اتخيلت
امين... مات
نور تباوع لعمتها ترجع لزهرة...
زهره عليج سكتي... والقران عمتي راح تنجلط الخاطرها صيري قويه...
عافتهم وصعدت فوگ...
دخلت لغرفته وسديتها وانهد حيلي من شفت صورته ... ذبيت عباتي بلگاع وشالي ...
شايفين من تحسون شايلين صخره چبيره على ضهرك ومتگدر توخرها بحيث متگدر تاخذ النفس...
فتحت كنتوره.... طلعت ملابسه روحي فرفحت عليه... شفت قميصه الأسود اخر واحد شفته لابسه...
حضنت قميصه وابچي بحرگه گمت اشم بي بلهفه ... مشتاقتله احس مخنوگه بدونه...
اول مره احس بهل شعور من يوم الماتت بي امي...
احس روحي يتيمه بدونه...
اتذكرت كلامه من گلي...
ادعي الله كون تموتين بيه بحيث يخنگج الهوا اذا اني مو موجود واطيزج اني واسافر واعوفچ...
ولك مشتاگه لشوفتك...
حتى لمشاكلنه اشتاقيت...
مر ثلاث شهور...
الضحكة ماتت ابيتنا...
اتسلح بلقوه گدام عمتي خطيه باي لحظه تنتهي گوا نوكلها ونشربها...
ضاله اعزي واواسي واصبر ... بس اني منو يعزي گلبي منو يواسيني بفراگه...
روحي تحترگ يوم عن يوم...اتامل اگول باجر ييجي والبعده واليوم جر اخو لحد ما عدا اكثر من شهرين...
عيني على الباب... اتخيله واگف بطوله الحلو ويضحكلي لو يغمزلي بعيونه الوكحه...
ضاگت بيه الدنيا... وين اروح تايهه
غريبه بين كل الناس ...
شايفين من وجود شخص تحس بامان باي مكان... مجرد تشوفه تحس...
اني فگدت هل شعور...
بكل ركن بلبيت اله ذكرى وياي... اگول هنا اتعاركنا
يوم عن يوم افقد الامل بشوفته...
گمت اگول لروحي... هم راح ييجي يوم وارجع اشوفه
هم راح اسمع صوته مره ثانيه ما اصدگ
صار بلنسبه اليه مثل السراب... ارگض وراه وهو مو حقيقه
الوضع مثل ما هو هشام وعمي ابغداد وما رجعو وكل ما نخابرهم يكولون ما اله أثر ...
لا خبر عنه لا ندري بي عدل ميت
يمه ما اگدر انطقها...
هشام وأصدقائه كومه مطوعين يدورون عليه ليل ونهار...
الشرطه استبعدو الخطف... لان محد خابر على فديه
واستبعدو التسليب... ليش عايفين سيارته وتليفونه
كلها مسويه استنفار بحكم معارفهم من الكباريه فاهتمو الشرطه بقضيه امين...
دورو بسراديب التاجي... لان لاگين اكثر من جثه هناك
وحتى لمدينه الطب ما لگو...
النسوان گامت تجي تواسينا واكو تعزي ما اطلع لاحد ... امين ما مات حتى يعزونه بي...
ذاگ اليوم چنت بلمطبخ اوكل فطومه
عرفت اكو نسوان يم عمتي...كملت شلت فاطمه ارد اصعد قبل ليشوفني احد عزلت روحي عن كل الناس...
واحد يگول لگو واحد ماخذين أعضائه وشامري...
وهذا ليگول خاف مثل ابن افلان... سلبو
وگفت ورجلي جمدت واني
اسمع وحده تگول لعمتي...
خاله ما دورتو بمدينه الطب... لو مسلبي ابني يگول يعرف واحد ياخذ السيارات المبيوگه اگله يسال الكم
دخلت الهااا وكبتت غياب امين احس خلتني بيه توحد ليجيب طاري الموت ويربطه ويه امين بدي اكله ...
سحبتهاااا...
امشي طلعي برااااا... براااااا
گمت ادفع بيها اتخبلت... ونور تلزمني توخرني اتخبلت فقدت دموعي غوشت نظري...
كااافي زهره عوفي المره...
باوعت لنور گتلها بحرگه ليش ميحسون بيه من يحچون ...
نور امين عايش گليلها ما عافنه...
امين ميعوفنه...
رجعت باوعت للمره واني ارفع اصبعي بتحذير ...
ايااج تگولين ماااات... افتهمتي
عفتهم وصعدت لغرفته... الي صارت ملجئي بغيابه
اتذكرت من شفت فانيلته بغرفتي... ومن چان يخابرني معصب مشتاگلي وتالي يروح ينام بغرفتي...
چنت اگول يبالغ... جنت اگول ماكو شخص يشتاق لشخص لهل درجه حتى الام متسوي هيج ...
لان اني ما عشت هيج شي قبل لا مجربه حب الام ولا الاب وهذا الي جانو يسمو اعضم حب... ما سوو على مودي هيج
ييجي شخص غريب يسوي كل شي اليه بدون مقابل...
بس هسه حسيت بكل شي چان يوصفه ويمر بي... اتجرعت مر غيابه لحد ما كرهت الحيآه...
فكرت انتحر... بس خاف يرجع وما يلگاني
ليشوفني ميعرفني صرت عضم... هملت روحي وبنتي شعري گام
يتساقط جوا عيوني اسود ليگول كبرت عشرين سنه...
ما الي خلگ روحي... طول وكتي بغرفته وحاضنه ملابسه
بس عطره راح من فراشة شلون بيه...
احس حياتي وگفت يمه... وگفت بلحظه الي حضني انتهت حياتي من بعده...
نمت على فراشه ودموعي تصب الله يساعدهن ما عمن من گد ما صبن...
همست بتعب وتوسل واني حاظنه صورته الي ملامحها بيها انطبعت بدماغي مستهضمه احس حمل الدنيا عليه ما الي ضهر ضاله على الهاويه باي لحظه اوگع بدون رجعه ...
مو كاافي زعل...
حبيبي ارجع اريدك... عليك الله تعال
مو جنت تريد ادلعك واگلك حبيبي... شهگت ودموعي تنزل على ملامحه...
همست بين دموعي... والله اگلك يوميه حبيبي وحياتي گلبي بس ارجع عليك الله...
زهگت روحي... مليت من الصوره گامت مترويني
ارد اشوفه حتى عطره راح من فراشه...
اجت على بالي...
Flash back....
چنت گاعده بصفه مچتفه اديه لصدري مطنگره... نزلني بنص الليل للحديقه...
ليش...
لان الاستاذ امين مشتاگلي وما جايه نوم...
فشسوا... لازم يگعد زهره اتصل نايمه ما جاوبت
دگ ودگ لحد ما جاوبت وهددني يصعدلي اذا ما نزلت...
امين يصيح بخباثه وهو يشوفها مبوزه ...
-زهيره
ما جاوبته تباوعله بطرف عينها ومتجاهلته...
رجع صاح بخباثه واستفزاز....
-زهيره
زهره باوعتله بضوجه وهيه مطنگره...
-هاااا شكو شتريد...
امين گال
ولج ليش تصيحين زقچه...
زهره وهيه تعوج حلكها...
وهسه شرايد...
امين
-ارد احبنچ ابوسنچ... مو هيچ تكول حمديه
زهره باوعتله ابرود...
اكو شي اسمه اخلاق ادب مستحى... ما مرن بقاموسك
أمين باوع وهو يسوي نفسه يفكر... هيج كلمات ادبسزز ما اتعلمها استغفر الله تردين تحرفيني
زهره بملل...لا وين اكو منك اخلاقك شيخ معمم ميلحگگ
امين ضحك... لتجذبين ولج گولي سيد مو شيخ
زهره ضغطها ارتفع من بروده وهو مگعدها بنص الليل وضال ينكت...
كملت تروح الجاريه مالتك تنام ... كالتله ابرود وهيه تثاوب
اتقرب امين منها لزم ايدها وهو يضحك بشر وخبث...
هو شبديت حتى اكمل الجاريه ما شبعتني
زهره انگرصت من لزمها گامت تتلفت وتصيح بهمس... عووفني عزززا بعينك ولكك عوفني...
باس ايدها بسرعه وهيه تريد تسحبها...
بس حبه ولج گعدت متوحم على بوستج... لا تخليها بنفسي
زهره خجلانه فكت عينها وگالت..
ولك حررام
امين سوا روحه جدي...
سامعه الشاعر شيگول...
اتافئفت زهره وكالت بملل شيكول استاذ امين...
امين اتقرب مره وحده لزگ بيها وهمس باذنها...
حلاة العشگ بذنوبه وتاليها بعرس نعلن التوبه....
كمل كلامه وهو يخطف بوسه من خدها ويعوفها ويركض وهو يضحك من يسمعها ادردم عليه...
End flash back....
.........
ثاني يوم اول ما فتحت عيني ...
فتحت تليفوني... اطلع محادثاتي وياه الي درختها يوميه اقراهن واضحك وابچي وابقى احتقر والوم بروحي...
شلون چنت بارده وياه... وهو شلون محروگ دمه احس الله عاقبني بي...
صوت بداخلي يگلي هل بشر متستاهلي...
هااي حوبه امير... مثل ما دستي عليه وشفتي بعيونچ يريد يموت وما اهتميي...
الله عاقبچ بعزيز گلبچ...
انفتحت الباب واخر شخص اتمنر واتخيل اشوفه هي... جايه ومتانقه بثوب احمر ومكياج كامل
قطعت التواصل البصري بينه ونزلت عيوني... ما عندي طاقه
اسمع صوت خطواتها تتقرب مني... صوت گعبها يرن باذني
اليوم انخطبت...
هل مره اجيت اعزمچ بنفسي... تدرين ليش
رفعت راسي وباوعتلها بملامح باهته... هسه لو تكتلني ما افتح حلگي واكلها لااا...
اتقربت مني وعيونها كلها حقد...
همست باذني بكل غل وحقد
الصار بيج... حوبتي اشربي اكثر واكثر هذا جزاكم واكثر
وان شاء الله گلبچ يحترگ عليه اكثر...
ما بيه طاقه اجاوبها...
بس دمعتي نزلت من گلتلي ... ان شاء الله يجيچ بتابوت
گمت اعصر اضافري بايدي بقوه واعض بشفتي ودموعي تصب...
وهمس برعب واني اتنفس بسرعه... لااااا لاااااا لاااا عليج الله لا تدعين عليه...
عقلي گام يتخيل امين نايم بتابوت بمكان امي واني اصررخ...
گمت بسرعه لزمت ايدها كتلها بتوسل... عليج الله لتدعين عليه،ادعي عليه ان شاء الله اموت وحوبتچ الله يطلعها بيه بس لا بيه...
عليج الله لا تدعين...
نترت اديها مني وگالت...
بهل حال وازيد، شوفي الله شسوا بيه وباوعتلي من فوك لجواا
وشوفي حالچ...
مو تنسين متجين... واذا رجع المحروس عدل جيبي وتعاي
ضحكتها وهيه تبتعد ترن باذني... اني انتهيت
گمت املخ بشعري واضرب على وجهي.... واصررخ
لااااااا.. لااااااااا اميييين لااا تدعين عليه
ادعي عليه....
يربي وين چامت مضمومتلي...
( الحب واه من الحب... ينتهك الروح كلسرطان ينخر الجسد...
ايام يخليج اميرة من الفرح... وايام يكون سبب بدمارنا نفسيا وجسديا)
............ ❤️
صباح الخير ❤️
باجر ان شاء الله البارت الختامي...
والبارت الاخير حينشر اولا قبل ساعه من نزوله على الانستا...
كاتبه ناويه تنزل كتاب... يا ريت تدعموها