اهلكتني عيناك

1

اهلكتني عيناك 💚
#حورحيدر
#الانستا: enghour98
#الواتباد:eng_hour

تابع الصفحه وصوت للبارت فضلا وليس امرا †

#يحلوه مشاركه للبارت ♥️

سوة زفيتهن دمعاتي واحلامي

عرايس مشن فصليات گدامي

غصن وزوجوني لديره الحطاب

مجبورة مشيت وشاده حزامي

شيخه وزوجوني لديره الغمان

هلي كون العمر تگضونه مختنگين

مثل ما خنگتوني بلفه اعدامي

مثل ماي الورد احلم اطب بستان

بس يم المگابر گاضيه ايامي

انا شسويت حتى بلا ثمن انباع

شني الذنب الجنيته مرافجه اوهامي

انا ميته عشت موتت النخله اوكوف

مثلها اوگوف ضلت ساله اعضامي

انا العيد التنطر ما لگاله هلال

انا الحسره اللگوها بچبده احلامي

                                    "ذكريات الطفولة _اصيله"

المثنى - مدينه السماوه

قضاء الخضر

اوائل الالفينات...

ساعة ١١:٤٥ صباحاً ...

- چان عمري سبع سنوات اذكر چنت لابسه نفنوف ابيض مورد...

ابويه جابلياه چنت فرحانه بي حيل اول مره تلبسنياه امي بهل يوم...

- رافعه شعري ذيل حصان بقيت العب بالحوش الجو چان مشمس صاحت بيه امي وهيه تباوع عليه من شباچ المطبخ...

زهوره يمه دخلي لا تجي حبوبتچ...

دخلت رحتلها ارگض والعرگ يصب واني اضحك وفرحانه لان رازقيه مو بلبيت چان كتلتني وخلتني انام اذا شافتني العب تگلي انتي چبيره كرعانچ شطولهن وتلعبين لو متعلمه تسرحين بهوايش حمديه ...

ما اعرف ليش ما چانت تحبني... يمكن لان چنت نسخه من امي بس الفرق امي فقيره واني لسان طالعه على حبوبتي حمدية...