اهلكتني عيناك

11

اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

مرت شهور حملي كلش صعبه... وثگيله كجسم وكايام

بطني كبرت كلش وحركتي كلش بطيئه وصعبه عليه...

امين بس يعيب عليه... يگلي جنچ بطه

عرفت بيه بنية... وچان يوم اسود عليه صلاح من سوء لاسوء اتسودن من عرف...

اني ايست منه ومجان عندي بيه امل من البداية... يحجي يصيح اخذت دور السكوت...
وهو اصلا ما مهتم اليه من البدايه... امين جان شايل همي

ياخذني للسونار هو وعمتي...

وهو جهز جهااز الطفل كلهن... گال هاي هديه فطومه قرر يصير اسمها فاطمه...

كتله اشمعنا فاطمه...

لا عيني خااف اسم وحده من صويحباتك...

هو ضحك وگال... دنچبي انتي بس عليج تجيبين والبنيه مالتي

عمتي گالت... والله خايفه على مستقبل هاي البنيه يضيعه مثل ما سربت ياسين

عمتي حبابه كلش وتحبني مثل اميرة... بس ما جان عدها وكت اليه دوم طالعه...

او واجبات البيت اكثرها عليه اميرة تساعدني بس فتره امتحاناتها تعزل نفسها حتى تدرس لو مرات تطلع ويه عمتي...

باخر ايامي عمتي چانت تطلع... واني اطبخ ورجليه متتحمل ضغط الوگفه...

امين ميخليني... اگعد واگله شيسوي وهو يطبخ وهشام ينظف

گعدي خو انتي بلوه سوده على راسي طاحت...

خفت جهرتك لسانك شطوله

هاا ولج تراا والله ما اطبخ

لا انته خوش ولد وام بيت معدله يله ابزل التمن

دسكتي ما ارد اباوع عليج... جنج دعبله

آميييين لتعيب والله نفسيتي تتعب

اووي سندس... دنچبي غير صايره طوبه گريگر

وبلليله الاحد الساعه 11:40 چبت فطومه شكد ما چنت كارهه حملي بيها... صارت روحي من الدنيا طلعت نسخه مني عيونها خضر وبيضه ودبدوبه...

عمتي گالت بس لا تغير لون عيونها من تكبر...

بحيث بلليل صلاح يضوج من صوتها وميريدها ومخليني انومها يمنا افرش فراش بلگاع حتى انام على ريحتها گمت ما اعرف تغمض عيني وهيه بعيدة عني...

وكلهم مكيفين بيها من ايد لايد... خو امين مطلع عينها هيه تشوفه تفز عليه...

وما تريدني يخليها اطلع لسانها