أسيـرة "داعـش"

part 19

#أسيرت داعش

#الكاتبه اسينات

البارت التاسع عشر /19

لا تنسون التصويت وتعليقاتكم ومتابعه للحساب

بسم الله الرحمن الرحيم 🤍.

•••••••••••••••••••••••••••••••••••••••••••
مشيت مسافه منزله راسي انردمت بشخص شهكت فاتحه عيوني رجعت ليوره بسرعه

:-انته شتريد مني ها ..دفعته حيل ضحك بصوت عالي

:-جعفر ولي مني شتريد مني

:-تقرب مني حيل واني ارجع وخايفه حيل لا يشوفنه أحد اخر شي صرخت بي بصوت عالي

:-امشي لك شتريد مني أنته جلب

:-اريدج ...باوع الجسمي بطريقه تخوف حسيت روحي ملابسه شي صرخت بي

:-والنبي افضحك يا جعفر افضحك والم الناس عليك

:-وينهم الناس ها ..يتقرب واني ميته خوف وخايفه تمنيت هسه موجودين وينقذوني منه

:-وخر مني ..لزمني حيل من زندي ويجر بيه الدمعه بطرف عيني خايفه حيل اضرب بي اريد يوخر مني ضربته حيل على رجله ما احس الا وضربني على بطني بايده شاغت روحي بجيت بصوت عالي ودفعته حيل وركضت اركض حيل خايفه وهوه ورايه يصيح ويركض اخر شي شفت السياره ركبت بيه بسرعه وحجيت

:-بسرعه امشي

:-خيرج بويه

:-لا عمو ماكو شي بس جلب وخفت ..ارجف حيل وعيوني يحركني حالتي حاله وصلت واتلفت خاف موجود بسرعه طبيت كاعده امي بالصاله تباوع تلفزيون

:-شكو اسم الله شبيج

:-ها لا ماكو شي بس تعبت اليوم

:-تمام زين روحي بدلي واكلي

:-اكلت بالعياده الحمدلله

:-تمام فوتي ارتاحي ..بسرعه طبيت للغرفه ارجف نزعت الحجاب اهفي

:-طاحظك يا جلب خره بيك تموت أن شاءالله

كمت اخذت ملابسي وفتت للحمام سبحت طلعت كعدت مشطت شعري باوعتله فتحت الجراراه واني اكول اي كصي احسن الج

مدري شجنت احس طلعت المكص شعري طويل يوصل الخصري جريته وهستوني ردت اكص دخلت ماما صاحت بيه

:-وثول شجاي تسوين مخبله انتي تكصين شعرج باوعتله نوب باوعت للمكص

:-ها شمدريني ..راحت طلعت وأخذت المكص رحت للجربايه وافكر وينهم حسـن عمار ضياء استغفرت ربي ونمت للثاني يوم رحت للمستشفى رجعت الظهر تغديت

ورحت للعياده هواي مراجعين لل 10 بليل كملت ورحت للبيت بي ميته خوف عيوني على الشارع خاف موجود ركبت بسرعه بالسياره نزلت يم المحل اشتريت كم شغله للبيت طبيت للبيت ضلمه

الكل نايم غسلت ورحت اكلت ونمت ما كعدت الا على صوت ماما كمت بسرعه طلعت من الغرفه أحس روحه جاي تطلع صحت

:-مااما وينج

حجت كوه
:-طبي للغرفه ورده

_رحت للحمام دكيت الباب ماكو مترضه تفتحه ضليت ادك الباب وهيه ابدا قافلته على نفسه

:-يمه والنبي اكسر الباب اذا متفتحيه

:-ورد روحي نامي بعدين

كمت اتعارك وي الباب اريد تنفتح ماكو كمت ادفع بيه ماكو ابدا تعبت حيل ضليت كاعده بمكاني خايفه عليه شوي وفتحته تمسح بوجهه

كمت بسرعه اباوعله

:-شبيج اكو شي يوجعج..؟

:-هزت رأسه نافيه كلبي مو مطمن

:-يمه باجر اخذج للدكتور

:-حجت بسرعه ..لا لا ماكو داعي ما بيه شي بس لعبانه روحي

نور:-ماما من الصبح لحد الان تكولين لعبانه روحج

ورده:-شبيه

نور:-من الصبح بس تتقيئ ورأسه يوجعه حتى الاكل اني سويته

باوعتله وشاكه بشي بس الا اتاكد ضليت ساكته راحت كعدت واني اباوعله دخلت للحمام اشوف اكو شي ماكو

طلعت احجي

:-اكو شي ماما بيج شي لتخوفينه فدوه

:-ما بيه شي شبيجن وجهجن اصفر

:-كومي نونه سوي عصير

كامت راحت للمطبخ وامي طبت للغرفه ضليت كاعده فتحت التلفون اكلب بالفيس رحت بحثت عليهم كتبت ردت ماكو ابحث اسم اسم المشكله ماكو كتبت

ضياء ..حسن ..عمار ...الضابط حسن ..الضابط عمار ..الضابط ضياء ..كتبت بالإنكليزي ماكو سديته كمت اخذت العصير من نور ودخلت الغرفه كاعده من شافتني ابتسمت

:-والله ما بيه شي

:-اي اي كافي يله كومي اشربي وارتاحي لتضلين كاعده مو زين اخذت مني العصير وشربته واني افتر بالغرفه وأشوف صورنه مبتسمه

:-كملـت

اخذت منه الكلاص غطيته وطلعت نونه بالمطبخ تدرس رحت يمه

:-ها عمري

:-ها

:-كومي نامي مو زين عليج

:-لا اريد اكمل هذا الفصل واكوم

:-كومي باجر كملي

هزت رأسه كامت اني هم رحت تأكدت من البيبان رحت نمت بعد ما كعدت وهم سويت البحث عليهم ماكو نمت كعدت الصبح لبست بنطرون عريض شوي ابيض وقميص يجي فوك الركبه اسود وحزام فوكاهم ولفيت حجابي طلعت للمستشفى

بين الشغل كملت كلشي اني وجاي اطلع اتصل بيه جدي

:-الو هاي حبيبي شلونك

:-الحمدلله شلونج بنيتي اخباركم

:-الحمدلله جدو بخير نسئل عنك

:-وردايه عندي موضوع

:-شنو .؟

:-بويه متجون للبصره بيبتج مشتاقتلكم وتسئل عنكم

:-ما ادري جدو اسئل امي وأشوف

:-اي تعالو جدو وهم عرس بنت عمتج

:-اي صدك مبروك من اخذت

:-ابن عمج عباس

:-مبروك أن شاءالله اشوف ماما

:-غلقته منه ولبست نضراتي وطلعت امشي منتضره السايق لا صدك يرادلي سياره يعني عذاب اضل مسموطه بهل الحر اجه ركبت رحت للعياده الدكتور ما مدوام مريض فاني بداله بديت اشتغل حيل اتاخرت لل 11 بليل يالله كملت طلعت بسرعه اريد ارجع للبيت تعبت حيل

ركبت نعسانه بالسياره وصلت نزلت بسرعه هستوني جاي افتح الباب سمعت صوت درت وجهي جعفر واكف ويبتسم خزرته طبيت وقفلت الباب

رحت بدلت امي نايمه ونور نايمه غسلت وكعدت احجي وي صديقتي راسلت بنت الدكتور تكول حالته خطره حيل خفت عليه خطيه رجال يصلي ويصوم

شغلت الاغنيه وكعدت اسمعه شوي ونمت كعدت على اتصال انصدمت الدكتور اتوفه متت قهر كلت الامي خطيه نقهرت علي داومت بالمستشفى هدور رجعت للبيت رحنه للفاتحه مالته حجيت وي ابنه كال

:-شنو رئيج تشترين العياده وتصير بعد باسمج ..كتله اسئل امي وصدك اخذت رقمه ورجعت كعدت امي تحجي وياه وتستفر طلعنه الفلوس نحسبهن طلع مبلغ زين وصدك اشتريته وصارت باسمي

الفرحه متنوصف اول شي سويته حطيت لافته باسمي ..

الدكتوره ورده محمد

ضليت الليل كله ابجي واكول ياريت بابا موجود ويشوفني اجت امتحانات نور والبيت نكلب ساعه تبجي ساعه تقره واحنه وياه متنه تعب لحد ما خلصت نتناوب عليه

اني وماما من ارجع من المستشفى ادرسه وهيج الحمدلله مجاوبه الثاني يوم طلعنه اشترينه فساتين العرس مالت حوراء بنت عمتي الاسبوع الجاي العرس

كعدت الصبح على صوت المنبه كمت بدلت لبست بنطرون كابوي عريض وقميص اسود فوك الركبه لفيت حجابي حطيت مكياج وركزت بالحمره الي لونه بنفسجي حيل حلوه كل يوم احط منه

طلعت رحت للمستشفى يوم الخميس يصير مزدحم وهواي ناس فاطر من المستشفى للعياده خلصت ورحت للسياره سلمت

:-شونك عمو

:-بخير عمو ..وصلني العياده

:-عمو يجوز اليوم اتاخر من اتصل عليك تعالي

:-تمام بنيتي

نزلت امشي طبيت سلمت على السكرتيره طبيت الغرفه وبدو المراجعين يجون متت تعب بالله خلصت حتى ما اكدر أخذ استراحه بي اصلي

خلصت وطلعت متوجهه للبيت يوم الخميس الكل يكعد بالحديقه جاي امشي ومبتسمه اشوف الناس شلون تمشي وي عائلتهم تنهدت امشي

حسيت على شخص يصيح باسمي مشيت مستغربه ما اريد ادير وجهي بس هذا الصوت اعرفه وسامعته خفت لا يكون جعفر رجع صاح وكفت اباوع منو

:-لحضه لحضه اوكفي

درت وجهي مضيكه عيوني اشوف منو من تقرب فتحت عيوني ما مصدكه الي جاي اشوفه هوه ...

يتبع 🔥...

يماميييي شلونه اذا شفت تفاعل يجوز انزل بارت بليل كولو اسينات متنزل فاي اني من اشوف تفاعل انزل اذا ما اشوف ما انزل

فشنو لوزاتــي لتنسون التصويت وتعليقاتكم بين الفقرات ومتابعه

استمتعوا