الكاتبه: LARAN❤️
العيون أستراحن
هَودن بالشوف
والگلُوب ألتقن
وبشوفنا أحترگن..
بَس اشجار يمنة
وخُفنة بيها عيون
خاف تشوفنة
ولحظاتنة يغرگن..
" العـد التنـــازلي 3 "
( ليالي الجحيم12:00)
(Part 11 الـ)
مهم: لاتنسون التصويت والمتابعه للحساب داده🔴"
يلا انطلقوو وعلقو بين الفقرات بتم
انطلقووو
........................
.
.
.
.
.
- وأَحسنُ مِنك لَم ترى قَطُ عَيني
وأَجمَلُ مِنك لم تَلِد النسَاءُ
خُلقتَ مُبرأً مِن كُل عَيبٍ
كأنَك خُلِقتَ كما تشاءُ.
اتعشينه واشتريت تعلوله وجبت غراض من وصلنه بابا ذب السويج وڪِال قبل لا يدخل للغرفه
محمد: شوفلك يوم ماعندك شي حتئ تروح وتشوف البنيه ونشالله خيرر
:- درت وجهي اشوف ردة فعل حسن لڪِيته صافن بضياع وحيره ،
تنهدت ؏ الوضع وللحضه لمت ماما اصلاً ليش فتحت سيرة الزواج جنه مرتاحين هسه ڪِل واحد لازم زاويه يصفن ومحتار
تأفأفت وصعدتَ فوك دخلت بدلت ملابسي بقه تلفوني يرن رنه وره الثانيه منڪِطع لبستَ ؏ السريع ملابس النوم طلعت وشفت اسم انوار
اتخردلت واني اشوف الوقت متأخرر وهيه اعرفها ڪِلشي يصير وياها تشرد بي بالنوم رفعتَ التلفون وجاوبتها وسمعت صوتها الي بي غصه
انوار: ها أيڤو
:- ها حبيبي ڪِاعده؟..
انوار: اي مااجاني نوم
:- ليش
انوار: هيج احم ضايجه
:- ڪِعدت ؏ الجربايه واحجي وياها ، اي شعدنه نحجي ويه ست انوار عيني
انوار: أيڤي
:- عيوون أيڤي ڪِولي
انوار: اريدج يمي هاي الأوقات ندرس سوه ويمي حتئ تشتتين بالي بس بالدراسه
:- صاار عمري صاار يمج اني شوڪِت عفتج من باجر اڪِوم اجيج متفقين؟
انوار: تمام رايحه انام تصبحين ؏ خير وعينج ؏ نفسج
:- اجمعين حبيبتي نشالله وانتِ هم غلقت الاتصاال منهاا ورحت طفيت الأضويه وفتحت شعري تمددت ؏ المخده ذابه نفس مال تعب لازمه التلفون ومنتضره شي منه يوصلنيِ
مر الوقتت والثانيه تجر الثانيه والدقيقه لحد مأيستَ ذبيت التلفون وغمضت عيوني
بس صفنت قبل لا أنام ليش هيج اهتميت بي وبمڪِالماته ليش ڪِمت انتضر مڪِالماته؟
افڪِر بتصرفاته بلهجته الغريبه وياي؟..
اتنهدت ورمشت بعيوني هزيت راسي حتئ التفڪِير صار يأذيني وڪِلبي بالأزيد درت وجهي للصفحه الثانيه وعيوني ؏ السقف تفتر بشرود عساا ولعل انعس وأنام بديت اغمض
وفززني صوت رنت التلفون سحبت التلفون بدون ماشوف منو ، الوو
" صوتج يخدر حتئ السڪِران خالي "
:- صحصت وفتحت عيوني وخرت التلفون واني ارڪِز بالرقم عززا هذا هوا!!
رجعت راسي ؏ المخده وادفيت زين وهمهمت بصوت واطي سمعت نفسه السريع الي ذبه
" صبري خلص القائي وياج "
:- اي لقاء تحجي بي دائما؟..
" لقاء حميم وحار راح يصير وياج وداعتج "
:- مفهمتني لحد هل لحضه والشهور شنو مشڪِلتك وياي وشتريد مني وشنو غايتك ونيتك وياي
" نيتي سليمه وصافيه "
:- زين شتريد مني
" اريدج بأسمي "
:- غمضت عيوني ڪِلبي يدك سريع ومبتسمه لهل ڪِلام لأن اول مره اسمعه وصوته رغم خشن بس مبحوح واليوم هدوء يمه ، تحبني؟
" ڪِلشي بوقته حلو "
" ففتيِ "
:- اتوسعت ابتسامتي وغمضت عيوني اڪِثر واني اتخيل شڪِله بالأسود ڪِبالي جاوبته ، امم
" نموت عليڪِم "
:- ليش متڪِلي شتريد وليش متعترف تحبني او لا؟
" مابقه يومين وبس وتعرفين ڪِلشي "
:- هزيت راسي بطاعه وڪِأنو واڪِف ڪِبالي ، يلاا عوفني اريد انام جاوبني بصوت ذايب
" نومتك عافيه لڪِليبي يمدلل "
:- ضحڪِت وغطيت وجهي مستحيه من ڪِلامه يله باي سديت التلفون ورجعته لمڪِانه صعدت الغطئ لصدريِ واني اتلفلف بي حيل ادفئ وادور دفو مرتاحه لڪِلامه الي مثل المغناطيس يدخل لمسامعي ويخليني افصل
لهجته غريبه..
ڪِلامه غريب..
شخصية غريبه..
مجهـــــول..
مبهـــــم..
اوقاته المحـــدده..
ڪِل هل شغلات بي واڪِثرر ومجهوله وماعرف شي لڪِن بالمقابل هوا يعرف ڪِلشي عني
غمضت عيوني واني اهز براسي مثل الخبله تنهدت وذبيت نفس طووويل براحه ڪِلبي نبضاته مو منتضمه ولازم افتح ملف جديد بحياتي واشوف ليش هل شڪِل جاي اتعب
وهواي شغلات تغافلت عنهاا بمرضي وڪِلشي ، تعبت من التفڪِير ونمت بساع
ڪِعدت ثاني يوم بنشاط حلو حضرت غراضي وڪِتبي تغديت وخليت حسن يوصلني طول الطريق وهوا ساڪِت محد فتح حديث
واحنه بالعاده نخلص الطريق نتناقش واتعلم منه هواي شغلات بس هسه غيرر ساڪِت وجڪِاره وره الثانيه اختنڪِت من الريحه وبقيت اهوي بأيدي وهوا مو منتبهه دايخ دايخ
ڪِاافي حسن ڪِافي جڪِاير اختنڪِت السياره انملت ريحه جڪِااير
باوعلي ثواني ووڪِف السياره ؏ صفحه عافني ونزل انتجه ؏ بنيد السياره جتف ايده والايد الثانيه يڪِمل جڪِارته بقيت اباوعله بحيرره ودوخه شبي حسن؟
هوا موصغير حتئ ينجبر يڪِدر ياخذ غير قرار بس هسه وضعه مخرربط مخربط بيوم فتحو السيره ولحد الأن
رن تلفونه سحبته واشوف الرقم الي ابددد عمري وحياتي مجنت طايقته واتمنئ ماشوفه مره ثانيه حبيبة حسن القديمه
صفنت بتفڪِير ورفعت نضري ال حسن واني اڪِول ليش دايخ اخويه وتعبان ثاري الحيه رجعت توصوص وراه جاوبت عليها بالمره الثانيه اجاني صوتها المتنغوص
ميس: واخيرراْ رديت عليه حسن تعبت واني ڪِوه حصلت رقمك وانتَ متجاوب
:- شعندج متصله ؏ اخويه حقييره
ميس: هيي هييي احترمي نفسج منو انتِ والله عشووو عشنه وشفنه زعاطيط اخر وڪِت تحجي والله وزين عمي طلع لست أيڤين لسان
:- فرڪِت راسي بدوخه من وره ڪِلامها الي يصدع الراس ،
اووف اوفف راسي وجعني من ڪِلامج البايخ شوفي لج زماله هل مره اتصلتي مره ثانيه اعرف شلون أدبج عينج ؏ رجلج لا افڪِس عيونج
لا توطوطين ؏ اخويه وتحاولين تشوشين فڪِر اخويه بيج وترجعينه للماضي ماله لا حبيبتي تحلمين اصلا حاطج بالقائمه السوداء الي بحياته وحتئ اقطع امالج الحلوه
حسوني حبيب عمري رراح يخطب فـ ابتعدي عن طريقه افضل الج لا اسحج سح نفس اخر مره تتذڪِرين
سديت التلفون واني اتنفس سريع هاي شڪِد حجيت يمه بقيت اهفي ؏ وجهي شويه وصعد حسن فتح الجام وهوا ساڪِت ودايخ
:- شبيك حسن ، جاوبني وعينه ؏ الطريق
حسن: مابيه شي حبيبتي لا تفڪِرين
:- تعبان ومتشارڪِني تعبك معقوله تنهدت بتعب وهوا يطول بسڪِوته وڪِأنو يتصارع ويه عقله وتفڪِيره
مسحت ؏ جتفه بحنيه حتئ اخفف عنه التفڪِيرر شويه ، ابتسملي بحنان يطول سڪِووته قرب راسه يمي وهوا يسوق وهمس
حسن: دنيه ضلمه وانتِ ضواي
:- لزمت ايده وعصرتهاا قوي وشميت باطنها وبستها ، الله يخليك الي ولا يتعبك شويه ووصلنه لبيت جديد وڪِف السياره ورجع راسه للڪِشن وغمض عيونه وبقه يضرب ؏ الاستيرين
حجه وهوا مغمض عيونه - نزلي حبيبتي
:- متنزل تسلم ؏ بيت جدو؟..
هز راسه بنفي وجواب سريع يريد يتهررب
حسن: لا ماانزل يله نزلي وراي رجعه
:- عيب حسن هسه يبقه جدو يحجي عليك ويسئلني انزل عفيه سلم واطلع
رفعلي راسه بضيجه ويتأفأف فرك شعره وقفل السياره ونزل نزلتَ وراه لزمت ايده ودك الباب شويه وانفتح الباب بطيره وفرحه وشفتها انوار
بس اختفت ابتسامتها واتبعدت نضراتها عني من شافت حسن وياي بقت واڪِفه تباوعله وتبلع بريڪِها بمرات متتاليه وڪِأنو تريد تبلع غصتها الي حاصرتها وراح تهاجمها بدموعها
نزلت راسها وتراجعتّ عن الباب وهمست خفيف
انوار: تفضلو
:- عصر ايدي حسن وابتسم يخفي حرڪِات وجهه وتفاصيل وجهه جاوبها بحنيه
حسن: زاد فضلج بابا
:- دخلنه وهوا عفته يدخل قبلي رجعتت الأنوار الي بقت منطيتنيِ ضهرها وتريد تدارك الأمرر همست بصوت مستحوذ عليه الغصه
انوار: ليش هوا اجه متعمد يعني!؟
:- لا ممتعمد بس غير يوصلني هز راسها ورفعته سحبتت نفس طويل واختنڪِت بي اخير شي ڪِالتت ، ميفيد ڪِلشي الخاسر الوحيد اني
هزيتلها راسي أيد ڪِلامها الي ڪِله صح بس متڪِدر تتقبله واطبقه حيل اتعجب عليهاا
سحبت ايدها ودخلنه سلمت ؏ الڪِل وانوار صعدت فوك شويه واترخص حسن وراح طلعتَ وراه اوصله للباب وڪِفت ڪِدامه
ابتسم بوجهي ڪِرص خدودي وعصر ايدي خفيف
حسن: حجت وياج هم موو
:- نزلت راسي وضحڪِت هذوول شبيهم راح يخبلوني والله ، لا محجت لتشغل بالك
هز راسه وهوا يڪِول
حسن: يوم يومين وتنسئ وڪِلشي يعدي
:- رفعتله راسي بأستغراب وسڪِووتت عقجت وجهي وتنفست بضيق همستله غصب عني
، ليش حسن انت نسيت بيوم يومين لوو شنووو
جان مدنك راسه رفع راسه والعيون مخنزره عليه وتجدح نيران تراجعت ليوره لأن خفت من نضراته اليه لزمني وقربني اله اڪِثر قبل لا ابتعد نصه راسه حتئ لا احد يسمع وحجه بهمس
حسن: هاااااي السيره متنفتح ابددد مو هيج حجينه
:- لزمت ايده الي ضاغطها بقوه ؏ ايدي رفعت عيني بعينه اسفه حسن بس مو هيج قصدي جنتت اري....
حسن: اششش حيوانه جنتي او لااا هذا الموضوع مينفتح صخمنه وحجينه بي لوو لاااا
:- اوخر بأيده وهوا ضاغط عليها قوي اوي حسن وخررر أذيتني مو هييج تتعامل وياي
بقه يهز بجسمي متخبل من الفڪِره وڪِلمتي الي شعلته شعل رفع راسه من سمع صوت انوار جايه ترڪِض بأتجاهي شافها وزاد غضبه وعصبيته
تقربت يمي دفعني عليهاا وڪِال بعصبيه وغل
حسن: هاااج بت عمج ولحد يدخل بحيااتي وانتِ مخصصوووص انوووار فاهمه لو افهمج بالطرق مالتي
:- عافني وطلع فرڪِت ايدي متأذيه بجيت متحملتت المووقف اول مره يتعاامل وياي هيج حسن رغم مسويت شيِ غلط بس حجيت الحق والعدل حضنتني انوار وهيه مصدومه
انوار: عزاا أيڤ هذا حسسن لو غيره
:- بقيت منزله راسي وابجي
انوار: اشش ياروحي ليش تبجين لا تبجين شصار بينڪِم
:- مصار شي بس هوا تعصب ؏ لا شي ولأن حجيت ڪِلمه الصدك
انوار: شنو ڪِلتيله
:- رفعت راسي ومسحت دموعي التنزل بغزاره وهضمه موقف من حسن ،
لأن ڪِال عليج تنسئ يوم يومين اني ڪِتله لعد انت منسيت بيوم يومين عقجت وجهه بعصبيه
انوار: وشنوو تحجين وياا عووفييي واصلاْ ليش يسئل عليه شنو يريد بعد لأن حجيتي الصدك نغث عباله ارڪِض وره ورخيصه نفس شمسس الرخيصه
:- صفنتَ بوجهه حتئ الدمعه والاحساس راح مني ونستني حتئ الدمعه ،
ضحڪِت هزيت راسي ودخلتها جوه ودخلنه ڪِعدنه احنه والبنات نسولف شوي حضرنه غراضه اني وانوار وطلعنه للحديقه حتئ نراجع سوه
بقينه ندرس ووحده تشرح للثانيه وتمر الساعاتَ انفتح الباب ودخل سجاد ابتسمتّ عيونه قبل حلڪِه
تقدم بأتجاهنه وهوا يفتح اول دڪِمتين من قميصه هستوه جاي من الشغل
سجاد: شلونهم الجماعه
:- ابتسمت اله ، زينين وانتَ
سجاد: عاال العاال جاي ادرسن
انوار: اي جاي ندرس
سجاد: تحتاجن مساعده؟..
:- اي بس اڪِو معادله بالرياضيات شوي صعبه علينه تڪِدر وره مترتاح تحلها الي ، حمحم ونزل راسه حك طرف شعره ورفع راسه مبتسم
سجاد: ادللي بس اغير ملابسي واجي
:- هزينه راسنه ورجعنه نڪِمل شويه وطلع مبدل تراك شتوي سوينه اله مڪِان واجه ڪِعد يمنه اخذ الڪِتاب يشوف الموضوع بقه مرڪِز بي لحد مرفع راسه ونضرلي بأبتسامه دار وجه لأنوار وحجه بتشتت
سجاد: نويراا ڪِومي سويلي جاي يعدل راسي
:- طفرتَ انوار ورحت تسوي جاي ذب الڪِتاب ؏ صفح وذب نفس طويل ڪِور ايده وخلاها ؏ حلڪِه وبقه يباوعلي بهدوء
خجلت من نضراته وترڪِيزه دنڪِت راسي اشغل روحي بالڪِتاب رجعت رفعتَ راسي متوتره لڪِيته صافن بوجهي بشرود عجيب!!
حڪِيت طرف عيني بخجل وضحڪِت اضيع خجلي
سجاد: ياڪِلب مابعدك هوئ
:- رڪِزت عيني بعينه وعضيت شفتي خفيف وهمستله ، شلوون
سجاد: ولاا شي يابه ولا شي يعجبني اشعر لو مايصيرر
:- لا لاا يصير براحتك سجودي بقيت منزله راسي لو العب بالڪِتاب او بالحجاب لو بالأوراق
سجاد: شدعوا هلڪِد متوتره وقلقانه؟..
:- ابتسمت بفشله لاا منوو شنو متوتره والحمدلله الي تلاحڪِت تلعثم ڪِلامي هيه جيه انوار وهيه مبتسمه
انوار: اجييت
:- ضحك سجاد وڪِلالها عفيه بأختي النادره ڪِعدت مبتسمه وهوا بده يشرح النه المواضيع سجاد دڪِتور طبعه هادئ عصبيته مفاجأه جماله محدود ويه شخصيته
حيل حلوه شخصيته ورزانته ويه المقابل حتئ شڪِله يبعث الطمأنينه للأنسان ويحس الدنيه حلوه بقه يشرح ويشرب جاي رفع راسه وطك رڪِبته
سجاد: ها فهمتن؟..
انوار&أيڤين: اي فهمنه
سجاد: بعد ماطيحتن حضي موو
:- ڪِل احنه ضحڪِنه وهوا ترخص ودخل واحنه بقينه ندرس أذن صلينه ورجعنه ندرس بقه قليل من الماده اتفقنه باجر نڪِملها ونبدي بمراجعه غيرر ڪِتاب لأن امتحانات نصف السنه هاي مو الأخير فـ مو الڪِتاب ڪِله
دخلنه جوه وجدو صاحني حتئ ابقه يمهم اڪِثر بس اني رفضتَ اريد ارجع يم ماما خطيه تعباته هل ايام من بعد الحاح اقتنع واجي باجر ؏ الغده خليت مرت عموو تتصل ؏ حسن وڪِلالها
حسن: ڪِليلها خلي تنتضرر فد ساعه هيج واجي
:- سدت التلفون والتفتت اليِ
هناء: ماما انتِ متحجين ويه اخوج موو
:- نزلت راسي حتئ لا يبين عليه ، لا عمه ليش ماحجي وياا
هناء: مساع شفت العرڪِه الي صارت بينڪِم بالحديقه
:- ضحڪِت بوجهاا ابين ماڪِو شي ، سوء فهم هذا اخويه الجبير والوحيد مازعل منه ابتسمت وفتحتلي حضنهاا جرت راسيِ وباسته
هناء: احبج لأن راڪِزه ومعدله وقويه
:- شددت ؏ حضنها وحضنتها حيل احبها عمه هناء اجن البنات واجتمعنه ڪِل احنه وبقينه نسولف بالصاله وناڪِل حب
بعد مده انفتح الباب ودخل حسن تعبان وشايط من الأعصااب وخشمه ينزل دم وايده بيها دم ڪِلها باوعت اله وبيبي صرخت بفزغ
الجده: يمه وليدي شصايررر
:- ڪِمزت أنوار يمه والولد ڪِاموو اجه بعصبيه وڪِعد ؏ الڪِرويته وفتح دڪِم قميصه بحره وصاح يريد ماي
والولد يحجون ويا ويستفسرون منه هوا ساڪِت جابتله انوار ماي رفع راسه اخذ بطل الماي منهاا غمض عيونه بيأس وتنهد شرب الماي واخذ شوي غسل وجهه
رجع راسه للڪِرويته بتعب وغمض عيونه صاح جدو بي قلقان عليه
الجد: ماتحجي نلصمت شبيك
:- فتح عيونه حسن وعدل ڪِعدته وعدل ياخة قميصه ورث جڪِاره ذب الجداحه والباڪِيت ؏ الطاوله بقه يسحب نفس لحد ما حجه
حسن: تعاارڪِتت
الجد: ويامن واول تالي
حسن: واحد سڪِط يستاهل العرڪِه والله لو عايفيني الناس جان دميته
الجد: ابن منوو غير تحجي وليش
:- جنت جاي اسووق جاي الڪِم ماشوف اله واحد بسياره سوده مضلله طلع رون سايد وراد يدعمنيِ بقه بالسياره والناس اجت هسه ينزل هسه ينزل مانزل
عاد نفذ صبري اجنفتله ونزلت دڪِيت ؏ الجامه نزل الجامه وڪِلشي مااشوف منه بس عيونه ويباوعلي بڪِل برود ڪِأنو مامسوي شي
:- رفعتَ راسي لڪِلام حسن واصفر وجهي وبلعت ريڪِي انوار مايقل شڪِلها عن شڪِلي الي بهت لونه وبقت تباوعلي وتهز براسها
الجد: وليش تعارڪِتو
حسن: ڪِتله انزل احجي وياك ، يڪِلي شنو خسرت انا اعوضك حسابله ميتتت ؏ فلوسه ڪِتله انزل انزل وبقينه نتضارب وضربته ڪِله ؏ راسه شڪِيت حاجبه وهوا ضربني ؏ خشمي ولو ماا الناس والله اجنزه
:- بلعت ريڪِي وانوار تهزلي براسهاا يعني شنوو شلوون ،
حسيت الخطر ڪِام يحوم حوالين اخويه ومراح يعوفني هذا ويريد شي مني
مارحت لحسن رغم خوفي الطاغي عليه بس مارحتَ ردت بس اختفي عن الانضاارر حتئ اوصل للحقيير واخلي حد لهل مهزله هايِ
رفع راسه وهوا ينهتَ بتعب
حسن: يلاا امشي
:- تسحبت ؏ ڪِيف وصعدت لغرفه انوار ومن وره التفڪِير ارتطم صبعي وضفري انڪِسر وصب دم مانتبهت بقيت اڪِمز متوجعه وعاضه ايدي بشفتي صعدتَ انوار وشافتني
انوار: شڪِو شڪِوو شبيج؟..
:- اڪِمز وأشر ؏ رجلي ، ڪِعدت ؏ الجربايه واني الوب من وجع رجلي اجت ڪِعدت يمي وحجت بخوف
انوار: أيڤ هذا نفسه هذاك الرجاال مو!!
:- رفعتلها راسي بقلق واضطراب ، ماعرففف انووار ماعررف هددني بأهلي قبل هل شي وسڪِت عباالي نسئ بس ابدد لاا جوز هوا وجوز مو هوا مااعرف
انوار: ليش انتَ تتواصلين ويا!؟؟
:- سڪِتت ماعرفت شجاوبهاا ڪِمت احجي واني الم غراضي ،
لا مااحجي ويا بس هددني بأهلي وراح انتضرره يتصل حتئ اعرف شنو يريد وڪِفت ڪِبالي وحجت بصوت خايف ويرجف
انوار: لا تندڪِين بي أيڤ عوفي الخاطري ماتدرين شنوو هذاا وشنوو يسوي لا تتورطين ويا وتحجين وتتجاوبين وتنطينه مجال لا يسوي تهلڪِه بيج
:- صفنت بڪِلامهاا بدوخه وجاوبتها ، غير اعرف شنو يريد
انوار: عوفج منه ترڪِي يريد يشتتج ويخوفج ويحسبج اله عوفي ولا تتجاوبين ويا لخاطري
:- سڪِتت لأن وجهه نضررها صحيحه واني بأخر فتره احس نضرب ؏ عقلي بسببه رفعت راسي بهدوء وسئلتها بأستغراب ، ڪِولتج شنو يريد مني؟..
رفعت اڪِتافها بعدم معرفه ودارت وجهاا منيِ
لبست ملابسيِ ونزلتَ لڪِيت الڪِل بعده مخبوص ويحجي
سلمتَ ؏ الڪِل ورفضو نطلع بس حسن اصر نروح باوع لأنوارر بخزره ورفعه حاجب وهيه قابلته بالبروده ووالخزره
سحب سويجه وڪِام وڪِال
حسن: نترخص احنه يله أيڤين وراي
:- باوعتَ لأنوار تهزلي براسها انو عادي مصار شي واسڪِت صعدنه بالسياره وهوا حرك نزلت الجام الهوئ بااارد بقيتَ ساڪِته وهوا ماصالحني
وڪِف ؏ صفحه مختنك ومضايق بقه يمسح ؏ صدره بخنڪِه شغل دعاء وتجه راسه ويدخن ويباوع ؏ الشارع واني مدنڪِه راسي وخايفه ؏ حسن من ڪِل جهه واحسس تربطتَ بعد من ڪِلشي
حسن: مو قصدي أيفي انا مضغوط عليه بحياتي اليوميه والشخصيه وتعبان وڪِلامج جان ماله معنئ لو مااحبج واعزج مااحجي وياج واناقشج
وانا اخوج الاڪِبر ابسط شي اڪِو اخوان ميعترفون بالأخت ولا يناشقونها ويعتبروها دوم صغيره بس انتِ اميرتي
" ودوم اشوفج بالعين العاليه والجبيره "
:- بقيت ساڪِته والغصه استحوذت عليه واريد ابجي من اتذڪِره شلون يعيط عليه مثل الأنسان الي يڪِرره
بقيت ساڪِته واعصرر بأصابعي سمعته يتنهدت بتعب رفعت راسي ومسحت طرف عيني وشفته يباوعلي وهوا ساڪِت
نضراته حيل غريبه صارت عليه ومثل الي مقربه عليه وتذڪِرني بشي من شافني مرڪِزه بعيونه دار وجهه عني ويباوع للشارع
محجيت وياا بقيت ساڪِته وهوا حرك السياره ومشه
حسن: أيڤ
:- ردت وجهي اله ورمشتَ بعيوني رجعت رڪِزت بعيونه والله مادري بس ماعرف شنو هل الاحساس الي اجاني!!
رجع صاحني وجاوبته ، ها حسن
حسن: احبج تدرين؟..
:- بقيت منزله راسي والعب بالجنطه مالتي ماعرف شنو اجاوبه ،
حسن: ماتحجيين
:- مساع أذيتني وشسويتَ بيه رغم مسويت شي غلط ويضرك او قللتَ من احترامك حبيبي
حسن: صح صح اعرف والله بس انا تعبان ماتعرفين شجاي يصير بيه والزلمه بالتفڪِير مو مثل البنيه الضغط ولد انفجار عندي ،
ومن ڪِد ماقهرتج مني وانتِ ؏ صح هل ندعمت وصارت مشڪِله
:- انقبض ڪِلبي من اتذڪِر الحادثه ، وبقه الولد ينزف موو؟..
حسن: خيولي شڪِيت حاجبه حتئ يصير اله درس
:- بقيت افرزن ڪِلامه ڪِلمه ڪِلمه يعني اذا هسه اريد اعرررفه هوا او مو هوا راح يطلع حاجبه مطبور ومتأذي بقيت ؏ نارر بالسياره لحد موصلنه
نزلتّ سلمت ؏ ماما وهم نخبصو بحسن بس هوا طمنهم صعدتَ فوك ذبيت غراضي ؏ الجربايه وطلعتَ رقمه محاضرني
واخر ضهور وره الحادثه بقيت متوتره اروح واررجع ولازمه التلفون ومتوتره واتصل عليه ميشيل خط
قررتّ اتصل عليه من حسن نزلتَ لغرفه حسن لڪِيته يسبح اخذت تلفونه وصعدتَ سجلتَ الرقم واني ڪِلبي يدك من الخووف دست اتصال يررن...
شوي واجاني صوته بعييطه
" لك ڪِووواد شترريد "
:- وخرتَ التلفون من ذاني وسديت الخط واباوع للشاشه والتلفون ،
هذا تلفون حسن!!
يعرف حسن !!
جاوب عليه بسرعه!!
عرفه ولد مو بنيه!!
اصفررتَ ملامحَــي بخوف وابلع ريڪِي بصعوبه رجعت اباوع للتلفون خاف غلطانه بس لا هذا رقمه وصوتهَ جاوب بسرعه
رجعت التلفون للغرفه ردت اطلع وانفتح باب الحمام صوت حسن وڪِفني واني الرجفه لزمتني
حسن: جنتي بغرفتيِ؟..
:- درتله وجهي بخوفه واحاول اتماسك ، اي بالغرفه
حسن: شنو ردتي
:- ولا شي هيج
حسن: تعااي
:- فتحتَ عيوني وبقيت واڪِفه صاحني وراح ڪِعد ؏ الجربايه بقيت لازمه يده الباب وڪِلبي يأذيني
حسن: تعاي يمي بابا
:- يحجي ويأشر بصفه ؏ الجربايه اابتسمت بوجهه بخوف ورحت وڪِفت ڪِباله جرني وڪِعدني بحضنه وخر شعري وخلاه وره ذاني وباس راسيِ بدفو
حسن: بعدج زعلانه مني؟..
:- جاوبته ؏ السريع واني اريد اخلص ، لاا لاا
حسن: متأڪِده ..
:- هزيتله راسي سريع واريد اڪِوم
حسن: شبيج خايفه شمسويلج هسه
:- مابيه شي حسن عفيه عوفني ترك ايدي بتعجب من خوفي منه طلعتَ من الغرفه ارڪِض ولازمه ڪِلبي بأيدي
فتحت الباب وسديته ووڪِفت وراه واني خايفه من التفڪِير بحد ذاته
يعني شنو؟
يعني هذا المجهول نفسه حسن!!
لعد حسن مو اخويه ليش يسوي هيج؟
شلون تقربلي هيج بهل قرب؟
شلون اصلاْ يغير بصوته!!
هزيت راسي برفض للفڪِره بس ارجع اتذڪِر عيونه مساع شلون تألفت اليه ڪِعدت ؏ الجربايه واهز برجلي وتلفوني يدك
ـشفتها انوار عفتهاا واني راسي مسطور اخير شي جاوبت عليهاا بشرود ، ها انوارر
انوار: وصلتوو؟..
:- مجاوبت ؏ سؤالها بس ڪِتلها ، انوار خايفه
انوار: ليشش شصاير شصار
:- حجيت بصوت خفيف وخايف ، انوار حسن يمڪِن نفسه هذاا المجهـول A12 تنفست سريع واني احجيلها سمعت صوتهاا هدء وبعدين ڪِالت بثقه وبرود
انوار: لاا مو هواا
:- عقجت وجهي بأستغراب ، شمدريج
انوار: يعني اغبئ منج ماڪِو حسن وين وهذا وين انتبهي لشخصيه حسن ودوامه وأوقاته وڪِلشي صار وياج ودققي بي
والرساله وشوفي خط الرساله والڪِلام وڪِلشي وبعدين احجي الرساله بعدها عندج مو
:- اي عندي عندي ، صفنت دقايق بدون مااارمش بتعجب ڪِلشي راح من بالي من الخووف حسيت عاصفه من التعب هاجمتني وبعد مااسيطر
دختتت ذبيت رااسي ؏ الجربايه بتعب واحس النفس ڪِوه يوصل الي غمضت عيوني بعد ماعرف شصاار
..............
ڪِعدت بعد فتره ايد دافيه تمشي فوك ايدي فتحت عيوني بتعب ونعاس ،
شفته حسن فوك راسي بقيت ساڪِته شدد قبضة ايده ؏ ايدي سحب نفس من الجڪِاره دار وجهه وذب نفس
وهمسلي:- تعبانه شنو بجسمج يوجعج؟..
احس صخنت من الحجي بس جاوبته بتعب ، ڪِلبي حسن
حسن: اخذتني علاجج
:- لا صارلي يومين مماخذته ، وخر عني وڪِام انطاني الدوه وانتجه ؏ ميز التواليت وجتف ايده ويدخن ينتضرني اشرب دوايه شربت الدوه واني تايهه
حسن: يلا امشي نزلي نتعشه
:- هزيتله براسي وهمست ، روح هسه اجي راح قبلي واني لميت شعري وراسي مصدع احس يريد ينفجر شربت حبوب راس ثنين
ونزعت ڪِلادتي وعفتها ؏ الفراش ونزلت جوه ماما مستفقدتي رحت حضنت بابا وشميت باطن ايده ڪِعدت يمه وبدينه نتعشئ
خلصنه عشه وغسلنه المواعين وڪِعدنه بالحديقه يشربون جاي واني ساڪِته حجي يجر حجي لحد ما حجت ماما
وداد: نشالله باجر بعد نروح تشوف البنيه موو
:- رفعت عيوني لحسن الي باقي هادء و؏ هدوئه وڪِأنوو ميسمع شي رجع جسمه للڪِرسي وعيونه تتجول ؏ الحديقه مو علينه
شبك ايده بڪِل بروده اعصاب وتصرف شرب الجاي وڪِام وڪِف وڪِال
حسن: نشاالله باجر والله ڪِريم
:- عافنه وطلع بره
محمد: وداد اذا شفتي ابنج ما هاوي البنيه لاتتصرفين من يمج ترا ابنج جبير وواعي وفاهم
:- ماما هزت راسها بحزن لأن تريد تفرح بي بس محد يڪِدر يفرض شي ؏ الانسان
دخلو اهلي وحسن مرجع للبيت بقيت ڪِاعده بالحديقه واهز برجلي وصافنه ماعرف وين شويه ودخل حسن اجه ڪِعد ڪِبالي وخله رجل ؏ رجل وخله ايده وره راسه وغمض عيونه ورفع راسه للسمه
بقيت صافنه عليه ارڪِز بڪِلشي بي وادقق فززني صوته
حسن: رسمتيني لو بعدج ولج
:- ضحڪِت بفشله ، لاا مارسمتك بعدني
حسن: اي زين رسميني زين ورڪِزي بعيوني لأن احلئ شي هنه
:- ضحڪِت ؏ غروره المتصنع وبقيت اباوعله وهوا مغمض حجه عبالي يرفع راسه
حسن: تتوقعين شنو راح نستقبل وشنو ينتضرنه بهل سنه وبدايه سنه جديده
:- عدلت ڪِعدتي بتفڪِير مادري حسن اصلا هاي السنه ماعرف ممتفائله بيهاا
حسن: اشش حبيبي اشش لاتفڪِرين
:- بقيت ساڪِته وهوا ابتسم ومغمض عيونه وڪِأنوو ديفڪِر بشي مهم ومهتم بي
تسحبت من يمه ؏ ڪِيف وصعدت فوك للغرفه بيتنه هدوء شغلت تلفزيوني وڪِعدت اباوع اتصلت عليه انوار نصيت صوت التلفزيون وجاوبتها واجاني صوتها الخايف
انوار: هاا أيڤين ڪِاعده
:- اي يروحي ڪِاعده شبيج شبي صوتج ليش خايفه
انوار: خاايفه عليج أيڤ هوواي خايفه عليج اريدج يمي 24 سااعه وڪِباال عيني موضوع مساع قلقني بيج وخلاني افڪِر هوواي
:- عدلت ڪِعدتي ؏ ڪِلامهاا الي عباره عن الغااز ، ليش تحجين هيج شصاير انو بقت ساڪِته متعرف شتحجي واخيرر شي تنهدت تنهيده حزينه للمسمع
انوار: عينج ؏ روحج بڪِل وقت وبڪِل ثانيه أيڤ لخاطري
:- بقه ڪِلبي يدك سريع من الخووف ليش شصاير احجي انوار لا تهبطيني احجي بدون الغاز ،
انوار: خايفه عليج هواي خايفه من ڪِلشي صار وياج بهل مده القصيره وڪِلشي صار وياج مامعقول وغــريب
:- بقيت ساڪِته واستمع لڪِلامها الحنين الي بقيت ساڪِته وهيه تحجي حسيت بتعب بده يحاوط جسمي ڪِمزت واني ادور القَـــلاده شفتها ولبستهاا
انوار: عڪِب باجر ترحين للدوام؟
:- اي طبعا وانتِ
انوار: اي اروح اريد يشرحون النه موضوع مفاهمته
:- بقينه نحجي شوي وانڪِطع الاتصاال من يمهاا رفعت راسي واشوف رقمه يتصل
ڪِمزت ؏ السريع واني اقفل الباب ومتوتره وايدي ترجف بقيت اباوع بأرجاء الغرفه اريد اجمع ڪِلام واحجي وياا ماعرف شحجي
عصرت راسي بشڪِل جنوني اخير شي فتحت الخط واخذت نفس صاامتت وبقيت ساڪِته وعيوني تزرزر بالغرفه منتضرته يحجي لحد مانطق ڪِلمته الغريبه
" اتحملي ڪِل وجع قريب منج "
يييييييتبع
.
.
.
.
.
.
.
.
.
جاي اداريڪِم مو بشرفڪِم 😔🌚
التنزيل خلاص اعتمدت عليه بين يومين ويومين بارتَ لأن جاي اشوف نفسي بين يومين اڪِمله وبدت مدارس بعد فـ افضل بين يومين ويومين ووقت استراحتڪِم
تفاعلڪِم اريد اشووفه للقصه ومتهمني التصويتات ڪِد المشاهده حته ياخذون عبره ونصيحه ويستفادون ، انشرولي القصه بڪِل البيجاتّ
السرد جاي تحبونه او لا؟..
جاي تعيشون وادخلون بأعماق السرد لو لا؟..
#اطرح_وانصح
الاحترام ..
النصيحه: الاحترام شي أساسي موجود بالحياة ولازم نتعامل ويا بڪِل جديه لأن الاحترام يأدي لهوايه طرق حلوه ومفيده وتفيدڪِم الاحترام صفه محببه وواجبه لأن اذا احترمت المقابل احترمك واذا استصغرته استصغرك ، احترام النفس والاخرين دلائل عن بناء الحياة الاحترام ليس مجرد حيله لڪِن فضيله للحياة الاحترام يتخلل بجميع جوانب حياتك وحب البشر دون احترام يعتبر هل شي فضل حيوان لأن الاحترام نصف الشخصيه ، فـ الاحترام واجب حتئ تنسعد بحياتك ويساعدك بهواي شغلاتَ
علقوو بين الفقرات وتفاعلو ويه ڪِل فقره
مهم: لاتنسون التصويت والمتابعه للحساب دادهَ🔴"
تابعو حسابي الانستا ڪِلشي انشر بي هناك
في أمان الله وحفضه
الكاتبه: LARAN❤️