أسيـرة "داعـش"

part 16

#أسيرت داعش

#الكاتبه اسينات

البارت السادس عشر /16

لا تنسون التصويت وتعليقاتكم ومتابعه للحساب

بسم الله الرحمن الرحيم 🤍.

•••••••••••••••••••••••••••••••••••••••••••
نبجي حيل روحي تروح كل ما نطلع من المنطقه مالتنه امي تتضاهر بالقوه بس هيه حيل ضعيفه حياتي عباره عن نوم نمت كبل منوصل كعدتني ماما رحنه البيت ام غزال

دخلنه هاي ثاني مره نروحله خطيه عباره عن عظم ممروده مرد امي أصرت عليه تجي ويأنه بس مرضت توسلت بيه تعاي ماكو ما رضت اخر شي امي انطته فلوس رغم المره ما رادت

بس امي أصرت كعدن اثنينهن يبجن الله يصبرهن اثنيهن امهات واثنينهن خصرن بناتهن سلمنه وطلعنه صعدت بالسياره ونمت نومه عميقه كعدت جان ليل

وبس صوت الجلاب خوف مو طبيعي نمشي وامي دور على البيت وحايره كل وحده شايله غراض جعت حيل ولازم أخذ دوه

راحت امي أشترت كم شغله كعدنه ناكل ونباوع للشارع مصوفر ولا جنس اشتم حيل ياخي صحيح مره وحده جايه البغداد بس هيج شي يجذبني اله اتصلت امي بصديقته

:-ها الو هلا عيني ...اي اخته وصلنه...وين انتو بالضبط ..ابنج ..تمام عيني

باوعتلنه امشن يله ما بقى شي ونوصل..مشيته مسافه قليله وصدك شفته ولد جان طويل وضعيف وشعره مرفوع وعنده لحيه ولابس نضارات ومبين جبير مو صغير اشرلنه اجانه يحجي

:-اهلا وسهلا شونج خاله الله يصبركم

:-الحمدلله شلونك جعفر

:-بخير شونجن بنات ..باوعتله هزيت راسي جاوبت نور الحمدلله ضليت ساكته مالي خلك شال هوه الاغراض امي مرضت احنه هم شلنه مشينه مسافه جان اكو بيت صغير بس مرتب فتح الباب تلكتنه امه بلبس القصير عود لابسه اسود بوست امي ضلن يبجن باوعتلنه وكالت

:-يا ولج سجى بناتج كبرانات

:-ما شاء الله اي

:-وبنتج هذيج الجبيره لو الصغيره الي راحت ..سكتت امي بلعت الغصه وحجت

:-الجبيره رقيه

:-الله يرحمها باوستنه كعدنه قدمت مي شربت رغم كلشي ماكو بس احس الوضع غريب ما عاجبني ابنه كاعد ويوزع ابتسامات باوعت للبيت جان صغير واثاثه بسيط صاله مطبخ وغرفتين وحمام وصاله اكبر بس مسدوده ضلينه ساكتين اخر شي ماما كالت

:-البنات تعبانات وتدرين طريق طويل فوين نكعد

:-لتشيلين هم ضلي هنا شكد متردين

:-لا هوه بس كم يوم لحد ما اشوف بيت مناسب

:-يا صدك تحجين سجاوي البيت بيتج حبيبتي

هزت رأسه امي منحرجه كومتنه بالصاله الجبيره

:-هاي أخذو راحتكم حمام هذاك يعني ماكو داعي طلعن وتتقيدن غساله هم اكو جوعانات اسويلجن اكل ؟

:-لا عيني اكلنه الحمدلله

:-يله لعد اروح اني عيني اخذن راحتجن تصبحن على خير ..

طلعت وسدت الباب ماما قفلت الباب وتاكدت نزعنه الاحجبه كعدت احك براسي كالت نور

:-بيج كمل

:-ها ؟

:-تحكين بيج كمل ..

:-ايا جلبه امشي لج ام الكمل ..ضربته بالجنطه ضحكت من ضحكنه ضحكت ماما كانت نور اتغدغد بيه واني تضحك كمت اخذت ملابس وفتت للحمام سبحت

دهنت جسمي بدهن امي جابته علمود يطيبن طلعت نور غافيه وامي تقره قران رحت بيدي المشط والزيت كعدت كباله تربعت لزمتني من كتافي مقربتني اله وكعدت تمشط بشعري شمت شعري وكالت بشوغه

:-اخ يا نغزات كلبي ..روحي راحت وراجن يا يمه

درت وجهي عليه حضنتنه ابجي حيل وهيه تبجي

:-اشتاقيتلهم ..غمضت عيوني

:-حتى اني والنبي يمه كل يوم احلم بيهم

:-ولج روحي تريدهم اريد احلم بيهم اريد اريح كلبي بشوفتهم مجاي يجوني انام من وكت اريد يزوروني بالحلم

مسحت على شعري وخرت نمت على رجله تقره على راسي قران لحد ما غفيت

اسمع اصوات همس بس بعيده حيل اريد افتح عيوني بس مالي خلك رجعت نمت للصبح كعدت امي كاعده تسولف وي صديقته كمت غسلت ولبست الحجاب طلعت باوعتلي وضحكت

:-يا هلا شهل الصباح

ابتسمت مجامله :-صباح الخير خاله

:-صباح النور فوتي تريكي

امي:-روحي تريكي حتى نروح ناخذ كم شغله..هزيت راسي وفتت جان اكو خبز اخذت شوي فتحت الثلاجه اخذت جبنه واكلت شوي لعبانه نفسي غسلت ورحت لبست بطنرون وقميص لفيت حجابي

جانت ماما جاهزه بس شافتنه اني ونور جاهزات كامت لبست عبايته طلعنه نفتر مو هلكد ندل مدري شكد صارلنه ماجاين امشي وأشوف الأجواء لازمه نور نحجي ونسولف ندور على بيت ونشوف المناطق

للظهر اخته بس ندور اخر شي عجبنه بيت منطقه راقيه حلوه غرفتين وحمام ومطبخ وصاله حلو على كدنه

سئلت امي على السعر شوي طلع غالي جان باله سعر اخر شي اطرت توافق لانو تعبنه وكوه حصلنه هذا البيت كلت الامي واحجي بهمس

:-يمه عوفي غالي نشوف غيره

:-لا اسكتي هوه بعد بيت لازم غالي ....امي كلتله اسبوعين على ما ادربلك المبلغ رجعنه تغدينه وخلصنه كمت ساعدته غسلت المواعين هيه مرضت بس اني اصريت كملت رحت كعدت كون بس ممثل ارجع الجامعتي

واسجل كعدنه نسولف ونحجي ونحاول نغير جوو اتصل جدي بينه امي اول شي مرادت ترد بس بعدين ردت لانو جدي حيل طيب واكيد هسه خايف علينه

:-الو السلام عليكم حجي... شونك ...صحتك شلونه ...احنه بخير ..والله حجي هسه احنه ببغداد ..لا احسن النه..واساسا جاي ادور على بيت ماكو داعي ..عمي ما اكدر اني تعبت بناتي تعبن من كلام الناس ..لا احسن شي ..لا عمي ماكو داعي تجي ...اخر شي امي انطته العنوان

:-ها شكال

:-يريد يجي أصر بعد شسوي هزيت راسي ضليت كاعده بمكاني كمت طلعت ورقه وقلم وكعدت اكتب اكتب كلشي صار وياي

بديت اكتب من اول منولدت لحد ما باعنه مصطفى وي كل كلمه روحي تروح واضل ابجي كله اكتبه وابجي الدفتر صار كله مي من كثر البجي مالتي

سديت الدفتر لحد ما تعبت رحت فتحت الشباك الي يطل على الشارع بس ميبين ومحطوط حدايد فميبين اريد هوه اخر شي بردت سديته ورحت للحمام غسلت وجهي وحطيت دهن الوجهي والركبتي وطلعت نور نامت امي تقره قران بصوت عالي تخليك غصب تنعس وتنام وأحله ايه من تكوله دائما من تقره

اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ" (سورة البقرة ١٥٣).

غمضت عيوني حيل احس براحه من اسمعه ابتمست من باوعتلي وكالت بأمر

:-كومي نامي اتاخر الوقت

:-تره كبرت

:-ههه كومي بنضري صغيره

كمت بسته

ونمت لليل احس انفاس يمي وشي يمشي على خصري وبطني عيوني اريد افتحهن بس ما عندي طاقه اكوم فتحت عيوني على كيف صرخت من سد حلكي ....

يتبع 🔥...

شلونه القفله 🙈

نكدر نكول منا حتبدي الاحداث الخنفشاريه 🌚😎

اي بربكم تفاعل وتعليقات اريد

عندي خبر انطيت الوحده تكتب فحتكتبلي نص 🙊يجلط فشنو انشره وحده ببارت واريد التعليقات نار بس مو هسه من تكمله تمام .

اي هسه شنو اذا كتبت بارت وكملته انشره الكم اليوم بليل كتعويض تمام ..

تصويت ،تعليق ،متابعه