#أسيرت داعش
#الكاتبه اسينات
البارت الثامن
لا تنسون التصويت وتعليقاتكم ومتابعه للحساب
بسم الله الرحمن الرحيم 🤍
••••••••••••••••••••••••••••••••••••••••••••
أغمى عليه بعد ما ادري شي بس حسيت البنات يدكن بالباب ويصرخن وما اكدر افتح عيوني ما عندي طاقه احس حموت حسيت صوت صار قوي شوي حسيت نفس بوجهي حسيت انشاليت من مكاني بس اسمع الاصوات بس ما اركز فزيت من شي بارد صار على وجهي فزيت بردانه
:-اششهه بارده
غـزال:-تمام حبيبتي ماكو شي ...اسمعه تحجي بس ما اركز ويامن احس ببردوه تصير على جسمي عركانه والدنيه حاره تسمط واريد اتقيى وبطني توجعني ظهري الم مو طبيعي فتحت عيوني شوي الكل واكف ويباوعلي حطيت ايدي على كصتي وخره هذا الي جابني حجه
:-لا عوفيــه ..
:-بارده ..
:-هسه شوي وتصيرين زينه ..
_كلبي دكاته الف تعبانه حيل ضليت فتره هيج نمت من التعب نايمه وشفت بابا لابس ابيض ويمه رقيـه لابسه فستان ابيض وشعره مفتوح على طولـه
:-وردايه بابا
:- باابا وينك حبيبي.. وردايه تعبت حيل وينك
:-يمج بابا ...لتخافين
:-وردايه حبيبتي شلونج ديري بالج على نفسج
:-سندي وينج يبعد اختج تعبت حيل اشتاقيتلج اشتاقيت الحضنج محتاجه اشم عطرج يروحتـي ...رحت الهم اركض تقربت الهـم اريد الزمهم اختفوا صرخت فازه
:-باابااا رقيــه
:-اسم الله اسم الله عمري ماكو شي حلم ...بجيت بنحيب ابجي حيل واحس كلبي اطمن عليهم لانو شفتهم حسيت ارتاحيت الكل واكف ويباوعلي وخايفين ابجي وحاضنتني غزال داحسه راسي ببطنها ارجف
ما احس الا وجرني من ايدي مكومني حيل وداني للحمام وهوه يصيح باسم غزال دفعني للحمام اباوعله وخايفه ومالي خلك وعيوني ذبلانه فتح المي بسرعه كلت
:-لا ما اكـدر باوعلي وهدور باوع الغـزال نزلت رأسه واني ابجي وعركانه واحس جسمي تتطلع منه حراره فتح المي البارد اجت غزال شوي واجت زهراء رادت تنزعني مقبلت ابجي واحجي بهمس
:-فدوه اطلعن اني
غزال:-لا اني يمج خاف متكدرين
:-لا فدوه اكدر إذا احتاجيت شي اكولجن ..هزت راسها وطلعن اثنينهن سديت الباب وقفلته ابجي احس هم وانزاح من شفتهم نزعت ورحت ذبيت مي على جسمي متت برد غسلت عـدل هيه فرصه وحده كملت وضليت واكفه بردانه ندكت الباب خفت لامه نفسي حيل
:-اني غزال افتحي جبتلج ملابس
_رحت فتحته مديت ايدي اخذت الملابس حجت بهمس
:-هاج هذني ملابس هذا الكدرت ادبره الج اخذتهن ولبست وسويت الازم غسلت وجهي لفيت شعري شلون مجان ولفيت حجابي عدل غسلت الملابس الوصخه
ما اريد احد يحجي أو يكول رغم كوه واكفه وظهري يوجعني طلعت شافتني غزال كامت بسرعه اجتني اخذت الملابس من ايدي وكعدتني وغطتني كعدت لازمه راسي حيل كال عمار
:- شبيج راسج يوجعج ..؟
:-اي شوي ..كام جابلي مي شربت وضليت كاعده حجه واحد ضابط وياهم جان مختلف يعني مو مثلهم كال
:-انتي من الموصل
_هزيت راسي
:-يا منطقه؟؟
_باوعتله بشـك ليش يسئل بلعت ريكي حيل حنجرتي توجعني
:-ليش تسئـل ؟
:- لحتى نرجعج الاهلج ...
:-منطقه ****** ..هز رأسه كلهم يباوعولي واني ساكته
:-بالمناسبه اسمي ضياء ..باوعتله شوي وكال عمار
عمار:-لتخافين عيني خلي اعرفج احم اني عمار وهذا ضياء صديقي اشر علي وهدور اشر على هذا الجابنه وهذا حســن باوعتله وهوه يباوعلي نزلت راسي
_روان نايمه وزهراء كاعده تقرع قران جان صغير وغزال كاعده بصفي ولازمه ايدي تعصر عليه كال
حسـن:-شلون اجيتي لهنا ..قصدي منو جابج للداعش
_انهمضت ...:-ابن عمي باعني للدواعش
ضياء:-واختج وابوج يعني شلون باعج وابوج واختج..
عمار:-احجيلنه قصتج ...باوعت الغزال اشرتلي برأسه بكيفج ياوعتلهم ونزلت دموعي
عمار:-هسه ليش تبجين حسيت روحي كاعد بعزه ..ضربه ضياء
ضياء:-اسكت لك احجي لا عبالج الكل حجتلنه...باوعت للبنات اشرلي براسهن اي حجيت
ورده:-ا ابن عمي باعنه اني واختي للدواعش احنه بمنطقه ****** جنه عادي كاعدين وعايشين حياتنه اني اصلي من البصره
عمار:-يعني انتي بصراويه ؟
ورده:-اي
حســن:-ليش اجيتو للموصل ؟
ورده:-علمود شغل بابا اجينه ليهنا ب بابا راد يستقر بعيدا عن عمامي فاجينه ليهنا
ضياء:-زين كملي
ورده:-بيوم ابن عمي اجه عدنه ابن عمي اسمه مصطفى الجلب اي هوه بالموصل علمود دراسته فصدمنه بجيته عدنه عادي جان حيل متغير يعني مو مصطفى هذاك الي نعرفه الي يضحك ويتشاقه لا متغير حيل شكو شي جان يكرهه صار يسوي يحجي على لبسنه اذا نلبس قصير لحيته كبرانه جان يموت من اللحيه والشوارب وجان ميحجي ويانه ابدا صار غريب ويباوعلنه بطريقه غريبه حيل حتى مرات نخاف من نضراته صار يتأخر بالرجعه للبيت يعاند بابا وطلعاته كثرت بحيث حتى مرات ميجي للبيت
عمار:-زين ما حاولتو تحجون وياه
ورده:-جايتك بالحجي ...اي بابا شك بي وصل يحجي ودائما يرزل بي بس ميفيد صار ابدا ميجي للبيت مره من المرات نايمه بغرفتي اجه الغرفتي جان سكران وراد سكتت اباوعلهم يباوعولي
..راد يتقربلي
عمار:-ايا كوادد يا ابن الخره ساقط المفروض هذا مدخلة البيتكم هل الخسيس
ضياء:- كملي
ورده:- ما خليته لانو رقيه صعدت ومنعته وتعاركت وياه بابا منعه انو يدخل للبيت بيومه بابا تأخر بالدوام ماما جانت نايمه واختي الصغيره بالحمام واني ورقيه جنه نقره قران مسوين ختمه اندكت الباب ..سكتت ابلع ريكي واني اذكر ...كلت منو ضل يحجي واني مفتحت بس بعدين ضل يصيح اطريت افتحه ما احس الا وندفعت ودخل هوه ودواعش واخذنه
حســن:-وابوج شلون ؟
ورده:-جان هستوه راجع من الشغل جان مصطفى يسحل بينه من البيت بابا شافنه واجه ركض لزموه ضربوو بجيت ض ضربوو كبالنه والكلب جيرانه طلع من باب البيت بس يباوع ما حاول يجي يساعدنه يسوي شي ابدا مثل الجلب طب خايف للبيت مسحت دموعي وهاي هسه اني هنا
حســن:-زين شلون ماتو اهلج ..؟؟
غـزال:-اني احجيلكم كافي
حســن:-لا نريد نسمعه منه ..
ورده:-ما أكدر ابجي واحجي
حسـٕن:-ضعيفه حيل انتي ،، حجاها بطريقه باوعتله واني ابجي والدموع تنزل وتحرك خدي يريد يستفزني لحتى احجي مسحت وجهي وحجيت
ورده:-اخذوني جانت اكو غرفه وبنصه شلون مكدرت احجي كوه لازمه دمعتي لحتى متنزل
ضياء:-افتهمناج كملي
ورده:-هواي جانو اكو ضباط وجانت ريحت دم واكو يعذبون بيهم واكو الي ميتين جان رأسهم بمكان وجسمهم بمكان بجيت مغطيه وجهي شنقو كبالي ولا اولاد الخره ما كفاهم وذبو بالتيزاب كبالي شفتو كبالي والنبي ما انسه هاليوم كبالي ..حضنتني غزال تبجي وياي
غـزال:-يروحي انتي الله يساعدج شلون تحملتي
ورده:-واختي ماتت لا..سكتت بعدين كلت .. جماعي مكدرت اكولهه متطلع الكلمه هز رأسه
حســن:-اي اني سمعت ..
ورده:-هناك لمحت مصطفى بينهم هوه وياهم
عمار:-يا ابن الكلب حيوان لك بنت عمك ابننن الكللللب حيواننن خنزيرررر ابننن ال*****
ضلوا يفشرون عليه واني ساكته وابجي
ضياء:-الله يرحمهم ويساعدج
عمار:-الله يرحمهم ويغفر الهم
حســن:-الله يرحمهم هذا قضاء ربج
هزيت راسي ساكته كامو همه طلعو واني ضليت على كعدتي الكل نام واني هم تغطيت ونمت كعدت الصبح على صوت عمار وهوه يصيح
عمار:-كومن تنبل مالت نوم كومن عابت على هالشكول الزفره كومن طكيت من الجوع
فتحت عيوني كمت عدلت حجابي باوعلي
عمار:-صباح الخير عيني صح النوم شوفن شكد الساعه وانتن نايمات للظهاري
ورده:-صباح النور ليش بيش الساعه
عمار:-بالتسعه الصبح
ورده:-عززا بعد وكت يا ظهر
عمار:-اي كومي متنه جوع ..وغمني باوعتله رافعه حاجبي طب حسـن باوعلي وراح كعد جان بيده جاي مدري شيسوي بي كمت للحمام طلعت بوجهي غـزال ابتسمت من شافتني
غزال:-صباح الخير ورده شلونج
ورده:-ابتسمت صباح النور عمري احسن
طبيت غسلت وجهي وطلعت الكل كاعد اتريكنه جبن اكلت وكملت كعدت على صفحه كملو كعدو همه يشتغلون واحنه نسولف حجه حســن....
يتبع...
•••
عمري التنزيل كل يوم كل ما اكمل البارت انشره يعني حتى إذا باليوم ثلاث بارتات تمام لانو اريد انزلكم بارتات هواي قبل المدرسه لحتى من تجي المدرسه يكون التنزيل كل اسبوع بارت أو بارتين بس طوال ويكون يوم عطله جمعه سبت هيج شي
لتنسون التصويت وتعليقاتكم ومتابعه