أسيـرة "داعـش"

part 4

#أسيرت داعش

#الكاتبه اسينات

البارت الرابع

لا تنسون التصويت وتعليقاتكم ومتابعه للحساب

بسم الله الرحمن الرحيم 🤍

•••••••••••••••••••••••••••••••••••••••••••
ما احس والا انجريت من ايدي شدد الربطه على أيدي من وره وهمس يم اذني

:-اششش ...واني ارجف من الخوف والبرد واحس ثلجت شهكت ادفع بي اريد يوخر

كال بهمس وهوه رأسـه يتحرك ولازمني حيل مقربني الصدره ويحجي

:- لتخافين حطلعكم منا ...سكتت كبل ضربته بالعكس مالت ايدي ببطنه وابجي خايفه وكلشي ما اشوف كال

:-خر* بالحظ شبيج .....ما احس الا وضربه على راسي بعد ما اعرف شصار بس اسمع اصوات صياح فتحت عيوني متالمه من الم راسي غمضت وفتحت ضلمه بس صوت خفيف درت وجهي شفت

رقيـه كاعده بصفي ركضت عليه ابجي واشهك حضنته ابجي واحجي بشهكه

:-ر رقيـه وين احنه

جاوبتني وهيه لازمه خاصرته وعاصره على عيونه

:-عدهم ...بجيت درت وجهي شفت بنات حيل خفت ليسون شي ضليت حاضنه رقيـه كالت بنيه جان وجهه مبين من الضوء الخفيف

:-انتن من وين عراقيات لو شنو

رقيه :-وانتي شدخلج

:-لا بس اسئل المهم اني زبيده

_محجينه شي شفت بنيه بصفي جانت مضروبه برأسه تقربت مني صارت قريبه مني كالت

:-اني غــزال

_ صفنت باوعت ال رقيه بعدين باوعتله حسيت ارتاحيتله هزيت راسي محجيت شي

:-لتخافين اني هم مثلج واكيد ملازم أن تثقين بيه بس اني هم مثلجن هم جابوني غصب من حضن امي

_باوعتله والدمعه بطرف عيني تذكرت امي شحالها هسه اذا ما لكتنه شتكول نور اذا ما شافتنه
شتسوي اخخ يالله

نزلت دمعتي دنكت راسي اشهك ،كالـت

:-هذه اختج

_هزيت راسي :-اي اختي

:-المهم اني غـزال عمري 19 هه من الموصل

:-ا اني رنيم ...تعمدت اغير اسمي لانو ما اثق

_هزت رأسه :-واختج

:-قمر اسمه ...رقيه تشوف بصمت كلشي محجت ضليت نايمه بحضنه خايفه تعرفت على البنات كل وحده قصته شكل ما احس الا ودخلو دواع* ضخمين وريحتهم خايسه حضنت رقيه أكثر يباوعلنه وحده وحده حجه واحد

:-ما هذا جميلات ...وحط ايده يمسح على لحيته

اجه يم رقيه يباوعله نوب باوعلي نزل يمنه

:-الجديدات ...

لزمني من خدي صرخت دفعته حيل خايفه باوعت الداع*شي الواكف خازرني مهتميت رقيه حجت

:-وسم امشي لك ابن الزنه كفار

ضربها راجدي صرخت ابجي وادفع بي وخايفه حيل ما احس الا وجره من ايده وصرخ بوجهه ودفعه حيل على الحايط انضربت حيل وكعت متالمه والدمعه بطرف عينها ضل يحجي ما احس والا جر هاي الاسمه زبيده هيه ضلت تصيح وتبجي واحته نبجي منكدر نسوي شي وخايفين أخذوه وطلعو من راد يطلع الداع*شي الثاني باوعلته وحده اسمه زهراء اشرتله برأسه

مفتهمت شي بس الي عرفته ملازم اختلط وياه كاعدين منعرف الليل من الصبح وبس صوت ضحكهم وصوت البنات من يصرخون...

تعرفت على البنات اكو منهم ازيديات واكو عراقيات ،باوعت الرقيـه الغافيـه كل وحده همهه شكل ضليت كاعده بمكاني راسي يوجعني حيـل

واحس شوي وينفجر لازمه راسي وادك عليه منسمع الا وصوت بنت تصرخ انفتحت الباب والا وداع*شي شمر البنيه وهيه تبجي وحالته حاله راحتله زهراء تحاول تكعد بيه واني بس اباوع وارجف وخايفه الدم يجري من رجليه لزمت ايدي رقيـه تهز برأسه كامت راحت يم البنيه تشوف شبيه واني لامه نفسي خايفه حيل من الي داشوفه أغمى عليه خطيه يردن مي يغسلن وجهه ماكو ضلينه مندري شكد صارلنه بس احسب ساعه ساعه كل ستين دقيقه ساعه تفكيري كله ب بابا وشصاير بي هسه رقيه كاعده يمي وغـزال صارت صديقتي خطيه ابوه متوفي وبس هيه وامه متت قهر عليه

خطيه واكو هم زهراء وزبيده وروان خطيه كل وحده قصته شكل ضليته هيج لا اكل ولا مي هسه نريد مي ماكو متنه عطش رغم ما صارلنه يومين متنه عطش غـزال كالت صارلنه أكثر من أسبوع احنه كلشي ما ماكلين ولا شاربين

احس بطني تكطعت من الجوع والعطش شحال ابوي هسه وينه شسوو بي كاعدين منحس الا ودخلو الدواعش احه عليه واحد صرخت اغلط وابجي

:-وخرررر عنييي لتتقرب يمي اخخخ ايدي ...احاول أفلت روحي منه ماكو طلعتي بره حان ممر الريحه جانت لعبان روح لازمني من اديه حيل متتت خوف وبس شهكاتي اسمعهن رقيـه تصرخ بيهم ولازميه مقيدين حركته اخذوني يجرون بيه واني اشهك وابجي خايفه بس لا يسوليي شي

اخذوني الغرفه ويركضون هواي دواعش واسمع اصوات البنات الي يصرخون واحس اتكطع عليهن دخلوني للغرفه جانت جبيره وجان اكو بوسطه تيزاب بس لونه احمر دم خفت بس اسمع صوت البنات الي يصرخون تنفسي صار سريع خفت لا يسولي شي سمعت صوت واحد يصرخ بسرعه التفت على مصدر الصوت اعرفه والله هذا الصوت شهكت من شفت أبويه صرخت واحاول أفلت نفسي منهم

:-وخخخخخخر بابااا لا عوفونييي باابااااااا
يباوعلي بتعب ومبتسم صعدو جان اكو درج صعدو كبال عيوني حطو على ركبته الحبل كال وهوه مبتسم ويقره ايات

:-انتبهي على نفسج صرخت واني أفلت نفسي

:-باابااا لااا عوووفووووا فدووووه مصططفىىى ويننننك باااابااا حبيببييي لاااا تسوولله شييي شنقو كبال عيوني مكدرت اسوي شي غير اني بس اصرخ جان بابا يأخذ أنفاسه الاخيره ذبو بالتيزاب يعني ما كفاهم انو شنقو لا وذبو بالتيزاب ما سمعت أبا صياح بابا وأشوف شلون يريد واحد ينقذو اصرخ واغلط عليهم وهمه يضحكون مستمتعين بالي ديشوفو ماعت روحي واني داشوف موت بابا كبالي

اخر كلمه سمعتها منه هيه

ديري بالج على خواتج ، اشهد ان لا اله الا الله واشهد أن محمد عبده ورسوله..

اسوء شي شفته بحياتي شعوري جان مخيف شعوري خوف على فقدان على انكسار خفت كلش واني اسمع بابا يصرخ ابجي واشهك حيل بكل قوتي اصرخ فتحت عيوني واني تعبانه حيل وجسمي يوجعني حيل بجيت واشهك لازمه راسي واضرب حيل على راسي كل ما اغمض عيوني اذكر شلون ذبو بالتيزاب ابجي حيل واحس شي بكلبي يوجعني حيل حسيت سندي راح ابجي واصرخ وادك على راسي ضربت على صدري حيل

:-ولككك بابااا كسرتني والنبيي ولكك منو النهه ما فكرت بينهه ولججج يمممه ....جلاااااا*ب الله ياخذكم بحق الحسين اولاد الخرررره الله لا يوفقكممم يا جلا*بببب تفووو عليكمم ولككك بااباا ليش عفتني باباا يالحنينن اخخ صرخت لامه نفسي بوضعيه الجنين ابجي واشهك كومني الداعشي من زندي حيل ضربته بوجهه بايدي راد يلزمني شردت منه لزمني حيل من زندي حسيت ايدي نخلعت شاغت روحي ضربني راجدي وكعت بالكاع ضربني برجله على بطني شاغت روحي

:-ابن الزنهههه كللللب حقيييييير جللللللب ...

رفسني برجله يرفس واني احس روحي تروح ابجي واصرخ واحاول أبعده عني واضرب بي كلت واني ابجي وادفع بي

:-وخخخخخخر الله لا يوفقكممم يا كفاااااار وخخخخر ابن الكللللب كوادددددد كلللللب

ما احس والا ضربني برجله واجت الضربه على وجهي بعد مادري شصار .....

يتبع🔥...

شلونه البارت 😔

حيل بجيت بي يربييي