ابو الحسن، ذبه بل مي وكامت اتلعلع
بيلار، لا يافهيم اشبيك انته اشبيك بشر مخمود تذبني هيج وانتو واكفين اتظحكون قرقرز كدامكم
وانته الي تسمه رجلي مدافع عني شلون شكولات هي يا الله وكمت طلعت من المي
بشار، دنسبحج يل وصخه
بيلار، ماكو غيرك الوصخ وخر رحت لغرفتي اخذت ملابس وطبيت للحمام سبحت وطلعت مشطت شعري ولفيته خبلني طويل طلع روحي كملت نزلت
دياكلون صحت ياخونه انتضروني
همدي، وسم صوتج اشعلوه عود ابنيه لازم نازكه ورقيقه
بيلار، وهيه حلكه متروس اكل كالت عفت النزاكه والرقه الك
كرار، ام لسان اسكتي
بيلار، انتو ادوسون عل شيطان واتكولون اصم الله
بو الاكبر، بس عوفوه خل نسلم من لسانه
بيلار، انته لتحجي وياي 😏
مهيمن، يابه عوفه
بيلار، 😒😒😒
ابو الحسن، صعدت ادردم وسوتلي تاك محد خلص منه دخلنه نضحك عليه راحو الولد جابو ريوك وامهم حضرته جبن وكيمر وزيتون وبيض وكلشي خلو بل سفره ماقصرو بس ابوهم ماهوه اني هم مادخلت ولاسئلت كاعدين ناكل وبأمان الله وجتي هم معارك
ومناكر شلون راح اعيش وياه هاي بلوه بس لسانه كافي حلكه متروس اكل وتلغي يبو
بيلار، ماما وين بابا شو ماكو
مهيمن، بيلار سكتي لتسئلين عنه
بيلار، ليش وبعدين اني داحجي ويه امي مو وياك
ابو الاكبر، بيلار كافي لتسئلين عنه اكلي واسكتي
بيلار، حجت بقلق بابا بي شي وضامين عني
بشار، بيلار حبيبتي كافي
كرار، ليش تضمون عليه اول وتالي تعرف
مهدي، كرار اسكت مو وكت الحجي
كرار، لا خل تعرف بيلار ابويه اخذ ١٤٤ مليون من ابو الحسن وكال بنتي مريضه بيه صرطان بس هل بنيه رخص نفسه واخذهن وراح اتزوج وحده واخذه لبغداد ورجال اجه وكال ايريد فلوسه صار سنه ونص صابر وابوي ضحه بيج بدل الفلوس والحمد الله ابو الحسن طلع كفو وامي رادت اتعوف البيت بعد الي صار بس زامل ميستاهل اكله بابا كال لا اني اطلع وراح لمرته الثانيه
بيلار، منو كلكم هاي الجذبه اكيد ابو فيوز
ابو الحسن، سئلت عن ابوه وسولفوله بس قللت ادبه وياي كتله بعصبيه بيلار
بيلار، شنوو شنوو بيلار كذبت كدبتك وخليت الكل صدكه
ابو الاكبر، بيلار الزمي لسانج عيب
بيلار، لا مو عيب كلكم كذابين بابا ماايسويه بس كولو انتو طمعتو بل بيت وتردون اتموتون بابا من القهر ذبيتو عليه هاي التهمه
ابو الاكبر، داست كلش بل حجي كمت وصفكته راشدي كتله لسانج صاير فد مره وماتحترمين الاكبر منج ادب سزز
بيلار، بعد ماضربني كلش انهضمت صح طوخت بل حجي بس من حركت كلبي ابويه معقوله ايسوي هيج عفتهم ورحت كعدت يم زرعاتي ونزلت رجليه بل مي الي يم زرعاتي وكعدت ابجي
ابو الحسن، كلش طوخت بل حجي وضربه ابو الاكبر ضجت وهيه طلعت بره كتله هاي ثاني مره تضربه
كدامي اول مره كلت طوخت بل حجي وانته ادبته
وهسه هم بس بعد لتضربه
ابو الاكبر، متشوفه يخوي ماتحترم احد
ناديه، حقه ماصدكت ابوه ايسوي هيج جان طاير بيه طيران بس هل ابنيه حقه يمه ومسحت دمعته وكالت اعذرنه يمه شيخ
ابو الحسن، لا يمه على بختج وبدون شيخ صرت السادس من ولدج
ناديه، الله يحفضكم يمه وايخليكم لشبابكم
ابو الحسن، حروح اشوف بيلار من رخصتكم
ناديه، البيت بيتك يمه لاتستئذن
ابو الاكبر، تلكاها وره البيت يم زرعاتهه
ابو الحسن، ماشي رحت وراء البيت شفته كاعده ورجليه بل مي ساكيه زغيره واكو كاع يمه تقريبن خمسين متر بيه اشكال الزع طماطه وخيار وكرفس ومن هاي السوالف كتله اكدر اكعد جانت تبجي
بيلار، كاعده واجه ابو فيوز كتله لا متكتد
ابو الحسن، كعدت كتله مسمعت
بيلار، ماعندك احساس شسويلك جانت تحجي وتبجي
ابو الحسن، شوفط انتي لسانج طويل ومتحترمين احد لا اخوانج ولااني اني صرت رجلج لسم اتحسبين احساب لكلامج وياي الي حجيتي وياي كدام اخوتج عيب قللتي من احترامي ومن حجيبتي ويه اخوتج قللتي من احترامهم كدامي لسانج طويل وماتحسبين حساب الاي احد وهذه الشي غلط ميصير لازم تحترميهم
بيلار، انتبهت عله كلامه صح بس حبيت افشله كتله انته معليك
ابو الحسن، يمه مو لسان كارثه كتله لا شلون معليه اني صرت رجلج واي شي تحجي ينحسب عليه هم دا احجي جان اتعيط
بيلار، ديحجي حسيت شي كرصني من رجلي صيحت
ابو الحسن، كتله شبيجج
بيلار، كمت ابجي وكله رجلي رجلي
ابو الحسن، باوعت شفت دم وشويه عن رجله عكربه سوده شلت طابوكه وضربت بيه العكربه ونزعت الشماغ ولفيت رجله وشلته وكمت اصيح جيبولي عبايه وينكم يولد طلع ابو الاكبر
ابو الاكبر، شكووو
ابو الحسن، كرصته عكربه سوده بسرعه اجه كرار وجاب جبه وشال لبسوه بسرعه وهيه مكمشه بيه وتبجي وكالت
بيلار، شفته شلون خايف عليه وشالني ويصيح جابولي ولبسوني كتله ابو الحسن كاعد توجعني
ابو الحسن، اول مره اتحاجيني بسمي كتله ياعمر ابو الحسن هسه هسه اتحملي شويه اخذته ورحت لسياره حطيته ورء وصعدت دا اسوق اجه ابو الاكبر صهد بل صدر وطلعنه للمستشفى اسوق وحمست السياره حمس سريع اسوق اريد بس اوصل اسمعها تتوجع روحي طلعت وصلنه المستشفى نزلت ورحت شلته وطبيت للمستشفى وكمت اصيح دكتور ماكو وينكم اجه دكتور وكال
شكو خير شبيه
ابو الحسن لدغك عكربه سوداء وكال
ابسرعه فوته لذيج الغرفه
ابو الحسن، اخذته ودخلت خليته على السديه وكال
وكال الدكتور
لو سمحت اطلع انتضر بره
ابو الحسن، طول الوكت تبجي اني روحي طلعت من بجيه وجعه وهذه ايكلي اطلع بره كتله طلعه مااطلع يم مرتي ابقه كال
ميصير هيج لازم تطلع
ابو الحسن، صعدت عندي الغيره كمت اصيح طلعه مااطلع منا افتهمت واذا مرتي صار بيه شي باجر قرار فصلك يتوقع
ابو الاكبر، دخلت لطوارئ ادور عليهم سمعت صوت ابو الحسن ايصيح رحت ركض لتجاه الصوت جريته وكتله عمي صلي عله نبيك خل ايشوف شغله دكتور تعال برا تعال واخذته بره كعدنه
ابو الحسن، كعدت برا بعد كلام ابو الاكبر اسمعها اتصيح واني كاعد على نار والغيره تاكل بكلبي اكل مااعرف شسوي محترك حرك من اسمع صوت وجعه وابو الاكبر ايهدء بيه شويه واجو اخوته وامهه
بشار، وينه
ابو الاكبر، جوه كاعد ايسحبون بل سم
بيلار، دخلني جوه ومتت من سحبو السم ايعصرون برجلي ويرجعون ورا كلش اتئذيت يلا كمل من البجي والصراخ متت وحطولي كانوله ومغذي واني الوب حطولي مسكن بل مغذي هدئت ونمت بعد مااحس بشي
ابو الحسن، ضليت ادخن برا تقريبن خلصت باكيتين ورجعت دخلت وكفت يم الباب وامهه تبجي شويه واختفه صوته اني هنا جمد دمي بعروكي وره شويه طلع الدكتور بشر شلونه كال
الحمد الله اتلاحكنه عليه قبل ليوصل السم للعصب
لا سامح الله جان نشلت صح اتئذت واحنه انطلع السم اله بس افضل اله اطيته المضاد والمسكن حته تنام لئن تعبت هواي وبس تكعد تاخذوه بس خلو اكله زين وبي فيتامين والحمدالله عله سلامته
ابو الحسن، من حجالي متت خوف وقلق عليه حقه تتعب من البجي والصراخ كمل حجي وكتله وعلاج متحتاج كال
لا شلون تحتاج ابر ومضادات بس من اطلعوه نكتبهن الهه
ابو الحسن، تمام نكدر انشوفه كال
اي تفضلو من رخصتكم وراح الدكتور
ابو الحسن، دخلنه جان وجهه اصفر ونايمه امه كعدت يمه تمسح براسها
ناديه، يمع ابو الحسن
ابو الحسن، ائمريني
ناديه، يمه خليه يمي لحد ماتصير زينه وتعال اخذه
ابو الحسن، لا اعذريني مرتي مااريده بعيده عني وانتي تعالي وباتي ويوميه هم
ناديه، خاف ازعجكم
ابو الحسن، لا على بختج لحجين هيج تعال وايصير خير
ناديه، انشاءالله
فهد كعدت اليوم بل تسعه ورحت لبيت ابو الحسن اريد اكضي كم شغله ويا وصلت مالكيته وشفت المخبله اتريد اتروح لسوك ومحد يقبل ياخذه كتله
رغد، محتاجه كم شغله من السوك ومحد يقبل ياخذني ومعارك اني وياهم واجه المايسمه
فهد، اني فارغ واخذج ماعندي شي
رغد، مستغنين عن خدماتك شكراً
فضه، اي يمه روحي ويه وليد عمج دواي مال الضغط خلصته
رغد، يمه مااروح ويا
فضه، ولج ليش يل عوبه
رغد، يمه لتكولين العوبه كدامه
فضه، كومي البسي عباتج لا اكل لبو الحسن لكت منو ايوديه وماراحت
رغد، اوف يمه رايحه رايحه
فضه، جيبي كم قطعه لمرت اخوج من اجت لسه ماجبناله شي
رغد، انشاء الله بعيوني
فهد، اخخ منه وابو الحسن ايكول فقيره والله عمي تشرد عربان راحت بدلت واجت يم الباب دنطلع كالت
رغد، باوع كلمه لتحاجيني ماشي اعتبرني مموجوده
فهد، الله ايصبرني عله خبالج
رغد، باوعتله صفح ورحت صعدت بسيارته وهوه هم صعد ونطلقنه لسوك
فهد، بل طريق ساكته ومتحجي شغلت اغنيه جان اتطفيه وتكول
رغد، ميصير نسمع اغاني حرام
فهد، السياره سيارتي والحرام عليه وانتي كلتي لتحجي وياي ونتي حجيتي
رغد، متسكت خاطر ربك
فهد، لاحو الله ياربي شكد تلغين
رغد، اني الي الغي نزلني نزلني دومك ضايج مني
فهد، يبووووو يبووووو بابا اش اش
سلام عليكم حبايب كلبي اشلونكم شخباركم اشتاقيتلك هواي هواي