مَهوسٌ، بكَ وبأبَتسامَتكَ، وعَيِناكَ، وتَفاصيَلك،الرَقيِقهَ؛ والحَادهَ، انَا، مَغرمٌ؛ بِها.
>>>>>>>>>>>>>>>>>
_ شبيج روان
_ مَادري لعبانه نفسي ودايخه
ياسر : امشي اوديج للطبيب
روان : لا ميحتاج بس اريد ارجع
ياسر : تمام .. وأنتِ ريم يلا فد مرة تعاي ويانه ورزان هم خلي تجي
ريم : لا والله ماكدر حبقى اكتب تلخيص ومؤمل يجي ياخذني
روان : عود دزيليا
ريم : ميخالف
ياسر : خوش لعد يلا امشي روان
روان : ورزان
ياسر : عود اخابر ايهم ياخذها
سندني على كيف وطلعنا برا المدرسه وصعدنا بالسيارة راجعين للبيت ..
صعد وهو يدردم گال
_ اريد اعرف هذا العناد شنو يعني أنتِ مريضه ليش متروحين
روان : مو كلتلك ميحتاج
ياسر : ايي ابد ميحتاج
روان : شبيك
ياسر : مابية شي
روان : ضايج عليه موو ؟
ياسر : ايي
ابتسمت وگلت : مابيه شي بس دايخه
_ شلون بيج اني متكليلي شلون
روان : شبية شمسوية اني
ياسر : شكيتيي گلبي
روان : شسوي اتحملني مو تحب روانك انتَ ؟
ياسر : واموت عليها هم
روان : تمام لعد عادي شوفني مابيه شي
ياسر : اي داشوف اصلا كُلشي مابيج
روان : مابية حيل اتعارك بسرعه يلا وصلني
ياسر : خادم عندج لازم
ضحكت وگلت : لا لا اووي شبيك
_ انجبي
_ هاي عليه؟
_ اييي
_ شكرا
_ ادللي بالخدمة
_ موتتني انتَ
_ وانتِ شكيتي گلبي شك
_ سوده عليهه
_ بعدج تعبانة ؟
_ لا بس شفتك راح تعبي كُله
ضحك وگال : صايرة تحجين حلوو
_ شعبالك
_ فديتجج طركاعتيي
_ اوويي اميري الوسيم
وصلنا للبيت لكيت زوزو كاعده مثل عادتها ..
روان : هلوو بيبي
ياسر : شنو بيبي شو متعلمتي مني اني اصيحلها زوزو
زوزو : عاجبك اضربك بالعكاز لان داشوفك لحد الان ما تبت
ياسر : لا كُلشي ولا العكاز بس ترا انتِ تكولين اتوبكم ومنتوب
شالت عكازتها وطب منشوف غير ياسر كام يعيط
_ لا زوزو لا لا لا مو هيججج ولج رحاااااب لحكي لابنج اخخ رجلييي
زوزو : حيل وابو زايد تستاهل
ضحكت وگلت : تستاهل انتَ متووب " همست يم اذنه " ارعن هم
_ اني اعلمج
جتي خاله علينا گالت : ها يمه شبيك تعيط شصاير
ياسر : يمهه زوزو ضربتني حيل
رحاب : وشسويلك غير انتَ لسانك طويل
ياسر : هاي شنو حتئ انتِ مو ابنج انيي
زوزو : حتى تعرف انتَ طايح حظك
رحاب : گلت ازوجه بلكي يعقل اشو تخبل بالزايد
ياسر : مشكورين عمي تعالي رواني امشي نصعد ونعوفهم
لزمني وصعدنا فوك وزوزو بعدها تحجي علئ ياسر جوه هي وخاله ..
طبينا للغرفه وكعدت وهو راح كبل للمرايه گلت
_ هاي شبيك شو كبل ؏ المرايه
_ غير اشوف نفسي طالع حلو لو لا
_ تلعب النفس
_ بالعكس عمي طالع اشقق شق
_ دباع الثقههه تعال لككك
_ هاي عليمن لك
_ عليك
اجه علية مخنزر گال : عليييييمن ما سمعت
كمت واني احجي بثقه گلت
_ عليك داده
_ لا شلون صلفة تحجيها عادي مو احطج واكتلج
_ عيني انتَ تحبني متسويلي شي
_ ثقتج حلوهه
_ ادريي
جان يتقرب يريد يبوسني
رجعت ليوره چان تجيني دوخه قوية نفس الوقت لعبت نفسي ..
رأسا لزمني ياسر وگال : اسم الله شبيچ روان
_ مابية شي اريد مي
راح جابلي مي واجه : روان مو كلتلج امشي اوديج شبيج راح تخبليني
روان : ماريد اروح
ياسر : لاا تروحين وغصباً عليج
هزيت راسي وگلت : اي ميخالف اروح العصر عود بس خل ارتاح شوية
اجه يمي حضني وگال : تمام على راحتج طركاعتي
روان : ياسرررر ياسر
ياسر : نعم
روان : بردت غطيني
جاب بطانيه وغطاني وگال : ها بعدج بردانه
_ شلون ما ابردد غير بده الشته ؟
_ هم صدك بس اني ما ابرد
_ جلد تمساح
_ انجبي
_ اوك انجبيت بس شنو حسكت لان تعبانه بعدين عود اتعاررك
_ نشووفف
______
رزان
واكفه يم ريم بالشارع انتظر ايهم لان ياسر اخذ روان وراح ..
رزان : شلون طلابه هذا تأخر وينه
ريم : حتى مؤمل تأخر وينكمممم يمعودين لو راجعات وي ياسر احسن
رزان : اووف رجلي تكسرت
ريم : مو هذيج سيارة ايهم ؟
رزان : ايي والله هاي شلون شفتي
ريم : غير اني زرقاء اليمامه
رزان : بس عيونج مو زرك
ورا شوية وصل يمنا ايهم ودك هورن حتى اروح اصعد جان تكول ريم ...
_ امشي ولي اجه رجلج معليج زركه حمره شعليجج اهمشي نظري مثلها
رزان : مثل منو
ريم : انثولت البنية
رزان : شوو روحيي من يمي .. لا لا تعاي ويانه نوصلج
ريم : لا هسه يجي مؤمل ياخذني
رزان : تمام
انداريت رحت اريد اصعد بالغلط وكعت بالطين
باوعت على هدومي وعيوني تدمع .. لااااا رزان مو وكتج ..
اريد اكوم الصدريه والقميص كلها طين ماعرف شسوي وريم طبت للمدرسة تنتظر جوا ..
نزل ايهم علية بسرعه اجه يكومني گال
_ ولج شلون هيج وكعتي
_ ما ادري تزحلكت
ايهم : مو هي زحليكه لو منتبهه زين جان ما وكعتي
كومني على كيف واني فشلانه گلت
_ عزا ايهم شكد عيب اوففف شوففف
_ يلا عادي مصار شي
اريد اصعد هو التفت علية باوعلي من فوك ليجوا يريد يضحك ..
رزان : شبيك تريد تضحك علية مو اييي اضحك شكو عليك لابس هل ملابسس الحلوة ورايح لشغلك مو حظي اوكع بالطين
_ دمشي صعدي صعدي فاهيه
رزان : اوكف دقيقه قبل لا اصعد
سويت نفسي ما ادري ودفعته .. رجع ليورا بس ما وكع اني گلت
_ اسفهه مادري بالغلط صارت
ايهم : امشي صعدي عبالها ما ادري تريدين توكعيني
رزان : ليش تضحك عليه
ايهم : اصعدييييي خل نرجع
رزان : صاعدهه صاعدهه
صعدت واني ضايجه واحس فشلانه لان جانوا اكو ناس هواي ووكعت كدامهم گلت
_ ايهم
ايهم : ها رزانتي
رزان : يعني مو عيب اذا وكعت مو
ايهم : شهل اسئله السخيفه العندج
رزان : لا احجي صدك يعني عادي مو جانوا هواي ناس وضلوا يباوعون عليه
ايهم : عادي قابل انتِ اول وحده توكعين
رزان : اوك
سكت شوية وهو كلسع يباوع علية ويضحك ويخليني اتعصب أكثر گلت
_ ايهممم اذا تضل تضحك نزلني وارجع وحدي
ايهم : لا والله هو انتِ منا لهنا تخافين
رزان : لااا ما اخاف
ايهم : ياعيني ابد متخاف رزان ابددد
رزان : نزلنييييييي
ايهم : كعدي راحه
رزان : مااا انتَ مو تضحك علية حتى اشوفك الي تخاف
باوعلي صفح وخنزر وگال : تتحديني تريدين تنزلين ؟
رزان : لا جذب شبيك اتشاقه
ايهم : عفيهه
رزان : جذب ما انزل ما اعوفك وهاي ورجلييي على رجلك
_ عفيه بَطله
_ بَطلة الطيانه
_ لا بَطلة روح ايهم
_ حتئ بهل وضع وتتغزل
_ اي عاديي واذا
_ اهخخ فشلة ايهم والله
_ انتِ ثولهه
_ بهاي صدك
_ بَطلة تعترف
_ اووف
____
بـنـان
كعدت الصبح ، لكيت فهد رايح للدوام
وآسر نايم بصفي ..
ابتسمت واني اباوع لوجهه شحلاته هو ورموشه چنه فهيد ..
ورا شوية فتح عيونه وكام يبچي عود كعددت
شلته واني اطبطب على ظهره واكول
_ ها حبيبي والله ادري بيك كعدت ادري بس اسكت يلااا كافي اسكت ..
وهو بس يبجي
كمت سويتله ممه ورجعت شربته وهم يبچي
هسه شلون يسكت هذا يربييي ..
لزمت راسه ممصخن مابي شي .. اهخخخ شهل نحاسيه
شلته وامشي بي اريده يسكت ماكو
اوفففف شسوي اني هسه شسوي ..
رحت دكيت على فهد ساعتين يلا يفتح خط
جاوب گال
_ ها بنان
بنان : فهد آسر بس يبجي شسويلهه
فهد : خاف مريض
بنان : لا ما اعتقد مابي شي حتى ملبسته هواي هدوم حتى لا يبرد
فهد : جوعان ؟
بنان : هسه شرب حليب .. فهد ابنك راح يخبلني نحس حيل
فهد : خاف مسويها
بنان : لا غيرتله
فهد : وهسه شنو
بنان : والجو حييلوو
فهد : تحشش عود
بنان : اووي شكد نفسيه انتَ اكول أسر عليمن طالع علييييك نحس ووو أن شاء الله مو نفسية مثلك
فهد : هاي اني؟؟؟
بنان : اي انتَ
فهد : خل ارجع
بنان : انتَ هيج نحس
فهد : ونحس هم خوش خوش
بنان : اي والله نحس حيل
فهد : بسيطه بنان ، وين صوت أسر اختفى
بنان : بدا يسكت يلا حروح اني
فهد : وين وين
بنان : انيمه وانزل جوا يم خاله
فهد : لا ابقي احجي وياج
بنان : لا مالحك بعد وشسمهه انتَ شوكت تجي
فهد : العصر
بنان : تمام يلاا باي استاذ فهيد
فهد : تعاي ولج ويننننن
بنان : شبيك تعيططط ليرجع يبجي .. حاطته بحضني وانتَ صوتك عالي ليكعد
فهد : خل يكعد ابقي
بنان : لا فهد حروح
فهد : أنتِ روحي ومن اجي الله كريم صبريلي
سد الخط هو واني وكمت اهز بـ آسر ؏ كيف .. وبعدين نام ..
بعدها نزلت جوا يم خاله رحاب وزوزو ..
______
ريم
اجه مؤمل علية للمدرسة حتى ياخذني
رحت عليه وصعدت بسرعه بالسيارة ..
ريم : مؤمل شو تأخرتت هو هيج تتأخررر هاا
مؤمل : وين متأخر بالعكس من وكت
ريم : وين من وووكت اجه ياسر واخذ روان وراها اجه ايهم انتَ وينكككك
مؤمل : انتَ وينك لا قريب ونعتنيلك ولا بعيد ونلمحها عينك انتَ وينك ؟
ريم : اهخخ منك
مؤمل : بوزت شبيج بابا عادي مادري بالوكت زين والطريق ازدحام شترديني مثلا برمشة عين اجي واوكف كبالج ..
ريم : اممم
مؤمل : هم زعلتتت
باوعت عليه صفح وهو سكت ما حجى شي
وصلنا للبيت نزلت ركض من السيارة وطبيت
لكيت خاله كاعده بس اسيل بالدوام ..
_ هلوو خاله شلوونج
_ هلا ريمه هلا شنو مؤمل جابج
ريم : اي خاله هو اجه بس لو راجعه وي ياسر احسن
_ ليش
ريم : خالههه تأخر علية والمدرسة عزلت وهو ماكو
فات هو گال : يعني شلون ما ادري الا تسوي مشكلهه متتحمل
ريم : هاااا اني ؟
مؤمل : لا اني ؟
ريم : مؤمل
- يا يمه استهدوا بالرحمن شبيكم
مؤمل : امشي ريم
ريم : اضل يم خاله
مؤمل : امشييي فوك
ريم : ماااا بكيفي
اجه سحبني من ايدي وگال الخاله : ماكو شي يمهه حنصعد فوك
ريم : شبيييك اوي وخر ايدك شثكلها
مؤمل : انچبي وصعدي
طبيت للغرفه ضايجه كعدت وهو وكف كبالي گال
_ يعني هيج حلو أقل شي تزعلين
ريم : اي مو غير ضليت وحدي
مؤمل : اي و اجيت معفتج
ريم : اييييي
مؤمل : اهخخخ منج
ريم : ليش اهخخ شسويتلك اني
مؤمل : ابد سلامتج ممسويتلي شي
ريم : ايي
_ شلونج اليوم
ريم : توك تسأل ؟؟
مؤمل : هو انتِ تنطين الواحد مجال يلغي شو كضيتيها مطنكره دكولي من الاخير شبيج وفضيهاا مو تكعدين تتزعلين من أقل شييي اني اعرفج احجي
ريم : هيج ضايجه
مؤمل : اي وتطلعين الضوجه بية
ريم : لا
مؤمل : باعي عندج دروس اليومم؟؟
ريم : اي من اول يوم اوففف
مؤمل : خوش امشي نزلي اكلي وطلعي كتبج حتى اجي اقريج
ريم : خوش عاد نشوف تدريسك زين لو لا واذا موزين فـ شسمهه توديني خصوصي لو بيت اهلييي اخواني يقروني فديتهممممم
مؤمل : شلون راح تنكتلين اليوم شبي جلدج يحكج
ريم : لا بس يعني ترا شسمههه دا اكلك وبس
مؤمل : لا افهمج وإذا متفتهمين همم تضلين يميي مال اهلج واخواني معلية بيهم انتِ يمي هنا واني مسؤول عنج
ابتسمت وگلت : اي تمام
مؤمل : اي هسه شحلاتج بدون طنكورة
ريم : لا اشوف بالطنكورة يمكن احلى
جان يعيط وگال : امشييي حظري كتبج بسرعهه
ريم : اييي اي صاررر بس لتعيط
داكوم جان يجرني من يدي ويدفعني علئ الجرباية ويصير فوكايه فزيت من حركته گلت
_ عزاا شبيك مؤمل
لزم راسي بيده وباسني بشفتي قوي ورها وخر وحط عينه بعيني گلت
_ مؤمل بيك شي
مؤمل : عوفي دراسه هسه بعدين نقره خلي نسوي غير شي
بلعت ريكي وگلت : لا خلي اروح ابدل ورها نقره والغير شي عوفه
ابتسم وگال : لا ماكو
داريد اكوم بس ما اكدر جان يرجعني و خله راسه بكبتي وحضني حيل گال
_ اهخخ شكد احبج
_ اني هم احبك حبيبي بي خلي نكوم
_ ماكو عوفيني
لزم شعري وگال : هذا شعرج الي جنتي متقبلين اشوفه هسه صار الي وبس
_ راح اصبغه
_ حتئ اعلكج بالبنكه
_ هسه اصبغه
_ حتئ اعرف شسوي بيج
_ شسوي ؟
تقرب مره ثانيه وباسني اقوئ وهمس يم اذني بـ كلمة فكيت حلكي من صدمة گلت
_ عزااا
ضحك حيل ورها راد يفتح سحابة الصدرية جان تندك الباب واجه صوت خاله گالت
_ تعالوا يمه تغدوا
جان يردها مؤمل وگال
_ يمهه هسه وكت غدهه
_ لعد شلون يمهه تعالوا اكلوا
اتنهد وكام من فوكي وگال
_ جاينن
كمت اعدل بملابسي جان يكول
_ لتفرحينن اكوو ليل
بقيت صافنة عليه ورها طلعت بسرعة من الغرفة واسمعه يضحك ...
_______
بـنـان
ورا مخلصنه الغدا كل واحد صعد لغرفته
مرت كم ساعه لحد ما صار العصر
جان آسر نايم ..
كمت وكفت يم المرايه اباوع على شعري
دمعت عيوني واني الزمه ، شجاج بنان وكصيتي
نزلت دموعي واني اتذكره قبل شلون جان طويل
ليش كصيته شبية انييي شبية ..
كعدت امشط بي وابجي اتذكر من جان يلزمه فهد ومن وصاني ما اكصه ..
حسيت بروحي متندمه لان كصيته وراح طوله
انفتحت الباب و فات فهد .. توه راجع ..
مسحت دموعي حتى لا أبين بس هو ميخفى عليه شي ..
اجه وكف كبالي وجتف ايده وصغر عيونه وگال
فهد : شبيچ تبجين ؟
بنان : ها لا مدا ابجي
فهد : ترا اعرفج من تجذبين احجي شبيج
نزلت دموعي وابجي واحجي : اريد شعري
_ شنو؟
_ اريد شعرييي
_ ها يعني متندمه لان كصيتي
_ فهد شعري اريده
اجه كعد يمي وگال : شسويلج شلون ارجعه غير أنتِ كصيتي
بنان : مادري فهد شوف شكصراته ماريده بالبداية جان عاجبني حيل اكصه بس من كصيته هل ايام احس روحي متندمه حيل واريده يرجع .. وتذكرت لما جنت تكلي لتكصي اووفف ليش كصيته
_ لان انتِ غبية حبيبتي
_ اووف فهد اووف اريد شعري
_ اووف فهاااد
_ لتقلد هسه شلوون اريد شعري حرامات اني ليش كصيتهه
_ محد صخم وجهج وكلج تكصيي بس انتِ هيج اكو دوده بيج تحوص فـ رحتي كصيتي فتستاهلين يـ غبية
بنان : اشكرك
_ العفوو .. بس هاي الحقيقة انتِ عندج غباء وتصرفين بدون تفكير
_ اني غبية ؟
_ ايي حبيبتي
بنان : وخر وخر فهددد
فهد : اوي شسوالج فهاااد
_ يعني اني اشكيلك حتى تهديني تجي تزيدها
_ اكو وحده براسها عقل شعرها شطولههه تكصه للجتف ما انقهرتي بس يلا شنسوي يطول
بنان : مديطووول فهد ماكوو
فهد : غير كصيتي شنو بيوم وليلة يطول وين صايرة هاي
بنان : اووف تمام
سحبني وقربني عليه أكثر ويحجي بخباثه
_ عوفي هذا الموضوع والي خابرني وكلي انتَ نحس ونفسية ؟
_ هاا شنوو اني گلت هيج ؟ شوكت ؟
_ اي كلتي كلتي لتغشمين نفسج بنان
_ لا شلون احجي هيج متوهم شلون احجي هيج علئ زوجي وحبيبي و عمري وابو آسر
_ هاي شنو انتِ لسانج بس بتليفون
_ هسه مو كاعده اتغزل بيك
_ تغزلي درابين گلبي
_ شوف اني اتغزل بيك بس انتَ لا
_ مو اني ما احب احجي احب اسوي افعال
_ شلون يعني
_ يعني هيج
تقرب علية يريد يبوسني چان آسر يكوم يبجي جان وخر ويكول
_ خربببب هذا شبي يبجي
بنان : مادري
فهد : استغفر الله هذا ابنج هم ادبسزز
بنان : شعليه اني وثاني شي ابنك هم مو بس ابني
رحت شلت آسر اسكت بي وفهد ضل يدردم جان يكول
_ اي اي شيلي شو جيبي
بنان : ويننن
فهد : اودي يم رزان وايهم
بنان : هاي شنو يومية مودي يم احد
فهد : قابل وين حاطه هوه يم عمامه وخالاته واحنه خلي ناخذ راحتنه مثل البارحة " و غمز "
بنان : شنو هاي لا عيني ابني و يمي اني اسكتهه وانيمهه
فهد : چاا شلون بيه وبضيميي
بنان : شنو شلون
فهد : لتتغبين
بنان : صار مرتين تكولي غبية ترا ازعل واروح انام يم زوزو .. وهااا ابني يمي يضل
باوع بعصبية عليه ورها گال
_ سكتي و خل ينام بسرعه
_ شنو اني بكيفي قابل غير هو شوكت مينام ينام
فهد : خوش
باوعت علئ آسر وحضنته وبسته جان يباوع عليه وگال
_ استغفرالله ربي ايي بوسي بوسي وفهد يتحصر علئ بوسه
_ شنو ؟
_ سلامتج
أخذ هدومه وطب للحمام وهوه يدردم ضحكت عليه ورها رحت اسكت آسر الي هرجنه بصوته الحلوو ..
وره مسكته اجتي علية رزان ورحنا على روان نشوفها ..
وضلينا نسولف
بنان : خاف انتِ حامل
روان : لاااااا مو حامل
بنان : لا يجوز حامل
روان : بابا اعرف شبيج بس متاكده اني مو حامل هي كوهه
بنان : باعي انجبي سكتي اني بـ أسر جبت تحاليل اثنين فـ حللي ونشوف
روان : ما احلل لان اعرف
بنان : لا تحللين هسه
روان : مااا مااا مااا
بنان : رواااننن
روان : حتى إذا أحلل ما اطلع حامل
رزان : اي واذا طلعتي حامل شتسووووين
روان : ما اطلع ما اريد هسه عمي ما اريد مجاهزه اصير ام هسهه
بنان : انجبي مابيها شي و هسه حجيب وحللي ونشوف
روان : مااااا معلية ما احلل
رزان : لج صوووتج
بنان : لا روان لازم تحللين
روان : ما احلللل
بنان : انجبي سكتي وروحي حللي يلااا
رحت جبت تحليل واجيت جرت التحليل من ايدي بعصبية وگالت
_ اي احلل واذا ما اطلع حامل شوفي شسوي بيجن
بنان : هسه احنه شكلنا شو روحي
رزان : مخبلهه
روان : انجبي
رزان : ما انجب صدك مخبله
بنان : انعدت من خبالات ياسر
رزان : همه اثنينهم مخابيل مادري شلون متوالمين
بنان : لأن نفس الخبالات
جان تعيط وتكول : جاااااي اسمعچن
ضحكنا اني ورزان عليها وهي تعيط علينا
مرت ربع ساعه او اكثر طلعت وبيدها التحليل وشكلها يضحك ..
كمنا بسرعهه عليها ركض : ها ولج شنو بشريي
رزان : شبيييج احجي
ضحكت بفرح وگالت
_ هاج مو حامل
بنان : شنو مو حامل ؟ خطين يعني حامل
روان : لا دتجذبن
رزان : لا والله منجذب
روان : عزاااا يعني صدك .. اني هسه حامل ؟ كولن غيرهااااا
بنان : وشبيج ضايجه واذا حامل
روان : بالعكس ليش اضوج بس احس الوقت غلط يعني اني دا اقرا سادس ومدرسه وهسه حامل لا لا ما اكدررر
رزان: يلا عادي الحمد لله بالعكس افرحوا والدراسه تدبر عادي ..
بنان : مبروك عيني
روان : شنو مبرووووك لااا ما اريد هسه شلون
رزان : لا مبروك مبروك مبروك
بنان : واني هم ؏ الواهس مبرووووووك اختي
گالت بضوجه : الله يبارك بيكم اهخخ ما اريد هسهه مجاهزه هسهه اووف ياسرر
بنان : حمدي ربج وشكريي لتتبطرين
روان : لا الحمدالله والله بالعكس اني اتمنئ تصير ام بس احس بعد وكت
رزان : هاهيه هذا نصيبج
روان : اووف احس اريد ابجي كل ما افكر بالموضوع احس استعجلت اني اعلمكك ياسررر
بنان : ديلا كافيي
روان : خلي اخابر علئ ريم
رزان : اييي كاميرا فتحي
شالت تليفونها ودكت على ريم كاميرا جنه كلنا كاعدين سوا .. ردت ريم
ريم : يااااهلا ام كفشههه شلونج ولج شلون صرتي
روان : تمام زينه وانتي شلونج الحيه الصفره
ريم : انجبي أصيح مؤمل عليج
جاوبتها روان بضحكه : يمه يمه خفت
بنان : يا حقيررره متسألين علينا حايرة بروانننن وبس
ريم : اسكتي عيني غير هاي هسه داريد اسأل عليج شلووونكم انتِ رزان شلونج
_ زينين تمام وانتِ
ريم : عرج ميطبني .. شبيكم صاير شي ؟
روان : شمدريج
ريم : مو اذا تكعدن هيج كعده وهيج تجمع مبين عدكم سالفه لو شي مهم
روان : جواب صحيح
بنان : روان حامل
ريم : شنوو
رزان : بنااااان حامل
ريم : كولن والله
رفعت التحليل روان وهي تضحك بحزن
_ شوووفيييي
ريم : اللهههه روااان حاااامللللل كليليليوووووش
بنان : لج تدرين شنو ريممم
ريم : شنو شنو
بنان : لج متقبل تكول ماريد اصير حامل
ريم : اهمدااااج ليش
روان : غير عندي مدرسه وتدرين احنه سادس شلون ادبرها
ريم : عادي واذا لتحافين انتِ نجرة دبريها .. موهندييسس ياسر يدري
روان : لج لااا ميدري لحد يكول خوش اني اكله عود حتئ ارزله
ضحكت ريم وگالت : ليش ترزلي
روان : غيرر بسببههه وكلتله نسنتعجل بس هوه اووف
ريم : محد كلج سون احم احم
عاطت روان : وكالت انجبيي
بنان : ريمم عوفيها خطيه اعصابها تعبانه
رزان : تخيييلن يطلع ولد يشبهااا كيوتتت والله
بنان : اذا يشبهها واطباعه مثل ياسر شلون
روان : اهج منهم اثنينهم
رزان : يلهوووي
بنان : ريم
ريم : هااااا
بنان : شبيج شصاير احسج ضايجه
ريم : من اول يوم ومؤمل كاعد لازمنييي لزمه بس يقري يقري يقري راسي كام يوجعني لحد ما دكيتو يلا عافني
بنان : عفيه شطورة
روان : لعد يَسورتي شبي خاف يريد يرسبني هل سنه ميقريني بسيطه الا اكله قريني
بنان: عفيه عفيه ابطال السادس انتننننن
روان : شعبالج
ريم : باعو بنات
روان : نعم
بنان : خير
ريم : خير بوجهج .. اريد وصفة اكل اسويها بالعشا .. شسمه ماعرف شسوي يعني واريد اكله مثل تجننن لذيذه بحيث شنووو اريد مؤمل ياكل بيها ويكول طيبه تجنن مثل صاحبتها هيج يعني فتهمتن ويتغزل بيهه وهاي حتئ يعرف اني نادرة خاف عباله ما اعرف شي
روان : عن نفسي سئلتي الشخص الغلط
ريم : انتِ اصلا استحي اوجهلج السؤال بنان مرت اخويه النادرة تعرفين اكيد؟
بنان : هوه انتِ شتريدين سوين؟
ريم : شي بسيط حيل وسريع
رزان : سوي سباكتي
ريم : اي والله بس اريد وصفهه ما اعرف
بنان : اني عندي وصفة
ريم : اي اي يالله
كعدت بنان تكوللها الوصفه وريم تسجل يمها
ريم : يلا ولن حيخلص شحني
روان : شبسرعه حتروحين
ريم : اي اسوي عشا المؤملي وابهره بوصفتي سحريه و اقرا على عناد الكساله يلا بايييي ، طفت التلفون بوجهنا
روان : شكد حقيرة ولا تكول وصفتيي
بنان : ديلا هي شنية بس وصفه
رزان : عادي يلا اني حروح على ايهم
بنان : واني حروح يم آسر
روان : جانت قبل تكول يم فهد هسه صار آسر اههخ شنو بعتي فهد بهل سرعة
بنان : لا عيني فهد بالقلب
روان : ايي عيني واحنه وين
بنان : بعيوني
روان : اويي معرفتج اظاهر فهد معلمج غزل
بنان : هوه مو صوجكم
روان : ديلا كششش وهااا رزان كولي لياسر يجيني بسرعههههه
رزان : أي أوامر ثانيه ؟
روان : سلامتج
_______
روان
بعد ما عرفت حامل جانت اكو فرحه بداخلي بس ضجت لان مدرسه وماعرف شلون شعور مخربط بداخلي ..
اجه ياسر طب واجه عليه گال
_ امشي كومي نروح اوديج للطبيب
روان : ها لا ماريد
ياسر : مو اتفقنا العصر يلاا روان امشييي رواننن
روان : لا ياسر ماريد اروح مو تدري شنو
ياسر : شنو ؟
روان : باع يعني مادري شلون احجي
ياسر : والله زمن روان ام لسان متعرف تحجي
روان : لااا اعرف بس شسمه
ياسر : شنووو شسمههه دفضيها
روان : يَسورتييييييي احمم
ياسر : كولي بسرعهه
روان : اني حامل
ياسر : شنو أنتِ حامل ؟
هزيت راسي وگلت : اي اي حامل
ياسر : يعني هسه انتي حامل
روان : ايييي حامل
ياسر : جذابهه دتسوين مقلب مثل ذيج المره
روان : لا والله حامل
ياسر : صدكك
روان : اي والله
ضحك وگال : حااااامل
فجأه بسرعه شالني ويفتر بية ويضحك ويكول
_ حااااامل حااامل حاااامل
روان : عزا ياسر شبيييك نزلني ليوكع الطفللللل
ياسر : يا يوكع لج أنتِ حاااامل تعرفين شنو حامل
روان : عزا اي اعرف كافي صوتتك شبييك يمهه
حضني وباسني بخدي گال : فرحااان والله مداعرف شسوي مصدوم
روان : لتنصدم يَسورتي اي يعني حامل اني .. اكول انتَ كم مرة كلت حامل لان دخت
ياسر : يعني حامل
روان : عزا ياسر كافييييي
ياسر : روان
روان : عيونها
ياسر : امشي كومي اوديج للدكتورة
روان : ماكدر اليوم
ياسر : لعد شووكت
روان : باجر هسه تدري شنو
ياسر : هسه حامل
روان : كافيييي اريد اصير سجاجه تعال قريني حبااب ريم ديقريها مؤمل خاف تصير اشطر مني
ياسر : شني اشطر منج اني موجود عمييي بس الطفل اهم امشي نروح
روان : حباب ياسر باجر باجر اريد اقرا
ياسر : تمام .. والطفل
روان : دعوفههه اوي على باجر
ياسر : لا تؤجل عمل اليوم إلى غد
روان : هي دكتووورة والله اروح باجر وديني انتَ عود بس هسه قريني
ياسر : تدللين تعاي شعندج
روان : اول شي رياضيات
ياسر : لعبتييي جيبي عمي
روان : اوك هسه
رحت جبتله الكتاب وكعد يقريني ماده ورا ماده
انطاني احل سؤال ضليت صافنه عليه ..
ياسر : اني شكلتتت روان هذا شنووو لتنسيي
روان : نسيته
ياسر : خل اعيد
روان : لا هذا عرفته هذا هيج وهيج مو
ياسر : ابو الهيج وهيج طبعي بمخيخج
روان : اي اوك يعني هذا هيج
ياسر : الله راح يصير عدنا طفل
روان : اهخخ اني هم فرحانه بس ياسر تدري شنو
ياسر : شنو
روان : خايفه لان اني سادس ونفس الوقت لأن حامل ماعرف شلون خاف ارسب اني اصلا ما مستعده اتحمل مسؤوليه
ياسر : ترسبين وياسر موجود والله عيب وبالطفل معليج اني وياج
روان : يعني اعتمد عليك ؟
ياسر : اعتمدي بعد عمي
ضحكت وگلت : تمام لعد
باوعلي بهدوء وابتسم مد ايده يبعد شعري عن وجهي
ياسر : اوف يا هل كفشه لعبت بحالي لعب كون اذا حامل ببنية هيج كفشتها اريد وشعرج من تكعدين يمي لترفعي خلي مفتوح
روان : ليش
ياسر : احبه هيج
ضحكت وگلت : اويي يَسورتي
ياسر : تؤ خرجنا عن نص الكلام تعاي نكمل قرايه حتى ننزل نتعشا
خلصنا قرايه ونزلنا جوا
وياسر متخبل يكمز ما ضل واحد ما كله روان حامل وراح اصير اب ..
گال همام بضحكه : مبروك موهنديس ياسر
ياسر : الله يسلمك اخي المعقد
ايهم : يتربى بعزكم
ياسر : اكيد
همام : مو لما احجي واكول ياسر يعرف يرد حلو محد يصدك
ياسر : انجب اسكت من توترر
وكلهم ضلوا يسولفون وعلى صفحه احنه كعدنا نسولف وية زوزو وخاله رحاب باركولي
بس لحد الان متوترة وخايفه هم من فكرة الحمل
___________
ياسر : رح اصيرررر اببببب
فهد : ترا عرفناااا
ياسر : اب اب اب
همام : لك هو انتَ مخبل بعدك اريد اعرف شلون راح تصير اب
فهد : يخبل الجاهل ويا انتَ غاسل ايدي منك اصلا
ايهم : ياسر ملك الخبالات
ياسر : شهل سمعه اني مو هيج
همام : انتَ مخبل
ياسر : هاي عليمن مخبل
فهد : عليك انتَ اكبر مخبل وماكو احد مثل خبالك
ياسر : اشكرك سيادة الضابط
همام : العفو بنيابه عنه
ياسر : يلا كافي المهم اسمعوا مادام ماعدنه شي اني عندي فكرة تجنننن
فهد : شنية ؟ ابدعنا بـ افكارك التعبانه
ياسر : نسوي مقلب بالبنات
ايهم : شلون وشنو
ياسر : اسمعوني راح احجي الفكره .. اول شي انوا كل واحد يروح على مرته ويغلط بـ اسمها ف شنووو الاسم يعني خلي سارة فشنو اريد اشوف ردة فعلهم ومنو يبات برا غرفته يا بَطل
فهد : لا ما اقبل
ايهم : لا حلووو لان شنو قبل فترة سوت بية مقلب
ياسر : ترا حلو يعني نتفق كلنا يلا فهد لصير نفسية .. وانتَ حمام هم سوي بـ عصير
همام : لا خوية لا ماريد اخرب علاقتنا الجميله ذاك اليوم خطبنه ودتمشي بخير علاقتنه
ياسر : انتَ ضل معقد ماوصيك
ايهم : عوفه عيني هسه منو يبدا
ياسر : فهد كبش الفداء
يلا كل واحد يروح لغرفتهه وها فهد دك على مؤمل هسه خل يسوي بالحية الصفره ..
فهد : هسه ادك
شال تليفونه ودك على مؤمل
فهد : وينككك انتَ مترد
مؤمل : ويني يعني بحضن اختك
فهد : انجب كوا* حيوان
مؤمل : اشكرك بس ترا ممجذب يعني صدك
فهد : انلصمم جلب دخلي اشوفك
ياسر : شبيك تعيط جيب احجي وياه
سحب تليفون ياسر ويحجي وي مؤمل
_ مؤمل اسمع سوي مقلب بريم وعود تغلط بـ اسمها خوش
مؤمل : لك لاااا مو هسه تكول
ياسر : شبيك تعيط
مؤمل : مو نايم بحضن اختك
ياسر : شنووووو
سحب التليفون فهد وسد الخط بوجهه : چلب بسيطه اني اله
ياسر : يلا يا جماعه تطشروا كل واحد لغرفته والينطرد يرووحح بغرفة همام
همام : حتئ بالغرفة لاحكيني
_______
بنان
نيمت آسر وفهد جان جوا فـ اجه دخل للغرفه وكعد بصفي يلعب بجهازه ..
فجاه باوعلي وگال : اكلج سارة هاي حلوة ؟
التفتت عليه بصدمه وگلت : شنو سارة اني بنان
_ اي ما ادري اقصد بنان شوفيها حلوة
_ شنو سارة فهددد شنو سارة اني بنان
_ اي مقصدت بالغلط كلت مادري
_ هااا بالغلطط احجييي كول يلا منيههه
_ على كيفج شبيج درابين گلبي
_ اذا متكول انزل جوه انام
_ كل قوتج هاي
بجيت من قهرتي وهو يستفزني : منية سارة يلا احجييي احجي لتلوف الموضوع
كام علية يضحك مد ايده يمسح دموعي : لتبجين ولج شني محظره دموعج
بنان : وخر عني وخر روحح لسااارة
فهد : شبيج يا ساره هذا مقلب
بنان : لاا مو مقلب انتَ اصلا متسوي هل سوالف
ضحك وحضني : والله مقلب ياسر اقترحه بس بجيتي ما اتحمل اكمله
بنان : اوووف
فهد : لتزعلين بوية
_ عبالي صدك لان بعد ما اجيب اطفال گلت يمكن تزوج علية
فهد : انلصمي أنتِ شنو اتزوج كافي علية أنتِ و آسر شسوي بغيركم اني اصلا ماريد بعد غيركم
بنان : واذا طلعت متزوج
فهد : شلون بالخبالات اني
بنان : واني شكلت
فهد : ما كلتي شي بوية تعاي كعدي
مد راسه يباوع لـ آسر نايم سحبني وكعد بصفي
حضني حيل وكام يحجي
_ يعني انتِ تكولين اتزوج عليج .. ليش اني غبي حتى اعوفج ؟ أنتِ روحي ودرابين گلبي وكلشي بحياتي ليش حتى اعوفج اني احبج حب متتخيليه شكد
بنان : اني هم احبك فهد بس سؤال يعني
_ اي ؟
_ انتَ من شفتني شلون حبيتني جنت بمنظر محلو ودشداشه جني وحده مخبلة
_ شعلية بهدومج اني حبيتج الج .. حبيتج بعفويتج حبيتج ببساطتج حبيت شعرج وحبيت عيونج حبيت كُلشي بيج
بنان : الله فهد شهل كلااام احبك والله احبك
باسني وگال : اني هم احبج
كمل بتعب وگال
_ لو تدرين شكد اتعب بشغلي بس لو تدرين شيصير بية هناك وبس ارجع يمج انسى كل تعبي التعبته بنظرة لعيونج هاي
بنان : حبيبي انتَ وطوق نجاتي وروحي وگلبي و امعائي والمعده والكلى بعد شنو ها نسيت والكبد
_ ما بقيتي شي
بنان : انتَ كلهن والله بدون جذب .. بس تدري لحد الان اكول فهد شلون شافني بذاك منظري ..
فهد : يلا كافي تعاي نامي بحضن فهيدج
حضني حيل ورها غفيت بحضنه ..
__________
روان
كاعده اريد انام جان يفوت ياسر ..
كعد بصفي وحط ايده علئ راسه عفته جايه انام جان يكول
_ اكلج ساره حبيبتي نامي بحضني
هوه گال هيج واحس شعوطت عدلت كعدتي وگلت
_ شنو منو سارة
_ اني كلت سارة لا عمي اقصد روان
_ لا انتَ كلت سارة
_ لا شبيج مكلت
عطت بي وگلت : دتخونيييي ياسررر ؟
بسرعة كام من جرباية وگال
_ لا عمي ما اخونج
واني كمت وكفت علئ الجربايه وهوه واكف بالكاع گلت
_ منو سارة احجي بسرعة
_ متوهمة اني مكلت سارة
_ لا كلت احجي بسرعة منوو ؟
_ انتِ شنو تريدين سوين مشكلة
خنزرت عليه وعطت واجيت يمه وكرصته وگلت
_ منو سارههههه تحجي لو صيرر محلوهه
_ شيصير مثلاا
كمت اباوع بالغرفة جان الكه ماعون مال اكل بيها سجينة شلتها وجهتها علية گلت
_ تخوني ياسر اني تخوني ليش شمسويتلك
اباوع عليه كاتم ضحكه ورفع ايده وگال
_ استهدي برحمان رواني هاي شنو فات بينه شيطان يمكن قل اعوذ بالله من الشيطان الرجيم شبيج طركاعتي
_ تقربت منه وكلت هاي يا جلبه سارهه
بحركة سريعة جر مني السجينة وخرها وگال
_ ولج اشاقه شبيج
عطت بي حيلل وگلت
_ جذاااااب تخونييي وي سارهه بس اريد اعرف شحبت بيك ساره بس لو مو ثوله وجلبة مثلك جان مكلبتك اطلع براا اطلعععع
حسيت بوجع بطني گلت
_ يمهه بطني يمهه
اجه يمي لزمني گال
_ شبيج ولج صبري
دفعته حيل وگلت : وخرر لتلزمنيي اكرهكك
ضحك وگال : ولج عرمهه اشاقه وياج والله
_ وخر من يمي هذا مو شقه
_وداعت الي بطنج اشاقهه
_ اطلع برااا ياسرر
_ شبيجججج ليش تكفريني اشاقهه واحد ميشاقهه
_ تشاقهه متشاقه اطلع براا بسرعة
_ طالع طالع بس اعصابج نامي
_ لتحجيي ويايه بعد وهذا شقاك خلي الكك وخلي يفيدك بعد
وكف يم الباب وگال : ولج طركاعهه شعندي غيرج بس غير اشاقه بس انتِ مو مال شقهه
_ سددد الباب وراككك
_ تدرين متوقعتها تريدين ضربيني بسجينه
_ اضربك واثرمك بيها انتَ والي تاخذك يلا اطلع
_ مو مرهه زلمهه والعباس
_ سد باب وراك
_ سديته بس اعصابج
طلع واني رجعت تمددت واحجي وي نفسي
_ يريد يسوي مقالب سخيفهه هوه هذا هم مقلب يمه حتئ بطني كامت توجعني ..
__________
رزان
اجه ايهم علية وكاعد يسولف ويحجيلي ؏ الحالات
بعدين گال
_ شنسوي سارة هاي الدنيا
رزان : يا سارة
ايهم : ها اقصد رزان
رزان : منية سارة
ايهم : هيج سحكت هاي مراجعه تجيني
رزان : ايهمممم يا سارهه
ايهم : شبيج تعيطين شمدريني يا سارة هواي سارات
رزان : ايهممم تخونننيييي
ايهم : شبيج شنو اخونج
رزان : منيةةةة سااااارة
ايهم : يابه واني شمعرفني
رزان : هسه تكول منية احجيييي منو سارة
ايهم : شبيك حتكتليني صايرة جنج روان
رزان : منيةةةة سااااارة
ضحك وسد حلكي : لج اشششش سكتي خرب ليسمعون
وخرت ايده واعيط : منية ايهم يعني تخوني ويامن يا سارة هاي وانتَ تكول سارات ايهم احجي احجي
حجه بضحكهه : لج مقلب سكتي شهل صوت
رزان : جذاااب مو مقلب انتَ تخوني
ايهم : لا لا ما اسمحلج
رزان : شلون مقلب هااا شلون
ايهم : مقلب يمعوده اتفاق وي ياسر وية المصخم
رزان : هاااا اروح هسه على روان
ايهم : اي والله روحيلها كلهم راح يسوون بالبنات
رزان : ياااا ليش هيج
ايهم : ترا مقلب وياسر تحدانه
رزان : شتحداكم
ايهم : منو ينطرد وينام برا الغرفه
رزان : لا عيني يا برا الغرفه مادام مقلب هاهيه گلبي ارتاح
ايهم : الحمدالله اقتنعتي
رزان : اي والله الحمدالله
تقرب علية وهو مبتسم ، رجعت ليورا بضحكه : هااا هاا شبيك
ايهم : اريد ابوسج
رزان : شتبوس الدنيا بارده
ايهم : ربط المواضيع عندج بيرفكت
سحبني من خصري اله وخله راسه بركبتي
ايهم : اهخخ ريحتج
رزان : ها شبيها
ايهم : ريحة تفاح
رزان : تفاح ما اله ريحه
ايهم : ريحتج تجننننن من صدك والله مينشبع منهااا
رزان : ايييي شو بالله تقرب انتَ
ايهم : ليش
رزان : لتخاف لتخاف شبيك تقرب
تقرب علية مديت راسي اشتم ريحته : عطرك ليش مغيرة ؟
ايهم : شمدريج
رزان : اعرف
ايهم : عجبني اغير
رزان : ليش خاف سارة كلتلك موطيب
ايهم : بتليت علئ عمري ذكرت اسم ساره
رزان : يلا لتزعل احبك
ايهم : اني هم احبج تفاحه
_______
ريم
بالليل جان مؤمل يمي متمدد دك عليه فهد ما ادري شكله ومؤمل يكله " بحضن اختك "
خنزرت عليه وبككت عيوني همست : عزا بعينك مؤمل
هو يباوعلي ويضحك ومرة ثانيه عادها لما ياسر حجه ويا ردت ابجي من الفشله بس بعدين انسد الخط بوجه ..
عيطت بنرفزه : مؤمل هي هيييج والله عيب شلون تحجي هل حجي كدام اخواني
مؤمل : مو شغلة عيب ريمتي بس استفزهم
ريم : بس عيييب شنو هاي فشلهه حطيتني بموقف محلو
مؤمل : مو موقف هذا بس اني استفزهم
ريم : اووف
هو سكت بعدين جنت مخلصه دراسه .. بس مؤمل نام ..
سمعت طكطكه ؏ الجام كمت عليه ووخرت البرده
شفت الدنيا دتمطر ، لمعت عيني واني اتذكر مثل هيج موقف مريت بي قبل سنه وكم سنة ، جان دفتري وياي واني اكتب مثل العاده عبارة جديده ..
رحت عالمجرات مال مؤمل ادور وين دفتري بس لكيته لان مجان ضامه بمكان صعب
اخذته وطلعت من الغرفه نزلت برا
اول ما فتحت الباب خفكتني ريحة التراب من يتبلل والمطر ينزل علية ..
جان اكو كراسي بالطرمه رحت كعدت عليهن ودفتري بـ ايدي
رفعت شعري الي تبلل ودفتري اوراقه تنكعت بقطرات المطر ..
اكلب صفحه صفحه واقرا المكتوب بي
دمعت عيوني واني اشوف كل ورقه اكلبها تتبلل
صرت اكلب و اشك بالورق .. ما اريد هذاك الشعور يرجعلي مرة ثانيه .. الحب من طرف جان مأذيني حيل ما اريد يرجعلي .. ما ادري ليش سويت هيج بس عقلي كلي سوي هيج ..
وكمت كل ورقه اكلبها اشكها
لحد ما سمعت عيطة مؤمل وهو يكول : ريم شدتسوووين
اجه ركض سحب الدفتر مني ويباوعله مصدوم گال
_ منو كلج تاخذييي منو كلج تشكين اوراقه ريم شلون تسوين هيج
كمت واني ابجي واحجي : ماريده
مؤمل : بس اني اريده ليش هيج سويتي
ريم : ما اريد اتذكر الماضي مؤمل ماريد گلبي يوجعني
مؤمل : بس الدفتر شعليه اني احبه وكتلج صار دفتري ليش تشكين أوراقه
حضنته وكمت احجي وابجي : ماريده مؤمل ماريده يذكرني بكلشي قديم بكل لحظه تاذيت بيها بكل لحظه بجيت بيها ماريدهه اريدك انتَ
حضني والدفتر بيده سحبني ليجوا طبينا : تبللنا بنص المطر ما انتبهتي لنفسج شطلعج برا .. شلون تشكين اوراقه شلونن
مسحت دموعي وهو اجه حضني : اعرف والله شكد تأذيتي الله ياخذ كل لحضه أذيتج بيها بكل لحضه ما جنت ادري بحبج ، كافي لتبجين
ريم : تذكرت قبل .. ماريد الدفتر بي كل ذكرياتي لتقهرني ماريده
مؤمل : كافي لتبجين يا بعد عيني
ريم : اسفهه
مؤمل : على شنو
ريم : لان شكيت الدفتر وانتَ متقبل .. بس حسيت تهسترت
مؤمل : اني يمج هسه ليش تتذكرين الماضي
ريم : يأذيني ، من دخلت لهذا البيت ما ردت بعد اي شي ثاني يذكرني بالماضي بس هذا الدفتر ضل وياي لحد هسه
مؤمل : وهسه شكيتي ، وراح ما دام هذا الدفتر يأذيج .. ماريده بعد
ريم : لتعوفني مؤمل اني احبك هواي ماكدر من دونك
مؤمل : ما اعوفج غير أنتِ ريمتي امشي ننام باجر مدرستج .. انسي الي صار هسه أنتِ بحياة جديده لتدخلين الماضي لان راح
مسحت دموعي وابتسمت : تمام ..
____________
بنان
كعدت الصبح نزلت وجبت آسر وياي لان جان كاعد و لكيت رزان بالمدرسه بس روان كالت خاله رحاب راحت للدكتورة ياسر ممخليها تداوم
حطيته يم زوزو لان رادته ..
بس اليوم فهد جانت عنده اجازه موجود يمنا ..
سويت ريوك وتريكت ردت أخذ آسر بس زوزو كالت
_ لا خلي يمي شوية العبه
بنان : تمام
صعدت فوك للغرفه ..
ثواني ودخل فهد عصبي ويعيط گلت
_ شبيك فهد
فهد : مابية شي
بنان : لا بيك شبيك احجي
عاط بيه حيل وگال : انلصمي كُلشي مابيه
_ ليش تحجي هيج ويايه شمسويتلك
_ اسكتي صوتج ما اريد اسمعه
دمعت وگلت : واني شكلت قابل تحجي هيج ويايه ؟
فهد : ماكلتي شي سدي الموضوع
_ لا اكووو
جمدت بمكاني لما سمعت صياح خاله رحاب وبجي آسر بصوت عالي ..
عطت بصدمه : يمهههه شبي ابني
نهاية البارت
يتبع ...
(لاتنسوا التصويت)
أن شاء الله يعجبكم البارت وبال 5000 كلمة + هذا بارت قبل الأخير 💖.
7.nldn حسابنا الأنستا
إلى اللقاء يا أعز العابرين في قلبي ♡.
الكاتبات دينا & نور