اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1
تابع الصفحه وصوت للبارت فضلا وليس امرا †
#يحلوه مشاركه للبارت ♥️-علقو بين الفقرات 🆕
اخ مِن اليجن عَالبال تالي الليل...
اني شفته انخطف گلبي يمه النفس ما گدرت اخذه من الخوف عزا بعينه ...
گلت بخوف واني عاصره الملابس بيدي من الخوف
اطلععع براا...
اتقدم اليه وعيونه لتخوف رهبتني
عت الملابس من ايدي وشمرها حيل وهو يباوعلي بتحدي...
انتي فلتن براغيج فرد نوب
بلعت ريگي كتله بقوه مدري منين اجتني من اصير گدامه عناد الدنيا كله يصير بيه...
وانته مفالتات براغيگ يعني...
امين رفع حاجبه بتعجب وبنفس اللحظه مفور منها متدري بهل لحظه شنو ممكن يسوي بيها ... متنطي فرصه يتهنى بلحظه وياها تفاجئه بتصرف غبي منهااا...
گللها بهدوء غريب...فلتن من شافنچ هل عناد شنو تاليته
زهرة كتله بخوف وربكه بس احاول اقوي روحي...
تاليته تعوفني اروح لاهلي وچفيني شرك...
او وخرت عيوني منه خايفه من رد فعله...
امين رد بهدوء وعيونها مشالهن من عليها...
هااا...
اي وترا زودتها كلش، وياي انته...
رجعت باوعتله بتعجب وكتله واني مستغربه هدوئه ورد فعله البارده عكس دخوله...
گال وهو يتقدم مني...
اهااا وبعد
ضليت ارمش بارتباك وخجل من قربه الزايد ...
اگلك ابن ساجده...
شو هذا ضحك... وعض شفته بتحذير وگال بتنهيده
گليلي عيني بت اصيله اشوف استهتارج وين وصل...
ارتبكت من ضحكته وعيني صارت على غمازته بخده الايمن مغطيتها لحيته بس من يضحك تبرز...
اففف شبيك امين وياي مچنت هيچ صاير تخوفني وكلش ادبسزز
گال بنفس النبره...
اهااا
رفع ضغطي شكددد مستفزز...
گاعد احجي وياك شبيك باارد
امين وهو يشوف انفعالها وخوفها وهو حاصرته الضحكه من ردود أفعالها وشكلها وهو يراقب تعابيرها باستمتاع ومتدري على شنو ناوي ...
گال بخبث يعني ترديني حاار ويااج...
زهره دوروها متلگوهااا كالت بفهاوه ... هاااا
گال بقهر وهو روحه لايبه عليها...
هويتي ابير ويرتاح گليبي منج مو مرمرتي...
خزرته بضوجه...
شمسويتلك بس ادعي عليه
جرر حسرة وكال بقهر وحده... وهو يسحب جف ايدها ويعدد على اصابيعها...
ثوله وعرمه وزماله وبربوگ وهسه دخلت امرعدج من العصبيه بس شفت عيونچ بردت شسوي وياج ما ادري...
وگلبي هل كواد ميعيني عليج واكسر راسج... يحجي ويعصر ايدها بايده...
صاحت بقهر من الوجع ومن افتهمت قصده من الخجل ما گدرت تحجي وهيه تسحب ايدها منه وجعها...
يبني ادمم عيب هل حجي والله يخجل وعيبب تحچي وياي... اني مر
سكتت وباوعتله وهيه خانسه من استوعبت شرادت تحجي اتذكرت تحذيره وشنو راح يسوي الها اذا گالت...
نزلت راسها مم شافت نظراته الخبيثه وابتسامته عرفته عرف تفكيرها كال باستفزاز وعيونه على شفايفها...
بربوگتي شطورة اتعلمتي الدرس... بس حرامات اتعلمتي بسرعه
لزم زندها وقربها منه... حس برجفه جسمها بين اديه فرح من تأثيره عليها...
الراح اسوي هسه لتلوميني عليه... لان غبائج خلاج بهل موقف
طلع تليفونه من جيبه... وهيه تباوعله باستغراب وخجل
رادت تحجي خله اصبعه على شفتها بمعنى اسكتي عيونه ضلن جامدات بمكان اصبعه الي بدون شعور منه بقى يتلمس مكانهن...وهمس چنچ اشتاقيتي للحلويات
زهره بعصبيه وخجل نترت ايده منها... وخررر حقير
خله التليفون على اذنه وياده الثانيه لزم ايدها... وگللها انچبي حياتي...
الوو... السلام عليكم شلونك ابو مصطفى
فتحت عيني بصدمه خابر خالي... كتله بخوف عزززا بعينك
خزرني... وضب ايده على ايدي
شلون الصحه الاهل شلونهم...
باوع بعيوني وهو يگله...
مشتاقين والله
گرصته بايده... عض شفته وهو ينطيني نظرات تحذيريه...
ان شاء الله امرلكم هم عندي موضوع وياك... بس اخلص عرس هشام...
صليت اكرص بايده اريده... يعوف ايدي...
اي... الله يبارك بيك يوم للولد
كتم الاتصال وكال بتحذير...
اذا گرصتي بعد اگله... شفه بت اختك بربوگ مثلها
ضربت ايده واني اگله بعصبيه... ولككك السمجه الزفررر
اششش انچبي....
اي وياك ابو مصطفى رايدك بخدمه ام فاطمه تريد تبقى لعرس هشام بس مستحيه تگول خاف ميقبلون خوالي...
فتحت بصدمه شگد جذاب... سمعته يگله
اندري قابل غربه غير اهل احنه...
ردت احجي واني ميته قهر منه الحقير المطي...
خزرني وهو يخلي ايده على شفته بمعنى اشش ولا حرف
متقصر ابو مصطفى اوگفلك بزواج الولد... الله يسلمك
باوعتله بقهر... هاااي شسويت هسه شگول للجوا
كال ابرود وهو يخلي تليفونه بجيبه...
گليلهم ابو فهد ميقبل...
زهره بقهر ... يااا برودك
امين...
دام انتي راكبه راسچ هذااا اليصير
انقهرت من بروده گوا يسيطر عليه...
وابقى هيچ عبالك ما اگدر اروح لااا اشو الاااا اروح اااي ما اريدككك شلون بالله اموت روحي من وراااك يله اخلص
گال بحده وعيونه رجعت نظراتهن مثل اول ما دخل...
اششش ولا كلمه
والصار البارحه مو بعينج...
كتله بارتباك واني انزل عيوني...
ماا صار شي وحروح يعني اروح
امين رفع حاجبه وگال بعصبيه...
هااا مصار شي... بت الگواد مو شفايفج طعمهن ما رايج لهسه استطعمهن....
زهره ما گدرت ارفع راسي من الخجل والاحراج شحاجي هذاا يحرجني بقله ادبه الادبسززبلعت ريگي...
هااا بعدج ممتذكره شصار
زهره من الاحراج ما عرفت شترد رفعت عينها عليه وگالت وهيه تغير الموضوع...
هسه شگلهم شبيك والله عيب اطلعني زعطوطه گدامهم
امين ابساطه...
هو انتي زعطوطه
باوعتله بقهر...
يااا هااي شبيك
امين بحده...
شبو بگلبچ وخلصوني من عقلچ المحجر
زهره برمطت من كم الغلط الحصلته والفشلات...
هاي ليش هيج تحجي عليه
سحبها اله امين وگال بقهر...
طبچ طوب حتى لتفكرين تبعدين عليه... فكري من تحجين هيج بمشاعري مو تستصغريني وتسوين لبراسج... واني البارحه كايلچ رايدج...
ارتبكت وضجت منه ومن قربه ليوترني ويگلب كياني...
خليت اديه على صدرة ابعده عني..
وانته متفكر بيه وبموقفي من داخل عليه وقافل الباب... شراح يگولون عليه...
عض شفته ونتر بيه بعصبيه وهو يوخر اديها ...
وخري اديچ خراا باهلج...
وخرر منها بسرعه انطاها ظهره وهو يتنفس بسرعه...
وهيه تباوعله باستغراب شبي هذا حصرتها البچيه...رغم خوفها من شكله گالت...
انته شبيك مستصغرني فرد نوب وبس تصيح عليه...
اندار عليه مدلها شي... باوعت جهازها
هاج هذا جهازچ والگواد ذاكه حظرته خلي ابالج ما عايفها اله بس كل شي بوكته...
زهره گالت...
اذا ما عندك ثقه بيه ماا اريده... خلي الك
مسح وجهه بقله صبر...
خلي بعقلج المحجر ثاق بيج هوايه بس مرات عقلج يتماطه زياده عن اللزوم...
زهره كالت بترجي...
امين بداعت امك عوفه والله خوش ولد
شمر جهازها على الجربايه وعاط بيها بقهر وعصبيه مصره تطلع خباله عليها اليوم...وگب عليها
خرااا باهلج خرااا بليوم الشفتج بي وخراا بابراهيم وبليوم العرس بي...
بت الكلب مو كتلج هذاا الگواد السااااقط الگرن ابن الچلاب لتجيبين طاريه وتجي البربوگ ادافعلي علي...
زهره خنست وهيه تباوعله من شافته سكت وبده يهدء اجه دورها...
لتغلططط لتغلط وتسبني انته شبيك بس تغلط لسان السمجه الزفر شوكت يهود
گال بتعب وهو يتقدم الها هيه وخرت للجهه الثانيه... هز راسه واخذ المي شربه...
يهود من تهودين
زهره رفعت اصبعها بتحذير...
تراا مااا اخذك لو شتسوي
مسح وجهه بتعب ميحب من يفقد اعصابه لان مو طبعه هذاا بس تجبره تطلع اصخم طبع بي...
دنچبي...
اريد ابن الچلاب هذا يحبني يله اخذچ... وهو ياشر على گلبها
اريد لهفتچ عليه اضعاف اللهفه الشايفتها الج هسه
يتقدم منها وهيه تشرد للطرف الثاني لحد ما لزمها... شكلها خلاه يضحك وهو يگلها...
شبيچ بايگه هوى مني ترا ما اذيتج بشي... بلعكس وهو يمرر أصبعه على شفته
فكيت عيني شكد حقير يذكرني بالصار البارحه... دوخرر هيه حلاوه كل سااع
گرص خدي وهو يگول بتحذير...
گرصيها للخفه بربوگ والعناد وياي بطلي
كتله بعناد... مااا عزفني واطلع
سحب ايدي خلاها على حزامه... شايفه هذا الاسود شلون قوي ويلمع...
كتله بتاكيد...
اااي
گال بتهديد ...
ايبسه عليچ اذا عدتي هل حركه مال الروحه افتهمتي
عافني وراد يطلع... اخذت نفس
شو هذا امدار عليه... وبقى يباوعلي من فوگ لجواا يممه عيونه چنهن ليزرر... حسسني ملابسه شي
من الخجل عطت بي... شتباوع شبيككك
امين گللها بخبث وهو متعمد يعصبها حتى ينتقم منها ويرجعلها قهرها اله...
هااي الجبتلجياها مو... اووف دمار عليج وهو يعض شفته وايده تلعب بلحيته...
غمزلها وهو يكمل باستفزاز وخبث...
و السيت الوياها الجوا فلگكك مال سهررر ...
طلع بسرعه.... وعاافني مصدومه استوعب رگعت نفسي على گصتي...
والله ثوله ومطيه مثل ما گال... نزلتي يبربوگ تردين ترحين لابستله الملابس الجابهن ليش...
لان اني عااار.... ضميت وجهي للجربابه من الفشله
ورا ساعه تقريبا...
گعدت ما طلعت... حايرة شسوي كل ما اريد اطلع من دوامه امين يرجعني اله غصب...
هسه حتى لو اخابر بيت جدي يجون ياخذوني ما الي وجه ولا عذر بعد السواه...
نزلت على الهوسه عرفت العرسان جايين وارتاحيت جايبين اكل جاهز...
اتفاجئت برشاا موجوده... ضليت اقدم رجل وأخر الثانيه اجت ابالي اصعد بس شافوني عيب... سميت بالله وكملت طريق ليگول داخله لجبهه بس والله احس مالي عين اواجها بعد الصار...
مو بس لان شافتنا وحدنا... لان اعرف بمشاعرها وشگد تحب امين وچانت تشكيلي من اهماله الها وشاكه ومتاكده يعرف بنات...
احس بروحي خاينتها بعد الصار منه والحجاه... ولي ناوي عليه بلايام الجايه...
سلمت من بعيد ما عندي الجرئه احجي وياها...
رحت كعدت يم نور...
اخبار العروسه...
ولجج سكتي استحي...
ضحكت عليها وكتلها... ولا يمچ المستحى بلقران جنج ابن خالتچ
ضلينه نسولف ونضحك... جذبني صوت رشا وهيه توجهلي الكلام
زعلت من سمعت حتروحين لبيت جدج...
ما انطتني مجال ارد...
بس احسلج حتى تاخذين راحتج وهم تشوفين حياتج
نور گالت بزعل...
لااااا ياا خبيثه من اجيت يمج تردين تعوفيني
ولكم يعالم ارد احجي...
اجانه صوت امين داخل هو وهيثم...
زهرة باقية... كلها باوعت لامين واني دوروني ما تلگوني واگول بگلبي الله يفضحك امين مثل ما حرجتني
كمل بثقه... خابرت خالها واترخصت منه
عمتي باوعتلي وهيه مكيفه ... اي والله يمه زين سويت چنت شايله هم شسوي اذا غبتي عني انتي وفطومه...
نور كالت لامين
الله يبشرك على هل خبر اول مره اسمع منك شي براسه حظ
امين گعد گبالي وگللها...
شو انتي لا مستحى لا ضخام اخويه خجلان اكثر منج ولج
نور كالت...
على كوله زهره طالعه على ابن خالتي
امين باوعلي وهو رافع حاجبه...
خزرت امين بقهر... وهو ضحك ومرر لسانه على شفته
شكد ادبسز نزلت راسي بسرعه من الخجله
نور شاورتني...
زهيره شصاير ولجج ...
اشم ريحه وصخه قري واعترفي
كتلها بارتباك واني اوخر نظراتي من امين عززا انفضحنه...
شصاير وسم ماكو شي
كالت بشك...
ونظرات العشق الممنوع انتي وابو فهد
كتلها واني اتهرب... دروحي يا نظرات خلي اكوم اخدر چاي
رحت اسوي چاي حتى اشرد من نغزات رشا ونظرات امين وشك نور ...
سمعت خطوات ورايه ما اعرف ليش حسيته امين... انداريت بعصبيه
أتفاجئت برشاا... نظراتها غريبه وحتى ملامحها مبينه مو مرحبه بيه ولا ناويه خير عرفتها عن شنو حتحجي...
صدگيني انتي متعرفين امين زين... وخاف عبالج بكلامه الحلو يغرچ وعبالج يحبج متوهمه...
احنا بنات ونفهم بعض زين شوفي ... بحالتج هااي حتشوفين الكل يرگض وراج يجوز امين ويجوز هشام وحتى حسنين...
يرگضون وراج علمود النومه... افتهمي النووومه لان انتي هسه ساايبه لا وراج رجل ولا اهلل
فلزلم تكيف... وخصوصا امين عادي مسويها هواي بس يااخذ لبنفسه منهن ويشمرهن...
فكسرتي خاطري گلت ليش تتاملين زايد بي... ولو جان رايدج هااي الايام كلهااا الفاتت كم شهر من مات صلاح حتصير سنه اختارني اني وخلاج انتي للونسه...
دموعي تصب الاستكان يتهزهز بيدي گام ويه كل كلمه تحچيها ما حسيت بروحي الا واني ضربتها راجدي... وكتلها بقهر
الرخيصه انتي ياا حقيره مو اني... اذا تعرفين عنه كل شي شلون تجيج نفس تاخذي لان انتي زباله تقبلين ...
من حرگه گلبي كتلها...
وامين مو وحده مثلج لتقيمه... امين صج عنده بنات بس ما يوم اتقرب لوحده منهن بالحرام...
شفتي شگد غبيه وما تعرفين عليه شي... وما چنت ناويه اقبل عليه بس بعد كلامچ...
وگدام عينچ راح اخذه... واخلي هو يخلي بطاقه دعوة بيدج لعرسنااا
واني ائاكد على اخر كلمه وباوعلها بتحدي وقهر...
گالت رشاا بقهر... گالت امي وما صدگت طلعتي صدگ ام الرجوله مراح تاخذي...
عطت بيهاا بقهرر... واني ادفعهااا
طلعييي برااا يله...
سندت روحي على السنگ اديه ترجف احذت نفس وخليت ايدي على صدري ...مسحت دموعي واني اتذكر الكلام الگلته الها واغم روحي... كلته بس حتى اقهرهااا...
صبيت جاي ورحت اقدمه ما لگيت رشا اخذت نفس وبگلبي گلت گلعه وحتى العرسان صاعدين ...
شفت فطومه بحظن امين... ونظراته عليه يباوع لوجهي وهو عاگد حواجبه...
درت وجهي منه اتجاهلته كله من وراه ساس البله مشاكلي كلها من وراه...
عمتي گالت... زهورة يمه باجر نروح للنجف هم تزورين امچ ورجلج
غصبا عليه حصرتني الضحكه واني اباوع بطرف عيني لأمين واسمعه يحمحم بعصبيه وگام يحوس بمكانه ليگول مكروص...
اي عمه يا ريت... وفطومه هم تزور ابوها خطيه ولا مرا رايحه
امين بعصبيه ... فاطمه مطب للمگبرة
عمتي كالت... ليش يمه خطيه حتى لا تنسى ابوها
امين بحده... فطومه من وعت وانه ابوها بطلو سوالفكم وگلت ما تدخل يعني متدخل...
گام من كرسيه اتقدم اليه وعيونه تخزرني... خله فطومه بحضني وهمس بحده
سهله بربوگ...
شويه وصعدت ما نزلت الا ثاني يوم العصر بوكت الروحه...
بيت خاله امين نعيمه راحو سياراين ...
واحنه سيارة... صعدت اني وفطومه وعمتي ويه امين
امين ما قبل نسوي اكل گال شنحتاج ناخذ من الطريق... بس اخذنه فلينه مي وخلينه بيها ثلج...
عمتي لان مريضه... وما بيها حيل الكعده شالو الكشنات وخلينالها دوشگ ومخده وبطانيه حتى ليتعب ضهرها...واني صعدت بالصدر يم امين...
اني اتوترت استحي قبل جنت عادي ويه امين شقه وميانه بس هسه گمت اتجنبه بعد الصار بس شيفيد وياه ... حضنت فطومه ولهيت نفسي وياها...
وبلوتي كل ساع ذابه روحها على امين...
صحت بيها... كااافي گعدي اشش
امين يباوعلها ورجع باوعلي گال بحده... شبيجج تصيحين عليها
البربوگ تريد بابا... ضحك وهو يحاجيها
وگف السيارة واخذها مني وهو يخزرني...
لتصيحين عليها بعد لج
بقى يلاعبها شويه...
دنطيني عضه من هل حلقووم
رجع انطانياها... وبنتي صدك بربوگ تسويله حركات وهو گام يگزكز عليها...
ومد راسه عليها وهيه بحضني وعضهاا من خدهاا
وصااح... بوويه شعوطت قلبي ملوحته
اني رجعت نفسي ليوراا لزكت بالكشن من قربه... حس بتوتري
رفع راسه وگال...
مملوح كلك ملححح...
همس وهو يباوعلي...
دنطيمي شمه مااع قلبي بلعطر
درت وجهي منه وانطيتها ممه حتى لا تبليني كل ساع ابلوه مثل عمها....
الجو هدوء وضلمه والجو بي بروده حلوه وفطومة نايمه بحظن امين ارد اخذها خاف تعيقه من يسوق وتوجه تفز وما تقبل وهو هم ميقبل يگلي خاف تغارين لان نايمه بحظني...
ورا شويه انطانياها اخذتها وعدلت نومتها
وعمتي هم نايمه...
اني بديت اغفي... ما حسيت الا بايد امين حاظنه ايدي
باوعتله بسرعه... يسوق ولا يمه
ردت اسحبها يعصرها اكثرر... باوعت لعمتي بخوف
نايمه ولا يمها...
همست بعصبيه وخوف... امين بلا خبال عوف ايدي
ولا باوعلي ولا رد
امينننن
عيونه
سكتت مصدومه من رده
احم عوف ايدي
ليش
شنو ليش عمتي منا كاافي...
سال بخبث...
يعني لوما عمتج عادي اللزمهن...
گتله بارتباك...
لاااا والله مو عادي
شال ايدي لشفته وباسها...
لعد عوفيها مدفيتني... عندي نقص حنان خليها تصبرني
اميننن كااافي فدووواا
عض شفته وگال بثگل ... شعوطتي لگلب امين لا تتنعوصين مو متوضي ونيتي صافيه اليوم
سكتت واني كل ساع اسحبها وميعوفها...
ليش البارحه طلعتي تبچين من المطبخ
درت وجهي منه وكتله بهمس... ما بيه شي
شد على ايدي وگال... لتجذبين
كتله بضوجه واني ارد اشرد من سواله...
شگد تلح لو رايحه ويه بيت سجى احسلي منك...
من اشد اريل سبع مترات اخليج تدللين
........... ❤️
مساء الخير ❤️
رايكم ❤️
قراءه ممتعه ❤️