لم يكن نزع الوِدّ سهلاً، لكنها المواقف التي عزَّت علي فيها نفسي ، اجبرتني على نزع حتى اللحظات المتجذّرة في أعماق ذاكرتي.
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : صباح الخير خاله
زهرة : صباح العافيه يمه
روح : خاله اني سويت چاي اكعدي انتي هسه اسوي ريوك
زهرة : يمه لا تكولين خاله كولي يمه واذا راد الله اني امج
روح : الله يخليج يا خاله قصدي يمه
زهرة : يا بعد امج...... سويلنه سياحات
روح : هااااا خاله والله........
طيف : يمه هاي بت بغداد وين تعرف تسوي سياح
روح : ليش بغداد ما ياكلون سياح..... بس اني اخاف تجويني النار
زهرة : شبيك طيوف ويه بنيتي..... يمه لا تخافين اني هسه اسيح
روح : اباوع علي بحقد..... اوووف لو اكدر هسه اكلك بسنوني هم ما ارتاح
طيف : بين عليها ضاجت مو انتي ردتي اكعد هسه تحملي ..احجي بداخلي.......... سويلي بيض وطماطه
روح : من عيوني !........
طيف : سالمه عيونج !.........
ياسر : صباح الخير....... هنا صايره بالعيون
طيف : اي بعد بت بغداد
ياسر : خويه وشبيهن بنات بغداد.... والله نسوان هل طيحتك وانته صار سنين ما ترضه تتزوج
طيف : شو انته لسانك طولان شنو طيحتك اني ما اطيح
ياسر : صار عصبي بعد شيخلصنه.... روح الله يساعدج
زهرة : ليش يمه طيوف مثل الورده
روح : هههه اضحك بداخلي الرجل الحديدي يسمونه طيوف ....... خاله حلو هذا الدلع
زهرة : صدك يمه جاليش طيوف يتضايگ من اكله
طيف : يمه ما اضوج بس كبرت مو مال دلع
ياسر : روح اذا ما رايده روحج كليله طيوف
طيف : انتي شوكت تخلصين البيض
روح : اي عيني راح اخلص
ياسر : روح عندي سؤال بس خاف بيها حراج
روح : لا عيني اسال انته اخويه
ياسر : هاي الشامه من الله لو مسويتها
روح : هههه لا من الله
ياسر : الحمدلله عبالي انتي مسويتها
زهرة : يمه روح خلصت السياح
روح : لعد اكعدي واني راح اسويلج ريوك
زهرة : يمه اكل ويه طيوف بس شوفي ياسر شيريد
روح : ياسر شنو مشتهي اسويلك
ياسر : كلشي من ايدج طيب
روح : تمام راح اسوي بيض واخلي جبن بعد تريد شي
ياسر : لا هاي هيه
روح : ياسر طبعه يخبل بس يشاقه ويضحك بقينه نسولف روحه مرحه ينحب دمه حلو يذكرني بــ سيف
طيف : اكل ومحترك گلبي اباوع عليهم شلون يشاقون ويسولفون
دعاء : صباح الخير
الجميع : صباح النور
دعاء : شلونج عروستنا
روح : احمم زينه الحمدلله
دعاء : اليوم راح يجون جوارينه
روح : تمام لعد راح اصعد بس ارتب الغرفه وانزل حته نسوي غده
دعاء : جا اليوم الغده عليه والخبز عليج
طيف : بتسمت وباوعت عليها هيه هاي وين تعرف للخبز
روح : يضحك يريد ينرفزني..... دعاء اني ما اعرف اخبز بس اعجن .... اني اسوي غده واعجن وانتي اخبزي
دعاء : لا حبيبتي اشاقه وياج اني اسوي الغده انتي بس اعجني ما نريد نتعبج بعدج عروس
روح : ماكو اي تعب
زهرة : يمه دعيوه مرت اخوج من الصبح كاعده منظفه البيت كله وسوت ريووگ لخوتج لا تخلينها تتعب
دعاء : صار يمه
روح : يمه ماكو تعب ...... عفتهم كاعدين وصعدت فتحت الباب ودخلت هاي شصاير بالغرفه..... عرفته هوه جاي يخبث عليه يعني تريد تقهرني والله ما انقهر عبالك هاي الحركات تضوجني ولا بالي اصلاً.......... بديت تنظيف كملت بقه الحمام نزلت عجنت .......غطية العجيب ورجعت كملت الغرفه هوه كاعد يم ياسر وابوه هم كاعد بالصاله كملت تنظيف دخلت سبحت لفيت راسي بالمنشفه وطلعت جاي اخلي مكياج جان يدخل
طيف : دخلت للغرفه شنو الترتيب والريحه مالتها تارسه الغرفه اباوع عليها سابحه وكم خصله نازله من شعرها وتنكط مي على رگبتها اباوع على خدودها صايره ورديه من الخجل ........ احمممم اجيت اريد..... اريد موبايلي
روح : من دخل خجلت منه ما اعرف ليش نظراته اليه خلتني اخجل جانت عيونه مركزه عليه خلتني ما اعرف اتصرف رتبكت حيل بحيث ضليت مثل الهبله صافنه بوجه
اخذ موبايله وطلع
روح : شبيج روح شكو راح تتخربطين ..... كملت مشطت شعري ونزلت جوه كملت الغده ويه دعاء وراها خبزت واني واكفه يمها
روح : دعاء اريد اتعلم وياج الخبز... عوفيلي لواجه
دعاء : هههههههههه احنه نسميها شناگه راح اعوفلج هاي الصغيره حته تتعلمين بيها وكل ما اخبز اعوفلج وحده لو ثنين لحد ما تتعلمين
روح : اي فدوه لعينج...... اريد اتعلم حته اكسر عينه يستهزء بيه ...احجي بداخلي..... خبزت الخبزه صح ما طلعت حلوه بس المهم جاي اتعلم
دعاء : لا تضوجين عادي تتعلمين
روح : لا عليمن اضوج شويه شويه اتعلم
دعاء : اي والله يصير خبزج يخبل...... نور تعرف
روح : اي جانت تخبز ويه ماما صح مو هوايه بس تعرف
دعاء : يله خلي نصب اكل
روح : تمام اني راح اخلي السفره وانتي حضري الاكل
......... خلينا الاكل و تغدينه كلنه اني اكعد بصفه بس ما اخذ راحتي ........ ان شاء الله دايمه
ماجد : بويه روح ما اكلتي شي
روح : لا عمو الحمدلله شبعت
ياسر : عموووو عوفها
روح : ياسر ليش هيج تحجي
ياسر : هسه اني شحجيت غير اكول عموووو
ماجد : بويه روح كولي بويه لا تكولين عمي
ياسر : لا بويه عموووو مو عمي
روح : حاضر بويه.......
ماجد : اي عفيه يا بعد ابوچ...... هسه انريد استكان چاي من ايدج
روح : صار بويه من عيوني ......رحت المطبخ خليت قوري الجاي على النار وبديت اصفي بالمطبخ عزلته كله وغسلت المواعين ضلن بس الي بالسفره
اخذت صينية الجاي ورحت كعدت بالصاله
ماجد : يله بويه صبيلي
روح : صار بويه ....... صبيت و اخذت الچاي انطيهم كلهم وصلته يمه هوه جان كاعد بالكاع دنكت انطي جان يخزرني وعيونه على شالي ....... باوعت اشوف شويه من صدري مبين ..... استحيت منه عزااا بعينج روح
عفت الصينيه وبديت اشيل بالمواعين..... اخذتهم وكفت بالمطبخ لزمت گلبي لان يدك سريع.... رحت للسنك غسلت وجهي لان ارتبكت حيل
طيف : اراقب كل تصرفاتها وكلامها من خلت چاي وجاي تنطيني مبين شويه من جسمها عيوني صارت بگصتي لو ياسر كاعد بالكاع هم جان انتبه همزين كاعدين على القنفه هوه وابوي
راحت للمطبخ لحكتها
طيف : انتي ليش مو ادميه
روح : ..........
طيف : ما تحجين
روح : والله ما انتبهت
طيف : مره ثانيه ما اشوفج بهاي الدشداشة لا اشگه هسه
روح : كتلك ما انتبهت ليش تحجي وياي بهذا الاسلوب
طيف : واخو زينب اذا سمعت صوتج هسه اسحلج وعلمج فوك شنو الاسلوب
روح : انته واعي شنو جاي تحجي
طيف :اذا ما يجي وياج الحجي اجيبج بغير طريقه
روح : يا ربي الصبر منك ......... هسه شنو تريد
طيف : هاي الدشداشة بعد ما اشوفها
روح : اوكي بعد اي اوامر ثاني
طيف : تقربت عليها صارت لزك بالثلاجه........ تكولين صار مو اوكي
روح : تقرب كلش گبالي هوه اطول مني اباوع بعيونه احس غركت بعدت نضري منه...... صار
طيف : لزمتها من خشمها....... اي هيج اريدج
روح : اجه ياسر جان يوخر مني
ياسر : احممممم خويه طيف هيج ما تتحمل فراكها
طيف : ياسر بله هل تمسلت
ياسر : روح اهنيج هيج تأثيرج قوي علي
روح : اي كلش
طيف : بله هل لغوه اريد بعد استكان چاي
روح : من طلع تنفست صبيتله چاي اخذه ياسر واني لتهيت بالمطبخ
دعاء : اعذريني روح رجلي خدرت وما اجيت
روح : لا حبيبتي عادي اصلاً انتي تعبتي سويتي غده وخبزتي
دعاء : روح اذا خلصتي ياسر يصيحلنه
روح : انتي روحي واني اغسل ايدي والحگج ........
ياسر : راح اشغل فلم كلش حلو.
دعاء : اني تعذروني اريد انام شويه
روح : ياسر اني هماتين اعذرني مو اليوم خليها على غير يوم ومن عيوني اسويلك احلى سهره ونگعد اني وياك ودعاء
ياسر : عفيه عيون كل شويه وتنطيهن.... زين وطيف ما يسهر ويانه
روح : احمم عادي اذا يريد هم ويانه يكعد بعد هوه بكيفه ......... صعدت تمددت على القنفه حسيت بروحي نعسانه نمت........ ............................
فزيت على واحد واكف على راسي ولازم جتفي
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
حبايبي لا تنسوون التصويت والتعليق🦋🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
وأراهُ عذبًا في الخصام وفي الرِّضا
وأراهُ في كُل الظروفِ جَميلا..