قد يحدث أن تعذب أحداً لا لشيءٍ إلا لأنك تحبه .
دوستويفسكي
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
طيف : كاعد جوه اندك باب...... طلعت اشوف منو طلعن نسوان جوارينا جايات يباركن
دخلت جوه صحت لامي
زهرة : يمه طيوف اندهلي مريتك تنزل
طيف : صار يمه........ صعدت اباوع على الغرفه ضلمه وبارده وهيه نايمه على القنفه
طيف : روح روح...... ماكو ما تكعد رحت عليها...... ما كدرت دنكت شتميت ريحتها هيه نايمه ولا يمي لزمت خصلت شعرها جانت نازله من القنفه ....... طيف شبيك شجاي تسوي...... وكفت بسرعه لزمتها من جتفها وكعدتها
روح : همممم محتاج شي
طيف : نسوان جوارينا جوه يريدون يشوفونج
روح : تمام هسه انزل
طيف : كامت بكل هدوء غيرت ملابسها ورتبت وجهه وراها خلت عطر ونزلت
اني اراقب كل شغله تسويها..... صفنت هسه اني الي سويته صح لو خطأ
اني ما تقربتلها لان ما اريد اسوي شي اتندم علي وما اريد اضلمها هيه سنه وتخلص وهيه ترجع لاهلها
روح : نزلت سلمت على النسوان همه يسولفون ويه خالتي واني ساكته بس على كد السؤال اجاوب بس صافنه على كلامهم ......كلش حلوه لهجتهم
من طلعو صعدت فوك ........دخلت شفته مخلي ايده على عيونه ونايم اني هم غيرت ملابسي ورجعت نمت
طيف : بس سمعت خطواتها على الدرج سويت روحي نايم اباوع عليها شلون نامت اكو شي بروحي جاي يعذبني ما اعرف شنو ضليت فوك الساعتين اني صافن....... جاي انزل شفت ياسر طلع من غرفته ويحجي بالموبايل عرفت عادل راح يجي يبات يمنه
هذا متعود من قبل يجي يمنه بس هسه صارت غايته مو ياسر لا شي ثاني
رجعت كعدت بالغرفه انتظرتها تكعد حته احجي وياها ما كعدت اني عصبي حيل
رحت عليها كمزتها حسيت بيها خافت مني
طيف : اسمعي راح تنزلين على كد العشه وتصعدين سمعتي لو لا
وما اريدج تاكلين يمنه حته اذا صاحتج امي كولي جاي اخابر اهلي اكلي بالمطبخ واصعدي فهمتي لو لا
روح : صار ميخالف ..... جنت بحلم مو حلو وجه كمزني حيل .....هوه يحجي واني لازمه صدري لان گلبي يدك سريع
طيف : عفتها ونزلت شفته كاعد بالصاله رحت على دعاء كتلها تتعشه هيه وروح بوحدهن حته دعاء ما اريدها تدخل
روح : نزلت شفت دعاء جاي تگلي بيتنجان ضليت يمها كملنه كل العشه اجه ياسر اخذ العشه خالتي صاحت علينه راحت دعاء كالت احنه نتعشه سوه
صدوك تعشينه لوحدنه وراها كمت غسلت المواعين كلها ودعاء سوت چاي من خلصت صعدت كعدت بالغرفه اجتي يمي دعاء
ضلينه كاعدين نسولف وراها كالت اني اليوم اختارلج ثوب النوم الي راح تلبسينه
استحيت منها هوه اني اصلاً ما البسهن
كالت طيف طلع لــ 11 يله يرجع خلي اني اليوم اخليلج مكياج
شكد كتلها ما اريد اني اخلي ما قبلت تكلي احنه مو اخوات
بدت تخلي صدك مكياجها يخبل وراها سوت شعري برم طلعت ثوب النوم وخلته على الجربايه كالت من اطلع تلبسينه
طلعنه اني وياها مقاطع وصور العرس وبديت اعرفها على بنات عمي واهلي ومن هل سوالف
حسيت بالعطش دعاء راح انزل جيب مي بس مستحيه لا احد يشوفني لان مكياجي جان قوي
دعاء : شبيج روح انتي غير عروس
روح : حته اذا عروس بس اني استحي
دعاء : اني رايحه لغرفتي صديقاتي يتصلن عليه وانتي ضلي هنا مستحيه
روح : عافتني وراحت اني خليت شال على راسي ونزلت...... وصلت نهاية الدرج طفت الكهرباء
بقيت واكفه اكو ضوء ضعيف يجي من الحديقة
حسيت واحد لزك بضهري
