﮼سأنظر ﮼إليك﮼دائما﮼بنفس ﮼الحُب ♥
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
طيف : امي صاحت على البنات يجون يكعدون ويانه على السفره اني ما رضيت بس ابوي كال صيح البنات يجن ياكلن ماكو غريب اجتي زوجة حسام والجهال ودعاء بس هيه ماكو
راحت دعاء تصيحلها هم ما قبلت
زهرة : يمه طيف كوم لمريتك جيبها تعشه
طيف : صار يمه........ هاي شلون بله راح تگعد كباله ساعه سوده غير يولي لاهله
روح : جاي اغسل المواعين والخلاط وهوه دخل
طيف : اغسلي ايدج وتعالي تعشي
روح : هاااااا.....ما اريد مو جوعانه
طيف : لا تخافين اني جاي اكلج امشي تعشي
روح : رحت دخلت للصاله كعدت بصفه عيني بالماعون حته لكمه ما تنبلع وياي
طيف : بلكوه تاكل اباوعلها .........وهذا يجي يوم وافكس عيونه
روح : بس ارفع عيني اشوف عادل يخزر بيه
طيف : اباوع على دعاء شلون صافنه علي...... ولج يا خويه هذا ما يستاهلج هذا عار علينه حرامات ابن عمي هذا ...........هيه شكد تحبه وهوه بغير عالم رفع عينه يباوع على روح خزرته
جهال حسام ذبو المي عليها هيه عافت الاكل وكامت
طيبه : فلك فلكم يا خيه امسحيها بوجهي.
روح : لا حبيبتي عادي ما صار شي
طيبه : حته ما كملتي اكلج
روح : لا عيوني شبعت من رخصتكم وسفره دايمه ان شاء الله
الجميع : مرخوصه
طيف : هسه يله ارتاحيت من صعدت بس خطيه ما اكلت سمعنه صوت الباب طلع ياسر يشوف منو
ياسر : خويه طيف اهل روح بالباب
طيف : دخلهم عيب خويه افتح الاستقبال
ياسر : صار خويه
طيف : عفت الاكل وصعدت اصيحها........ دخلت شفتها مبدله ملابسها وكاعده تفرك بيدها هيه منا بيضه واني عصرت ايدها صاير طبع اصابعي وحمره....... اهلج جوه انزلي
روح : من سمعت اهلي جوه روحي راحت نزلت وياه بس احس مشتاقتلهم عبالك صار سنه ما شايفتهم
شفت امي وسجى وعمه داليا وحنين جايات سلمت عليهم اني وياه ..........هوه بس سلم عافهم وطلع وراها اجتي خالتي وطيبه ودعاء كلهم سلمو وكعدو وراها طلعت طيبه ودعاء راحن للمطبخ
بقت امي وخالتي وعمه يسولفون
اني كعدت بصف سجى
سجى : هااا خيه بشري شصار البارحه
روح : كلشي ما صار بس نگره
سجى : يعني ذيج الشغله ما صارت
روح : لا الحمدلله
سجى : ولج ميصير هسه الناس شدكول عليج
روح : لا عليمن بعد احسن اني اكثر شي جان مخوفني
وبعد ما يصير بعد اني عليمن اضوج همزين خلصت
خليني خدامه هنا ويرزل و يحجي ولو يضرب هم عادي بس ولا ذيج الشغله
سجى : شبيها ايدج
روح : نزلت ردان الدشداشة ....... قبل شويه عصرها هوه
سجى : والله ما اعرف شنو اكولج زين هسه اذا سالتج امج شراح دكولين
روح : اكول كلشي تمام
سجى : قبل ما نجيج رحنه على نور
روح : اي هيه الضهر راحت لبيتها
سجى : اي هم كالت .........بس صلاوات امبين فرحانه حته زوجها فرحان
روح : الحمدلله من شفتها فرحانه ومرتاحه تسوه الدنيا وما بيها المهم هيه
سجى : وانتي
روح : لا تسالين سجى لان اني نفسي ما اعرف..........
وره نص ساعه اهلي طلعو وره ما امي سوت تحقيق على كلشي واني جاوبتها
دخلت للبيت ويه خالتي شفت عادل كاعد يم ياسر يباوعلي بنظره ما عرفت شيقصد بيها عفته ورحت كعدت يم البنات وره نص ساعه كتلهم تصبحون على خير ...............صعدت جانت الغرفه فارغه ما اعرف وين راح بدلت ملابسي وكعدت صفنت بحياتي الصفنه جانت كلش طويله بحيث من النفتح الباب كمزت عبالك جنت نايمه مو صافنه
