حلوه فكرة انو الي تحبه شخص صعب 💙🔥
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : كعدت تريكت صح مستحيه منه بس جوعانه وكت خجل خلي اشبع بطني والله كريم
طيف : اباوع عليها شلون تاكل بعد ما حجت كلمه وياي اني هم ما احب واحد يسولف من ناكل
روح : كملنه اكل لميت الغرفه وكل غراضنه كمت سبحت ولبست فستان ولفيت شالي ورتبت وجهي ما خليت هوايه يعني بسيط
اجه ياسر نزلنه وره شويه نزلت نور و ياها سيف واحد لازم ايد الثاني والفرحه بعيونهم
نور : الف مبروك الكم
روح وطيف : الله يبارك بيج...... الف مبروك الكم هم
سيف : روح واخيراً خلصت منج
روح : هههه واني شمسويتلك هسه الي يسمعك شيكول
سيف : نسيتي شسويتي بيه بالكليه ميصير لا طبه ولا طلعه و بالبيت ما تقبلين نسهر للصبح بالموبايل
روح : هسه اشبع استاذ ياسر بعد نور صارت حلالك احسن من مكالمات مالها داعي
طيف : الي يسمعها ما يكول نفسها تتواعد بعيد عن عين الطلاب
ياسر : سلام عليكم والف مبروك الكم
روح :رحنه لبيتهم اول ما دخلنه قريت سورة الفاتحة وهديتها لام البنين تفتحها بوجهي وتسهل حياتي عليه حته اذا سنه ما اريد اتعب كافي الي شفته هاي الفتره
طيف : وصلنا لبيتنه شفت ابوي مسوي غده عمامي وعماتي وحسام هوه وعائلته....... شفت بالباب واكف عادل باوعت عليها مدنكه من فاتت ما اعتقد شافته جنت لابس ستره احس خنكتني هسه هذا شجابه
روح : نور تره مكياجج كلش هوايه
نور : لا مو هوايه بس انتي ما تحبين هيج
روح : اول ما وصلنا ستقبلتنه خالتي و دعاء وزوجة حسام بالهلاهل وشفت بنات گرايبهم كعدنه يمهم اجتي خالتي تحجي وياي اني ونور
زهرة : هااا يمه بشرن انتي نور شصار
نور : خاله كلشي تمام
زهرة : شني خاله كولي يمه وان شاء الله كلشي خلص
نور : كلش خجلت منها.........اي خاله
زهرة : صلاوات على محمد......... كللللووووووش
وانتي يمه روح بشريني خلصت شغلتكم
روح : اباوع على البنات كلها تباوع علينه يمه الخجل يقره الف...........اي خاله خلصت
زهرة : الف مبروك يمه .........بجاه العباس ينترس حظنج بفريخات طيوف
روح : خالتي امببنه فقيره ومن اهل الله......... خلص الغده الناس بدت تروح دخلو الولد حسام اول مره اشوفه
حسام : الف مبروك
روح ونور : الله يبارك بيك
طيف : عادل ما يقبل يروح بقه كاعد ويه ياسر بالديوان ضل بالي لا يجي هنا ......
سيف : يله نور نروح لبيتنه
نور : اوكي يله
سيف : مع السلامه
الجميع : الله وياكم
روح : نور ديري بالج على روحج وعلى سيف تره خوش ولد وفقير
نور : لا تخافين روح شبيج تره هوه زوجي شكو بعد هل خوف
روح : اخاف عليها وهيه ما تحس بگلبي....... المهم انتي مرتاحه
نور : اي الحمدلله مرتاحه بس انتي لا تخافين
روح : راحت نور وبقيت اني لوحدي يمهم احس روحي غريبه كلشي احس ما مرتاحه
طيف : اباوع عليها تعصر باصابع اديها...... روح يله نصعد
روح : عزاااااا وين نصعد احجي بگلبي .......... هااا اي يله
طيف : اخذتها فوك لان جوه حته وجهه صار احمر من الخجل
روح : وصلنا لغرفتين وحده بصف الثانيه
طيف : هاي مكتبي وهاي غرفتنه....... يله ادخلي
روح : فتح باب الغرفه دخلت تجنن الغرفه شنو الترتيب وشنو العطر وشكد جبيره ...... هوه ما دخل ضل واكف بره
طيف : ردت اعوفها لوحدها..... عندي شغل بالمكتب
روح : تمام................... سديت الباب واباوع على الغرفه ما توقعت هيج ذوقه حلو اول شي سويته اخذت دشداشه قصيره ودخلت للحمام غيرت ملابسي وغسلت وطلعت كعدت على قنفه تصير يم الجربايه
فتحت جهازي وبديت اشوف صور الحنه والعرس والبنات يدزولي مقاطع مالتنه اباوع بيهن واكول حرامات كل هاي جذب حرامات ليش ما تزوجت مثل البنات شخص يحبني واحبه وحس بفرحة الحنه والعرس وكل هاي الاجواء برودة السبلت تجبرك تنعس
خليت راسي على تجوة القنفه ونمت
طيف : كعدت بالمكتب اني ما عندي شي بس ما ردت ازعجها لان احس بروحي جاي اضلمها بس عقلي يكلي لا انته ما سويت شي
تذكرت عادل هنا بس لا تنزل .......... خليني اروح للغرفه
دخلت للغرفه جانت بارده وبيها ضلام وعطرها تارس الغرفه مالتي اباوع عليها نايمه بعمق ولا حاسه يمها جهازها ردت اشوف شنو بي بس كلت لا ميصير مو من حقي هاي خصوصيتها رحت تمددت على الجربايه واباوع عليها شعرها مفتوح انوب سواده يخبل مثل سواد عيونها ضليت صافن عليها لحد ما غفيت
فزيت على حركه يمي نسيت اني متزوج جنت بين النايم وكاعد
دعاء اطلعي اريد انام ما اريد اسمع صوت
روح : هذا شبي نسه هوه تزوج..... اني اعلمك تريد تنام اصبرلي والله اله اطلع هذا الزواج من عيونك رحت فتحت الضوء
طيف : دعيوه راح اكوم
روح : فتحت باب الكنتور مرتين وسدينه بالمفتاح حته يطلع صوت القفل
طيف : شبيييج........... استغفرالله ربي نسيت متزوج مصيبه .....احجي بگلبي........ انتي ما تكولين واحد نايم
روح : مو جنت ادور على شغله
طيف : واذا لكيتيها اطلعي
روح : وين اروح
طيف : ولي انزلي
روح : مووو استحي والله
طيف : تذكرت العار موجود جوه ....... تمام ضلي هنا
روح : بقيت كاعده كلت خطيه هوه ما طردني بعدين اكمل الازعاج بغير طريقه
طيف : راح اصلي وراها ننزل
روح : تمام ........ دخل توضه وكمل صلاته وراها اني هم صليت
طيف : اذا كملتي ننزل
روح : هااا اي ما عندي شي بس اشوف شالي
طيف : ردت اختبرها........ بس ماكو واحد غريب جوه
روح : بس اخوك ياسر موجود
طيف : مثل اخوج
روح : لا ميصير حرام
طيف : براحتج يله ننزل
روح : شفت شالي اذا طالع شعري وراها نزلنه
طيف : دخلت للصاله شفت عادل وحسام وياسر وامي وابوي كاعدين........ روحي شوفي البنات وين كاعدين
روح : اوكي بس وين المطبخ
طيف : مناك
روح : رحت شفت البنات........ السلام عليكم
دعاء : وعليكم السلام هلو روح
طيبه : هلو روح اني طيبه زوجة حسام
روح : هلو بيكم اتشرفت بيج طيبه.....
دعاء : اي روح شنو الاخبار شلونه العرس
روح : حلو
طيبه : اكيد خيه حلو بس هاي بدايته وراها من يصير عندج جهال تكولين ساعه سوده من تزوجت لو ضاله يم اهلي احسلي
روح : ابسمت على كلامها
دعاء : طيبه والله انتي جهالج ما ينحملون على كولة امي ملايجه
طيبه : هوه اني لو اخوج منطيهم مجال ميقبل لا اضرب لا اصيح كله خطيه وخطيه
روح : صدك خطيه تره همه اطفال عدهم طاقه وين يطلعوها غير يلعبون
دعاء : حبيبتي روح اطفال هناك بغداد مو يمنه احنه غير ما ينجرعون
روح : هههه الله يحفظهم الكم
طيبه : يا بعد روحي الله يترس حظنج ان شاء الله
روح : بقيت وياهم نسوي عشه
زهرة : يله يمه شني ما خلصتن عشاجن
طيبه : اي يمه راح نصب
دعاء : روح بعد گلبي صيحي ياسر يفرش السفره
روح : ستحيت اصيح ياسر ولا اكدر اصيح طيف رحت وكفت بالباب ادخل لو لا...... وراها دخلت كلت السلام عليكم تفاجئت بــ عادل كاعد وياهم...... انطيته السفره لــ طيف وطلعت
طيف : دخلت سلمت بس بين عليها شلون نصدمت من شافت عادل وهوه ابد ما نزل عيونه منها انطتني السفره وطلعت ....... والله اذا الزمها اني مو كتلها روحي يم البنات ليش دخلت بس خل تصبرلي خليت السفره ورحت عليها ........ روح وينج
روح : سمعت يصيحلي طلعت من المطبخ شفته واكف يم الدرج
طيف : بس شفتها سحبتها من معصم ايدها وخليتها على الحايط....... اني مو كلت روحي يم البنات ليش اجيتي
روح : مو...... علمود.... الشسمها
طيف : شنو.... شبيج احجي عدل
روح : بلعت ريگي كلش خفت منه انوب لازم ايدي ....... جاي توجعني
طيف : يطبج مرض حته ثاني مره ما تعاندين
روح : والله ما عاندت بس دعاء كلت ودي السفره
طيف : اي تصيحيلي شنو ما عندج لسان
روح : من الخوف والقهره وايدي توجعني نزلت دمعتي
طيف : حسيت اجه عادل..... لزمت خدها...... كافي لا تبجين
روح : ايدي توجعني
طيف : هااا..... يله هديتها بقيت واكف يمها وكلش قريب حسيته بي شافنه شفت وجه معكوس بالمرايا من راح بتعدت منها...............يله روحي يمهم بعد ما اشوفج يمنه
روح : حاضر ....... كلش قهرني مسحت دموعي ودخلت المطبخ
دعاء : وين رحتي
روح : مووو
طيبه : لا تستحين خيه كلنه نمر بهيج مواقف..... شبيج دعيوه الرجال اخذ المقسوم
روح : عزااا بعيني فهموني خطا....... لا والله بس
طيبه : يا خيه شجاج ليش تستحين عادي
دعاء يله خلي نودي المواعين
روح : طيبه انتي وديهن واني اجيبلج بالصينية
دعاء : اني راح احضر اللبن
روح : لعد اني اسوي وانتم رتبو السفره ....... سويت لبن والبنات خلو الاكل كله بالصاله جان اسمع خالتي تصيح علينه راحنه البنات وراها رجعت دعاء
دعاء : يله روح تعالي اكعدي يم رجلج
روح : هااا مو جوعانه ما اريد راح ارتب المطبخ من اجوع اكل
دعاء : ميصير عوفي بعدج عروس
روح : لا حبيبتي عادي ما عندي شي
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
حبايبي لا تنسوون التصويت والتعليق🦋🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
"لا علاقة لي بنواياك الحسنة حين تكون أفعالك سيئة. ولا شأن لي بجميل روحك ما دام لسانك مؤذياً"
- نجيب محفوظ