اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1
تابع الصفحه وصوت للبارت فضلا وليس امرا †
#يحلوه مشاركه للبارت ♥️-علقو بين الفقرات 🆕
ما استوعبت الصار... من الدموع غوشت عيوني بلحظه
نزلني...
الكسره ااوف من الكسره الحسيتها... حسيت بروحي شگد ضعيفه گدامه.. واني مباحه اله يسوي ليريده بيه...
حسيته ذباحي مشتريني بفلوسه واني عبده عنده...
يضرب يهين... بكيفه
شعور الاهانه اصعب شعور على الانسان خصوصا وانته ضعيف وما الك سند...
واني احس بيه يهيني اكثر واكثر بضربه اليه... واني احاول اخلص روحي... بس ماكو فايده
بس بلحظه... انسحبت من بين اديه
شخص خلاني وراا ضهراا... اخر شخص اتوقع يدافع عليه
امين...
صلاح صااح وهو يريد يلزمني...
وخر امين لتدخل...
امين دفعه باديه الاثنين على صدره... رجعه لوره انظرب بالحايط
طبوو جوا... اشر لحسنين واميره يدخلون دخلو بسرعه وهمه يباوعولي خطيه ما بيدهم شي ميگدروله...
اول مره اشوف امين وصلاح بمكان واحد...
صاااح بي بعصبيه...
وانته متستحي يتيمه خااف الله بيها... يااا عااار
صلاح حسيته اتراجع من اجه امين گال وهو يخزرني ...
شسويلها اني ميتمها... تلعب ويه المزعطه بكبر البعير
ما تستحي واني من اصيحها ما تسمع كلامي...
امين عااط بي...
دنچب البعير... المنغولي غير بگد زرك هيه هدها تلعب وياهم خليت عقلك بعقلها...
اني بهل موقف السخيف حصرتني الضحكه بلقران لان گله بعير ومنغولي... شكد ما انقهرت من سبني وغلط عليه فرحت بي من رجعهن اله امين...
عمدتا باوعتله من ظهر امين وضحكت بشماته...
هو شافني ضحكت ضااح وراد يهجم عليه...
اليوم اربيچ واردج بامچ
عاااط امين بي وهو يدفعه بعيد عني...
دسكت ابن القندره... امده لنطاك مره مو هاي عرضك سااقط گواد
گام يصيح امين عليه... گله بتهديد استغربت صلاح گدامه ليكول هو الچبير مع انو صلاح الچبير...
قسمااا بالله العظيم... اكسر ظهرك
من حرگت گلبي وامنت بعد ميگدر يلزمني امين موجود... باوعتله بكره گلت خلي اطلع حيفي شويه مدام حميت ظهري ...
مربايه غصبا ما عليك... افتهمت
عااط چنه مخبل ليگول مدفوع عليه بس يريد يلزمني ...
انچبي ساقطه بااع لسانها شطوله
شكد كرهته واحتقرته من هيچ فشر عليه اول مراا هيج احد يفشر عليه... گمت ابچي
امين اتخبل من سمعه...
دانچب ابن القندرة متريدها اوديها الاهلها...تخلص من چهرتك الزفره...
دار وجهه امين عليه وبسرعه وخر... حسيت على روحي بدون حجاب طاح من ضربني العار...
اخذ حجابي ومده اليه من غير ميباوع اليه... صاح بنزه
روحي انتي لغرفتج...
اخذته ولفيته بسرعه وكتله بعناد..
لاا ما اروح... شنو جايبني من الشارع يحجي عليه هيچ
عااد هوو راد يلزمني اني رجعت بسرعه شبه ركضت...
وخررر خلي اربيها عدل الدايحه...
راد يهجم عليه...
لزمه امين وعااط بيه...
كااااااافي ولي انتي لغرفتج
انخلس گلبي من عيطته وشكله... صعدت بسرعه سمعته يگله واني طكيتها بضحكه بلقران شكد مقهورة برد گلبي...
دربي روحك حلگك اعوج... تريد تعدلها
دخلت لغرفتي وقفلت الباب وراي افكر ليش هيج وياي...شنو السويته يستوجب هل ضرب والاهانه...
والله ملابسه احاول بلي اعرفه اغسلهن... يم بيت بيبيتي ما چنت اسوي شي... هنا بدت عمتي تعلمني بلقابل هو شسوا اليه شو من اول يوم اغتصاب وضرب...
ولهل لحظه هو هو... وكل يوم يصير للاسوء
رحت سبحت باوعت لوجهي بي اثار اصابعه...گمت ادردم
كسرر بيدك وجه القندره...
كم ساعه وندكت الباب... فزيت من مكاني وگلبي هبط عظامي شي تضرب شي... خفت يربي شسوي بقيت اروح واجي
لحد ما سمعت صوت عمتي... زهره يمه وينج
ارتاح گلبي شويه ورگضت افتحلها... طبعا هيه بلمشكله چانت بلسوگ هيه وعمي...
گعدي يمه...
گعدنه على الجربايه خلت ايدها فوگ ايدي...
وضعج انتي وصلاح ما يعجب...
اني سكتت... شكللها ابنج مخبل ومريض نفسي
يمه المرا هيه تجيب رجلها للطريق...
صلاح عصبي شويه
كتلها عمه ما مقصره وياه من اول يوم
لا تجادلين بنيتي... خلي من عصبي لا توگفين بوجهه گليله صار ما تنقصين شي... وبعدين رديله صيري ذكيه
كتلها بگلبي..
خااب شتحجين هو ابنچ هم بني ادم غير چنه حيوان شصير ذكيه
خليتها تحجي... ومن طلعت لفيت راسي ونمت
.....
نزلت الصبح... گلت صباح الخير شفت عمي حچيه ثگيل
ثاري طلع شارب... مثل الي بلمسلسلات اول مراا اشوفه بس يدردم على مدري منو ناس ما اعرفهم
گعدت يم اميره...
هستوني خليت لگمه بحلگي...
اجاني صوته واگف فوك راسي
كومي لچ حضريلي ملابسي
سمعت صوته لعبت روحي ونسدت نفسي...
اني استهضمت وفشلت شلون يحاجيني گدام الكل...
الدمعه بطرف عيني صارت عفت الاكل وگمت بسرعه... بدون ما اباوع لاحد زهگت روحي...
سمعت ابو يصيحه... ابن الكلب مو جاي تتريگ البنيه
رد عليه...
محد يدخل مرتي وانه اعرف شلون اعاملها
ولك يمه مو هيج... الله ما گال هيج
ضلو يجادلون اني عفتهم وصعدت...
اختنگت كلش وغصه بصدري... بقيت للعصر بلغرفه
سمعت صوت امين يصيحني المغرب... اخذت شالي ونزلت بسرعه خفت لا صاير شي...
زهرره... زهرررره الطرشهههههه
نزلت خفت عبالي صاير شي...
شكوو شكوو شصاير...
مدلي علاگة چبيره
هاج... اخذي
كتله باستغراب واني مستحيه منه لان هيج صار گدامه وهم اول مرا احجي وياه طبيعي...
شنو هاي
گال ...
حبشكلات الج ولاميره...
كتله واني مستهضمه حسيت روحي زعطوطه يضربوها ويغلطون عليها ويرجعون يرضوها بچس وحلويات ... كتله بنتره
زعطوطه جايبلي حلويات
گلي ابرود...
قز القرط ب 25 الف وجهج يسوا 25
فشلت من روحي هسه هو شله شغله ما گدرت على البعير العندي ذبيت حرگتي بي...
امين شافها مدمعه...
گللها بهدوء...
مو تظوجين يلثوله... شبيها عيونج تردين تبچين
على هذه تراا الله ساطره مثل سطره الحمزه ابو حزامين...
وانتي هم ثوله شجابچ للزواج هو اكو واحد عاقل يزوج...
اني ضحكت ...
جربت حسره وكتله واني اباوعله... اليدري يدري والما يدري
شو هذه صفن بوجهي عگد حواجبه رجع گلي ابرود...
انتي ما مطيح حظج الا هل عدسات اللابستهن...
درضي بخلقه الله
فكيت عيني بعينه واني ضجت شبي ويه عيوني هذه...
عيوووني عيوووني وحگ العباس ابو فاضل عيوووني
عااط...
اللزگهههه ولك هشااام هشااام عوينات العينتين طلعن حقيقيات...
اجاا هشام من وراه...
گول وعلي ما ينسكت عليها هاي السالفه...
باوعتلهم بتكبر من فوك لجواا...
امين گال باستفزاز.. مداح نفسه يرادله رفسه
هسه ما ترديهن مو... وانتي بغله مو زعطوطه
كتله واني اچتف عزه بعينه الغلط بلسانه زلاطه بسرعه ياخذ ميانه... ااي
سحب هشام من ايده ونطاني ظهره.. امشي هشومي عازمك على حلويات بس شلون حلويات كيت كات وخواتها وزنود الست بلدهن الحر وخواتها او ولد عمهن كلهن
زهره ما اتحملت الاغرائات... صاحت وراهم
جيب حلوياتي وين ماخذهن...
امين گللها بدون ميدير ظهره وهو يضحك... اعترفتي انته بغله عزيزتي...
ومن يومها صارو مثل اخواني... نسهر سواا ونشاقه
وكل يوم امين يجيبلي حلويات مخصوص من ييجي من الدوام
وبيوم...
چنه گاعدين اني وحسنين واميرة... مسوين گعدة ومحتفلين اول مرا اسوي كيكه اني...
شويه ودخل امين من براا...
استغربت شنو منايم بلبيت...
گعد بدون ميحجي شي...
كتله تاكل كيك...
منو مسويها...
اني
ما اريد اتسمم...
صوجي اكلك
دكصيلي واذا صار بيه شي بذمتچ ما مرتاحلچ لا الج ولا لكيكتج...
امين لا تهمبل ما تريد كيكتي غيرك يريدها...
نزل هشام من فوگ...
صباح الخير...
امين گله صباحك نعل...
اني طگيت ضحك كتله... قصفك
هشام وعينه على الكيكه... عادي متعود
هشام عمره 22 بلجامعه ومن يطلع من الدوام عنده مكتبه يروح بيها...
فجأ امين گال... راح اخطب
كلنه التزمنا الصمت... والعرفته راح بخطب بت خالته اسمها رشاا
اجى عيد الاضحى بعد فتره تقريبا شهرين من زواجي...
واني بهل فتره ما رحت لاهلي صح مشتاقتلهم بس ما طلبت منه اروح الهم...
عمتي گالت خلي نروح نشتري ملابس للعيد...
اشترتلي قميص وردي طويل جوا الركبه وبنطرون اسود وشال اسود...
نزلت بصباح العيد... لگيت عمتي وعمي
عايدتهم... وسلمت عليهم
عمتي گلتلي يله حضري نفسج حتى نوديج لاهلج تعايديهم اكيد مشتاقتلهم ...
اني كيفت رحت ركض لبست ملابس العيد وخليت مكياج خفيف عگد الي عرفته...
ونزلت ضلو صافنين عليه...
خفت بس لا ميقبلون اروح...
سمعت امين يگول لهشام... الشررف بويه نشهرناا شهيره الله واكبررر
اني ضحكت اعرفه ميلزم لسانه شكد اختلفت نظرتي عليه صرت اعتبره اخويه الچبير وسند اليه وگفته ما انساها اله ...
رحت گعدت يمهم كتله واني اباوعله صفح... شگلت
گال... دعايدينه داخله على يهود
فجاا ابراهيم گال... لبسي بوشيه
اني اتخبلت كتله... ما اعرف اللبسه
گاعد رجل على رجل ويگلي ... بدون نقاش نفذي يله لو ماكو طلعه
خرررا بليوم الشفت جهرتك بي... لازم ينغص فرحتي حتى بلعيد ميخليني اتهنى مثل العالم والبشر...
ميحب اناقشه لازم شيگول اكله حاضر وتؤمر... ااتعودت على وحشيته وصارت عادي عندي...
حتى لو عصبي زوجي ولازم اتحمله... برمجت نفسي هيج
كتله واني خاطري او واهسي انكسر... ماشي بس ما عندي بوشيه
گال وهو يگوم... امي تنطيچ
كمل كلامه.. وگال رايح للزياره وطلع
گلبي يگله روحه بلا رجعه... بس ارجع استغفر الله اگول حرام شنو ذنب امه واهله...
ضجت گلش...
شويه ونمدت گدامي كارتونه... باوعتله امين هذه
كتله واني ضايجه... شنو هاي
گال ابرود... دفتحيها شمالج مبوزه
عتيتها من ايده...
كتله... شو دجيب
فتحته شفت تليفون حديث
كال هذه تلفونچ منا وجاي وخليتلي ارقامنا بي
اني شگيت الضحكه وگلبي رفرف اول مره الزم تليفون بيدي واليه... باوعتله وكتله
شكرا ياا احلى اخ...
باوعلي وابتسم وگال دنچبي وصعدي للسياره...
.......
امير بعد ما راحت زهرتي ضلمت الدنيا بعيوني...
وصرت ما اطيق حتّى نفسي صرت عصبي حتّى وي اهلي اصيح عليهم...
والي يحجي وياي اكب ابوجهه... اووف شنو حياتي بعدج زهرتي اتخبلت
تركت ادراسه وضليت بس افتر بالبستان ماريد اشوف بشر صار
الكل سبب بالي صار بنسبة الي كل يوم اسوي مشاكل وي ابويه ويضربني مرات لان اتجاوز عليهم غصبا عليه همه هدمو حلمي ...
بس امي جانت متعاطفه وياي وتحس بيه... انقهر عليها كلب والده بس ما بيدي شي...
عفت كلشي اصدقائي دراستي ابيوم وليله راح مني حلم حياتي جنت اتوعد وي نفسي كلت اذا اخذت زهوره ماخلي دمعه توكع من عينه....
اخ كلبي يزهره اسويتي بيه... ابيوم عيد الضحئ كاعد الصبح بعنبت الباب...
وشفت سياره نزلت على بيت عمتي ام حسام رحت شفته من بعيد ونزلت منه گلبي رف عليها...
لا يالله يمه كليبي هاي زهرتي نزلت ملبسيها بوشيه بس اني عرفته من طوله من عيونها...
ومن بعدت منهم شالت البوشيه... اخ الله اشكد مشتاق الها وجها والعيون الله ينتقم من چان السبب...
دخلت واني ضليت اضرب ابروحي لك انته جبان حقير حيوان اشلون اشلون تسكت وتخليها وهيه جانت تحتمي بيك من كلشي حتّى من اخواها...
مرات يشاقون ويركض وراها تجيني وتختل ورا ضهري وتكله هي اموره ميخليك علي يضل يضحك عليها...
......... 🖤
صباح الخير...
رائيكم...
بنات اذا تردون التنزيل يومي... الا تفاعل قوي حسوي التنزيل يومي