غرام فتاة

٨

الحلقة الثامنة من رواية غرام فتاة
👇👇👇👇👇👇👇👇          
طبعااا هدي ومامتها اتفاجئوا وفرحوا اوي بالهيصة دي وطلعوا الجيران كمان ومن كتر الزغاريط تحسوا أن الشارع بقي فية فرحة وإحساس حلو وفي وسط الزغاريط دي هشام جاب عربية كاملة للانوار ودة طبعا بعد ما استأذن من الشارع كلة لان منطقة المعادي معروف أنة مافيش الكلام دة خالص بس عشان علاقتهم حلوة بالجيران والكل كان فرحان ومعزوم في الفرح بقي الكل بيشارك ويساعد وبقا جو فظيع في الشارع كلة .
وخرج وليد من البلكونة يتفرج وهدي كمان علي الزحمة اللي في الشارع والهيصة وبعت هشام جاب سماعات كبيرة في البيت والعمارة  واحلي الاغاني اشتغلت و كانت فرحة حلوة اوي .
وطلعوا الجيران ووليد نزل بسرعة يجيب اختة وجوزها هاني من المطار ويجي ، ولما وصلوا طبعا اختة بقالها كتيييير منزلتش مصر كانت بتعيط وتضحك في نفس الوقت وطلعت سلمت علي مامتها وبعدين كلهم طلعوا كبنات وامهات عند العروسة يسلموا ويرقصوا كأنها ليلة الحنة بالظبط ..
طبعااا وليد هيولع تحت ويموت ويطلع بس طبعا مينفعش كلهم بنات وفضل قاعد بابن اختة لحد لما ينزلوا    حتي هشام جاب منال خطيبتة وسابها ومشي ..
كل البنات قامت ترقص والعروسة قاعدة مكسوفة وماهيتاب اخت وليد قاعدة جنبها وبعدين شجعتها قاموا سوا وكان احلي دلع ورقص بنات والزغاريط عليهم نازلة زي المطر وواحد صاحبنا قاعد تحت هيتجنن  
خلص اليوم علي خير وهدي خبت فستانها عشان محدش يشوفة وتبقي مفاجأة للكل بكرة في الفرح ..
.والكل نااااام عشان يصحى كلة يجهز نفسة للفرح وصحيت هدي ومامتها وعدت عليهم ندي صاحبتها وخدهم هشام وطبعا الشارع كلة صحي علي الزغاريط والعروسة نازلة،،، وليد جري وقف في البلكونة يشوف عروستة وهي نازلة وهشام شافة . 
هشام : اية يا عريس اللي موقفك كدة  
وليد : اية يا اتش بتفرج الشارع عجبني هو ممنوع  
هشام : هههههه طب انا ماشي بقي مش عايز مني حاجة
وليد : ونبي يا اتش سلم علي اللي معاك وقولة كلها ساعات وبلاش تتقل كفاية  
هشام : طب اللي يخصك مكسوف وحالتة تصعب عليك مش هيرد وانا كدة شكلي وحش عيب عليك يا صاحبي اعمل حسابي . يالا سلام نشوفك بالليل يا عريس .
للحظة وهشام بيركب هدي بصت من الشباك علي وليد وكان وليد متأكد انها هتبص راح بعتلها بوسة وعمل بايدة حركة تلبيس الدبلة   طبعا هدي ضحكت وعملت باي باي  
موبايل هدي بيرن ورقم غريب .
هدي : الو
ماهيتاب : الو يا هدهود انا ماهي دة رقمي بصي انا هحاول اجيلك علي الساعة ٦ هبقي اكلمك اطمن عليكي لو احتاجتي حاجة ..
عدا وليد علي منال خطيبتة عشان تروح مع هدي ومامتها وندي الكوافير ..
العروسة وصلت الكوافير وخرجوا البنات اللي في الكوافير خدوا الفستان وكل حاجتها ودخلت العروسة واللي معاها كلة يبتدي يتوضب بقي 
وعدا كام ساعة ووليد اتصل 
وليد : الووو
هدي : الوو بفرحة حلوة
وليد : في حاجة ناقصاكي أو عايزة حاجة
هدي ،: بالعكس كل حاجة تمام الحمدلله .
وليد : طب تمام ،،بالليل أن شاءالله ايدك هتبقي في أيدي قدام الناس كلها⁦ ⁩
هدي : وليد انا مش مصدقة أن كل حاجة مشيت حلو اوي كدة .
وليد : عشان انا نيتي خالصة وغرضي شريف
هدي : الحمد لله
وليد : هقولك وحشتيني بالليل رسمى ههههه ومحضرلك مفاجأة يارب تعجبك
هدي : مفاجأة    انت احلي مفاجأة حصلتلي
وليد : وبعدين معاكي والله انا عارف ان لما اكلمك هتعب ،، قوليلي صحيح هو فية حد سامعك وانتي بتكلميني .
هدي: لاة طبعا انا عاملة ماسك ومستنياة ينشف

( بصوا هدي دي كانت مفضوحة كل حاجة تقولها )
😂😂
المهم قفل وليد مع هدي وراح هو كمان يظبط نفسة جاكوزي وماسكات وشعر ودقن وكان قمر  وهو قمر اصلا ( انا شوفت صورة فالحقيقة ) وبقوا العصر تقريبا جت مامت العروسة ومنال وندي وطلعوا الدور التاني في الكوافير عبارة عن كافية ومطعم في نفس الوقت يأكلوا حاجة عشان الليلة لسة طويلة ..ورجعوا يكملوا اللي بيعملوة . 
خلااااااص كلة جهز ولبس فساتينة وكل اللي كان يشوف هدي كان يصورها من جمالها فعلا يومها كانت تنفع تبقي موديل 
وجت اللحظة ووليد وصل بالعربية ال بي ام دبليو وكلها متغطية بالورود احمر في بينك في روز مش باين غير زجاج العربية ودخل وليد الكوافير ياخد هدي عروستة وحبيبة قلبة وهو ملهوف عليها كلهم اتلموا حوالين هدي وخبوها لحد وليد لما جة وبعدين كانت واقفة بضهرها ولف وليد ليها عشان يشوفها من وشها واول لما شافها مسك ايديها الاتنين وباسها بحب اووي وبصلها جامد وقالها اية الجمال دة قمررررر وشالها في الكوافير ولف بيها مرتين وفضل ماسك ايديها جامد لحد لما وصلوا العربية ..
وصلوا القاعة وكل اللي يشوف هدي ووليد ينبهروا بجمالهم وهدي ايديها علي دراع وليد والزفة ابتدت وكانت تحففة كانوا كتييير والفرقة كلها لابسة ازرق لامع اوي وكلة رقص ماعدا العروسين كانوا مش مستوعبين الموقف لسة وبيتفرجوا  😁
دخلوا القاعة والانوار اطفت مكنش فية غير الشموع علي الترابيزات ودخلوا معاهم بنات البالية زي الفراشات والبابليز نازل عليهم وبلالين كتييير كانت بتفرقع لما تنزل عالشمع اللي عالترابيزات ، لحد لما وصلوا الكوشة وكانت عبارة عن حديقة مليانة بالورود الطبيعية اللي ريحتها جميلة فعلا وبدأت اسماء الله الحسنى طبعا وبعدين زغاريط واشتغلت اغنية رامي عياش مبروك مبروك يا حياة قلبي مبروك
( انا كحنين اتفرجت على الخطوبة دى وهى متصورة ) وجت الشبكة والكل اتفرج عليها في الشاشات الكبيرة اللي في القاعة وكانوا اربع شاشات كبار والكل انبهر بالشبكة ،، جة وليد بقا يلبس هدي الكولية   ولفت هدي عشان تلبسة وليد مستحملش باسها من رقبتها لدرجة أن محدش عرف ينطق بعدها ولبست هدي شبكتها وعند الدبلة باسها من ايديها وجة دور وليد عشان يلبس دبلتة ، ايد هدي رقيقة جدا وناعمة وكانت بتلبس وليد الدبلة برقة فظيعة   الكل جة باركلهم واشتغلت الاغاني و طلبوا من العروسين الرقص سلو وقام وليد ما صدق القاعة بقيت ضلمة وكان مظبط صاحبة يخليهم في الرقصة يضلموا القاعة ومصور الفيديو يبقي عندة نظر  😂  واول الأغنية سلو اشتغلت كانت اتحدي العالم وانا وياك ساعتها كان ليها صدي حلو ووليد طلبها بالاسم وفي وسط الرقصة قرب راسة من رأس هدي وباسها في شفايفها بهدوء  وضغط علي ضهرها  وهمس في ودنها وقالها بعشقك وفضلوا هيمانين لحد الأغنية ما خلصت ،، كل حاجة كانت حلوة في الفرح لحد لما دخل عليهم ميييين   والناس كلها اتفاجئت ساعتها ؟؟؟مصطفي قمر وكل البنات اتهبلت علية وقاعدوا يتصوروا معاه وهو نفسة كان معجب بالعروسين لدرجة أنة زود مدتة هدية منة ليهم ربعةساعة زيادة ،بس حصل بقي لقطة جاااااامدة جننت كل الناس ومصطفي قمر حب يهرج مع العروسين
مصطفي قمر : اسمع زغروطة لاحلي عروسين معانا ومنورنا
مصطفي قمر : كابتن وليد عريسنا اية شعورك في اللحظة دي وتحب تقول اية لعروستك ؟
وليد : ضحك وليد ههههههههههه بلاش اقولك شعوري دلوقتي بيني وبينك برة ههههههه
كل القاعة فطست من الضحك علي كلام وليد    
مصطفى قمر: طب قول كلمة لعروستك
وليد : بحبك وبعشقك واحلي يوم في حياتي يوم ما قبلتك صدفة   وغمزلها علني   وتصفيق حار من المدعوين .  
مصطفي قمر : عروستنا الجميلة هدي تحبي تردي علي وليد بعد الكلام الحلو دة بأية ؟؟
هدي : ابتسامة هادية ورقة مافيش بعد كده. وقالت ، هو انا ينفع اطلب طلب 
مصطفي قمر ووليد في نفس الوقت: طبعااا
هدي : وهي ماسكة المايك طلبت إضاءة هادية حالا في القاعة وطلبت هدوء وطلبت ان وليد ميبصش ليها خالص
مصطفي قمر؛ ماشي الاضاءة هديت .
وهدي أديت ضهرها لوليد وطلبت هدوء في القاعة وفعلا كلة سكت عايز يعرف في اية ..
شوية وهدي مسكت المايك وعلى اغنية تايتنك  مشيت هدى مع كلماتها اللى قعدت تحفظ فيها فترة وبقت تتحرك بدلع وتلف من ورا وليد وحوالية   والكل فضل ساكت يتفرج لحد ما خلصت والتصفيق والناس قااامت والفرقة ومصطفي قمر كلة كان منبهر من جمال دلعها  .وطبعا وليد في اللحظة دي شالها زي العصفورة في ايدة ولف بيها ونزل البابليز والنار الش رار حواليهم وزغاريط بجد كانت هدي جمييييلة بمعني الكلمة  .
حيا مصطفي قمر الناس ومشي واتفتح البوفية والعروسين قاعدوا في مكان مقفول لوحدهم ودة كان عز الطلب ووليد هو وصاحبة ظبطوا الناس في القاعة قبل الفرح بيومين ..
الباب اتفقل علي العروسين وليد قلع الجاكيت سريعا وجة من ورا هدي وحضنها جامد اوي وقعد علي ركبتة قدامها وهي قاعدة عالكرسي و حاطة ايديها علي شعرة وليد مكتفاش وباس هدي بوسة بشياكة اوي علي حد قولها علي ركبتها وبعدين كل صباع من صوابعها مكنوش بيتكلموا بس السخونية اللي خارجة منهم وكان بالنسبالهم الجو مولع نار كفيل بأنها تعبر لكل واحد عن مشاعرة للتاني ..
وليد رجع لبس الجاكيت وقعد جنب هدي يأكلها حاجات بسيطة بس والايد التانية حوالين رقبتها   خلص البوفية ورجعوا الكوشة تاني والأغاني اشتغلت تاني وكلة نزل رقص وهدي ووليد عاملين دويتو حلو في الرقص مع بعض حبهم كان باين لكل الموجودين 
جت فقرة رقص البالية والبنات نازلين من مكان زي مسرح بإضاءة كتيرة من فوق ..
_______________
عاوزة اقولكوا أن وقت نزول الرواية دى ،اغلب صور وليد وهدى نزلناها وانا فاكرة كويس فستان خطوبة هدى كان قمة فالروعة وفى ناس معانا هنا فالجروب حضرت الرواية دى وشافوا الصور 🥰