الكاتبه: 🄻🄰🅁🄰🄽❤️
لا تعودنه عليڪِم وتالي تڪِولون راحلين ..
ولا تصبرونه بحجيڪِم وتالي نصبح من الصابرين ..
ولا توڪِعونه ابجيڪِم وتالي من الراحلين ..
ابقو انتم وأحنه أحنه ..
بقلمي ..
( ليالي الجحيم 12:00)
(Part 3 الـ)
مهم: لاتنسون التصويت والمتابعه للحساب دادهَ🔴"
راح نحجي بمواضيع ويه نهايه ڪِل بارتَ وانطيڪِم نصائح
بهاشتاك او معنئ# فيد وأستفيد..
وهاشتاك ثاني# أطرح وانصح..
يلاا انطلقو مي عيني ..
..........................
.
.
.
.
.
.
هنالك ڪِتله مختلفه من البشر ولڪِل أنسان گتله خاصه تحتوي ؏ الغموض والأسرار واليوم سري وياڪِم اگشفه والايام توضحه ..
فتحت عيوني بدهشه داخلها نضره خوف ، شفت خياال انسان بعيوووني شفت خيااال ياناس راح اتخبل خيال واڪِف وراي
وخيال ضخم وطويل والوجهه مثل المغوش عليه ونفس العيون الي شفتها بيها جدحه نارر نفسهاا والله عصرت ملابسيِ بخوف
واني اريد ابقئ هادئه وماخاف بس ياهدوء يبقه ؏ هاذا الشڪِل!!
درت وجهي ؏ السريع مشفت شي طاح ڪِلبيِ بيدي ورجفت اصابعي صارت مو معقوله بندت رجليه من الخوف وڪِلبي دڪِاته عبرة الـ 1000
ربما الأنسان أكو اشياء تجبره انو يخاف شما ڪِبرت مدئ قوته لابد اڪِو شي يخوفه ويهز شيِ داخله..
أحب في نفسي صلابتي ،
أنا فتاه صلبة ، واسعة الحيلة على أقدارها،
ربما أبقى لساعات مع نفسي أراقب ما يتداعى مني ،
أبكي ، أندب حظي ، ولكني ألملم كل هذا الذي حدث في أرض الخفاء ،
واخرج وكأني لم احصل يوماً إلا علئ النصر ..
الأنسان يحتاج فد دافع قوه بداخله واني قوتيِ جانت رب العالمين شنو شي يصعب عليه التجئ لربيِ لأن هوا ينقذني بسااع
بس بسبب خطأ غير مدروس مني وڪِعتَ بالغلط الي دمر نص حياتي واني بغير علم عنه وغير معرفه
وصارت هوايه أمور يالله ادرڪِت مدئ صعوبه هل أمر الي مريتّ بي ومدئ خطورته ..
تنفست حيل اريد الهوئ يملي ريتيِ واني اتذڪِر ايام قبل وذڪِرياتي يم اهلي و بشنو عانيت هذنيج الأشهر
ياترئ هسه هوا وين وين ديدور عليه؟ اهلي وينهم اووو هاي اني وين ،
لازم بڪِل مره اصفن ارجع بذاڪِرتيِ لهذيج الأيام ومعاناتهاا ويايه
جنت سانده نفسي بالڪِاع و ؏ الجربايه ومغمضه عيني واتذڪِر بصمتَ تعبت وتعبانه ڪِلما ارجع للماضي اتعب أكثرر ويه ذڪِرياتي ومرضي
والعانيت منه بهذيج الغرفه انفتح الباب ودخل.. الوحش" مسحت وجهي بتعب وابتسمت بأستهزاء ..
الوحش: ڪِومي اڪِلي يالله ماتفيدج هذاً الشغلات ..
:- شڪِد شايفه انذال وحقراء مثلك ومثل الجحيم الي يتسمئ جحيمي مشايفه حجه بأستهزاء لوضعي
:- وهاي انتِ ڪِلتي انذال فـ الانذال ماعليهم عتب ڪِومي اڪِلي
:- ماااريد سممم وخرررررر من يمي لااا تخليني افقد اعصابي وياك واڪِتلك بيديِ ،
ضحك بعلو صوته ومسح عيونه الدمعت من الضحك ..
الوحش: اي وهل جبتلج اكل حتئ تتقوين اكثر وتراويني بطولاتج ..
:- تفووو عليك يانڪِس تقرب اڪِثر مني وڪِنبص ڪِدامي ولزمني من فڪِي وحجه من بين اسنانه..
الوحش: شوووووفي ولج اتجاوزتي هوواي وانا خالج هسه ؏ مايج فـ جري عدل وياي بابه
:- دفعته حيل وعطت بوجه امشي ووولي حقيرر دفع الاڪِل عليه وطلع
وهوا يتوعد بطني توجعني من الجوع واني معاند ما اڪِل معقوله اني نفسها ايفين!!
معقوله الي تدرس ومددلله صار بيها هيج ،
ابتسمت بتعب وقربت اللفه يمي وفتحت العصير وأڪِلت تعبانه حيل تعبانه شنو حال الجحيم 12
هسه تعبان لو يدور عليه لو شيِ عادي عنده ؟؟
شبعت وڪِمت فتحت الباب البيت يغمت ڪِلبي ومن اتذكر اني وين أموت اڪِثرر سديت الباب وصار بوجهي حسون ضحك وسنه المڪِسور طلع
حسون: هاا ولج شعدج نازله..
:- اڪِلك وخررر من وجهي عليك الله مالي خلك وووين جنت انييي وووين صرتَ فهمني يمته اطلع مناااا فهمني ، دنك راسه وحك رڪِبته بثول رفع راسه وڪِال مادري
هزيت راسي وغمضت عيونيِ بتعب نزلت للمطبخ هووسه ووصاخه لعبت نفسي واجيت اتقيئ الي اڪِلته
غسلت ايدي ووجهي وانتجيت ؏ الثلاجه قرفانه من وضعيِ وتعبانه اريد ابجي بس احسس راح اضعف واني ماريد ابجي
صارت تتراود اصوات بمسامعي بسرعه لزمت الكلاده الي برڪِبتي ورددتَ بصوت
( ياسند من لا سند له)..
باوعت للمطبخ بقرف الكلاصات والصواني والبطاله مال الشرب سديتَ خشمي بقرف
ورفعت راسي لربي يااارب صبرني وطلعنيِ منا سالمه بدون عواقب يااارب يااارب
لفيت حجابي ؏ خشمي وسديت باب المطبخ اريد انضفه لأن ماتحمل هيج وصاخه وماستقبل اكل اذا هيج بس اخاف اتحرك اي تحرك بدون ميوس
اخااف والله وحوشش هذول ويخوفون وخطرين بس ماتحمل خلي انضفه مدام محد موجود
والي خلاني اتأڪِد ميسولي شي هوا صوتت واحد سمعته يحجي ويه الوحشش وانصدمت بالاتفاقيه الي بيناتهم معقوله!!
بديت اذب الزبل وبعدين صفيت الثلاجه واخير شيِ بديت اغسل المواعين وفرڪِت السنك بس لعبت نفسي وتقيئت بسلتَ الزبل
هلڪِت من التعب بس واصلتَ وڪِملت المطبخ صار يلمع لمع دورت ؏ بخور ملڪِيت همه هذول الوصخين منين الهم بخور زين منهم من يشترون عطر ابو الألف
انفتح باب المطبخ وباوعليِ الوحش بترقب لوجهي اتوترر من نضراته بعدين باوع للمطبخ بتعجب وهمس
الوحش: هاي انتي نضفتيِ المطبخ!!!!!
:- فرڪِت عيوني بتوتر وايدي ترجف ماعرف ليش من يتواجد يمي ارجف واتوتر بلعت ريڪِي وجاوبته ، اي اني
الوحش: ليش نزلتي وانا مانعج من النزله شبيييج بابا ماتفهمين كل احنه شباب هنااا وكواويد ونشررب وماندري برواحتنه خاااف يصير شي وتعااال يالوحش حيرر بيج وبالخرا الوصاني عليييج
:- هزيت راسي بفزه من ڪِلامه وردت اطلع
شش شوي من طريقي وخر جسمه ومد ايده ڪِال طلعي وصعدي فوك
هزيت راسي وصعدتَ بساع بس ماعرف شنو السبب الي خلاني التفتَ وأشوفه التفت وشفته يباوعلي اجت عينه بعيني فتح باب المطبخ ودخل
تنهدت تعبانه من وضعيِ شجابني هناا شوصلني كله بسبببببه هوااا والله هوا
فتحت الباب وسديته ورحت للجربايه تجيت جسمي ؏ الحايط وبجيت بتعب بعد ماتحمل اڪِابر هيج والله ماتحمل
لهناك وسمعت اصواتهم وصوتَ ضحڪِهم وشقاهم جوه ڪِمت قفلت الباب ورجعتَ المڪِاني واني اتذڪِرر ايام هناك..
(عوده الئ الماضي)..
ڪِمت نزعت مال الصلاه وذبيته بخووف اريد اطلع خففت اعترف خفت من المنضر الي شفته بالمرايه طلعتَ من الغرفه ؏ السريع واني ارڪِض اريد اشوف ماما واحتمي بيهاا نزلت وشافتني صاحت بفزه
وداد: ها هاا يمه شڪِوو
:- مم ما ماڪِوو بس جنت اصليِ وفزيت رحت حضنتهاا وهيه تمسد ؏ راسي وخرت من حضنها ومسحت وجهي
وهيه راحت تڪِمل الغده وطفت الڪِدوره لأن استوه وڪِعدنه بالصاله انتضرنه ابويه بـ 1:30 اجه وحسن ڪِذالك قبله اجه تغدينه
واني بالي مو يمهم يسئلوني واجاوبهم بـ اي ؏ اي شي
حسن: اڪِلج فوفه انتي قرده
:- ايي سمعت صوت ضحڪِهم الفززني رفعت راسي وعقجت وجهي هذول شبيهم شبيڪِم تضحڪِون
محمد: ولج بابا انتِ شفتي نفسج ؏ شنو جاوبتي
:- شجاوبتَ؟..
محمد: اخوج ڪِلالج انتِ قرده وانتِ ڪِتيله اي
:- ابتسمت بفشله هاي شبيه ممرڪِزه وياهم وو ولا حاسه خلصنه غده وغسلت المواعين وشربو جاي
وڪِلمن راح لغرفته واني بقيتَ بالصاله خاف اصعد اخير شي قويتَ ڪِلبي وصعدت واحجي بيني وبين نفسي هذاً اوهاام اني اهلوس وافڪِر واتصور ماڪِو شي نشالله ،
فتحت الباب ملڪِيت شي ومشفت شي لميت السجاده وعطرت الغرفه وهويتها وبعدين ڪِعدت ادرس ڪِملت ڪِلشي صارت ب 3:30
طفيت الأضويه وخليت ضوه واحد تمددت ؏ الجربايه وفتحت تلفوني ولبست سماعاتي اجه ؏ بالي هذاك الشخص
وڪِمتَ ادعي ربي حتئ اشووفه او يراسلني حتئ افهم شنو يريد اني الي صرتَ ادعب اشوفه مو يبتعد لي حتئ افهم شنوو غايته وشيريد مني
فتحت اليوتيوب وڪِبل ؏ البحث وڪِل عاده جان ڪِل البحث مالي وموضوعي عن الجن العاشق"
احس نطبع بذاڪِرتي او هواا طبع هل شيِ بعقلي وبديت استمع فديو وره الثانيِ
درت جسمي صفحته وتغطيت والسمعات بذانيِ حسيت شي حار يمشي ؏ جسمي خفيف ارتاحيت للشعور عبالي بردانه
وصار هل شي بيه تغطيت اڪِثر ودفيت واني استمع بعدين حسيت بشي يضغط ؏ صدري فرڪِت مڪِان صدري بوجع شنوو هاي!!
رجعت اباوع وحسيت احاسيس موطبيعيه عبالك احد وياي او احد جاي يسوي شيِ بيه استغفرالله ربي لهناااك جاي اباوع واسمع
صووت عياااط بأذني غرررريب صوت عياط مجنون مو عياط عادي ذبيت السماعه بفزعه عبالي اهلي بيهم شي والصدمه لمن ذبيت السماعه مسمعت شي!!
بقيت صافنه بالفراغ وصوتَ هدوء ماڪِو شي ڪِلبي يدك وبلعومي ماعرف شلون اوصف الڪِم بس حتئ بلعوميي يدك من الخوف
مسحت وجهي بثنين ايديِ واني ارجف ذبيت نفس واني اڪِول استغفرالله ربي
" اللهي لاتضرني أن كنتَ ليس من الضالمين "
يالله رجعت السماعه وهم تغطيت بس الحرڪِات زادتَ اڪِو شعور بدفو جاي يلامس ضهري صعوداً ونزول
شعري احسه ينجر بطريقه خفيفه وغريبه سديت الفديو واني امرر ايدي ؏ جسمي بدفوو اريد ادفئ حبيت احساس الدفو
بقيت اعصر بجسمي ماعرف شنو الغايه بس احتاجيت فد شي ماعرف شنو بقيت امرر ايدي ؏ رڪِبتي وزندي ولزمت صدري
وحسيت شي من وراي لامس ضهريِ حبيت شعور الدفو والراحه ڪِمت وگأني انسانه مسلوبه الارداه ومسلوبه الروح منهاا ..
ڪِمت للحمام قفلتَ الباب وڪِفت ڪِذام المرايه وابتسمت ذبيت ملابسي قطعه قطعه وفتحت شعري تناثر شعريِ ؏ جسمي بطريقه مبهذله
بقيت اباوع لشڪِلي بترڪِيز بس بؤبؤ عيني يتسع ويتصغر براحته و ؏ ڪِيفه رغم ممسويه هيج انيِ نزلت نضرات ؏ رڪِبتي واني اشوفها شلون بيضه
مررت ايدي عليها واني اباوع لجسمي شلون مغري بقيت اباوع لجسمي بأعجاب ،
جبت ماي وطشيته ؏ جسمي صار مبلل وقطرات من شعري تنزل ؏ جسمي ،
اباوع واني مبتسمه عيوني صارت بيهاا حراره تجيت جسمي ؏ الحايط وحسيت شي يتمرر ؏ جسمي من فوك ليجوه ..
ڪِلبي ڪِام يوجعني واني اشوف روحي شلون مسلوبه لأراده ومو بيدي وجنت مسيره مو مخيره
احس اڪِو شي غلط بس مستمره والي الحمدلله نهئ هذا الشي قبل لتصير مصيبه هيه دڪِتَ الباب
احسس جنت بعااالم مو عالمي حتئ من انتبهتت للباب جنت بصفنه صافنه باوعت هايِ شدخلني للحمام
بس المشڪِله جنت بوقتهاا حاسه بڪِلشي وماشيه بڪِلشي كأنو بقبول مني بس اني مجنت قابله وجنت مسيره بغير اراده منيِ ،
سديت الماي ونشفت جسمي واني دايخه شدخلني للحمام طلعت ؏ السريع وفتحت الباب لڪِيته حسن جايبلي حلويات
بسته بخده وشڪِرته ذبيت المنشفه وبدلت ملابسي ونزلت جوه نشفت شعري وامشط ڪِعدتَ بالحديقه واني اسمع التمجيدات مال الأذان
يمجد قبل الأذان رجعت جسميِ ؏ المرجوحه وغمضت عيوني..
( عوده الئ المستقبل)
صحيت من ذاڪِرتي مال هذاك اليوم والحمام ؏ دڪِت الباب مسحت دموعي واني اڪِول بصوت منشول منو..
الوحش: انا
:- عدلت حجابي وفتحتله الباب وبقيت واڪِفه يم الباب وهوا يباوعلي بقلق..
الوحش: شبيج شبيها عيونج شمسويه؟..
:- خنڪِتني العبره بس جاوبته مو شغلك
الوحش: عادي ادخل ولو هيه غرفتي واخذتيها بس لازم نستأذن من الاميره شسوي
:- ڪِلبت عيوني وفتحتله الباب وخليت الباب مفتوح شوي وهوستهم جوه رحت ڪِعدت ؏ الجربايه
وهوا بالڪِاع ومدد رجله واني اباوعله سحب باڪِيت جڪِاير طلع جڪِاره وذب الباكيت وورثها سحب نفس وطول السوڪِت ربع ساعه وأخير شي حجه..
الوحش: ليش فتحتي الباب وخليتيني ادخل ماخفتي مني اسويلج شي وجوز شارب
:- ابتسمت بتفڪِرر طول مده بقائي وياڪِم مشفتك سويتلي شي ثقيت بيك ولو شويه بس ايضاً اتحذر منك
ڪِلبت الموضوع فوك حدر لأن عرف او شم سمعته هذاك اليوم ڪِملت ڪِلامي بحده ، وشحدك تسويلي شي ضحك ومسح وجهك وطڪِطك اصابعه،
الوحش: انتِ منين متعلمه هل لسان؟..
:- الدنيه علمتني وابويه
الوحش: ابوج امممم..
:- بلعت ريڪِي وڪِتله انتَ شسمك
الوحش: شلج بأسمي بابه
:- ڪِلي هوا ترا اسم بعدين انتَ مو عرفت اسمي حجه بضوجه وهوا يسحب نفس
الوحش: اسمي سبونج بوب
:- هوا حجه هيج واني فطستَ من الضحك س سبونج س بوب خرب خرب عرضك
الوحش: وووسم شبيج تضحڪِين وليش تخربين بعرضي
:- سڪِتت عن الضحك واني ڪِوه لازمه نفسي رفعت حاجبي وڪِتله ،
اسب عرضك وخرب عرضك خرب عرضك ليششش هيج سويتَ بيه صفن بوجهي ونزل عيونه ؏ شفايفي لميت شفايفي ليجوه وطلعت غمازتي ورتبڪِت
هوا حس ودار وجه عود يدور ؏ الجڪِاير ويحك براسه
الوحش: اي ولج لا تخربين عرضي ڪِوه بنيته وجبت سمنت
:- ضحڪِت عاابت اي والله
الوحش: لاتتجاوزين ولج
:- سڪِتت عن الضحك ودموعي نزلت وحده وره الثانيه ،
شايف هاي الضحڪِه وراها وجع جبير وقصه أڪِبر شايف الي مريت بي؟؟
شايف حجم الوجع والأذيه الي ضڪِتهاا؟ة
ها شايف الله عليك عوفني ليش اخذتني ليشش؟؟
صفن ودار وجهه للجهه الثانيه وسحب نفس من الجڪِاره وجاوبني بهمس..
الوحش: يحقق مطلبنه يتم ڪِلشيِ يريده وترجعين سالمه
:- اي ليش ليش شنوو ذنبي اني هاا..
الوحش: لأن الاستاذ مالج انتِ مرته وهذا الماخذته اخطر واحد واحنه نريده وهوا يحبج فـ نضغط عليه بيج ..
:- ليش تصيرررر نذل وأناني
الوحش: اذا تبدين تغلطين راح اطيح حضج فاهمه..
:- لا تتجاوز لا اطيح حضك هم اني ڪِاملي ؏ السريع لزڪِت جسمي بالحايط لزمني من زندي وذب جسمي للجربايه صغر عيونه وحجه بغضب
الوحش: لا تتجاوزين لأذيج والله لا تشوفيني تعاطفت وياج تره اول مره اسويها لاتخلينيِ اشيل حتئ تعاطفي منج بت الزمال
:- اي ايي ايدي لااا تغلط لاتغلط حيوووان رفع ايده ونزلها يستغفر قرب وجه اڪِثر مني وعينه ؏ شفايفي
وو وخر وخر شتريد بلع ريڪِه والعرك ملئ ڪِصته عافني وطلع غميته بثنين ايدي
واني متنرفزه اباوع للساعه بـ 6 الصبح والمخابيل الجوه ڪِاعدين يطربڪِون قفلت الباب وتمددتت اريد انام بس مجاي يجيني نوم ابدد
فـ اضطر انام من يطلعون هم أمن نفسي وهم سنطه اباوع ؏ الساعه ورقم يجر رقم صارت ب 9 اندك الباب وصحت منو ..
ميوس: اني اني حياتي
:-ابتسمت بفرحه ايي الله جابهاا بس هيه المونستني هناا وهذول الزمايل اله هاذا الي اسمه الوحش مدري سبونج بوب مطيح حضيِ ڪِمت فتحت الباب الها دخلت وحضنتنيِ
ميوس: شنوو منايمه لو شنو
:- شتدرين بيه انام من وره الزمايل الجوه وطربڪِتهم ولج والله احس يوميه جاي انملي ذنوب من اذڪِر هسه اني وين وڪِاعده وين
ميوس: لاا لاتحجين عليهم عليج الله والله خوش ولد بس دنيتهم الغبره هيج ذبه ذبتهم وبعدين تعيدين السالفه يوميه نفس الشي شڪِايلج الوحش هاا
:- هزيت راسي بأسئ واني انتضر الفرج
ميوس: تريڪِتي لو نتريك سوه؟..
:- لا والله متريڪِت امشي نتريك وانضف وصاختهم غمتني ونزلت ابتسمت ونزلت وراها اباوع للهول( الصاله)
الي يڪِعدون بي حب وبطاله وصواني وخبز خليت ايديِ جوه حنجي بتعب طلع من الغرفه قوقي وهوا منايم ابتسم وهوا يلوحلي بيده جنه مخبل
قوقي: مسيوو ايتها الجميله
:- غميت ڪِصتي وغميته
قوقي: يالبلبي يالبلبي لماذا لم تذهبي يالبلبي
:- روح نام قوقي روح نام مادري شلون متحمله اشوفڪِم مثل المخابين
قوقي: لماذا؟..
:- ذبيت نفس واني ڪِوه لازمه ضحڪِتي جنه مخبل دفعته ميوس للغرفه وهيه تضحك
وتڪِله روح نام روح دخلت للمطبخ غسلت وجهي رغم منايمه بس اريد اصحصح نضفنه المطبخ والهول وسويت جاي وڪِعدنه بالهول
لڪِمه اڪِلها ولڪِمه اصفن اخير شي ذبيت اللفه ونتجيت ؏ الڪِرويتات وبجيت بخنڪِه ،
ميوس: ياا ياا يمه شبيه البنيه ليش تبجين ولج
:- تعبتَ تعبت ياميوس تعبت والله ماتحمل عبالج تعودت صارلي اسبوعين مدري ثلاثه عبالج تعودتَ يمڪِم هاا
لاا والله لا تعبت اريد ارجع لحياتي الطبيعيه ولا بشر يدخل لحياتيِ ولا اي گائن حيي ماريد احد ولا اريد هاذا الي يتسمئ 12
بعد ماعيشني 12 ليله برهبه وخوف تعبت صدڪِي تعبت خليت ايدي ؏ وجهي وابجي بضعف بقت تمسح ؏ ضهري بحنان
ميوس: حقج خيه حقج الله يخلصج نشالله اني لو الي سلطه ؏ الولد والله جان ڪِتلهم رجع وها هذاك اليوم بس حجيت وياا گب بوجهي والله مابيدي شي
:- وخرت راسي من حضنها ومسحت دموعيِ صح اعرف والله صح نفسيتي تعبت وادمرت
ومصدومه شلون باقيه لحد الأن عايشه مصدومه ؏ طاقه تحمليِ الي شلتها رغم المريت بي من تعذيب نفسي وجسدي
تعذبت اني ميوس تعذبت جسدياً ونفسياً شفت اشياء يمه متخطر ؏ الشيطان لا والله الشيطان يمه صفر والشيطان يتعلم منه والله و ؏ هاذا حاالي الي وصلت اله بسببه اله اندمه والله وانتقم منه
ميوس: الله يساعد ڪِلبج بس مهما يصير يبقئ
:- اشش اشش لاتحجينها عليج الله لجج شتحجييين شتحجيييين ميوووسه شتحجييين عذبني انواع التعذيييب تعذيب نفسسسسييي صرت مجنونه وهسه وياڪِم ؏ اي ساعه يجنننيييي والله يجننني اڪِررهاا واڪِرره كل الشغلات الشوفنياهااا
ميوس: اشش اش حبيبتي سڪِتي لايڪِعدون الولد سڪِتيِ
:- هزيت راسي بدموع وحيره شحجي بعد محد يفهمني ويفهم شنو عانيت وشنو شفت..
ميوس: صبري الله وياج والله ماعرف شغلات بالدين هواي جان حجيتلج بس اڪِلج الي اعرفه بس الله يحب الصابرين صبري تدرين انتِ محضوضه
:- ابتسمت هههه محضوضه شبيج ميوس محضوضه بشنو
ميوس: محضوضه لأن مصار وياج شي ولا احد تعرضلج تدرين الي يدخل ازقه البتاوين والي يدخل البتاوين ڪِلهاا شيصير بي
وانتِ دخلتي اخطر منطقتين البتاوين والطوايل ومصار بيج شي مخبله انتِ لازم تحمدين ربج صبح وليل ؏ الي عشتي ومصار هسه شي وياج جاي تفهمين
:- اي ومن حضي الحلو دخلني البتاوين وصرت بين ازقتها موو
ميوس: ولج مجاي تفهمين عليه انتِ حمدي ربج محد تعرضلج لو نام وياج هاي منو التجي هناا يسمطوها بمخدرات لو ينامون وياهن لون يبيعون اعضاهن لو يشغلوهن بملهئ شتحجين انتِ ،
:- هزيت راسي بأقناع من ڪِلامها وحمدت ربي الف مره بس ليش هيج صار وياي شمسويه اني حتئ اوصل لهل حاله هاي ..
ميوس راحت واني صعدت فوك وقفلت الباب رغم ڪِسرته الي وخيبته الي بس اكو شي داخلي اله ورافضه هل شيِ مو اني الي تنڪِسر وتقبل بڪِسرتها
اله اندمه وماريد اي شعور حلو اله بڪِلبيِ اتذڪِر من جنت كاعده بالغرفه وهوا دخل مبتسم ذب السويج والجڪِايره واجه يمي ڪِنبص ڪِباالي وڪِال
" شلونهاا مريتيِ "
:- اڪِرهك
" لااا شعجب تڪِرهيني ، ول خالي عبالك تڪِولين احبك اوف يابااا "
:- لا تستهزء بيه لا اشوفك شي مشايفه بعمرك
" شنو ماشايفو ڪِلشي شايفو خاف عبالج بغدادج لو طوباتج هم شفتهن "
:- باووعتله بقرف وخررر من يمي ڪِام وذبلي بوسه بالهوا
صح ضحڪِتني حجايته بوقتها بس ڪِابرت وبينت القوه ڪِباله
صحيت من صفنتي و ذبيت حجابي وتغطيت من بعد ماراحت ميوس وعيوني سلهمت للنوم ورحت بأحلام راجعه بذكرياتي ليوره..
(العوده الئ الماضي)
صاح الله واڪِبر ڪِمت من المرجوحه ادخل جوه بس الي وڪِفني بزونه جانت ڪِاعده ؏ حايطنه
تقربتلها ،
وجان نفخت بوجهي وطفرت عليه بسرعه درت وجهي منهااا وصرختَ طلعو اهلي واني كلي اختض وهيه شردت
وداد: يمه اسم الله يمه الرحمن شبيج
محمد: بسم الله شبييج بابا شبييج شكو
:- خليت ايديِ ؏ ڪِلبي وارجف بخووف ماعرف شسوي واتنفس سريع وأشر ؏ مڪِان البزونه
راح ابويه يتفقد المڪِان واني رجعتَ ڪِعدت بمڪِاني وضربت رجلي بقهرر لا ياربي صوتي صوتي اريد احجي
بقيتَ بس أون ماعرف شسوي ضربت ؏ راسي بحرڪِه گلب ماريد صوتي يروح هسه مااريد رجع ابويه وباوعلي بقلق وسئل امي
محمد: ها أجتها الحاله؟..
:- امي هزت راسها بقهر وضربت ايدها بحرڪِه ابوي هز راسه ودخلنه جوه واني دموعي تنزل
رحت توضيت وصعدتَ جبت سجادتي ونزلت فرشتها بالصاله وهمه يباوعولي بهم ؏ حالتي ومابيدهم شي ؏ الله و ؏ العلاج
راحو يصلون واني بقيت وحدي سجدت ؏ السجاده ونزلت دموعي واني ارجف رفعت راسيِ وادعي وايدي ترجف وصوتي ميطلع بس ونيني ..
يارب لا تضعفني هيج واني استمد قوتي منك اللهي لا تگسرني ولا تضعفني وانتَ قوتي وانتَ أماني وصديقي يارب أناجيك بگلب ابيض يارب شافيني وعافينيِ يالله ..
مسحت دموعي بأيدي الي ترجف خوف من ڪِلشي وأولها مستقبلي البعيد قبل القريب
لميت سجادتي وڪِعدت بين اهلي وتعشينه وأجونه بيت جديِ وانوار يمي ساعه يالله اڪِدر انطق كلمه وحده وبقت تحجي وياي عن هذاك الشخص ،
بعدين راحو بوست اهلي وصعدت بردت غرفتي وسديت الباب وكعدت ؏ التلفون شوي الساعه بـ 12:00 ضبط بهاذا الوقت وصلتليِ رساله وأجه وقتهاا ولازم اواجهه
"شلونها معشوقتي نجي نزورها الليله لو لا؟..
:- بس صارحني وڪِلي انتَ منو
" مابقئ شي بعد 10 ايام و12 ساعه طيرتيِ"
:- منوو انتَ بس هاذا الي اريد اعرفه
" فيفو لااتعبيني بس محتاج العب لعبه وياج ويمڪِن هسه اجيڪِي "
:- احسسسس عقلي وڪِف تماماً صدك هاذا خطرر
والصدمني من دلع اسمي وين يعرف دلع اسمي هذاااا وووين يعرف
واصلاً وين يعرف اسمي وين يريد يجيِ ،
لو زلمه واجهني وجه لوجه وخليني اشوفك واعرفك منو مو باقي مثل النسوان تتختل
" اذا ماااااندمج ؏ ڪِل ڪِلمه حجيتيهاااااااا بحقي واطلع رروحج واخليج تكرهين روحج مااطلع ابن امي "
:- موزلم الزلم بفعالهاا مو بحجايتهاا والزلمه مو بالشارب ، يامڪِثر الشوارب والزلم شوي"
(يمكن اقوئ كلمه شفتهاا بالقصه بطلتي قويه عمي)
" اليوم اراويج الافعال انتضريني "
:- دز هل رساله وبعدين دز رساله فارغه تحتوي ؏ نقاط بس هل مره غير لا حضرني واختفئ مثل الجن الازرق ولا شيِ
ذبيت تلفوني بعدم اهتمام لأن اعرفه شخصيه الكترونيه وبس ڪِلام..
مجنت متوقعه الي راح يصير
و ؏ ڪِولت ابو المثل " الفاس وكع بالراس" واني فاسي وگع براسيِ مو غير احد
تلفلفتَ بغطايه وادفيت ابتسمت ؏ شعور الراحه الي اجاني طلعت دعاء وخليته يم ذاني وبيدت استغفر لحد منمت
لهناك واحس شي يمشي ؏ فخدي شي جبرني اڪِعد رغم اني نومي ثڪِيل
رجعت غمضت عيوني من اختفت الحرگه وسرعان مارجعت فتحتها بطيئ
من شفت شي يتمرر ؏ زروري وفخذي والله جاي احس بشيِ الخوف خلسني بزياده وشل لساني
فتحت عيوني شوي شوي ماريد انصدم بشيِ بس ماڪِو شي سوواد ماشوف شيِ حسيت بحرڪِه ڪِمت مفزوعه لڪِن سرعان مانرطمت ؏ الجربايه بخفه
بقيت ارجف وحضنت نفسي وبقيت اون فيِ سبيل يسمعوني اهلي المشڪِله مجنت اشوووف ابد ابدد ضلمه الڪِهرباء ماڪِو
لأن اني اخلي ضوه خفيف بالغرفه اڪِدر اشوف والبلوه الثانيه البرده مردوده لأن اني افتحها ؏ الخفيف حتئ يدخل ضوه الشارع عليه ..
انفاس قريبه مني ايد ضخمه تتجول ؏ جسمي احس برعب وذعر ماعرف هل شي الي يمشيِ عليه اانسان حيوان خيال شيطان ماعرف ،
أنيت بصوت مسموع ايد حاوطتَ شفايفي الي تذب حروره من الخوف انفاس حاره تقربتَ يم ذاني وتمتمت بصوت مخنوك مغلف بغضب"
" أڪِسر بختج نفس ماڪِسرو عزيزتي هاا اڪِسرو يازماله ليش اندڪِيتي بيه رغم ردتَ اعفي عنج "
:- انيت وتأوهت بڪِلمه منو انتَ بس ممفهمه ميفهم عليه مرر خشمه جوه ذاني ورگبتي جسمي ڪِش وڪِزبر ورجفت لزمت الفراش بقوه واني اقوي بگلبيِ
شلت ايدي ودفعته ؏ السريع ڪِمزت من الجربايه ونزلت اريد اوصل الباب
لڪِن ايده حاوطت خصريِ وكسرته من شدة قبضته وخله السلاح احس زرف خاصرتيِ سد حلڪِي
وبقيت اون وادفر برجلي عسا ولعل الوح الباب وادفره المشڪِله هل مره حضي ماوكف ويايه وغرفتي فوك معزوله بالطبق الثاني ونوم اهليِ ثڪِيل وغرفه حسن جوه
بقت روحي تفرفح وارجف احس الحرام ملاني مليِ والذعر استوطن روحي مجايِ اعرف اتصرف
واحس قوتي راح تتبخر ويتمرد عليه هل انسان شدد قبضته ؏ شفايفي حيل وهمس بأذني..
" 10 ايام و 12 ساعه ويتم ڪِلشي لا تخلينيِ استعجل واحرك روحج خالي
:- رجعت عڪِسي ؏ بطنه وضربت ورغم هاذا منزلني وخر ايده عن حلڪِي ؏ السريع
ومدري شضربني برڪِبتي وضليت اروح وارجع بأيده مثل اللعابه بس اني صاحيه ،
خدر جسمي بس بصحوه ضليت اروح وارجع بيده دايخه بس مفاقده الوعي جاي احس بگلشي بس حرڪِتيِ مشلوله ماكدر اسوي شي
مددني ؏ الجربايه ماشوف شي ابد ماشوف نذب الغطه عليه واني اسد بعيوني حيل وافتحهاا اريد ارڪِز ،
بس جسمي ڪِله خدر وايديِ احسها نشلت حرڪِات خفيفه ابددد متنسمع حتئ البزونه النايمه بالڪِاع ماحست بحرڪِاته وخفيت حرڪِاته
بحيث مڪِعدتَ و ميوت نسحب شي من الغرفه وهدئت الحرڪِه واني ڪِلبي يدك بضعف ضغطت ؏ الفرشه ودموعي تنزل بحرڪِه گلب من الديصير ويايه ،
ضوه جڪِاره اشتغل وغبار الدخان بين بيِ غمضت عيوني ماريد اشووف اي شيِ
ونيت بضعف ماڪِدر احجي ڪِرهتَ ضعفي واحس قل ايمان انو ليش اني من دون البنات صار بيه هل شكل وماكدر انطق جان هسه تجرأه وسوه هل شكل ..
" شڪِلج راح تفيديني بالايام الجايه هواي واصفي واحد واحد براحتي "
:- بعد ماسمعت اي صوت وحرڪِه خفيفه صدرتَ من الباب دقيقه وحده بس والكهرباء أجت بالغرفه
عضيت شفتي بقهر ووجع هاي شصارر بيه شصاااررررر جسمي مخدررر حتئ ايدي ماڪِدر ارفعها وامسح دموعي الغرڪِتني
ونزلت قطراتها ؏ رڪِبتي ڪِلبي بقه ينبض سرريع معقوله ڪِل هل صار صدك؟؟ لاا لاا جذب شلون اصدك هيج لاااا ابددد
غمضت عيوني بأستسلام لأمري لأن ميأوس ماڪِدر اسوي اي شي
ياويَل قلبي من تلك النار الهائجه فيِ داخلي..
هل من مبرد لقلبي وصراعاتَه وهل من وسيله لفجواته..
رحلتي عتيمه ومعكره لا لمؤنس لي في رحلتي..
بقلمي....
مرات الأنسان تمر عليه ليالي يخزنها بذاڪِرته لو مهما ضعفتَ ذاڪِرته لو ڪِانت افشل ذاڪِره تستقبل المعلومه ابطئ
لازم يصير فد شي ينحفر بهل ذاڪِره لأن العقل مايبقئ فارغ واني هل ذڪِريات ماتروح من باليِ
مرات الأنسان يسويها فلم بخياله ويعيد امجادها وشعور بداخله وبخارجه واني عشت الـ 12 ليله و 12 ساعه بعداد موتي وأنتهائي وذاڪِرتي ومصائبي..
صوت بعيييد حيييل بعيد وهزه قويه بأيديِ
وداد: ولج يييمه شبيج ماتگعدين مصخنه شبيج تأخرتي حيل ؏ الدوام وانوار راح تجي
:- بلعت ريڪِي وبلعومي هواي أذاني فتحت عيوني وشفتَ ماما ڪِبالي
حسيت برعب وذنب لا اڪِدر احجي ولا اڪِدر اسڪِت حجايه انوار لسه اباليِ من تكول تخلين ابوج بخطر بقيت ساڪِته واباوع الها
وداد: يااا يمه اسم الله الرحمن شبيج؟..
:- غمضت عيوني والوجع حاصر جسمي والدموع اوشگت ؏ النزول نطقت بصعوبه ورجفه ،
مم ما ماا ماروح ماروح ماما ماعند ماا ماعنديِ شي تعبانه من ڪِلت تعبانه بقتَ تتفحص حرارتي مبيها شي
وداد: شبيج ماما شنو يوجعج
:- ماما ر رر را راسي يو يوجعنيِ ود ود وداايخه مابيه درت جسميِ بصعوبه وجسمي يرجف وتغطيت الدنيه دافيه ورجعتَ غمضت عيوني
وداد: براحتج ماما اهم شي معندج امتحانات
:- هزيت راسي وهيه رجعتَ طفت الاضويه وسدت الباب غطيت ڪِل جسمي ووجهي خنڪِت روحي
وغمضت عيوني وبجيت ماعرف دختتت ماعرف شتصررف ڪِل فڪِره ماڪِو ابالي حتئ حسن صديقي اقرب واحد اليِ وسري الصغير قبل الجبير يمه ماڪِدر احجيله ،
الخوف استوطن روحيِ وڪِلشي توقعت بعد حجايه انوار بلعت غصتي وضربت ؏ رجلي بحرڪِه كلب وقوه مستحسفه وضعي
شسووي بزماني راح اتخبل احس حتئ راح اخسر دراستيِ بسبب هل انسان انسان الفؤجئه الي ضهرلي غمضت عيوني شارده من واقعي
(العوده الئ المستقبل)
:- ڪِعدتَ ؏ دڪِه الباب القويه واني اسمع صياح ميوس بهمس من وره الباب
ميوس: ولج فتحي الباب يمعزااايه فتحيِ
:- ڪِمت بفزعه فتحت الباب وهيه دخلت وقفلته وتفرك ايدهاا وتروح وترجع متوتره خليت ايديِ ؏ كلبي من الهبطه ..
ولجج ميوسه احجيييي احجي شصايرر
ميوس: ولج الوحشش اخذ قوقي ودعنون وابو سميجه وسلاحتتهم وطلعوو وخلو بس للوس وعتاوي وحسن وڪِلبي نار هسه وين راحووو بس لو اعرف
:- ڪِعدتَ ؏ الجربايه ومسحت وجهي بتعب وشفتي ترجف ،
يييييييييبع
.
.
.
.
.
.
.
.
.
شلونه البارت؟
بديت هسه الاحداث من الحاضر عوده لحد الماضي
السرد مبي اي خطأ ..
اذا يبقه هذا تفاعلڪِم بارت الجاي وره اسبوع ينزل ..
هاشتاك اليوم هوا ،
# اطرح _ وانصح
موضوع التنمر
نصيحه: ابدد ابدد لا تتنمرون ؏ اي شخص ان ڪِان واقعي او الڪِتروني لاتتنمرون عليه ، مثلا شفتو انسان او انسانه ؏ التلفون ورحتو ڪِتبتو تعليق وعلقتو ضميرڪِم ارتاح من تنمرتو او حجيتو حجايتين؟.. طبعاً لا ولا راح يرتاح شي داخلڪِم واذا ارتاحيتو للتنمر لا تنسووون انو اڪِو صحيفه اعمال ؏ كتفج الايمن والايسر اي حجايه تتسجل عليج الأثم والزينه ، فـ ابتعدو عن التنمر وصيرو محبين لربڪِم واهل بيته ولا تڪِسرون بخاطر انسان او انسانه مثلاً اذا شفتو شخص استفزتڪِم فديوهاته معليڪِم عبرو ڪِلمن وحريته ولا تعلقون تعليق سلبي وتتنمرن ، لأن هذا خلق ربڪِم مو بيده
وووو هذا اول موضوع النه نشالله تستفادون منه
ونفس مڪِتلڪِم اذا تفاعلڪِم بقه هيج فـ اسبوع يالله انزل البارتَ الجاي 🤍
مهم: لاتنسون التصويت والمتابعه للحساب دادهَ🔴"
تابعو حسابي الانستا
في أمان الله وحفضه
الكاتبه: LARAN❤️