((هجران وحب))
((بقلمي عاشقة القراءة))
اشم بثيابكم ريحة مذمه كلكم صرت ماضي ومااهمه؟ انتهى كلشي ويريد ابريله ذمه؟ آنه اتخوني ذاكرتي مرات رحمه الولديكم هوه شسمه ! حسباله يجيني الخبر وانهار سبع سنين اضل عايش لصدمة
((يحيى العلاق))
گاعدين نتغدة كلنة وجسر گاعد بحضني اوكل بي شوي شوي اخاف يختنگ
وايسر ياكل وعينة علة ابنة احسة مديشبع منة من كثر تعلقة بي
دگ تلفون بابا باوع لأسم
ورد .... الوو هلة ابو سلام
ماعرف شحجة ويا عمو صمد بس بابا تغيرت كل ملامح وجهة وكف علة حيلة.
سنا... ياساتر يرب شصاير
احمد... زين هسة بيا مستشفى انتوو
احمد... زين زين هسة جايك بس مسافة الطريق
وسد لتلفون
جانت عيون لجميع علي بقلق وترقب نريد نعرف شنو صاير
حجة ايسر... شصاير ابيت عمي
احمد.... كومو وية عمكم السعاف راح تصل مستشفى ال...... بعد ربع ساعة
اسر... زين لاسعاف منو بيهة
احمد.... سلطااان يولو كومو خلي نلحگ
شهقت بفززع كلهة نتبهت علية بس محد علق كلهم بالهم يم سلطان
كال بابا.... سنا كومي انت ولبنات اخليكم يم بيت اخوي صمد ميصير تبقن وحدچن يمكن منرجع لليل
... حاضر بس ابن ايسر اخذة وياي
... لا. ولتفت. علة اسر
... اخذ ابن اخوك ودي ألأمة ولتحجي لاحد شي ترة يدورولة ومو بصالحنة لحجي لزايد
ساعتهة ماعرف علة شنو جان يقصد بابا بعدني مصدومة من لخبر لسمعتة زين ليش هل مرة بس تاذيت من سمعت بي متصوب. كل مرة عادي لبيت كلة يقلق ويخاف علي واني لا
اگول مثل لبزون بي سبع ارواح
اجة اسر اخذ جسر من حضني وطلع واني مو حاسة علي مصدومة وگلبي معصوور حيل مادري ليش خايفة واحس هلمرة مراح تعدي علة خير
ندهتني ماما ... وج ماما كومي مو مال صفنات ابوج منتضرنة برة وايسر راح للمستشفى
اويلي ايسر كل مرة يتخبل علي شراح يصير بي هسة
كمت بدلت لتراك شتوي ثخين لبلوز مالتة طويلة حد لركبة ولبست طاقية صوف مالبس حجاب لهسة ماتعودت علي وطلعنة من لبيت لطريق كلة صافنة من لجامة واباوع بشرود لهسة مامصدگة لسمعتة واحس نفسي بحلم.
وصلنة ابوية يم بيت عمي وهوة طلع للمستشفى
دخلنة واشوفلك لبيت مگلوب. مرت سلام وجهالهة وبيت عمي ابو عبود كلهم حتة جنتهم جاية. وميس وياهم ملخة روحهة تبجي علي وتلطم
نسرين. لعيون مورمات طلعت كلهة تعرف من ال ١٢ الا احنة تونة عرفنة ب ٣
ماتحملت لمنضر واسمع نسرين تبجي وتگول.... ليووم بلحلم امي اجت واخذتة وياهة. وهوة سودة علية حضنهة ويگوللهة. يمة تعبان وشفتهة حضنتة وراح مشة ويااهة. بعيد. تخبلت وضلت تلطم. ملخت نفسهة. تملخ اني علبعد نهارت اعصابي واحس فقدت ابجي بصوت وارجف مثل لسعفة
امي ومرت عمي لسورية. يهدن بيهة. وام عبود. تهدي بميس الي من شافتني هجمت علية. جز من شعري وضرب اخر شي لطخت راسي بلحايط وبعد ماحسيت وكعت بلگاع وبس صوت لصياح حولية. وميس تصيح
... من وراهة سلطان بلمستشفى كلبة حقيرة والله اذا صار بي شي اموتهة بيدي ولكمممم مووووتت رجلييي
وبعد صار صياح ومن بين صوت لمصايح اجاني صوتة.... شكوو
صاحت ماما بخووف.. ولك عمة ثائر الحگ عهد راح تموت.
ما شفت شلون ملامحة بس جنت اسمع صوتهم مثل الي بغيبوبة
ومن خلال نبرة صوتة.حسيت بخوفة وقلقة علية
حسيت نرفعت عن لگاع وصوت همس باذني
.... عهد يروحي ردي علي لتموتين حيلي عليج
عهد. لا رد
وبعد ماحسيت بس اطباء فوگ راسي والم فضيع براسي احسة ثگيل ماكدر احركة
فتحت عيوني بتعب ورجعت غمضتهن بسرعة من ضو لسگف لابيض ضرب علة عيوني
مر وقت قصير واني علة هل حالة.
نفتح لباب اني مغمضة عيوني بس صاحية.
اسمع صوت خطوات قربت من سريري صوت لكرسي نسحب واحد كعد علي
صارت ايد دافية علة ايدي سحبهة وقبلهة ورجعهة لمكانهة تنهد وجر حسرة.
وطلع.
فتحت عيوني وتنهدت بضيق. دا احس بذنب تجاه ثائر بس مو بيدي حتة اني مااكنلة اي مشاعر قبل جنت مقتنعة احساسي اتجاهة حب بس جنت غبية ماعرف بلحب عبالي لحب طلعة بسيارة واغنية ورسايل واشعار حتة مافهم مضمونهة شنو يقصد وبدلة عرس وبس
بس بعد ما وعاني سلطان علة. لزواج وضحلي نضريتي لخاطئة صرت ماتقبل اي شخص
غمضت عيوني بقوة والف سؤال يدور براسي اريد احد يدخل اسئله عن حالة سلطان بس خايفة يكون صار مثل حلم نسرين وسلطان مات ساعتهة والله اتخبل ما اسامح نفسي ابد
رفعت ايدي خليتهة. علة راسي بألم
نفتح لباب ودخل ايسر. لوجة مگلوب وتعبان بس باوعت بعيونة نقبط گلبي وخفت. تنفست بتعب احس صار عندي خفقان بلقلب وصل يمي لعيون مورمة حمر
خلة ايدة علة راسي ودنگ باسني ... شلون صرتي
بلعت ريگي بصعوبة.... سل طان وين شصار ويا
جر نفس وزفرة بخنگة.... زين لتخافين
ماصدگت ما نطق به لسانة. لان عيونة حجن غير شي
بجيت واحس راسي يفور... بداعت ابنگ كولي لحقيقة
توتر وسحب شعرة بيدة. وكال.... مادري شنو وضعة من لبارحة لهسة مدا يستجيب للعلاج
رديت بستغراب... من لبارحة اني وين لعد ماما وين
... امي تعبت وديتهة للبيت وانتي من لبارحة لعصر مغمى عليج لهسة ساعة بل ١٠ لصبح
باوعتلة بصدمة... شنو صار وياي
... ميس دفعتج علحايط وتخربطتي
... اريد اطلع منا وبجيت
... اشش حبيبتي كافي تبجين هسة اشوف لدكتور
لتفت يريد يطلع كمت ورا ردت امشي بس مكدرت دخت بسرعة لزمت لسدية.
هورة رجع سندني وحجة
.... وين تريدين
حجيت بترجي.... خليني اشوف سلطان
تنهد... والله ميصير احد. يدخل علي حالين خلي يتعدة مرحلة لخطر
مسحت دموعي واحس صوتي بصعوبة يطلع... الله عليك شوفلي حل اريد اشوفة امانة الله بداعت زهراء وجسر وماما وكل اهلك خليني اشوفه
بتسم وباوع علية بتعب ... يولي كافي تحلفين مو بيدي والله ارجعي ارتاحي اصيحلج لدكتور
لزمت ايدة.... خليني اشوف سلطان قبل لا اطلع.
واحس صار عندي دوار قوي وكعت قبل لا اكمل كلامي. وضليت لمدة سبوع اني اصحة شوي وارجع اتخربط وكل همي اشوف سلطان
راسي اثر لوگعة. مجروح بس مامخيطينة جرح سطحي بس معقم وملفوف بضماد وياذيني احسة مورم
كل مرة اسئل علة سلطان ماما تسوف كلامي ومترد
...........
فزيت علة اثر لمي الي انطش علة وجهي. ايسر كاعد يحجي بقلق وجسر بحضنة.
من شفتة بجيت بحرگة وحضنتة وابوس بي جان راح من ايدي ليوم تعب عمري وروحي بهاي لدنية
نضرات ايسر تغيرت من لقلق للعصبية وصاح
... منووو سمحلج تاخذين. ابني وتطلعين وحدج. زهراء مو معناتهة نفصلنة. تضلين تمشين علة وجهج لا بلقرأن اخذ جسر منج واحرگ گلبج علي هاي لمرة اعتبرهة گرصة اذن ماراح احاسبج بس مرة ثانية ياويلج اذا سمعت بيج ماخذة ابني لمكان واني مادري
وسكت رجع راسة تنهد بتعب.
ماحجيت ويا معذور مو بيدة معصب ابنة ويخاف علي وليوم لولا رحمت ربي جان مات لولد بس ضليت حاضنة ابني وابجي بصوت مكتوم. ورهبة لحادث بعدهة بية. كل ذرة بجسمي تنتفض بعنف
حرك لسيارة ورجعنة فتنة من يم نفس لمحل كتلة
... اوكف انزل اجيب عربانة. جسور. دفعت فلوسهة بس ضلت. يم ابو لمحل
رد.... عوفيهة اني اجيبلة. غيرهة.
رديت بعصبية.... دا اكولك دفعت فلوسهة ٩٥ الف شلون اعوفهة. انزل انت جيبهة
باوعلي بحدة. ومارد صف لسيارة ونزل. حجة وية ابو لمحل. واخذ منة لعربانة. اجة صعدهة بلجنطة مالت لسيارة ورجع ساق بدون كلام وصلني. وبعد ماحجة بشي احسة نفسيتة تعبانة وموقف ليوم هد حيلة. لحد هسة اذكر. وجهة لمفزوع من نزل من لسيارة وشاف جسر بهاذ لموقف ماعرف شوصف لموقف لجان بي بين لخوف ليخسرة وحافز انقاذ ابنة.
نزل هوة شايل جسر اني مابية حيل اشيلة من لركض احس رجلية بادن
رن لجرس طلعت ماما فتحت لباب من شافتني شهقت بفزع .... هااي شصاير بيج امي
رديت بصوت تعبان.... ماما خليني ارتاح واحجيلج
هزت راسهة بعد ماحجت
سلم عليهة ايسر ودخل خلة جسر بصالة. كاعد.
راد يطلع بس ماما ماخلتة. يطلع قبل ميشرب شي
هز راسة كعد كدامي وعينة علة جسر الي كاعد يلعب بلگاع تنهد وفرك وجهة بكفوفة. وحول نضراتة. علية حجة بعتب هامس... عاجبج حالنة
باوعتلة ودموع بطرف عيني. .. كلة بسببك. انت ضيعتنة
رد بنفاذ صبر ... مستعد اصلح كلشي انطيني فرصة وحدة بس
صديت عنة... ماتنفع لفرصة لثانية.
راد يحجي ومبين صبرة خلص بس سكت من دخلت ماما قدمتلة لچاي ولمي تشكرهة. واخذ من ايدهة
شرب گلاص لمي كلة
ولجاي بس رشفتين وعافة وگام. سترخص وطلع.
عرفت لچاي حلو ومكدر يخلصة وهوة ميشرب لجاي حلو. واصلن مو. حيل يحبة اكثر لاوقات گهوة لو كبتشينو نسكافيا حتة بصيف يشرب قهوة مثلجة
طلعت ماما ورا نطاها لعربانة. والقة نضرة اخيرة علة باب شقتنة يمكن منتضرني اطلع ورا صح اني ما طلعت بس رحت اباوع علي من شباك لمطبخ . ودموعي عشرة عشرة. حتة ماكلفت نفسي وسئلتة شبي تعبان هيج
وعيونة ذبلانة احس نفسي مرات صايرة حقيرة هوة بعز انشغالة يتذكرني ويسئل واني اشوفة شلون لايع كدامي وبعدني ثابتة علة موقفي
صعد سيارتة. جان لابس بنطرون وبلوز اسود وحذاء رياضي ابيض فلات
مشة وعيوني تتبعة لحد ما طلع لفرع
درت وجهي ومسحت دموعي صارت مقابيلي فدك
.... ليش حارگة گلبج هيج ولايعة علي روحي ارجعيلة ترة لولد ميت عليج لو لهفتة. علة ابنة متنوصف
.... مو بيدي والله
... ليش بيد منو
.... عقلي مدا يتقبل فكرة خاني وارجعلة
.... بس گلبج يريدة
... ادعس علة گلبي كدام كرامتي مدا انسة لوضع الشفتة بي لهاي الحضة
.... ومنو من لشباب. ماعندة علاقات سابقة بس من يتزوج يتركهن حتة وسام مرة. فتحت تلفونة لگيت محادثات كومة وية وحدة يعرفهة من زمان ومن يومهة. تعاركنة اني ويا بعد ماعادهة. بس ما وصلتهة للطلاق
تنرفزت... فدك مراسلات مو علاقة. مووو علاااقة خلي يراسل مو همي وهوة مو من هاذ لنوع الي مصادقلة ٢٠ علانستا و١٠ علواتس. ومخلصهة. يخابر ويراسل ويدز ارصدة لان يكره اصلن هاي لسوالف يكول متزيدك بلحياة الا فشل وعراقيل
بس هاي عملتة خذلني واكثر من مرة. سئلتة ونكر لو جاي معترفلي وكالي غلطة وعدة. يمكن اسامح بس هوة خلاني شهور اعاني وابحث ورا يلة عرفت منهة هية نفسهة. آيفا مدري شسماها ويمكن يطلع عندة بنت هم تريدين ارجعلة
صفنت بذهول... بنية شنوو متاكدة
... ما متاكدة بس حاسة وهوة سوة تحليل لابوه باي وقت يطلع ونعرف ساعتهة حتة محكمة. اطلگة.
.................
صاحية اسمع كل كلمة يحجنهة بس مسوية روحي نايمة حتة اسمع عنة اكثر بدة لحديت من دخلت نسرين. للغرفة سلمت وكعدت يم ماما
حجت بتعب.وصوتهة ممبحوح مينسمع... شلون عهد
ردت ماما وصوتهة هي لثانية متشحرج مثل الي عندة لتهاب لحلق
... كال لدكتور احسن هسة وبس تگعد نگدر ناخذهة للبيت. بس سلطان ماكو اخبار عنه
تنهدت بخنگة.... نفس حالتة. ماتغيرت. يديرولة دم مدري وين يروح يگول لحد هسة. درنالة ١٢ بطل دم. ودمة بعدة ٦ مازاد
يگول سلام متصوب ٣ ساعات ينزف واحنة ندورلة. لكينا يلفظ بنفاسة لاخيرة. ونوب طلقتين بطنة وحدة داخلة بلكبد وثانية بخاصرتة بس ربك ما ماذية لكلة مالتة.
... الحمدلله ندعي الله كون يردة سالم وتعدي هاي لمحنة.
سكتن شوي وكان انضارهن توجهة نحوي
رجعت نسرين كالت... والله لو سلطان بحيلة ويشوف عهد نايمة مستشفى بسبب ميس ليحلل ذبحهة لكلبة. مو طلگج. علة يامال منهارة وتبجين. وصلتي لبنية مرتين للموت
من يمي ختنگت ونزلن دموعي بصمت. وقصة بلعومي ماريد اطلعهة ويحسن علية
ردتهة ماما.... الله يسامحهة. يومية حارگة گلبي عليهة.
هنا ماتحملت وطلعت لشهگة لبصدري بجيت بصوت اجن علية ماما ونسرين. يحجن وياي واني فاصلة بس اشهگ بصوت واهمس من بين شهگاتي. اريد. اشووفة مامااا هئ هئ هئ هئ
وهية تقراء علة راسي ايات
نسرين.... عهد فتحي عيونج وشوفينة. احنة يمج شبيج
عهد تذكرت سلطان من دخل علية اني منهارة وابجي ويگلي فتحي عيونج اني يمج لتخافين. زدت بلبچي اكثر. واهمس وينككك عني وينكككك تعال ازعجني ميخالف راضية بس كون انت ترجع. لي واشهك.
طلعت نسرين. صاحت بابا. اجة شكد راد مني اهداء واحجيلة. واني بس ابجي ماحجيت شي كدام بابا
ماما فهمت علية. وهية كالت لبابا ... عهد منهارة. خليهة تدخل تشوف سلطان. بس خمس دقايق
.... مايخلووون احد يدخل يمة. مو زين علي لضوضاء تاثر بسالب علة صحتة.
.... حاول وياهم بس خمس دقايق مو راح تموت نفسهة علي
رد بابا.... اشوف لدكتور بلكي يقنع حتلو من بعيد متگرب يمة
راح بابا واني ضليت ارجف وابجي بدون صوت بس حالتي حالة.
رجع ورة شوية كال.... بتواسيل سمحلهة تدخل بس خمس دقايق ومن. بعيد.
ماصدگت راح اشوفة گمت بلهفة. مسحت دموعي وامشي ورة بابا وصلنة باب لغرفة. وگال لدكتور ادخلي بس انتي راح اوقت لمنبة خمس دقايق اطلعين لو بعد ماكو زيارة
هزيت راسي ب نعم وما رديت. فتح لباب ودخلت.
شفتة ياريتني. ماشفتة حالتة حالة. لاجهزة موصلة بجسمة واديه ثنينهن بيهن. كانولا واثار زرگة مال لكانولا من تشيلهة ويبقة اثر بيدك اكثر من ٧ اثار موجودة بدية. بسبب كثرة لكانولات الي شدولهيا
وجهة اصفر كركم لحيتة خفيفة وصوندة بيضة مخلينهة بحلگة ولازگينهة بتيب مدري لشنو وصوندات رفاع بخشمة صدرة عاري ومبين مكان لطلقات لان مخلين عليهن قطن وتيب بعد لعملية.
وكفت جنب سريرة ودموعي عشرة عشرة وين جنت وين صرت يسلطاني مو انت سبع محد يكدر عليك اشو هسة بقمة لضعف منضجع علة سرير ابيض ساكن ماينسمع غير اصوات انفاسك لمرهقة. ولضعيفة. ارجع عاندني واضربني راشدي صح يوجع بس اتحمل ميخالف بس كون انت موجود
شكد انت صعب بس فراقك اصعب.
جنت اهمس بهاي لگلمات بصوت يرجف. وخايف وبين كلمة ولثانية شهكة.
لزمت ايدة بين اديه حتضنتهة ودنگت طبعت بوسة علة كف ايدة واحجي وية روحي هسة يصحى مثل ابطال لروايات. وياخذني لحضنة ويگولي ماعوفج للموت. بس كل هاذ ماصار. وفقدت الامل علاخر من دخل لدكتور. وكال.. خلصت لزيارة. كمت طلعت وعيني. علي. بابا جان واكف بلباب هوة وعمو صمد وكفت كدامة حضنتة وبجيت.
... ااششش بابا كافي تبجين ادعيلة يكوم بسلامة
هزيت راسي وبتعدت عنة سحبني عمو صمد لحضنة يالله هيج حسيت بدفو وطمئنينة مثل هذاك ليوم الي نخطفت بي شكد جنت خايفة وارجف مثل لسعفة بس وجود سلطان خفف عني كثييير
عمو صمد حاط نفس عطر سلطان ختنگت من شميتة
باسني براسي وكال... كافي عمو تبجين. هسة سلطان لسبع لذيب مال ابوه يطيب ويكوم يرجع علة حيلة. ويضل يكفخ بيج قابلة
بتسمت من بين دموعي..... قابلة. والله
باسني وطلع ادري بيهم كلهم كوة واكفين علة. حيلهم اذا راح سلطان راح يكسر ضهورهم كسر مو بسهولة يجبر
رجعنة للبيت. وبقيت. كل يوم لصبح اروح ازور سلطان وية بابا لو لولد مرات ميخلوني اضل ابجي الله وكيلكم ابوي لو مخلفلة بزون بمكاني هواي احسن.
خمسة ايام مرن واني كل يوم لصبح اروح اشوفة واشبع بجي يمة
بعدين عمو صمد كال لبابا مو كلنة نبقة بلمستشفى. منو يبقة بشركات منو يدير حلالنة صار اكثر من ١٠ ايام مكابلينة وكاعدين بلمستشفى.
انت ولولد وياكم اصف انتبهو عل شغل واني اضل مقيم يمة بلمستشفى.
وعاد بابا بعد ماراح للمستشفى بس يتصل عليهم. لو تخبلت اريد اروح للمستشفى يومين ضليت مارايحة. احس روحي مخنوكة بس اتبجبج انوب دراستي هملتهة واني سادس صار سبوعين ماوصلت مدرسة.
وليوم ال ١٣ وسلطان بعدة بغيبوبة تعدة مرحلة لخطر من زمان بس مديصحى ولسبب لان نزف هواي دم لدرجة واصل للمستشفى الدم عندة شبه مصفر
كعدت من لصبح ماكو احد بلبيت من لولد بس ماما
وعد رايحة للمدرسة.
رحت كعدت يمهة... صباح الخير
... صباح لنور
... اريد اروح للمستشفى
... من يجي ابوج لعصر ياخذج
عندت.... لا والله الا هسة اروح
... استغفرك ربي والله مالي خلگهة ماما لتلحين ابوج من يجي يوديج انت مو جاهل واعيد لحجي عليج
.... والله الا هسة اروح ماااا علية اني
.... اخابر ابوج هسة.
.... عوفي بابا اخابر نسرين اذا تروح اروح وياهة
... توني جنت احجي وياهة. تكول تونة رجعنة من يمة ولدكتور كايل بهل سبوع اذا ما صحة ننقلة لغير مستشفى
.... اااي همة زمايل رجال ميكدرون يصحونة. اصلخة راشدي وهوة يكعد
.... اي دكتورة عهد وبعد لراشدي شيصير
كملت بثقة... يكعد. يمسح بيهم لمستشفى لارعن وبجيت ... ماما ماريدة يمووت
.... هسة ليش تفاولين علي يا ماما نشالله يكوم بسلامة بس ادعيلة.
هزيت راسي ومسحت دموعي... اخابر واحد من ولد عمو ابو عبود يوديني
... اي اذا احد يروح يوديج خابري
عهد فكرت اتصل بمنو. حمزة لا هسة ميقبل اكيد وعبود هسة بشغل.
لوحيد لعطال بطال ثائر بس اني ما احجي ويا من يوم لاتهمني علة علاقة ويا
بس مطرة ليوم اريد اروح للمستشفى
اتصلت بي خمس مرات يلة رد.
... الووو شرايدة
.... هاذ سلوب شرايدة
تنهد... اسف تؤمريني بشي
حجيت بدون تردد... تاخذني للمستشفى
رد بضيق.... وشسوين هناكة.
... اشوف سلطان.
مارد علية مرت فترة اسمع بس صوت انفاسة لعالية
سد لتلفون بدون ميحجي عبالي اتصل ورزلة بس وصلني مسج منة قبل لا اتصل
كاتب
««تحضري هاي اجيت »»
لغبي ما كالي قبل ليسد لاتصال عليش دز مسج
مو مهم اهم شي راح ارووووح للمستشفى
دخلت بدلت بسرعة ولبست ثخين شهر لواحد ولجو برة بارد ثلج لبست كلاو وحذاء شتوي بنطرون اسود. وعلي تشيرت ثخين يجي لحد جوة لركبة. لبست لفاف علة رگبتي ونزلت بيدي مبايلي بس ماحب اشيل جنطة مثل لبنات من اطلع.
كلت لماما ثائر حيوصلني للمستشفى وطلعت انتضرة برة.
بسرعة. اجة ماوكفت خمس دقايق وصفت سيارت عبود بلباب نزل منهة ثائر كاشخ ولابس نضارة. وفيكات. ورافع شعرة. زعم شوفيني عندي شعر وسلطان شعرة ميلزم بليد من لقصر بختصاى مزين نمرة اربعة.
بدون كلام صعدت ويا بس سلمت انطلقنة للمستشفى وصلني ونزل وياي طبعن بهاي لايام صارت مسموح لزيارة. اكثر من خمس دقايق مرات ربع ساعة. او نص
دخلنة للممر البي لغرفة ليتواجد بيهة سلطان. عمي مجان موجود. يم لباب فكرنة يمة بلغرفة بس من دخلنة مالگيناة.
ثائر... يمكن عمي راح يسبح ويبدل صارلة يومين بلمستشفى اكيد تعب
... اي وشنو يعوفونة وحدة ميدرون حياتة بخطر مدري احد يدخل يكتلة شنو هل اهمال هاذ
عگد حاجبة..... ونت شكو هلگد حميانة علي ترة هوة ابوه ويخاف علي اكثر منج مامتقصد يعوفة وحدة
.. مارديت علي عفتة واجيت سحبت كرسي وكعدت جنب لسرير حتضنت كف ايدة بيدي وطبعت علي بوسة. خليت ثائر صافن علة تصرفي ومطير عيونة نزع لنضارة نتبهت علي عيونة حمر مثل لباجي
عافني بس احسة كاعد علة اعصابة. كعد كلة اريكة بركن مخلينهة.
يتنفس بغضب وكوة كاتم. غضبة.
اريد احجي وية سلطان مثل كل مرة بس ماكدر ثائر كاعد اخاف يضوج من كلامي
خليت ايدي علة صدر سلطان احس بنبضات گلبة. ايدي جانت باردة وجسمة هوة دافي احس قشعر بدنة بتسمت يعني هوة يحس واكيد عن قريب راح يصحى.
ماحسيت بس نسحبت ايدي عنة بقوة اباوعلة. ثائر
معصب ودموع بطرف عينة واكفة. زام حلگة بغضب وحجة وفكة لسفلي يرجف من لعصبية.... انتي شبيج شبسرعة تعلقتي بي وجيتي كاتلة روحج علي وشنو هل حركات هاي ترة ابن عمج مو زوجج وتحضنين بي
دفعت ايدة... انت هم ابن عمي مو زوجي وتلزم ايدي
ردت ارجع لزمني... من احجي لتنطيني ضهرج
ماهتميتلة رجعت لزمت ايد سلطان بيدي وهوة سحبني لحضنة حضني حيل ويهمس... والله احبج ومجنون بيج شكد حاولت انسة واتاقلم بس ماكدرت مو بيدي جنت متخيلج الي وتصيرين لغيري شكد صعبة علية ترة دا اعاني وكلة بسببچ احبج وماعايرتني اي انتباه وسلطان. نمتي مستشفى من ورا شنو غزرت بيج لراشديات. وحضني ما غزر يعني الا اكوم اضربج واحاسبج مثلة يلة تحبيني
ضليت ساكنة ومصدومة من كلامة جنت اعرف هوة يحبني بس ولا مرة كالياهة بلحقيقة كلة بهاي لكم مرة لراسلني بيهة عترفلي هاي اول مرة يعترفلي وجة لوجة. ماعرف مشاعري تخربطت وضاع لكلام مني ماكدرت ارد علي
حسيت علة ايدي الي لازمة بيهة ايد سلطان نضغط علة اصابعهة حيل بحيث احسهن نسحگن
لتفتت واشوف سلطان يباوعلي...
......................
جنت مخنوگة كولش ولجو شتا بارد ثلج وضباب مغطي جام لشبابيك وليوم اني عندي عطلة.من محل لگيك
فكرت اخذ جسر واطلع اتمشى علكورنيش شوي انفة عن صدري لان اذا ابقة بلبيت اموت
رحت لجسور لبستة ملابس ثخينة وكلاو وكفوف ولفاف وخليتة. بلعربانة مالتة لان مابية اشيلة علمود بس ادفعة. وهم هوة شوي يتونس ويشوف عالم ميضل بس محبوس بلبيت
واني لبست بنطرون وعلي جبة صوف للركبة. ولبست شال وفوگ لشال لبست طاقية صوف لان لجو حرفيا. برد مو طبيعي
دخلت كلت لماما اني طالعة اتمشى شوي وماخذة جسر وياية. علمود ميضل بالهة.
طلعت وخليتة بلعربانة وسديت علي ضل بس وجهة طالع حتة ميتمرض.
وتمشيت لشارع لكورنيش قريب كولش علينة مسافة عشر دقايق
طلعت مبايلي كتبت لايسر ... اني طلعت اتمشة وية جسور علكورنيش علمود ليضل بالة واني صرت اخاف اطلع بدون علمة من اخر موقف صار وياي. وبيومهة. ضل يحجي ويهدد بية اذا ما ادير بالي علة جسر ياخذة مني.
اتمشة واباوع عل ماي وتنهد بحسرة بيوم من لايام جنة فرحانين كولش واجينة لهاذ لمكان وليوم احنة بنفس لمكان. بس مشتتين وضايعين
طلعت سماعات ابل ربطتهن. عل تلفون مالتي وشغلت اغنية اليسا.((قالو سعيدة)) وضليت اتسمع كل حرف من كلمات لغنية. وتحسر وية كل حسرة تنزل دمعة. تحرگ خدي رقم برودة لجو
بجة جسر باوعت عليه شفتة يباوع علة مكان ويريد يطلع ادينة يمدهن اله باوعت علة لمكان ليباوع علي جسر وشفت ايسر واكف كدامنة. ومبتسم لابنة.
قرب وصل يمة بدون ميباوع علية دنك فتح لعربانة. وشال ابنة وهاذ لبذات شمر نفسة علي. غير تخبلت شبسرعة. تعلق بابو وهوة ميروح يمة بس يوم بلسبوع.
لتفت علية ... شعندج مطلعة لولد بهل برد
رديت بضيق واني اطفي لتلفون عن لاغنية. .... مخنوكين وطلعنة. واني كتلك بس حتة انطيك خبر مو علمود تلحگنة. شبسرعة وصلت
رد وهوة يبوس بابنة ويشم بي من نحرة..... جنت صاف بشارع وشفتج من طلعتي قبل حتة لاتراسليني لحگتج
عكدت حاجبي بعدم رضا... شنوو تحريات.
رد برود.... لا حرص
... عندي اخ يعرف يحرص علية مشكور وصديت عنة بصفحة
كال.... اصعدي بسيارة نروح نتريگ بمكان عوفيني من سوالفج لتسم لبدن علة وجة لصبح.
حجيت بنتر... متريگة ترة لساعة. ب ١١ وين ضل واحد ممتريگ
... اي شسوي ماعندي مرة تسويلي ريوگ من ايدهة برومانسية. حتة شهيتي تنفتح
رديت... اي روح تزوج
... هوة هم راح اسويهة لعد خوما ابقة اعزب
رديت اسطنع لبرود... لا مطلق عزيزي
رد كلام حرگلي اعصابي بي.... انت هم حاسبة نفسج علية مرة.
صكيت علة سنوني.... انت كد هاذ لحجي ايسر ترة جاي تشعل لنار مطفيهة
بتسم بخبث.... بعد دوم اضل شاعلج حتة تحسين بحساسي يولي من نجعلج تحبلين.
فتحت عيوني علة وسعهن
رجع هوة كمل بضحكة لعوبة. . عود هم كوليلي منين
بتسمت لا ارادياً من تذكرت. من جنت يم اهلي وراسلني كلي خاف حامل لان شافني اكل ليمون 🍋هواي واني لثول كتلة لاا منين وهوة لزمهة علية.
لتفتت عنة حتة ميشوف بتسامتي وادري بي يحجي هيج وياي بس حتة يضحكني ويغير مزاجي
حجة.... خبيثة طالعة علة ابوج يولي تصدين عني بس حتة ماشوف هل اثم مبتسم 😃
صديت علي وگلبت وجهي .. شكو شو بديت تجاوز.
غمزلي.... وين لحواجز حتة اتجاوزهة
ماحجيت ويا وهوة ضل يحجي وية. ابنة ويبسمر بيه بلكلام.
حسيت بردت وبديت اطگ سن بسن. شافني ايسر وكال .. امشي اصعدي بسيار... هااية باردة عليج بعدين نتبة علة ملابسي وگال شلابسة ولج
رديت واني اصعد بسدر وهوة يصعد من جهة لستيرن وجسر بيدة شايلة..
..
... بعد مالك علاقة بلبسي شلبس براحتي.
رفع حاجبة بستنكار... شنو هل حجي زهراء. طلعتيني من حياتج فردنوب وصار كلامي بنسبة الج لاشئ وخوفي عليج يزعجج. وعندج غيري حريص عليج لهدرجة اني رخيص عندج وتخليتي عني بسهولة هااي
.... انت سترخصتني من شمرت روحك بحضن وحدة استغفرالله ماريد احجي
تنهد بتعب.... ياربي والله غلطت صح بس ما اذنبت لبنية جانت زوجتي سابقاً قبل ٤.سنوان تعرفت عليهة. انت علة يامال جاية هسة تتمزعلين شي صار بلماضي وراح انسي والله رب لعالمين بكبرة هسة سامحني وغفرلي وانتي اتوسل بيج لخاطر ابنة ورافعة خشمج علية بس ضلي بهاي عقليتج ونتضريني اموت بعدين تعاي تندمي وابجي يم گبري وكولي لمسكين جنت شاعلة صفحت لخلفو. وماسولف شكد شال بگلبة لعد وسمع كلام طلعة عن طورة بس ما شك بيج لان سواهة قبل ولهسة ندمان.
هوة يحجي ودموعي تنزل بسكوت. احسة لف علة رگبتي حبل مشنقة من كال نتضريني اموت بعدين تعاي تندمي وابجي يم گبري
خلة جسر بحضني وساق لسيارة بعد ما حجة وياي ولا اني باوعت بوجهة بعدين اتخذت قرار بداخلي اذا آوجا طلعت مو بنتة ارجعلة لان هاي لحقيرة بعد ميربطهة بي شي ماهتم حتة اذا ضلت تحوم ورا
مسحت دموعي وباوعت علي
نتبهت علة. دمعة نزلت من عينة مسحهة بكتفة ورجع نتبة للطريق متجاهلني
رن تلفونة. طلع لأسم مسجلة (عمي صمد)
رد بلهفة ... الوو هلااا عمي
صمد..........
بتسم بفرحة..... صدگ تحجي يلة. هاي اني جاي الحمدالله علة سلامتة.
سدة وباوع علية. .. اوصلكم للبيت لو تجون وياي
... وين راح تروح
... للمستشفى عمي صمد يگول سلطان صحى من لغيبوبة. قبل شوي
رديت بستغراب.... غيبوبة.
تنهد... حقج يابة متعرفين مو فاضيتلنة. مشغولة بغيرنة هل كم يوم
عكدت حاجبي.. شنوو تقصد
... لا ماقصد شي بس سلطان تصوب ٣ طلقات واصابات خطيرة. ثنين ابطنة وحدة بكتفة من ورا وبسبب لنزيف خسر دم هواي ودخل غيبوبة صار ١٣ يوم معقولة مافتقدتي نسرين طول هاي لفترة.
هسة اني عندج مشاكل وياي معذورة بس نسرين. هاي مثل اختج علساس وتحترميهة
رديت... واني شمدريني. ماكلتلي انت بعدين اتصلت بيومهة بيك وبيهة ولثنين متردون
... اي مصيبة. وكعت علة راسنة كلنة رايطين منو يكدر يرفع تلفونة ويرد
.. مادري هسة اتصل بيهة واعتذر منهة.
لا عوفيهة. هاي احنة راح نصل لمستشفى وشوفيهة
..........................
يتبع.