هجران وحب

مشاهد مستقبلية

زهراء دا امشي بلممر متجهة لغرفة لعمليات وحسيت بخطوات ايسر يمشي وراية لتفتت ادورة بلوجوة بس ماشفتة بس فضح وجودة عطرة لفواح بلمكان. يعني ايسر ديراقبني من بعيد لبعيد

مشيت وانية فاتحة كامرة لتلفون. واصور لوراية علة امل يطلع واشوفة بس وصلت غرفة لعمليات ودخلت ومابين خاب املي وعتقدت تهيئلي شميت عطرة.

اخذت نفس ودخلت لغرفة لعمليات ماريد اشوف دكتور احمد بس مجبورة لازم اشتغل. واعيل اخوي وسام وحدة ميلحك علة طلبات لبيت ولعائلة. ومنا لايجار غالي كولش

دخلت... مرحبا دكتور

نضرلي نضرة ستحقرت نفسي بيهة.... اهلا زهراء تعاي ساعديني اعقم ادية. وارتدي لكفوف

زهراء دست علة نفسي ورحت. ساعدتة. عقم ولبس لكفوف.

احمد... لبسيني لصدرية. ولكمامة

تنهدت... وساعدتة يلبس لصدرية وشديتلهيا. من ورا وهوة ستغفرالله من نضراتة. اعرف نيتة مو. نضيفة وياي. سحبت كمامة ولبستهيا بلغلط لمست خدة

بتعدت بسرعة. ورحت اعدل بلمعدات واتاكد من نبض لمريض وضغط لدم اجة وكف بصفي وهمس.. ااه لمسة منج رجف گلبي هيج لو بس ادري هاذ لنغل شلون كدر يطلگج بس يلة من لبداية. نفسي بيج شلون والله ماوفقكم. ورديتي الي

خزرتة.. دكتور احترم نفسك ماسمحلك. تحجي وياي هيج. هاي لمرة راح اعديهة لمرة لثانية اقدم شكوة عليك

ضحك بستهزاء.... اعلى مابخيلج اركبي.

وعافني وراح.

طلعت من لغرفة فاير دمي. عبالة صرت فريسة سهلة لامثالة لا ويستهزاء بكلامي. مفكر نفسة فد شي جبير محد يكدرلة. وهوة بوكس 👊من ايد ايسر وكع مغمى علي.

امشي وادردم. وية روحي متناسية اني وين. وجان اصطدم بس وكعت. بل گاع. اني متاكدرة هاذ ايسر بس من درت وجهي مالكيت احد.

كمت ابجي. ايسر يتلعب باعصابي. ودمر نفسيتي ليش يسوي هيج بية كمت. وكفت عدلت ملابسي. وشلت لطبلية ودگيت لباب علة دكتورة. انعام

دخلت. مرحبا دكتورة. صار وقت لعملية ودكتور احمد طلبج ويا

انعام... هاي اجيت بس حضريلي لصدرية ولتعقيم.

... صار دكتورا.

ورجعت. للغرفة. جانت بيبان لغرف كزاز ويبين لشخص لوراك لمحتة واكف يباوع علية بس شنو هاي ايسر متغير هواي مالتفتت. ولا حسستة اني شفتة بس ماكدرت اسيطر علة دموعي وما ابجي كلما اشوفة ينعاد علية شريط لفديوهات وخيانتة. ارجع اتاذة. واكتئب

..........................

جنت مخنوگة كولش ولجو شتا بارد ثلج وضباب مغطي جام لشبابيك وليوم اني عندي عطلة.
فكرت اخذ جسر واطلع اتمشى علكورنيش شوي انفة عن صدري لان اذا ابقة بلبيت اموت