هجران وحب

لبارت الثاني

هلو. شلونكم شخباركم رمضان كريم وينعاد عليكم بصحة وسلامة يارب

احبكم

هجران وحب

.بقلمي عاشقة القراءة

................   

مو سهلة لتحبهة تصيرلك ام بيت

........

ايسر. ضليت صافن عليهة فترة واني مومستوعب علة شوي فكرت بديت اتخايل رقية بيهة  وراح اتخبل  وبدون وعي بستهة بوحشية ذبيت حركت كلبي كلهة بهل بوسة

بس رجعت تمالكت نفسي وبتعدت  وسئلتهة  عن اسمهة  وعرفت هية زهراء مو رقية  بس تعجبت علة شبه لبينهن  نفس لعيون ولحلك بس رسم لوجه مختلف 

طلعني من صفنتي كلامهة وهية تحجي وتبجي بنفس الوقت

زهراء بجي ... 😢😢عوفني الله يخليك بداعت امك لتتغربلي  والله كلشي صار غصب عني

ايسر بهدواء .... انتي اسمج زهراء

هزت راسهة ب نعم. . اسمي زهراء  ..

زهراء ماحجة بس كعد عل سرير وشبك ادينة  ورجع فرك وجهة وشعرة بكفوف اديه

رفع نضرة ناحيتي  وكال بصوت اشبة بلهمس  .... اني اسف

باوعتلة بصدمة جنت متوقعة منة راجدي   مو يعتذر مني

نتبة علة وجهي مصدوم رفع تك حاجب وحجة ... شبيج مصدومة

زهراء بتلعثم  ... ا اا  ماكو شي ي ودنكت راسهة

ايسر كام وكف 

اني راح ادخل للحمام اسبح ومن اطلع عندي حجي وياج  وذبي هاذ لجادر بين ماطلع وياشر عل بدلة

زهراء هزيت راسي وماحجيت  هوة دخل لغرفة ثانية بنص غرفتنة واني رحت فتحت جنطة ملابسي اطلع شي البسة  مالكيت بس دشاديش قصيرة وسيتات نوم. بس دشداشة وحدة طويلة بس نص ردان وبيهة فتحة للركبة  بس احسن من كلهن  هية بدلت بيهة وفليت شعري ومشطتة  ومسحت لمكياج كلة  هوة تاخر بلحمام واني نعست  بس ماكدر انام ويا علة نفس لسرير 

شفت خالين دواشك  ومخاديد  علة صفحة سحبت واحد   وفرشتة  واخذت مخدة من عل سرير وفرشت بل كاع ونمت بعدني ما غفيت  وسمعت فتحت لباب شفتة طلع ينشف بشعرة ولابس تراك قطني خفيف لون اسود ونص ردان  كمل نشف شعرة وعكط لمنشفة وباوع علية

كال ... ها شو نايمة مو كلتلج اريد احجي وياج

زهراء ..كعدت بلفراش .. لا منايمة بس تمددت تعبانة تفضل احجي اسمعك

ايسر  .... لا خليهة لصبح احجي اذا تعبانة ونامي   اني هم نعسان

زهراء ... بكيفك  تصبح على خير

ايسر ..  ونتي من اهلة

ثاني يوم ..لصبح

ايسر كاعد اتصفح بلفيس  وحسيت علة حركة يم لجرباية باوعت اوووبس هاي زهراء نايمة بلكاع والله نسيتهة   رجعت اتصفح بلفون  جانت لساعة 8ونص