قمت قبلها و قعدت نلعبلها بشعرها و هيا غارقة في النوم ، وجها اصفر مالتعب قعدت نبوس فيها بشويا حتى حلت عينيها ،
انس:صباح الحب
سوار:صباح الخير ، هاك على بكري
انس:اي ههه حقة ليوم عندنا سهرية صغيرة متع جمع التبرعات اكبر رجال الاعمال موجودين لازم نحضرو شوف شنوا ناقصك و باش نبعثلك شكون تتلها بيك تحضرك انا باش نبطا نجي نهزك طول نتعدو للحفلة على البحر
سوار:شبيك توا قتلي
انس:خاطر موتاتش و حكينا اي قوم و يزي مالبخل حوايجك تو نبعثهملك
سوار:اممممم باهي و شكون باش يحضر من لي نعرفهم
انس:زينة و درة و ميرال و مكرم و ولدو باش يجيبوه هوكا تتوحم على عينيه كيف عينيك ههه
سوار:اماااان ميرال شمجيبها
انس:سوار عيش حبي لازم منحسسوهاش لي احنا فايقين بيها باش تفيدنا في حجات خاطر كي نكملو بيها نتحاسب معاها
سوار:اوووووف باهي باهي هاني داخلة ندوش
انس: و انا هاني خارج توا نراك بعد حبيبي 😘
خرجت ديراكت مشيت للكوجينة لزينة
انس:تمشوش تقولولها حاجة مخليهالها مفاجئة منوصيكمش لكل باش تحضرو تو شوفور يوصلكم اي انا ماشي
زينة:برا ربي ينورك كيما باش تنورلها حياتها ...
كملت دوشت و هبطت حذا الجماعة نلقاهم حايسين ينضفو في الدار و درة داخلة في يدها برشا سيكان
درة:خالتي زينة ايجا شوف لبستك لي جبتهالك قفطان كيما قلتلي عليه البسو في السهرية
زينة:شه شه يهبل عيشلي بنتي محلاه محلاه
درة:و انا زادة لبستي زرقة نخرجو كيف كيف
سوار:و انا كيفاه🥺
درة:انت تستنا حتى تجيك لحجامة باش يبعثلك انس روبتك و كل شي تابعها اي اطلع لبيتك اهاني خالطة عليك
سوار:اه يا ربي راني عييت لازم حجامة ياخي
درة:يزي متشوكيع ايا اطلع
طلعت و قعدت نغزر لروحي في لمرايا كرشي بدات تبان تكعبرت شوي هههه ضاهر فيه قوي و بليد كيما بوه هههه انا هكاك و دخلم الحجامة
سمر:اهلا مدام
درة:اي تلهالي بيها منضيعوش لوقت
بدات تنضفلي و تعملي في مساجات نحتلي تعب حسيت روحي متفرهدة علخر لستراس تنحالي و اعصابي هدات عملتلي ذوافر يدي و ساقي كيف كيف في rose bébé و فيهم زينة
كملتلي بعد عملتلي brushing لشعري و soin de visage نحتلي جلدة لميتا و بدات تحطلي في des masques رتحت نص ساعة باش عطاو مفعولهم و بدات تمكيجلي عملتلي حاجة مزيانة زادت ضهرتلي لفورمة متاع وجهي
و جبدتلي باكو كبير مزين قتلي حليه و شوف شفيه هزيتو حليتو ، عنيا تحلو صحافي
Robe bleue + talon couleur d'argent
تخطف لانضار جبدتها و قعدت نثبت فيها قداشها يااااسر مزيانة
سوار:انت جبتها ؟
سمر:لا سي انس بعثهالك
عاونتني لبستها جاتني قد قد و زادت محلاتني كرشي لباينة شوي هههه انبهرت بيها قداشو عندو ذوق ،
سمر:صحة مدام محلاك تسحر لعينين🥰
سوار:عيشك لفضل ليك
انا نحكي معاها و لباب تحل ريحتو سبقتو هزت سمر دبشها و خرجت منجمتش ندور خايفة كان نزيد نغرق في حبو جاااء حاوطني بإيديه من تالي و شدلي كرشي و حشا خشمو في رقبتي ، مالضوء لي ضربني من قربو ليا ترخيت بين يديه
انس:مممم مبنها ريحتك ، مبنك بكلك 😌
سوار:مممممممم ان.س حاضرةةة ه.ياااا نمشوا😖
انس:هههه هيا
تلفتتلو و الدوخة لعبت عليا
ووووه عليك يا سوار تكبس شبيك دايخة ستويت في وقفتي و حطيت يدي في يدو و خرجت ، هبطت وحدة وحدة في الدروج لوجت بعينيا ملقيت حتى حد
سوار:ياخي الجماعة وينهم
انس:سبقونا تو نلقاوهم لغادي
طلعت معاه في الكرهبة بعد بسوايع وصلنا على شط لبحر اما لغريب مريت حتى حفلا دنيا ضلام ساقي منجمش نراها مالعتمة قعدنا نتمشاو حتى ضاع عليا قعدت نادي عليه و ميجاوبش بدا الرعب يركبني قدمت خطوتين حتى شعل الضوء و لعباد لكل تصفق درت ورايا و لقيت لمفاجئة 😱😱😱😱🤭
انس على ركبة و نص في يدو خاتم و يخزرلي و يضحك رميت عنيا على لي حاضرين لكل يصفقو و فرحانين و انا ماني فاهمة شي حتى تكلم انس
انس:سوار تقبل تعرس بيا🥺
ملقيت منقول لساني بلعتو عينيا تملاو بالدموع منجمتش نقاوم وليت نبكي ماللي حسيتو في لحضتها😖💔💔.....