كملت انا و اسماعيل لخدمة مخر وانا حاس بجوع هبط للكوجينة لحس بايت يضهرلي فيها رقدت حاسيلو لقيت مقرونة في الفور باين فيها صنافة هبط ناكل ياسر بنينة قريب نكمل صحن و حسيت كان بضربة تشوي على ضهري من ضربة ولاو ضربات وانا نعااايط عرفتها هيا ياخي هبلت جبدتها من شعرها بعدتها ياخي دقايق حتى تحل الضوء ، عرفتها شكون غيرها اما كي راتني تفجعت تقولش عليها لفعة لسعتها بدات تمتم و ترعش
سوار:شتعمل لهنا يا همم فجعتني فيبالي سارق
انس:ياخي مكلوبة ااااي ضهري ، يظهرلي في داري ندور وين نحب و شكون لهم؟؟!!!!#
سوار:ماو شعل الضوء لمرة جاية و انا انا لهم اوك 🤭هههههههههه😂شوف حالتك هههههه لكلك احمر ووه عليك هههههه 🤣
انس:سكر ز**** و اخرج من قدامي انا لغالط لي خليتك لهنا
سوار:تو نخليهالك واسعة 😫
انس:ترص معندك وين ماشية و الا ..
سوار:تهدد فيا
حملتها و طلعت بيها لبيتي نجري و هيا تفرفط بين يدايا صكرت لباب بالمفتاح و رميتها على الفرش
انس: مالا تعلي في صوتك و تحب تخرج و زيد تضرب من فوق
سوار:فيبالي سارق مقصدتششش😩
انس:لازم نعاقبك عندي انا زلقة بفلقة
سوار:امان والله لا نعاودها.ااا باهي اكه....
مخليتهاش تكمل غطست في شفايفها ناكل فيهم نجمتش نشد روحي كل منراها و مناخذش بوسة منهم نحس روحي باش نهبل بعدت شوي خليتها ترجع النفس و عاودت رجعت ناكل فيهم نبوس و نعض حتى تنفخو و حمارو ، بعدت شوي نلقاها شبه واعية لزيتها ليا عنقتها و رقدت ...
قمت الصباح نحس في حاجة ثقيلة فوقي حليت عنيا نلقا انس محاوطني و راسو في رقبتي راقد كي الملايكة قعدت نخزرلو ياسر مزيان حسيت قلبي فرحان و يدق برشا زعما شنوا لي قاعد يصير معايا زعما نحبو اول مرة نعيش هكا شبيني وليت نحب نشريلو مشكلة لموهم يحكي معايا و نراه وليت كي نراه نحشم و ندخل بعضي زعما هاذا هوا لحب .... بدا يتحرك باش يفيق ياخي غمضت عنيا عملت روحي راقدة ، حسيتو قرب لوجهي و عطاني بوسة ياسر حنينة قريبة لوذني و وشوشلي
انس:في بالي بيك فايقة قوم ارجع لبيتك تو نبعثلك شكون يتلها بيك ليوم باش نبداو تو تحضرك و نتعدالك 8:00 نهزك
سوار:ممممممممم
بلعت لساني ديمة قدامو جهامة مسلمة قمت خرجت نجري و خليتو دخل يدوش ، مشيت غسلت حالتي و هبط شربت حليب تعدا من قدامي مغير ميخزرلي بففففف سخطة متع وذني ، كملت لحليب و نضفت دار تعبتني قداشها كبيرة ، حتى سمعت الباب مشيت حليت لقيت مرا في يدها برشا سيكان
سمر:عسلاما مدام انا بعثني سي انس باش نحضرك للسهرية
سوار:علمي بيك تفضل ادخل بيتي ثانية على يدك ليمين في طابق لاول
سمر:اوك تفضل معايا باش نبداو
سوار:من توا؟؟؟9:00 متاع صباح راو توا
سمر:مدام باش نعملك des soins و نضفك مليح و نعملك شعرك ..
سوار:اوووف باهي هيا
مشيت فوق من قلبي ياخي عروسة باش نعمل هاذا لكل بدينا بالماساجات لحق تنحالي تعب لكل يدها خفيفة كملت و عملتلي سير نحتلي شعر لكل في بدني و بعد عملتلي gommage لوجهي و بدني كملت و خرجت تحضر في makeup و انا قعدت نتفرج في بدني في المرايا ياسر محلاني كنت مهملة روحي برشا ، لبست cap de bain و خرجت قعدت على coiffeuse و بدات تحطلي في برودويات في شعري عملتهولي بوكلاي (كيف في التصويرة لفوق☝️☝️) و بدات تمكيجلي محسيتش بالوقت كانت تحكي و تفدلك روحها خفيفة محلاها تحكيلي على امها جزائرية و عايلتها حتى كملت هزيت راسي باش نشوف ياخي بهت اول مرة نخرج هكا make-up smoking
بينلي تفاصيل وجهي منيش مصدقة انا هاكي
سوار:وااااو منصدقش برسمي حاجة روعة 😳خسارة عنديش لبسة مواتيا ليها ☹️
سمر:سي انس بعثلك robe soirée w talon معاها لحضة نوريهالك
لبستني و انا منبهرة حقرت روحي برشا اما رجعتلي ثيقة كملت و استأذنت و روحت و بقيت انا نستنا في انس ...