'နိုးပြီလားဂန်ဟန် ဒီညနေအပြင်ထွက်လမ်းလေးဘာလေးလျှောက်ကြမလားဟင်'
'အင်းကောင်းတာပဲ ခြယ့်သဘော။ပြီးတော့ဘာစားချင်တာရှိလဲ ညဈေးဘက်လျှောက်ပြီးမုန့်သွားစားကြမယ်လေ'
'စပ်တာလေးတွေစားချင်တယ်'
'မာလာမောက်ချိုက်စားကြမလား၊အဲ့နားကဆိုင်လေးတွေကောင်းတယ်'
'အင်း စားမှာပေါ့'
ဒီလိုနဲ့ညနေနှစ်ယောက်သား ညဈေးရှိရာဘက်သို့လမ်းလျှောက်ထွက်ခဲ့ကြသည်။
'မာလာမောက်ချိုက်ကို ခြယ်ခုမှစားဖူးတာ၊ကြားဖူးနေတာကြာပီ'
'စားကြည့်တော့ကြိုက်လား၊အင်းအရမ်းကြိုက်တယ်'
အားရပါးရစားရင်းရယ်ရယ်မောမောပြန်ပြောနေသည့်ခြယ့်ကြောင့် ဂန်ဟန်ပါးစပ်ကြီးကလဲပြုံးစိပြုံးစိနှင့် နားရွက်တောင်တက်ချိတ်တော့မလို။
စားပြီးနောက် မပြန်ချင်သေးတာနှင့်ပဲဈေးကိုလျှောက်ကြည့်လိုက်ကြသည်။ပြီးမှ သတိရသွားပြီး 'ခြယ့်'ကိုကျွေးစရာတစ်ခုရှိသေးတယ် လာလိုက်ခဲ့ဟု လက်ကိုဆွဲခေါ်လာခဲ့၏။ကိုယ်ခေါ်ရာသို့ လိုက်ပါလာသည့် ခြယ်ကကလေးငယ်လေးတစ်ယောက်နှင့်ပင်တူနေပြန်သည်။
ထို့ကြောင့်လဲ 'ခြယ်' ကြိုက်မည်အထင်နှင့် ကိုယ်စားနေကြ ice pointသို့ ခေါ်လာရခြင်းဖြစ်သည်။
'ရေခဲမုန့်ကြော်' ဟုဆိုပြီးသူမကိုလှမ်းကြည့်ပြီး ပြောသည်။
'ဟုတ်တယ် ဒါဂန်ဟန်စားနေကြဆိုင်လေ။ဆိုင်ကပြန်တိုင်း အမြဲလိုလိုဒါဝယ်စားတယ်။အမရှယ်လုပ်ပေးနော်'လို့ဆိုင်ရှင်အမကို လှမ်းမှာလိုက်တော့ ဆိုင်ရှင်အမကနားလည်ဟန်နှင့်ခေါင်းညိတ်ပြသည်။
ရရချင်း 'ခြယ့်'ကို ခွံ့လိုက်တော့ 'ခြယ်'ကလဲကြိုက်သွားပုံရသည်။နောက်တစ်ခုထပ်မှာပေးဖို့ပူဆာ၏။
ဒီလိုနဲ့စားပြီးအိမ်သို့ပြန်လျှောက်လာခဲ့ကြသည်။
လမ်းလျှောက်နေရင်းမှ 'ခြယ် ကmarigoldလေးတွေနဲ့လိမ္မော်ရောင်ကိုတော်တော်ကြိုက်တယ် ထင်တယ်နော်'ဟုမေးတော့ စားနေရာမှ 'အင်း လိမ္မော်ရောင်က ခြယ်အကြိုက်ဆုံးအရောင်လေ။အဲ့တာကြောင့် လိမ္မော်ရောင်ခေါက်ထီး၊လိမ္မော်ရောင်အင်္ကျီတွေ၊လိမ္မော်ရောင်ခေါက်ပိုက်ဆံအိတ် အကုန်နီးပါးလိမ္မော်ရောင်လေးတွေချည်းတောင်ဖြစ်နေပြီထင်ပါတယ်။Marigoldကလဲသဘောအကျဆုံးပန်းပေါ့။အဲ့ပန်းလေးတွေကိုမြင်ရင် ပျော်တယ်။Marigoldတွေက ခြယ့်ကိုပျော်စေတယ်လေ'
ဒီလိုဆိုတော့ Marigoldတွေကိုအားကျမိလာတယ်။'ခြယ့်'ကိုပျော်စေတဲ့ အဲ့ဒီ'Marigold'တွေသာ ဂန်ဟန်ဖြစ်လိုက်ချင်မိသားလို့ 'ခြယ့်' ကိုကြည့်ရင်းတွေးနေမိတယ်။
ဘာပဲဖြစ်ဖြစ်ပါလေ ဘယ်လိုပျော်ရွှင်မှုမျိုးမဆိုဖန်တီးပေးဖို့ ကိုယ်ဟာအဆင်သင့်ဖြစ်နေတဲ့လူတစ်ယောက်အဖြစ်ရှိနေနှင့်ပါပြီ။
'မေးတုန်းကမေးပြီး ဘာတွေစဉ်းစားနေတာလဲ'ဆိုမှအသိပြန်ဝင်လာသည်။
'ဘာမှမတွေးပါဘူး ဟီးဟီး၊ခြယ့်အိမ်ကိုလာတုန်းက Marigoldအပင်လေးတွေ့လို့လေ ပြီးတော့ခြယ့်ကိုတွေ့လိုက်တိုင်းလိမ္မော်ရောင်ပစ္စည်းတစ်ခုခုနဲ့အမြဲတွဲတွဲသတိထားမိနေလို့ မေးကြည့်တာပါ'ဟုစကားကိုအမြန်ပြန်လိုက်ရသေးသည်။
'နေလဲကောင်းသွားပြီဆိုတော့ ညနေ ခြယ် အိမ်ပြန်တော့မယ်'
သူမနှင့်အတူတူရှိရသောအခိုက်အတန့်လေးကို ပျော်နေမိသည်။အိမ်ပြန်တော့မည်ဟူသော စကားကို ယခုအခါလောကတွင်မကြားချင်ဆုံးဟုဆိုလျှင် ပုံကြီးချဲ့ရာကြလွန်းမလားမသိသည့်တိုင်အောင် အမှန်ပင်ဖြစ်သည်။
လမ်းဆက်လျှောက်ရင်း 'ခြယ်' ကစကားသိပ်မပြောပဲ လမ်းတွေကိုသာကြည့်နေသည်။
'ခြယ် ခြယ်ကဒယ်ဒီဆီကအလုပ်ထွက်လိုက်တော့ နောက်ကျရင်ဘာလုပ်မှာလဲဟင်'
'အင်း ခြယ်လဲစဉ်းစားတုန်းပဲ onlineမှာတော့အလုပ်ခေါ်စာတွေတွေ့လို့လျှောက်ကြည့်ထားတယ်၊ဒီလကုန်မှမရရင်တော့တစ်ခုခုစီစဉ်ရမှာပေါ့။'
'ဒါဆို ဂန်ဟန်ဆိုင်မှာနေမလား'
ရုတ်တရက်ပြောလိုက်သည့်စကားကြောင့် ဟင်ဆိုသည့်အမူအရာနှင့် သူမကိုပြန်ကြည့်သည်။
'ဒီလိုလေ ဂန်ဟန်ကsilk and fabricဆိုင်ဖွင့်ထားတာ ဆိုင်မှာလဲ ဂန်ဟန်နဲ့ဝန်ထမ်းညီမလေး လေးယောက်ပဲရှိတာ။အဲ့ဒီတော့ လောလောဆယ်ခြယ်သဘောကျတဲ့အလုပ်ရှာမတွေ့သေးခင် ဂန်ဟန်နဲ့အတူ ဆိုင်မှာအလုပ်လုပ်မလားလို့ပြောတာပါ'
'အဲ့ဒီလိုဆို ဂန်ဟန်ကရောအဆင်ပြေပါ့မလား။'
'အဆင်ပြေတာပေါ့ ခြယ်ရဲ့။ဘာမပြေစရာရှိလဲ'
'အင်းဒါဆို ခြယ် ဂန်ဟန့်ဆိုင်မှာအလုပ်လုပ်မယ်နော်'
ဒါမှ ဂန်ဟန့်'ခြယ်'ကွ။စိတ်ထဲတွင်အဲ့ဒီလိုထအော်ပစ်လိုက်သည်။အပြင်မှာတော့ပြုံးစိစိနှင့်သာကြည့်နေလိုက်၏။သူမနှင့်နီးကပ်ခွင့်ရသွားပုံက lucky drawအစီအစဉ်တွင်ပါဝင်ကံထူးသွားသည့် လူသားတစ်ဦးလိုပျော်ရွှင်မှုမျိုး။
'ခြယ်ကလဲနော်မသိရင်ရူးနေတဲ့အတိုင်းပဲ သူဌေးဆီကအလုပ်ထွက်ပြီးဂန်ဟန်ဆီမှာအလုပ်ဝင်လုပ်တယ် သူဌေးသာသိရင်တော့စိတ်များဆိုးနေတော့မလားမသိပါဘူး'
'မဆိုးပါဘူးခြယ်ရ အဲ့ဒီလောက်လဲစိုးရိမ်မနေနဲ့'
လာသွားကြမယ် ဟုဆိုကာအိမ်သို့ပြန်လာခဲ့ကြသည်။
တိုက်ပေါ်အရောက် အခန်းရှေ့တွင်ချွတ်ထားသောဖိနပ်များကြောင့် 'ဟာ ဒုက္ခပဲ ဒီဟာတွေတော့။'
အိမ်ထဲအမောတကောလျှောက်လာပြီး 'ဟဲ့ နင်တို့ကလာမယ်ဆိုလဲငါ့ကိုအရင်ဖုန်းမဆက်ဘူး။မနက်ကပဲ တစ်ယောက်ထဲနားချင်လို့မလာပါနဲ့ဦးဆို။'ဘေးနားတွင်ကိုယ်နှင့်အတူပါလာသည့် 'ခြယ့်'ကိုအထူးအဆန်းနှင့် မျက်တောင်မခက်ပဲ ကြောင်ကြည့်နေကြသည့် တန်နှင့်lexi။
'တစ်ယောက်ထဲနားချင်တယ်ဆိုပြီးအခုတော့စော်လေးနဲ့ပါလား အယ်အယ် ဒါဘယ်သူလဲဘယ်သူလဲဟေ့'ဟုတန်ကပြောတော့'ဟာ ဘယ်ကသာ။ပေါက်ကရတွေမပြောနဲ့ ဟဲ့။ဒါ ဒါအသိအမ အသိအမ'နော် ခြယ် ဟုမျက်လုံးတစ်ဖက်မှိတ်ကာ 'ခြယ့်'ကိုအရိပ်အယောင်ပြလိုက်တော့ 'ခြယ်'က လူကဲခတ်တော်သည့်ဟန်နှင့် 'အင်း'ဟုခေါင်းညိတ်ပြ၏။
'ခြယ် ဒါဂန်ဟန်သူငယ်ချင်း သူကတန်၊သူကlexi။ဒါငါ့အသိအမ ခြယ်လို့ခေါ်တယ်'
'အော် နာမည်လေးကခြယ်တဲ့လား၊နာမည်ရော လူရောလှလိုက်တာ ဒို့ဂန်ဟန်အကြိုက်ပဲ'
'ဟာ နင် ပေါက်ကရတွေမပြောနဲ့ ရော့အထုပ်တွေကူသယ်ပေး'ဟုလှမ်းပြောလိုက်မှပါးစပ်များပိတ်သွားတော့သည်။
ရေခဲသေတ္တာဖွင့်ကာရေသောက်နေသည့်သူမအနားကပ်ကာ 'ဟဲ့ အဲ့တာဟိုတစ်ခါနင်ပြောတဲ့သဘောကျနေတယ်ဆိုတဲ့အမလား။မြင်ဖူးပါတယ်မှတ်နေတာ အန်ကယ်ရုံးကဝန်ထမ်းတွေထဲကထွက်စာတင်သွားတဲ့တစ်ယောက်ကို။ကြည့်စမ်းကြည့်စမ်း အခုတော့အိမ်ထဲထိရောက်အောင်ခေါ်လာနိုင်နေပြီ ငါ့ကောင်တော်လှချည်လား ဟီးဟီး'
သောက်နေသည့်ရေများပင် ဖူးခနဲထွက်ကျလာရသည်။'ဟဲ့ တိုးတိုးပြောစမ်းပါ နင်ဘယ်လိုဖြစ်နေတာလဲ သူကငါသူ့ကိုသဘောကျနေတာတောင်မသိသေးဘူး နင်လုပ်တာနဲ့ပေါ်ကုန်တော့မယ်'
'အေးပါဟဲ့ မေးကြည့်တာပါ ခုထဲကကြောက်နေရတာ တော်ရေ့'
ဆိုဖာပေါ်ငြိမ်ငြိမ်လေးထိုင်နေသည့် 'ခြယ့်'နားသွားကာ 'ခြယ် ဒါဂန်ဟန်သူငယ်ချင်းတွေမို့ ပေါ့ပေါ့ပါးပါးနေနော်။ဘာမှမဖြစ်နဲ့။နေလုံးဝကောင်းမှပြန်ပါ့လား။နေ့လည်ကထိဖျားသေးတာ ညကျထပ်ဖျားရင်ဘယ်လိုလုပ်မလဲ နော်နေကောင်းမှပြန်'
'ရပါတယ် အခုလဲနေကောင်းနေပါပီ ဂန်ဟန်သူငယ်ချင်းတွေရောက်နေတာ အားနာစရာ...'
'အားနာစရာမဟုတ်ပါဘူး နေပါတန်တို့ကဟိုးငယ်ငယ်လေးထဲကပေါင်းလာတာ လူရင်းတွေမို့လွတ်လွတ်လပ်လပ်နေ ခြယ်ကဂန်ဟန်အမဆို တန်တို့အမပဲ'ဆိုပြီး'ခြယ်'့လက်မောင်းသေးသေးလေးကိုတွဲကာ ချော့ပြောလိုက်တော့ခြယ်လဲလက်ခံသွားသည်။
ဒီလိုနှင့်အဲ့ဒီညလေးတစ်ညကတော့ ဂန်ဟန်ချစ်သောလူသားများနှင့်အတူ ကုန်မှန်မသိကုန်ဆုံးသွားမည်ထင်သည်။