ــ السلام عليكم
...................
#بقلم _الكاتبة _ناز
نرجس: كعدت ساعة بل10 الة ربع غسلت وتوضيت وصليت ولبست تراك لون اسود ورفعت شعري ولبست
شال ونزلت
الكل موجود بس هدوء طبيت للستقبال كلهم موجودين
ماعداا فهد
ــ صبااح الخير
ــ الكل :صباح النور
رحت كعدت يم جدو بست ايدة وراسة وكال الله يحفضج
ميسون: كومي بنيتي اتريكي
نرجس: هزيت راسي بقبول
ميسون:يمة يمج كيمر وصمون حاار قبل اشوية جابهن فهد يكول ريوك للبنات
مهاا: يمة يا بنات احنة مو كلنة كعدنة واتريكنة سوة
بس نرجس ماكعدت ويانة
نرجس: رحت للمطبخ واني ادردم واحجي وية نفسي
يعني جايب كيمر وصمون وهااي علمودي استاذ فهد
عبالة رااح اكل منهن
رحت للثلاجة طلعت خبز وطلعت جبن وحميت الجااي
خليتهن ع ميز الطعاام وكعدت اتريك اجتي رقية
رقية : مو يمج صمون وكيمر لو متحبي
نرجس: لاا ليش ما حبة بس عجبني اكل خبز وجبن اليوم
رقية: هاا ايي بلعافية عمري
نرجس: الله يعافيج
اخذت مي وفاات واني ضليت بلمطبخ اكل شوية وطب فهيد فتح الثلاجة طلع بطل مي شرب ورجعة
سد باب الثلاجة وباوع علية ضل صافن ويخوزر بية
فهد: جنت طالع بشغلة حليتهة ورجعت فتت للمطبخ بس ما نتبهت لنرجس
شربت مي دافوت وانتبهتلهة كاعدة تتريك صفنت عليهة وخزرتهةوكتلهة
تراا يمج صمون وكيمر
نرجس: رفعت عيوني علي بستهزاء ورجعت كملت اكل بدون ما ارد علي
فهد: بطلي هااي النضرات
نرجس: والله عيوني وبكيفي
فهد: ست نرجس هناا ماكو شي بكيفج
نرجس: ايي استاذ بكيف منو لعد
فهد: ابكيفي انيي
نرجس: ايي ع نفسك مو علية
فهد: لاا عليج ونص فاهمة لو لاا
نرجس: ايي مااشي
فهد: خوش استهزئي ع راحتج بسيطة
نرجس: اكول فهد انتة ليش هيج طبعك والله فضول يعني ابد ما طلعت منك كلمة حلوة بس اتهدد وتعيط شنو سالفتك بضبط
فهد: مو شغلج
نرجس: عشتو هم ازرك وهم يتفيك
فهد: شنو شكلتي
نرجس: هاا لا مكلت شي
فهد: بلة احجي شكلتي
نرجس: ايي مو كتلك ماكلت شي
فهد: هاا عبالي
نرجس: لا رد
فهد: رحت صعدت لغرفتي حطيت المبايل والسبح ع الميز ورثتلي جكارة وكمت سبحت ولبس دشداشة
اماراتية
ونشفت شعري وشسورتة اتمددت ع الجرباية شوية وكمت رشيت عطر ونزلت جوة طبيت للصالة السلام عليكم
الكل: وعليكم السلام
الجد: هلاا وليدي عليكم السلام
فهد: هلاا بيك جدي شلونك
الجد: بخير وليدي وين جنت
فهد: والله طلعت بشغلة حليتهة واجيت
الجد: عفية بيك وليدي
فهد : مهاا صبيلي كلااص جااي
مهاا: ادلل
فاتت مهاا للمطبخ كبت الجاي وسوت جديد
نرجس: اكول مهاا
مهاا: كولي عيوني
نرجس :تسلم عيونج
اكول ع شنو تكولين الفهد ادلل ومدري ايش تراا والله ميستاهلهة لهل كلمة ابد
مها: ولجج عزة بعينج الزمي السانج هسة يسمعج
نرجس: ايي عشتو وذاا لو سمعني قابل اني مجذبة لو حاجية شي غلط
مها: لاا يابة حشاج من الجذب
واكول تراا لشوفين فهد هيج عصبي تراا والله ماكو اطيب واحن من كلبة وابد ميحقد ع بشرر
نرجس بستهزاء: ايي خطية كلش واضح
مها: اشو تستهزئين
نرجس: لاا ابد مو قصدي
خدر الجاي صبت الفهد ودتلهياا وطلعت صعدت فوك الغرفتهة
اني كملت غسلت المواعين وصفطتتهن وطلعت بلطرمة اتمشة
سمر :كعدت من وكت يوم عاادي كلعادة غسلت وصليت ونزلت توهم ديسون ريوك ساعدتهم شوية وصبينة ريوك الكل كاعد ماعدا نرجس ضلت نايم واصلاً محد راحلهة ولا كعدهة
كملنة ريوك غسلنة لماعين اني ورقية ومها مسحت الصالة
الولد اتريكو وطلعو ضلينة بس احنة البنات وماما وجدة وعمة ميسون كاعدين لحد مصارت ساعة ب10
كعدت نرجس تريكت وطلعت بلطرمة اني هم جنت شوية ضايجة
كمت طلعت وياهة
نرجس: داتمشة واجتي سمر هم كامت تمشي وياي
سمر : هاا بشنو تفكرين
نرجس: والله ما مفكرة بشي لحالي
سمر: اكول خل انروح من وكت اليوم حتة انضل نفتر
لان هناا مو مثل بغداد يعني منندل ولانعرف المحلات الة نفر فر يلاا
نرجس: ايي صحح
ــ طبينة جوة صعدنة فوك حضرت الملابس الي البسهن من رااح اطلع
وسمر راحت فتحت الميز وكامت تخلي ماسكات للوجه
مر الوقت وصارت ساعة 12 الضهر صلينة ونزلنة جوة
شوية وكامو يصبون غدة كمنة ساعدناهم وسوينة زلاطة وصبينة ودينة السفرة والتمينة كلنة الكل ساكت
والهدوء عام المكان كملنة شلنة المواعين وتساعدنة بغسيلهن وصبينة جاي وكعدنة
بشار: بوية محمد تكدر تغسلي السيارة
محمد: ايي عميي تأمر أمر
بشار: عفية وليدي نضفهة زين
محمد: ادلل ابعيني
بشار: تسلم عينك وليدي
نرجس: شربو الجاي وكلمن راح الغرفتة اني هم صعدت
ضليت كاعدة بلغرفة لحد مصارت ساعة بل 4 العصر
اجتي سمر وكالت بابا يكول تحضرو اني كمت طلعت
بنطرون وبدي وفوكا سترة لبستهن وخليت مكياج
كلش خفيف كملت وانتضرت سمر بين ماكملت ونزلنة سوة رحنة الغرفت ماما دكينة الباب
رناا: تفضل
فتنة لكيناهة مكملة بس دتلبس بلساعة طبعن ماما
هية صحيح مزوجة وعدهة بنات بس تلبس لبس كلة
ع المودة بينصل بناطير عاادي وشكلهة بعدهة شابة
نرجس: هاا ماما كملتي
رناا: ايي بس تعاي سديلي الساعة مدتصير
نرجس: ايي ادللي سويتلهة ولبست الحذاء ورشت عطر ونزلنة سوة ماما تمشية اول وحدة واحنة وراهة اذكرت مسلسل مال فضيلة وبناتها من نزلن من الدرج وضحكت بدون صوت
بابا :هاا كملتو
رناا: ايي عيني كملنة
بابا: خوش يلاا امشو
دنطلع ومحمد كال عمي بس احمد اخذ السيارة ايجيب علاج الامة لان سيارتة يم المصلح كال دقايق ما اتاخر
بابا: ايي بوية ع راحتة ننتضرة شعدنة
كعدو بلصالة اني ضليت واكفة يم الباب ومنتجة علي
بابا كال سويلي جاي بين ميجي محمد رحت للمطبخ اسوي الجاي وجان يطب فهد من برة جفلني عزة هاذة مو جان كاعد وياهم منين طلع
فهد: نرجس
نرجس: صديت بصفحة مارديت علي
فهد: نرجس انتي ليش هيج اتسوين
نرجس: عفواً شمسوية انيي
فهد: ليش من اكلج شي ترحين اتسوين العكس
نرجس:مامسوية شي غلط انيي
فهد: نرجس اني ادري بيج اتسوين هيج بس علمود تعانديني وتكسرين كلمتي
نرجس: بشنو كاسرة كلمتك بيش معاندتك اذا قصدك علمود البس اني هاذة لبسي وهاذة ستايلي يعني ماغيرة علمودك وثاني شي اني ما اسمح الاي شخص
يدخل بية او يدخل بطلعتي او بلبسي
فهد : تنهدت وانتجيت ع الباب وكلت
بوية تدرين البارحة ماكدرت انام من وراج من ورة
السويتة بيج بوية انتي تعانديني وتكسرين كلمتي وتعلين صوتج علية شترديني اسوي مثلاً اصفكلج واكلج استمري بوية انتي دتعذبيني ودتحركين كلبي حرك بتصرفاتج نرجس حسي بية شوية حسي
متندم بكد شعر راسي ع سويتة البارحة
نرجس: ضليت متصنمة بمكاني عزة معقولة هاذة فهد لاا مستحيل هاذة جوز مبدلينة بفهد ثاني معقولة هاذة
فهد الديحجي كل هاذة ضليت اسمعلة مارديت علي
كمل كلامة وكال قبل ليطلع بوية وربج احبج
عزة ردت اوكع من طولي من كال هيج احس صخنت
احس وجهي كام يطلع ناار
صار الجاي صبيت ورحت وديتة البابة ورجعت كعدت ع الطاولة الي بلمطبخ وصوتة من كال وربج احبج ضل يتردد بمسمعي بوكتهة حسيت نفسي اني الغلطانة بحقة
لاا اني هم ماقصرت وياا عليت صوتي وعيطت علي
شريدة يسوي قابل يصفكلي اني هم غلطانة بحقة
المفروض مني ماحجي وياا بهيج طريقة
لو حاجية وياا بهدوء وبتفاهم جاان ماصر كل هاذة
احجي وية نفسي وسمعت صوت الهورن مال سيارة كلت اكيد احمد اجة كمت اخذت مبايلي والجنطة
ورحت للصالة فات احمد سلم وانطة السويج البابة واشكرة وطلع احنة هم طلعنة دنصعد واشوف فهد
واكف منتجي ع الحايط ويدخن ويتأفأف ضل يباوع علينة لحد ما صعدنة وسدينة الباب وهوة بعدة يباوع
صعدنة محمد فتح الباب مال شارع وطلعنة بابا يسوق
بكل هدوء محد حجة اني صادة ع الجامة ومخلية ايدي ع خدي
وصلنة للمول نزلنة وبابا كال افترو واخذو التريدو بس لطولون هوااي
رنا: ايي انشالله منطول
فتنة ضلينة انفوت من محل المحل كلش راقي ونازك البس بس لازم نفتر ونشوف بعدين نشتري ضلينة نفتر
لحد مادخلنة محل مال فساتين قصيرة مال حفلات
وشفت فستان كلش قصير حلو كلت المام كالت اخذي
اليعجبج كتلهة عجبني راح اخذة دفعنة وطلعنة وسمر
فترينة وفتر راسنة ويااهة وما عجبهة شي اخر شي رجعنة النفس المحل الي اخذت منة الفستان وضلينة نقنع بيهة وعاد اقتنعت بفستان هم قصير يوصل جوة الركبة ومكشوف الكتف اخذتة دفعنة الحساب
وطلعنة رهمة تكرمون احذية
ورحنة لمحل مال اكسسوارات اشتريت اكلادة كلش نازكة بيهة فراشة صغيرة ومحبس ابو الفراشة هم
وسمر هم اخذت نفسهن واخذنة اساور وحجول ناعمات
كلش
طلعنة فتنة المحل ماما اشترت فستان مال محجبات بس منفوش وتكرومون حذاء وشال وشترت هم لبسة بينصل للعرس ورهمت شال ويا وطلعنة
بقة بس ملابس العرس شفت فستان يجنن عجبني حيل رحت قستة وطلع ضبط ع قياسي اخذتة وسمر اشترت بنطرون وبدي كملنة كلشي واخذنة مكياج وعطور خلصنة خابرنة البابة كال اني منتضركم
طلعنة شفنا منتجي ع سيارة ومجتف ايدية وصلنة
يمة كال كملتو كلنالة ايي كال يلاا اصعدو
صعدنة تقريباً ساعة ب8 كال نروح ناخذ اكل من المطعم كلنالة تمام
وصلنة المطعمضلينة كاعدين بلسيارة وهوة نزل طلب دجاج وسمج وياا تمن برياني وزلاطة ومقبلات واجة
رجعنة للبيت لكيناهم ينتضرونة ع العشة بس خطية عمة ميسون مركبة عاد بسرعة صعدنة بدلنة وغسلنة ونزلنة شفناهم صابين كعدنة تعشينة وكملنة وصعدت
فوك عزلت الهدوم وادني البنات شافن الملابس وكالن حلواات كعدنة شوية ونزلنة الولد كلهم ماكو حتة جدو وبابا ولا واحد كلهم رايحين للمضيف بس عمة ميسون وماما وعمة سناء موجودات جوة نزلنة يمهن عاد ماما كالت شو ماحفيتن كنالهة هسة نحف ماعدنة شي عاد عمة ميسون كالت
ميسون: تعالن احفلجن اني
ماما: تعرفين
ميسون: ايي عيني اعرف
ماما: خوش حفيلهن لعد
راحت سمر اول شي حفتلهة وجهة وحواجبهة كملت ارتاحت اشوية وحفتلي اني وجهي مابي شعر بس
حفيت وسوتلي حواجبي صارن كلش حلوات لان شوية خففتهن فتغيرت ملامحي شوي كمت حضرت ملابس
وطبيت سبحت نزلت ع مهاا كتلهة اريد اكوي شعري
كالت تعاي اني اكويلجيا رحنة الغرفتهن بدت اتمشط بشعري وتكوي وسمر راحت تسبح
كملت شعري رفعتة كعكاية وطلعت خصلة منا ومنا
وشلت مبايلي كلبت بي شوية كلت اكوم انام حتة اكعد من وقت نمت ساعة ب 11 ونص
سمر: بعد مارحنة اشترينة ملابس وخلصنة رجعنة اتعشينة وعمة ميسون حفتلنة صعدت سبحت وشسورت شعري ورحت نمت كعدت ع صوت ماما ساعة 9 الصبح فتحت عيوني واحسهن اثكال لان اغفي ومشبعانة نوم
رنا: يلاا بنات كومن ورانة طريق
اني كعدت فركت عيوني اباوع ع نرجس شفتهة كامت تتمطة وتثاوب راحت للحمام تاخرت كمت دكيت الباب
يلااا هيوو اشو طولتي
نرجس: وجعع شبيج من الصبح تعيطين
سمر: يلاا اطلعي
نرجس: دافرج اسناني شبيج
سمر: ايي ساعتين اتفرجين اسنانج فضيهة عااد
نرجس :اكول سميرة تراا مالي خلكج اطلع اخلص عليج تمام
سمر: يلاا خلصي علية عادي بس اطلعي
نرجس: خلصت وتوضيت وطلعت وصليت ونزلت لكيت بابا وماما بلمطبخ رحت يمهم
ــ صباح الخير
ردو: صباح النور
ماما: وين سميرة بسلاا رجعت نامت
نرجس: لاا كعدت فاتت للحمام
ماما: سوي ريوك بين متجي اختج اتريكن واصعدن بدلن ورانة طريق حتة نوصل من وكت لان ابوج هم عندة شغل
نرجس : ليش شنو الشغل
بابا: مو اجوي شراية ع. المطعم ويردون يشوفو
نرجس: هاا خوش
نزللت سمر سوينة ريوك وغسلنة المواعين صعدنة بسرعة بدلنة وكملنة وطلعنة الجنط مال ملابس ونزلنة
ماما وبابا بعدهم منازلين ضلينة ننتضرهم بصالة وكعدنة يم جدو وجدة ومحمد والبنات وكلهم موجودين
محمد : واخيراً رااح نخلص من سميرة
سمر: لا والله
محمد: ايي والله
سمر: مو كاعدة ع كلبك اني
محمد: بوية انتي مسببتلنة ازعااج بلبيت
سمر: ايي بكيفي
محمد: شنو بكيفج متكولين عالم بشر عايشين ويااج
سمر بدلع: جدو صدك اني مسببتلكم ازعاج بلبيت
جدو: لاا يبعد ابوج اصلاً انتي المونسة البيت بصوتج
سمر بأنتصار: صدك جدو لعد ومحمد شنو مسببلكم بلبيت
جدو: والله يابوية هاذة الولد مايجيبلنة بس وجع الراس وشالع كلبنة شلع
الكل ضحك
سمر: هاا محمد الله بلخير
محمد: الخير يصيبج
سمر :انتة مترتاح الة تتفشل
محمد: لاا عيوني ماتفشلت اصلاً كلشي يطلع من جدو عسل
سمر: ايي واضح واضح
نزلت ماما وبابا سلمنة حتة نطلع ضل بابا شوية يحجي وية جدو والبنات واكفين يم ماما وسمر
نرجس: صعدت فوك حتة اجيب السوار نسيتة بلجرار
طلعت من الغرفة واسمع صوت وراية كال اوكفي لفيت شفتة فهد كال
فهد: هاا بوية راح تروحون
رديت بأبتسامة: ايي
فهد: ديربالج ع نفسج
نرجس : كمت امتمت وكتلة ايي انشالله
فهد: وديربالج ع لبسج
نرجس بعدم فهم: ليش شبي
فهد: بي فلاونزة شبي يعني لتلبسين قصير ومشلتح
نرجس: ايي اصلاً اشتريت فستان انتبهت ع نفسي واني ماخذني الواهس واكفة احجي وياا
فهد: ضلي لابسة الحجاب لتذبي من راسج
نرجس: تراا اني رايحة العرس مو الفاتحة
فهد:نرجس
نرجس:هاا
فهد: مثل مكتلج
نرجس: ليش شكلتلي
فهد: يابوية الفهاوة العندج مو عد احد
نرجس: ايي والله شسوي هاذة الموجود
داانزل وكتلة يلا محتاج شي وكال
فهد: ايي بوية محتاجج
نرجس: سمعتة هيج كال وجهي صار نار رحت نزلت ركض وكال ع كيفج لتوكعين اني ماهتميت وكملت
ركضتي وصلت الهم واكفين بلطرمة سلمنة وصعدنة وانطلقنة البغداد مشينة تقريباً الطريق صار كلش سهل
مادري اني ما حسيت بلطريق وصلنة للبيت فوتنة الغراضة جوة وطبينة يابوية مشتاكة البيتة احس
روحي فرفحت ع غرفتنة وذكرياتنة البيهة صعدت ركض فتحت الباب وكمزت ع جرباية شوية وكعدت وطبت سمر وكاالت
سمر: اخخ يا ريحت هليي
نرجس بضحكة : سمر هاي جرباية مو اهلج
سمر: ايي المهم الفكرة
ضلينة كاعدين واجتي ماما كالت بشار راح يجيب اكل
احنة بدلنة وصلينة نزلنة نضفنة شوية وكعدنة اجة بابا
صبينة غدة كملنة شربنة جاي كلمن راح الغرفتة مضة الوقت صارت دنية الليل خابرنة البنات وفتحنة كامرة
ضلينة نسولف ونضحك لحد ما نمنة
.........................................................................
"بغداد"
مريم: قرب موعد زواجي ما باقيلة بس يومين واني طايرة من الفرح وبنفس الوقت ضايجة ع ماما لان
كل متشوفني تكوم تبجي واني اكعد هم ابجي وياهة
لاان ماا متخيلة شلون حروح واعوفهة كلش صعب
هاذة الشعور امهم اني مكملة شيرة وكلشي والتجهيزات
بقة بس الحفافة رحت للصالون وحفتلي وجهي وبعدين حواجبي حفيتهن شكلي تغير كلش لان اول مرة احفهن هيج جنت قبل احفهن بس احددهن مارسمهن هيج
كملت احفافة ومرت اخوية هم حفت وسوت حواجبهة
كملنة ورجعنة للبيت خابر يوسف ضلينة نحجي سديت المبايل صارت ساعة ب8 تعشينة ونغسلت المواعين اني ومرت اخوية وصعدت الغرفتي وصعدت وياي
طلعت الجنط حتة احضر ملابس الجهاز وملابسي هم
كمت اصفط واخلي بلطنط ومرت اخوي وياية تساعدني اخذت جنطة وبدت تصفط العطور والمكياج
ضلينة كملنة حطيت الجنط ع صفحة ووجان يراسلني يوسف
يوسف 💬هلاا بمريتي الحلوة
مريم 💬هلاا برجيلي الحلو
يوسف 💬ايباه شحلاتهة منج كلمت ارجيلي
مريم 💬 جاا تعود عليهة لان راح اكولكياهة علة طول
يوسف 💬 خوش لعد
مريم 💬 يوسف
يوسف 💬 اعرفج من كلتي يوسف رااح تكوليلي تحبني فأحب اكولج احبج واعشكج واتنفسج يبعد روحة اليوسف تدرين انتي صرتي كل دنيتي ولج
مريمي اني لحد الان مامصدك بعد عكب باجر عرسنة
مريم 💬 يبعد روحهة المريمك واني هم احبك حيل يعيون كلبي
يوسف 💬 ايي كملتي رحتي للصالون لو لا
مريم 💬 ايي رحت كلشي كملت وحضرت ملابس الجهاز بلجنط هم انتة تجي باجر تاخذهن مو
يوسف 💬 ايي اني اجي
مريم 💬 تمام لعد
يوسف 💬اا شسمة علمود موضوع الكوشة حجزتلج الكوشة الردتيهة وانطيتهم العنوان مال بيتكم راح يجون كادر نسائي ينصبوهة
مريم 💬 خوش حبيبي
يوسف 💬 او اكعدي من وكت لان يجون من الصبح
بسبعة لو بسبعة ونص
مريم 💬 يااا حيل شعدهم من السبعة ادري طالعين عمالة لو شنو
يوسف 💬 جاا غير شغلهم هاذة خوما يجونج الضهر لو بليل
مريم 💬 يلاا عادي
يوسف 💬 اذا متردين عاادي الغي الحجز
مريم💬 لاا يمة ليش تلغي الحجز شسمة حتة اذا يريدون يجون بلخمسة الفجر عاادي اني اكعد
يوسف 💬 ههههههه
مريم 💬 اكول حبيبي
يوسف 💬 كولي يروحة الحبيبج
مريم 💬 اريد اكلك شي من هسة نتفق تمام
يوسف 💬 ايي كولي
مريم 💬 شوف ورة منزوج الطلعات من البيت اتقللهن
وتطلع بس بوقت الضرورة وتطلع وية اصدقائك مرتين بلسبوع فقط تمام وترجع الساعة ب10 اذا ما رجعت بهاذة الوقت اعتبر نفسك نايم بلشارع
يوسف 💬 افاا عليج يعني اكو وحدة اتنيم رجلهة بلشارع لان اتأخر بلرجعة للبيت
مريم 💬 ايي هااي شروطي اني اذا ما موافق عليهن عاادي نبطل ونلغي العرس
يوسف 💬 لاا بوية موافق وابصملج بلعشرة هم
مريم 💬 عفية تسمع الكلام
يوسف 💬 منو يسمع الكلام ولجج
مريم 💬 غير انتة
يوسف 💬يلاا ميخالف ورة العرس كلهن اطلعهن منج بسيطة
مريم 💬 هاا يوسف هاا شو كمت اتهدد تراا
يوسف 💬 ايي كملي تراا شنو
مريم 💬لاا هيجج ماكو شي
يوسف 💬خوش
مريم 💬 اني راح اروح اكمل
يوسف 💬 روحي حبيبي خوما محتاجة شي
مريم 💬لا حبيبي سلامتك
سديت الخط وكمت كمت عزلت الغرفة وشوية ورحت نمت
كعدت ع صوت المنبهة موقتتة ساعة 6 الصبح كعدت غسلت وصليت ونزلت
كلهم نايمين دكيت الباب ع ماما خطية كعدت كتلهة بلسبعة راح يجون الكادر ينصبون الكوشة كالت خوش عففتهة رحت سويت ريوك وتريكت اني وياها غسلت المواعين صارت ب7 ونص سمعت هورن اكيد الكادر
اجة فتحت باب الصالة وطلعت سلمن وطبن بدنة ينقلن بلغراض وينصبن بيهة رحت جبت الهن مي قدمتلهن
وضليت واكفة ع صفحة خاف يحتاجن شي طولن ساعتين ونص وهنة يسون بيهة كملنة طلعت كلش حلوة وضخمة شالن الغراض الزايدة وراحن
كعدو اخواني وابوي ومرت اخوي فااتو شافوهة
وعجبتهم كعدنة كلنة عليهة وضلينة ناخذ صور للذكراا
طلعت نضفنة البيت وكملنة باقي النقوصات وبابا راح جاب المي والمشروبات الغازية والكيك
صارت ساعة ب 12 صبينة غدة كملنة شربنة جاي
مرت اخوية راحت هية واخوي تشتري فستان للحنة لان مجابت راحت بس ماعجبهة شي
للعصر اجني خالاتي وبنات خالاتي وهناا احلا فقرة بلعرس اهم شي بلعرس هية المة التصير انجمعنة كلنة بلشن يحجن شراح يلبسن وشيسون وشيحطن مكيااج يبوو انخبصن خبص
عفتهن رحت اكمل شغل بلبيت صارت وكت العشة اخوية اجة وجاب وياا اكل من المطعم وماما هم طابخة صبينة اتعشينة كمنة غسلنة المواعين وسويت
جااي شربنة صعدت الغرفتي طلعت تراك قصير نص اردان لو وردي وطبيت للحمام حتة اسبح المهم سبحت وطلعت نشفت شعري بلشسوار ونزلت ع سرا بنت خالتي بكدي سرحتلي شعري وكعدنة سوة لل1 ورحنة نمنة
ــ كعدت ساعة ب 8 نزلت سلمت لكيتهم كاعدين ماما كالت يلاا حبيبتي اتريكي حتة اتروحون للصالون من وقت
كمت سويت ريوك اتريكت صارت ساعة ب9 ناس كاعدة بصالة ناس بلغرفة ناس تكوي بشعرهة
تحضرت وكعدت ع درج وحاطة ايدي ع وجهي وابجي
شافتني ماما اجتي حضنتني هناا كلبي نكسر عليهة
اني هم حضنتهة كالت يلاا بنيتي ميخالف هية هااي سنة الحياة وتتعودين وكلنة مرينة بهااي الفترة
سكتت شوية مسحت دموعي كنت شربت مي
البنات راحن شغلن الديجي وكامن يركصن
ضليت كاعدة اباوعلهن صارت ساعة ب 11 نزلت البدلة من غرفتي ومرت اخوي ساعدتني هم اخذت الغراض
الاحتاجهن وياي ودانة اخوية للصالون كال من تخلصون خابرولي
مرت اخوي كالت ماشي
طبينة لكيت عروس قبلي عرسهة اليوم ودتنصب بيهة
مخلصة مكياج باقيلهة بس تسريحة خلصتهة وكالت يلاا كمت وبدت تخليلي مكياج خلصت لبسني البدلة وبلشت بشعري اتسوي بتسريحة ومرت اخوية هم دينصبن بيهة العاملات
خلصنة ركبلي الاضافركملنة وخابرنة ع اخوية اجةمرت اخوي لبستني البرنص وطلعنة
ومرت اخوي كايدتني لان البدلة ذكيلة حيلل ساعدتني ولزمتهة وياية صعدتني بلصدر
واخوية وجه التبريد ع وجهي ومشغل اغاني ومعليهة شوية وخابرلهم كال تراا راح نوصل البيت
نرجس: يتببععععع
.........................................................................
حسابي مال انستا
1a.st9
.......................
ــ يتبعععععععع
//ملاحضة //
ــ بنات كلش اعتذر ع تأخير صارلي فترة ساحبة عليكم بس جنت مريضة وحالتي النفسية تعبانة +شوفو بنات اريد احجي بموضوع يعني كلامي موجه لكم بنية ويعرفن نفسهن من انشر واكول تعبانة وماكدر ليش اتردون بكلام غير لائق وتحجن بصيغت امرر بنات اني هم عندي عائلة وحياة وضروف اني هم اتمرض
يعني اني مكاعدة 24 ساعة ع المبايل اني هم عندي ضروف والكتابة تراا موسهل هم اتعب وتكسر الضهر اني من اكتب اضل مركزة يعني حتة عيوني كامن يحركني واصابعي يشنكن من وراهة ليش متقدرن تعبي.
ــ بنات اكرر كلامي موجه لبعض البنات.