اسفه على التأخير واتمنى تستمتعون بالبارت 🤍💗💗
حسابي انستا انزل فيه لحظات حلوه من الروايه (7hid1)
نايف :خلاص لا تبكين الحين بنوديك عند خواتك
وافي :البنت ما تعرفك اكيد بتبكي
نايف :على اساس تعرفك مغير امها لزقتها فيني عشان زينب اختها
وافي :شفيها زينب
نايف :اتوقع كلنا نعرف شفيها
وافي :مسببه لك رعب
نايف :متلزقه مره اليوم تبي تسلم علي
وافي :ريحه حريق
نايف :البيت الي فيه البنات ؟
وافي مسك داليا :وش رايك نلعب لعبه
داليا :لا
وافي :طيب خلاص اجلسي هنا شوي ونجي طيب ؟
دخل وافي لقي البنات مغمى عليهم بوسط الحوش ومن حسن حظهم النار ما وصلت لهم لأن الارض مرشوشه مويا من قبل
وافي بذعر :غاليه هنوف قوموا
ملاك بصعوبه :عطني الماي
وافي : هاك
ملاك كبت الماي على طرحتها وصارت تتنفس منها
دخل نايف بعد وافي :ريوف وينها
ملاك :هناك
صاروا يطلعون البنات ملاك ووافي ونايف لين جا جار ابو راشد وشبك الصنبور من بيته وصار يرش البيت
اخر ثنتين ملاك طلعت وحده وبعدها نايف طلع وحده وقالت :باقي احد
نايف :لا محد
ملاك حطت يدها على راسها وجلست بالارض وقالت : يالله لك الحمد
نايف جلس تحت
جار ابو راشد :في بير ورا بيتي هو الي رشيت منه البيت روحوا اشربوا منه وغسلوا وجيهكم واسقوا البنات
ملاك قامت
نايف :وين وافي ؟
ملاك :داخل يشيك المكان
راحت ملاك تغسل ونزلت طرحتها ومسحت شعرها بالمويا وصارت تحركه بيدها وما كانت تدري ان وافي هناك
وافي يوم شاف شعرها بان تنح فيه شوي ثم تنحنح
ملاك:وي العذر والسموحه ما كنت ادري انك هنا
وافي :محشومه محشومه مغير انا ولد عمك
ملاك :لولا الله ثم انت ما كان خرجنا من ذاك البيت
وافي وهو يغسل :وانتي ماشاء الله ربي كتب لك ما يجيك شي لين ادخل
ملاك :ولله اني كنت على حافه الاغماء لكني قاومت وربي سبحانه كتب دخولك بأخر ثانيه
وافي :الحمدلله عدت على خير
ملاك :لا ولله ما عدت باقي
وافي :ليش ؟
ملاك :مدري كيف بعلم امهاتنا عندهم الضغط والسكر بينفجعون
وافي وهو ينزل اكمامه:معليك انا بكلم امي الحين
ملاك :خالتي ام وافي اهداهم لكن امي والباقين بيجزعون بسرعه
وافي :بخلي امي تكلمهم
قاموا وافي وملاك بنفس الوقت ورجعوا لموقع الحادثه الا على ابو راشد يقول : وينهم الي انقذوا بيتي وينهم ؟
جار ابو راشد :عانهم جو
ابو راشد ركض لهم وحب روسهم وقال :الله يبارك فيكم لولا الله ثم انتم كان بيتي الحين دمار
ملاك :ما سوينا شي يا عمي وهذا واجبنا ولله
ابو راشد مسك يد ملاك يصافحها :الله يبارك فيك ويحفظك من حر جهنم
وافي واقف بجنبهم ويطالع فيهم ابو راشد يثني على ملاك وملاك مبتسمه ابتسم لا أرادي بعد ذا المشهد وقاطع ابتسامته ابو راشد يصافحه ويقول :وانت يا وليدي يقولون كسرت الباب ودخلت بين النيران عسى ربي يحفظك من حر جهنم ويرزقك الزوجه الصالحه
وافي ضحك :لا يا عم عادني موب ناوي اتزوج
ابو راشد :لا نويت تزوج ان شاء الله مهرك علي
ثم لف على ملاك :وانتي يا ملاك لا جاك العريس وتبين من يسأل عنه تعالي عندي وانا بسأل عنه ابرد لكم جميلكم
وافي :لا ولله يا عم ما تكلف على نفسك
ابو راشد :ولله ثم ولله ان الي قلته بيصير
ملاك:يكفي يا عم دعواتك لنا هذا اكبر شي تسويه
ابو راشد :ابدعي لكم واسوي الي قلته
وافي ضحك :مره مصر ؟
ابو راشد :مره
ملاك تضحك بصوت واطي ووافي جنبها يسمع ضحكاتها ومبتسم بعد شوي قال بنفسه :استغفر الله يا وافي لا تاخذك العزه بالاثم ومعد تغض البصر
وافي :يلا بعد اذنكم انا بمشي
ابو راشد :بكره فطورك علي
وافي :لا يا عم تسلم
وافي راح لنايف الي بعده جالس بالارض وقومه قاله :انت ساعد الهنوف وانا غاليه
نايف :ان شاء الله بس الباقين مين يساعدهم
وافي يهمس :قصدك ريوف ؟
نايف :اي يعني مين مثلًا زينب ؟
وافي :معليك اباءهم واخوانهم جو انت خذ خواتك وخلاص
نايف راح للهنوف وقال :الهنوف
الهنوف :هاه
نايف :كيفك الحين تقدرين تقومين ؟
الهنوف :احس بدوخه شوي بس بحاول
نايف :عطيني يدك
قامت الهنوف وتسندت على نايف وصاروا يمشون لين وصلوا البيت
غاليه :لا تدخلوني على بنتي وانا بذي الحاله
وافي : طيب وش السواة
غاليه :علموا امي من عند الباب وقولوا لها تدخل العنود لين احسن من شكلي شوي
نايف :انا بروح
وافي :اسمعني لا تبالغ وخلك هادي ما نبي نخرب هدوء امي
ملاك جت :انا بدخل اكلمهم كلهم معليكم
نايف :شفتي ريوف كويسه ؟
ملاك :اي اخذها خالد الحين بيجيبها
نايف :الحمدلله
الهنوف :طيب الباقين كيف
ملاك :كويسين اهاليهم بيجيبونهم
ملاك دقت الباب وسمعت صوت ام سطام تقول :طيب جايه
وافي :لا يارب يارب خالتي ام سطام تكبر الامور الحين بتجي تصرخ
فتحت ام سطام الباب وشافتهم وصرخت
ملاك :يا خاله يا خاله اسكتي شوي بكلمك
ام سطام :واه يا ربي وااه وين بناتي وينهم
تجمعوا امهاتهم على الباب
ملاك :يا خاله اسمعيني بس واعلمك
وافي علا صوته :يا خاله بناتك بخير الحين بيجيبونهم ...
ملاك :بيجيبونهم عمي جابر وولده سطام
صاروا يتكلمون الامهات بوقت واحد
وافي :يا جماعه ذكروا الله
ام وافي :لا اله الا الله
وافي :الواحد ما يقدر يعلمكم بذي الحاله خلونا ندخل البنات واقول لكم
ام خالد :اي ولله ابعدوا عن الباب
دخل وافي البنات وجلسهم داخل
طلع وافي الحوش ووقف على عتبه الباب وكانت مرتفعه شوي عن مستوى الارض والامهات يناظرون فيه
وافي ضحك قال :حسيت اني خطيب الجمعه
ام احمد :خطبه جمعه ايه خطبه جمعه ايه خلصنا نبغا نعرف فين بناتنا بلا فشكلك
وافي :طيب اسف ...يا جماعه الي صار ان بيت ابو راشد احترق والبنات فيه
ام راشد صرخت :وااه بيتي
وافي :طفيناه لا تخافين يا خاله وبناتكم الحين بيجون
وعلى كلمه وافي ذي بالضبط دق الباب
وافي :وحتى جو
ركضت ام سطام وفتحت الباب
ام خالد :بناتي وصلتكم النار حرقتم
وافي :لا ما جاهم شي حتى شوفي ... بعد اذنك خالد بكلم اختك
خالد :انا ابي اختك وينها ؟
وافي :داخل بعدين روح ...يا ريم يا ريم
ريم تكح :هاه
وافي :كيف انتم تمام الحين ما وصلتكم النار صح
ريم :ايه تمام الحمدلله
ام خالد :ايش تبون واجيب لكم ؟
ريوف :ماي ابي ماي بس
ام خالد تتلفت تدور احد :نايف جيب لها ماي
نايف ركض وجاب لهم ماي
ووافي لسى واقف على العتبه ويحاول يهدي الوضع وملاك بالزاويه تضحك عليه لأنه عايش دور بزياده
ام احمد :ياربي بناتي الى الان ما جو شكلي بروح لهم
وافي :خالتو ام احمد معاك ضغط ؟
ام احمد :ايوه معايا
وافي :اي احد معاه ضغط ممنوع يطلع بناتكم بيجون
ام احمد :بلا فشكلك جبت خواتك ولا تبغاني اشوف بناتي حطلع من فوق خشمك
توها فتحت الباب الا جو بناتها وحضنتهم
بعد شوي جو البنات كلهم وهدي الوضع والامهات جالسين بالحوش وبناتهم داخل
وافي :هاه خلاص بناتكم جو ؟ معد باقي احد
ام وافي :اي الحمدلله
وافي :اجل اقعدوا يلا بنقيس لكم الضغط والسكر ونسوي مسابقه الي ضغطها اقل شي نعطيها خمس ميه ريال امي وين جهازك حق الضغط
ملاك :انا بجيب حق امي
دخلت ملاك وجابته وجابت ورقه وقلم
وافي مد يده لها :عطيني
ملاك :خلاص مو كأنك زودتها وعشت الدور بزياده انا بكمل الباقي
وافي :تكفين بس مره وحده ابي اجرب شعور الدكاتره
ملاك :مو ملاحظ انك قاط بين الحريم كأنك حبه الهيل بالرز خلاص اطلع عيب للبيت ذا رجال ما يرضون احد يدخل فيه ويكشف على حريمهم
وافي :تحسستي اني شفت شعرك ؟ ترا ولله بالغلط والنظره الاولى حلال
ملاك :انت مستحل النظر ختمت ذا البيت اطلع خلاص ...ولا اقولك اصبر شوي
وافي : وش
ملاك جابت جهاز ضغط ثاني :امسك روح قيس للرجال ابوي عنده ضغط
وافي :اي ولله يلا مع السلامه ... لا تنسين تعطينهم خمس ميه لأقل ضغط وبردها لك بعدين
...
في اليوم الثاني
ديم :ريوف روحي شوفي الباب انا للحين دايخه
ريوف :لو اني مودايخه بتشوفيني متكيه معاك وتاركه امي بالمطبخ ؟...بحاول اقوم الحين واشوف
راحت ريوف عند الباب :مين ؟
نايف :انا
ريوف فتحت له
نايف :السلام عليكم
ريوف من ورا الباب:وعليكم السلام
نايف بتوتر :ابي اشوف البنات غاليه والهنوف
ريوف:بناديهم الحين ...غاليه تعالي نايف يبيك
غاليه :طيب بس خليني اغسل العنود
ريوف :شوي وتجي
نايف سكت شوي وقال بتوتر :كيفك اليوم ان شاء الله احسن
ريوف :اي...ايه احسن الحمدلله
نايف :الحمدلله على السلامه ...يلا انا بروح تأخرت على العيال
ريوف :الله يسلمك مع السلامه
قفلت ريوف الباب وسندت ظهرها عليه وابتسمت بعد شوي قالت :لحظه هو قال ابي خواتي بس يوم سلم علي رجع
صرخت بدون صوت وقالت :شكله من اول ناوي انه يشوفني انا
دق الباب مره ثانيه
ريوف :شفيه رجع ؟
خالد :ياهل البيت
ريوف :نعم
خالد :افتحي
فتحت ريوف وقال خالد :نادي غاليه
ريوف :يعني تارك اخواتك الثلاث وجاي عشان غاليه ؟
خالد :مالك دخل كانت بتموت غاليه واحنا متزاعلين ابي اصالحها
ريوف :طيب طيب خلاص بناديها
غاليه جت :وينه نا...
ريوف صارت تأشر لها بعيونها فهمت غاليه وقالت :جيت وش بغيت
خالد :كيف جيتي وهي ما نادتك ؟
غاليه :سمعت صوتك من عند الباب
ريوف :انا بنسحب من بينكم
خالد ابتسم :جيتي عشانك سمعتي صوتي ؟
غاليه :ايه
خالد رجع عبس وقال :امس كنت بفقدك واحنا متزاعلين ما ودك نتصالح ؟
غاليه قربت منه ومسكت يده :كنت افكر فيك انت والعنود وش بيصير لكم بعدي
خالد حضنها :يا روحي انتي وش بيصير لنا بعدك ؟
سكت خالد شوي وقال :بنضيع بنموت واحنا احياء واهم شي بناكل حلاو كثير
غاليه فكته ودعست رجله :يعني ذا همكم انت وياها ؟
خالد يضحك :حارمتنا الحلاو انتي تبينا نشرب شمندر طعمه تراب
غاليه :عشان بعدين اذا ضرسك وجعك تجلس تصيح
خالد :ما اصيح من الضروس
غاليه :متأكد ؟
خالد يغير الموضوع :وش رايك نهرب ؟
غاليه :وين ؟
خالد :نروح الرياض وناخذ رحله يومين على باريس ونرجع
غاليه :العنود معانا
خالد :لا بس انا وانتي لحالنا وكأننا تزوجنا من جديد
غاليه :مدري بفكر ما بترك بنتي لحالها
خالد :تكفين ترا العنود عندها جداتها وخالتها وعماتها واجدادها يعني بين اهلها ما بينقص عليها شي
غاليه :بشوف
خالد :خلاص ردي لي خبر
...
وافي :هاه ارتحت
نايف :اي خلاص
وافي :قايل لك ما فيهم الا العافيه
نايف:انت ما تعرف الحب ياخي عساك تذوقه عشان تعرف تقارن
وافي :الله لا يقولها
نايف يدق وافي:محد يدري يمكن ملاك
وافي :حمار انت وش ابي فيها فرق بيني وبينها
نايف :تتوقع اني امس ما لاحظت نظراتك لها
وافي :ما احبها بس معجب بشخصيتها يعني ما اتخيل اني متزوجها ولا شي اشوفها انسانه كويسه وتستحق شخص كويس مثلها
نايف :وانت مو كويس ؟ وش ناقصك ؟
وافي :ناقصني كثير
نايف :الوظيفه ؟ بتتوظف البيت بيت ابوي بالرياض كبير خذ لك جناح انت وياها وخلاص
وافي :مين قال لك اني افكر فيها وابيها ؟ ما ابي البنت بأختصار اعتبرها اختي الصغيره الجناح الي ببيت ابوي خله لك انت وحبيبتك
سرع وافي خطواته وتعدا نايف
نايف :تعال ياخي لا تزعل
وافي من بعيد :ما زعلت
نايف :لا حول
...
زينب:ملاك
ملاك وهي تسوي قهوه :هلا
زينب :امس انتي ووافي ونايف ساعدتونا صح ؟
ملاك :اي صح
زينب :مين طلعني انا
ملاك :انا
زينب :افف ...طيب ريوف من طلعها
ملاك :نايف
زينب :تمام شكرا
طلعت زينب وقالت :طيب طيب يا ريوف تبغينها كذا انتي
نزلت زينب ولقيت ريوف بالمطبخ راحت عندها وقالت :تسوين هادا حق مين ؟
ريوف :حق عيال عمي واخوي
زينب :سمعت ان البيض حقك حلو ؟
ريوف :اي اسويه بطريقه صاحبتي ...خلصت
زينب :اشوف ...الله شكله يشهي
ريوف كانت معطيتها ظهرها وهي حطت بالاكل فلفل كثير
ريوف :شيلي ذا الصحن لأمي وخالاتي
زينب :هاه ؟
ريوف :اي لهم شفيك مستغربه ولا اهلك عودوك على الدلع
زينب :لا اهلي ما عودوني على الدلع اعرف اطبخ ملوخيه وكبسه وكل شي يخطر ببالك
ريوف :اجل ؟
زينب بعد ما شالت الصحن ووصلت عند الباب وقفت :ريوف
ريوف :هاه
زينب :ما اقدر اوديهم
ريوف ليه ؟
زينب :حطيت فيه فلفل لأني احسبه للعيال
ريوف :وش يعني تبين تشوهين سمعتي ولا ايش ؟
زينب :لا بس عشان
ريوف :عشان ايش
زينب :اكره نايف
ريوف :طيب خلاص كبيه بالكيس نعطيه الغنم ... اف الحين كيف اطلب امي
زينب :ايش تطلبينها بساعدك انا كتعويض
ريوف :ابي اروح الرياض عندي اختبار تحصيلي
زينب :اما ؟ حتى انا عندي يوم السبت
ريوف :حتى انا
زينب :ولله شكلنا بنروح مع بعض
ريوف :وين مقرك انتي ؟
زينب :بجامعه سعود
ريوف :الله حتى انا
زينب :خلاص نروح مع بعض
ريوف :كيف اكلم امي احس ما بتوافق
زينب مسكت يدها :انا عندي اسلوب اقناع خاص فيني تعالي معاي بس وانتي ساكته
راحت زينب عند امها وهي تسولف وقالت :ماما بعد يومين عندنا اختبار تحصيلي نبغا نروح الرياض
ام احمد :ايش
زينب :انا وريوف عندنا اختبار لازم نروح
ام احمد :ما ادري
زينب :لازم نروح ولا ترا مستقبلنا بيضيع مارح نتوظف وحتى ما تقبلنا ولا جامعه الا. بدا الاختبار
ام احمد:خلاص روحي بس ريوف ما ادري امها سمحت ولا لا
ام خالد :دامه ضروري روحوا
طلعوا زينب وريوف برا وقالت ريوف :كيف كذا
زينب :احطهم بالامر الواقع
ريوف :ما قد جربت ذا الشي
زينب :دحين مين بيودينا؟
ريوف :بدر اخوي
وجدان :ماشاء الله وين رايحين
ريوف :عندنا اختبار تحصيلي يوم السبت لازم نروح الرياض بكره
وجدان :الله اشتقت للرياض واسواقها ...على طاري الاسواق العيد قرب وطلبيتي مستحيل توصل شكلي بجي معاكم ونتسوق للعيد
زينب :اما العيد قرب
وجدان :ايه باقي له اسبوعين
ريوف :حتى خواتي ما عندهم شي بقول لهم يجون معانا
وجدان :اجل وش رايكم نخليها سفره جماعيه
زينب :الله جوي
ريوف :خلاص ارسلي بقروبنا انه فيه اجتماع عاجل عاجل عاجل نبي نناقش السفره
...
ابو وافي :العيد قرب وللحين ما شرينا الاضحيات
ابو سيّاف :ابد اضحياتكم من عندي اليوم نروح وتتنقون
ابو وافي :بكم تبيع ؟
ابو سيّاف :افا ما بيننا وانا اخوك والحلال حق ابوك يعني حلالك
ابو سطام :بس انها بتعبك وشقاك بنعطيك حقك
ابو سيّاف :ولله ما اخذ ريال منكم
ابو خالد :تحلف بعد؟ تبي تصوم ثلاث ايام
ابو سيّاف :وانا عند حلفي ما ابي ولا ريال انتم اخواني وتكفيني لمتكم
سطام :عمي متعب البنات برا يبونك شكل معاهم مظاهرات
ابو وافي :عسى ما شر
سطام :ولله ما شفتهم متجمعين كلهم برا
ابو وافي :بشوفهم الحين
طلع ابو وافي ووراه اخوانه وقال :خير وش بغيتم ؟
تقدمت ديم وقالت:بسم الله الرحمن الرحيم والصلاه والسلام على سيد المرسلين أما بعد :
المكرم الأستاذ متعب بن وافي واخوانه الكرام نتقدم نحن بناتكم بطلب السفر الى الرياض بغرض التسوق لعيد الاضحى المبارك نرجوا منكم الموافقه على هذا الطلب ومنا لكم عهدٌ أننا لن نصيع ولن نضيع وسنتبع اوامركم ولن نعصي لكم أمرا .
ابو وافي وهو ماسك الضحكه :هاه مجلس الشورى وش رايكم
ابو سطام عيونه تدمع وهو يكتم الضحكه :انا لا امانع دامهم عاهدونا على اطاعه اوامرنا
ابو خالد :لا امانع طالما كان معاهم محرم
ابو سيّاف :بنتي مو معاهم
ريوف:الا يا عم كلهم معانا بس احنا سفراء نطلب منكم الاذن
ابو سيّاف جته الضحكه :اها سفراء طيب انا اوافق على رأي الاستاذ سعود بأن يكون معهم محرم
ابو احمد :لا امانع
خالد :انا امانع
وجدان :عفواً انت مو عضو بمجلس الشورى مجلس الشورى اولياء الامور فقط
خالد :انا ولي امر غاليه
وجدان :غاليه هي خلقه ما بتجي
خالد :اجل خلاص
ابو وافي :إذن قررنا انكم عادي تروحون بس يكون معاكم محرم
الهنوف :نرجوا من حضرتكم تقرير من سيكون محرمنا
ابو وافي :هاه وش رايكم
ابو سيّاف :انا اشوف اكبر عيالنا يروح خالد
خالد :لا ما اقدر اروح عندي التزامات
ابو سطام :اجل ثاني تكبر واحد وافي
ابو وافي :بناخذ رأيه ونرد لكم خبر
سطام :طيب انا هنا بعمر وافي ما بتاخذون رأيي
ابو سطام :وافي اكبر منك بساعتين انت الحل الثالث
ريوف :يلا مشينا لين يقررون
يوم طلعوا البنات الا قابلوا وافي بطريقهم
الهنوف :تكفى وافق
وافي :ايش اوافق
الهنوف :وافق وبس
وافي :عسى بتزوجوني؟
الهنوف :تبي تتزوج ؟
وافي :لا
الهنوف :ماهو قد الزواج حتى بس روح عند ابوي وهو بيكلمك
وافي :نشوف وش هببتم
ريوف :خلونا نلحق اكيد بيقررون على طول
زينب :اي ولله منجد
الهنوف :وافي
وافي وقف :هاه
الهنوف:اذا كلمك ابوي قلنا وش قرر
وافي :يصير خير
ابو خالد :عانه جا المرشح
ابو وافي :هاه يا وافي وش رايك
وافي :ايش بتجنونني انتم
ابو وافي :بنات عمك يبون الرياض وانت بتكون محرمهم
وافي :بس ذي؟ ما عندي مانع
ابو سطام:اجل خلاص روح بشرهم
طلع وافي والبنات يطالعون فيه
الهنوف :وش قلت
وجدان :تكفى ما نبي سطام معانا
وافي :وافقت
البنات صرخوا والهنوف راحت حضنت وافي وقالت :كنت اعرف انك احسن اخ
نايف جا :وانا ؟ نسيتيني
الهنوف :انت اكيد فيه شخص يقدرك اكثر مني
ومسكت خدود وافي وقالت :بس وافي مسكين ما عنده احد مغير احنا
نايف :الا عنده عنده بس للحين ما تصالح مع مشاعره
الهنوف :منجد ؟ بعدين تعلمني طيب ؟
وافي وخر يدها :مافيه احد ولا احتاج احد اصلًا واذا عادك فتحتي الموضوع بروح اقول لأبوي اني مو موافق
الهنوف :خلاص اسفه ترا نبي نمشي العصر
وافي :طيب خلاص انا جاهز بس اشارتكم تكفي
...
غيداء :الباب يدق شكلهم جو
ملاك :بروح اشوف
وصلت ملاك عند الباب الا سمعت ريوف تقول :بنات خل نمقلبها انه ما وافقوا
ملاك تهمس :بتمقلبوني اجل
فتحت لهم الباب وسوت نفسها متحمسه :هاه وافقوا
ريوف :لا تسألين
ملاك : اساسًا حتى انا ما ابغا اروح
ريوف :تكفين ما بتزين السفره الا فيك
ملاك تضحك :تغديت فيكم قبل تتعشون فيني ...متى بنروح وايش قالواعلموني كل شي
وجدان :امشي داخل ونعلمك
بعد ما علموها كل شي قالت :ترا باقي ساعه على الظهر نبي نتغدا ونرتب الشناط
الهنوف :انا ما باخذ شي بمر البيت واخذ من هناك اساسًا احنا بننام ببيتنا
الجازيه :انا بعد ابي امر البيت باخذ عبايتي الجديده الي فيها قلوب
غيداء:انا وزينب اغراضنا جاهزه من قبل
ملاك :اخخخ عندي انواع عبايات كشخه اخيرًا جا الوقت الي اخذها
ديم :كيف ما شفتها من قبل
ملاك قامت وفتحت الصندوق :وقالت انا عندي هوس عبايات
ريم :الله عباياتك كثيره
ملاك :وما البس الا وحده
وجدان :مشكله الديره ما تكشخين بالعبايات
ام احمد :يلا يا صبايا الغدا اليوم انا سويته ملوخيه
ملاك :يلا ننزل بعدين نشوف الكنز حقي
ديم :متحمسه
...
احمد :اليوم الغدا ماما سوته ملوخيه واكل جداوي بحت
ابو خالد :زين طفشنا من الكبسه والمرقوق
بدر :لو تسمعك امي بتودع الملاعب
مشاري :انا بروح اجيب الاكل
ابو سطام :انا ووافي بنغسل
وافي :هاه
ابو سطام قلت بنغسل
وافي وابو سطام عند المغاسل
ابو سطام : بتروح معاهم
وافي :اي بروح اكنسل؟
ابو سطام :لا بس خلك معاهم لا تفارقهم اذا اختليت بنفسك
بتحن للايام الي راحت وترجع من اول وجديد
وافي :لا عفتها مارح اسوي شي
ابو سطام :ما تدري لكن الله يثبتك وتذكر قوله تعالى (وأما من خاف مقام ربه ونهى النفس عن الهوى(*)فأن الجنه هي المأوى )
وافي :الله يجعلنا وياك من اهل الفردوس الاعلى
ابو سطام :امين
سطام :يلا انتم واسراركم تعالوا
ابو سطام :مابه ولا سر بس قلت نغسل لأننا كنا ننظف الدكان سوا
سطام :ايه ايه تعالوا بس
بعد الغدا
ابو وافي :الحمدلله على النعمه
ابو خالد :خالد زين لنا الشاهي
خالد :قد حطيته على الدافور شوي ويجهز
وافي :احس شي غريب بالاكل
نايف :لا عادي بس انت متعود على الاكل النجدي
وافي :يمكن
...
ملاك :تسلم يدك على الاكل مره لذيذ
وجدان :اول مره احب ملوخيه زي كذا منجد تسلم يدك
ام احمد :تسلمون حبايبي عليكم الف عافيه
ام سيّاف :عطيني الطريقه بعدين
ام احمد:سهله مره زي اذا بتسوين كبسه كشني البصل وإن كنتي تبغينها لحم حطي لحم وإن بغيتيها دجاج حطي دجاج بس الصلصه لا تحطين واطبخي اللحمه لين تقرب تستوي بعدين اذا باقي عشر دقايق حطي الملوخيه والليمون خليه اضافه جانبيه
ام وافي تضحك:نفس الطريقه ما تغيرينها
ام احمد تضحك :طريقه متوارثه بين الاجيال دحين انا بورثها بناتي
غيداء ضحكت :بس خربتيها وطلعتي الوصفه برا
ام احمد :هو سر الوصفه انك تعطين الوصفه لأي شخص تعزينه وسألك عنها
ام سيّاف :حتى انتي عزيزه وغاليه امس جيتي واليوم دخلتي قلبي
ريوف :يلا نقوم نرتب قبل الصلاه ؟
الهنوف :يلا نبي نشوف كنز ملاك
بعد صلاه العصر
ام وافي :هاه باقي شي لكم ؟
الهنوف :لا
ام وافي :استودعتكم الله
ام خالد :يلا استودعناكم الله
ام سطام :غاليه ما ودها تجي معاكم مره
الهنوف :لا ما تبي
ام خالد :خلوها براحتها
الهنوف :وافي يدق امشوا
طلعوا السياره الهنوف قدام وورا ملاك والجازيه وغيداء وريم والمرتبه الاخيره ريوف ووجدان وزينب وديم
وجدان :افف ما يمديكم تدفون شوي ؟
ديم :انا محشوره بالطرف
زينب :انا بطرف الثاني برضوا محشوره
ريوف :تحملوا ترا الطريق ست ساعات
وافي :هاه باقي احد ؟
الهنوف :لا يلا نحرك وترا نبي نمر المحطه
وافي :طبعًا طقوس السفر ذي بس عطوني طلباتكم وانا بجيبها
الهنوف :بنات ارسلوا الي تبونه بالقروب
ارسلوها وحولت الرساله لوافي
وافي :خلاص اقرب محطه بعد نص ساعه
نزل وافي المحطه وجاب الاغراض
وعطا البنات ورا
ملاك :جبت اسكريمين لي انا طلبت واحد
وافي :اي واحد لي
الهنوف كانت تشرب قهوه مثلجه وشرقت وقامت تكح
وافي :بسم الله عليك شفيك ترا باقي ما حركت
الهنوف تطالع فيه وتبتسم :لا مافيه شي بس اذكر انك ما تحب نكهه الشوكلاته بالاسكريم
وافي :قررت اعطيها فرصه وشكله عجبني تغليفه فخم
ملاك :هاك
وافي اخذ الاسكريم ومعاه فلوس
وافي :وش ذي ؟
ملاك :سعر الاسكريم
وافي :عيال عم ما بيننا
ملاك :خذها ترا الاغراض الي طلبناها كثيره
وافي :عمامي عطوني فلوس ما يحتاج
ملاك سكتت واخذتها
الهنوف :كيف الاسكريم ؟
وافي :حلو الشوكلت طلع احسن من باقي النكهات ما ندمت اني عطيته فرصه
الهنوف :ذوق ملاك حلو بكل شي حتى ذي العبايه شوف عطتني هي
وافي :ما اعرف بالعبايات بس دامه عجبك خلاص حلو
الهنوف جاها اشعار من ملاك :شفيك تتكلمين كذا قدام وافي ما عندك الا انا سالفه ؟
الهنوف ارسلت :ترا ما قلت غير هرجتين عادي
ملاك :بس كلامك غريب كله مدح كانك تبين تحليني بعينه
الهنوف :انتي حلوه ما يحتاج احليك بعينه
ملاك :وانا ما ابي اطلع حلوه بعينه
الهنوف :ليش ؟
ملاك:وش نيتك انت ؟
الهنوف :انك بيوم من الايام تجلسين مكاني
ملاك :حيوانه كيف فكرتي فيها من كثر ماهي مستحيله ما جت ببالي
الهنوف :ماهي مستحيله شوفي انتي كيف حلوه وهو كيف وسيم
ملاك طالعت بالمرايه الي قدام وهي تعكس شكل وافي شوي وارسلت :الجمال مو كل شي شيلي الفكره من بالك
الهنوف :طيب لا تزعلين تمام
ملاك :ما بزعل لو نسيتي كل شي جا ببالك بذي اللحظه
الهنوف :عن وش كنا نتكلم ؟
وافي :شفيك على الجوال سولفي بيجيني نوم
الهنوف :نوم العصريه ؟
وافي :احس بكسل اليوم
الهنوف :ما نمت زين من موقفك البطولي امس
وافي :خلاص لا تتكلمين فيه انسي
الهنوف :ليه
وافي :اسبابي الخاصه
الهنوف :لحول شفيكم انتم منفسين
وافي :مين احنا
الهنوف :ولا شي
...
ام وافي :ليه ما رحتي معاهم ؟
غاليه :امي بقول لك شي
ام وافي :وش فيه عسى ما شر
غاليه :خالد
ام وافي :شفيه خالد
غاليه :يقول نروح باريس يومين بس بدون ما يدري احد وانا شايله هم العنود
ام وافي :بس ؟ العنود سميتي بحطها بعيوني انتي روحي مع زوجك وتمشي ما بها شي يا يمه اهم شي انكم تصالحتم
غاليه :منجد
ام وافي :اي معليك انتي خذي راحتك
غاليه حضنت امها :انتي احسن ام بالعالم
ام وافي :ترا زوجك جا متكشخ ولابس ثوب غتره وحركات قلطته بالمجلس ينتظرك
غاليه :ما قلتي لي
ام وافي وجيت اعلمك روحي حطي القهوه بالدله وتعالي انا بروح عنده
غاليه :ابشري
ام وافي تضحك :ما به دله يا الخبله اقصد تزيني يعني انا بقول له انك تجيبين الدله
غاليه تضحك :ان شاء الله
قامت غاليه وزينت شعرها بسرعه وتعطرت وطلعت
خالد يوم شافها استحى
ام وافي:ما جبتي دله خالتك ؟ انا بروح لها
جلست غاليه جنب خالد
خالد :طالعه حلوه
غاليه ساكته ومستحيه
خالد :احمم وش فيه الوضع كأنه شوفه شرعيه احس بضيقه الشوفه الشرعيه
غاليه تضحك بشويش :حتى انا مو قادره ارجع ضحكتي
خالد ضحك :تذكرت الشوفه يوم حبيتي راسي بدال راس ابوي
غاليه :للحين تتذكر
خالد مسك يدها :كل لحظه معاك اتذكرها بكل تفاصيلها وودي اصنع لحظات جديده ...وش قلتي بموضوع السفر ؟
غاليه :لا تزعل بس
خالد فك يدها :ما تبين خلاص عادي
غاليه :لا لا انت قلت الموضوع سري انا علمت امي لأني شايله هم العنود
خالد :ايوه
غاليه :وقالت انها بترعاها وكلها يومين
خالد :يعني وافقتي ؟
غاليه :اي
خالد من الحماس حضنها
شوي وفكها وقال :جهزي شنطتك رحلتنا الفجر
غاليه :وش دراك
خالد :حجزتها من امس كنت بخطفك لو ما وافقتي
غاليه :لا ولله ؟ والمسرحيه الي مسويها هنا ما تبين عادي ومدري ايش
خالد :ترا الخطف خطه جيم خطه الف اخذ رأيك خطه ب استعطفك خطه جيم اخطفك
غاليه تضحك :مافيه مجال للرفض
خالد باس راسها :مافيه مجال ولو فشلت كل خططي بسوي الف خطه غيرها
خالد قام
غاليه :وين
خالد :بروح خلاص ولو انه ودي ابقى معاك لكن ما يمدي
غاليه :بشتاق لك
خالد :تعرفين البارت الي شيرين تقول فيه "دا انت لو قدام عينيا اشتقت ليك "انا احس فيه كل يوم من يوم عرفتك
غاليه :بس اغنيه شيرين جديده ماكانت موجوده بطفولتنا
خالد :يا ليل خربتي الرومنسيه
غاليه تضحك :امزح معاك
خالد :تعالي بحضنك قبل اروح
غاليه :مو كأنك زودتها بالاحضان؟
خالد :بالحلال ياختي بالحلال عادي
غاليه قامت وحضنته وباست خده :مع السلامه
خالد :انتي السلامه شخصيًا
غاليه ضحكت وهو رايح قالت :وقف
خالد :هلا
غاليه قربت منه ومسكت خده وقالت :الروج طبع بخدك خلني امسحه
خالد يطالع بعيونها :كنتي بتخليني اطلع كذا ؟
غاليه تطالع بالروج وتمسحه :للأمانه اي كنت ابي امقلبك بس خفت تزعل
خالد مسك يدها الي تمسح فيها وباسها :وش ذا المقلب الكيوت
غاليه :كيوت ؟ تخيل نظره ابوي واعمامي لك وانت على خدك روج
خالد :عادي بقول لهم زوجتي وبالحلال
غاليه :اجل خلاص تبي روج بخدك خذ
قربت منه بتبوس خده وهو بعدها :لا لا لا ترا كنت بستفزك بس لا اكثر
غاليه بعدت عنه :خلاص انقلع يالمستفز طفشت منك
...
الهنوف :شفيك ؟
وافي :مدري احس بدوخه عطيني بنادول
الهنوف :صبر بشوف بالشنطه
وافي نزل من الخط ووقف يمين
الهنوف :بسم الله شفيك
وافي نزل من السياره وصار يستفرغ
ملاك شافته من النافذه :شوفيه شكله يستفرغ
الهنوف :عطوني مويا بنزل له
نزلت الهنوف عند وافي وهو من التعب جلس بالارض عطته المويا وقالت له :لا تكثر بعدين ترجع تستفرغ
شرب ماي شوي وقال :عطيني باندول
الهنوف :ما تصلح على بطن فاضي ولا يصلح تاكل وانت توك مستفرغ اصبر شوي
وافي :اسنديني بقوم للسياره
دخلته السياره وسند راسه على المرتبه
الهنوف :تقدر تسوق ؟
وافي :اي بس برتاح شوي
بعد شوي شغل السياره ويوم جا بيحرك سند راسه على الدركسون وقال :ما قدرت احس عظامي توجعني
الهنوف مسكت راسه :يمكن جتك حمى ...بس مافيه حراره
ديم :اجل يمكن تسمم تحس برد ؟
وافي :لا بس احس صداع والم ببطني
الهنوف :طيب وش السواة ؟
وافي :انتي سوقي لين نوصل الرياض وبروح مستشفى
الهنوف :مستحيل اخاف من طرقات السفر
وافي :اجل ؟
ملاك بعد تردد :انا اعرف اسوق العايدي وسياره عمي تماتيك
وافي :سهله التماتيك استخدمي رجل وحده وعشّقي على حرف Dوخليك سيده
ملاك :بجرب
الهنوف :اجل خلاص تعالي سوقي ووافي يجلس مكاني وانا برجع ورا
تبدلوا الاماكن ويوم طلعت ملاك اخذت نفس عميق وقالت :بسم الله
وافي :حطي رجلك اليمين على الفرامل لين تعشقين واليسار لا تستخدمينها ابدًا
ملاك :اي واحد الفرامل
وافي أشر بيده :هذا الي يمينك
ملاك عشقت القير مرتين وقالت مو واضحه الحروف كيف اعرف
وافي :باقي لك تعشيقه ويصير D
وافي :اي الحين فكي رجلك عن الفرامل وادعسي البنزين شوي شوي
دعست ملاك بسرعه وخافت ودعست على الفرامل بقوه
وافي :لا تتوترين حبه حبه امشي
ملاك :طيب خلاص خلاص الحين بعرف
جربت للمره الثانيه وعرفت يوم طلعت على الخط قالت :الحمدلله ما بغيت
وافي :شفتي ما يخوف
ريوف ورا :وجدان هي شوفي
وجدان :شفيك
ريوف :شوفي ملاك ووافي كلهم جالسين قدام
وجدان:طيب ؟
ريوف :ما تحسين طاقه حلوه
وجدان :دارسه محماه مو علم طاقه انا
ريوف :ركزي شوي ما تحسين بينهم تجاذب كذا
وجدان :ما اشوف شي
ريوف :لأنك ما تعرفين الحب لو تعرفينه بتلاحظينه
وجدان :ولا ابغا اعرفه قدمت على مكتب محامه بالرياض اذا قبلوني بتوظف فيه واخذ سياره احلامي واعيش حياتي ما احتاج رجل بحياتي
ريوف :انتي كل ما فتحت موضوع درتي ورجعتي لموضوع انك ما تبغين تتزوجين
وجدان :لأن مواضيعك كلها حب وزواج
ريوف :طيب خلاص بقول لك وش ابي ادرس بالجامعه
وجدان :تفضلي
ريوف :ودي ادرس تسويق سمعت انه تخصص مطلوب واحس عندي الامكانيات
وجدان :الله خذي المويا سوي لي اعلان يلا
ريوف :بجرب عطيني
وجدان :هاك
ريوف :مياه رفا معبئه من بحار الشمال
وجدان :انتي نفرتيني من المويا بدال ما تحمسيني اشتريها
ريوف :طيب مويا وش بقول يعني عطيني شي ثاني
ديم :ما ودكم تسكتون
ريوف :نعم يالدكتوره ديم
ديم :اسكتوا شوي البنت نايمه
وجدان :مين
ديم :زينب شوفيها متكيه على الباب
ريوف :المقعده الخلفيه مالها باب
ديم :يعني متكيه على الشباك
زينب :ما نمت
ريوف :وش تسوين كذا كأنك مصروعه
زينب:اتخيل حياتي المستقبليه
ريوف :ولله؟ علمينا وش تتخيلين
وجدان تدق ريوف:خلاص من الشك
ريوف :اسكتي خلينا نسمع خيالها
زينب :بدرس طبخ بجامعه نوره واصير طباخه مشهوره واسوي مطعم وبعدين اشتري سياره وشقه بجده وشقه بالرياض واتزوج والشخص الي احبه اخيرًا
ريوف ضحكت :على كذا ما بتتزوجين الا ٢٠٣٠ الي تحبينه ما بينتظرك كل ذا الوقت
وجدان :ليش احس يمديها
ريوف :مطعم مستحيل يطلع ارباح سريعه بتطول
ديم :وانتي طيب علمينا احلامك
ريوف :مثل ما قلت بدرس تسويق وادخل شركه واسوي لهم اعلانات ولما اجمع فلوس كثير ببدا شركتي الخاصه لتتسويق واطلع ذهب وبعدين اذا جاني النصيب بتزوج
وجدان :امم النصيب
ريوف :اي كل شي نصيب
زينب :طيب انتي وجدان سمعت انك خريجه محاماه
وجدان :اي توني تخرجت وقدمت على مكتب اذا قبلوني ببدا اشتغل عندهم لحد ما اكون نفسي وافتح لي مكتب خاص
ديم :انا اقصى احلامي الحين اتخرج
زينب :اما انتي بعمر غيداء للحين ما تخرجتي
ريوف :الاخت داخله طب بتتخرج مع الرؤيه
زينب :غيداء درست برمجه حاسب تخرجت دي السنه
ريوف :ريم اختي خريجه ادب انجليزي
وجدان :الجازيه خريجه فيزيا والهنوف خريجه هندسه تونا تخرجنا انا وياها من نفس الجامعه
ريوف :ماشاء الله كلكم خريجات دي السنه
ديم عطتها نظره
ريوف :وي اشبو دا
ديم :اشبك انتي
ريوف :معليش تأثير اهل جده ينتقل بسرعه
زينب :ايوا يقولون لهجتنا مره حلوه وتأثر على اي احد نتعرف عليه
ريوف :اي ماشاء الله ... وش ذاكرتي لتتحصيلي
زينب :بيني وبينك ما اذكر الا سؤال دبانه التسي تسي
ريوف :اخر شي ما تجي
ديم :ممكن تسكتون نسترخي شوي
ريم :من جد اسكتوا وترتم ملاك
ملاك متوتره:هاه لا عادي ما توترت بس يدي معرقه
الهنوف :نشفيها بمناديل
ملاك :اخاف ابعد يدي عن الدركسون
الهنوف :انا بحطه تحت يدك اوك
ملاك :اوك
قربت الهنوف منها وهي صرخت :لا لا ابعدي تغطين المرايه
الهنوف رجعت :طيب وش السواه ؟
ملاك :ما ادري
الهنوف تطالع بوافي وهو ماسك الجوال
الهنوف :خلي وافي يحطه لك من جنب
ملاك :احس لا
الهنوف :الا عادي
وافي: مو قادر احرك اصبعي
الهنوف :كذاب اشوفك ماسك الجوال
وافي :افف عطيني اشوف
اخذ المناديل وهو يتحرك ببطء لأن بطنه يوجعه وجا بيحطها تحت يد ملاك بس ما قدر
وافي :ارفعي يدك ثواني ما بيصير شي
ملاك وعينها عالطريق :اخاف
وافي قرب يده الثانيه للدركسون :شوفي يدي قريبه اول ما تبعدين يدك بمسك الدركسون
ملاك :ما اضمن
وافي مسك الدركسون :هاه والحين
ملاك :طيب بحاول
بعدت يدها عن الدركسون وحطتها على يد وافي الي فيها المناديل وهي ترجف
وافي :شفيك ترجفين انا مثبته
الهنوف تتأمل الي يصير وابتسامتها شاقه وجهها (طبعًا كلنا زيها )
ملاك :مدري مقدر اوقف رجفه
وافي :اذا تخافين وقفي على جنب وانا بكمل
ملاك :لا شفتك قبل شوي كيف تتحرك وانا اذا بديت شي احب اكمله
وافي :طيب خلاص عطيني يدك الثانيه
ملاك جت بترجع يدها وبدون ما تنتبه مسكت يد وافي الي على الدركسون
وافي حس فيها بس ما تكلم عشان ما يوترها زياده
بعد ما نشفت يدها وافي سحب يده وهي انتبهت قالت :معليش معليش
وافي :خلاص عادي لا تتوترين
ملاك :كم باقي ونوصل
الجازيه :باقي ساعه
وافي :مشينا من هناك العصر باقي ساعه
ريم :ملاك جوالك يدق
ملاك توترت :مين مين ؟
وافي :لا تخافين عادي هم بيردون
ريم :امك
ملاك :ردي عليها وافتحي سبيكر
ريم :الو
ام سيّاف :الو
ريم :هلا خالتي
ام سيّاف :هلا كيفكم
ريم :بخير
ام سيّاف :وين ملاك ليه انتي رديتي
ريم :ملاك ...
ملاك تهمس :نايمه نايمه
ريم :نايمه ملاك
ام سيّاف :يا روحي هي تعبت ...كم باقي وتوصلون
ريم :ساعه
ام سيّاف :لا وصلتم قولوا لملاك تدق علي
ريم :ان شاء الله
ام سيّاف :يلا مع السلامه
ريم :مع السلامه
الهنوف :ليه تكذبين عليها
ملاك :امي تتوتر من كلمه السواقه كيف لو تعرف اني اسوق بخط سفر تتجنن
الهنوف :واضح من وين ورثتي التوتر
ملاك :اهدوا شوي عشان ما اتوتر زياده
الجازيه :منجد خلاص اسكتوا
...
ام خالد :كلمتيهم
ام سيّاف :ايه ملاك نايمه ردت علي بنتك ريم
ام سطام :اجل مشينا نروح لأم وافي ببيتها من زمان ما شفناه
ام سيّاف :يلا بس بفور القهوه
ام وافي :ما يحتاج انا جيتكم
ام سيّاف :اجل خلاص نتقهوى بالحوش
ام خالد :انا اقول نروح لأم راشد على سلامتهم
ام احمد :ايوه لازم نروح خاصه ان بناتنا معاهم
ام وافي :اجل يلا انا بعباتي معد بفصخها واحنا بنطلع
ام احمد :انا بروح اقول لغاليه عشان داليا نايمه عندها وانتوا مروا علي
ام سطام :خلينا نطلع سوا احسن
...
نايف :وين وافي اليوم ما شفته
بدر :سافر
نايف :كيف ؟
احمد :راح الرياض مع البنات يبون يتسوقون للعيد
نايف :كلهم راحوا ؟
سطام :اي كلهم
نايف :كم بيقعدون
سيّاف :يومين او ثلاث
نايف دق على وافي :الو
وافي :هلا وش بغيت
نايف :تسافر وما تعلمني
وافي :اجباري كان
نايف :كيف الوضع
وافي طالع بملاك :كلهم بنات الا انا كني حبه الهيل بالرز
نايف :اقصد الوضع الوضع
وافي :اهاا اي بخير بخير
نايف :لا تطول بشتاق لك
وافي :ايش ؟
نايف :حمار انت ما تفهم ؟
وافي :الحين فهمت ترا البعد ينفع شوي
نايف :بس مو كذا فجأه
وافي :خلاص بقفل ولا بنلقم مخالفه فجأه
نايف :اذا وصلت علمني
وافي :طيب طيب مع السلامه
احمد :وش فيك كذا غريب
نايف :مدري انصدمت انه سافر وما علمني بالعاده يقول لي كل شي
سطام : يا رجال وش ذا الخوف تراه بس راح الرياض زي روحتنا ذيك
بدر :على طاري روحتنا عمي يبينا بكره نفتح الدكان
نايف :انت دايم تجيب الاخبار من عمي مدري انت ولده ولا ذا
سطام :حتى انا احس اني مُتبنى ابوي ما يعطيني وجه
تركي :افا يا عم طحت من عيني تتجاهل سطام
سطام :وش جابك انت
تركي :ابد ولله مريت من عندكم
بدر صافحه :الحمدلله على السلامه
تركي :الله يسلمك
احمد يكلم نايف :مين ذا
نايف :هذا الي بيته احترق امس
احمد :اما
نايف :هذا ولد خالي احمد
تركي :هلا ولله
احمد :هلا فيك هلا
سطام مسك احمد من كتفه :هاه عاد خويي لا تسرقه معد باقي الا هو
بدر :يالجاحد
نايف :خله خله اذا رجعنا الرياض بيعرف قيمتنا
تركي :متى بترجعون ؟ تعودت عليكم
نايف :باقي شهر ونرجع
تركي حضن سطام :بشتاق لكم من الحين
نايف :متى صارت صداقتكم قويه كذا
سطام :قول ماشاء الله حتى صداقتي بتحسدوني عليها
نايف :من زينه عاد ماشاء الله
احمد :لا ولله حرام عليك تركي وسيم يعني ملامحه حلوه
نايف :ولله محد يدري وش ورا ذا التعزيز
سيّاف :انتم هنا وانا ادور لكم من زمان
نايف :عسى ما شر
سيّاف :الناقه بتولد ابيكم تعاونوني
احمد :انا عندي فوبيا من الدم مقدر اجي استأذنكم
سيّاف :انت بعدك ضيف لو جيت بهبدك
احمد :ما عرفت انت معاي ولا ضدي الحين
سيّاف :معاك معاك تركي اقعد معاه بنروح انا والعيال للناقه
تركي :اي وحده بتولد ؟
سيّاف :حقتي مغير هي الحامل
سطام :سؤال بغير موضعه كم شهر تحمل الناقه ؟
بدر :خمس طعش شهر
نايف :لا ثنعش
سيّاف :امشوا الحين وبعدين تناقشوا بكم شهر تحمل
...
ام احمد :اذا دخلنا وجت ترف مدري شسمها اشري لي عشان اشوفها
ام وافي :طيب طيب بس لا تتحمسين وتخطبينها من اليوم
ام احمد تضحك :ولله على حسب
ام وافي :هذانا وصلنا
توهم بيدقون الباب الا فتحت اسماء
ام احمد :هادي هي ؟
ام وافي :لا هذي بنت خالتها
ام احمد :وينها طيب
ام وافي :اصبري شوي بتشوفينها
ام علي :هلا
ام سيّاف تمزح :شكلنا غلطنا بالبيت ولا
ام علي :لا ما غلطتم بيت ام راشد توني بطلع من عندها
ام راشد :دامهم جو ارجعي انتي سولفي شوي
ام علي :لا ولله مقدر اليوم بنجهر للسفر
ام سيّاف :عسى ما شر ؟
ام علي :لا ولله نبي نتقضى للزواج معد باقي له الا اسبوعين
ام وافي :الله يتمم لكم على خير
ام علي :ما بيتم لين تحضرون
ام سطام :ان شاء الله
ام راشد :تفضلوا
...
الهنوف :اوه وافي هذا الحي حقنا صح ؟
ملاك :يعني وصلنا ؟
وافي :اي بيتنا بعد شارعين
الهنوف :وقفي على جنب انا بكمل اعرف ذا الطريق
ملاك :معد باقي الا شوي بكمل
ريم :الي ورا نايمين ؟
ريوف :لا كلنا صاحين
غيداء :لموا اغراضكم وصلنا
وافي :انتم انزلوا وانا بروح المستوصف قريب
الهنوف :بتسوق انت ؟
وافي :اي عادي بتحمل شوي
الهنوف :اذا ما قدرت خله لين بكره انا بوديك
وافي :لا ولله بروح من الحين احسن لي ...شوفيه ذاك البيت وقفي عنده
ملاك :كيف اوقف ؟
وافي :اذا قربتي فكي البنزين وادعسي فرامل خفيف وحطي السياره على p
ملاك ضغطت الفرامل بقوه :معليش ولله الفرامل خفيفه مو زي سياره ابوي
وافي :يلا معليه نقول لأخوك يعلمك
نزلوا البنات ووافي نقل لمكان السايق توه بيحرك وتذكر ان مفتاح البيت معاه:الهنوف
الهنوف :هلا
وافي رمى المفتاح :امسكي
الهنوف :يمه بغينا ننساه ونقعد بالشارع
ديم :عادي نروح الكوفي مشي
ملاك :صراحه مافيني حيل لولا كوفي ابي ارتاح
ريم :صح امك تبيك تكلمينها
ملاك :عطيني جوالي شكله معاك
ريم:اي معاي هاك
ام سيّاف :يا الله عساه خير مين يدق...ملاك
ملاك :الو يمه
ام سيّاف :هلا فيك يا بنيتي هلا فيك وصلتم ؟
ملاك : الحين دخلنا البيت بنريح شوي ونطلع نتعشى
ام سيّاف :زين زين يلا مع السلامه
ملاك :مع السلامه
توها قفلت الجوال الا جتها رساله
ريم :خلونا نقوم نصلي
وجدان :نجمع ؟
غيداء :ايه لأنه بنجلس ثلاث ايام او اقل
الهنوف :يلا بعدها بتصل على وافي اشوفه وش سوا
...
الممرضه :وش تحس انت اعراض
وافي :الم بطن صداع واستفراغ مره وحده
الممرضه :فيه اسهال
وافي :هاه
الممرضه :فيه اسهال بطن ؟
وافي :مدري
الممرضه :عادي لا استحي ايه ولالا
وافي :اي مره واحد
الممرضه :خلاص انت شوي وادخل على الدكتور
وافي :كم الرقم
الممرضه :انت عشرين الي دخل ثلثطش
وافي :يطول الدكتور
الممرضه :خلاص انت روح دحين صلاه مافيه صلي انتا كافر ؟
وافي :لا ذحين بروح اصلي بس لا يزعل انت اوك
الممرضه :طيب خلاص
وافي :وش ذا الممرضه مافيه اسلوب ؟
بعد الصلاه
الدكتور :رقم عشرين
وافي :هلا جاي الحين
عند الدكتور
الدكتور :الف سلامه عليك بتحس ايه ؟
وافي :احس الم بالمعده وصداع واستفرغت مره وحده واسهال
الدكتور :ايه اكلت اليوم؟
وافي :مالوخيه باللحم ورز والعصر قبل ما اجي اكلت ايسكريم شوكلاته
الدكتور :ممكن تكون تحسست من الملوخيه ؟
وافي :لا مستحيل
الدكتور :طيب هنعملك تحليل براز
وافي :ليش ما نسوي تحليل دم ؟
الدكتور :بص يا فندم المشكله بالمعده مالهاش دخل تمامًا بالدم
وافي :طيب وين الحمامات
الدكتور :باليمين
بعد شوي جا وافي ومعاه مناديل كثيره عطى الدكتوره
الدكتور :اي ده
وافي :الي طلبته
الدكتور :اها بص حضرتك هتديه للممرضه وإن كان بنفسك ترجع البيت سجل رقمك عند الممرضه وهنتصل عليك لما تطلع النتيجه
وافي :طيب ... الو
الهنوف :شفيك طولت
وافي :طلبوا تحاليل بعطيهم الحين واجي لين تطلع النتيجه
الهنوف :تمام
...
ام احمد :يا حلوها ماشاء الله بالله عليكم بعد تلات ايام بروح اخطبها ما اقدر صراحه محد يدري يمكن يخطبونها ناس قبلي
ام وافي تضحك :يصير خير ان شاء الله
ام سيّاف :وين بتسوين العرس
ام احمد :بأي مكان تبغاه هي اهم شي توافق
ام وافي :بتوافق ان شاء الله احمد ما يتفوت
ام خالد :الله يتمم لهم على خير
ام سطام :من زمان عن الاعراس
ام احمد :يا فرحتي اخيرًا بشوف احفادي
ام وافي :اييه عقبال وافي ان شاء الله
ام سطام :عقبال عيالنا كلهم مدري متى يتزوجون
ام وافي :وافي من كثر ما هو رافض احس ان نايف بيتزوج قبله
ام خالد :انا كنت اقول كذا خالد رافض فكره الزواج وبعدين سبحان الله يوم شاف غاليه صار معجل يبي كل شي بسرعه نصيب الزواج
ام وافي :غاليه وخالد من زمان يحبون بعض بس مدري ليش كانوا رافضين
ام خالد :كنت اشير عليه اقول اخطبها خطابها كثر بكره يجي واحد وياخذها وانت تقعد حسران عليها يقول ابيها تكمل دراستها وسبحان الله جت من نصيبه
ام وافي :حتى هي يمكن خمسه تقدموا لها ورفضت وخالد اول ما سمعت ابوها يتكلم قالت موافقه والحين الحمدلله عندي حفيده وعسى الله يزيد
ام خالد :امين ولله ان ودي اشوف العنود معاها اخو
ام سيّاف :ولله انكم بدال ما تخففون علينا زدتونا هم انا خلاص من بكره بدور لسيّاف عروس
ام احمد :ما يفيد ترا ما يفيد احمد دورت له اجنبيه وعربيه حجازيه ونجديه وسبحان الله ما طاح قلبه الا على ترف خليه لين هو يدور ويلقى
ام سيّاف :اووه اما سياف اوه ماهو قد البنات ولا شي مغير بين النياق
ام سطام تضحك :شكله اخر شي بيتزوج ناقه
ام سيّاف تضحك :ولله شكلها الخطه كذا بدور له وحده بمواصفالت الناقه
...
الهنوف :هاه بشر سحبوا دمك وانت جيعان دخت ؟
وافي :انا بنام وجوالي عندك اذا دق جيبيه وصحيني
الهنوف :ما تبي اكل ؟
وافي :ما ابي شي كلها ساعه واقوم واذا جيت نطلع نتعشى قولي لخوياتك
الهنوف :وقف
وافي :هاه
الهنوف :روح غرفه نايف عشان الحمام منفصل ما ابيك تزعج البنات
وافي :طيب جيبي بطانيتي
الهنوف :تلقاها هناك قبلك
دخل وافي غرفه نايف الا ريوف فيها
وافي طلع ويكلمها من ورا الباب :شتسوين هنا ؟
ريوف :كنت ابي الحمام
وافي :انا بروح وانتي اطلعي ...ولا تنسين تشغلين المكيف
ريوف :طيب
بعد ما طلعت ريوف دخل وافي الغرفه لقي دفتر نايف الي يكتب فيه اقتباسات مفتوح على صفحه مكتوب فيها((انك شيء جميل في حياتي لدرجه انني اود الحديث عنك دون توقف لكنني اكتم مخافه حاسدٍ سيرى لمعه حبك في عيني وسيسمع نبض قلبي فيوسوس له قرينه ان يدخل بيننا ويخرب شيئاً لم يبدأ بعد ،اصبحت اراقب حديث الناس بصمت مخافه ان يزل لساني فأُفصح بك ،أصبحت اسكت لكي تبقى سري الجميل الذي يسلب فكري في كل وقت فأن رأيتني مشغولًا عن الناس فأن طيفك هو مُشغلي ،انت سري الذي اسند له كتفي كل ليله ونسامر القمر سوياً اتخيل واتخيل واحلم وافكر واكتب وامحو حتى الفجر.))
ضحك وافي وصور الصفحه وارسلها لنايف وكتب :لقيتها تفتش ذا الدفتر
نايف :كيف ؟
وافي :بنام بغرفتك عشان ما ازعجهم ولقيت ريوف بغرفتك فاتحه دفترك على ذي الصفحه
نايف :يعني تعرف ؟
وافي :يعني اكثر من انها تعرف وش يوديها غرفتك وتفتش اغراضك
نايف :مدري يمكن بالغلط دخلت
وافي :يا رجال متربيه ببيتنا كل جمعه عندنا للحين ما حفظته ؟
نايف :أخاف افرح وتطلع تحليلاتك غلط
وافي :اي بس قاعده تقرا دفتر اقتباسات حب انت كاتبه وفيه مليون دفتر غيره ومتنحه بالصفحه وتبتسم مستحيل تكون ما تكون تحبك
نايف :واذا تحبني يعني واذا تحبني ؟ لازم اخلص دراسه واتوظف وهي تخلص دراسه وتتوظف واشتري وبيت ونتزوج والحياه صعبه بما بنتزوج الا بعد الثلاثين
وافي :ابوك تاجر لو تترك الدراسه وتشتغل معاه بتطلع اضعاف
نايف :ابوك تعرفه ما يبي يدخلنا معاه بالتجاره لين كل ابواب الدنيا تقفل علينا بحجه انه نتعلم المسؤوليه
وافي :خلاص انت الحين اضمن البنت ما بتقبل واحد غيرك وبتنتظرك اكيد لو بعد ١٠٠ سنه
نايف :يصير خير
وافي :أنت سري الذي اسند له كتفي كل ليله
نايف :يالييل الحين ذا وش يسكته يا ويلك تفتح باقي الصفحات ولا تلمسه ولا تقفله ولا شي خلاص اخاف تلوثه بيدك القذره
وافي :طيب خلاص ولا يهمك
قفل وافي جوال وجلس على السرير يفكر بأخر كلمه قالها نايف صح هو يمزح بس الكلمه اقرب للحقيقه يدي قذره وانا من دخلتها بذيك القذاره ،المفروض ابعد عن الناس كلهم مو بس الدفتر ذا واخر شي انهى فكرته وقال :اعوذ بالله من الشيطان الرجيم
دخلت الهنوف :صليت العشا
وافي :اي صليت بالمستشفى
الهنوف :تمام
...
ابو خالد :مدري وصلوا البنات
ابو سطام :اي وصلوا على صلاه العشا
ابو وافي:هم بالبيت ولا طلعوا ؟
ابو سطام :بالبيت باقي
ابو احمد :انت وش دراك ؟
ابو سطام :بناتي بناتي ثنتين كلهم هناك
ابو وافي :صل عالنبي وش مزعلك
ابو سطام :اللهم صل على النبي ماني زعلان وانا اخوك
ابو وافي :اجل
ابو سطام :الشغل متوتر شوي
ابو سيّاف :وش عليك انت متقاعد
ابو وافي :اخوك وتعرفه لو ما تقاعد احسن له
ابو سطام :بروح اتمشى احسن لي
ابو خالد :لا ترجع وانت زعلان ولا مردغتك
ابو سطام يضحك :ان شاء الله
...
بعد ساعه
الهنوف :انت نايم ؟
وافي :ما مداني انام
الهنوف :تحليلك جا اذا بتروح
وافي :بقوم
مشى شوي ووقف قال :اذا تبون تطلعون تجهزوا لين اجي
الهنوف :طيب
بالمستشفى
وافي :هاه يا دكتور وش فيه ؟
الدكتور :عندك جرثومه المعده مش خطيره لكن هعطيك تعليمات تسير عليها لبعد شهرين وتجي مراجعه تانيه
وافي :ابشر
الدكتور :اللحم بأنواعه ما تاكله مطلقًا
وافي :افا العيد قرب
الدكتور :اه والله العيد قريب واللحم حلو اوي بالسعوديه ومندي وحركات لكن صحتك اهم لو اكلت لحم هتغذي الجرثومه وبالتالي هتحتاج عمليه
وافي :خلاص تمام
الدكتور :وهصرف لك دا العلاج تاخده كل يوم بعد الاكل لمده شهرين برضوا
وافي دق جواله :بعد اذنك
الدكتور :خذ راحتك هكتب لك باقي التعليمات بورقه
وافي :يعطيك العافيه
الدكتور :واجبنا
طلع وافي يكلم :الو
ابو سطام :الو كيفك
وافي :تمام
ابو سطام :سمعت انك تعبان
وافي :اي بس مين قال لك
ابو سطام :مصادري الخاصه
وافي :تراقبني ؟
ابو سطام :انا واثق فيك مستحيل اراقبك
وافي :كيف عرفت اني مريض قالوا لك البنات صح؟ انا قلت لهم لا يقولون لأحد
ابو سطام :لا حول البنات ما علموني يا ويلك تسوي لهم شي
وافي:يا سلام تراقبني وتحذرني اسوي للبنات شي كأني قاتل كل ذا وانت واثق فيني ؟ وش بقيت للي ما يوثقون
ابو سطام :وافي لا تخليني اجي الحين عشانك تحكم بأعصابك
وافي :متحكم انا بس كلامكم ما تحسونه ثقيل ؟ ما يأثر فيك لما واحد يقول يدينك قذره ولا واحد يحذرك تأذي بنات عمك وهو ما قد شاف منك اذى ما يأثر
ابو سطام :لحظه تكلمت مع مين
وافي :محد
ابو سطام :لا تقفل لين تجاوب على سؤالي ولا بجي اكلمك وجه بوجه
وافي :نايف تكلمت مع نايف اخوي رحت بنام بغرفته وقال لي لا تلمس اغراضي بيدك القذره
ابو سطام :مستحيل يقصدها نايف ما يعرف شي يمزح معاك
وافي تسند على جدار المستشفى :ليش لازم اتحمل كل شي انا تعبت
ابو سطام :لأنه خطأك انت ما فكرت بعواقب الي سويته ولازم تتحمل كل شي الي حولك مالهم ذنب كلهم مالهم ذنب
وافي :يعني انا المذنب صح ؟
ابو سطام :واذا مذنب وش بيتغير عادي حتى آدم ابو البشر كان مذنب
وافي :بيتغير كثير
ابو سطام :انا اقول اذكر الله ولا تفكر كذا كلها كم شهر وبتعدي وترجع تعيش طبيعي لا من شاف ولا من درا
وافي :لا اله الا الله ...يلا انا بقفل البنات يبون السوق
ابو سطام :الله معاك
...
الهنوف :يلا بنات وافي يدق
غيداء :لحظه بس بعدل البلشر
ملاك :عدليه بالسياره
غيداء :لا لازم هنا بالنور عشان يبان حلو
ريم :انا جاهزه بطلع
الجازيه :انا معاك
ملاك :انا بطلع اخر شي عشان ابي عند الباب
بعد ما طلعوا السياره
وافي :هاه باقي احد
الهنوف :لا
وافي :ما بغينا وش تبون المطعم
ريوف :شيك شاك
زينب :لا ما احبه
وافي :اذا بتتهاوشون يالمراهقات انا بختار
ريوف :اصلًا ما كنتم بتجون لولاي انا يعني المفروض تاخذون رأيي
الهنوف :نسوي تصويت ؟
البنات :ايوه
الهنوف :كل وحده تقول المطعم الي نبيه وندور العجله
وافي :لا حول
الهنوف :مين قال لك ترضى
وافي :وحده جلست تترجاني اسمها يبدا بحرف الهنوف
الهنوف :يا حبيبي انت اسفه خلاص بس تحمل شوي بنختار
وافي :وش رايكم نستعين بصديق ؟
الهنوف :كيف ما فهمت
وافي :ندق على نايف يختار لنا
الهنوف :الله حبيت الفكره
وافي :دقي وحطيه سبيكر
الهنوف :الحين يارب يرد
نايف :الو
الهنوف :الو انت الان سبيكر وبسألك سؤال واحد لازم تجاوب بكل مصداقيه
نايف :وترتيني وش السؤال
الهنوف :وش افضل مطعم بالنسبه لك
نايف :شيك شاك
ريوف ابتسمت ووجدان دقتها قالت :سبحان الله صدق الارواح جنود مجنده
وافي :نايف بسألك
نايف :هلا
وافي :يبيعون سلطه
نايف :اتوقع ليش ؟
وافي :مشتهي سلطه اليوم بس
نايف :يلا مع السلامه انا بروح اتعشى
الهنوف :مع السلامه
اول ما قفلت المكالمه ارسلت له :تدري ان ريوف من اول اقترحت شيك شاك ؟
نايف :انا قلته لأنها هي تحبه
الهنوف :احس نسمنسمسمسننسسم مره كيوت كيف كذا تعرفها يارب تتزوجون بسرعه
نايف :وش يعني نسنمنسميم
الهنوف :شي يعبر عن الكياته
نايف :امين للدعوه الاخيره كثري منها
الهنوف :ما عليك
بعد العشا
وجدان :الحمدلله الذي اطعمنا وسقانا الحين نبي تسوق زين توني اشوف الدنيا من اول احس اني دايخه من الجوع
الجازيه :عاد انتي ذوقك اصعب ذوق
وجدان :ذوق ملاك عجبني ابيها تختار لي
ملاك :اول مره اتسوق على الواقع من اول كنت اطلب ممكن ما يعجبك
وجدان :عندك اسواق حلوه زي المواقع مثل برشيكا وزارا واتش اند ام
ملاك :نشوف
غيداء :انا مستحيل اشتري من غير زارا خلونا ندخل اول واحد هو
وافي :انا بقابل خويي وانتم خذوا راحتكم اذا خلصتم دقوا
الهنوف :متأكد خويك ؟
وافي وراها المحادثه :ايه ذا خويي عندك شك بشي لا سمح الله
الهنوف :ولا شي قلت يمكن ...
وافي :ولا يمكن انتي عقلك مضروب ما ابي اسمع خيالك ولا افكارك ولا شي
الهنوف :وجع
وافي :الوجع كله ببطني
الهنوف :حبيبي انت اسفه
وافي:خوياتك دخلوا السوق الحقيهم
دخلت الهنوف وسألتها ملاك :وين بيروح وافي ؟
الهنوف :يهمك وين بيروح ؟
ملاك ترددت وودها تقول كلام كثير لكنها قالت :اي يهمني
الهنوف :من اي ناحيه ؟
ملاك :افف من ناحيه ابي اخلص بدري عشان ارجع البيت ليش انتي متشفقه كذا تبين تزوجين اخوانك
الهنوف :لاني ابي اصير عمه ابي اشوف عيالهم
ملاك :دوري غيري
الهنوف :مستحيل القى احسن منك
ملاك :ما جاوبتي سؤالي وين بيروح
الهنوف :بيروح مع خويه وليد
ملاك :طيب تمام
مسكت جوالها وراسلت احد
زينب :ما عجبني المحل هيا نطلع
وجدان :نشوف غيره
ديم :منجد مو حلو ... ملاك انتي عجبك ؟
ملاك:هاه ...لالا يلا نطلع
...
سطام :شفيك انت ماسك الجوال لا يكون ؟
ابو سطام :وش ؟
سطام :فيه وحده
ابو سطام :انقلع ولا تشوف الي ما يعجبك
سطام :وش
ابو سطام :امردغك هنا
سطام :ليه ما تخلوني اروح مع وافي
ابو سطام :مو لازم تروح
سطام :ابي اروح الرياض
ابو سطام :رح نم الحين بكره بتفتحون الدكان من بدري
سطام :بدري بدري ؟
ابو سطام :تصلي وتفتح حتى قبل ما تاكل لقمه فطورك بتاكله فيه
سطام :ليش كذا
ابو سطام :روح بدون ولا كلمه ولا بكره اقومك بالانذار العسكري
سطام :لا لا يبه خلاص
ابو احمد :لا تقسى عليه
ابو سطام يضحك :الله يهداك ماهي قسوه هذي ابي اعلمه الشغل عمره ٢٧ وللحين ما اشتغل
ابو وافي :مره هو ووافي مدري وش استفادوا من شهايدهم شكلنا بنردهم للدكان ونخليهم يتاجرون
ابو خالد :يا خوفي ينافسونك يابو وافي
ابو وافي :خلهم ينافسوني اهم شي يشتغلون بالحلال
ابو سطام :اي ولله
...
ديم :اول مره اشتري فستان العيد بسرعه
ريوف :منجد حتى انا استغربت منك
وجدان :انا مثل دايمًا ما يعجبني شي
غيداء :السوق كان مره حلو احترت وش اختار
زينب :انا اخدت الي انتي اقترحتيه مره حلو بس بجربه
ملاك :احس التسوق كذا ممتع بس متعب
الهنوف :منجد وانتي مره ذوقك حلو الاسود عليك بيطلع يجنن
الجازيه :مدري كيف ملاك يلبس اسود
ملاك :البس ابيض يعني
الهنوف جلست على السرير :ياليت
ملاك :اعرف بأيش تفكرين ومستحيل يصير
ديم :وش رايكم ننام احس تعبت مره
الهنوف :ترا الحمامات ثلاث اثنين تحت وواحد بين غرفتنا انا ووافي
بعد ما ناموا البنات ملاك كانت على الجوال وجتها رسالها خلتها تقوم وتطلع راحت عند غرفه وافي وصارت تتسمع على الباب شوي وقالت :مافيه صوت شكلي بفتح
وافي طلع وراها :جربي
ملاك: بسم الله
وافي: وش جابك هناك وليش تراقبيني ؟
ملاك :ما اراقبك
بنفس اللحظه الي قالت كذا جاها اشعار
وافي ضحك :الحين فهمت عمي مخيك تراقبيني صح
ملاك :لا
وافي :عطيني جوالك اشوف ...