جمال : مثل مسمعتي باجر عرسج
رزان : بس اني ماريد اتزوج
جمال : راح تزوجين وغصباً عنج
روان : مراح تزوج
الهام : شبيك جمال ممحظرين اي شي بعدنه
جمال : لتخافين محضر رجلها كلشي حجيت ويه ابو واتفقنا على كل شي وتنجب وتروح اخلص منها على كلبي كاعده
طلع من صاله وخلاهم بحيره
كعدت رزان تبجي وروان متعرف شتسوي والهام هم تبچي وانكلبت مناحه
روان : يمه احجي ويه رجلج مستحيل تزوج رزان باجر وما اقبل والله اسويها عزه عليه لو اني لو هوه
الهام : لج شحجي ويا مشفتي شلون يحجي يهددنا
رزان : ماتزوج يمه عفية ماريد امير لا احبه ولا يحبني شسوي بي بعد ماريده الله عليج جربي احجي وية جمال
روان : هو من البدايه قبل هسه ميقبل ؟ اكيد راح يزوجج وبهيج حاله لازم نشوفلنا حل
الهام : هذا الرجال فد يوم يموتني من القهر الله ينتقم منه ويساعدنا
طب فراس يضحك : مبرووووك منية حنخلص منها باجر
روان : انت انچب و ولي مناا
فراس : انتي انجبي هم اني الج هسه هم اشوفلج حل واخلص منجن كلجن .. كلكم مصيركم مثل بنان ههههه ما عدا رزان حتزوج شوية بأصول
الهام : فرااااس اطلع
جانت رزان كاعده وتباوع وتبچي ومحجت ولا كلمه
روان : اصول بعينك حيوان امشي منا وخررر
فراس : اي حوخر واخليج تنبحين
روان : ماكو غيرك ينبح الله ياخذك ونخلص منك ورا ابوك
فراس : بسيطه روان واني حذرتج
رزان " تبجي " : روان عوفي
فراس : تؤ تؤ يا عيني شوف شلون تقهر كلبي انكسرر
رزان : الله ينتقم منك
فراس : هههههاييي لتضحكيني
يلا عيني خل اروح اشوف الدنيا وانتن ضلن اتلاطمن
بجت رزان : عفيه شلون والله ماكدر شلون زواجي باجر
وكفت روان بحيرة وهي تكول : لازم نلكى حل
.............................
بنان
كعدت العصر ساعه 4 الغرفه كُلش بارده من السبلت
واني مطفية ونايمه باوعت لكيت فهد نايم بالكاع وجايب فراشه ونايم
هسه هذا شلون نايم بهالبرد شنو ميكول بارده صخام
كمت جبتله بطانيه وغطيته وجبت شالي وطلعت
رحت لغرفة ريم
بالعاده اني وريم ميانه كلش وماعدنا رسميات ف دخلت للغرفه عادي
بنان : هاا ولج شعندج كاعده
شفتها ارتبكت وهم ضمت شي وراها
ريم : ما اجاني نوم
بنان : ها ها ريم لتغيرين الموضوع شنو هاي شضامه وراج يلا يلا كولي
ريم : شنو مضامه شي
بنان : لتحاولين تجذبين علية ريم مو شفتججج هسه عادي واذا واحنه خوات وصديقات
ريم : داكلج ما ضامه
ضحكت الطف الجو وياها ضليت ادور من وراها وهي تعيط ماكو شي وتدفع بية واني ضاله اريد ادور اخر شي
حسيت صارت ب ايدي مثل ورقه صغيرة ضحكت وسحبتها اباوع لريم دمعت
شفتها لكيتها صورة !
شنو هاي صورة مؤمل .. باوعت عليه زين وركزت اي هو مؤمل لا غير والصوره شحالها عاد مشككه و لاصقتها
بنان : منو هذا ؟
سحبتها مني بسرعه وهي عصبية: بنان كتلج عوفيها ليش اخذتيها هاا كتلججج لتاخذيها جيبيها
باوعتلها بصدمه : اوك عادي مصار شي
ريم : شنو مصار شي جان شكيتيها ؟؟؟
بنان : هي الصوره هلكد مهمه ؟ صورة مؤمل شنو ليش يمج
باوعتلي وعيونها مدمعه : عوفيها وانسي شفتي هالشي
ابتسمت الها : انتي خايفه لا اكول لفهد
سكتت
بنان : والله يا ريم شنو هالافكار العندج كتلج احنه خوات وصديقات حيل .. تخافين مني ؟
باوعتلي وبچت وكعدت : بنان شكلج ها والله صعبه حيل
رحت كعدت بصفها وكلتلها : اي سولفيلي خلي اعرف اني ممفتهمه ولا شي
ريم : مادري شلون اكلج بنان خايفه هذا الموضوع ضامته صارلي مدة طويله محجيت لاي احد
بنان : تمام وهسه احجيلي مو احنه صديقات
تنهدت باوعتلي وعيونها كلها دموع : اني احب مؤمل
بنان : شنو من شوكت ؟؟؟
ريم : من زمان بنان من زمااان .. هذا مو حب مراهقه ولا شي مؤمل غير والله اتمنى تفهميني اني احبه بس مادري هو يحبني لو لا ؟ هو اصلا مشايفني بس مرتين ! بالعزيمه واليوم
فتحت عيوني بصدمه : ولج هسه تسولفيلي شلون حبيتي وشلون شفتي يلا طلعي زبده بعدين ليش هالبجي كله
ريم : ماعرف مشاعره تجاهي
بنان : حب من طرف واحد ؟
ريم : مادري بنان والله مادري
بنان : تمام اهداي .. من شوكت حسيتي انتي تحبيه ؟
ريم : من زمان تقريباً سنه او اكثر
بنان : يا يا ولج ومادري .. بس والله صراحه مؤمل ما ينعاب ولد ومحترم واخلاق .. تعاي كليلي شنهاي المرتين الشافج بيها ها ؟؟؟
باوعت ريم بتوتر : هيج
بنان : احجي عيني احجي
ريم : بالعزيمه المرة الأولى
بنان : عزااا والله عرفت واني شفت وضعج مو طبيعي كلت بيها فدشي هالبنية ديلا احجي شلونه اللقاء جان
ريم : اي بهذاك اليوم جان شوية صعب .. شافني من جنت وية اخته اسيل بالمطبخ اساعدها ف هي كلتلي حروح ابدل ملابسي تنكعت ف اني وكفت اشرب مي جان اشوفه واكف باب المطبخ وصافن علية كلت اكيد اتخيل
بنان : بس طلع حقيقي
ريم : هههههَ بالضبط واني من شفته وكع الكلاص وانكسر مني ولزمتني الرجيفه وهو راح وجتي اخته اسيل واني رجعت كبل هناك يمكم
بنان : اي عيني اي احجي
ريم : أي وهو اليوم رجعت اني وحدي شو اشوف وراي سيارة تمشي واني خفت بعدين وصل يمي ونزل جامه وكلي انتي ريم اخت فهد كتله اي كلي اصعدي اوصلج بطريقي واني مقبلت وهذا الحجي جنت احجي وكلبي يريد يطلع من مكانه حتى مباوعت عليه كلت خاف ابجي
ضحكت بنان : تبجينننن ! مو لهدرجه
ريم : لا لهلدرجه و بالاخير صعدت غصب عني واني خايفه وهو يلح وصراحه نرفزني لج مستفز
بنان : مثل فهد جا همه من زمان عشرة عمر ونفس الطينه مستفزين
ريم : اي وصلني للفرع وراح مدري وين لج بنان احس صاعده وهيج ادمععع مدري شجاني
حضنتها وكلتلها : شوفي مادري شكلج اني بس حاولي تغيرين جو انزلي جوا يم بيبي و خاله امج سولفي بلكي تتبدل نفسيتج تنسي
ريم : اذا انساه بالنهار بالليل شيصير
بنان : كئبتيني
ريم : لعد اني شكول
...............................................
العصر / بيت فهد
الكُل مجتمع بالصاله وكاعدين ما عدى فهد ما هوا
همام : شنو وين فهد شو ماهوه ؟
ياسر : علمي علمك عمي
بنان : مادري اني نزلت وهو نايم
محمد : خلي هم تعبان وشغله صعب
رحاب : اي خطيه
زوزو : صدك ريم هاي شيصير بهالمسلسل بالاخير
ريم : لا زوزو مو احرك عليج الأحداث
زوزو : حركي عادي چا غير اريد اعرف
ريم : اي مو خاف تضوجين من اكول
زوزو : لا لا ماضوج بس كولي
ريم : البطل يموت والبطله تموت ورا
زوزو : لاااااااا خطيهههه ولج هذا الصاك يموت خطيه والله
ريم : هي شنسوي بعد
مريم : ها زوزو من هسه حضريلج كلينس وحطي يم مخدتج
بنان : لا خطيهه لعد لتكملي بيبي طلعي غير مسلسل
مريم : متعلقه بهذا المسلسل هههههههَ
زوزو : مو حبيتهم بعد بيبيتج
بنان : يلااا ععادييي قابل ماتوا صدك هوه تمثيل
همس همام لياسر : ياسر اشوفك متأثر حيل اليوم مو من عوايدك تسكت
ياسر : شو اني من احجي تكولون انجب ومن اسكت مو من عوايدك شتريدون
همام : صوتك لك نصي هذا حديث خاص
ياسر : اي اي عمي شسوي يعني .. غير ما شفت رواني
همام : حقك خوية الحب وافعاله بس مرات افكر اكول هذا ياسر هم وجه حب
ياسر : اي اكيد وجه حب غصباً عليك انت لو تشوف نفسك فد معقدددد ماعتقد اكو وحده تقبل بيك وتحبك يالمثقف يالمحاميييي
همام : ابوي كاعد شوية الزم لسانك الفالت ولتخليني اغلط عليك خوش ؟
ياسر : هيهيهيهي ما تغلط عمي ولك انت شكد مؤدب ..الله وش هالاسلوب امانه من وين متربي ؟
همام : شلون راح اهفك على وجهك حيوان
ياسر : صدك عوف السالفه شرأيك اليوم نروح كوفي بالليل وهاي نلعب بلياردو و نركيلهههه و نجيب ويانه احمد واذا تطلب الأمر ناخذ ويانه حسن نتونس لو نخابر على مؤمل وصدك اذا ناخذ فهد يخرب كل الطلعه وما استبعدها يكتلني بالكوفي
همام : لتصير جذاب بس يونسنا ترى اني عني اخذه ويانه ونجيب احمد ومؤمل وحسن وكلنااا يعني
ياسر : كلبي رهيف جيبه عمي
همام : خوش فكره والله
ياسر : شعبالك عمي احمدو ربكم علية اني ابو الأفكار اصلا لو مو اني هذا البيت يضيع
همام : كافي حميت زايد بعد اخوك
@@@@@@@@@@
بنان
ضليت كاعده جوه العصر و الفهد ما نزل .. ضل بالي وكلت خل اصعد اشوفه
فتحت الباب وطبيت لكيته واكف بنص الغرفه وشايل اوراق وديخابر .. عفته براحته ورحت كعدت واني اباوعله .. شبي متغير هالايام وكأنما اكو شي شاغل باله مو طبيعي كلش متغير حاله .. شفته سد الاتصال واندار علية وابتسم
فهد : هَها بويه شبيج صافنه
بنان : مادري
فهد : هو شنو المادري " غمز وكمل " شبيييج احجي خاف حبيتيني كل ماشوفج صافنه عليه
ضليت صافنه بوجهه وجهي عطب من الخجل
" بس حجيت بثقه " : مصدك نفسك كُلش سيادة الضابط
فهد : اي اي مصدك نفسي ها صدك بنان يعني لتنسين احنه عاقدين وأنتِ بأعتبارچ احمم حلالي ترى .. بس شوفي اني شكد ولد حباب وما مسويلج شي
بنان : سد الموضوع
فهد : ليش اسده دنحجي مثل الاوادم
بنان : ياخي انت تخوفني من هيج تحجي ومدري تتغمز
شو هذا مدري شبي ضل يغمز ويحجي : اخوفج ها اخوفج اي چا عادي خل اخوفج
بنان : اذا انتَ تخوفني لعد اني بيمن احتمي من بعدك ؟
ابتسم وكال : رح ترجعين الي ، وراح احميچ بكَلبي مني
بنان : تدري انوا مبقالي اي احد بس انت حتى ترجعني
فهد : واني عند وعدي .. مو فهد الي ينطي كلمه وميسويها
بنان : ما انسى .. انت طوق نجاتي
وكف وهو يباوعلي بنظرات معرفتها شنو .. كلشي غريب بهذا الإنسان نظراته .. أسلوبه .. حتى شكله .. بعدين رجع طلع لابتوب وكعد يشتغل عليه وأوراق يمه مطشرة وكلسع واحد داك عليه تلفونه ميطفى
............................................
رزان : شدتحجين روان مستحيل
روان : انجبي هوه شنو المستحيل تريديني اعوفج تزوجين واني اضل صافنه شلون كاعده تدمر حياتج
رزان : اوك عساس اني اريد ازوج بس هل حل مستحيل تدرين شنو اذا عرف جمال او لزمنه يموتنه يموتنه
روان : يموتنه و لا نعيش بهل ذل بس مره امشي ورايه
الهام : روان فهمي اوك نهزمنه وبعدين وين نروح
روان : هوه شنو وين نروح اليوم نطلع الفجر الكل نايم اني وانتي ورزان وانتي مو عندج اخت نروح يمهاا احسن متزوج رزان وتدمر حياتها
الهام : مو حل هذا روان لتصرفين بطيش
روان : بس عفيه بس هل مره سمعوا كلامي وشوفي والله محيلزمنه وحنعيش هناك يم اختج لحد مندبر امورنه احسن من نبقئ ونشوف رزان تدمر حياتها بس انتي دتفرحين مو دتشوفين شلون وحده وره ثانيه جمال كاعد يدمرهاا اذا خلص من روان حيجي عليه وبالأخير شنوو يعني حنستفاد شي ؟ لا
الهام : ما ادري شكلج ما الومج كل الي دتكولي صح بس هم اختي مو تكولين وحده هم عدها جهال وزوج
روان : هوه بس كم يوم لحد مندبر امورنه
رزان تبچي : كل الي ديصير بسببي
روان : لا مو بسببج بسبب جمال بس تبعوني هل مره
الهام : هل شي غلط بس مادام هل شي حيخلص رزان فأني وياكم هسه ادك علئ احلام احجي وياها
روان رحت بستها من راسها وگلت : صدكِ هل شي مو غلط صح مو بس رزان حتخلص حتئ احنه حنخلص
الهام : والله انتو صح مو من دمي بس والله اعزكم اكثر من روحي احبكم ما اكدر اشوف الي ديصير وابقه صافنه
رزان : والله احنه هم نعزج ونحبج
روان : ديلا كافي دراما خلي نفكر شلون نشرد
رزان : وين نشرد
روان : هوه وحده من الاثنين لو انتي ثوله لو ثوله بابا شبيج مو صارلنه ساعه نمسلت
........................................
بنان
صعدت فوك وهم جان الكه فهد متمدد علئ الجربايه وعلئ الابتوب شنو هذا نهار كله كاعد يشتغل
بنان : فهد
فهد : عيون فهد
بنان : عيونك ؟
فهد : وگلبي هم
بنان : هااا
فهد : وجعاا انتي مو مال غزل
بنان : فهد شبيكك
فهد : سلامتج مابيه شي شتريدين
بنان : انت شنو نهار كله كاعد علئ لابتوب شنو هل شغل المهم الي شاغلك .. حتى متنزل جوا كله هنا
فهد : شنو اظاهر ضجتي تريديني اكابلج
بنان : لا مو هيج قصدي
فهد : لا لا تعاي شوفي شنو هل شغل تعاي تقربي شوفي
تقربت علئ نياتي ورحت داشوف اشو هذا بحركه سريعة كلبني وصرت جواه هوه فوكايه وانفاسه صارت بوجهي
بنان بتوتر : فهد شبيك وخر
فهد : وين اوخر
بنان " بعصبية " : فهد شبيك وخر وخررر
فهد : مو تريدين شوفين الشغل هوه هذا الشغل
بنان " دمعت عيونها " : كتلك وخر انت مجاي تفهم وخرر
فهد " يضحك باستفزاز " : ليش چا انتي مو حلالي
بنان " بدت دموعها تنزل وتعيط " : فهددد وخرررر عليك الله شبيك وخرررر
فهد : تؤؤؤ
اشو هذا اخذه الواهس وخله وجهه بركبتي ما ادري شعوري بهل لحظه .. تذكرت فراس النكس الله ياخذه كرهت الكل بسببه عطت عليه وادفعه ميندفع و ديسويها قصد هيج يستفزني وبهل لحظه وجان يدك الباب طفر وكام فهد من فوكايه
فهد : هذا يا كلب ابن كلب
راح فهد فتح الباب
فهد : خيرر شكووو شتريد
ياسر : شبيك تعال داكلك امشي نروح للكوفي اني وانت ومؤمل وهمام واحمد وحسن
فهد : من دنعل ابو الكوفي شبيك وانت ملكيت غير هل وكت اله تجي
ياسر بنظرات خبيثه : لحظه لحظه شتقصد ليش شجنت تسويي هااا
فهد : انجب وليي
ياسر : اظاهر قطعت عليك شي
فهد : ولي ياسر احسلك هسه اجي يلا
وسد فهد الباب بوجهه
ياسر بصوت عالي وضحك و گال : كمل عمي كمل قاطعناك عود مو ياخذك الواهس وتضل تعال حتئ نولي
فهد بصوت اعلئ : مو اجي اطيح حظك حيوان
بنان : كله من وراك
فهد : هوه احنه شسوينه وغمز "
بنان : لا خطيه شسويت
فهد " ابتسم وهو يحجي " : اي كلشي مسويت
درت وجهي عنه ورحت كعدت بعيد عنه واباوعله وهو هيج يضحك وينرفز الواحد
فهد : حضريلي ملابس لان حطلع وها صدك ترا ريحة شعرج تخبل
بنان : منا ورايح اخلي بشعري ثوم تصير الريحه اطيب
غمز وكال : اي تصير تجنن
فهد " كمل " : روحي حضريلي ملابس بويه واذا متريدين اروح عادي اضل هنا يمج خاف تخافين يعني
بنان : لا ماخاف
فهد : اها خوش لتخافين احسن شسويلج انتي الخسرانه
بنان : هسه شنو اخاف غصب
فهد : تمام تمام على كيفج شهل الاعصاب
بنان : ححضر ملابسك وروح لتخليهم ينتظرون
فهد بضحكه عاليه : اي اي اروح بس ارجع
بنان : ايي
.................................................
زوزو : شبيك ولك ليش تعيط
ياسر : ها لا ماكو شي بس داصيح فهد وظاهر قطعت عليه شي
زوزو : ولك انجب طايح الحظ
همام : ها ها شتقصد
ياسر ضحك و گال : افهمها مثل متريد
رحاب : انجبوا قليلين ادب معليكم بفهد
ياسر : هسه شحجينه قابل كلنه شلون ..
داحجي قاطعته رحاب
رحاب : ولك عزاا انجب مو كاعده اختك
ريم : اي مو اخته ثوله عمرها سنتين
همام ضرب ريم بالمخده : مو اكوملج ولج
ريم : اي هيه هاي الحقيقه كلشي وكلتوا كاعده اختك مو اخته ثوله متفهم
همام : ما شاء الله ونعم من اخلاقج العاليه
ياسر : كرت عين امج وابوج علئ هل تربيه
ريم : شكرا شكرا
همام : مو اكوملج عائله زايحتها المستحه
ياسر : اي وانت اول واحد زايحته المستحه
ريم : جرب حتئ فهد يطيح حظك
همام : من امداج وامده فهد وامده اخوج ياسر العار
بهل اثناء نزل فهد
فهد : هاي عليمن امداك ظاهر جلدك يحكك
همام : هااا لا هاي علئ ريم وياسر
فهد : انجب ريم تاج راسك
ياسر : اي واني ابن البطه سوده
فهد : انجب انت تستاهل صاير ارعن
ياسر : حبيبي والله اشكرك
فهد : انلصم
ياسر : انلصم ؟ العتب مو عليك عليه اني جايبك
فهد : هو شنو جايني اصلا انجب وامشي يلا كدامي لا اكتلك كتله اخليك تَوب وأخلاقك هاي الزفت عدلها عقلك مال زعاطيط ولا كأن مهندس
ياسر : اوكف اوكف أخذ نفس سيادة الضابط
فهد : اني الك ياسر خل نرجع
ياسر : جا هو بس أنت ناقصني تهي بهي .. صدك دك علية احمد كال اني كاعد انتظركم
فهد : مؤمل ساعتين يلا يجي يطلع الروح بتأخيره
همام : امشوا امشوا نروح صدك ياسر انت متسوق لتروح تسوي بينه مصيبه انت وهاي سياقتك
فهد " باوع لياسر " : اني اسوق اليوم
ياسر : اي اي سوق انت اذا انتي كلشي ونابص نفسك انت وحمام
فهد كفخ ياسر : شبيك انت ولك شو متحجي عدل
ياسر : لعد اني شداحجي هندي
همام : اهوووو شبيكم راح تخلوني اعوف الطلعه هاي وأولي انام .. صدك حسن وينه شو هذا نسيناه القندره الرابعه
فهد : انت هم اخلاقك زفت اخوك شكبره متزوج عنده طفله تكول عليه القندره الرابعه بسيطه انتوا الاثنين اني الكم
ياسر يقلد : اوي اوي اني الكم شو دوخرو حروح لحسن اشوفه وين مطمور .. بالعسل مطمور مثل الاخ الجبير
فهد : شلون راح اكتلك اليوم اصبرلي
صعد ياسر ع حسن فوك وهو يدردم
يعني ماكو احد بالبيت غير ياسر ياسر غلطان ياسر اخلاقه زفت يعني هسه وين اكو واحد اخلاقه عدله والله همه عدهم نعمة جبيره بس محد مقدرر طاحضهم اي والله ..
دك الباب ع غرفة حسن : ولكككك اطلععععع حسنننن
هجم الباب وهو يدك ويعيط : اطلععع حنروح ونعوفك معلينهههه ترى مو تحجي شووووف رااااح اروووح
فتحله الباب بعصبية وطلع : انت شوكت تجوز من هاي حالتك
ياسر : على كيفك اخي في الاسلام يلا مصار شي ينتظرنا جوا فهيدان وحمام وهسه انت امشي يلا
حسن : دنجب انجب هجمت الغرفه الباب انقلعت
ياسر :عميييي امشييي شبيك هسه شصار
حسن : يلا وليي هسه اجي
@@@@@@@@@@@
ساعه 9 بالليل كاعدين الجماعه بالكوفي كلهم ملتمين كلواحد جايب نركيله ودك سوالف
ياسر : انصحونا انتوا المتزوجين شلونه الزواج بالله
احمد " همس " : انجب شهالحجي
ياسر : أحسك صاير مؤدب يا سرسري يا ابو النسوان
احمد : يا مؤدب جا غير خايف من هذا اخوك ضابط بس يخوزر
ياسر " همسله" : انجب انجب ميسوي شي بس هوه هاي طبيعته
مؤمل : شلونه شغلك حسن
حسن : زفت صراحه والمدير حاط دوره ودوري مادري شبي والله احسه مريض نفسي
مؤمل : اي معليك بالمدير هي اهم شي الفلوس ههههههه
فهد : شو انجب حياتك كلها فلوس فلوس فلوس
حسن : ياسر شبيك مكلوبه الخلقه
ياسر : اوفففف حسونه
حسن : انجب لك
فهد : شوف هذا الثاني طلعنا جاي هنا كله تلفون يعني زوزو ابد متنلام بيك من تكول معقد
همام : سولفو هسه اني يمكم حواليكم
فهد : چا انجب وعوف هذا من ايدك
همام : يا جماعه تدرون ياسر يحب
احمد : لا بشرفك
همام : والله
مؤمل : شنهي منية تعيسة الحظ
ياسر : انجب حمام لا والله اكوملك هنا وافشخك بهذيج العوده مال بليارد
همام : هسه اني محجيت غير الصدك
فهد : ها ياسر تحب ومتكول ليش ليش حسافه
حسن : خجل ههههههههه
ياسر : هذا حمام واحد جذاب عمي لا احب ولا شي
فهد : احلف
ياسر : وداعتك
فهد : انجب احجي
ياسر : وداعت احمد
احمد : ما دامه حلف وداعتي جذاب
ياسر : لعبتوا نفسي ترى اطلع وانت همام بسيطه بعيني اني الك
همام : اكعد اكعد خويه لتعصب
ياسر : وخروا الا اطلع
فهد : مو اكسر راسك
حسن : وربك فهد دواك اكعد لك دنشاقه
احمد : اوي حساسسس
ياسر : اطلع
فهد : من اطلع يلا عود انت تطلع
كعد بعصبية : لحد يفتح هيج مواضيع وياي خوش
همام : اهدأ اهدأ بعد اخوك
..............................................
بنان
طبعا كاعدين بالمطبخ دنسوي عشه خابرنه الولد كالوا اكلوا انتو احنه حنتعشئ برا وهسه علئ جيه همه
فكعدنه نتعشئ
زوزو : اكلج بنان انتي عندج بس اختين موو
بنان : ايي
زوزو : وحده روان هاي الي ياسر حاط عين ..
دتكمل حجي وريم قاطعتها
ريم خزرت زوزو : اي اي روان ويايه
زوزو : اي والثانيه شسمها نسيت
بنان : رزان
زوزو : شنوو شنوو
بنان : شكووو
زوزو : شلون يعني خواتج اسمهم رزان وثانيه روان
بنان : ايي
زوزو : هنه تؤم
بنان : اي تؤم
زوزو بهمس وي رحاب : معقوله كل هذا صدفه
رحاب : زين انتي عندج اخ
مردت احجي عن فراس بس كتلهم : اي عندي
رحاب : شفتي عدها اخ
زوزو بهمس وي رحاب : والله ما ادري بس اني گلبي ناغزني وحاسه عدنه صله وي هل بنات ما معقوله كل هذا صدفه
رحاب : بس سمعتيها كالت عندي اخ وهمه مجان عدهم ولد
زوزو : والله ما ادري دخت
مريم : صدك بنان ممفكرين جيبون نونو صغير نلعب عليه
بنان : والله لا يعني حاليا لا احس بعد وكت
زوزو : شنو بعد وكت ترا كاعد تكبرون انتو
ريم : كافي عاد سدوا هل سالفه المهم عندي شي اريد احجي ونقاش حاد
مريم : يا ستار
ريم : احم احم اني قررت اتزوج
رحاب : شنو ولج
ريم : مثل مسمعتوا
زوزو شالت النعال وركعته علئ ريم
زوزو : تريد تزوج طاحضج اي والله صدك طاحضج طالعه عينج
رحاب : دخلي يجي ابوج وفهد خلي يسمعوج بسيطه
ريم : هيو هيو اكلتوني وشربتوني اشاقه اشاقه ترا
رحاب : بسيطهه ريم
ريم : ماما شبيج والله اشاقه شبيكم صدكتواا
زوزو : اي نعديتي من ذاك الجلب ياسر
بنان : ياسر بكل صخام لازم ذكروا والله خطيه
ريم : يا خطيه بعدج مشايفه شي
............................................
ياسر : ليش متباتون يمنه ونسوي اجواء وركص
همام : هوه انت ابقه حاير بالركص
فهد : اي تعالوا باتوا يمنه
مؤمل : اني عنفسي جايي
فهد : وانت منو يمك
مؤمل : غصبن معليك اجي اني
فهد : لا هلا ولا مرحبا
مؤمل : بيك
ياسر : وانت احمد ميحتاج عزيمه لان انت بكل عزا والطام متواجد
احمد : اذا بيها بنات اجي
ياسر : عمي والله عرفت ذيل الچلب ميتعدل مو صارلك ساعه مؤدب واخلاق عاليه
احمد : انجب لك كوا* اني كلِ اخلاق
ياسر : واضح واضح
فهد : كافي لغوه يلا امشوا
........................................
دك فهد بالطريق على ريم وكاللها لحد ينزل واصعدوا كلكم فوك لان حيجون خطار
وصلوا للبيت ومحد جان جوا غير رحاب و زوزو و محمد
دخلوا جوا صاح ياسر
ياسر : لككك هلا بزوزو شوفي من جبتلج
زوزو : لا هلا ولا مرحبا ... عزاااا تعالوا فوتوا يمه عبالي بس هذا المطي وحده
دخل جيش كامل فهد ومؤمل و ياسر واحمد وهمام وحسن
وكف محمد وسلم عليهم ورحب بيهم وكاللهم اعوفكم براحتكم وراح صعد للغرفه
رحاب : فوتوا يمه بالصاله ماكو احد
مؤمل : لا خاله خلينا يم زوزو
فتحت عيونها زوزو : عزه بعينك مؤمل هاي فهد هم معلمك
فهد : چا منو غيرنا يصيحلج زوزو
زوزو : زوزو بعينك ولكم ديربالكم تصيحولي زوزو وانت احمد يمه ديربالك ياسر يعلمك
احمد : لا حجيه
زوزو : اي شوفو ولا واحد بيكم بس حظ غير هالولد هذا احمد
احمد : لك ياسر شنهي هاي بيبيتك صاكه
ياسر : اكيد طالعه تشبهني وبعدين كأنوا مدحتك زايد
فهد : ثوللل تشبهك كول اني اشبهها
ياسر : فهد استر علينا احمم
همام : اي زوزو شنو معنوياتج
زوزو : فرحانه بيكم يبعد روحي
مؤمل : فاكدج حجيه من زمان على سوالفج الحلوه وداعة ابو حمزه
فهد : منو ابو حمزه
مؤمل : تاج راسك
فهد : اكل خ**
مؤمل : اي بعد هسه شنسوي شو واحد صافن بوجه الثاني
ياسر : شنو حسن وينه
همام : مادري عنه اول مطب راح صعد
ضحك فهد : وانت ليش تراقب الناس
همام : مراقبت بس يعني شفته
ياسر شباب انتظروني بالصاله دقايق واجيكم حبايب ئلبي
فهد : وين ابو اليسر
ياسر : جا شغله تونس هسه اجي
فهد : دقيقه من رخصتكم حروح وياه همام ابقى هنا
همام : اي حارس حاطني روحو روحو
طلع فهد وصعد ورا ياسر راح لغرفة بنان طب لكى ريم كلهم كاعدين سوا وديسولفون
فهد : ها حبايب من رخصتج ريمه عندي كم حجاية وية زوجتي العزيزه
ريم : صدد جذب تعال خويه طالعين
فهد : بعد روح اخوج
طلعت ريم وفاتت لغرفتها
بنان " بتوتر " : ها فهد
فهد : ديربالج تنزلين جوا ديري بالج تمام ولا تطلعين تردين شي دكي علية وبس واني اجيج
بنان : اها تمام عادي اعرف ريم كلتلي اصلا
فهد: اي اجيت حتى اذكرج .. الدوا شربي
بنان : اي هو يمي ما انساه
فهد : تمام يلا اني حنزل رايده شي
بنان : لا سلامتك اخي
فهد : اخي بعينج
بنان : خويه العزيز
فهد : تردين اكتلج
بنان : متكدر تكتلني والله
فهد : شليتيني شل ورب الكون
بنان : اي اي اطلع روح يم مؤمل واخوانك اصلا بنان منية بس وحده حتساعدها
باوعلي صفح وكال ببرود : خوش
طلع وضليت وحدي صافنه عالحايط والحايط صافن علية ولا اكدر انزل وميقبل اطلع شطلعت هاي لزمت تلفون وكعدت العب بي معندي غير شي
@@@@@@@@@
نزل ياسر يضحك وجايب الديجي اللي ميفارقه ولا لحظه وجايب سماعه وياه هم وعالك اغنية وهجج الكل كام يركص وياه وزوزو تعيط ومحمد محجى شي لان همه يعني ولد وحدهم بس كال نصوا
طلع معزوفه وكعد يغني ويركص
شلون اعلمك الحنيه خو ما بالكوه هيه
تلكاه احمد وهو يركص : شوكت ناوي ترد الية هواي غيبتك طالت علية
ياسر : نعم انت كاطع بية كول هم هذا خطيه
مؤمل : ما الك يحبيبي جية هواية غيبتك طالت علية
صفن فهد عليهم وهذوله علكوها وضلوا يركصون
فهد : شبيك همام كوم بقت عليك
همام : مديسولي مجال شوف كل واحد شكبره يكمز اروح اكمل شغلي حتى اخلص عندي ملف
فهد: خاب اكعد يا ملف هو باجر جمعه
عاط : شني هاي مخابيل ولك مؤمل كضو هالخبل مصدك شبيك بويه خاف دماغك شطح
مؤمل : اليوم يومك يا بطل اليوم نلعب جولهههه
هز ايده همام وهو يضحك على ضحكهم وكام بقى فهد كام وياهم عالواهس يهوس
فهد : وهذا لعبنه ولا تكول استهتار
ياسر : مية هَهلا بسيادة الضابط واخيرااااااا غير موده الحزين
فهد : انجب مو اجانه واهس شكو تخرب واهسنه
احمد : شبيكم يوووول مو فرحانين استمرواااا اعزائي
مؤمل " يأشر ع فهد " : وچنك ماي انت الماتنمل
فهد : بعد روحييي
ورا دقايق بدا يفصل الديجي
أخذ المايك ياسر : إلى جميع حظور حفلة الأمير الوسيم ياسر محمد أن ينهمدوا لان انطيتهم عين و خلص شحن الديجي
احمد : قندرههه شلون خلص
ياسر : غير شبعنا ركص اكول زيدوا السبلت
فهد : شتريدنه نصير قالب ثلج كافي بس انت هوست هواي
ياسر : اي اهوس ليش لا .. وناعم يا ذيل البزونه
مؤمل : بويايييي تعبت ما متونس هيج عاشت ايدكم بس حسن افتقدناه
ضحك ياسر : جا غير عنده زوجه و اطفال شتريده يكابلك ويركص وياك
فهد : يا جماعه جيبوا فراششش ياسر كول لهمام يجيب من غرفة زوزو فراش على عددنه هنا ننام
ياسر : جا مو بعينيييييي
راح ياسر وصاح همام و نزلوا فراش وجوي ناموا لان تقريباً جانت ساعه 2 بالليل
ضحك مؤمل وكال : فهد تنام يمنا
فهد : اي لازم متريدني
مؤمل : جا غير بيتك
ياسر جان مغطي راسه ويباوع من زرف البطانيه ع احمد كاعد وصافن عليه
طلعله راسه وكال : دييييي هيهيهيهيهي
ضحك احمد : انت شبيك شنهي جاهل شهالحركات
ياسر : الله اريد ارجع صغير يا جماعه
همام : اخوياي ما تعبتوا من الهرجه
فهد : انصلم كافي نام
ياسر : هسه شنو احسني جعت
همام : مو متزقنب شلون جعت
احمد : شمدريني هذا ياسر اوقاته كلها غلط
رفع راسه ياسر : احس اكو شي بفراشي
فهد : شنو
كمز وهو متلفلف بالبطانيه من برد السبلت " يقلد " : يمعودين اوي لحكولي صرصر بفراشي
فهد : زلمه شكبرك شكدك تخاف من صرصر اهمداك
همام : ثول حتى ثول هسه هذا شلون احكتله
ياسر : انتظروني اجيب نعال زوزو فد قوي ايباااااخ يكتل الصرصر من اول كفخه
مؤمل صافن : أكلك فهد ؟؟ ماذا يجري هنا
ضحك فهد : لتنصدم هذوله همه هيج
...................................................
روان : هاا هسه كلشي كامل موو
الهام : اي وحتئ جمال نام وفراس اصلا مو بوعيه ونايم
رزان : اني خايفه
روان : لتخافين ولا كلشي معدنه غير هل حل نتوكل علئ الله وان شاء الله خير
الهام : حجيت وي احلام وهيه دتنتظرنه
رزان : هيه بالحله مووو
الهام : اي اي
روان : يلا امشوا
نهاية البارت
يتبع ..
(لا تنسوا التصويت)
ان شاء الله يعجبكم البارت ♡.
إلى اللقاء يا أعز العابرين في قلبي ♡.
الكاتبات دينا & نور