رزان : شنو
جمال : مثل مسمعتوا واي نقاش ماكو
روان : اشو انت بكيفك تقررر
جمال : والله هذا الموجود العقد والخطوبه غيره ماكو اريد اخلص منكم عاد وافتك من جهرتكم الزفره
الهام : بس مو كأنوا كلشي ديمشي بسرعه عاد لو تنتظر شويه بعد مو بسرعه
جمال : والله هذا الموجود بس بعد اذا العريس يريد يغير فبعد بكيفه المهم اريد اروح انام نفس ما اسمع
روان : ان شاء الله نومه بلا كعده
رزان : روان حيسمعج
روان : طبه مرض
الهام : الله كريم ديلا روحوا للمستوصف حتئ يشيلون جبس من ايدج وترجعين داومين
روان : يلا امشي رزان
........................................
بنان كعدت علئ صوت دك الباب رحت فتحت اشوف منو الي كاعد يدك
بنان : ها خاله صباح الخير
رحاب : صباح النور يا وجه النور
ابتسمت الها
رحاب : حبيبتي تعالو نزلوا تريكوا انتي وفهد
بنان : تمام خاله هسه نازلين
رحاب : تمام
فهد : منو
بنان : صباح الخير وهاي خاله رحاب كالت تعالوا نزلو تريكوا
فهد : ها ايي وانتي شلونج اليوم
بنان : ما ادري يعني بس بالي يم خواتي
فهد : ليضل بالج يجيج الصافي
بنان : شلون يعني
فهد : بعدين تعرفين بويه
بنان : اوك
فهد : لتكولين اوك
بنان : ليش ؟
فهد : احسهاا مال مايعين يعني مثل ياسر .. كولي صار او تمام
بنان ضحكت : يعني ياسر مايع
فهد : هوه تريدين صراحه لا مو مايع بس مرات تجي الحاله مال خبال
بنان : هسه بس يسمع يزعل
فهد : دخيولي
بنان : لتكول هيج عليه
فهد : عفوا ! شو احسج حيل مهتمه الموضوع الافندي
بنان : لاا بس ميصير تحجي عليه هيج
فهد : شو سكتي
بنان : هاا يعني تريديني اسكت
فهد : لا يابه احجي
بنان : لعد شكو تكولي سكتي
فهد : اي سكتي
بنان : اوك بعد حسكت وما احجي
فهد : لا عيني علئ بختج احجي عسئ محد يحجي من بعدج بس اني علمودج علمود ميتعب صوتج الحلوو
بنان : هااا اوك
فهد : لتكولين اوك ما احبها
بنان : اوك بعد ما اكولها
فهد : اي عفيه
بنان : اوك لعد حفوت اسبح
فهد : ربي صبرك
...............................................
الهام : هاي يمه رجعتوا
رزان : اي
روان : اي وخرت جبس بس لف ايدي ومابيها هسه شي ايدي زينه صارت
الهام : الحمد الله يلا تعالوا تريكوا
روان : جمال موجود
الهام : لا نايم بعده
روان : اي زين
الهام تبجيي : رزان يمه ابوج كال خلي تروح تشتري هدوم لخطوبتها
رزان تبجي : ماروح ماااروح ولا اشتري
الهام : اوف يا يمه شلون ضيم هذا مداتحمل لج كال انهي حياتها اذا مقبلت شلون بية والله كله صوجي اني
طبت روان : اي كله صوجج انتي .. انتي اللي حجيتي
الهام : مجنت اعرف مجنت اعرف هيججج حيصيرررر
روان : رزان متزوج واذا تزوج اني مابقى بالبيت لحظه وحده
الهام : لج يمه ستروا علينه
رزان : خلص والله اروح واشتري هاهيه اصلا تقبلت فكرة اتزوج
روان : لج انتي حتوافقين بقرار يهدم مستقبلج وحياتج
رزان : هاهيه اني مجبورة
روان : اني احجي وية هذا الولد بس اريد أخذ رقمه واكله عوف اختي بنهاية جمال ميسوي شي
الهام : عبالج مفكرت بيها بس هذوله ناس يحبون قال وقيل اكيد حيكولون لجمال دكوا علينه وميريدون لج راسي
روان : متتزوج رزان
رزان تبجي : لا حتزوج هاهيه اني قابله والله قابله لحد يلح علية
طلعت من الغرفه
الهام : شلون ياربي شلون ساعدنا
روان : انتي السبب
الهام تبجي : اعرف
روان : هاهيه احس كلشي انتهي وهم حيجي دوري وينطيني
الهام : والله اهجم البيت فوك راسه
روان "ضحكت بأستهزاء" : جان هسه هجمتي البيت فوك راسه .. شو بنان راحت .. و رزان هسه حتروح مبقى احد وحتى فراس طالع وميرجع الله ياخذه هو وأبو
الهام : لج يمه كافي تزيديني هم
روان : هذا مو هم هذا الصدك انتي مراح تكدرين تسوين شي النا وهاي رزان راح تروح كدام عينج يمه ومسويتي شي وبنان راحت
الهام : باعي هسه راح اروح اني واختج للسوك
روان : اي
الهام : متجين ؟
روان : اجي لعرس اختي الي مجبورة عليه ؟؟؟ واو
الهام : حقج يمه حقج هو اني احس نفسي مشلوله وحروح
......................................
بيت فهد
علئ الريوك
زوزو : اكول بيت محمود ماجوي صارلهم هواي
محمد : حخابر محمود احجي ويا اعزمهم عالعشا
زوزو : وشعندك تعزمهم اذا ميتذكروك همه اصلا
رحاب : لا خاف عدهم شغل وملتهين مو شرط ميتذكرونه
زوزو : انتي ضلي دافعي
رحاب سكتت
نزل حسن
حسن : صباح الخير
محمد : هلا هلا يابه صباح النور
حسن: شنو وين الباقين
رحاب : نايمين لعد وين فرح ومريم
ضحك حسن : نايمين
ورا شوية نزلوا فهد وبنان وكعدوا يمهم ويسولفون
بنان " تهمس لفهد " : فهد احس بدوخه ولعبان نفس
ابتسم فهد : حامل
بنان : فهددد
فهد : لعد ليش هيج
بنان : مادري خاف من الدوا
نزل ياسر : لكم ها عصافير الحب
حسن : لك انت اني فد متحلفلك عود
ياسر : دروح انت اي شلونج بنان
فهد : زينه
ياسر : مو وياك ويه بنان
بنان : زينه الحمد لله
ياسر : دوم يارب
بنان : يدوم عمرك
فهد : احممم
ياسر : هيهيهيهي يقار
فهد : انجب
ياسر : اوك انجبيت
فهد : اي
نزل همام : لك هايشنو مجتمع الجميع
زوزو : اي والله هسه ردت اكولهم وينه همام جان تجي
همام : اكيد اكيد ابن الحلال بذكره
ياسر : تعال حمام ازقنب
همام : حمام بعينك لك
ياسر : لتخلوني ازعل
بنان : معليك معليك وياك اني شحدهم يزعلوك
فهد : افا والله افا
بنان : غير انتوا كلكم عليه شمسويلكم
ياسر يمثل يبجي : اي والله يا خيتي دشوفي شلون معذبيني خو فهد ماعنده مانع يشنقني
فهد : ياسرررر
ياسر : ياسر ياسر ياسر دوختوني دنشاقه
همام : انت البارحه شسويت هجمت البيت بالاغاني مخليتنا حتى ننام ولا سويت شغلي
زوزو : لك اي مخلاني انام اخر شي غفيت جان الكى صرصور جوا فراشي وكعدت وهم ضليت اريد انام اريد انام بالاخير مدري شلون وغفيت
ياسر : لك احلى صرصور والله هذا جاي احد دازه عليج
ضلوا يسولفون
حسن : يلا بوية اني راح اروح في امان الله
محمد / رحاب: الله وياك
بنان كمت للمطبخ اريد اشرب مي جان اوكع اغماء عليه ..
كاموا كلهم عليها
وهي فاقده الوعي نهائياً
زوزو : لك ياسر كوم جيب عطر وجيب مي
عاط فهد : اركض فاهيييي
همام : ادري الولد عنده كم رجل اصبر هسه يجيك
فهد : بنان كعدي يمعوده .. استغفر الله ياربي
همام شاوره : شبيك خويه
فهد : اسكت همام
نزلت ريم خايفه هي ومريم : شنوو شبيها بنان
همام : تخربطت
ضحكت ريم : لج مريم خاف حامل
مريم : والله مادري
اجه ياسر جايب عطر وكلاص مي راحت ريم هي تجب عليها مي وماكو متكعد والا شممتها عطر يلا بدت تصحى شوية شوية
بنان : شنو هاي اني ليش متنكعه
فهد : تخربطتي كومي بويه كومي
بنان : ماكدر
ياسر : ادري فهد انت خاف عبالك بنان وحده من اصدقائك هناك بالمركز
فهد : وخر ياسر وخررررر
شالها لـ بنان وداها للغرفه
فهد : بنان بيج شي شتحسين
بنان: شبيك والله مابية شي اني من زمان بية فقر دم وهيج اتخربط بين فتره وفتره
فهد : خاف غير شي
بنان : لا والله اني اعرف .. شكد فشله وعيب
فهد : معاجبني وضعج اريد اخذج لدكتورة
بنان : شسوي بدكتورههه مو داكلك مابية شي
فهد : تمام شوفي اني حروح هسه للشغل وحبقي مريم وريم يمج تمام واي شي تحتاجي دكي علية هياته تلفونج
بنان : تمام
فهد : محتاجه شي قبل لا اطلع
ابتسمت وكالت : سلامتك
رد لها الابتسامه وطلع
دخلت ريم ورا ربع ساعه تضحك
ريم : ولج زوزو جوا تكول لفهد مرتك حامل وأخذها لدكتورة وهاي
بنان : عزههه لاااا
ريم : شنو لا يجوز صدك ؟
بنان : لا لا يا حامل باعي اني بية فقر دم حاد منزمان وهيج اتخربط
ريم : والله يا عيني اني افضل تروحين دكتورة ع حسب كلام زوزو ههههههَ
بنان : اوك اروح ليش لا
ريم: المهم اني عندي سالفه وياج عوفي هذا الموضوع
بنان : شنو
ريم : باعي بالليل بابا يكول حيجون بيت عمي محمود وخالتي جمانه
بنان : هااا هاي بنتهم الي تحب فهد ؟
ريم : اييي عفيه اريد منج تكشخين كشخه مصايره وهيج تغوريها
بنان : شنو ليش اكشخ هو هيج عادي
ريم : لا بابا شبيج اكشخي وامكيجج اصبري اخلي ليان تشعوط
بنان : والله ماله داعي يعني بالنهايه هو شي خاص بيها تحبه اني شعلية وتزوجنا احنه بعد شكو
كملت بكلبها : تزوجنا واو خوش تجذبين بنان اول تالي
ريم : معليج اني اتصرف المهم اكشخج اطلعج تجننين انتي اصلا ميحتاج الج شي انتي حلوه اصلا بطبيعتج
بنان حظنت ريم : يا حبيبييي
ريم : ههههههَ وربي حبيتج من اول نظره
بنان : حتى اني ههههههَ
............................................
فهد مزلت داطلع
زوزو : ها شلون صارت الفرخه
فهد : فرختيش يايوم
زوزو : شو اسكت خاف حامل
ياسر : الله حامل ويجينه نونو نلعب عليه
همام يباوع الفهد ويضحك
فهد : لا مو حامل
زوزو : وانت شمدريك
فهد : ما ادري بس مو حامل هيه عدها فقر دم فلهذا دوخ وهيج
زوزو : مسوي نفسه يفتهم هسه تطلع حامل وشوفي
رحاب : وهسه شلونها هيه
فهد : زينه يلا اني طالع
ياسر : معقوله حامل
همام بضحكه : لا مو حامل لتتئمل
ياسر : چا ليش مو حامل الي يزوج فهد يحبل من اول يوم
همام : انت ليش متنجب وتبطل تمسلت هاا
ياسر : هوه انتو بس كادرين عليه لان احجي صدك
همام : كملت
ياسر : لا
همام : انجب
ياسر : رحمة الله والديك
همام : والديك
ياسر : حبيبي والله
همام : كافي تمسلت شو ولي من يمي
ياسر : هوه انت الي اجيت لو اني
همام : هوه هم صوجي
ياسر : اي ولي
............................................
ريم
كاعده بالغرفه وصافنه بزماني هسه اني شورطني وحبيت
مكدرت انسى شصار ببيتهم
احبه بس نفس الوقت اخاف .. اخاف ميحبني
تعبت حيل ضغط المدرسه والبيت وادور علية مؤمل
طلعت اوراقي اللي اكتب بيهم كلشي وطلعت من بينهم ورقه جديده .. وبديت اكتب بيها
اُبحر وَحدي فِي سَفينتي
سَفينتي الذي اعتَادت عَلى اصوات العالم اجمَع فيها
وها هِي الآن لَيست سوى في رأسي ...
جمعتهن وضميتهن طلعت دفتر ضامه بي صورته
شوف هاي صورتكك حتى وهي مشكوكه هم حلوه
منو مثلي يحبك هيج لدرجة جمعت صورتك من جد وجديد ولزكتها ...
رجعت ضميتها و تذكرت روان .. حماس باجر حتجي واشوفها ياربي شكد مشتاقتلها إلى درجه طولت غيبتها
سمعت امي تصيحلي ع الغدا ونزلت جوا يمهم
@@@@@@@
فهد
كاعد بالمكتب وصافن وحوالي الاوراق مطشره وحاير منين ابدي ومنين اخلص صعبههه كلش
مانمت حتى زين واني سمعت كل كلمه كالتها بنان
كل كلمه جانت تكولها صح .. بس هذا مو يعني هي
يمكن اكو اشياء غلط بس اني متأكد هي و 100%
يارب الفرج واخيرا بعد سنوات نلكاهم اهخخخ
السولفته كلش مو هين وهذا جمال الا الكاه عجزت واني ادور ونفس الوقت ماريد اكوللها وين مكانهم خاف يصير شي وتكول لامها ودايخ بالموضوع
فوك هذا كله هي مريضه قلب وماكدر اعوفها وحدها لازم اني يمها لان اعرف علاجاتها زين
سمعت صوت مؤمل جاييني
مؤمل: فهددد .. ابو الشباب
فهد: وياك وياك .. شنو شوكت جيت
مؤمل : من زمان بس انت بغير عالم .. بس لا انت واقع في الحب
فهد : انجب لك يا حب تدري كلش زين شصار من ورا الحب وتريدني احب ؟؟؟
مؤمل: ليش لا ؟؟ ترى الحب ميعرف فلانه وعلانه
فهد : لا يعرف اني معندي ثقه بنسوان ولا 1%
مؤمل : يخبلن فهد يخبلن بس انت اعمى ومتشوف الحلوات اهخخخخخ
فهد : انجب لا اموتك ويلا ولي
مؤمل : ادري الوكت غلط جاييك بس احنه لازم نطلع فد يوم لان اريد احاجيك وعندي سوالف هواي وياك
فهد : ماشبعت مني بالعزيمه
مؤمل : يا عزيمه انت وين لا بوية لازم طلعه خاصه بيناتنا وكذا
فهد : ادلل
مؤمل : وها نسيت أكلك الآمر يكول منكدر نضل بالمركز وديحتاجونه بغير اماكن
فهد : وين مثلاً ؟؟
مؤمل : شوف فهد احتمال ننقل من هذا المكان وروتين الدوام يتغير لان يكول تطلعون ** بمكان***
فهد : خوش عود احجي ويا بخصوص هالموضوع وأشوف
مؤمل: اي
@@@@@@
بنان
ريم : تعاي بنان
همام : مو كاعدين وين ماخذتها
ريم : معليك يلا بنان
بنان : ها اي هسه اجي
ياسر كمت وياهم
ريم : هيوو انت وين
ياسر : اجي وياكم
همام جر ياسر وكعده
همام : خوب انت تموت عسوالف نسوان خاب ما تسكت وتستجن شويي
ياسر : دولوووو هوه هم صوجي
بنان صعدت فوك وي ريم
بنان : ها ريم صاير شي
ريم : اي صاير
بنان : يا ستار شنو
ريم : حيجون بيت عمي محمود وجتجي جمانه وبتها الحيه شلون ثنين
بنان : ريم لتحجين هيج عيب
مريم : العيب بالجيب بس تعاشريهن تعرفيهن
بنان : يمه انتي منين طلعتي
مريم : من جوه الجربايه منين يعني
ريم : المهم سكوت وتعاي انتي بنان خلي ارتبج حتئ يقارون ونفس ما اسمع منج
بنان ردت احجي
ريم : كلت نفس ما اريد ومتعترضين علئ شي
بنان گلت بهمس : نفس طبع اخوج
ريم : سمعت ترا
بنان : امم بس سمعي شي بسيط تحطيلي
ريم غمزتلها : الظاهر فهودي ميقبل يقار سوده عليه
بنان : ريممممم
ريم كعدت بنان وبديت احطلها مكياج بس حطيتلها شي خفيف مو هواي المهم حطيتلها شويه مسكارا ومحطيت شي الوجهه لان اصلا هيه بيضه وخليتلها حمره وشويه مورد مال خدود وبس
مريم : اي هسه تمام ديلا روحي بدلي مضل وكت علئ جيه همه
ريم : عاشت ايدي
مريم : هسه متكليلي شحطتيلها
ريم : ها هيج صارت ديلا انتي مكيجي نفسج ست مريم
مريم : لا عيني انتي وين اكو مثل مكياجج انتي الاصل
ريم : اي عفيه ضلي صبغي بيه حتئ اصير حبابه
بنان ضحكت : ديلا كافي تتعاركن خلي ابدل وعاشت ايدج ست ريم
ريم : ادللي مرت الغالي
بنان : حياتي
.........................................
رزان طلعنه اني وماما للسوك وجبنه فستان بسيط بس كله هيه اختارته مو اني لان اني مالي نفس بشي
طبعا عمري متمنيت هيج حيكون خطوبتي واصلا مجنت مفكره بالموضوع لان حلميي قبل الزواج اكمل دراسه بس الي عايش وي جمال ميصير يحلم ..
مرات اكعد افكر لو اهلي عايشين ماما بابا حتكون هيج حياتنا هيج حتكون حياتنا حلوه ؟ لو اسوء ؟
وتفكيري ياخذني اهل بابا وين اهل ماما وين معقوله مدروا عنه معقوله مدوروا نسونه ..
فجئه اجت روان وقاطعتني من دوامة تفكيري
روان : شو كاعده وحدج
رزان ضحكت : شتريديني اكابل جمال واكعد لو اكعد اكابل فراس واكعد
روان ضحكت : لا احسن حل تكابلين نفسج وتكعدين
رزان : ضحكتج حلوه ولج
روان : ادري
رزان : يابه الغرور
روان : كيفي صدك تعاي شنو حجيج هذا مال تريدين تزوجين
رزان : معندي حل غير ارضئ بأمر الواقع
روان : باعي باجرر كعدي احجي وياه وفهمي وبلكي يفهم عليج هل اميرر ويعتقج
رزان : ما ادري ان شاء الله
رزان : ديلا نامي باجر وراج مدرسه وسلميلي علئ ريم هواي
روان : يوصل
رزان : تصبحين علئ خيرر
روان : شو انطمري بدال هل رسميات هاي
رزان : انتي مو مال احترام
روان : اي اي يلا ولي
........................................
بنان
فتحت الكنتور واختاريت فستان نازك لون وردي فاتح ومابي تفاصيل هواي بس حلووو وي شال ابيض
دالبس وجان ينفتح الباب
فهد وصلت للبيت وصعدت فوك وصعدت فتحت الباب وجان الكه بنان تلبس اخذتلي صفنه عليه وقاطعني صوتها واباوع عليها جان ترجف
بنان : فهد اطلع دابدل
فهد : ها اي هسه
بنان اول مفتح الباب وفات ما ادري ليش اذكرت فراس من جان يدخل عليه واني ابدل وذكرت ذيج الليله وخفت لما شفت فهد خفت ليطلع مثله
فلبست بسرعه واني ارجف والافكار تراودني ..
شبيج بنان لا مستحيل اكيد ميدري وفات واكيد مو قصده بس لا هوه بقه واكف وليريد جان بسرعه طلع
اووف يربي اهخخ كله بسببك يا فراس خليتني ما اثق بأي واحد
خلصت لبس وداطلع وجان يفوت فهد
فهد : هاي شبيج ترجفين ترا ما ادري وفتت ولتخافين مشفت شي
بنان : هااا
فهد : وجعاا شبيج
بنان : اكوو شي اسمه دك الباب تكدر ادكه
فهد : شمدريني اني وبعدني ما متعود واحد يشاركني الغرفه وترا اني اعتبر حلالج هسه لتستحين وغمزلها
بنان : فهددددد ترا زواجنه مو حقيقي وشكلي ومستحيل يكون حقيقي بيوم من الايام واذا متريدني بغرفتك عادي اطلع
فهد : هدي محجيت شي ميحتاج هل اعصاب كلها ومكاتل نفسي حتئ ازوجج ومال غرفه ترا اشاقة جنت
وجان نسمع الباب تندك رح فهد فتح الباب
ريم : تعالوا نزولوا اجوي بيت عمي محمود ويصيحوكم
فهد : جاين
بنان كمت داطلع فهد جرني من ايدي
فهد انتبتهت علئ بنان لابسه فستان حلو حيل صح بسيط بس حلوو وحاكه مكياج وطالعه تجنن بس جانت حمرتها طوخ حيلل
فهد : هيج حتنزلين
بنان : اي ليش شبيه
فهد : شنو شبيج اهناك موجود ايمن جوه واخوتي وشوفي حمرتج طوخ
بنان : لا مو طوخ
فهد : لا طوخ مسحيها
بنان : ما ما ما امسحها هيج حلوو
فهد : لتعاندين
بنان : ما اريد
فهد : تمسحيها لو امسحها بطريقتي
بنان : شنوو
فهد : تحبين تعرفين شلون
فهد قربت عليها ودفعتني
بنان : ها اي هسه امسحها
فهد : اي عفيهه بشطوره الي تسمع كلام وديلا تعاي ننزل يا زوجتي الجذبيه
.........................................
نزلت بنان وفهد وجان الكل جوا كاعد ونزل فهد سلم على عمه وأيمن وسلم على خالته بس فهد مسلم على ليان
راحت بنان تسلم على جمانه و ليان
ليان : هلا شلونج بالخير عليج فهدددد
بنان : تسلميلي
ليان : عطرج منين جايبته ؟
بنان : والله يعني عطر عادي
ليان : اي مو اكول ريحته خايسه
مريم : شنو خايسه والله ماكو اطيب من عنده
ليان : الحجي مموجه الج مريم
مريم : مدام لبنان يعني الية احنه هنا عائله مو أحزاب
عوجت ليان حلكها وكلبت خلقتها
جتي ريم : شبيكم ضايجين
مريم : يمعوده هاي ليان الخبيثه تكول لبنان عطرج خايس
ريم بعصبية : تنجب شنو خايسه ماكو اخيس منها هي ام الولد
بنان : لا عادي ماكو داعي مشكله سوء تفاهم
طبعاً همه جانوا الولد وحد بصاله والبنات بالهول هاي عادتهم همه
زوزو : ايي اليوم بنان تخربطت الصبح اوف انقهرت عليها
جمانه: هااا خير سلامتج
بنان : الله يسلمج
زوزو تضحك : يمكن حامل
ليان : شنوووو منو حامل مريم ؟؟
ضحكت مريم : هههههَ لا عيني ويني وين الحمل
بنان : لا بيبي ويني وين الحمل اني بية فقر دم حاد
"حجت بكلبها" : يا حمل هذوله ديحلمون
رحاب : ههههه لا عيني يجوز حامل والله اني رايده اخذها للدكتوره
بنان : لا عفيه خاله يا دكتوره مو اني اعرف مو حامل
ليان كلبت خلقتها وصارت حمرههههه
ريم تهمس لبنان : تغار منج يولو
بنان: من حظي جاية تغار مني
ريم : عمي انتي ضاربتها بالجمال وبالاخلاق انتي مشايفه ليان بعدج
باوعت عليها واني صافنه يعني فوك قهري هاي تغار مني
وراها صبوا العشا وكعدوا ياكلون وبنان كامت اول وحده
رحاب : تعاي يمه ليش كمتي
بنان : والله خاله ما أشتهي شوية معدتي تعبانه
زوزو تشاور جمانه : هههههههههه مو كلتلكم حامل اني عمي اعرف خبره
جمانه تضحك تسليك : ههههه اي مبين
ليان رأسا كامت وراها ومكملت اكل ولحكتها للمطبخ
بنان : ها عمري كولي محتاجه شي؟؟
تقربت ليان وهي تباوعلها بحقد : عوفي فهد وابتعدي عنه بنان لتشوفين شي ميعجبج
بنان : شنو اعوفه غير زوجي
ليان : اني حبيته قبلج انتي شنو ويجي ياخذج مدري منين مكلبج من الزباله ؟؟؟ اكيد من زبالهه مشايفه
بنان : احترمي نفسج
ليان : شحترم نفسي اخذتي حبيبي مني حيوانه
بنان : رجاءا مابية حيل احجي ويه أحد
ليان : لتحجين بعد احسن بس نبهتج بنان عوفي فهد لا والله العظيم اطلعلج ليان على اصوله
طلعت ليان من المطبخ وهي مبتسمه
وراحت بنان للغرفه فوك وهي مدمعه
نزعت شالها وكعدت عالجرباية وهي تبجي بحركة كلب وكلمات ليان بأذنها صح زواج شكلي بس جان كلام جارح وجرحها .. مجانت تريد كل هذا يصير ولا حتى الزواج الشكلي .. تحس تأنيب ضمير وتريد بأسرع وقت ترجع لخواتها وامها .. مجان ناقصها غير ليان
طب فهد وشافها تبجي
فهد : شبيج بنان ؟؟
بنان : ماكو هيج
فهد : الا اكو شنو شبيج هيج تبجين ؟؟؟
بنان : فهد اريد ارجع لامي والله حتى لو جمال يكتلني شيسوي يسوي مابقى هنا
فهد : ليش سوولج شي ؟
بنان : ابد
فهد : ليان مو
بنان : شمدريك
فهد : لازم تذب سمها ف انتي تجاهليها ولتنطيها وجه
بنان : اصلا اني غلطط هنا واكبر غلط فهد احس كل جاي نسوي غلط جيتي هنا غلط
فهد : علمودج بنان لتنسين مصلحتج اني كل داسوي علمودج
هزت راسها ب أي
فهد : يلا كومي غسلي ، دموعج غالية عيناي
ابتسمت لكلماته وكمت .. فهد الوحيد يعرفني حسيت رغم المده هاي بس عرفني مع العلم لحد الان احس عنده جانب غامض من نظراته بي فدشي غريب يكدر يخليني ابجي ونفس اللحظه يسكتني .. هو اماني وملجأي الوحيد اللي احتمي بي هنا
فهد : بنان ابقي هنا لتنزلين
بنان : ليش هسه اكيد يحجون علية ويكولون ذابه كلشي براس امك وريم ومريم
فهد : معليج بويه كلت معليج ماحب الملحه
بنان : ملحيتتتتت بس كلت مره
فهد : اي حتى لو من اول كلمه اكولها كولي اي وهاذهوه وباعي هاج بنان علاجج شربي ورا العشا لتنسي
بنان : تمام .. فهد
فهد : عيونه
بنان : شكراً
فهد : سدي حلكج فضلاً وليس أمراً
بنان : اشرب دوا احسن
فهد : وهو كذلك
@@@@@@@
روان جنت نايمه واسمه صوت رزان تبجي
روان : شبيج رزان شصاير
رزان : روان مداصدك اني حتزوج لج راح اموت قهر باجر كلشي
روان : رزان لتذكريني
رزان : حروح يم ناس مادري منو همه لج والله حموت حتخبل
روان : خليها على الله ما بيدنا شي نسوي
رزان : لج روان حتى لو نشتكي عليه يطلع هو كال متكدرون تسولي شي
كامت رزان تبجي جابت بدلتها
جان لونها بنفسجي وطويلهه كلش حلوه
رزان : ياريت لبستها برضاي وبقراري ويه الإنسان الصح
كامت روان تبجي وحظنت رزان : رزان ليش اليوم ناوية تموتينيييي اني منا مداكدر ميته قهر
رزان : اصلا اني تقبلت الواقع وكلشي وجمال يكدر يسوي كلشي ومدام كل كلمته يسويها
روان : جنت بالبداية اهدده بس لا حياة لمن تنادي
رزان : ماكدر شلون مداتحمل العيشه هاي
روان : جربي احجي ويا هو شسمه
رزان: امير
روان : احجي ويا كليلة اني مجبورة
رزان : لج شبيج روان كبل حيروح يكول لابوية شلون تجبر بنتك ويحجي ويا واكيد جمال مراح يخليني هنا وحيسوي بية مثل مسوى بنان اللي لحد الان مادري شلونها
روان : مشتاقتلها حيل
رزان : والله حتى اني جنه هيج وكت نكعد ونسولف ونجيب حلويات ونشتري ونكعد نقرا
روان : اوف يا رزان ياريت منولدت
رزان : ولا اني
روان: دنطي طاقه ايجابيه شبيج
رزان : يا إيجابية احسني ميته
روان : احس بيج أنتِ تؤامي
رزان : لتعوفيني
روان : ماعوفج يبعدي
@@@@@@
نزل فهد جوا من درج يم الهول وديروح للصاله
زوزو : ها يمه وينها بنان
فهد : مريضه فوك " وراح بصاله"
ضحكت رحاب : حامل اني شاكه حامل
زوزو: هههههَ اني هم داكول
طلعوا ايمن ومحمود وديرجعون وسلموا عليهم وجمانه وليان هم وطلعوا راحوا للبيت
ياسر : يمهههههه راسي صدع
همام : هو انت وين حجيت
فهد : هو يكول صدعت بعدين يروح يعلك اغاني الاخ
ياسر : كيفي
وراح صعد ياسر فوك
@@@@
ياسر
صعدت فوك على ريم كاعده وحدها واني لا شغله ولا عمله شعندي قابل وجان اكو بالي مخطط
دكيت الباب كالت اعرفك ياسر من دكتك فوت
ياسر: دباع الوجه دباع التفاؤل يا احسن اخت بالدنيا عزيزتي ريم
ريم : ها ولك شعندك
ياسر : شلون الواحد ميتغزل بأخته
ريم : نننننن احجي شعندك كُول
ياسر : احمم صراحه ؟؟؟
ريم : اييي
ياسر : متكدرين يعني منا منا
ريم : شنوووو منو ؟
ياسر : رقم روان
ريم : انكلع
ياسر : ليششش
ريم : ولي ياسر روان عوفها بحالها
ياسر : امداج ايوالله
ريم : اي اي امداني روح كتلك معليك بروان البنية حايرة بيك قابل ؟؟؟ روح روح منا
ياسر : اروح احسن
ريم : ايييييي
@@@@
بنان : فهد
فهد : خيراً
بنان : جاي اتعبك وياي
فهد : اهوووو رجعنا نفس القوانه
بنان : شبيك يعني والله داحجي من كل كلبي
فهد : ماحب هذا الكلام
بنان : فهددددد
فهد : قولي
بنان : عندي فضول اشوف اهلي الحقيقيين وأشوف امي وابوية
فهد : أن شاء الله تشوفيهم ليش لا
بنان : من اموت
فهد : شجاب الموت بنص الموضوع
بنان : تعبت يعني مادري ليش حياتي هيج ودخلت بعائله ومادري احس عقلي مديستوعب ومنا مرضي صعب صدك اريد اموت واخلص
فهد : حياتي جانت اصعب منج بنان
بنان : اني صعبه حياتي من صغيره مو من كبرت جان حلمي كله انوا اخلص دراسة سادس ومخلاني جمال اخلص
ابتسم فهد وجاوب : عندي امل تخلصين
بنان : وين ماكو اي امل
فهد : لا حتكَملين
بنان : تمام .. فهد سؤال
فهد : جواب
بنان : انت حبيت من قبل ؟
ابتسم ومجاوب
بنان : ها فهد وين توصلت
فهد : اي حبيت
بنان : منية شسمها كم عمرها حلوه لو لا شمخلصه
فهد : اها يعني تردين تعرفين
بنان : اكيدد
فهد : بعدين اسولفلج منيه هسه نامي
بنان : لااا حباب كولل
فهد : بعدين بنان بعدين خل ننام وراي شغل باجر
بنان : تمام براحتك .. تصبح على خير
فهد : وانتي من اهل الخير
@@@@@@@@@@@
ثاني يوم بالمدرسه
واكفه ريم جوا بالساحه وهي تنتضر روان تجي مشتاقتلها حيل
طبت روان وملامحها تعبانه وجها بي هالات سود و أيدها ملفوفه حالتها حاله ومبين صاير شي قوي لهيج هلكانه
ركضت عليها ريم وحضنتها
ريم : عوبه لج مشتاقتلج حيوانه
روان : والله اني اكثر متتوقعين شكد
ريم : اخخخ يعمريي انتي شصاير بيج .. شنو وين رزان
دمعت روان وكالت بعدين احجيلج كلشي تمام هسه دك جرس
ريم : شبيج روان مو طبيعيه والله بالي يمج
روان : بعدين ريم
جتي مروة وسجى : شرفت ست الحسن
ريم : اكيد
مروة : لو ضاله ومجاية احسن
روان : ههههاي ضحكتيني رجاءا مو بحالج وخري
مروة : اي اي عيني مو بحالنا امشي سجى امشي
ضلوا يمشون بطريقهم للصف ويحجون
ريم : تعاركت وياهن
روان : منو مروة وهاي
ريم : اي اي
روان : ليش ؟
ريم : حجوا عليج
روان : خل يحجون مو بحالهم
خلصت الدروس وبالفرص ما سولفوا لانو جانوا يقرون وعدهم امتحانات ف استغلوها يراجعون بيها ويقرون إلى أن أجه نهاية الدوام
ريم : روان يلا احجيلي قبل ليجي ياسر
روان : لج ريم رزان انخطبت
ريم : شنو نخطبت عزه شدتحجين
روان : لج مداعرف شلون احجيلج صارت اشياء هواي ريم بس هسه عوفيج مني اختي رزان اليوم خطوبتها و ابوية جبرها .. حتى بطلها من المدرسه وكالها ماكو دوام
لج حموت والله حموت اني اكيد حيجي السره واروح هم شو وين يشمرني
ريم : انجبي لج شنو يشمرج شنو هذا ابوج اصلا ليش مشتكيتو لو شي ميصير تتزوج جبر أحلام وطموحات بنية حرام عليه
بجت روان وحظنتها ريم
روان: تعبت ريم وهسه رزان حتروح شلون
ريم : بية ولا بيج
ماحسيت غير على هورن سيارة ياسر قريب عليهم
نهاية البارت
يتبع ..
لاتنسوا التصويت
ان شاء الله يعجبكم البارت
الكاتبات دينا & نور
إلى اللقاء يا أعز العابرين في قلبي ♡.