كفي والمنجمه

بارت السادس والثلاثون

  كفي والمنجمه

بقلمي:  leo Alfatlawi

بارت السادس والثلاثون ***

…رجاء كاعده ناثره شعرها وأبنها كدامها ميت منظر بشع الطفل فاك حلكه ومنتهي

من الهبطة كعدت مكاني صوت الصريخ وين واصل انضاف اله صوت مؤتمن وهو حاضنها ويصيح عليهم شيلوووا من جدامها
اباوعلها  لاصوت ولاحس بس صافنه وامها التصرخ وتلطم  بيبي ولاكأنما واكفه على جها

سمر كاعده بالزوية لامه روحه وتباوع  ؛كام مؤتمن من يم رجاء شال الطفل كأنما وعت من شافته اخذه من كدامها بعد يردون يسيطرون عليها ماكو طفرت ورا لزمته من ضهره وكامت تصرخ بعلوا صوتها 

ركضن سماح وتهاني كمشنها  وهو راح مااعرف وين شغل سيارته وطلع وبلش الصياح واللطم  العالم كامت تجي روجات

اباوع لرجاء لطمت لطمت ملخت روحها اشكد حاولوا يسيطرون عليها ماگدروا لمن فقدت وگعت مكانها

اني على كعدتي بس اباوع الخوف من المنظر امبنجني مكاني ؛اجت سماح كومتني كالت صعدي فوك لاتنزلين بسرعة

اول مرة اشوف هيج شي الرجفة كمشتني كوه كدرت اصعد فوك دخلت غرفتي وصورت الطفل بعيني من شاله مؤتمن

شمرت الجبة والجنطة كعدت على الجربايه اريد استوعب الصار الطفل اشلون مات  الصبح مابي شي

خليت راسي ولميت رجليه صوت صريخهم داخل كلبي  اندكت الباب صاحت تهاني غزل

-تعالي دخلي

-مااريد ادخل بس كومي نزلي لا تضلين فوك روحي اقلها كضي  اختج محد يمها لاتطلع وتفضحنا

-هسه كايمه بس اغسل وجهي لحظة

-يله لاتفهين بسرعة اختج خابصه الدنيا  محد فارغلها

-كتلج جايه ولي منا افتهمت

كمت غسلت وجهي ولفيت شالي ونزلت اشوف الناس تدخل  وتطلع ؛انداريت على سمر لسه  على كعدتها

رحت كومتها لغرفتها دخلت كعدتها مسحت وجهه  همست لاتتحركين منا سمور

-انه جتلته

-شنو ولج عزا بعينج لويش

-لان اتريد تجتل ابني

-ياابنج سمر شداتحجين عزا سمور مو وكتج حبابه وين علاجج

-انه موش مخبله تراني عاگله انه خنكته بيدي وراح اجتلها ورا قبل لاتوصلج

-صدك تحجين ولج لويش طفل اصغير خطية شنو ذنبي

-هاي  شر اي شر لازم تموت هيه وابنها هههههههه مات مات وابني بقى ههههههه

-وينه ابنج سمر شنو دتحجين

-ابني ابطني

-ولج سكتي لايكتلوج يمعودة والله يذبحوج حبابه سكتي

عفتها وركضت خابرت حبيبه  محد يسكتها غيرها
وين يالله ردت كالت ها ولج غزل

-هلو حبيبه يمعوده لحكيني هاي سمر ماعرف شدتخربط

-ولج بالمستشفى ويه مؤتمن غزل حبابه قفلي عليها وديري بالج على جهالي  دزيتهم

-ولج مدااكدرلها هاي بدت تخربط

-روحي لواحد من الولد خلي يشربها العلاج

-يله روحي هسه اشوف

سديته منها اباوعلها عيونها عليه  تباوعلي بنظره ماعرفت شتقصد بيها خفت  طلعت على كيفي سديت الباب ركضت ادور على احد يجي يساعدني لان مستحيل اكدر وحدي هسه تفعصني انوب اجتها الحاله من تحول عيونها  هيج معناتها تحضروا والسبع يوصل يمها

طلعت بره مديت راسي لكيت جدو واكف صحتله اجه كال شكوو واكفه جدام الزلم

-عفيه جدو سمر اجتها الحالة اخاف تكتل واحد لخ

-چااشعمل يبويه اذا هو راح وبلاني بزرته

-جدو عوف الراح وشوفلي احد يدخل وياي ننطيها العلاج فدوه

-انطريني   هسه چايج

راح واني واكفه شوية وصاح يالله يالله طريچ

دخل ولد بكد مصطفى مدنگ ويا نسيب الشيخ دخل جدو كال وينها بويه

-جوه بالغرفة

-سوي طريج للولد خلي يدخلون

-ماكو احد هنا تعالوا

لفيت الشال عدل اني اصلا بعدني بصدريتي وحذائي دخلت كدامهم  فتحت الغرفة لكيتها تفتر وتضحك باوعتلي صفنت شوية وصاحت  غزل ومصطفى هههههههه

رجعت ليورا من الخوف انضربت  بالولد وخر وكال اسف خويه بس سويلي مجال خلي ادخل

-عزا دير بالك حتكتلك

-بس ميلي وكولي وين العلاج لادخلين

-هياته بالكنتور بس اكمشها

دخل نسيب الشيخ شوية إجرء  كمشها حيل ربط اديها وهيه اطفر وهذا الولد راد يفتح الكنتور بس امبين مستحي صاح جدو- جدي طلعيلهم العلاج وينه

-ؤك جدو بس فدوه كمشوها عدل

الولد -دخلي خويه لاتخافين كاضيها زين

دخلت  فتحت الكنتور على السريع وطلعت شريط الحب شمرته يم الولد  طلعت للمطبخ عالسريع جبت دولكه مي انطيتهم ورجعت طلعت بعد ماشفت شنو صار من توصل هيج حاله تخوف تصير محد يتجرأ يوصل يمها بعد

ضليت واكفه ورا الباب شوية وطلعوا امبين شربوها مديت راسي شفتها دايخه تريد تنام ضليت واكفه لحد مانامت دخلت  شلت رجليها عدلتهن وغطيها دخلت  خالتي تلطم كالت اشعملت هاي جتلت ابن اخوها

-خاله فدوه هيه مريضه دعوفيها

-ولج يا اعوفها جتلت الفرخ جا عليش ماماتت هيه وريحتني تروح ولد بعمر الورد يبووو

-خاله كوه نيمناها بس طلعي حبابه

-بعدييي ولج بعدييي خلي اجتلها واخلص العالم من شرهاااا

كالتها ودفعتني راحتلها شالتها من شعرها وكامت تضرب بكل حيلها ردت ابعدها ماگدرت طلعت ركض برا اصرخ اريدهم يلحكوها لان تضربها بدون رحمه وهيه لاحس ولانفس

التمت الناس كوه فوكها من ايدها طلعوها سحبت الباب عالسريع  قفلتها  ؛دخلوا مؤتمن ومكرم  صاح غزل الحمام بسرعة

ركضت صعدت فوك حضرت الحمام دخل كال ملابسج خرب بشكلج عليش لسه بيهن

-مالحكت ابدل

-غزل لاتخبليني روحي  طالعة  ادخل  واطلع اشوف بهذا لبسج اسحك على راسج

اشرت اي هو دخل واني بعد مااندل دربي انوب الكنتور هوسه طشرته كله ياله حصلت  ثوب

طلعته اباوعله اكلوشه والصدر مفتوح بس ماعندي غيره اضطريت البسه

شلت شعري طلع وكف صفن كال انه اكلج بدلي تلبسين انكس انتي خبله وناويني تجلطيني وياج

-لعد والله ماعندي اسود غيره

-غزل اذا طلعتي منا اجسر رجليج سمعتي

-هئ ماراح اطلع

-حضرتي غراضي

-اي حضرتهم هياتهن صدك حتسوون فاتحه

-لايابه طفل اصغير بس مجلس تأبيني

-مؤتمن تره عيب ماانزل حلف الشال واضم صدري ماراح يبين شي اذا طلع شي حقك تحجي

مارد كمل لبسه  هو وساكت واني واكفه  متانيه جوابه لف الغتره راد يطلع كلتله هامؤتمن اطلع لولا

-يابه شوفيلج غير شي

-لاوالله ماعندي بس هذا بس هسه حضم  صدري

-اتلفلفي عدل وغرفتج قفليها  لاتخليها مفتوحة كالها وطلع

حمدت ربي على هدايته لبست الشال لفيت ركبتي وصدري قفلت الغرفة ونزلت رحت لغرفة بيبي

حال رجاء ياخذ الكلب صافنه  لاحول ولاقوه ؛سماح مخبوصه والطفله تبجي عرفتها  تخاف تخليها بالكاع بعد الصار بأبن رجاء شايلتها ومحتاره رحت اشرت جيبيها

-غزل ديري بالج موش اتشمريها

-لاماراح اذبها جيبيها؛  دااخذها وحده كالت هاي بت مؤتمن

اخذتها وكلت اي خاله بت مؤتمن

-بت ياهو منجن

-بت سماح 

-ياع خاله بالمبارك واخير خلفتي

ضحكت سماح وراحت العالم مخبوصه وهاي تبارك

ام تهاني. امم بت سماح دنطينياها

-روحي خاله اريد انيمها

-يااا ولج تهاني   تعالي شوفي هاي

تهاني -اشبيها يمه

-ولج تدفعني جيبيلي بنتج منها

-خاله هاي بت سماح موبنت تهاني

-ياع من اشوكت  صارت بت سماح شنهي سماح حبلت جابت

تهاني- غزل انطيها لامي

-ماكو سماح مترضه امنتها بأيدي

-ولج بتي سماح شكو

-شوفي تهاني اذا عدتيها وكلتي بتي اول شي امشي واكول اسمها على اسمي وخالها ثوره بس تحبل وتجيب ومن يجي مؤتمن اكوله اخذت بتك وشمرتها من ايد الايد وهسه تلحك ابن رجاء من اهمالها وانتي شوفي ساعتها مؤتمن اذا عرف بنته هيج صاير بيها شنو حيسوي بيج 

-يوو خليها يمج اخذيها ولي من وجهي

-اي هيجي صيري وها تره كلت للعالم هاي بت سماح لاتضلين تمشي وتحجين اذا تكولين بتي عود كولي اسمها وياها لاتنسين

عفتها ورحت اسكت بهاي انجلبت بس اتعيط رحت لغرفة سماح سويتلها ممه وحللتها

خليتها بحلگها ساعة كامله افتر بيها يالله نامت لمن ماتت ايدي خليها بكريوكها  احس روحي بهتانه اتمددت على جرباية سماح

لليل البيت ماهدأ بس اصريخ خليت راسي جوه المخدة ونمت ماگعدت غير على صوت سماح شايله الطفله تسكت بيها كالت وين المفتاح سمر كعدت وخابصه الدنيا

-هياته بصدري بس اشلون اخاف تكتل واحد ولج تحولت هاي

-لاالولد اجوا همه يدخلولها وينطوها علاج جيبي المفتاح وانتي شكو نايمه هنا

-غير يم بتج وتدرين من ارجع من الدوم تقريباً يصير عندي سبات مااحس بعد فطلعي خلي اكمل نومتي فدوه

انطيتها المفتاح ورجعت نمت بتعب لتالي الليل كعدت على صوت مؤتمن الساعة وحده جاي تعبان دفعني واتمدد نام كمت ردت اطلع كال لاتصعدين نامي هنا

-لويش

-تنزلين نص الليل مثل الاثول وهاي صايره ماتتأمن تالي تسويه مصيبة جديده

-لاماراح انزل اقفل الغرفة ونام

-وين سماح

-ماعرف يمكن يم امها بغرفة بيبي ضلت

-اشر اي وخله ايده على گصته غمض

طلعت رحت للمطبخ سويتلي لفه ورجعت دااصعد صاح مصطفى غزاله سويلي شي اكله

رجعت للمطبخ سوتله لفة طلعت لكيته كاعد عالدرج انطيتهيا

-غزل من تنامين قفلي غرفتج

-اشعدكم اليوم لويش هيج خايفين

-سمر لهجتها اليوم مصطفى وغزل اضن راح يوصلنا السره

-عزا يله المهم مو وحدي اكو احد وياي

-روحي لج صعدي انعل ابو شكلج

صعدت وعفته يسحل برجله يريد لغرفته صدك دخلت  وقفلت الباب رحت للفون دزيت مسج لوحده من بنات صفي تاخذلي اجازه لباجر لان اكيد ماراح اكدر اداوم

ومؤتمن هم الليله مانام يمي امبينه عقوبته راح اطول هالمره داانام واجاني مسج كعدت منو حيراسلني هالوكت فتحته لكيت زهراء المرسل

-اسفه والله مااعرف شنهو صارلي عذريني بعد مااعيدها الشيطان وزني ما تحملت غزل خيه معتبرتج اختي ماريدج تزعلين سامحيني  واوعدج مااعيديها خيه من رجعت لسه ابجي متندمه لخاطر الصداقة سامحيني ولاتكولين لاحد والله ابوي يذبحني

-تمام زهراء بس لاتوصلين يمي فدوه تره كرهت روحي بسببج مره لخ اكول للمدير وحتى لمؤتمن ترا

-لاابد بس خو موش زعلانه

-عوفج من الزعل واتركي هيج اشياء انتي ابنيه عيب المفروض مشاعرج اتكون ويه شاب مو ويه ابنيه نفسج هم حرام وهم شغله مقرفه

-لاابد مااعيدها كلتلج الشيطان وزني هاي اخر مره بس امانه لاتكولين المؤتمن

-لاماكلتله ويله دااريد انام باي وبعد لا تتصلين وحتى من تشوفيني لاتحجين وياي نهائياً سوي روحج ماتعرفيني ابد احسن ما اروح افضحج سمعتي

استوها جار الكتابه شفت من يمها ماخليتها تكمل انطيتها حضر  ومسحت الرسائل لاواحد يشوفهن ويسويلي مصيبه مامعوزه مصايب ويه مؤتمن اضافيه

ثاني يوم الصبح نفس الهوسه هم ناس داخلة طالعة

دخلت للغرفة على صوت رجاء  لكيت مؤتمن خالها بحضنه يمسح على راسها و هيه متخبله بالزايد على ساعة صرخت وكامت كالت ابني مؤتمن اللحگه

-يبوي كعدي استغفر الله رجاء بويه اهدي دخيل ربج راح تموتين

-ولك جاع مؤتمن  وديني ليه صدري در يعني جوعان ابنيي

- انه اوديج بس اهدي تعالي كعدي بيويييه جيبولها ماي وينجن

-تضحك عليه مووو ولك ابنيييي يمه لحكيني  جيبي ليه اكلكم جااااع  كالتها وكامت تلطم

اباوعلها ودموعي تنزل تكسر الگلب   مؤتمن محتار بيها خالها بحضنه يتوسل تسكت بس هيه فاقده

حاله ماجان احسن من حالتها اعرفه يعزها من دون اخوته گاعد عاصرها بحضنه يبوس براسها بس يريدها تهدأ وهيه مستمره اتملخ بروحه وتدفع بي ماسكتت لمن اغمى عليها دنگ شالها  وطلع يركض للمستشفى

يومين وحنا حالتنا كلنه تعبانه هيه ضلت على المهدئات خفت العالم بعد متجي هواي سمره محبوسه بالغرفة يخلص علاج ينطوها غيره ميخلوها تصحى ابد

رجعت اقرا لازم اداوم خلصت اجايزي كلها كاعدين بالصالة كلها  تعبانه من الوكفه الي متمدد والي نايم دخلت ام تهاني سلمت وكعدت سماح جانت تراجعني بالدراسة اجت تهاني جايبه الجاي كعدت تصب بيبي تسولف ويه مؤتمن

كام مكرم وزع الجاي وصل لام تهاني انطاها كلتله يوم عرسك وضحكت

- لايابه عندي مرة جنها بلوره شكو متزوج

-اي والله صدك جنها بلوره بس ترا موش بالشكل هاي جدامك مرت مؤتمن موش تزوج عليها والله اجه ابني متعجب يكول تفاجأت من دخلتنا للغرفة ماتوقعتها هيج صغيره وحلوه

هيه حجت مؤتمن رفع راسه كلها وين ودخلته ؟

-ياع چا موش دخلته هو ونسيب الشيخ علوان للبيت امفرعه حتى كال اشلون مؤتمن خال حرمته هيج

اندار باوعلي مصدوم واني بعد اريد احجي مااعرف اشلون افتح حلكي صاح اشوكت دخلوا بيتي وين جنت

-مؤتمن والله مواني هذا جدو دخلهم

ام تهاني- اشلون جدج ولج شنهو احنه نجذب

-اي خاله تجذبون لان جدو دخلهم واني جنت لابسه حجاب وجدو صاحني كال انطي العلاج لان سمر تخبلت ومحد يمها همه دخلوا انطوها العلاج

مؤتمن- وعليش انتي طلعتي

-جدو صاحلي مو اني طلعت والله لواعرف هذا اخو تهاني جان طردته من الباب شعرفني لبالي واحد ادمي وابن عالم

-ياع ابني موش ادمي

مؤتمن- لاموش ادمي الي يأمنوا يدخل بيتهم ويطلع  يحجي بعرض حريمهم ناقص ابن ناقص ورادله تربايه  من جديد لخاطر يتعلم يحترم حرمة بيوت العالم

كالها وكام اباوع لوجهه صاير شعلة مال غضب دنگ شال سلاحه وراح بسرعة مايشوف كدامه  ؛ ركض ورا مكرم  من كثر استعجاله دفر الاستكان ماشافة

واحمد وراهم  مع العلم يسحل بروحه  بس خافوا من ردت فعل مؤتمن تهاني كامت تلطم صاح امها شكوو تلطمين

- وكتج هسه من حجيتيها راح يسويها طلابه مؤتمن

-خلي يلم مرته ويضبها احسن مافاضحته جدام العالم

-دروحي لحكي على ابنج لايجتله

-چاهو كدرته على ابني ما يحفظ حرمته ويسترها اول لو ماطالعه جدامه مفرعه وين يشوفها ابني

-يمه دخليج اذا علكت بينهم انه اروح بيها لحكي ابوس ايدج

كامت  نكثت عباتها ماعاجبها جانت ناويه غير نيه وانكلب عليهم غير شي طلعت وتهاني كعدت تلطم خايفه من الراح يصير سماح كالت صعدي غرفتج وسدي الباب لاتنزلين لمن اتفض السالفة ويهدء مؤتمن

اني هم ماجذب خبر طلعت ركض للدرج صعدته بسرعة وصدك مانزلت لثاني يوم للمدرسة  ماعرفت شنو الصار لواشلون انحلت

نزلت الصبح بعدهم نايمين بس طكطكه بالمطبخ دخلت لكيت هيفاء واكفه اتسوي ريوك كلت على كيفي صباحوو هيفاء

-هلو يكلبي صباح النور عليش تحجين بهمس

-هم نزل مؤتمن

-تعالي لاتخافين انحلت السالفة طلع الولد لاحاجي ولاشايفج بالاصل حلف بكلام الله السالفة جذب

-اوف الحمد الله واشسوه مؤتمن

-ادبلج  تهاني خوش تأديب  وكلها اذا دخلت  امج لهنا مرة ثانية تردين وياها

-حيل رادني انضرب طاحت بيهن زين مؤتمن هم كال وينها

-لاانهد بجدي كله هيه ثوله وطفله انت اشلون تقبلها على روحك ودخل الزلم للبيت وووو اشكد تلاغوا وهوسه يالله انحلت   كوه سكتنا بس انتي اذا حاجاج موش تكليله انه كلت الجدي تره لمينه السالفة وگلنه دخلوا  غفل ماتدري

-هو وين بيا غرفه هسه

-يعني وين اكيد بغرفة سماح تعالي ولج صدك شومااشوفه يصعد غرفتج عليش شعامله

-والله كلشي ماكو من اهد ماتعاركنه بعد مااجه

-ياع مؤتمن يعوفج كل هالمده هاي من اشوكت وعليش انتي ساكته  اشبيج ثوله تاركته

- يريدني اعتذر واني لو اموت مااسويها خلي هيج يباوع من بعيد وحمس لمن يتأدب ويحرم يعيدها

-عليش يمه منهو الغلطان لخاطر يتأدب

-هو  اكيد  عوفج منه خليني خلصانه  سويلي ريوك فدوه حتأخر

-يله كعدي هسه دقايق يكمل منهو يوصلج لوهم مكرم

-لعد اله امشي لان مؤتمن قافل ولج حتى مصرف مدينطيني يلا فدوه خبري مكرم علما اتريك بس يفتح الجبس مصطفى هو يوديني

تريكت على السريع طلعت لكيت مكرم صدك امتانيني  وصلني همزين ماشفت مؤتمن بلكي ينسى الشغلة فرد مرة يالله اشوفه

دخلت للصف واشوف زهراء كدامي استغفر وعرفت روحي ماراح اخلص منها ؛شمرت غراضي وكعدت هيه يم اختها واكفه تسولف  مرت دقايق طلعت  حمدت ماوصلت يمي

طلعت كتبي اراجع الدرس اجت سماهر سلمت رديت السلام
-انه سماهر بت رفيج مؤتمن عرفتيني

-هلا بيج حبيبتي كلتها ورجعت دنكت اكمل دراستي

-امم اشوف ردج جامد وانه وصاني عليج ابوي

-لاحبيبتي بس دا اراجع اسفه مو قصدي شي

-لاحگج ادري تخافين مثل خالاتي

-عفيه جبتيها فدوه لاحمل مشاكل ويه مؤتمن ولاعندي نفسيه بعد اتقبل شي جديد

-ههههه جاخليني اكعد يمج واعرفج عني عدل

…كالتها وكعدت تحجي صدك من طريقه كلامها وهدوئها  اكتشفت انو متربايه وحبابه مو مثلهن

هواي سولفتلي على صداقة ابوها ومؤتمن من جانوا صغار واشلون ناس تدخل لناس  واخر شي ضحكت كالت خو من رجع  وره مااتعرف عليج خلانه نسكت من الصحك

-هاا كالكم لسانها اعوج وماتعرف تحجي مو

-لاوالله يضحك على مؤتمن اشلون راد يتلافه السالفة خاف تنتبهين  فرگ البينكم  وراح اتعنفصين عليه

-تره موكلش فرق هواي بس كولي هو عنده عقدة من هالسالفة اكولج اي

-ولج  كل شوية يتصل بمؤتمن يهدده يكله  ادز سماهر  اتحيلها تذكرها انت شنهو  ويضلون يتضاحكون

-حييل عفيه عليه عمو خلي يحرك كلبه خلفه صبحه بلكي يحس ويبطل فرعنه

-بس تدرين  متعجب اشلون البغداديه منطيته بتها وهمه جانوا روسيه

-حبيبتي  انسحلت غصباً عني وعن البغداديه هسه انطيني رقمج حتى هم استغلج بهذا الشي اتفيديني ادقه شوية

اتبادلنه الارقام واخيراً صارت عندي صديقة الحمد الله خلص الدوام

رجعت للبيت جان الصوت واصل للشارع اتعودنه على هاي الهوسات صارت عادي همزين البيوت هنا واحد بعيد عن الثاني هاي من غير المزرعة داير مداير البيت جان انفضحنا

نزلنه اني ومكرم دخلنه لكينه احمد خال سمر ويصلخ بيها بالواير وهيه لاحول ولاقوه لامه نفسها وتون 

من حرگت كلبي شمرت جنطتي ردت اركضها مااحسيت غير مؤتمن يرفعني من خصري ضربته ردته يعوفني طوقني حيل  كمت اصرخ وارفس

اشوفهم متوليه وهيه حتى ماتقاوم بس دموعها تنزل بخوف كل  واير يضربها يطفر دمها احسها شگت كلبي اشكد صرخت وطفرت ردته ينزلني ماكو اخر شي صم حلكي وطلعني من الغرفة وداني لغرفة بيبي حجه من بين اسنونه - بعلي اذا ماسكتي اخليج بصفها وادفنجن سوه

-ولك لويش دتسون بيها هيج ماعدكم رحمة

-لاتدخلين غزل

-شنو ما ادخل ولك مؤتمن حتموت فدوه لخاطري عوفوها

-غزززززل حسج مااهيسه اطلعين تنكتلين وياها خرب بشرفجن وطيتن روسنا  من انعل شرفجن تريدلك وحده شريفه ماكو

دخلت سماح كمشتني كلتله اطلع مؤتمن عوفها انه افهمها

دفعها وطلع بسرعة عيني صارت بسماح على شنو تفهمني باوعتلي و كعدت ضمت وجهه وبجت بصوت

-شكو سماح لويش هيج دتسون بيها

-ولج حامل و مانعرف منين

-عزا ولج هاي رجاء ادخللها واحد

-غزل سكتي لاتحجين بروح ابوج تالي يشمروها براسج  وانتي مامعوز بسرعة يصدكون مثل امج نفس الشي لاتدخلين خليج بعيده عدها اهلها يحموها موش مثلج

-منو كاللكم حامل تأكدتوا

-عمتي وتهاني اخذنها للتحليل وعرفن جابن التحليل شفناه

-اصخام بوجها راح يذبحوها مو عزا عزا عوفوها اني اخلي ماما تاخذها يمها مالكم شغل بيها لاتكتلوها فدوه

-بعد ما يفيد بس يردون يعرفون منهو قبل لايجتلوها

صفنت يعني ذوله صدك راح يكتلوها  دفعتها وطلعت اركض لكيت مؤتمن امكنبص كدامها كامش وجها يحجي بهدوء لبالي الله هداه وحن كلبي

وصلت يمه سمعته يكلها كولي منهو وانه  مااخلي احد يعذبج

لطمت على خدودي صحت ولك تريد تكتلها اكيد اتخبلت انت

اندار كال منهو كلج اتطلعين

-ولك مؤتمن اشلون هيج تكتل بدون رحمة انت شنو

-من انعل ابو الرحمة التجي من وراجن غزل ولي رديييي للغرفة

دفعته وركضت وكعت على سمر  حضنتها كلتله اذا تريد تكتلها اكتلني وياها

بعد ماراد واجه احمد دفرني وصرخ هاي اذا موش انتي التجيبيهم الها…

بعده يحجي واجا مؤتمن مثل الاعصار عيونه حمر شال ودگه بالكاع  نزل عليه ضغط ركبته كمش اديه يريد يدفعه ماگدر رفس جوه ايده صاحت عمتي ولك مات ابن عمك يبوووو

ركضوا مكرم ومصطفى دنگوا يجرون بي وهومستمر ضاغط عليه لمن صاح جدي مؤتمنننن

فتح ايده گله هالمره حجيتها الثانية اترس حلگك باردود

كام دفره بطنه دفره  من يمي طفرت  اندار يباوعلي بغضب ركض كاظم جرني اخذني كوه يسحب بيه  وصلت للمطبخ كال خويه لاتخافين والله احميها بس خلي نعرف منهو الناقص الدنس شرفها

-ولك راح يكتلوها

-محد يوصل صوبها انه انطيج جلمة

-لامؤتمن ماتكدرله واح يموتها  تذكر قبل بس شافني اسولف ويه واحد راد يكتلني مو انوب حامل

-ترا ادري بالسالفة نسيتي من خبرتيني بس انتي اذا ضليتي اطفرين راح اتضيعين حكها انه اريد اعرف منهو واجيبه هنا وانعل ابو اهله اخلي يعترف منهو اليدخله بس بروح ابوج سكتي

-كاظم فدوه لاتخليهم لحگ عليها حتموت

-لاتخافين متموت انطيتج جلمه  اندار صاح حبيبه تعالي لاختج

دخلت حبيبه كل عين اشكبرها من البجي كمشتني وكلته روح  طلعتني بره للحديقة شفت خاله كاعده تكسر الخاطر بس دموعها تنزل ركضت دنكت عليها لزمت اديها  باوعتلي وشرت بكسره راحت

-لالا ماتروح اني اخلي ماما تاخذها يمها وعمو يتزوجها ويستر عليها بس  كومي كليلهم خلي يعوفوها

-مايفيد ييمه ريحت روحها بيدها

-والله مو هيه خاله والله  ولج خاله فدوه كوميلها راح تموت

-خلي تموت خلي يغسلون عارها

-عزاااا انتي هم ام شنو انتييبيي  ولج بتج هاي   خاله مالها ذنب فدوه گومي خاله فدوه

-وينك يامعتصم تعال شوف حال بناتك  ولك حملك ثچيل عفته ورحت ولك عليش عفتهن چاماتعرف محد يرحمهن ضاعن بنياتك چامتعرف انت بيدمن تركتهن  ورحت

-عوفي معتصم الله يحركه بكبره انتي مو ام كومي اخذي بتج بحضنك واني راح اساعدج والله خاله هسه اخبر ماما تجي تاخذها بس كومي خاله فدوه كلتها وكعدت ابجي لان ايست منها متكوم

اخذت شوية وسمعت صرخت سمر دفعتني وكامت تركض جوه رحت وراها دخلنه لگينه احمد راجع يضرب بيها ومصطفى واكف كدامها يحمي بيها

ومؤتمن كاعد خال راسه بين اديه مغمض صاح  كاظم بسسسك احمد خلي نفتهم منهو وانجيبه ونچتلهم سوه بس هيج راح انضيع غنيمنه

راحت تركض دفعت احمد ودنگت اخذت سمر صرخت اذا تچتلوها جتلوني وياها وخروا عارها عليه مالكم شغل بيها

احمد- كل الصوج بيج وين عنها انتي لومربيتها عدل جا مالطخت روسنا وخري يمه كوميييي

-من انعل ابوك لابو شرفك ولك اختك انظف منك كلشي مابيها سودنتوها وهسه ناوين اتجتلوها وهيه موش بعقلها

جدو- اخذها لغريفتها لحد ما نحصل ابن الحرام ونجتلهم سوه كافي البت موش ابعقلها ماتعرف

رجاء- شنهو تسكتون عن عاركم انتوا اشبيكم جتلوها وخلصوا على شنهو اتجيبوا عود من اتحصل هم جتلوا

احمد-  اخر بشر انتي تحجين تسكتين احسن ماادوس على راسج

-وعليش عيني مادوس راس اختك الشايله ابن حرام شكو جايني

-رجاااااء وحك علي اچتلج گبلها اذا مانكتمتي

تهاني-تعالي خيه ذوله كدرتهم علينه وعايفين شرفهم امطشر بس كلمن حظ

مؤتمن- بت القندره على منهو تحجين انت ياشرف هذا انعل اشرف اهلج  مابقى بس الحثاله يلغثون شو تعالي لخاطر اعلمج الشرف اشلون يصير

كام وكالها  رجعت ليورا صاحت - هم راح اطگني لخاطر وحده ماضاله بنفس احد روح اسأل  دعاء خلي تحجيلك عليها  بالمدرسه شتعمل من ابنيه لابنيه  ماخاله روحها بنفس وحده

اندار مؤتمن باوعلي عاكد حاجبه اني منها روحي بهتانه من منظر سمر وهاي كلمتها احس الدنيا افترت قبل لايفكر يحجي غمضت بعد ماحسيت بروحي

فتحت عيوني بغرفه سماح الي گاعده يمي هيه وهيفاء يسولفن شافتني صحيت ضحك وصمت حلكها بيدها كوه عن لاتطلع الضحكه كالت كومي بالعباس راح يتسودن الزلم

-ااااا ولج راسي على شنو يتسودن هذا يخبل دنيا بكبرها وهو يبقى عاقل

-ولج انوب حتى البنات يتحارشن بيج هههههههه

-بعد ضحكي ضحكي  اكولج وينه وشنو صار

-طلعوا حصلوا اسم الولد بلكي يلكوا وانتي اشبيج اول كلمه وكعتي  اقلها دافعي عن نفسج اشكد ثوله ولج مؤتمن يضحك يكول والله بس باوعتلها بعدني مافتحت  حلكي اشبيها هاي

-عزا انتوا والله راح تموتوني خوف واني اشعرفني برجلج كل دقيقه مزاج شكل شفته تعصب كلت هسه يهفني براجدي يفقدني الذاكره اووف وافقد الذاكره وانساكم صدك رادلها بخت

-دكومي سولفيلي منهو ذني يتحرشن بيج ولج هيفاء تحجي وانه ميته ضحك عليش متحجيلي

-عوفي السالفة خلي تولي وين سمر

-بالغرفة المسكينه عسى حوبتها متتعداهن انطيناها مسكن نايمه

-ولج راسي حيطك وجوعانه

-ديله هسه اكوم اجيبلج شي تاكلي بس صعدي غرفتج بدلي

طلعنه سوه اني لغرفتي وهيه للمطبخ هيفاء ضلت اتلعب بت مؤتمن

صعدت لكيت صوت طالع من غرفة تهاني ورجاء يسولفن مالحكت  بالنهاية وصلت بس اتفاجات   رجاء ولا تكول ابنها الرايح صح كاعده تشهك وتبجي  بس تخطط  اشلون ترد احمد الها وتهاني اشلون تاخذ مؤتمن وتطلكني

تكلها  مثل ماخليته يعوفها  اخلي ينام بحضنج ويطلكها ومايشوف غيرج بس سوي هيج

تهاني - خوش جا اليوم اعمل روحي متخربطه كلش  لخاطر ينام يمي

-عفيه وذني الي عطيتهن الج تشربي منهن وتخلين بخاوليه قبل لايسبح الصبح

ردت تهاني اي ورجاء ضلت مستمره تنطيها الخطط ؛ عفتهن  بعد ماسمعت كل خططهن رحت لغرفتي على كيفي

سهله رجاء مو بسيطه واني لابسه اسود على ابنها من امداي رحت للحمام غيرت ملابس لبست اتراك احمر دم الغزال بعنادها

خليت ميكب وحمره حمره حيل لشت شعري عالي كعدت  خليت كتبي كدامي  اقرا كلما ردت افهم شي مافهمت  انوب هوسه جوه حتى كمت اخاف انزل شوية ودخلت سماح كلتلها اتعطلتي وين جنتي

-ولج اجوا كالوا منهزم الولد عارفي منهو بس ماكو لاهو ولا اهله اصلاً مو ش من هالديرة

-لعد اشلون

-والله بعد ماادري بس همزين من صالحنا هيج ماراح يجتلوها  خالتي كالت باجر اخذها انزل الطفل وهيه اصلاً مخبله يعني مامن وراها چاره يخلوها بغرفة ويقفلوها لحد ميحصلون الولد دزوا جماعه بلكي يجيبوا

-ومؤتمن شنو وضعه

-سوده عليه من مصيبه لمصيبه هالرجال ولاجاي يرتاح طلع ويه جدي راحوا على شيخ علوان عدهم مشيه

-اكولج عندي امتحان منو يدرسني

-اكلي ونزليلي جوه بغرفتي لان عفت غزيلان الخبله الثانية تصرخ

راحت نزلت واني تربعت كدام الصينيه اكل نص الوقت وتذكرت علاجي ناسيته صار يومين  كمت دااخذه   اجه ابالي العب من زمان ما لاعبه ويه تهاني ومؤتمن  والله وكتها هسه هم اطير الليله  عليها واحرك مؤتمن بالزايد  وهم ادق رجاء  بطريقي خلي اشوف سحرهن ومكرن وين يوصل

كملت واجباتي بقى بس الامتحان الساعة تسعة   سمعت باب تهاني انفتح  وصوت مؤتمن دخل  عرفته مخابرته لميت كتبي  عالسريع وطلعت من الغرفة لكيت الباب بعده مفتوح هيه بالبرنص استوها طالعه من الحمام ولازمه راسها

سويت روحي مامنتبها مؤتمن جان واكف يأشرلها شكو نزلت على السريع لغرفة سماح لكيتها اتلولي  بغزوله اشرتلي اشش

خليت كتبي وكعدت بالكاع خليت راسي على الجرباية غمضت اجه بعيوني مؤتمن اشتاقيتله هذا شنو ماحن اليه صار كم يوم شنو هالگلب الشايله على غلطه صغيره هيج حاسبني

بس والله اطلع الليله اليوم من عيونكم

سماح-   اشبيج غزل

شلت راسي كلتله كلبي دينغزني

-يمه اسم الله اشبيج

-مااعرف ولج يمكن اخذت العلاج مرتين نسيت وهسه ديوجعني

-اصخام بلكي يوكف وتموتين ولج غزل ثوله انتي اشكد علمج مؤتمن كلج ويه الساعة مرة وحدة بالسبعة لخاطر ماتنسين

-موالبارحه نسيت اخذ بالليل اخذت الصبح ورجعت من المدرسة نسيت اني ماخذه اخذت مره لخ

-هسه شسوي

-مااعرف بس هسه انام بلكي ارتاح

-ياع وانه اتانيج بلكي ترتاحين شو ميلي عني
كامت جرت الفون خابرت مؤتمن كلتله تعال لغرفتي بسرعة

اني سمعت هيج سحت وحدي علمود ابين صدك خليت الكتب حجيت عود بصعوبه تره مابيه شي وعندي امتحان فدوه درسيني

-ولج يادراسة وانتي مختنكه دعوفيها وبعدين شهالمكياج والله فايخه انتي

-اشعرفني جنت كاعده ضايجه لهيت روحي لعبة شوية بخلقتي

احنه نحجي ودخل مؤتمن كال خيركم

-تعال عيني ماكوشي بس غزيلان ماخذه مرتين العلاج وهاي جدامك محتاره بيها وين اوديها

-تره مابيه شي هسه اصير زينه اشبيج انسبيتي

-مؤتمن تراها تكابر هسه جان كلبها يوجعها اجذب هاي

مؤتمن- كومي لبسي اخذج للمستشفى

-لااا مابيه شي مااروح مالك شغل بسماح هسه انام اصير زينه

-كومي بويه تره بالعباس روحي طالعه موش حمل مصيبة جديده كومي خلي انشوف سمصخمه انتي

-مؤتمن لويش دتعيط تره مابيه شي وحتى لوبيه شي هم ما اروح يله روح إسفين ازعجناك عيني  كلتلها وكمت دخلت فراش سماح اتغطيت ودرت وجهي

اندعي كون مااضحك وفشل روحي لان من صدك خاف لباله بي شي كل حسره تطلع اشكبرها اجه كعد يم كال كومي بويه تركي  اعناد الجهال

كمت تربعت كلته شوف تره مو طفله وكل شوية اتكول جهال واني مابيه شي اشلون حتفتهم اغنيها الك ويله اصعد للسنيوره مالتك تره خطيه امتانيتك لاتضل على راسي تلح

-همم غلطه وتجاوز وامر ثلاثه سوه كلتيهن هسه انتي بيج كف اطير وجهج لواتموتين بيدي

-اهوو كلتها ورجعت نمت

-استغفر الله اللهم صبرج ياروح بويه سماح فرشيلي بالكاع خلي انطمر  ولاتگعديني حتى لو ماتت

راحت سماح مدتله افرش وكوه كاتمه ضحكتها اتمدد وغطه حتى راسه اجت يمي كعدت على الجربايه وكل شوية تطلع الضحكه لمن صاح مؤتمن ضحكي بويه چا هو هذا حظي استوج ماكتشفتي

وهيه طكتها ضحكه على ضحكتها اسمعه ضحك على شنو يضحكون مافهمت والله حسيتهم متفقين على شي وخربته اني

هو نام وهيه ادرس وانوب اني ما الكفها من اول مره لازم تعيد وعلى كيف يالله افتهم عادت مرتين وسالتني صفنت بوجها صاحت ياربي رحمتك البت راح تجلطني

-انتي لويش تعصيبن ياعيني بس على كيفج 
اكولج صدك اذا الحمره الجوزيه عندج ان…

-غزيلاننن لااتخليني اطك ولج بالج وياي

-وياج  عيدي شنو كلتي

-ربي رحمتك كالتها وعادت جاوبتها بس هم موكله صح 

-الحمد الله خلي  نبدي بالموضوع الثاني خليج وياي  كالتها وبلشت تشرح

واني وياها صافنه شوية  وتذكرت الدجاجه الخلينه جواها بيض جنت ناسيتها قاطعتها كلتلها سموح البيض فقس لوبعد

شمرت الكتاب وصفنت عليه  ومؤتمن طكها ضحكه

-غزل كومي طلعي بره اخذي كتبج ولاتراويني وجهج

-شنو الامتحان

-اصخام على راسج ياامتحان انتي وين تفكرين وانه وين اشرح

-لابعد ماافكر بس وياج فدوه والله حرسب عيب كدام البنات بس هالمره

دنكت ضمت وجهه كمت جبت الكتاب انطيتهيا وبستها كعدت تربعت كدامها رجعت تشرح واني وياها لمن نعست وبعد فصل كلتلي كومي غسلي وجهج

-لا حيروح مكياجي

-چاصحصحي وياي غزززل

-اي بس لاتعيطين هسه تكعود هاي الجلبه تبجي

-كوليها عدل

-شنو الجلبه

-هههههههه استغفر الله انتي اشوكت تعدلين لسانج

-شوفي ومن اني اقاطعها اتضل تعيط يلا كملي

رجعت تشرح مااعرف لويش من تشرح سماح اتذكر شكو شي فاقدته اتذكر وين هيه تشرح واجان اتذكر سمااااح اتذكرت الساعة فوك الملحق مالت الكاونتر

طبكت الكتاب شالته وكامت جرتني من تشيرتي وسحلتني للباب فتحته شمرت الكتاب ودفعتني سدت الباب؛  ضليت بره صافنه هسه اشحجيت اسمعها هيه امعصبه تصيح ومؤتمن يضحك

فتحت الباب كال دخلي نامي الصبح انه راجعج

رجعت للغرفة نمت يم سماح وهو لفراشه استوها طفت الضوه كعدت بتها كامتلها

اشكد اتكلبت ردت انام ماكدرت خاصتاً من كعدت غزول  كمت العب وياها همزين هيه هم راحت نومتها تكابلنه اني وياها ؛ اني ادغدغ وهيه اتكركر

سماح-  مؤتمن كوم اصعد فوك ذني اليوم ناويات صباحي مالهن نيه ينامن

اشرلها وهو نايم عوفيهن رجع اتجتف نام صفح يابه اشكد فرحت من تهاني انضربت بوري وهو اشلون الله معاقبه ثلث نسوان ونايم وحده بلكاع

سماح نامت عافتها يمي ضلينه للثنتين اثنينه طفينه ذبيتها بكريوكها دنكت داابوسها اسمع مؤتمن كال يله نامي

-مالك دخل

شفته كام واني طفرت  دخلت يم   سماح اسمعه استغفر ورجع نام

للصبح كعدت على صوت مؤتمن يگعدني فتحت عيوني واشوفها صايره السبعة طفرت طلعت ركض لغرفتي بدلت على السريع نزلت  لكيت تهاني كدامي تنزل بعدلها درجتين نزلت على السريع ودفعتها اجت ترس على وجها

طفرت وللمطبخ بسرعه اخذت لفتي اول ماسمعتها تبجي وتشكي لمؤتمن

طلعت ركض  لكيت مكرم امتانيني اول ماصعدت كال عاد تسولي اجره شهريه لو ماكو

-هلو مكرم صباحو بسرعة

-هلا صباح الانوار اشلونج خويه شكو

-اطلع بسرعة  راح يلكفنيييي

-عليش شعامله  كالها وشحط السياره شافني ضحكت هز ايده كال الله يعينه هم ابتلى هذا

وصلني سلمت ونزلت

اول درس جان امتحان الحمد الله جاوبت  الدرس الثاني هم محضره ماعانيت خلصت الحصص بين دراسه وتحضيرات جنت خاله راسي بالكتاب اريد اتعلم من صدك

الحصة الخامسة  جان رياضه عدنه رحت للحمام غيرت ملابسي طلعت صارت بوجهي زهراء اول ماباوعتلي عضت شفتها خفت طلعت اركض للساحة

لعبنه شوية حسيت  بطني وجعتني عرفت لان مامتريكه  كمشتها ورحت اخذ اذان من المدرسة شافتني كالت اشبيج ماما

-ست بطني توجعني يمكم لان مامتريكه اروح ارتاح

-روحي ماما بس اكلي شي وجهج اصفر

-اي ست هسه ادخل جوه جايبه اكل بلكي اصير زينه

رجعت صفي دخلت دا اطلع اللفه وانعصر خصري درت وجي واشوف زهراء كلتلها والله اصرخ وافضحج وخري احسلج

-مااسويلج شي ترا اتشاقه

-اني مااحب الشقى لاتشاقين وياي يلا ولي

-غزل موش تأسفت حبابه لاتضوجيني ترا انه موش مثل ماامفكره انه موش هيج كلتلج شيطان وجنت شايفه فلم لهيج شي ردت تشوفي بس اتندمت حبابه سامحيني وانه اكلج شي اخليج تنقذين روحج من الطلاك

-مااريد انقذ روحي اني اصلاً اريد اطلك فكيني ولي منا لا وروح بابا اكول لمؤتمن

-عليش هيج اتعملين هسه انتي عمرج ماشايفه شي لوعامله غلطه واتندمتي عليها

-ماكو بشر ما يغلط بس مثل غلطتج مااتصور اكو

-سامحيني وداعت ابوي حسبالي لان عايشه بره عادي عندج بس ردت اجربج مثل ميكولون منحله صدك لوجذب

-اهووو اشلون شغله بابا فكيني ولي عني

احنه نحجي ودخلت سماهر كالت هاا بنات شو هنا

-ماكو شي دنحجي وخلصنا خلي نطلع

-لاحبابه تعبانه خلي ارتاح كعدونه شوية ماطول المدرسة دزتني وراج كالت شوفيها

زهراء- چا خلينه نكعد نسولف شوية بين ماترتاحين واعزمجن على عصير

-اني مااريد شوفي سماهر وانتي وخري عني دااطلع كملي سوالف وارتاحي وبعدين لحكيني

دفعتها ردت اطلع شفتها كعدت بجت  وسماهر واكفه مكسور خاطرها كسرت كلبي يمكن صدك بسبب الفون هاي غلطت وتندمت

اشوفها تبجي من كلبها وتتوسل اسامحها  استغفرت شفت وضعها بي مجال للنصائح

رجعت كعدت يمها وسماهر كعدت يمي بلشت انصح واحجيلها اشلون هناك البنات الي يمشن بهذا الطريق شنو نهايتهن ؛مر وقت واحنه مستمرات بالحجي وياها اتفهمت ووعدتنا  اتبطل بس انضل صديقاتها

ضلينه انسولف وانوب تحولت ضحك اتذب حجي اشكال واحنه ميتين ضحك  ؛دااكل واحجي مدت ايدها مسحت شفتي

على السريع رجعت راسي ليورا كالت تره باقي اكل على حلكج

سماهر- زهراء والنبي اكول لابوي يشكيج لجدي انتي الضاهر مريضه متبطلين لابنصيحه ولاشي ثاني ماراح يفيدج غير الطك

-لاتره صدك حلكها متلوخ شوفي وانه وعدتجن مااعيدها بس انتم اخذتوا نظره بعد اي شي اعمله يروح بالكم لغير نيه

لبالي صدك سكتت و مسحت حلكي بالكلنس بس عجبتني من ايدها المسحت شفتي حطتها بحلكها لعبة نفسي هاي لويش هيج دااتسوي

اشرت لسماهر همست  يجوز مامنتبها عديها

رجعنا انسولف دنكت اعدل القيطان مال حذائي فالت  شلت راسي لكيت عينها بصدري رفعت روحي عدلت زيگي كالت عليش صدرج هيج

-اشبي

-بي عصرات زرك جثيره

- اهووو اكولج يمكن اني متزوجه موو وبعدين عيب هيج شي موكلنا انبطل هالحجي شو وخرن خلي اطلع لعبتوا نفسي

-لالابس ردت اتعلم بالمستقبل هم اتزوج لاترحين دقيقه كالتها وجرتني

-من تتزوجين زوجج يعلمج اني هم تزوجت كولشي ماكو مؤتمن خلال شهر سواني استاذه وديلا ولي وبعد لاتجين يمي واذا لكيتج داخله للصف لو حاجيه وياي كبل اكول للمديرة وحتى لمؤتمن خلص بعد حتى نصايح وسوالف وياج بطلتهن وخري يلا

دفعتها وطلعت من الصف اجت  وراي سماهر كالت نرجع للرياضه بس معتازه حمام خلي اروح 

-لااني ماارجع العب  بعدها بطني توجعني راح اغير ملابسي وارجع يمكم اكعد وين هالمصيبة ولت

-رجعت لصفها ترد عدها درس وفالته موحسبالج شاغر عدها

-عززا والمدرسة اشلون ماتكول وينها

-لاتخافين الف عذر اطلع وتطلع من الصف يلا ولج بسرعة امشي خلص الوقت

رحنه وصلنه للحمام دخلت واني بالباب باوعت ساعتي بعد اقل العشر دقايق  للدرس

طلعت كالت دخلي غيري وانه ريحه لان هسه المدرسه تستبطيني

-يلا دقايق واجي وراج روحي لا تضل اتعيط عليج

راحت تأكدت عبرت الحمامات هم ماعندي ثقه بيها كلش كمت اخاف ؛ اخذت ملابسي دخلت داخل وحده من المراحيض قفلته بدلت على السريع طلعت
واجان اتفاجئ  بيها بالداخل  انوب اباوع لباب الحمام مقفول ردت ارجع ادخل   بس جانت اسرع مني ركضت سحبتني حيل ودفعتني بكل قوتها لمن وكعت  بالكاع على وجهي

انكلبت اباوعلها دخلت ايدها بجيبها طلعت سجينه صغيره وبيدها  وايد الثاني فون

ردت اكوم مالحگت دفرتني اجت بصدري رجعتني مكاني دنكت خلت السجينه بركبتي وعكست رجلها على بطني  كالت

-نزعي ملابسج  بس تتحركين انحرج…

لاتنسون التصوين ⭐⭐⭐⭐⭐