#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 34
نفس شي فبلاصة خرى
شاد تيليفونو ومجبد فوق ناموسيتو وهي غادة جاية تاتغوت
زبيدة : لعبات ليك بعألك أول أول ازغبي ياك قلنا غاندير لولدي عرس مطرطأ ونتا جيتي وتافأتي معاها فدءِيأة مابءِتوش باغين العرس ولاهيلا دابا اش يقولو علينا
سيف تقلب على جنبو ودار لكوفرلي فوق راسو مغمم :مني تخرجي طفي معاك ضو و سدي الباب عافاك
زبيدة عقداتهم و تقلقات و خرجات
ايام بالمرور الكرام كانت فيهم اسماء مشغولة مع دار خواو لباها لبزطام بجيب و جيب وماسالاتش
وغايضورو ويطليو ليها هاتبريمة ها لحناء ها سقلة هادي لشعر هادي للمناطق لحساسة هادي لدات ماكايطلقوها تا كاتتهيج بشرتها
و سيف كذالك جيب هادي جيب هادي لكونط خوا من دراهم
دهازها تكلفات بيه خديجة و حسنى كمل ف 3 يام لولة
وليوم....ليوم بضبط خاص كلشي يكون واجد
فالفيلة .....
جالس فصالة وهي قدامو وبترجي و عيونها الباكية تاتطلب شفقتو عليها :عافاك فين غانمشي لاخرجتيني من تحت جناحك
ببرود:ماشي صوقي سيري فين ما عجبك فين كنتي قبل ماتعرفيني
رحمة بنفعال :( كاتغوت وناضت لديكور لي فدار تاتخبط گاع لي قدامها و حالتها بلبكاء تشفي لعدو وتاتشير لراسها وهو ناض باغي يدها وبدون عقل ) فين كنت قبل 6 سنين تصاحيب و 5 سنين زواج ؟فين انا ماعاقلاش فين ؟ هاا
نسيتي نسيتي راني بايعة دارنا و معاوناك فالفيلا و الشركة و نص فرزقك انا لي بديتو لك و نتا اش درتي قولي شنو درتي فاول غلطة طلقتيني و لحتيني فزنقة شنو درت گاع من غير اني بغيتك الكداب اش دنبي نتا منافق عمرك تبغي شي حد نتا كاتبغي غا راسك ونتا سباب فختك كلشي بسبابك و بسباب نرجيسيتك المريض (دفعاتو تاتضرب فيه وتاتندب حناكها )قولها غا قولها عمرك تقد تشوفني قدامك حيت ديما كاتشوف فيا ضعفك حيت انا قبلت علك فاكرف حالاتك فاش كنتي مگرد و ما عندك تاريال فاش انا لي كنت تانخلص طاكسي وفاش انا لي قلبت لك على خدمة كاتشوف فيا نتا لقديم ماقادرش تتيق فراسك وحبي ليك نتا ماشي راجل و عمرك تكون راجل نتا حيوان... كاتبغيه؟ ا سولتي واش تاهي كاتفكر فيك كاتبغيك كايحساب ليك انا ماعارفة والو اسي خالد كلشي داز من عيني كنتي فجنبي وتاتعيط بسميتها عمري ننسا نتا سباب فجرحة لي فقلبي (هزات يديها تنادي خالقها وبقهرة)ياسيدي ربي ياربي سمحلي لاقصرت من جيهتك بسبابو و بسباب حبي ليه ياسيدي ياربي خرج فيه گاع هاد نار لي فسدري ياربي بغيتو يتحرق بيها ياربي صرف فيه دنوب هاد ليتيما لي غتاصبها فطفولتها و حياتها وعمرها ..قرب ليها محاولا يهديها و بدون وعي نهامرت دموعو و عنقها و هي تاتحاول تدفعو بجنانو
رحمة تاتغوت ربي لي خلقها : وابعاد بعاد مني طلق طلق وا طلق الكلب الله ياخد فك الحق
صوت من و راهم مهدود :شنو واش بغيتي تقتلها بالفقصة تاهي
دارو بجوج على اثر صوتها لي مدة ماتسمع فأرجاء دار
يـــتـــبـــع غدا .......
#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 35
نازلة فالدروج بعياء تلوح رجل فدرجة وتستاراح و تنزل على لخرى وقربات عندو شعرها تايضرب ففضهرها وصوتها كايخرج تقيل :عمري نسمح ليك اخويا نتا سبابنا نتا سباب موت وليدينا نتا بسبابك كولشي شتي هاد ضلمة لي فهاد لفيلا نتا لي تعبتي عليها شوف فلوسك واش ينفعوك مني تخطاك صحة والعائلة ربي غاينتاقم منك وغاتخسر كولشي نشاء الله باش تشد لارض وتتهد نتا ما قاد علك حد تفرعنتي وهادي لي باغي تلوحها هي لي وقفاتك على رجليك وماحنيتيش فيها نسيتي مني تبعتيها تموت وتتزوج بيها ولا كان فك غا طمع باراكا اخويا خلينا نعيشو ونتنفسو را تهدينا ودنية فانية حنا ماطلبنا والو بغينا غا راحت البال
رحمة (معنقة وجهها تاتنخصص وفرحانة ليها فاتتو وتلاحت عنقاتها مدفية بحضنها )على سلامتك احبيبتي على سلامتك كنت عارفات اتنوضي و ترجعي بصحيحتك
غيتة معنقاها :شكرا ارحمة شكرا اختي (شافت فخوها) لابقيتي هكا غاتعيش ديما بوحدك و تمرض بوحدك ماتلقاش لي هزك ولا لي يعقل عليك خرج خرج رتاح ويضربك لبرد وراجع مخك راك غادي فالخسران
جرات رحمة مخلينو وطالعين فدروج دايرين راس على راس
خالد يا خالد دنية دارت و رجع عليه حر دقة وشعور ندم لي كان كيطفيه بأفعالو هاهو فاق طاح على ركابيها وداير يدو على وجهو وذاكرة رجعات لمو وباه و موتهم فنفس الاسبوع بسباب فقصتهم عليه ومع دالك رضاو عليه قبل مايموتو تفكر حيوية ونشاط ختو لي كانت ضحكتها تاتعمر دار كذالك حياتو مع لي ضحات معاه وباتت معاه فجوع و عگزات على عود صبر وماخلاتوش يطيح كانت ضهر للي ماليه ضهر كانت سندو فدنية تاوصل كيفاش عطاه خاطرو يلوحها ديك لوحة كأنه كان مسحور وتصرفاتو كانت بدون وعيي تال هاد دقيقة عاد وعا بيها بدون شعور تنهيدة طويلة خرجات من صدرو وتبعتها غصة و تنخصيصة وبقا بنفس الوضعية لمدة طويلة تاتهد و تسرح على برود الارض تايتمكن من داتو محاولا يطفي نار لي فسدرو بداك البرود لي فالارض
فكازا
درب سلطان
جالسة فسطح و تاتبكي وتندب وحداها صاحبتها :ودابا نتي مامتأكداش لاش غا داوية
وئام :هئ هئ انا ما داوياش انا حاسة ديك لهدرة مامنهاش غالبا الخطبة تاعو كون ماشي تاعو كان يقدر يدوي معايا وهو فيها كيما دار فتاع داك العام تاع ولد عمتو دابا لا
..را جاية ل 15 ريوم انا تانسيفط و هو تايقطع ولا جا يدوي معايا تايقولي جوج كلمات تايقطر عليا بيهم و يغبر تاني وانا والله تاحاسة ونتي راك كاتعرفيني انا شريفة وبميموني و احساسي ماتايخيبش
صاحبتها : واصافي اصاحبتي لا كانت شي حاجة را غا يقولها غا عرفي تدوي معاه لمهم (هزات شبكة لحوايج) انا نزلت را مي كاتغوت ليا
وئام تاتبكي: ياربي ياربي لا درت شي غالاط ما تخلصنيش عليه دابا ياربي سمح ليا انا لي درت علاقة حرام ياربي انا لي ماتانحشمش ياربي والله تاكانبغيه ياربي غير مايكونش هو لي دارها ورايا والله تانبقا نصلي حياتي كلها وعمري نقطع
قاطعها تيليفون لي فجنبها شافت سمية و جاوبات بزربة : هئ هئ سيف علاش ماكاتجاوبنيش علاش قاطع معايا الاتصال حرام علك كاتعدبني هكا
سيف :وئام خاص نگول ليك شي حاجة
يـــتـــبـــع.......
#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 36
جالس ومامرتاحش حجرة تقيلة على سدرو تكا محاول يرتاح بإينا و جه غايلعب على جوج وردات و حدة تنسيك فلخرى وتاوحدة مامقصرة من جيهتو وبين دوامة بينو وبين راسو غمض عينو محاول يتكونسونطرا و يحاول يخلي قلبو يخاطب عقلو ويعرف راسو شنو باغي و شكون لي تقدر تكمل معاه تفكير معمق و ديما نفس النتيجة كأي راجل ماباغيش لي دوز معاها لوقت و عطاتو وقتها وعاش معاها الحلوة والمرة بنت خيط هو وياها فزناقي مني يدخلو للمعقول من اول مضاربا تقوليه ردني لدار با مني يدخل معاها فحديت يلقا راسها خاوي ماقراتش و ما دارتش قيمة ومستقبال لراسها مابغاهاش كدابة كدبات على واليديها على قبلو بغا ديك لي ماشربات معاه تا كاس تاع القهوة
هز تيليفونو و دوز رقمها وجاوبات فلبلاصة كأنها فنتضار اتصالو وبصوت زعزعو نطقات تاتبكي: ياربي ياربي لا درت شي غالاط ما تخلصنيش عليه دابا ياربي سمح ليا انا لي درت علاقة حرام ياربي انا لي ماتانحشمش ياربي والله تاكانبغيه ياربي غير مايكونش هو لي دارها ورايا والله تانبقا نصلي حياتي كلها وعمري نقطع
قاطعها تيليفون لي فجنبها شافت سمية و جاوبات بزربة : هئ هئ سيف علاش ماكاتجاوبنيش علاش قاطع معايا الاتصال حرام علك كاتعدبني هكا
سيف :وئام خاص نگول ليك شي حاجة
وئام فشلات ونطقات بصوت منغناغ :عرسك ياك اسيف نتا لي غادي تتزوج غا قول ليا الحقيقة عافاك را نفسي واقفة غا كاتزيد تعدبني وتقهرني
سيف تايدوز صباعو على عيونو تخنق :سمحيلي ابنت ناس ماكتابيناش لبعضياتنا
وئام بشهقات متعالية :حرام علك شنو درت ليك حرام علك والله انا را كانبغيك و نموت علك علاش غادير فيا هادشي علاش فاش غلطت
سيف بحنق مخرج من شفايفو نار كامدة فجوفو :ما كانعرفهاش مادارتش معايا فزناقي لقيتها نقية نتي شفت فك لي بغيت نشوفو وسمعت ليبغيت نسمعو نتي توسختي اوئام توسختي واخا نبقا غا انا ونتي عمرك تكوني حلالي و مت ولادي
وئام:الله ياخد فك الحق
بدون شعور خبطات تيليفونها وناضت تاتشتف عليه وتاتنتف فراسها دموعها ويدان فوق خدودها و تندب : الله اربي الله واش انا ماعندي لي يحس بيا ياربي ياربي نموت ياربي ديني عندك و هنيني را هادشي كتير انا كانبغيه اربي علاش خليتي قلبي يبغيه مني مامكتبوش ليا يا ربي ديني عندك راه قلبي شاعلة فيه العافية .... شعرها گاع نتفاتو ووجها تقمش و عينيها حمارو تقنتات تاتبكي وشمس داربا فراسها
يـــتـــبـــع.......
لبنات القصة قريبا تكمل قريبة لأقصى درجة عافاكم محتاجة تعاليقكم 🤭💔