الزواج لمزروب (قصة مغربية مكتملة ...

لبارت 3

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 3

صباح جديد بشميسة مذهبة ومسربة خيوطها فداك رياض لكبييير فبيت من بيوتو ناعس نعسة تاع الميت فارد عضلاتو فوق سرير
ودخلات مرة كبيرة وبليغتها بطالون تاتسمع فرخام  حلات الباب وشراجم وتاتدوي بلكنة فاسية :ويني ويني ويني على لبهلـــول باإي ناعس نوض نوض المزغوب نوض باغي تطرطألي مرارتي نوض الزغبي .....(مشات جلسات حداه)....نوض الحبيب تاعي نوض نعاود لك الحبيبة تاعي وانأولك لإيت لك واحد لعروصة لالة لبنات مابشرت علك غزااالة تبارك الله وانوض كون مشيتي معايا كون شفتيها اسيف وا سيف نوض اوليدي شحال نعاسك تإيل
سيف بصوت نعسان :ولميمة خليني ننعس
زبيدة:نوض اسيدي نوار عيني نوض طرف وصلي صايبت لحبيبي شي فإيأصات لي تاتحبهم لمالح ولحلو نوض انا نزلت عند خوتك والعائلة را يماك جات  لاياكلولك حأك يالله

ناضت خرجات من البيت كان رياض بلدي بمتياز وبجليج صغير  فالحبوط و ساريات  الوانو لمخلطة وباين تاع جدود ...
طبلة دائرية كبييرة فوصط رياض حدا لخصة لي جات مربعة وكبيرة  گالسة العائلة تاتسناها تنزل

خديجة:ناض اخالتي
زبيدة نازلة فدروج و ميقات فيها:اممم كون فك الخير كون نضتي فيأتيه نتي نيت .. مرحبا مرحبا بضياف نبي مرحبا بولادي وحفادي
جلسات فالميدة تاترحب بولادها ليجاو يدوزو معاها صيف
ونزل سيف بفوقية بيضة وصندالة تاع صبع وريحتو و شعرو فازك واقف.

زبيدة :هاوليدي جا ... اجي الحبيب تاعي اجلس على قاعك هنا ونتي (لبنت بنتها)كحوز للكرسي لهيه خليلي وليدي يجاس هنا
لبنت تقرصات وكمداتها سيف ضحك وجلس وصبح عليهم كامملين وهز لعاصير يفطر

زبيدة :ايوا اش ماش نئوليكم واحد لخطوبة غزالة فرياض عائلة طالبي لئطت من بينهم عروسة لحبيبي سيف ايوا اش ألتي اولد عائلة اليوسفي مايدي غالي غير من مقامو
سيف : واخة دابا نشوفها ونقولك
زبيدة:لالالالا مانيش بهلا نعاود نخليك تشوفها أبل مانحكي مع ناس ديمة تاتأولبني اولد ولدي
سيف بنفي: ايوا ماغانتزوجش لاماشفتهاش
حداه بصوت خافت دوا ولد عمتو:ههه صافي غاتزوج غادخل للحبس تانتا يالمدلل تاع جداك
سيف: سد فمك اصاحبي وزايدون انديرلها خاطرها عاوتاني شي 3 ايام وتنسا
زبيدة : وا صافي انا ماش نعطيك فين خدامة اسيدي طبيبة على ما ألولي تاع نفوس ايوا ماش تكون عندها ديك 25 ولا 24ولا صغر  لبنت باأة لبيبة وماتخافشاي عندك فين تعض واحد لفيرما اش ماش نعاود لك طولة وزين والفورما وشعرها ماشتوش كانت عاملة زويف تاعها مي باين كي لكبة طويل
سيف تاياكل :صافي تانشوفها ونرض علك انا غادي خدام هاد لعشية فكازة انرجع سبت

يتبع غدا 💋.....
محتاجة تعليقاتكم اول الاحدات تمييز بين الاحفاد انا شخصيا فالمعانات معا عائيلتي كلها من ناحية تميز علاش الله واعلم